go aable haiñ paañv meñ phir bhī ai rahravo

manzil kī justujū hai to jaarī rahe safar

go aable hain panw mein phir bhi ai rahrawo

manzil ki justuju hai to jari rahe safar

jo kitāboñ meñ mil nahīñ saktī

dosto aisī dāstāñ haiñ ham

jo kitabon mein mil nahin sakti

dosto aisi dastan hain hum

gāhe-gāhe agar ḳhushī miltī

ġham kā itnā asar nahīñ hotā

gahe-gahe agar KHushi milti

gham ka itna asar nahin hota

zarā ye bhī to dekho hañsne vaalo

ki maiñ kitnī bulandī se girā huuñ

zara ye bhi to dekho hansne walo

ki main kitni bulandi se gira hun

jab aa.egā gulshan ko lahū dene kā mausam

do chaar qadam aage hī dīvāne mileñge

jab aaega gulshan ko lahu dene ka mausam

do chaar qadam aage hi diwane milenge

sūrat-e-ādmī se kyā lenā

sīrat-e-ādmī kī baat kareñ

surat-e-admi se kya lena

sirat-e-admi ki baat karen

kabhī kabhī jo baḌhā dard-e-dil to ġham kyuuñ ho

kabhī kabhī to masarrat bhī kam nahīñ hotī

kabhi kabhi jo baDha dard-e-dil to gham kyun ho

kabhi kabhi to masarrat bhi kam nahin hoti

ek lamha bhī nahīñ jin kā jafā se ḳhālī

vo bhī kis shaan se kahte haiñ vafā-dār haiñ ham

ek lamha bhi nahin jin ka jafa se KHali

wo bhi kis shan se kahte hain wafa-dar hain hum

sar-e-niyāz jhukāne se kuchh nahīñ hotā

ḳhulūs-e-dil na ho shāmil to bandagī kyā hai

sar-e-niyaz jhukane se kuchh nahin hota

KHulus-e-dil na ho shamil to bandagi kya hai

jabīn-e-shauq har ik dar pe ḳham nahīñ hotī

har ik zamīn zamīn-e-haram nahīñ hotī

jabin-e-shauq har ek dar pe KHam nahin hoti

har ek zamin zamin-e-haram nahin hoti

piye jaatā hai insāñ kā lahū tak

ye ahd-e-nau bahut pyāsā lage hai

piye jata hai insan ka lahu tak

ye ahd-e-nau bahut pyasa lage hai

vo mujhe zarra samajhte haiñ maiñ un ko āftāb

apnī apnī vus'at-e-fikr-o-nazar kī baat hai

wo mujhe zarra samajhte hain main un ko aaftab

apni apni wus'at-e-fikr-o-nazar ki baat hai