kis zarūrat ko dabā.ūñ kise puurā kar luuñ

apnī tanḳhvāh ka.ī baar ginī hai maiñ ne

kis zarurat ko dabaun kise pura kar lun

apni tanKHwah kai bar gini hai main ne

bahut saste meñ insāñ bik rahe haiñ

hamāre haañ to mahñgā.ī nahīñ hai

bahut saste mein insan bik rahe hain

hamare han to mahngai nahin hai

kam hī nahīñ hue tire baare meñ tabsire

gunjā.isheñ bahut haiñ tire ḳhadd-o-ḳhāl meñ

kam hi nahin hue tere bare mein tabsire

gunjaishen bahut hain tere KHadd-o-KHal mein

tumheñ bhī hai agar dā'vā vafā kā

to phir koī bhī harjā.ī nahīñ hai

tumhein bhi hai agar da'wa wafa ka

to phir koi bhi harjai nahin hai

ye saare hārne vaale bhī mere apne haiñ

kahīñ maiñ ro na paḌūñ tāliyāñ bajāte hue

ye sare haarne wale bhi mere apne hain

kahin main ro na paDun taliyan bajate hue