لفظ چھن جائیں مگر تحریر ہو روشن جہاں

ہونٹ ہوں خاموش لیکن گفتگو باقی رہے

ایک انگڑائی سے سارے شہر کو نیند آ گئی

یہ تماشا میں نے دیکھا بام پر ہوتا ہوا

رکھ دی ہے اس نے کھول کے خود جسم کی کتاب

سادہ ورق پہ لے کوئی منظر اتار دے

میں بھی تلاش آب ہوس میں نکلا ہوں

شور سنا تھا اک چشمے کے ابلنے کا

آئے گی ہر طرف سے ہوا دستکیں لیے

اونچا مکاں بنا کے بہت کھڑکیاں نہ رکھ

جی چاہتا ہے ہاتھ لگا کر بھی دیکھ لیں

اس کا بدن قبا ہے کہ اس کی قبا بدن

بہت لمبی مسافت ہے بدن کی

مسافر مبتدی تھکنے لگا ہے

کہیں ہیں ریختہ پنجاب میں نظرؔ صاحب

بقدر ذوق تم ان کی سنو ہوا سو ہوا

اسی کے ذکر سے ہم شہر میں ہوئے بد نام

وہ ایک شخص کہ جس سے ہماری بول نہ چال

دل تباہ کی ایذا پرستیاں معلوم

جو دسترس میں نہ ہو اس کی جستجو کرنا

ہو رہا ہے پس دیوار بھی کچھ

جانے کیا کرتا ہے کرنے والا