Shahbaz Khwaja's Photo'

Shahbaz Khwaja

England

safar ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

mujhe ye zid hai kabhī chāñd ko asiir karūñ

so ab ke jhiil meñ ik dā.era banānā hai

mujhe ye zid hai kabhi chand ko asir karun

so ab ke jhil mein ek daera banana hai

matā-e-jāñ haiñ mirī umr bhar hāsil haiñ

vo chand lamhe tire qurb meñ guzāre hue

mata-e-jaan hain meri umr bhar ka hasil hain

wo chand lamhe tere qurb mein guzare hue

ik aisā vaqt bhī sahrā meñ aane vaalā hai

ki rāsta yahāñ dariyā banāne vaalā hai

ek aisa waqt bhi sahra mein aane wala hai

ki rasta yahan dariya banane wala hai

kisī ne dekh liyā thā jo saath chalte hue

pahuñch ga.ī hai kahāñ jaane baat chalte hue

kisi ne dekh liya tha jo sath chalte hue

pahunch gai hai kahan jaane baat chalte hue

vo ek ki tire ġham meñ ik jahāñ ro.e

vo ek maiñ ki mirā koī rone vaalā nahīñ

wo ek tu ki tere gham mein ek jahan roe

wo ek main ki mera koi rone wala nahin

yuuñ to mumkin nahīñ dushman mire sar par pahuñche

pahre-dāroñ meñ koī aañkh jhapak jaatā hai

yun to mumkin nahin dushman mere sar par pahunche

pahre-daron mein koi aankh jhapak jata hai

kitne gulshan ki saje the mire iqrār ke naam

kitne ḳhanjar ki mirī ek nahīñ par chamke

kitne gulshan ki saje the mere iqrar ke nam

kitne KHanjar ki meri ek nahin par chamke