matā-e-jāñ haiñ mirī umr bhar kā hāsil haiñ

vo chand lamhe tire qurb meñ guzāre hue

mata-e-jaan hain meri umr bhar ka hasil hain

wo chand lamhe tere qurb mein guzare hue

safar kā ek nayā silsila banānā hai

ab āsmān talak rāsta banānā hai

safar ka ek naya silsila banana hai

ab aasman talak rasta banana hai

mujhe ye zid hai kabhī chāñd ko asiir karūñ

so ab ke jhiil meñ ik dā.era banānā hai

mujhe ye zid hai kabhi chand ko asir karun

so ab ke jhil mein ek daera banana hai

vo ek tū ki tire ġham meñ ik jahāñ ro.e

vo ek maiñ ki mirā koī rone vaalā nahīñ

wo ek tu ki tere gham mein ek jahan roe

wo ek main ki mera koi rone wala nahin

ik aisā vaqt bhī sahrā meñ aane vaalā hai

ki rāsta yahāñ dariyā banāne vaalā hai

ek aisa waqt bhi sahra mein aane wala hai

ki rasta yahan dariya banane wala hai