burīda-sar ko sajā de fasīl-e-neza par

darīda jism ko phir arsa-e-qitāl meñ rakh

burida-sar ko saja de fasil-e-neza par

darida jism ko phir arsa-e-qital mein rakh

havā kī Dor meñ TuuTe hue taare pirotī hai

ye tanhā.ī ajab laḌkī hai sannāTe meñ rotī hai

hawa ki Dor mein TuTe hue tare piroti hai

ye tanhai ajab laDki hai sannaTe mein roti hai

in dinoñ apnī bhī vahshat kā ajab aalam hai

ghar meñ ham dasht-o-bayābān uThā laa.e haiñ

in dinon apni bhi wahshat ka ajab aalam hai

ghar mein hum dasht-o-bayaban uTha lae hain

is ājizī se kiyā us ne mere sar kā savāl

ḳhud apne haath se talvār toḌ dī maiñ ne

is aajizi se kiya us ne mere sar ka sawal

KHud apne hath se talwar toD di main ne

tū mere saath nahīñ hai to sochtā huuñ maiñ

ki ab to tujh se bichhaḌne kā koī Dar bhī nahīñ

tu mere sath nahin hai to sochta hun main

ki ab to tujh se bichhaDne ka koi Dar bhi nahin