kār-e-duniyā ko bhī kār-e-ishq meñ shāmil samajh

is liye ai zindagī terī pata rakhtā huuñ maiñ

kar-e-duniya ko bhi kar-e-ishq mein shamil samajh

is liye ai zindagi teri pata rakhta hun main

kyā karūñ ai tishnagī terā mudāvā bas vo lab

jin laboñ ko chhū ke paanī aag bantā jaa.e hai

kya karun ai tishnagi tera mudawa bas wo lab

jin labon ko chhu ke pani aag banta jae hai

kyā kisī ummīd par phir se dar-e-dil vā karūñ

tujh se baḌh kar ḳhud batā merā shanāsā kaun thā

kya kisi ummid par phir se dar-e-dil wa karun

tujh se baDh kar KHud bata mera shanasa kaun tha

phir tujhe aur mujhe aur kahīñ jaanā hai

ham-safar saath to chal jitnī saḌak baaqī hai

phir tujhe aur mujhe aur kahin jaana hai

ham-safar sath to chal jitni saDak baqi hai

yahāñ pe kuchh bhī nahīñ hai baaqī tū aks apnā talāsh mat kar

mirī nigāhoñ ke aa.ine ab ġhubār-e-furqat se aT ga.e haiñ

yahan pe kuchh bhi nahin hai baqi tu aks apna talash mat kar

meri nigahon ke aaine ab ghubar-e-furqat se aT gae hain