jañgal meñ ga.e gulshan meñ ga.e bastī meñ ga.e sahrā meñ ga.e

har tarah se bahlāyā dil ko par dil kā dhḌaknā kam na huā

jangal mein gae gulshan mein gae basti mein gae sahra mein gae

har tarah se bahlaya dil ko par dil ka dhDakna kam na hua

siina figār chāk-garebāñ kafan-ba-dosh

aa.e haiñ terī bazm meñ is bāñkpan se ham

sina figar chaak-gareban kafan-ba-dosh

aae hain teri bazm mein is bankpan se hum

'suhail' un dostoñ kā jī lage kis tarah college meñ

jo dars-e-shauq lete haiñ kitāb-e-rū-e-jānāñ se

'suhail' un doston ka ji lage kis tarah college mein

jo dars-e-shauq lete hain kitab-e-ru-e-jaanan se

vo lamha ziist kā la.anat hai aadmī ke liye

jhuke jo sar kahīñ iz.hār-e-bandagī ke liye

wo lamha zist ka lanat hai aadmi ke liye

jhuke jo sar kahin izhaar-e-bandagi ke liye

vo rāteñ kaif meñ Duubī vo terī pyaar kī bāteñ

nikal paḌte haiñ aañsū jab kabhī ham yaad karte haiñ

wo raaten kaif mein Dubi wo teri pyar ki baaten

nikal paDte hain aansu jab kabhi hum yaad karte hain