ruḳh-e-‘ālam ko pesh-o-pas na kar deñ ye junūñ-pesha

ḳhudā ne aadmī ko vaqfe vaqfe se pukārā hai

ruKH-e-‘alam ko pesh-o-pas na kar den ye junun-pesha

KHuda ne aadmi ko waqfe waqfe se pukara hai

ruḳh-e-‘ālam ko pesh-o-pas na kar deñ ye junūñ-pesha

ḳhudā ne aadmī ko vaqfe vaqfe se pukārā hai

ruKH-e-‘alam ko pesh-o-pas na kar den ye junun-pesha

KHuda ne aadmi ko waqfe waqfe se pukara hai

vīrān tū ne kar diyā ghar-bār ehtiyāt

maiñ ne kahā bhī thā ki mire yaar ehtiyāt

viran tu ne kar diya ghar-bar ehtiyat

main ne kaha bhi tha ki mere yar ehtiyat

thoḌī thoḌī hameñ mohabbat thī

aur baaqī havas se kaam liyā

thoDi thoDi hamein mohabbat thi

aur baqi hawas se kaam liya

kyā huā husn-e-jāvedāñ ko tire

tū to mujh se bichhaḌ ke ḳhush thī bahut

kya hua husn-e-jawedan ko tere

tu to mujh se bichhaD ke KHush thi bahut

uksā rahā hai tark-e-ta'alluq pe dil mujhe

jitnā bhī jaldī ho sake ai dost mil mujhe

uksa raha hai tark-e-ta'alluq pe dil mujhe

jitna bhi jaldi ho sake ai dost mil mujhe

gale se lag zabāñ ko chhū koī ḳhvāhish bhī puurī kar

dilāsoñ se kahāñ ġham kī fazā tabdīl hotī hai

gale se lag zaban ko chhu koi KHwahish bhi puri kar

dilason se kahan gham ki faza tabdil hoti hai

hamārī nekiyāñ dariyā kā peT bhartī haiñ

koī sila nahīñ milnā kisī ko dekhnā tum

hamari nekiyan dariya ka peT bharti hain

koi sila nahin milna kisi ko dekhna tum

apnī tasvīr chuum lī us ne

phuul par phuul khil gayā jaise

apni taswir chum li us ne

phul par phul khil gaya jaise

vo din kahāñ ga.e jab tū ḳhudā banā huā thā

ai bebasī meñ ḳhudā ko pukārne vaale

wo din kahan gae jab tu KHuda bana hua tha

ai bebasi mein KHuda ko pukarne wale

nizām-e-zindagī bilkul alag tashkīl hotā hai

ḳhalā meñ raushnī kā zā.iqa tabdīl hotā hai

nizam-e-zindagi bilkul alag tashkil hota hai

KHala mein raushni ka zaiqa tabdil hota hai

baiThā huā huuñ tere barābar maiñ is liye

terī chamak se mere sitāre chamak uTheñ

baiTha hua hun tere barabar main is liye

teri chamak se mere sitare chamak uThen

maiñ naqsh-e-pā sahī mirī apnī saḌak to hai

markaz se chāhe duur huuñ mujh meñ chamak to hai

main naqsh-e-pa sahi meri apni saDak to hai

markaz se chahe dur hun mujh mein chamak to hai

bikhregā kitnī der meñ shīrāza-e-hayāt

āb-o-havā se ho gayā andāza-e-hayāt

bikhrega kitni der mein shiraaza-e-hayat

aab-o-hawa se ho gaya andaza-e-hayat

'umr guzrī magar mohabbat meñ

ek lamha bhī yādgār nahīñ

'umr guzri magar mohabbat mein

ek lamha bhi yaadgar nahin

jahān-e-ḳhair-o-shar meñ tajraba kaisā rahā apnā

ḳhudā se guftugū hogī diloñ ke raaz kholeñge

jahan-e-KHair-o-shar mein tajraba kaisa raha apna

KHuda se guftugu hogi dilon ke raaz kholenge

terī nazar se dekheñ to duniyā hasīn hai

lekin hameñ nazar bhī to aa.e tirī tarah

teri nazar se dekhen to duniya hasin hai

lekin hamein nazar bhi to aae teri tarah

ruḳh-e-'ālam ko pesh-o-pas na kar deñ ye junūñ-pesha

ḳhudā ne aadmī ko vaqfe-vaqfe se pukārā hai

ruKH-e-'alam ko pesh-o-pas na kar den ye junun-pesha

KHuda ne aadmi ko waqfe-waqfe se pukara hai

rumūz-e-vaqt kī pahlī class meñ bhī mirā

tamām dhyān thā sarkārī naukrī kī taraf

rumuz-e-waqt ki pahli class mein bhi mera

tamam dhyan tha sarkari naukri ki taraf

bāñjh-pan kā sila milā us ko

'umr bhar husn barqarār rahā

banjh-pan ka sila mila us ko

'umr bhar husn barqarar raha

ye hunar ḳhud kamāyā jaatā hai

'āshiqī ḳhuun meñ nahīñ hotī

ye hunar KHud kamaya jata hai

'ashiqi KHun mein nahin hoti

saare raushan-ḳhayāl baiThe haiñ

maz.habī aadmī kā kyā hogā

sare raushan-KHayal baiThe hain

mazhabi aadmi ka kya hoga

khurach kar sīna-e-mulhid sabhī hairān haiñ 'tauhīd'

ḳhudā ābād hai ik kūcha-e-vīrān ke nazdīk

khurach kar sina-e-mulhid sabhi hairan hain 'tauhid'

KHuda aabaad hai ek kucha-e-viran ke nazdik

kisī badan kī sair ke junūn meñ ġhazal huī

na koī shor thā na shar sukūn meñ ġhazal huī

kisi badan ki sair ke junun mein ghazal hui

na koi shor tha na shar sukun mein ghazal hui

ab is tark-e-ta'alluq par kisī ko kyā dalā.el deñ

ye chādar jab rafū hogī diloñ ke raaz kholeñge

ab is tark-e-ta'alluq par kisi ko kya dalael den

ye chadar jab rafu hogi dilon ke raaz kholenge

hai.at se māvarā hai lisānī jamāliyāt

paanī kā asl zā.iqa zer-e-namak to hai

haiat se mawara hai lisani jamaliyat

pani ka asl zaiqa zer-e-namak to hai

thoḌī thoḌī hameñ mohabbat thī

aur baaqī havas se kaam liyā

thoDi thoDi hamein mohabbat thi

aur baqi hawas se kaam liya

saare raushan ḳhayāl baiThe haiñ

maz.habī aadmī kā kyā hogā

sare raushan KHayal baiThe hain

mazhabi aadmi ka kya hoga

shu'ūrī tajrabe se din guzārne vaale

'ajīb log haiñ naqleñ utārne vaale

shu'uri tajrabe se din guzarne wale

'ajib log hain naqlen utarne wale

maiñ naqsh-e-pā sahī mirī apnī saḌak to hai

markaz se chāhe duur hoñ mujh meñ chamak to hai

main naqsh-e-pa sahi meri apni saDak to hai

markaz se chahe dur hon mujh mein chamak to hai

dekhiye merī 'umr hī kyā hai

un kī ḳhush-bū se maiñ javān huā

dekhiye meri 'umr hi kya hai

un ki KHush-bu se main jawan hua

kisī mushkil ghaḌī meñ ham tumhārā saath chhoḌeñge

tumheñ mā'lūm ho jaa.e bashar kyā hai ḳhudā kyā hai

kisi mushkil ghaDi mein hum tumhaara sath chhoDenge

tumhein ma'lum ho jae bashar kya hai KHuda kya hai

dhokā khāne pe ro paḌā hogā

ye koī 'ishq meñ nayā hogā

dhoka khane pe ro paDa hoga

ye koi 'ishq mein naya hoga

ham jo iz.hār nahīñ karte to is kā matlab

tū samajhtā hai pareshān nahīñ hote haiñ

hum jo izhaar nahin karte to is ka matlab

tu samajhta hai pareshan nahin hote hain

daftar-e-husn khole baiThe haiñ

'āshiqī rozgār hai un kā

daftar-e-husn khole baiThe hain

'ashiqi rozgar hai un ka

ek hī din milā mohabbat ko

saal bhar kī thakan utārī ga.ī

ek hi din mila mohabbat ko

sal bhar ki thakan utari gai