توحید زیب کا تعارف
پیدائش : 16 Apr 1997 | رحیم یار خان, پنجاب
رخ عالم کو پیش و پس نہ کر دیں یہ جنوں پیشہ
خدا نے آدمی کو وقفے وقفے سے پکارا ہے
توحید زیب، جن کا اصل نام شاہ زیب نازک ہے، 16 اپریل 1997 کو پاکستان کے صوبہ پنجاب کے ضلع رحیم یار خان کی تحصیل لیاقت پور کے موضع ترنڈہ میر خان میں پیدا ہوئے۔ ابتدائی تعلیم یہیں سے حاصل کی اور ایم ایس سی باٹنی گورنمنٹ صادق ایجرٹن کالج، بہاولپور سے مکمل کی۔
توحید زیب کی غزل میں غیر روایتی الفاظ کا تخلیقی استعمال، معاصر عالمی صورتِ حال کا ادراک، اظہار کا بے ساختہ پن اور بالخصوص غزلوں کے مطلعے اُن کے تخلیقی اضطراب، بے چینی، جستجو اور روایتی سانچوں سے عدم اطمینان کا پتا دیتے ہیں۔ یہی عدم اطمینان اُن کی نظموں میں راست طرزِ اظہار کا سبب بھی بنتا ہے۔ ان کی طویل نظم ”بختاور“ اور دیگر کئی نظمیں، رومانی فضا رکھنے کے باوجود محض رومانی نہیں ہیں۔ ممکن ہے یہ کسی ذاتی تجربے کی بازگشت ہوں، لیکن اپنے تخلیقی رنگ میں اجتماعی انسانی تجربے سے ہم آہنگ ہو گئی ہیں۔
توحید زیب کی غزل میں غیر روایتی الفاظ کا تخلیقی استعمال، معاصر عالمی صورتِ حال کا ادراک، اظہار کا بے ساختہ پن اور بالخصوص غزلوں کے مطلعے اُن کے تخلیقی اضطراب، بے چینی، جستجو اور روایتی سانچوں سے عدم اطمینان کا پتا دیتے ہیں۔ یہی عدم اطمینان اُن کی نظموں میں راست طرزِ اظہار کا سبب بھی بنتا ہے۔ ان کی طویل نظم ”بختاور“ اور دیگر کئی نظمیں، رومانی فضا رکھنے کے باوجود محض رومانی نہیں ہیں۔ ممکن ہے یہ کسی ذاتی تجربے کی بازگشت ہوں، لیکن اپنے تخلیقی رنگ میں اجتماعی انسانی تجربے سے ہم آہنگ ہو گئی ہیں۔
