نیا نیا ہے سو کہہ لو اسے اکیلا پن

پھر اس مرض کے کئی اور نام آئیں گے

نئی نہیں ہے یہ تنہائی میرے حجرے کی

مرض ہو کوئی بھی ہے چارہ گر سے ڈر جانا

اک محبت بھرے سنیما میں

میرے مرنے کا سین میرے خواب

دشت کی ناتمام راہوں پر

کوئی ساتھی ہے تو شجر تنہا

میں بہت دور سے آیا ہوں اک امید لئے

بیٹھنے مت دو مگر نام تو بتلانے دو

عرشؔ بہاروں میں بھی آیا ایک نظارہ پت جھڑ کا

سبز شجر کے سبز تنے پر اک سوکھی سی ڈالی تھی

یہ بحث چھوڑ کے کتنی حسین ہے دنیا

تو یہ بتا کہ تیرا دل کہیں لگا کہ نہیں

کیوں نہ تشبیہ پھول ہو اس کی

وہ جو خوشبو سا داستان میں ہے

اے زندگی کبھی انکار کا سبب بھی سن

میں تھک گیا ہوں تیری ہاں میں ہاں ملاتے ہوئے