Wasi Shah's Photo'

Wasi Shah

1976 | Lahore, Pakistan

tumhārā naam likhne ijāzat chhin ga.ī jab se

koī bhī lafz likhtā huuñ to āñkheñ bhiig jaatī haiñ

tumhaara nam likhne ki ijazat chhin gai jab se

koi bhi lafz likhta hun to aankhen bhig jati hain

is judā.ī meñ tum andar se bikhar jāoge

kisī ma.azūr ko dekhoge to yaad ā.ūñgā

is judai mein tum andar se bikhar jaoge

kisi mazur ko dekhoge to yaad aaunga

jo nahīñ hai to ye mukammal na ho sakeñgī

tirī yahī ahmiyat hai merī kahāniyoñ meñ

jo tu nahin hai to ye mukammal na ho sakengi

teri yahi ahmiyat hai meri kahaniyon mein

kaun kahtā hai mulāqāt mirī aaj hai

mirī ruuh ke andar hai ka.ī sadiyoñ se

kaun kahta hai mulaqat meri aaj ki hai

tu meri ruh ke andar hai kai sadiyon se

jaise ho umr bhar asāsa ġharīb

kuchh is tarah se maiñ ne sambhāle tumhāre ḳhat

jaise ho umr bhar ka asasa gharib ka

kuchh is tarah se main ne sambhaale tumhaare KHat

hazāroñ mausamoñ hukmarānī hai mire dil par

'vasī' maiñ jab bhī hañstā huuñ to āñkheñ bhiig jaatī haiñ

hazaron mausamon ki hukmarani hai mere dil par

'wasi' main jab bhi hansta hun to aankhen bhig jati hain

har ek mausam meñ raushnī bikherte haiñ

tumhāre ġham ke charāġh merī udāsiyoñ meñ

har ek mausam mein raushni si bikherte hain

tumhaare gham ke charagh meri udasiyon mein

mujhe ḳhabar thī ki ab lauT kar na ā.ūñgā

so tujh ko yaad kiyā dil pe vaar karte hue

mujhe KHabar thi ki ab lauT kar na aaunga

so tujh ko yaad kiya dil pe war karte hue

har ik muflis ke māthe par alam dāstāneñ haiñ

koī chehra bhī paḌhtā huuñ to āñkheñ bhiig jaatī haiñ

har ek muflis ke mathe par alam ki dastanen hain

koi chehra bhi paDhta hun to aankhen bhig jati hain

zindagī ab ke mirā naam na shāmil karnā

gar ye tai hai ki yahī khel dobāra hogā

zindagi ab ke mera nam na shamil karna

gar ye tai hai ki yahi khel dobara hoga

muddatoñ us ḳhvāhish se chalte rahe haath aatā nahīñ

chaah meñ us pairoñ meñ haiñ aable chāñd ko kyā ḳhabar

muddaton us ki KHwahish se chalte rahe hath aata nahin

chah mein us ki pairon mein hain aable chand ko kya KHabar

pahle tujhe banāyā banā kar miTā diyā

jitne bhī faisle kiye saare ġhalat kiye

pahle tujhe banaya bana kar miTa diya

jitne bhi faisle kiye sare ghalat kiye

na tumheñ hosh rahe aur na mujhe hosh rahe

is qadar TuuT ke chāho mujhe pāgal kar do

na tumhein hosh rahe aur na mujhe hosh rahe

is qadar TuT ke chaho mujhe pagal kar do

gar sukūñ chāhiye is lamha-e-maujūd meñ bhī

aao is lamha-e-maujūd se bāhar nikleñ

gar sukun chahiye is lamha-e-maujud mein bhi

aao is lamha-e-maujud se bahar niklen