درخت کرتے نہیں اس لئے امید وفا

وہ جانتے ہیں پرندوں کے پر نکلتے ہیں

موسم یاد یوں عجلت میں نہ وارے جائیں

ہم وہ لمحے ہیں جو فرصت سے گزارے جائیں

میں ہار جاتا ہوں ان دو اداس آنکھوں سے

مجھے سفر کا ارادہ بدلنا پڑتا ہے

تمہارا کیا گیا گر تھوڑا سا قرار گیا

یہ دکھ تو میرا ہے اے دل مرا تو یار گیا

میں اس کے عشق نہیں حوصلہ کا قائل ہوں

سیاہ شب تھا میں پھر بھی مجھے گزار گیا

تمام نیکیاں مل کر مجھے بچا نہ سکیں

بس اک گناہ اکیلا ہی مجھ کو مار گیا

ہمیں بجھاتے ہیں لو پہلے سب چراغوں کی

پھر ان چراغوں کے حصے کا جلنا پڑتا ہے