Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "late.n"

تمام

شاعر/مصنف/ فن کار

لیٹ پروبستھین اینڈ کو۔، لندن

لیٹ پروبستھین اینڈ کو۔، لندن

ناشر

انتہائی متعلقہ نتائج "late.n"

غزل

جھوم کر آج یہ شب رنگ لٹیں بکھرا دے
دیکھ برسات بڑی دیر کے بعد آئی ہے

سیف الدین سیف
غزل

تمام رات تھی اور کہنیاں و لاتیں تھیں
نہ سونے دیتا تھا مجھ کو نہ آپ سوتا تھا

نظیر اکبرآبادی
نظم

آدھی رات

۱
سیاہ پیڑ ہیں اب آپ اپنی پرچھائیں
زمیں سے تا مہ و انجم سکوت کے مینار
جدھر نگاہ کریں اک اتھاہ گم شدگی
اک ایک کر کے فسردہ چراغوں کی پلکیں
جھپک گئیں جو کھلی ہیں جھپکنے والی ہیں
جھلک رہا ہے پڑا چاندنی کے درپن میں
رسیلے کیف بھرے منظروں کا جاگتا خواب
فلک پہ تاروں کو پہلی جماہیاں آئیں
۲
تمولیوں کی دوکانیں کہیں کہیں ہیں کھلی
کچھ اونگھتی ہوئی بڑھتی ہیں شاہراہوں پر
سواریوں کے بڑے گھنگھروؤں کی جھنکاریں
کھڑا ہے اوس میں چپ چاپ ہر سنگار کا پیڑ
دلہن ہو جیسے حیا کی سگندھ سے بوجھل
یہ موج نور یہ بھرپور یہ کھلی ہوئی رات
کہ جیسے کھلتا چلا جائے اک سفید کنول
سپاہ روس ہے اب کتنی دور برلن سے
جگا رہا ہے کوئی آدھی رات کا جادو
چھلک رہی ہے خم غیب سے شراب وجود
فضائے نیم شبی نرگس خمار آلود
کنول کی چٹکیوں میں بند ہے ندی کا سہاگ
۳
یہ رس کا سیج یہ سکمار یہ سکومل گات
نین کمل کی جھپک کام روپ کا جادو
یہ رسمسائی پلک کی گھنی گھنی پرچھائیں
فلک پہ بکھرے ہوئے چاند اور ستاروں کی
چمکتی انگلیوں سے چھڑ کے ساز فطرت کے
ترانے جاگنے والے ہیں تم بھی جاگ اٹھو
۴
شعاع مہر نے یوں ان کو چوم چوم لیا
ندی کے بیچ کمدنی کے پھول کھل اٹھے
نہ مفلسی ہو تو کتنی حسین ہے دنیا
یہ جھائیں جھائیں سی رہ رہ کے ایک جھینگر کی
حنا کی ٹیٹو میں نرم سرسراہٹ سی
فضا کے سینے میں خاموش سنسناہٹ سی
یہ کائنات اب اک نیند لے چکی ہوگی
۵
یہ محو خواب ہیں رنگین مچھلیاں تہہ آب
کہ حوض صحن میں اب ان کی چشمکیں بھی نہیں
یہ سرنگوں ہیں سر شاخ پھول گڑہل کے
کہ جیسے بے بجھے انگارے ٹھنڈے پڑ جائیں
یہ چاندنی ہے کہ امڈا ہوا ہے رس ساگر
اک آدمی ہے کہ اتنا دکھی ہے دنیا میں
۶
قریب چاند کے منڈلا رہی ہے اک چڑیا
بھنور میں نور کے کروٹ سے جیسے ناؤ چلے
کہ جیسے سینۂ شاعر میں کوئی خواب پلے
وہ خواب سانچے میں جس کے نئی حیات ڈھلے
وہ خواب جس سے پرانا نظام غم بدلے
کہاں سے آتی ہے مدمالتی لتا کی لپٹ
کہ جیسے سیکڑوں پریاں گلابیاں چھڑکائیں
کہ جیسے سیکڑوں بن دیویوں نے جھولے پر
ادائے خاص سے اک ساتھ بال کھول دیئے
لگے ہیں کان ستاروں کے جس کی آہٹ پر
اس انقلاب کی کوئی خبر نہیں آتی
دل نجوم دھڑکتے ہیں کان بجتے ہیں
۷
یہ سانس لیتی ہوئی کائنات یہ شب ماہ
یہ پر سکوں یہ پراسرار یہ اداس سماں
یہ نرم نرم ہواؤں کے نیلگوں جھونکے
فضا کی اوٹ میں مردوں کی گنگناہٹ ہے
یہ رات موت کی بے رنگ مسکراہٹ ہے
دھواں دھواں سے مناظر تمام نم دیدہ
خنک دھندلکے کی آنکھیں بھی نیم خوابیدہ
ستارے ہیں کہ جہاں پر ہے آنسوؤں کا کفن
حیات پردۂ شب میں بدلتی ہے پہلو
کچھ اور جاگ اٹھا آدھی رات کا جادو
زمانہ کتنا لڑائی کو رہ گیا ہوگا
مرے خیال میں اب ایک بج رہا ہوگا
۸
گلوں نے چادر شبنم میں منہ لپیٹ لیا
لبوں پہ سو گئی کلیوں کی مسکراہٹ بھی
ذرا بھی سنبل ترکی لٹیں نہیں ہلتیں
سکوت نیم شبی کی حدیں نہیں ملتیں
اب انقلاب میں شاید زیادہ دیر نہیں
گزر رہے ہیں کئی کارواں دھندلکے میں
سکوت نیم شبی ہے انہیں کے پاؤں کی چاپ
کچھ اور جاگ اٹھا آدھی رات کا جادو
۹
نئی زمین نیا آسماں نئی دنیا
نئے ستارے نئی گردشیں نئے دن رات
زمیں سے تا بہ فلک انتظار کا عالم
فضائے زرد میں دھندلے غبار کا عالم
حیات موت نما انتشار کا عالم
ہے موج دود کہ دھندلی فضا کی نبضیں ہیں
تمام خستگی و ماندگی یہ دور حیات
تھکے تھکے سے یہ تارے تھکی تھکی سی یہ رات
یہ سرد سرد یہ بے جان پھیکی پھیکی چمک
نظام ثانیہ کی موت کا پسینا ہے
خود اپنے آپ میں یہ کائنات ڈوب گئی
خود اپنی کوکھ سے پھر جگمگا کے ابھرے گی
بدل کے کیچلی جس طرح ناگ لہرائے
۱۰
خنک فضاؤں میں رقصاں ہیں چاند کی کرنیں
کہ آبگینوں پہ پڑتی ہے نرم نرم پھوار
یہ موج غفلت معصوم یہ خمار بدن
یہ سانس نیند میں ڈوبی یہ آنکھ مدماتی
اب آؤ میرے کلیجے سے لگ کے سو جاؤ
یہ پلکیں بند کرو اور مجھ میں کھو جاؤ

فراق گورکھپوری
غزل

کشمیر سی جاگہ میں نا شکر نہ رہ زاہد
جنت میں تو اے گیدی مارے ہے یہ کیوں لاتیں

محمد رفیع سودا
نظم

جاڑے کی بہاریں

جب ماہ اگھن کا ڈھلتا ہو تب دیکھ بہاریں جاڑے کی
اور ہنس ہنس پوس سنبھلتا ہو تب دیکھ بہاریں جاڑے کی
دن جلدی جلدی چلتا ہو تب دیکھ بہاریں جاڑے کی
اور پالا برف پگھلتا ہو تب دیکھ بہاریں جاڑے کی
چلا غم ٹھونک اچھلتا ہو تب دیکھ بہاریں جاڑے کی
تن ٹھوکر مار پچھاڑا ہو اور دل سے ہوتی ہو کشتی سی
تھر تھر کا زور اکھاڑا ہو بجتی ہو سب کی بتیسی
ہو شور پھپو ہو ہو کا اور دھوم ہو سی سی سی سی کی
کلے پہ کلا لگ لگ کر چلتی ہو منہ میں چکی سی
ہر دانت چنے سے دلتا ہو تب دیکھ بہاریں جاڑے کی
ہر ایک مکاں میں سردی نے آ باندھ دیا ہو یہ چکر
جو ہر دم کپ کپ ہوتی ہو ہر آن کڑاکڑ اور تھر تھر
پیٹھی ہو سردی رگ رگ میں اور برف پگھلتا ہو پتھر
جھڑ باندھ مہاوٹ پڑتی ہو اور تس پر لہریں لے لے کر
سناٹا باؤ کا چلتا ہو تب دیکھ بہاریں جاڑے کی
ہر چار طرف سے سردی ہو اور صحن کھلا ہو کوٹھے کا
اور تن میں نیمہ شبنم کا ہو جس میں خس کا عطر لگا
چھڑکاؤ ہوا ہو پانی کا اور خوب پلنگ بھی ہو بھیگا
ہاتھوں میں پیالہ شربت کا ہو آگے اک فراش کھڑا
فراش بھی پنکھا جھلتا ہو تب دیکھ بہاریں جاڑے کی
جب ایسی سردی ہو اے دل تب روز مزے کی گھاتیں ہوں
کچھ نرم بچھونے مخمل کے کچھ عیش کی لمبی راتیں ہوں
محبوب گلے سے لپٹا ہو اور کہنی، چٹکی، لاتیں ہوں
کچھ بوسے ملتے جاتے ہوں کچھ میٹھی میٹھی باتیں ہوں
دل عیش وطرب میں پلتا ہو تب دیکھ بہاریں جاڑے کی
ہو فرش بچھا غالیچوں کا اور پردے چھوٹے ہوں آ کر
اک گرم انگیٹھی جلتی ہو اور شمع ہو روشن اور تس پر
وہ دلبر، شوخ، پری، چنچل، ہے دھوم مچی جس کی گھر گھر
ریشم کی نرم نہالی پر سو ناز و ادا سے ہنس ہنس کر
پہلو کے بیچ مچلتا ہو تب دیکھ بہاریں جاڑے کی
ترکیب بنی ہو مجلس کی اور کافر ناچنے والے ہوں
منہ ان کے چاند کے ٹکڑے ہوں تن ان کے روئی کے گالے ہوں
پوشاکیں نازک رنگوں کی اور اوڑھے شال دو شالے ہوں
کچھ ناچ اور رنگ کی دھومیں ہوں عیش میں ہم متوالے ہوں
پیالے پر پیالہ چلتا ہو تب دیکھ بہاریں جاڑے کی
ہر ایک مکاں ہو خلوت کا اور عیش کی سب تیاری ہو
وہ جان کہ جس سے جی غش ہو سو ناز سے آ جھنکاری ہو
دل دیکھ نظیرؔ اس کی چھب کو ہر آن ادا پر واری ہو
سب عیش مہیا ہو آ کر جس جس ارمان کی باری ہو
جب سب ارمان نکلتا ہو تب دیکھ بہاریں جاڑے کی

نظیر اکبرآبادی

صفحہ کے متعلقہ نتیجہ "late.n"

ٹاپ ٢٠

مبارک عظیم آبادی کے 20 منتخب اشعار

بہار کے ممتاز مابعد کلاسیکی شاعر
تمام

لغت سے متعلق نتائج

ریختہ لغت

laate.n

लातेंلاتیں

لات کی جمع، تراکیب میں مستعمل، ٹان٘گیں

baate.n

बातेंباتیں

بات (رک) کی جمع مغیرہ حالت میں.

late

latelate

کاہِل

labe.n

लबेंلَبیں

دونوں ہونٹ، جیسے لبیں بند ہونا

تمام

کتاب کے متعلقہ نتیجہ "late.n"

مرے ہوئے آدمی کی لالٹین

صدیق عالم

افسانہ

لالٹین

محمد خالد اختر

چور لالٹین

سید نظیر حسن سخا دہلوی

اسلامیات

چھوٹی لالٹین

مشتاق احمد علیگ

افسانہ

ستارے توڑ لاتے ہیں

فیروز ناطق خسرو

نظم

دی لیٹ رولر آف رامپور

مزید نتائج "late.n"

گیت

آج کیوں ہم سے پردہ ہے
تیرا ہر رنگ ہم نے دیکھا ہے
تیرا ہر ڈھنگ ہم نے دیکھا ہے
ہاتھ کھیلے ہیں تیری زلفوں سے
آنکھ واقف ہے تیرے جلووں سے
تجھ کو ہر طرح آزمایا ہے
پا کے کھویا ہے کھو کے پایا ہے
انکھڑیوں کا بیاں سمجھتے ہیں
دھڑکنوں کی زباں سمجھتے ہیں
چوڑیوں کی کھنک سے واقف ہیں
چھاگلوں کی چھنک سے واقف ہیں
ناز و انداز جانتے ہیں ہم
تیرا ہر راز جانتے ہیں ہم
آج کیوں ہم سے پردہ ہے
منہ چھپانے سے فائدہ کیا ہے
دل دکھانے سے فائدہ کیا ہے
الجھی الجھی لٹیں سنوار کے آ
حسن کو اور بھی نکھار کے آ
نرم گالوں میں بجلیاں لے کر
شوخ آنکھوں میں تتلیاں لے کر
آ بھی جا اب ادا سے لہراتی
ایک دلہن کی طرح شرماتی
تو نہیں ہے تو رات سونی ہے
عشق کی کائنات سونی ہے
مرنے والوں کی زندگی تو ہے
اس اندھیرے کی روشنی تو ہے
آج کیوں ہم سے پردہ ہے
آ ترا انتظار کب سے ہے
ہر نظر بے قرار کب سے ہے
شمع رہ رہ کے جھلملاتی ہے
سانس تاروں کی ڈوبی جاتی ہے
تو اگر مہربان ہو جائے
ہر تمنا جوان ہو جائے
آ بھی جا اب کہ رات جاتی ہے
ایک عاشق کی بات جاتی ہے
خیر ہو تیری زندگانی کی
بھیک دے دے ہمیں جوانی کی
تجھ پہ سو جان سے فدا ہیں ہم
ایک مدت کے آشنا ہیں ہم
آج کیوں ہم سے پردہ ہے

ساحر لدھیانوی
مزاحیہ

تصویر بنی جاتی ہے اک ناز و ادا سے
پانی ہوئی جاتی ہے کوئی شرم و حیا سے
ریشم سی لٹیں رخ پہ الجھتی ہیں ہوا سے
بڈھے بھی دعا کرتے ہیں جینے کی خدا سے
معشوق کوئی رنگ جو چہرے پہ لگا دے
ہم کیا ہیں فرشتے کو بھی انسان بنا دے

ساغر خیامی
نظم

چہرہ تیرا

نکہت گیسو کو تیری نکہت سنبل لکھوں
تیرے نرم و نازک ان ہونٹوں کو برگ گل لکھوں
آرزو پر یہ عرق لگتا ہے شبنم کی طرح
اور سنی اس میں لٹیں لگتی ہے ریشم کی طرح
جیسے کوئی گلشن شاداب ہے چہرہ ترا
کیا کہوں بس منظر نایاب ہے چہرہ ترا

جے راج سنگھ جھالا
رباعی

آنکھیں ہیں کہ پیغام محبت والے
بکھری ہیں لٹیں کہ نیند میں ہیں کالے
پہلو سے لگا ہوا ہرن کا بچہ
کس پیار سے ہے بغل میں گردن ڈالے

فراق گورکھپوری
نظم

ایک شام

ندی کے لرزتے ہوئے پانیوں پر
تھرکتی ہوئی شوخ کرنوں نے چنگاریاں گھول دی ہیں
تھکی دھوپ نے آ کے لہروں کی پھیلی ہوئی ننگی بانہوں پہ اپنی لٹیں کھول دی ہیں
یہ جوئے رواں ہے
کہ بہتے ہوئے پھول ہیں جن کی خوشبوئیں گیتوں کی سسکاریاں ہیں
یہ پگھلے ہوئے زرد تانبے کی چادر پہ الجھی ہوئی سلوٹیں ہیں
کہ زنجیر ہائے رواں ہیں
بس اک شور طوفاں
کنارا نہ ساحل
نگاہوں کی حد تک
سلاسل سلاسل
کہ جن کو اٹھائے ہوئے ڈولتی پنکھڑیوں کے سفینے بہے جا رہے ہیں
بہے جا رہے ہیں
کہیں دور ان گھور اندھیروں میں جو فاصلوں کی ردائیں لپیٹے کھڑے ہیں
جہاں پر ابد کا کنارا ہے اور اک وہ گاؤں
وہ گنے کے کیاروں پہ آتی ہوئی ڈاک گاڑی کے بھورے دھوئیں کی چھچھلتی سی چھاؤں

مجید امجد
نظم

کیا وہیں ملو گے تم

کچھ دنوں سے میں جب بھی
آئینے میں اپنی ہلکی سفید لٹیں دیکھتی ہوں
ایک جانا پہچانا راستہ نظر آتا ہے
جس کے ایک کنارے تم چل رہے ہو
دوسرے پہ میں چپ چاپ اجنبی بن کر
تمہارا دھندلا سا چہرہ
وہ کالی فریم والے چشمے
کانوں کے پاس اگی ہوئی
کچھ ایسی ہی سفید لکیریں
میں تمہیں غور سے دیکھ نہیں پا رہی
بس چلتے جا رہی ہوں تمہارے ساتھ
تم سے دور خاموشی سے
اس بار گل مہر کے پیڑ کی طرف نہیں
ایک ڈھلتی ہوئی شام کی اور
ڈوبتے ہوئے سورج کی طرف
وو سفید لکیریں اب پھیل رہی ہے
ہلکی سنہری روشنی میں چاندی سی چمکتی
وو چمک میری انگلیوں میں اتر آتی ہے
تم سے دور ہوں پھر کیسے
اندرونی تھکان دھیرے دھیرے بڑھ رہی ہے
میں پکارنا چاہتی ہوں تمہیں
ہاتھ بڑھا کر چھونا
شاید تم بھی مگر
کافی دور آ چکے ہے ہم
اور اچانک وہ شام
گہرے اندھیرے کنویں میں ڈوبنے لگتی ہے
ایک بھنور مجھے کہیں کھینچ رہی ہے
میں اب تمہیں دیکھ نہیں پا رہی
اور تم بھی مجھے ڈھونڈھ رہے ہوں گے
تم اب بھی دور ہو یا پاس
کس کنارے پہ ہو اب تم
کہیں یہ رات تو نہیں
وہی رات جس کا تم ذکر کیا کرتے تھے
وہی رات جس کا دن نہیں ہوتا
جہاں ہم مل سکتے ہے
کیا یہیں ملو گے تم مجھے

درشکا وسانی
غزل

رنگ کے پہرے ہیں رخساروں کی آب و تاب پر
اور رنگوں کو ہیں زلفوں کی لٹیں جکڑے ہوئے

عمیق حنفی
غزل

جھلمل جھلمل بدن کا سونا
لہرائیں لٹیں کمر سے نیچے

عبد العزیز خالد
غزل

لٹیں چند چاندی کی بخشیں تجھے جا
وداع لیتی مجھ سے جوانی کہے ہے

گوتم راج رشی
غزل

رقیب عجز سیں معقول ہو سکے ہیں کہیں
علاج ان کا مگر جھگڑیں ہیں و لاتیں ہیں

آبرو شاہ مبارک
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے