Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ajiiran"

See All

POETS/AUTHORS/ARTISTS

Akhtarul Iman

Akhtarul Iman

1915 - 1996

Poet

Abeera Ahmad

Abeera Ahmad

born.1984

Poet

Ameen Adirai

Ameen Adirai

born.1964

Poet

Imran Sani

Imran Sani

born.1974

Poet

Basheer-un-Nisa Begum

Basheer-un-Nisa Begum

Poet

Daftar Dars-ul-Quran, Hyderabad

Daftar Dars-ul-Quran, Hyderabad

Publisher

Zia-ul-Quran publications, Lahore

Zia-ul-Quran publications, Lahore

Publisher

Idara-e-Ifran Ahlbet

Idara-e-Ifran Ahlbet

Publisher

Majlis Maarif-ul-Quran Dar-ul-Uloom, Devband

Majlis Maarif-ul-Quran Dar-ul-Uloom, Devband

Publisher

Madarsa Tajweed-ul-Quran, Dehli

Madarsa Tajweed-ul-Quran, Dehli

Publisher

Nishaat-ul-Iman

Nishaat-ul-Iman

Author

Idara-e-Naqeeb-ul-Quran

Idara-e-Naqeeb-ul-Quran

Publisher

Maktaba Tafseer-ul-Quran, U. P.

Maktaba Tafseer-ul-Quran, U. P.

Publisher

Majlis Tahqeeq-ul-Quran, Azamgarh

Majlis Tahqeeq-ul-Quran, Azamgarh

Publisher

Anjuman Rafeeq ul Imaan, Lucknow

Anjuman Rafeeq ul Imaan, Lucknow

Publisher

MOST RELEVANT MATCHES FOR "ajiiran"

Nazm

munajat-e-bewa

(1)
ai sab se avval aur aaKHir
jahaa.n-tahaa.n, haazir aur naazir
ai sab daanaa.o.n se daanaa
saare tavaanaa.o.n se tavaanaa
ai baalaa, har baalaa-tar se
chaa.nd se suuraj se ambar se
ai samjhe buujhe bin suujhe
jaane-pahchaane bin buujhe
sab se anokhe sab se niraale
aa.nkh se ojhal dil ke ujaale
ai andho.n kii aa.nkh ke taare
ai la.ng.De luulo.n ke sahaare
naatiyo.n se chhoTo.n ke naatii
saathiyo.n se bichh.Do.n ke saathii
naav jahaa.n kii khene vaale
dukh me.n tasallii dene vaale
jab ab tab tujh saa nahii.n ko.ii
tujh se hai.n sab tujh saa nahii.n ko.ii
jot hai terii jal aur thal me.n
baas hai terii phuul aur phal me.n
har dil me.n hai teraa baseraa
tuu paas aur ghar duur hai teraa
raah tirii dushvaar aur suk.Dii
naam tiraa rah-giir kii lak.Dii
tuu hai Thikaanaa miskiino.n kaa
tuu hai sahaaraa Gamgiino.n kaa
tuu hai akelo.n kaa rakhvaalaa
tuu hai a.ndhere ghar kaa ujaalaa
laaguu achchhe aur bure kaa
KHvaahaa.n khoTe aur khare kaa
bed niraase biimaaro.n kaa
gaahak mande baazaaro.n kaa
soch me.n dil bahlaane vaale
biptaa me.n yaad aane vaale
(2)
ai be-vaaris gharo.n ke vaaris
be-baazuu be-paro.n ke vaaris
be-aaso.n kii aas hai tuu hii
jaagte sote paas hai tuu hii
bas vaale hai.n yaa be-bas hai.n
tuu nahii.n jin kaa vo be-kas hai.n
saathii jin kaa dhyaan hai teraa
dusraayat kii vahaa.n nahii.n parvaa
dil me.n hai jin ke terii ba.Daa.ii
ginte hai.n vo parbat ko raa.ii
bekas kaa Gam-KHvaar hai tuu hii
burii banii kaa yaar hai tuu hii
dukhiyaa dukhii yatiim aur beva
tere hii haath un sab kaa hai khevaa
tuu hii maraz de tuu hii davaa de
tuu hii davaa-daaruu me.n shifaa de
tuu hii pilaa.e zahr ke pyaale
tuu hii phir amrit zahr me.n Daale
tuu hii dilo.n me.n aag lagaa.e
tuu hii dilo.n kii lagii bujhaa.e
chumkaare chumkaar ke maare
maare maar ke phir chumkaare
pyaar kaa tere puuchhnaa kyaa hai
maar me.n bhii ik terii mazaa hai
(3)
ai rahmat aur haibat vaale
shafqat aur dabaaGat vaale
ai aTkal aur dhyaan se baahar
jaan se aur pahchaan se baahar
aql se ko.ii paa nahii.n saktaa
bhed tire hukmo.n me.n hai.n kyaa kyaa
ek ko tuu ne shaad kiyaa hai
ek ke dil ko daaG diyaa hai
us se na teraa pyaar kuchh aisaa
us se na tuu bezaar kuchh aisaa
har dam terii aan na.ii hai
jab dekho tab shaan na.ii hai
yahaa.n pachhu.aa hai vahaa.n purvaa hai
ghar ghar teraa hukm nayaa hai
phuul kahii.n kumlaa.e hu.e hai.n
aur kahii.n phal aa.e hu.e hai.n
khetii ek kii hai lahraatii
ek kaa har dam KHuun sukhaatii
ek pa.De hai.n dhan ko Dubo.e
ek hai.n gho.De bech ke so.e
ek ne jab se hosh sambhaalaa
ra.nj se us ko pa.Daa na paalaa
ek ne is janjaal me.n aa kar
chain na dekhaa aa.nkh uThaa kar
me.nh kahii.n daulat kaa hai barastaa
hai ko.ii paanii tak ko tarastaa
ek ko marne tak nahii.n dete
ek uktaa gayaa lete lete
haal Garaz duniyaa kaa yahii hai
Gam pahle aur baa'd KHushii hai
ra.nj kaa hai duniyaa ke gilaa kyaa
tohfa yahii le de ke hai yaa.n kaa
yahaa.n nahii.n bantii ranj sahe bin
ra.nj nahii.n sab ek se lekin
ek se yahaa.n ranj ek hai baalaa
ek se hai dard ek niraalaa
ghaav hai go naasuur kii suurat
par use kyaa naasuur se nisbat
tap vahii diq kii shakl hai lekin
diq nahii.n rahtii jaan liye bin
diq ho vo yaa naasuur ho kuchh ho
de na jo ab ummiid kisii ko
roz kaa Gam kyuu.n-kar sahe ko.ii
aas na jab baaqii rahe ko.ii
tuu hii kar insaaf ai mire maulaa
kaun hai jo be-aas hai jiitaa
go ki bahut bande hai.n pur-armaa.n
kam hai.n magar maayuus hai.n jo yaa.n
KHvaah dukhii hai KHvaah sukhii hai
jo hai ik ummiid us ko ba.ndhii hai
khetiyaa.n jin kii kha.Dii hai.n suukhii
aas vo baa.ndhe baiThe hai.n me.nh kii
ghaTaa jin kii asaa.Dii me.n hai
saavanii kii ummiid nahii.n hai
Duub chukii hai un kii agetii
detii hai Dhaaras un ko pachhetii
ek hai is ummiid pe jiitaa
ab hu.ii beTii ab hu.aa beTaa
ek ko jo aulaad milii hai
us ko uma.ng shaadiyo.n kii hai
ra.nj hai yaa qismat me.n KHushii hai
kuchh hai magar ik aas ba.ndhii hai
Gam nahii.n un ko Gamgii.n hai.n
jo dil naa-umiid nahii.n hai.n
kaal me.n kuchh saKHtii nahii.n aisii
kaal me.n hai jab aas samay.n kii
sahal hai maujo.n se chhuTkaaraa
jab ki nazar aataa hai kinaaraa
par nahii.n uTh saktii vo musiibat
aa.egii jis ke baa'd na raahat
shaad ho us rah-giir kaa kyaa dil?
mar ke kaTegii jis kii manzil
un uj.Do.n ko kal pa.De kyuu.n-kar
ghar na basegaa jin kaa janam bhar
un bichh.Do.n kaa kyaa hai Thikaanaa?
jin ko na milne degaa zamaana
ab ye balaa Taltii nahii.n Taalii
mujh pe hai jo taqdiir ne Daalii
aa.ii.n bahut duniyaa me.n bahaare.n
aish kii ghar ghar pa.Dii.n pukaare.n
pa.De bahut baaGo.n me.n jhuule
Dhaak bahut jangal me.n phuule
ga.ii.n aur aa.e.n chaa.ndnii raate.n
barsii.n khulii.n bahut barsaate.n
par na khilii hargiz na khilegii
vo jo kalii murjhaa.ii thii dil kii
aas hii kaa bas naam hai duniyaa
jab na rahii yahii to rahaa kyaa?
aise bidesii kaa nahii.n Gam kuchh
jis ko na ho milne kii qasam kuchh
ronaa un ban-baasiyo.n kaa hai
des nikaalaa jin ko milaa hai
hukm se tere par nahii.n chaara
ka.Dvii miiThii sab hai gavaaraa
zor hai kyaa patte kaa havaa par
chaahe jidhar le jaa.e u.Daa kar
tinkaa ik aur saat samundar
jaa.e kahaa.n maujo.n se nikal kar
qismat hii me.n jab thii judaa.ii
phir Taltii kis tarah ye aa.ii?
aaj kii big.Dii ho to bane bhii
azal kii big.Dii KHaak banegii
tuu jo chaahe vo nahii.n Taltaa
bande kaa yaa.n bas nahii.n chaltaa
maare aur na de tuu rone
thapke aur na de tuu sone
Thahre ban aatii hai na bhaage
terii zabardastii ke aage
tujh se kahii.n gar bhaagnaa chaahe.n
band hai.n chaaro.n khuu.nT kii raahe.n
tuu maare aur KHvaah navaaze
pa.Dii hu.ii huu.n mai.n tere darvaaze
tujh ko apnaa jaantii huu.n mai.n
tujh se nahii.n to kis se kahuu.n mai.n
maa.n hii sadaa bachche ko maare
aur bachcha maa.n maa.n hii pukaare
(4)
ai mire zor aur qudrat vaale
hikmat aur hukuumat vaale
mai.n lau.nDii terii dukhyaare
darvaaze kii terii bhikaarii
maut kii KHvaahaa.n jaan kii dushman
jaan apnii hai aap ajiiran
apne paraa.e kii dhutkaarii
maike aur sasuraal pe bhaarii
sah ke bahut aazaar chalii huu.n
duniyaa se bezaar chalii huu.n
dil par mere daaG hai.n jitne
mu.nh me.n bol nahii.n hai.n utne
dukh dil kaa kuchh kah nahii.n saktii
is ke sivaa kuchh kah nahii.n saktii
tujh pe hai raushan sab dukh dil kaa
tujh se haqiiqat apnii kahuu.n kyaa
byaah ke dam paa.ii thii na lene
lene ke yaa.n pa.D ga.e dene
KHushii me.n bhii dukh saath na aayaa
Gam ke sivaa kuchh haat na aayaa
ek KHushii ne Gam ye dikhaa.e
ek ha.nsii ne gul hii khilaa.e
kaisaa thaa ye byaah ninaavaa.n
juu.nhii pa.Daa is kaa parchaavaa.n
chain se rahne diyaa na jii ko
kar diyaa maliyaameT KHushii ko
ro nahii.n saktii ta.ng huu.n yaa.n tak
aur ro.uu.n to ro.uu.n kahaa.n tak
ha.ns ha.ns dil bahlaa.uu.n kyuu.n-kar
oso.n pyaas bujhaa.uu.n kyuu.n-kar
ek kaa kuchh jiinaa nahii.n hotaa
ek na ha.nstaa bhalaa na rotaa
leTe gar sone ke bahaane
paa.entii kal hai aur na sirhaane
jaagiye to bhii ban nahii.n pa.Dtii
jaagne kii aaKHir ko.ii had bhii
ab kal ham ko pa.Degii mar kar
gor hai suunii sej se behtar
baat se nafrat kaam se vahshat
TuuTii aas aur bujhii tabii.at
aabaadii jangal kaa namuuna
duniyaa suunii aur ghar suunaa
din hai bhayaanak aur raat Daraanii
yuu.n guzrii saarii ye javaanii
bahne.n aur bahneliyaa.n merii
saath kii jo thii.n kheliyaa.n merii
mil na sakii.n jii khol ke mujh se
KHush na hu.ii.n ha.ns bol ke mujh se
jab aa.ii.n ro-dho ke ga.ii.n vo
jab ga.ii.n be-kal ho ke ga.ii.n vo
ko.ii nahii.n dil kaa bahlaavaa
aa nahii.n chuktaa meraa bulaavaa
aaTh pahar kaa hai ye julaapaa
kaaTuu.ngii kis tarah ra.nDaapaa
thak ga.ii dukh sahte sahte
tham ga.e aa.nsuu bahte bahte
aag khulii dil kii na kisii par
ghul ga.ii jaan andar hii andar
dekh ke chup jaanaa na kisii ne
jaan ko phuu.nkaa dil kii lagii ne
dabii thii bhobhal me.n chi.ngaarii
lii na kisii ne KHabar hamaarii
qaum me.n vo KHushiyaa.n biyaaho.n kii
shahr me.n vo dho.e.n saaho.n kii
tyauhaaro.n kaa aa.e din aanaa
aur sab kaa tyauhaar manaanaa
vo chait aur phaagun kii havaa.e.n
vo saavan bhaado.n kii ghaTaa.e.n
vo garmii kii chaa.ndnii raate.n
vo armaan bharii barsaate.n
kis se kahuu.n kis taur se kaaTe.n
KHair kaTe.n jis taur se kaaTe.n
chaav ke aur KHushiyo.n ke samay sab
aate hai.n KHush kal jaan ko ho jab
ra.nj me.n hai.n saamaan KHushii ke
aur jalaane vaale hii ke
ghar barkhaa aur piyaa bidesii
aa.iyo barkhaa kahii.n na aisii
din ye javaanii ke kaTe aise
baaG me.n panchhii qaid ho jaise
rut ga.ii saarii sar Takraate
u.D na sake par hote saare
kisii ne hogii kuchh kal paa.ii
mujhe to shaadii raas na aa.ii
aas ba.ndhii lekin na milaa kuchh
phuul aayaa aur phal na lagaa kuchh
rah gayaa de kar chaa.nd dikhaa.ii
chaa.nd hu.aa par iid na aa.ii
phal kii KHaatir barchhii khaa.ii
phal na milaa aur jaan ga.nvaa.ii
ret me.n zarre dekh chamakte
dau.D pa.Dii me.n jhiil samajh ke
chaaro.n khuu.nT nazar dau.Daa.ii
par paanii kii buu.nd na paa.ii

Altaf Hussain Hali
Hamd

ai zamiin aasmaan ke maalik
saarii duniyaa jahaan ke maalik
tere qabze me.n sab KHudaa.ii hai
tere hii vaaste ba.Daa.ii hai
aa.ii mausam se tang jab KHilqat
tuu ne mausam kii dii badal suurat
garmiyaa.n ho ga.ii.n ajiiran jab
tuu ne barsaat bhej dii yaa-rab
sab ke garmii se the KHataa ausaan
me.nh barasne se aa.ii jaan me.n jaan
ga.e jab log me.nh se sab ghabraa
hukm se tere chal pa.Dii pachhu.aa
jaa.Daa aa pahu.nchaa aur ga.ii barsaat
dam ke dam me.n badal ga.e din-raat
phir lagii pa.Dne jab bahut sardii
mushkil aasaan tuu ne phir kardii
jaa.Daa aaKHir hu.aa aur aa.ii bahaar
jangal aur Tiile ho ga.e gulzaar
tuu yuu.nhii rut pe rut badaltaa rahaa
yuu.nhii duniyaa kaa kaam chaltaa rahaa

Altaf Hussain Hali
Ghazal

kis ne ye jiinaa ajiiran kar diyaa
KHauf dahshat sansanii hai har taraf

Robeena Meer
Nazm

chuhiya ki fariyaad

jiinaa hu.aa hai mujh ko ajiiran
mai.n huu.n akelii do do dushman

Ghulam Abbas
Ghazal

ye sub.h-o-shaam mulaaqaat hai ajiiran sii
kabhii-kabhaar kaa milnaa tabarrukaat me.n thaa

Hayat Lakhnavi

PAGE MATCHES FOR "ajiiran"

Collection

Muntakhab Akhtar-ul-Iman

One of the pillars of modern Urdu Nazms & Dialogue writer. Wrote dialogues for more than hundred films including "Waqt" & "Qanoon". Jin ke ghar sheeshe ke hote hain wo doosron par pather nahin phenkte-One of his dialogues made famous by Rajkumar in Film Waqt.

See All

DICTIONARY MATCHES

REKHTA DICTIONARY

jiivan

जीवनجِیوَن

Hindi

existence, life

ajiiran

अजीरनاَجِیْرَن

Sanskrit

surfeit, difficult work

majiiraa

मजीराمجیرا

Sanskrit

small cymbal, one of the pairs of brass cymbals, tinkling ornament for feet or toes

tajiira

तजीराتَجِیرَہ

ہر چیز کی گاد ، پھوک ، ثقل ؛ ان٘گوروں کے پانی کی گاد اور پھوک

See All

BOOKS MATCHES FOR "ajiiran"

Akhtar-ul-Iman Ki Das Nazmen Tajziyati Mutala

Mohammad Asif Zahri

Poetry Criticism

Lughat-ul-Quran

Abdul Kareem Qudsi

Islamiyat

Tarjuman-ul-Quran

Abul Kalam Azad

Islamiyat

Talkhees Tafheem-ul-Quran

Maulana Abul Aala Maududi

Islamiyat

Akhtar-ul-Iman Aks Aur Jihatein

Shahid Mahuli

Compiled

Fiqh-ul-Quran

Umar Ahmad Usmani

Islamiyat

Tafseer-ul-Quran

Sir Syed Ahmad Khan

Islamiyat

Mufeed-ul-Ajsam

Jawahar-ul-Quran

Imam Mohammad Ghazali

Islamiyat

Tawareekh-e-Ajeeba

Mohammad Jafar Thanesri

Biography

Fazail Al-Quran

Maulana Abul Aala Maududi

Islamiyat

Lughat-ul-Quran

Abdurrasheed Nomani

Islamiyat

Qisas-ul-Quran

Maulana Hifzurrahman Sivharwi

Islamiyat

Tareekh-e-Arz-ul-Quran

Syed Sulaiman Nadvi

Cultural History

Taleem-ul-quran

Khwaja Hasan Nizami

Islamiyat

MORE MATCHES FOR "ajiiran"

Ghazal

apne KHush-nasiibo.n kaa haal bhii kabhii sun lo
maut mu.nh churaatii hai zindagii ajiiran hai

Rashid Shahjahanpuri
Ghazal

zuleKHaa-e-aziizaa.n baat ye hai
bhalaa ghaaTe kaa saudaa kyo.n kare.n ham

Jaun Eliya
Hindi Ghazal

har taraf e'tiraaz hotaa hai
mai.n agar raushnii me.n aataa huu.n

Dushyant Kumar
Ghazal

Gulaamii ko barkat samajhne lage.n
asiiro.n ko aisii rihaa.ii na de

Bashir Badr
Nazm

wo subh kabhi to aaegi

1
vo sub.h kabhii to aa.egii
in kaalii sadiyo.n ke sar se jab raat kaa aa.nchal Dhalkegaa
jab dukh ke baadal pighle.nge jab sukh kaa saagar chhalkegaa
jab ambar jhuum ke naachegaa jab dhartii naGme gaa.egii
vo sub.h kabhii to aa.egii
jis sub.h kii KHaatir jug jug se ham sab mar mar kar jiite hai.n
jis sub.h ke amrit kii dhun me.n ham zahr ke pyaale piite hai.n
in bhuukii pyaasii ruuho.n par ik din to karam farmaa.egii
vo sub.h kabhii to aa.egii
maanaa ki abhii tere mere armaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuTe sikko.n me.n na taulii jaa.egii
vo sub.h kabhii to aa.egii
daulat ke liye jab aurat kii ismat ko na bechaa jaa.egaa
chaahat ko na kuchlaa jaa.egaa Gairat ko na bechaa jaa.egaa
apne kaale kartuuto.n par jab ye duniyaa sharmaa.egii
vo sub.h kabhii to aa.egii
biite.nge kabhii to din aaKHir ye bhuuk ke aur bekaarii ke
TuuTe.nge kabhii to but aaKHir daulat kii ijaara-daarii ke
jab ek anokhii duniyaa kii buniyaad uThaa.ii jaa.egii
vo sub.h kabhii to aa.egii
majbuur bu.Dhaapaa jab suunii raaho.n kii dhuul na phaa.nkegaa
ma.asuum la.Dakpan jab gandii galiyo.n me.n bhiik na maa.ngegaa
haq maa.ngne vaalo.n ko jis din suulii na dikhaa.ii jaa.egii
vo sub.h kabhii to aa.egii
faaqo.n kii chitaa.o.n par jis din insaa.n na jalaa.e jaa.e.nge
siino.n ke dahakte dozaKH me.n armaa.n na jalaa.e jaa.e.nge
ye narak se bhii gandii duniyaa jab sovarg banaa.ii jaa.egii
vo sub.h kabhii to aa.egii
2
vo sub.h hamii.n se aa.egii
jab dhartii karvaT badlegii jab qaid se qaidii chhuuTe.nge
jab paap gharau.nde phuuTe.nge jab zulm ke bandhan TuuTe.nge
us sub.h ko ham hii laa.e.nge vo sub.h hamii.n se aa.egii
vo sub.h hamii.n se aa.egii
manhuus samaajii Dhaa.ncho.n me.n jab zulm na paale jaa.e.nge
jab haath na kaaTe jaa.e.nge jab sar na uchhaale jaa.e.nge
jailo.n ke binaa jab duniyaa kii sarkaar chalaa.ii jaa.egii
vo sub.h hamii.n se aa.egii
sansaar ke saare mehnat-kash kheto.n se milo.n se nikle.nge
be-ghar be-dar be-bas insaa.n taariik bilo.n se nikle.nge
duniyaa amn aur KHush-haalii ke phuulo.n se sajaa.ii jaa.egii
vo sub.h hamii.n se aa.egii

Sahir Ludhianvi
Ghazal

mere hii lahuu par guzar-auqaat karo ho
mujh se hii amiiro.n kii tarah baat karo ho

Kaleem Aajiz
Nazm

intisab

un asiiro.n ke naam
jin ke siino.n me.n fardaa ke shab-taab gauhar
jel-KHaano.n kii shoriida raato.n kii sarsar me.n
jal jal ke anjum-numaa hoga.e hai.n
aane vaale dino.n ke safiiro.n ke naam
vo jo KHushbuu-e-gul kii tarah
apne paiGaam par KHud fidaa hoga.e hai.n

Faiz Ahmad Faiz
Nazm

hasan kuza-gar (1)

jahaa.n-zaad us daur me.n roz har roz
vo saKHtaa-baKHt aa kar
mujhe dekhtii chaak par paa-ba-gil sar-ba-zaanuu
to shaano.n se mujh ko hilaatii
(vahii chaak jo saal-haa-saal jiine kaa tanhaa sahaaraa rahaa thaa)
vo shaano.n se mujh ko hilaatii
hasan kuuza-gar hosh me.n aa
hasan apne viiraan ghar par nazar kar
ye bachcho.n ke tannuur kyuu.nkar bhare.nge
hasan ai mohabbat ke maare
mohabbat amiiro.n kii baazii
hasan apne diivaar-o-dar par nazar kar
mere kaan me.n ye navaa-e-hazii.n yuu.n thii jaise
kisii Duubte shaKHs ko zer-e-girdaab ko.ii pukaare!
vo ashko.n ke ambaar phuulo.n ke ambaar the haa.n
magar mai.n hasan kuuza-gar shahr-e-auhaam ke un
KHaraabo.n kaa majzuub thaa jin
me.n ko.ii sadaa ko.ii jumbish
kisii murG-e-parraa.n kaa saayaa
kisii zindagii kaa nishaa.n tak nahii.n thaa!

Noon Meem Rashid
Ghazal

kyaa qayaamat hai ki dil jis kaa nagar hai 'mohsin'
dil pe us kaa bhii ijaara nahii.n dekhaa jaataa

Mohsin Naqvi
Nazm

umid

vo sub.h kabhii to aa.egii
un kaalii sadiyo.n ke sar se jab raat kaa aa.nchal Dhalkegaa
jab dukh ke baadal pighle.nge jab sukh saagar chhalkegaa
jab ambar jhuum ke naachegaa jab dhartii naGme gaa.egii
vo sub.h kabhii to aa.egii
jis sub.h kii KHaatir jug jug se ham sab marmar ke jiite hai.n
jis sub.h ke amrit kii dhun me.n ham zahr ke pyaale piite hai.n
in bhuukii pyaasii ruuho.n par ik din to karam farmaa.egii
vo sub.h kabhii to aa.egii
maanaa ki abhii tere mere armaano.n kii qiimat kuchh bhii nahii.n
miTTii kaa bhii hai kuchh mol magar insaano.n kii qiimat kuchh bhii nahii.n
insaano.n kii izzat jab jhuuTe sikko.n me.n na tolii jaa.egii
vo sub.h kabhii to aa.egii
daulat ke liye jab aurat kii ismat ko na bechaa jaa.egaa
chaahat ko na kuchlaa jaa.egaa Gairat ko na bechaa jaa.egaa
apne kaale kartuuto.n par jab ye duniyaa sharmaa.egii
vo sub.h kabhii to aa.egii
biite.nge kabhii to din aaKHir ye bhuuk ke aur bekaarii ke
TuuTe.nge kabhii to but aaKHir daulat kii ijaara-daarii ke
jab ek anokhii duniyaa kii buniyaad uThaa.e jaa.egii
vo sub.h kabhii to aa.egii
majbuur bu.Dhaapaa jab suunii raaho.n kii dhuul na phaa.nkegaa
ma.asuum la.Dakpan jab gandii galiyo.n me.n bhiik na maa.ngegaa
haq maa.ngne vaalo.n ko jis din suulii na dikhaa.ii jaa.egii
vo sub.h kabhii to aa.egii
faaqo.n kii chitaa.o.n par jis din insaa.n na jalaa.e jaa.e.nge
siine ke dahakte dozaKH me.n armaa.n na jalaa.e jaa.e.nge
ye narak se bhii gandii duniyaa jab sovarg bataa.ii jaa.egii
vo sub.h kabhii to aa.egii

Sahir Ludhianvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now