کی تلاش کا نتیجه | موضو - نظم, صفحہ baraa.e

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "baraa.e"

نظم کے متعلقہ نتیجہ "baraa.e"

نظم

حلوے کے لیے پھر آج بھی ہم اک آس لگائے بیٹھے ہیں
جو بات زباں پر لا نہ سکے وہ دل میں چھپائے بیٹھے ہیں
تھوڑی سی مٹھائی طاق پہ تھی مٹھی میں چرائے بیٹھے ہیں
ابو کے بھگائے بھاگے تھے امی کے بلائے بیٹھے ہیں
کچھ بچ بھی گئی ہیں پٹنے سے کچھ مار بھی کھائے بیٹھے ہیں
تجھ سے تو ہمیں کوئی شکوہ اے خالق صبح و شام نہیں
اسکول ہی ایسا ہے کہ جہاں کچھ چین نہیں آرام نہیں
اس وقت اگرچہ سر میں کسی کے درد برائے نام نہیں
ہر وقت مگر پڑھتے رہنا کم عمروں کا تو کام نہیں
سب اپنی اپنی کرسی پر سدھ بدھ بسرائے بیٹھے ہیں
اک بار کہیں سے مل جاتا ہم سب کو چراغ چین اگر
بس سال میں اک دن پڑھ لیتے درجے کی کتابیں فر فر فر
پھر خواب ہی دلچسپی رہتی پھر خوب مزہ آتا دن بھر
اسکول میں جانا کیوں ہوتا ہر روز یہ رہتا کیوں چکر
امید نہیں لیکن پھر بھی امید لگائے بیٹھے ہیں
لیکن یہ زمانہ علم کا ہے یہ وقت ہے آگے بڑھنے کا
مل جل کے کریں گے گر محنت ہو جائے گا ہر سپنا پورا
ہمت سے ہوئی ہیں تعمیریں جرأت سے ہوا ہے کام نیا
جب عزم و عمل اچھا ہوگا اچھا ہی نتیجہ بھی ہوگا
ہم لوگ یہاں حلوہ کھا کر اک شمع جلائے بیٹھے ہیں

شوکت پردیسی

نظم

مسلماں قرض لے کر عید کا ساماں خریدیں گے
جو دانا ہیں وہ بیچیں گے جو ہیں ناداں خریدیں گے
جو سیاں شوق سے کھائیں وہ سویاں خریدیں گے
مرکب سود کا سودا بہ نقد جاں خریدیں گے
مسلمانوں کے سر پر جب مہ شوال آتا ہے
تو ان کی اقتصادیات میں بھونچال آتا ہے
بہم دست و گریباں سیلز مین اور ان کے گاہک ہیں
وہ غل برپا ہے جیسے نغمہ زن جوہڑ میں مینڈک ہیں
مزاجاً روزہ دار شام بارود اور گندھک ہیں
اور ان میں نظم اور ضبط اور روا داری یہاں تک ہیں
کہ شدت بھوک کی اور پیاس کی ایسے مٹاتے ہیں
بہ زعم روزہ ابنائے وطن کو کاٹ کھاتے ہیں
جو مجھ ایسے ہیں رند ان کو بھی زعم پارسائی ہے
اور اس مضمون کی اک دعوت افطار آئی ہے
کہ اک چالیس سالہ طفل کی روزہ کشائی ہے
فرشتے اس پہ حیراں دم بخود ساری خدائی ہے
خداوند دوعالم سے وہ یہ بیوپار کرتے ہیں
جو رکھا ہی نہیں روزہ اسے افطار کرتے ہیں
میاں بیوی چلے بازار کو بہر خریداری
مٹھائی پھل سویاں عطر جوتے گوشت ترکاری
جو شے بیوی نے لی وہ دوش پر شوہر کے دے ماری
وہ بے چارہ تو خچر ہے برائے بار برداری
بزور قرض دوکانوں پہ اتنا فضل باری ہے
کہ اس گھمسان میں انسان پر انسان طاری ہے
لیا بیوی نے شوہر کے لئے جوتا جو ارزاں ہے
وہ امریکی مدد کی طرح اس کے سر پہ احساں ہے
کہ اس سے فائدہ پہنچے گا اس کو جس کی دوکاں ہے
اور اس شوہر کا جوتا خود اسی کے سر پہ رقصاں ہے
یہ صورت دیکھ کر کہتے ہیں اکثر دل میں بن بیاہے
''دل و دیں نقد لا ساقی سے گر سودا کیا چاہے''
جو سلنے کو دیئے کپڑے وہ ہیں سب حبس بیجا میں
کہ درزی چھپ گیا جب اطلس و کمخواب و دیبا میں
تو ریڈی میڈ کپڑوں کی دکانیں جھانکتا تھا میں
فلک پر قیمتیں لٹکی ہوئی تھیں شاخ طوبیٰ میں
مبارک ماہ کے اندر ہمیں سے نفع خوری ہے
نہیں ہوتا ہے باطل جس سے روزہ یہ وہ چوری ہے
یہ سویاں جو بل کھاتی ہوئی معدے میں جائیں گی
سیاسی گتھیوں کو اور الجھانا سکھائیں گی
ہماری آنے والی نسل کے لیڈر بنائیں گی
جو لیڈر بن چکے ہیں ایبڈو ان کو کرائیں گی
''قد و گیسو میں قیس و کوہ کن کی آزمائش ہے
جہاں ہم ہیں وہاں دار و رسن کی آزمائش ہے''
مہینے بھر کے روزوں بعد حق نے دن یہ دکھلایا
علی الاعلان کھایا دوستوں کے ساتھ جو پایا
یہ پہلے ڈر تھا ہم کو جھانک کر دیکھے نہ ہمسایہ
بجز خوف خدا دن میں بظاہر کچھ نہ تھا کھایا
حسینوں مہ وشوں کو اب سر بازار دیکھیں گے
گئے وہ دن کہ کہتے تھے پس از افطار دیکھیں گے

سید محمد جعفری

نظم

میان ہند و پاکستان اک سرحد کا جھگڑا ہے
وگرنہ اس عمارت کے منارے ایک جیسے ہیں
کراچی کا کچن ہو یا وہ دکن کی ''رسوئی'' ہو
نمک کا فرق ہے بینگن بگھارے ایک جیسے ہیں
پجاموں کے ڈیزائن کو بدل ڈالا تو کیا غم ہے
ہماری بیویوں کے تو غرارے ایک جیسے ہیں
پریشاں حال ہے پبلک مگر دونوں ممالک کے
مراثی کرکٹر فلمی ستارے ایک جیسے ہیں
کنوارے لوگ تو ہر ملک میں آزاد پھرتے ہیں
مگر شادی شدا قسمت کے مارے ایک جیسے ہیں
برائے عقد خوانی قاضیوں میں فرق ہے لیکن
کراچی اور دلی کے چھوارے ایک جیسے ہیں
کنوارا آدمی ہو یا کوئی آزاد لیڈر ہو
جو بے پیندے کے لوٹے ہیں وہ سارے ایک جیسے ہیں
نکمے رہنما اور عقل سے پیدل سیاست دان
ہمارے ایک جیسے ہیں تمہارے ایک جیسے ہیں
یہاں کا خالد عرفاں وہاں کے راحتؔ اندوری
نرے شاعر ہیں دونوں کے ستارے ایک جیسے ہیں

خالد عرفان

نظم

سڑک جو آتی ہے چھاؤنی سے چہل پہل اس پہ خوب ہی ہے
نکل کے گنجان بستیوں سے برائے تفریح سب ہیں آئے

نشور واحدی

نظم

''اس جگہ دلدار بیگم دفن ہے
وہ عفیفہ پارسا صابر و شاکر سو رہی ہے
یہاں سے غیر مردوں کا گزرنا منع ہے
برائے فاتحہ جو آنا چاہے آئے
لیکن دور سے پڑھ لے''

زہرا نگاہ

نظم

چلتے چلتے دفعتاً پٹری بدلنے کا چلن
تھا سیاست کے قلابازوں کا یک مشہور فن
فائدہ ہوتا تھا وقتی طور پر اس کھیل میں
گو سکا حضرات کہتے تھے اسے بازار پن
اہل شعرستان نے بھی اب اسے اپنا لیا
کار آمد دیکھ کر یہ نسخۂ آہن شکن
ہو رہا ہے اس قدر مقبول یہ نسخہ کہ اب
دل بدلتے رہتے ہیں دن رات ارباب سخن
نت نیا بہروپ لازم ہے پئے اظہار ذات
جب نظر کے سامنے ہو فن برائے مکر و فن
وہ زمانہ جب کہ بزم شعر تھی اک رزم گاہ
چھوڑ دی تھی ہر نئے شاعر نے رفتار کہن
گھولتے رہتے تھے وہ حضرات جام شعر میں
نغمۂ بلبل کے بدلے شورش دار و رسن
ہوٹلوں میں بیٹھ کر ہوتا تھا ذکر انقلاب
اپنے سر سے باندھے پھرتے تھے تخیل میں کفن
ان میں کچھ لیڈر صفت تھے اور کچھ والنٹیر
جھنڈ میں سرخاب کے ہوں جس طرح زاغ و زغن
نعرہ بازی میں اگر ہوتے تھے لیڈر پاؤ سیر
ان کے ہر والنٹیر کا وزن ہوتا ڈیڑھ من
رفتہ رفتہ شور غوغائی سخن کا جب تھما
لگ گیا جب ماہ نخشب میں حوادث کا گہن
آ گئے کچھ اور کرتب باز بزم شعر میں
اک ذرا سا جانتے تھے جو نظر بندی کا فن
سونگھ کر موسم کی بو اور رخ ہوا کا دیکھ کر
کیچلی بدلی ہر اک والنٹیر نے دفعتاً
صبح دم دیکھا تو ٹیڈی سوٹ میں ملبوس ہیں
پھینک کر چپکے سے اپنا انقلابی پیرہن
سر کے بالوں کی سفیدی ہو گئی غرق خضاب
تہ بہ تہ غازہ لگا کر دور کی رخ کی شکن
شاعری کی عمر تھی گو بیس یا پچیس سال
لیکن اپنے فن میں وہ بالقصد لائے بال پن
کر دیا بہر صدارت پیش اپنے آپ کو
جب بنائی چند نو مشقوں نے کوئی انجمن
اس لیے گھس پیٹھ کرتے یہ سب والنٹیر
بن گئے اب خام ذہنوں کے امام فکر و فن
ان کا مقصد ہے اگر کچھ تو حصول منفعت
انقلابی شاعری ہو یا معماتی سخن

رضا نقوی واہی

نظم

ہم اپنے اہل سیاست کے دل سے قائل ہیں
کہ حق میں قوم کے وہ مادر مسائل ہیں
قدم قدم پہ نئے گل کھلاتے رہتے ہیں
طرح طرح کے مسائل اگاتے رہتے ہیں
کبھی یہ دھن ہے کہ صوبوں کی پھر سے ہو تشکیل
کبھی یہ ضد ہے کہ حد بندیاں نہ ہوں تبدیل
کبھی یہ شور کرو ختم چور بازاری
منافع خوروں کی لیکن نہ ہو گرفتاری
برائے بحث کھڑا ہے کبھی یہ ہنگامہ
لباس قوم کا دھوتی ہو یا کہ پاجامہ
ہر ایک بحث میں کچھ کشت و خوں ضروری ہے
نہیں تو جو بھی ہے تحریک وہ ادھوری ہے
ہر ایک فتنہ و شورش کا آخری جلوہ
مظاہرات و جلوس و تصادم و بلوہ
یونہی اٹھائی گئی بحث جب زباں کے لیے
''سخن بہانہ ہوا مرگ ناگہاں کے لیے''
وہ مسئلہ کہ جو دانش کدوں میں حل ہوتا
بلا سے آج اگر طے نہ ہوتا کل ہوتا
اسے بھی اہل سیاست نے کر لیا اغوا
اور اس کے بعد وہ سب کچھ ہوا جو ہونا تھا
نفاق و بغض و تعصب کے آ گئے ریلے
زباں کی آڑ میں اہل فساد کھل کھیلے
مخالفت میں ہوئی جا بہ جا صف آرائی
جلوس لے کے چلے اک طرف سے بلوائی
لبوں پہ غلغلۂ ''انقلاب زندہ باد''
مگر دلوں میں دبائے ہوئے شرار فساد
دکانیں لوٹی گئیں راہ گیر مارے گئے
گھروں میں آگ لگی طفل و پیر مارے گئے
وہ پہلا شخص جو کھا کر چھرے کا زخم گرا
مزے کی بات تو یہ ہے، غریب گونگا تھا
مزید یہ کہ اسے جاں سے مارنے والے
کسی زبان سے واقف نہ تھے خود ان پڑھ تھے

رضا نقوی واہی

نظم

زندگی کے کئی معیار ہیں
ورق ورق
اک رخ احساس کو
فطری اور مصنوعی سطح پر بانٹنا
اپنے اور پرائے کو
دو دائروں میں تقسیم کرنا
یا بارود کے دھماکوں میں
زمین کو ٹکڑے ٹکڑے کرنا
زندگی برائے زندگی کو ماننے والے
وقت کا کہرا چھٹتے ہی
آستھا کے عکس پھیلا دیتے ہیں
پاگل خیال کی شدت گھٹ جاتی ہے
اس پل شاخ در شاخ
پھیلنے والی خوشبو
کسی اجنبی کلائی پر
ایک راکھی باندھ دیتی ہے
پل بھر میں کڑوی سچائیاں
رشتوں کی تمام حدیں توڑ کر
بھائی بہن کے رشتے میں بدل جاتی ہیں
ذہن میں موجود تمام تلخیاں
خوش نما احساس میں
خود بخود ڈھل جاتی ہیں
امام اعظمؔ کی دعا ہے
بے مثال رشتے کا یہ بندھن
سدا قائم رہے

امام اعظم

نظم

شب انتظار سحر ہے سحر کے بعد ہے کیا
دعا برائے اثر ہے اثر کے بعد ہے کیا

محبوب خزاں

نظم

عجیب لوگ تھے
سورج کی روشنی کے تلے
خود اپنے آپ کو پہچان بھی رہے تھے
اور
لبوں پہ دعویٰ انکار آفتاب بھی تھا
وہ جانتے تھے کہ سورج کی روشنی کے سوا
کوئی چراغ میسر نہیں ہے ایسا جو
تلاش اصل حقیقت کے زینے چڑھتے ہوئے
بے امتیازی میں اس آفتاب جیسا ہو
عجیب لوگ تھے
سورج کے نور خانے میں
کرایہ دار بھی تھے اور سرنگوں نہیں تھے
کسی شرار منافق نے ان کے سینوں میں
زباں درازی کی اس آگ کو ہوا دی تھی
جسے قبیلۂ غفلت کے خشک لوگوں نے
انا کے خبط پہ افلاک سے نکالے ہوئے
کسی درندۂ بے شکل کی تسلی پر
برائے نشۂ حیوانیت اٹھا لیا تھا
مگر یہ کیا
کہ پھر آج اس ہماری بستی میں
عجیب لوگ ہیں
سورج کی روشنی کے تلے
خود اپنے آپ کو پہچان بھی رہے ہیں
اور
لبوں پہ دعویٰ انکار آفتاب بھی ہے
عجیب لوگ ہیں
سورج کے نور خانے میں
کرایہ دار بھی ہیں
اور سرنگوں نہیں ہیں

سرفراز آرش

نظم

مجھے تم سے کوئی محبت نہ الفت
تعلق بھی اب ہے برائے تعلق
مگر تم سے جب بھی ملا ہوں
مجھے میرا سایہ
جسے میں وہیں چھوڑ آیا
جہاں وہ خیالوں کی وادی میں
خواہش کی تتلی کے پیچھے اڑا جا رہا تھا
تمہاری گھنی زلف کی بدلیوں میں
زمیں سے بہت دور لیکن
میرے پیر میں ڈور ایسی بندھی تھی
کہ جس نے مجھے بدلیوں سے اٹھا کر
زمیں پر بٹھا کر
میرے چاروں جانب کئی دائرے بن دئے ہیں
ہے دشوار جن سے نکلنا
مگر تم سے جب بھی ملا ہوں
مجھے میرا سایہ بہت یاد آیا

عارف اختر نقوی

نظم

کراچی سے پیا کی گود میں ہندوستاں آیا
نئی دہلی سے کہنے کو پرانی داستاں آیا
جوانی کے لیے یادیں میں سوئے گلستاں آیا
برائے اہل محفل اور بہ یاد رفتگاں آیا
وہ مسکن تھا وہ مدفن ہے بہت سے اہل ایماں کا
''وہ اک گلدستہ ہے ہم بے خودوں کے طاق نسیاں کا''

سید محمد جعفری

نظم

ادائے دل وہی اور خوئے دل داری بھی سیکھی ہے
برائے دوستاں یہ طرز عیاری بھی سیکھی ہے
بپاس اہل مجلس ناز برداری بھی سیکھی ہے
اداکاری میں یکتا ہوں گلوکاری بھی سیکھی ہے
فزوں کچھ اور بھی اب رنگ محفل کرنے والا ہوں
میں اپنی شاعری میں رقص شامل کرنے والا ہوں

اسد جعفری

نظم

گھر میں موٹر بھی برائے بار برداری نہیں
ساتھ لے جانے میں بچوں کے بجز خواری نہیں
ایک بچہ گود میں لے لوں کہ وہ بھاری نہیں
وہ مگر درجن ہیں میں انسان ہوں لاری نہیں
''اے غم دل کیا کروں، اے وحشت دل کیا کروں''

سید محمد جعفری

نظم

جھوٹ کی گرمئ بازار کہاں سے لاؤں
رقص‌ بے معنی کی جھنکار کہاں سے لاؤں
ڈھونڈ کے حیلۂ تکذیب برائے انصاف
بے محابا سر دربار کہاں سے لاؤں
بے خبر عشق سے ہیں آج ریاکار شیوخ
جذب منصور سر دار کہاں سے لاؤں
بیچ کر چادر زہرا کو سجاتا فردوس
ریشمی مکر کی دستار کہاں سے لاؤں
موت کی گود میں ہے عارف و دانا کا وجود
دل ربا فکر سحر کار کہاں سے لاؤں
میں وہ فن کار ہوں اخلاص ہے جس کا شہکار
مکر و تزویر کی گفتار کہاں سے لاؤں
خانقاہوں میں بھی رائج ہے ہوس کی تدریس
با خدا شیخ نگہ‌ دار کہاں سے لاؤں
مکتب نو کا معلم ہے فرنگی بقال
بوذر و خالد و کرار کہاں سے لاؤں
روح توحید کی قاتل ہے سیاسی تعلیم
سر فروشان وفادار کہاں سے لاؤں
خوب واقف ہوں حدیث مے و مینا سے مگر
عالم حشر میں دل دار کہاں سے لاؤں
ساز فطرت پہ غزل خواں ہے شعور تنقید
کاغذی کاکل و رخسار کہاں سے لاؤں
شعلہ زن دامن گیتی ہے تو مضمون کوئی
جنسیت بخش طرحدار کہاں سے لاؤں
دل کا پیمانہ ہے زہراب الم سے لبریز
بلبل زمزمہ آثار کہاں سے لاؤں
تذکرے ہیں قد و گیسو کے بہر طور عزیز
مفلسی میں دل گلبار کہاں سے لاؤں
تشنگی صاحب نامہ کی بجھانے والو
آبرو باختہ شہکار کہاں سے لاؤں
عرصۂ دہر کا ہر ذرہ ہے آتش بہ کنار
رامش و رنگ کے اشعار کہاں سے لاؤں
جنتی ہونے کی مانا کہ سند بکتی ہے
گنج قارون کا انبار کہاں سے لاؤں
زیب تن وقت کا پیراہن شعلہ ہے ابھی
کیف انگیز میں افکار کہاں سے لاؤں
خیر آگاہ مرا فکر ہے مصروف عمل
بحث و تکرار کی تلوار کہاں سے لاؤں
جان پڑ سکتی ہے ببیاکؔ تن مردہ میں
مرد فاروقؔ سا کردار کہاں سے لاؤں

بیباک بھوجپوری

نظم

عجب سفر تھا
عجب پر اسرار مرحلہ تھا
عجیب ہنگام رہ نوردی
عجیب شوق جہاں نما تھا
نہ کوئی صوت درا صدائے رحیل تھی
اور نہ کوئی منزل نہ کارواں تھا
عجیب خوئے سفر تھی
جو زاد راہ تھی
ہم سفر تھی
رہرو تھی
راہبر تھی
نہ دل میں اندیشۂ مراحل
نہ خوف جادہ
نہ انتظار سواد منزل
ہر اس طوفان باد و باراں
نہ پائے رہ آفریں میں لغزش
نہ راہ گم کردگی کا صدمہ
بس ایک بے باک حوصلہ تھا
جو ساری ہستی پہ چھا گیا تھا
کہ جان محشر بدست تھی
پیچ و خم رہ پر خطر کے عقدہ کشا تھے
دل فارغ خطر تھا
عجب سفر تھا
عجب بلا خیز مرحلہ تھا
کہ دور تک
سرحد افق تک
سمندر و سبزہ زار و وادی و کوہ و صحرا و دشت و دریا تھے
اور میں تھی
مسافرت تھی
سفر برائے سفر تھا
اک پیاس کا سمندر تھا
جو رگ جاں میں موجزن تھا
وہ عرصۂ معتبر تھا
یا عہد مختصر تھا
وہ جو بھی تھا
اک عجب سفر تھا
عجب بلا خیز مرحلہ تھا

ساجدہ زیدی

نظم

یہ ان دنوں کی بات ہے
کہ جب وہ چاند رات میں
برائے فکر شاعری
جو چھت پہ جا کے بیٹھتی
تو ماہتاب سے
ستارے
سارے جا کے پوچھتے
یہ شاعرہ ہے
یا کوئی
غزل
اداس اداس ہے
یہ ان دنوں کی بات ہے

معروف رائے بریلوی

نظم

سو طے ہوا کہ بچھڑ چکے ہیں
فقط دکھاوا ہیں سرد آہیں
جو آگ دونوں طرف برابر لگی ہوئی تھی
وہ بجھ چکی ہے
اکھڑ چکا ہے وہ سانس جس سے
حیات تھے رابطے ہمارے
جدا ہیں اب راستے ہمارے
مسافتیں ختم ہو چکی ہیں
برائے دنیا ہے راہ گردی
مروتاً ہیں مروتیں بھی
یہ ہاتھ ہاتھوں میں جانتے ہو کہاں تلک ہے
حساب سود و زیاں تلک ہے
ہیں منتظر اب کہ کب کوئی ایسا موڑ آئے
کہ بار الزام بے وفائی کوئی اٹھائے
جو مسکراہٹ ہمارے چہرے کو دیکھ کر ان لبوں پہ آتی
جبیں کی شکنوں میں ڈھل چکی ہے
وہ ہونٹ جن پہ ہمارے بوسوں سے سرخیاں تھیں
وہ ہونٹ شکوؤں سے اٹ چکے ہیں
ہم ایک دونوں میں بٹ چکے ہیں
تو طے ہوا کہ بچھڑ چکے ہیں

ظہیر مشتاق رانا

نظم

ہمیں کہا جائے گا کہ ہاتھ اوپر اٹھا لیں
اور اپنے طلائی خواب، نقرئی وعدے
اور کانسی کے پھول ہمارے حوالے کر دیں
اپنی محبوبائیں والدین اور دوست
ہمارے سپرد کر دیں
اپنی زمین اور آسمان گروی رکھ دیں
اپنے سمندر اور صحرا
برائے نام قیمت پہ فروخت کر دیں
کشتیوں اور جنگلوں کو آگ لگا دیں
دریا اور پل خالی کر دیں
گھر چھوڑ کے چلے جائیں
اور پیچھے مڑ کے نہ دیکھیں
محبت ایک نا مناسب قدم ہے
اس سے گریز کریں
ہمیں کہا جائے گا کہ
آئندہ کچھ نہ کہیں

ذیشان ساحل

نظم

تم سے
بچھڑنے کے بعد
میں نے
کبھی
آنسوؤں پر
برائے فروخت کا ٹیگ نہیں لگایا
اور
اپنے
قہقہوں کا کھوکھلا پن
ساری زندگی
جرعہ جرعہ پیتا رہا

احتشام علی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے