Search result for "baraa.e" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "baraa.e"

Nazm MATCHES FOR "baraa.e"

Nazm

bachchon ki qawwali

halve ke liye phir aaj bhii ham ik aas lagaa.e baiThe hai.n
jo baat zabaa.n par laa na sake vo dil me.n chhupaa.e baiThe hai.n
tho.Dii sii miThaa.ii taaq pe thii muTThii me.n churaa.e baiThe hai.n
abbuu ke bhagaa.e bhaage the ammii ke bulaa.e baiThe hai.n
kuchh bach bhii ga.ii hai.n piTne se kuchh maar bhii khaa.e baiThe hai.n
tujh se to hame.n ko.ii shikva ai KHaaliq-e-sub.h-o-shaam nahii.n
school hii aisaa hai ki jahaa.n kuchh chain nahii.n aaraam nahii.n
is vaqt agarche sar me.n kisii ke dard baraa.e naam nahii.n
har vaqt magar pa.Dhte rahnaa kam-umro.n kaa to kaam nahii.n
sab apnii apnii kursii par sudh-budh bisraa.e baiThe hai.n
ik baar kahii.n se mil jaataa ham sab ko charaaG-e-chain agar
bas saal me.n ik din pa.Dh lete darje kii kitaabe.n far far far
phir KHvaab hii dilchaspii rahtii phir KHuub maza aataa din bhar
school me.n jaanaa kyuu.n hotaa har roz ye rahtaa kyuu.n chakkar
ummiid nahii.n lekin phir bhii ummiid lagaa.e baiThe hai.n
lekin ye zamaana ilm kaa hai ye vaqt hai aage ba.Dhne kaa
mil-jul ke kare.nge gar mehnat ho jaa.egaa har sapnaa puuraa
himmat se hu.ii hai.n taamiire.n jur.at se hu.aa hai kaam nayaa
jab azm-o-amal achchhaa hogaa achchhaa hii natiija bhii hogaa
ham log yahaa.n halva khaa kar ik sham.a jalaa.e baiThe hai.n

Shaukat Pardesi

Nazm

eid ki KHaridari

musalmaa.n qarz le kar eid kaa saamaa.n KHariide.nge
jo daanaa hai.n vo beche.nge jo hai.n naadaa.n KHariide.nge
jo sayyaa.n shauq se khaa.e.n vo sivayyaa.n KHariide.nge
murkkab suud kaa saudaa ba-naqd-e-jaa.n KHariide.nge
musalmaano.n ke sar par jab mah-e-shavvaal aataa hai
to un kii iqtisaadiyaat me.n bhau.nchaal aataa hai
baham dast-o-garebaa.n sales-man aur un ke gaahak hai.n
vo Gul barpaa hai jaise naGma-zan chauha.D me.n me.nDak hai.n
mizaajan roza-daar-e-shaam baaruud aur gandhak hai.n
aur un me.n nazm aur zabt aur ravaa-daarii yahaa.n tak hai.n
ki shiddat bhuuk kii aur pyaas kii aise miTaate hai.n
ba-zo.am-e-roza abnaa-e-vatan ko kaaT khaate hai.n
jo mujh aise hai.n ri.nd un ko bhii zo.am-e-paarsaa.ii hai
aur is mazmuun kii ik daavat-e-iftaar aa.ii hai
ki ik chaaliis-saala tifl kii roza-kushaa.ii hai
farishte is pe hairaa.n dam-ba-KHud saarii KHudaa.ii hai
KHudaavand-e-do-aalam se vo ye bevpaar karte hai.n
jo rakkhaa hii nahii.n roza use iftaar karte hai.n
miyaa.n biivii chale baazaar ko bahr-e-KHariidaarii
miThaa.ii phal sivayyaa.n itr juute gosht tarkaarii
jo shai biivii ne lii vo dosh par shauhar ke de maarii
vo be-chaara to KHachchar hai baraa.e baar-bardaarii
ba-zor-e-qarz duukaano.n pe itnaa fazl-e-baarii hai
ki is ghamsaan me.n insaan par insaan taarii hai
liyaa biivii ne shauhar ke liye juutaa jo arzaa.n hai
vo amriikii madad kii tarah us ke sar pe ehsaa.n hai
ki is se faa.eda pahu.nchegaa us ko jis kii duukaa.n hai
aur us shauhar kaa juutaa KHud usii ke sar pe raqsaa.n hai
ye suurat dekh kar kahte hai.n akasr dil me.n bin-byaahe
''dil o dii.n naqd laa saaqii se gar saudaa kiyaa chaahe''
jo silne ko diye kap.De vo hai.n sab habs-e-bejaa me.n
ki darzii chhup gayaa jab atlas-o-kamKHvaab-o-diibaa me.n
to readymade kap.Do.n kii dukaane.n jhaa.nktaa thaa mai.n
falak par qiimate.n laTkii hu.ii thii.n shaaKH-e-tuubaa me.n
mubaarak maah ke andar hamii.n se naf.a-KHorii hai
nahii.n hotaa hai baatil jis se roza ye vo chorii hai
ye sivayyaa.n jo bal khaatii hu.ii me.ade me.n jaa.e.ngii
siyaasii guththiyo.n ko aur uljhaanaa sikhaa.e.ngii
hamaarii aane vaalii nasl ke leader banaa.e.ngii
jo leader ban chuke hai.n ebdo un ko karaa.e.ngii
''qad o gesuu me.n qais-o-kohkan kii aazmaa.ish hai
jahaa.n ham hai.n vahaa.n daar-o-rasan kii aazmaa.ish hai''
mahiine bhar ke rozo.n baa'd haq ne din ye dikhlaayaa
alal-ailaan khaayaa dosto.n ke saath jo paayaa
ye pahle Dar thaa ham ko jhaa.nk kar dekhe na ham-saaya
ba-juz KHauf-e-KHudaa din me.n ba-zaahir kuchh na thaa khaayaa
hasiino.n mah-vasho.n ko ab sar-e-baazaar dekhe.nge
ga.e vo din ki kahte the pas-az-iftaar dekhe.nge

Syed Mohammad Jafri

Nazm

pak o hind yak-jehti

miyaan-e-hind-o-pakistan ik sarhad kaa jhag.Daa hai
vagarna is imaarat ke manaare ek jaise hai.n
karaachii kaa kitchen ho yaa vo dakan kii ''raso.ii'' ho
namak kaa farq hai be.ngan bhagaare ek jaise hai.n
pajaamo.n ke design ko badal Daalaa to kyaa Gam hai
hamaarii biiviyo.n ke to Garaare ek jaise hai.n
pareshaa.n haal hai public magar dono.n mumaalik ke
miraasii cricketer filmii sitaare ek jaise hai.n
ka.nvaare log to har mulk me.n aazaad phirte hai.n
magar shaadii-shudaa qismat ke maare ek jaise hai.n
baraa.e aqd-KHvaanii qaaziyo.n me.n farq hai lekin
karaachii aur dillii ke chuvaare ek jaise hai.n
ka.nvaaraa aadmii ho yaa ko.ii aazaad leader ho
jo be-pe.nde ke loTe hai.n vo saare ek jaise hai.n
nikamme rahnumaa aur aql se paidal siyaasat-daan
hamaare ek jaise hai.n tumhaare ek jaise hai.n
yahaa.n kaa KHaalid-e-irfaa.n vahaa.n ke 'raahat'-indorii
nire shaa.er hai.n dono.n ke sitaare ek jaise hai.n

Khalid Irfan

Nazm

jalwa-e-sahar

sa.Dak jo aatii hai chhaavnii se chahal-pahal us pe KHuub hii hai
nikal ke gunjaan bastiyo.n se baraa-e-tafriih sab hai.n aa.e

Nushur Wahidi

Nazm

yahan dildar-begam dafn hai

''is jagah dildaar-begam dafn hai
vo afiifa paarsaa saabir-o-shaakir so rahii hai
yahaa.n se Gair mardo.n kaa guzarnaa man.a hai
baraa.e faatiha jo aanaa chaahe aa.e
lekin duur se pa.Dh le''

Zehra Nigaah

Nazm

dal badli

chalte chalte daf.atan paTrii badalne kaa chalan
thaa siyaasat ke qalaabaazo.n kaa yak mash.huur fan
faa.eda hotaa thaa vaqtii taur par is khel me.n
go sakaa hazraat kahte the use baazaar-pan
ahl-e-sheristaan ne bhii ab use apnaa liyaa
kaar-aamad dekh kar ye nusKHa-e-aahan-shikan
ho rahaa hai is qadar maqbuul ye nusKHa ki ab
dil badalte rahte hai.n din raat arbaab-e-suKHan
nit nayaa bahruup laazim hai pa.e iz.haar-e-zaat
jab nazar ke saamne ho fan baraa.e makr-o-fan
vo zamaana jab ki bazm-e-sher thii ik razm-gaah
chho.D dii thii har na.e shaa.ir ne raftaar-e-kuhan
gholte rahte the vo hazraat jaam-e-sher me.n
naGma-e-bulbul ke badle shorish-e-daar-o-rasan
hoTalo.n me.n baiTh kar hotaa thaa zikr-e-inqalaab
apne sar se baa.ndhe phirte the taKHayyul me.n kafan
in me.n kuchh leader sifat the aur kuchh volunteer
jhunD me.n surKHaab ke ho.n jis tarah zaaG-o-zaGan
na.ara baazii me.n agar hote the leader paav ser
in ke har volunteer kaa vazn hotaa De.Dh man
rafta rafta shor-e-GauGaa.ii suKHan kaa jab thamaa
lag gayaa jab maah-e-naKHshab me.n havaadis kaa gahan
aa ga.e kuchh aur kartab-baaz bazm-e-sher me.n
ik zaraa saa jaante the jo nazar-bandii kaa fan
suu.ngh kar mausam kii buu aur ruKH havaa kaa dekh kar
kechulii badlii har ik volunteer ne daf.atan
subah dam dekhaa to teddy suiT me.n malbuus hai.n
phe.nk kar chupke se apnaa inqilaabii pairahan
sar ke baalo.n kii safedii ho ga.ii Garq-e-KHizaab
tah-ba-tah Gaaza lagaa kar duur kii ruKH kii shikan
shaa.irii kii umr thii go biis yaa pachchiis saal
lekin apne fan me.n vo bil-qasd laa.e baal-pan
kar diyaa bahr-e-sadaarat pesh apne aap ko
jab banaa.ii chand nau-mashqo.n ne ko.ii anjuman
is liye ghuspaiTh karte ye sab volunteer
ban ga.e ab KHaam zehno.n ke imaam-e-fikr-o-fan
in kaa maqsad hai agar kuchh to husuul-e-manfa.at
inqilaabii shaa.irii ho yaa mu.ammatii suKHan

Raza Naqvi Vahi

Nazm

ghar ki raunaq

ham apne ahl siyaasat ke dil se qaa.el hai.n
ki haq me.n qaum ke vo maadar-e-masaa.il hai.n
qadam qadam pe na.e gul khilaate rahte hai.n
tarah tarah ke masaa.il ugaate rahte hai.n
kabhii ye dhun hai ki suubo.n kii phir se ho tashkiil
kabhii ye zid hai ki had-bi.ndiyaa.n na ho.n tabdiil
kabhii ye shor karo KHatm chor-baazaarii
munaafa-KHoro.n kii lekin na ho giraftaarii
baraa.e-bahs kha.Daa hai kabhii ye ha.ngaama
libaas qaum kaa dhotii ho yaa ki paajaama
har ek bahs me.n kuchh kisht-o-KHuu.n zaruurii hai
nahii.n to jo bhii hai tahriik vo adhuurii hai
har ek fitna-o-shorish kaa aaKHirii jalva
muzaaharaat o juluus o tasaadum o balva
yuu.nhii uThaa.ii ga.ii bahs jab zabaa.n ke liye
''suKHan bahaana hu.aa marg-e-naa-gahaa.n ke liye''
vo mas.ala ki jo daanish-kado.n me.n hal hotaa
balaa se aaj agar tai na hotaa kal hotaa
use bhii ahl-e-siyaasat ne kar liyaa iGvaa
aur is ke baa'd vo sab kuchh hu.aa jo honaa thaa
nifaaq o buGz o ta.assub ke aa ga.e rele
zabaa.n kii aa.D me.n ahl-e-fasaad khul-khele
muKHaalifat me.n hu.ii jaa-ba-jaa saf-aaraa.ii
juluus le ke chale ik taraf se balvaa.ii
labo.n pe GalGala-e-''inqilaab zindaabaad''
magar dilo.n mai.n dabaa.e hu.e sharaar-e-fasaad
dukaane.n lauTii ga.ii.n raah-giir maare ga.e
gharo.n me.n aag lagii tifl o piir maare ga.e
vo pahlaa shaKHs jau khaa kar chhure kaa zaKHm giraa
maze kii baat to ye hai, Gariib guu.ngaa thaa
maziid ye ki ise jaa.n se maarne vaale
kisii zabaan se vaaqif na the KHud an-pa.Dh the

Raza Naqvi Vahi

Nazm

rakhi bandhan

zindagii ke ka.ii me.aar hai.n
varaq varaq
ik ruKH-e-ehsaas ko
fitrii aur masnuu.ii sat.h par baa.nTanaa
apne aur paraa.e ko
do daa.ero.n me.n taqsiim karnaa
yaa baaruud ke dhamaako.n me.n
zamiin ko Tuk.De Tuk.De karnaa
zindagii baraa.e zindagii ko maan.ne vaale
vaqt kaa kohraa chhaTte hii
aasthaa ke aks phailaa dete hai.n
paagal KHayaal kii shiddat ghaT jaatii hai
us pal shaaKH-dar-shaaKH
phailne vaalii KHushbuu
kisii ajnabii kalaa.ii par
ek raakhii baa.ndh detii hai
pal bhar me.n ka.Dvii sachchaa.iyaa.n
rishto.n kii tamaam hade.n to.D kar
bhaa.ii bahan ke rishte me.n badal jaatii hai.n
zehn me.n maujuud tamaam talKHiyaa.n
KHushnumaa ehsaas me.n
KHud-baKHud Dhal jaatii hai.n
'imaam-aazam' kii du.aa hai
be-misaal rishte kaa ye bandhan
sadaa qaa.em rahe

Imam Azam

Nazm

rahguzar ke baad

shab intizaar-e-sahar hai sahar ke baa'd hai kyaa
du.aa baraa-e-asar hai asar ke baa'd hai kyaa

Mahboob Khizan

Nazm

ajib log hain

ajiib log the
suuraj kii raushnii ke tale
KHud apne-aap ko pahchaan bhii rahe the
aur
labo.n pe da.avaa-e-inkaar-e-aaftaab bhii thaa
vo jaante the ki suuraj kii raushnii ke sivaa
ko.ii charaaG mayassar nahii.n hai aisaa jo
talaash-e-asl-e-haqiiqat ke ziine cha.Dhte hu.e
be-imtiyaazii me.n is aaftaab jaisaa ho
ajiib log the
suuraj ke nuur-KHaane me.n
kiraa.e-daar bhii the aur sar-niguu.n nahii.n the
kisii sharaar-e-munaafiq ne un ke siino.n me.n
zabaa.n-daraazii kii us aag ko havaa dii thii
jise qabiila-e-Gaflat ke KHushk logo.n ne
anaa ke KHabt pe aflaak se nikaale hu.e
kisii darinda-e-be-shakl kii tasallii par
baraa.e-nashsha-e-haivaaniyat uThaa liyaa thaa
magar ye kyaa
ki phir aaj is hamaarii bastii me.n
ajiib log hai.n
suuraj kii raushnii ke tale
KHud apne-aap ko pahchaan bhii rahe hai.n
aur
labo.n pe da.avaa-e-inkaar-e-aaftaab bhii hai
ajiib log hai.n
suuraj ke nuur-KHaane me.n
kiraa.e-daar bhii hai.n
aur sar-niguu.n nahii.n hai.n

Sarfraz Arish

Nazm

mera saya

mujhe tum se ko.ii mohabbat na ulfat
ta.alluq bhii ab hai baraa-e-ta.alluq
magar tum se jab bhii milaa huu.n
mujhe meraa saaya
jise mai.n vahii.n chho.D aayaa
jahaa.n vo KHayaalo.n kii vaadii me.n
KHvaahish kii titlii ke piichhe u.Daa jaa rahaa thaa
tumhaarii ghanii zulf kii badliyo.n me.n
zamii.n se bahut duur lekin
mere pair me.n Dor aisii ba.ndhii thii
ki jis ne mujhe badliyo.n se uThaa kar
zamii.n par biThaa kar
mere chaaro.n jaanib ka.ii daa.ere bun diye hai.n
hai dushvaar jin se nikalnaa
magar tum se jab bhii milaa huu.n
mujhe meraa saaya bahut yaad aayaa

Aarif Akhtar Naqvi

Nazm

rangoon ka mushaera

karachi se piyaa kii god me.n hindostaa.n aayaa
na.ii dehlii se kahne ko puraanii daastaa.n aayaa
javaanii ke liye yaade.n mai.n suu-e-gulistaa.n aayaa
baraa.e ahl-e-mahfil aur ba-yaad-e-raftagaa.n aayaa
vo maskan thaa vo madfan hai bahut se ahl-e-iimaa.n kaa
''vo ik gul-dasta hai ham be-KHudo.n ke taaq-e-nisyaa.n kaa''

Syed Mohammad Jafri

Nazm

main shair hun

adaa-e-dil vahii aur KHuu-e-dil-daarii bhii siikhii hai
baraa-e-dostaa.n ye tarz-e-ayyaarii bhii siikhii hai
ba-paas-e-ahl-e-majlis naaz-bardaarii bhii siikhii hai
adaakaarii me.n yaktaa huu.n guluu-kaarii bhii siikhii hai
fuzuu.n kuchh aur bhii ab rang-e-mahfil karne vaalaa huu.n
mai.n apnii shaa.irii me.n raqs shaamil karne vaalaa huu.n

Asad Jafri

Nazm

kasrat-e-aulad

ghar me.n motor bhii baraa.e-baar-bardaarii nahii.n
saath le jaane me.n bachcho.n ke ba-juz-KHvaarii nahii.n
ek bachcha god me.n le luu.n ki vo bhaarii nahii.n
vo magar darjan hai.n mai.n insaan huu.n laarii nahii.n
''ai Gam-e-dil kyaa karuu.n, ai vahshat-e-dil kyaa karuu.n''

Syed Mohammad Jafri

Nazm

trahdar kahan se laun

jhuuT kii garmii-e-baazaar kahaa.n se laa.uu.n
raqs-e-be-ma.anii kii jhankaar kahaa.n se laa.uu.n
Dhuu.nD ke hiila-e-takziib baraa.e-insaaf
be-muhaabaa sar-e-darbaar kahaa.n se laa.uu.n
be-KHabar ishq se hai.n aaj riyaa-kaar shuyuuKH
jazb-e-mansuur sar-e-daar kahaa.n se laa.uu.n
bech kar chaadar-e-zahraa ko sajaataa firdaus
reshmii makr kii dastaar kahaa.n se laa.uu.n
maut kii god me.n hai aarif-o-daanaa kaa vajuud
dil-rubaa fikr-e-sahar-kaar kahaa.n se laa.uu.n
me.n vo fankaar huu.n iKHlaas hai jis kaa shahkaar
makr-o-tarviiz kii guftaar kahaa.n se laa.uu.n
KHaanqaaho.n me.n bhii raa.ij hai havas kii tadriis
baa-KHudaa shaiKH-e-nigah-daar kahaa.n se laa.uu.n
maktab-e-nau kaa moallim hai fara.ngii baqqaal
buuzar-o-KHaalid-o-karraar kahaa.n se laa.uu.n
ruuh-e-tauhiid kii qaatil hai siyaasii ta.aliim
sar-faroshaan-e-vafaadaar kahaa.n se laa.uu.n
KHuub vaaqif huu.n hadiis-e-mai-o-miinaa se magar
aalam-e-hashr me.n dildaar kahaa.n se laa.uu.n
saaz-e-fitrat pe Gazal-KHvaa.n hai shu.uur-e-tanqiid
kaaGzii kaakul-o-ruKHsaar kahaa.n se laa.uu.n
shola-zan daaman-e-giitii hai to mazmuun ko.ii
jinsiyat-baKHsh trahdaar kahaa.n se laa.uu.n
dil kaa paimaana hai zahraab-e-alam se labrez
bulbul-e-zamzama-aasaar kahaa.n se laa.uu.n
tazkire hai.n qad-o-gesuu ke bahar-taur aziiz
muflisii me.n dil-e-gulbaar kahaa.n se laa.uu.n
tishnagii saahab-e-naama kii bujhaane vaalo
aabruu-baaKHta shahkaar kahaa.n se laa.uu.n
arsa-e-dahr kaa har zarra hai aatish-ba-kanaar
ramish-o-ra.ng ke ash.aar kahaa.n se laa.uu.n
jannatii hone kii maanaa ki sanad biktii hai
ganj-e-qaaruun kaa ambaar kahaa.n se laa.uu.n
zeb-e-tan vaqt kaa pairaahan-e-sho.ala hai abhii
kaif-a.ngez mai.n afkaar kahaa.n se laa.uu.n
KHair-aagaah miraa fikr hai masruuf-e-amal
bahs-o-takraar kii talvaar kahaa.n se laa.uu.n
jaan pa.D saktii hai 'bebaak' tan-e-murda me.n
mard-e-'faaruuq' saa kirdaar kahaa.n se laa.uu.n

Bebak Bhojpuri

Nazm

ajab bala-KHez marhala tha

ajab safar thaa
ajab pur-asraar marhala thaa
ajiib ha.ngaam-e-rah-e-navardii
ajiib shauq-e-jahaa.n-numaa thaa
na ko.ii saut-e-daraa sadaa-e-rahiil thii
aur na ko.ii manzil na kaarvaa.n thaa
ajiib KHuu-e-safar thii
jo zaad-e-raah thii
ham-safar thii
rahrav thii
raahbar thii
na dil me.n andesha-e-maraahil
na KHauf-e-jaada
na intizaar-e-savaad-e-manzil
har us tuufaan-e-baad-o-baaraa.n
na paa.e rah-e-aafrii.n me.n laGzish
na raah-e-gum-kardagii kaa sadma
bas ek bebaak hausla thaa
jo saarii hastii pe chhaa gayaa thaa
ki jaan mahshar-ba-dast thii
pech-o-KHam rah-e-pur-KHatar ke uqda-kushaa the
dil faariG-e-KHatar thaa
ajab safar thaa
ajab balaa-KHez marhala thaa
ki duur tak
sarhad-e-ufuq tak
samundar-o-sabza-zaar-o-waadii-o-koh-o-sahraa-o-dasht-o-dariyaa the
aur mai.n thii
musaafirat thii
safar baraa.e-safar thaa
ik pyaas kaa samundar thaa
jo rag-e-jaa.n me.n maujzan thaa
vo arsa-e-motabar thaa
yaa ahd-e-muKHtasar thaa
vo jo bhii thaa
ik ajab safar thaa
ajab balaa-KHez marhala thaa

Sajida Zaidi

Nazm

udas shaera

ye un dino.n kii baat hai
ki jab vo chaa.nd-raat me.n
baraa-e-fikr-e-shaa.irii
jo chhat pe jaa ke baiThtii
to maahtaab se
sitaare
saare jaa ke puuchhte
ye shaa.era hai
yaa ko.ii
Gazal
udaas udaas hai
ye un dino.n kii baat hai

Maroof Raebarelvi

Nazm

bichhaD chuke hain

so tai hu.aa ki bichha.D chuke hai.n
faqat dikhaavaa hai.n sard aa.he.n
jo aag dono.n taraf baraabar lagii hu.ii thii
vo bujh chukii hai
ukha.D chukaa hai vo saa.ns jis se
hayaat the raabte hamaare
judaa hai.n ab raaste hamaare
masaafate.n KHatm ho chukii hai.n
baraa.e-duniyaa hai raah-gardii
muravvatan hai.n muravvate.n bhii
ye haath haatho.n me.n jaante ho kahaa.n talak hai
hisaab-e-suud-o-ziyaa.n talak hai
hai.n muntazir ab ki kab ko.ii aisaa mo.D aa.e
ki baar-e-ilzaam-e-bevafaa.ii ko.ii uThaa.e
jo muskuraahaT hamaare chehre ko dekh kar un labo.n pe aatii
jabii.n kii shikno.n me.n Dhal chukii hai
vo ho.nT jin pe hamaare boso.n se surKHiyaa.n thii.n
vo ho.nT shikvo.n se aT chuke hai.n
ham ek dono.n me.n baT chuke hai.n
to tai hu.aa ki bichha.D chuke hai.n

Zaheer Mushtaq Rana

Nazm

hamein kaha jaega

hame.n kahaa jaa.egaa ki haath upar uThaa le.n
aur apne talaa.ii KHvaab, nuqra.ii va.ade
aur kaa.nsii ke phuul hamaare havaale kar de.n
apnii mahbuubaa.e.n vaaldain aur dost
hamaare supurd kar de.n
apnii zamiin aur aasmaan girvii rakh de.n
apne samundar aur sahraa
baraa.e naam qiimat pe faroKHt kar de.n
kashtiyo.n aur ja.ngalo.n ko aag lagaa de.n
dariyaa aur pul KHaalii kar de.n
ghar chho.D ke chale jaa.e.n
aur piichhe mu.D ke na dekhe.n
mohabbat ek naa-munaasib qadam hai
is se gurez kare.n
hame.n kahaa jaa.egaa ki
aa.inda kuchh na kahe.n

Zeeshan Sahil

Nazm

ek nazm

tum se
bichha.Dne ke baa'd
mai.n ne
kabhii
aa.nsu.o.n par
baraa.e-faroKHt kaa Tag nahii.n lagaayaa
aur
apne
qahqaho.n kaa khokhlaa-pan
saarii zindagii
jur’a jur’a piitaa rahaa

Ehtisham Ali

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now