کی تلاش کا نتیجه | موضو - نظم, صفحہ mukesh

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "mukesh"

نظم کے متعلقہ نتیجہ "mukesh"

نظم

سبھی نے کہا دل لگانا غلط ہے
مگر میں یہ سمجھا زمانا غلط ہے
یہ میری خطا ہے سزا بھی مجھے دے
دعا بھی مجھے دے قضا بھی مجھے دے

مکیش جھا

نظم

وہ ہو چکن مکیش زری یا رفوگری
کتنے ہی فن سمیٹے ہے فنکار لکھنؤ

سالم حسین

نظم

ذرا اس خود اپنے ہی
جذبوں سے مجبور لڑکی کو دیکھو
جو اک شاخ گل کی طرح
ان گنت چاہتوں کے جھکولوں کی زد میں
اڑی جا رہی ہے
یہ لڑکی
جو اپنے ہی پھول ایسے کپڑوں سے شرماتی
آنچل سمیٹے نگاہیں جھکائے چلی جا رہی ہے
جب اپنے حسیں گھر کی دہلیز پر جا رکے گی
تو مکھ موڑ کر مسکرائے گی جیسے
ابھی اس نے اک گھات میں بیٹھے
دل کو پسند آنے والے
شکاری کو دھوکا دیا ہے

منیر نیازی

نظم

کل واشنگٹن شہر کی ہم نے سیر بہت کی یار
گونج رہی تھی سب دنیا میں جس کی جے جے کار
ملکوں ملکوں ہم گھومے تھے بنجاروں کی مثل
لیکن اس کی سج دھج سچ مچ دل داروں کی مثل
روشنیوں کے رنگ بہیں یوں رستہ نظر نہ آئے
من کی آنکھوں والا بھی یاں اندھا ہو ہو جائے
اونچے بام چراغاں رستے روپ بھرے بازار
جاگتی آنکھوں سے دیکھا ہے خوابوں کا سنسار
ایک سفید عمارت جس کی نگر نگر میں دھوم
اندر دنیا بھر کی کالک باہر سے معصوم
یہی سفید عمارت جس میں بہت بڑی سرکار
یہیں کریں سوداگر چھوٹی قوموں کا بیوپار
یہیں پہ جادو گر بیٹھا جب کہیں کی ڈور ہلائے
ہر بستی ناگا ساکی ہیروشیما بن جائے
اسی عمارت سے کچھ دور ہی اک کالی دیوار
لوگوں کا میلہ ایسا لگا تھا جیسے کوئی تیوہار
اس کالی دیوار پہ کندہ دیکھے ہزاروں نام
ان ناموں کے بیچ لکھا تھا شہدائے وتنام
آس پاس تو جمع ہوا تھا خلقت کا انبوہ
سب کی آنکھوں میں سناٹا چہروں پر اندوہ
بیکل بہنیں گھائل مائیں اور دکھی بیوائیں
ساجن تم کس دیس سدھارے سوچیں محبوبائیں
اپنے پیاروں دل داروں کا اوجھل مکھڑا ڈھونڈیں
اس کالی دیوار پہ ان کے نام کا ٹکڑا ڈھونڈیں
دلوں میں دکھ آنکھوں میں شبنم ہاتھوں میں پھول اٹھائے
اس ناموں کے قبرستان کا بھید کوئی کیا پائے
نا تربت نا کتبہ کوئی نا ہڈی نا ماس
پھر بھی پاگل نیناں کو تھی پیا ملن کی آس
کہیں کہیں اس کالی سل پر کوئی سفید گلاب
یوں بے تاب پڑا تھا جیسے اندھی آنکھ کا خواب
کانٹا بن کر سبھی کے دل میں کھٹکے ایک سوال
کس کارن مٹی میں ملائے ہیروں جیسے لال
ہوچی من کے دیس میں ہم نے کیا کیا ستم نہ ڈھائے
اس کے جیالے تو آزادی کا سورج لے آئے
لیکن اتنے چاند گنوا کر ہم نے بھلا کیا پایا
ہم بد قسمت ایسے جن کو دھوپ ملی نا سایا
مکھ موتی دے کر حاصل کی یہ کالی دیوار
یہ کالی دیوار جو ہے بس اک خالی دیوار
یہ کالی دیوار جو ہے ناموں کا قبرستان
واشنگٹن کے شہر میں دفن ہیں کس کس کے ارمان

احمد فراز

نظم

گلے میں ہار پھولوں کا چرن میں دیپ مالائیں
مکٹ سر پر ہے مکھ پر زندگی کی روپ ریکھائیں
لیے ہیں کر میں منگل گھٹ نہ کیوں گھٹ گھٹ پہ چھا جائیں
اگر پرتو پڑے مردہ دلوں پر وہ بھی جی جائیں

نذیر بنارسی

نظم

بھلائی سب کی ہو جس سے وہ کام اس کا ہے
جہاں بھی جاؤ وہیں احترام اس کا ہے
اٹھائے سر کوئی کیا سر اٹھا نہیں سکتا
مقابلے کے لئے آگے آ نہیں سکتا
کسی سے اس کو محبت کسی سے الفت ہے
کسی کو اس کی ہے اس کو کسی کی حسرت ہے
وفا و لطف ترحم کی خاص عادت ہے
غرض کرم ہے مدارات ہے عنایت ہے
کسی کو دیکھ ہی سکتا نہیں ہے مشکل میں
یہ بات کیوں ہے کہ رکھتا ہے درد وہ دل میں
وہ رشک شمع ہدایات ہے انجمن کے لئے
وہ مثل‌ روح رواں عنصر بدن کے لئے
وہ ایک ساغر نو محفل کہن کے لئے
وہ خاص مصلح کل شیخ و برہمن کے لئے
لگن اسے ہے کہ سب مالک وطن ہو جائیں
قفس سے چھوٹ کے زینت دہ چمن ہو جائیں
جفا شعار سے ہوتا ہے بر سر پیکار
نہ پاس توپ نہ گولا نہ قبضے میں تلوار
زمانہ تابع ارشاد حکم پر تیار
وہ پاک شکل سے پیدا ہیں جوش کے آثار
کسی خیال سے چرخے کے بل پہ لڑتا ہے
کھڑی ہے فوج یہ تنہا مگر اکڑتا ہے
طرح طرح کے ستم دل پر اپنے سہتا ہے
ہزار کوئی کہے کچھ خموش رہتا ہے
کہاں شریک ہیں آنکھوں سے خون بہتا ہے
سنو سنو کہ یہ اک کہنے والا کہتا ہے
جو آبرو تمہیں رکھنی ہو جوش میں آؤ
رہو نہ بے خود و بیہوش ہوش میں آؤ
اسی کو گھیرے امیر و غریب رہتے ہیں
ندیم و مونس و یار و حبیب رہتے ہیں
ادب کے ساتھ ادب سے ادیب رہتے ہیں
نصیب ور ہیں وہ بڑے خوش نصیب رہتے ہیں
کوئی بتائے تو یوں دیکھ بھال کس کی ہے
جو اس سے بات کرے یہ مجال کس کی ہے
رفاہ عام سے رغبت ہے اور مطلب ہے
انوکھی بات نرالی روش نیا ڈھب ہے
یہی خیال تھا پہلے یہی خیال اب ہے
فقط ہے دین یہی بس یہی تو مذہب ہے
اگر بجا ہے تو بسملؔ کی عرض بھی سن لو
چمن ہے سامنے دو چار پھول تم چن لو

بسمل الہ آبادی

نظم

نئی جگہ تھی دور دور تک آخر پر دیواریں شب کی
کچھ یاروں نے برپا کر دی اک محفل کچھ اپنے ڈھب کی
اونچے در سے داخل ہو کر صاف نشیب میں بیٹھے جا کر
ایک مقام میں ہوئے اکٹھے رونق اور ویرانی آ کر
مرکز در سے جشن بپا تک سیر تھی شام مہر و وفا کی
خوشی تھی اس سے ملنے جیسی بے چینی تھی ابر و ہوا کی
سب رنگوں کے لوگ جمع تھے ایک ہی منزل تھی ان سب کی
اک بستی آلام سے خالی ایک فضا کسی خواب طرب کی
جنگل کی شادابی جیسا پہنا تھا کوئی جلوہ اس نے
پیراہن اک نئی وضع کا کھلے سمندر جیسا اس نے
کر رکھا تھا چہرہ اپنا دکھ مکھ سے بے پروا اس نے
میری طرف تکنے سے پہلے چاروں جانب دیکھا اس نے

منیر نیازی

نظم

گنگا کی چھاتی پر
سر رکھ کر نئی
کچھ دیر
جکڑے بنارس کے
بوڑھے ناخونوں اور جھریوں نے
چپچپاتی چمڑی والے ہاتھوں کو
چھو کر یوں لگا کہ تم وحی ہو جو میں ہوں
اور یہ میری جگہ ہے
میں ہوں منیکرنیکا
اور تم میرے کاشی
یے جو گنگا ہے نا
اسی میں بہتے بہتے ہم ایک کنارے
ملے تھے کبھی
اور ہمیشہ کے لیے ایک ہو گئے
یے گنگا ہی شاکشی ہے
گنگا ہی رشتہ
یہی پریم بھی
سوتر بھی یے ہے
ہم گنگا کے کنکر
گنگا کی اولاد
اور اسی میں موہ
موکش بھی اسی میں
میں منیکرنیکا
تم میرے کاشی

ورشا گورچھیہ

نظم

خوشیوں کا مکھ چوم کے دیکھا دنیا مان بھری
دکھ وہ سجن کٹھور کہ جس کو روح کرے سجدہ

مجید امجد

نظم

جب آکاش کا دل دکھتا ہے
بچے بوڑھے شجر حجر چڑیاں اور کیڑے
سب کے اندر دکھ اگتا ہے
پھر یہ دکھ آنکھوں کے رستے
گالوں پر بہنے لگتا ہے
پھر ٹھوڑی کے پنج ند پر سب دکھوں کے دھارے آ ملتے ہیں
اور شبنم سا مکھ دھرتی کا
خود اک دھارا بن جاتا ہے

وزیر آغا

نظم

دور کہیں
کوئل کی کو‌ کو گونج رہی ہے
نیل گگن پہ کالے بادل ڈول رہے ہیں
اور کھیتوں میں پگلی پون
ہرے بھرے مکے کے مکھ کو چوم رہی ہے
اک عاشق جو محبوبہ سے بچھڑ گیا ہے
اونچی فصلوں بانس کے جھنڈوں میں وہ اس کو ڈھونڈ رہا ہے
کاش کہ میرا گاؤں ہو ایسا
محبوبہ بھی ایسی ہو
رنگ برنگی تتلیاں اڑ کر جس کا پتہ بتاتی ہوں

ابوبکر عباد

نظم

یشودھرا تھک کے سو گئی تھی
اور راہل بستر پر جاگتا تھا
مگر سدھارتھ
محل سے باہر نکل چکا تھا
اس کا ہردے بدل چکا تھا
بدن پہ گیروا لباس ڈالے
وہ سیدھا جنگل کو جا رہا تھا
یہ من ہی من وہ وچارتا تھا
یہ دھن یہ دولت
یہ عیش و عشرت
یہ پران کایا
یہ موہ مایا
ہے سب پرایا
کہیں نہیں شانتی کی چھایا
کہیں نہیں شانتی کی چھایا
پربھو یہ کیوں تو نے جگ بنایا
یہ جگ جہاں جگ جگانتر سے
اننت پرانی اسنکھ مانو
کامنا واسنا کی اگنی میں جل رہا ہے
وہ مرگ ترشنا کو جل سمجھ کر
خود آپ اپنے کو چھل رہا ہے
دکھوں کے صحرا میں چل رہا ہے
یہاں پہ جیون مرن بھی دکھ ہے
برہ بھی دکھ ہے ملن بھی دکھ ہے
شریر اور آتما بھی دکھ ہے
ترپتی اور ترشنا بھی دکھ ہے
مگر کہیں موکش کا کوئی راستہ نہیں ہے
کہیں بھی نروان کا کوئی سلسلہ نہیں ہے
میرے بھگوان
میں یگ کے اندھے وشال بن میں
کب سے نروان ڈھونڈھتا ہوں
منش کا کلیان ڈھونڈھتا ہوں
میں اپنی پہچان ڈھونڈھتا ہوں

رضا اشک

نظم

کس کو اپنا مانوں آخر
کس مکھ پر اپنا نام لکھوں
یہ جیون اک کورا کاغذ
اب کس کو کیا پیغام لکھوں

نصیر پرواز

نظم

درپن سے جب نین ملے تو رہ گئی میں بھی دنگ
پریت سے اس کی اور ہوا تھا سندر مکھ کا رنگ
سکھیوں نے جب بھید یہ پوچھا لاج سے کچھ نہ بولی سکھی
اب کے برس پھاگن میں کسی سے ایسی کھیلی ہولی سکھی

ظفر سنبھلی

نظم

اور پھر دو آنکھوں کو ملتی
کالے الجھے بالوں کو مکھ پر بکھرائے
چھوٹے چھوٹے قدم اٹھاتی بڑھتی آئی
پہلی کھڑکی میں جب اس نے جھانکا
کھڑکی کی دہلیز پہ رکھا اک نازک گلدان چٹخ کر ٹوٹ گیا
الجھے بالوں پاگل آنکھوں والی نے تب آگے بڑھ کر
دوسری تیسری اور پھر گلی کی ہر کھڑکی میں جھانک کے دیکھا
گل دانوں کو ٹھوکر ماری
اک اک پھول کو روند دیا

وزیر آغا

نظم

تمہاری ہڈیاں مڑتی نہیں ہیں
رحم مادر سے نکلنے کے لیے بیتاب ہو
سوتے رہو یہ گھر گرہستی کا زمانہ ہے
مویشی اصطبل میں جائیں گے اور اونٹ خیمے میں
فرس ابن زیادہ کے لیے عضو زیادہ ہے
سواری واسطے مشکی ہرن زنجیر کرتے ہیں
زمین شور سے شوریدہ سر عفریت سے بونے
سمندر سے گلابی مچھلیاں
مٹی سے سورج مکھ کا جنگل
چار دیواری سے اٹھ کر دیکھتا ہے
آنگنوں میں ہل نہیں چلتے
ابو سفیان سے میں نے سنا تھا

محمد انور خالد

نظم

ساری چٹ کر جائیں سبھی
ہنسی ہنسی میں پیار میں ہی
چل جائیں گھونسے مکے لات
مونگ پھلی کی کیا ہے بات

یاسر فاروق

نظم

میرے گھر کو آتی بل کھاتی پگڈنڈی کنارے
کئی رنگ کے پھول کھلے ہوئے ہیں
میں آتے جاتے
جن سے ہم کلام ہوتی ہوں
کہ آج کے مشینی دور میں
وہ میرے آفاقی ڈاکئے ہیں
جن کی خوشبو میں میرے خوابوں کی تعبیر پنہاں ہے
جن کے رنگوں میں میرے کنور میرے کنہیا کے ہونے کا نشاں نہاں ہے
میں ہر روز جن کے دامن میں اپنی تقدیر کی شطرنج بچھاتی ہوں
ان کے مکھ پہ کھلے رنگ کو صدق دل سے
وقت کا اگلا مہرا گردانتی ہوں
میرے پھول میرے ڈاکئے
جو کبھی جامنی رنگ اوڑھ کر
آمد بہار کا میٹھا گیت بنتے ہیں
جو کبھی نیلے رنگ میں گنگنا کر
دور دشاؤں میں رستے ملال کی صدا بنتے ہیں
جو کبھی سفید رنگ میں ہنس کر
میری بے سود محبتوں کا مدفن بنتے ہیں
مجھے ان پھولوں کی زباں کا علم ہے
میں رنگوں سے اچھے سے واقف ہوں
کہ میں وہ زمین زادی ہوں
جس کی بھوری آنکھوں میں ستاروں کی روشنی
مٹی کے پردوں سے ڈھکی پڑی ہے

کومل راجہ

نظم

کمرے میں سناٹا ہے
خاموشی ہے انگنائی میں
بدن جلے تنہائی میں
درد کی نیا سوچ کا ساگر غم کی تیز ہوائیں
یادوں کے طوفانی بادل ذہن پہ یوں منڈلائیں
دھیرج کے پتوار مرے ہاتھوں سے چھوٹے جائیں
جتنا سنبھالوں بیری منوا
ڈوبے ہے گہرائی میں
بدن جلے تنہائی میں
پلکیں موندوں نیند کے بدلے سامنے تو آ جائے
مکھ پر لاج کا گھونگھٹ ڈالے کھڑی کھڑی مسکائے
پل میں سامنے آئے بیرن اور پل میں چھپ جائے

حبیب عاصم

نظم

ہے چاہ گروں سیدھے مکھ میں
چاتک سے پریم دوانوں کے

صدا انبالوی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے