Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "Gote"

Nazm MATCHES FOR "Gote"

Nazm

banjara-nama

kyuu.n jii par bojh uThaataa hai in gauno.n bhaarii bhaarii ke
jab maut kaa Deraa aan pa.Daa phir duune hai.n byopaarii ke
kyaa saaz ja.Daao zar-zevar kyaa goTe thaan kanaarii ke
kyaa gho.De ziin sunahrii ke kyaa haathii laal amaarii ke
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Nazm

barsat ki bahaaren

phu.nsii kisii ke tan me.n sar par kisii ke pho.De
chhaatii ye garmii daane aur piiTh me.n daro.De
khaa puuriyaa.n kisii ko hai.n lag rahe maro.De
aate hai.n dast jaise dau.De.n iraaqii gho.De
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

bachchon ki tauba

ham ne bakrii ke bachcho.n ko kamro.n me.n nachaanaa chho.D diyaa
naaraaz na ho ammii ham ne har shauq puraanaa chho.D diyaa
daddy ke suiT pahan kar ham sofo.n par dance nahii.n karte
saare ghar kii buniyaado.n ko ab ham ne hilaanaa chho.D diyaa
daadaa abbaa kaa ab chashma bakre ko nahii.n pahnaate ham
naanaa abbaa kii laThiyaa ab ham ne chhupaanaa chho.D diyaa
bandar ko sehraa baa.ndh ke ham duulhaa na banaa.e.nge ammii
ab ghuu.nghaT kaa.Dh bandariyaa ko Dolii me.n biThaanaa chho.D diyaa
nadiyaa ke gahre paanii me.n khaa.e na ka.ii din se Gote
ghar hii me.n pa.De ab sa.Dte hai.n nadiyaa pe nahaanaa chho.D diyaa
ab sabr ke miiThe phal aahe.n bhar bhar kar khaate hai.n
maalan ko banaa baiThe KHaala maalii ko rulaanaa chho.D diyaa
ghar me.n baiThe saadhuu ban kar ab ilm kii maalaa japte hai.n
KHargosho.n ke piichhe jangal me.n kutto.n ko bhagaana chho.D diyaa
pinjro.n me.n band jo rahtii thii.n vo phir se u.Daa de.n sab chi.Diyaa.n
murGo.n me.n sulh karaate hai.n murGo.n ko la.Daanaa chho.D diyaa
ab ham ne kabhii khaanaa khaa kar kap.Do.n se haath nahii.n po.nchhe
dekho ka.ii din se dhobii ne ronaa chillaanaa chho.D diyaa
har ek baGaavat chho.Dii hai har ek sharaarat ruKHsat hai
ab ghar me.n farishte aate hai.n shaitaan ne aanaa chho.D diyaa
ham se phir bhii naaraaz ho kyo.n kyaa tum sautelii ammii ho
apne in pyaare bachcho.n ko ab mu.nh bhii lagaanaa chho.D diyaa
jin aa.nkho.n me.n roz sharaarat thii in aa.nkho.n me.n aa.nsuu ab dekho
in aap kii pyaarii aa.nkho.n ko ab ham ne rulaanaa chho.D diyaa
hai ghar kii fazaa sahmii sahmii Gamgiin hai.n bachcho.n ke chehre
kab ha.ns ke kahuu.ngii ai bachcho kyo.n ham ko sataanaa chho.D diyaa

Raja Mehdi Ali Khan
Nazm

walid

is ko ab kaun paar laa.egaa
ab vo dariyaa me.n Gote khaa.egaa

Noor N Sahir
Nazm

badli ka chand

KHurshiid vo dekho Duub gayaa zulmat kaa nishaa.n lahraane lagaa
mahtaab vo halke baadal se chaa.ndii ke varaq barsaane lagaa
vo saa.nvle-pan par maidaa.n ke halkii sii sabaahat dau.D chalii
tho.Daa saa ubhar kar baadal se vo chaa.nd jabii.n jhalkaane lagaa
lo phir vo ghaTaa.e.n chaak hu.ii.n zulmat kaa qadam tharraane lagaa
baadal me.n chhupaa to khol diye baadal me.n dariiche hiire ke
garduu.n pe jo aayaa to garduu.n dariyaa kii tarah lahraane lagaa
simTii jo ghaTaa taariikii me.n chaa.ndii ke safiine le ke chalaa
sankii jo havaa to baadal ke girdaab me.n Gote khaane lagaa
Gurfo.n se jo jhaa.nkaa garduu.n ke amvaaj kii nabze.n tez hu.ii.n
halqo.n me.n jo dau.Daa baadal ke kohsaar kaa sar chakraane lagaa
parda jo uThaayaa baadal kaa dariyaa pe tabassum dau.D gayaa
chilman jo giraa.ii badlii kii maidaan kaa dil ghabraane lagaa
ubhraa to tajallii dau.D ga.ii Duubaa to falak be-nuur hu.aa
uljhaa to siyaahii dau.Daa dii suljhaa to ziyaa barsaane lage
kyaa kaavish-e-nuur-o-zulmat hai kyaa qaid hai kyaa aazaadii hai
insaa.n kii ta.Daptii fitrat kaa mafhuum samajh me.n aane lagaa

Josh Malihabadi
Nazm

manzar

aasmaa.n aaj ik bahr-e-pur-shor hai
jis me.n har-suu ravaa.n baadalo.n ke jahaaz
un ke arshe pe kirno.n ke mastuul hai.n
baadbaano.n kii pahne hu.e farGale.n
niil me.n gumbado.n ke jaziire ka.ii
ek baazii me.n masruuf hai har ko.ii
vo abaabiil ko.ii nahaatii hu.ii
ko.ii chiil Gote me.n jaatii hu.ii
ko.ii taaqat nahii.n is me.n zor-aazmaa
ko.ii be.Daa nahii.n hai kisii mulk kaa
is kii tah me.n ko.ii aabdoze.n nahii.n
ko.ii rocket nahii.n ko.ii tope.n nahii.n
yuu.n to saare anaasir hai.n yaa.n zor me.n
amn kitnaa hai is bahr-e-pur-shor me.n

Faiz Ahmad Faiz
Nazm

chhoTi si shopping

goTe vaalii
laal o.Dhnii
us par
cholii-ghagraa
usii se matching karne vaalaa
chhoTaa saa ik naagraa

Nida Fazli
Nazm

guDDe miyan ki shadi

vo nausha miyaa.n pahne goTe kaa haar
chale ek me.nDhe pe ho kar savaar
chhanaa-chhan chhanaa-chhan baraatii chale
patiilii ke dhakne bajaate hu.e
vo 'annuu' gavayyaa bhii gaataa hu.aa
fazaa.o.n me.n taane.n u.Daataa hu.aa
na.ii zindagaanii mubaarak rahe
mubaarak ye shaadii mubaarak rahe
baaraat dulhan ke makaan pahu.nch chukii ab nikaah kaa vaqt hai
'qamar' hai.n vakiil aur 'aqiila' gavaah
'surayyaa' kii gu.Diyaa kaa dekho byaah
vo 'raziya' ko qaazii banaayaa gayaa
vo nausha ko mahfil me.n laayaa gayaa
vo qaazii varaq ik ulaTne lage
baraatii sab ik jaa simaTne lage

Akhgar Mushtaq Raheem Aabadi
Nazm

bachchon ki eid

eid bahut hii dhuum se aa.ii
baazaaro.n me.n raunaq laa.ii
pahan ke achchhe achchhe kap.De
bachche apne ghar se nikle
kap.De goTe aur phaTe ke
jhilmil karte jham jham karte
eid milan ko pahu.nche ghar ghar
kitne KHush the baaham mil kar
phenii aur miThaa.ii khaa.ii
miiThii miiThii eid manaa.ii
mile unhe.n eidii ke paise
khel khilaune KHuub KHariide
jaa kar baaG me.n jhuulaa jhuule
duniyaa ke saare Gam bhuule
sab ne dil se eid manaa.ii
magar hame.n to zaraa na bhaa.ii
tum jo nahii.n thii.n paas hamaare
dil bhar aayaa Gam ke maare
merii 'siimii.n' merii pyaarii
tum ko mubaarak eid tumhaarii
tum ne manaa.ii KHuub ye eid
hame.n tumhaarii hu.ii na diid
ham to jab tum ko dekhe.nge
eid usii din kii samjhe.nge

Masooda Hayat
Nazm

bambai raat samundar

pa.De hai.n gate-way-of-india ke farsh par be-ghar bhikaarii
udhar hai.n kuchh ju.aarii
idhar ik happy la.Dkii apne happy dost ke pahluu me.n simTii
chilam kaa dam lagaatii hai
suraaG-e-jannat-ul-maut ke taalib hai.n dono.n ek saadhuu se
hashiishii nashshe ke dariyaa me.n Gote khaa rahe hai.n
hashiishii nashshe hii kii mauj hai goyaa samundar kii sadaa bhii
samundar kii siyaahii par vo piilii raushnii ke phuul
jahaazo.n ne bikhere hai.n
a.ndhere me.n nazar aataa nahii.n jin kaa ko.ii mastuul
jahaaz aaraam karte hai.n
jahaazii shahr ke ishrat-kado.n me.n Gota-zan ho.nge
hujuum-e-hashr-saamaa.n ke samundar me.n
jahaazii chand qatro.n kii tarah ghul-mil ga.e ho.nge
yahaa.n to naarsii-sas bhii kahii.n bhii KHud-girafta rah nahii.n saktaa

Ameeq Hanafi
Nazm

garmi ka zamana

garmii kaa hai zamaana
sardii hu.ii ravaana
aa.nkhe.n dikhaa.e suuraj
tan-man jalaa.e suuraj
paanii havaa hu.aa hai
ja.ngal jalaa hu.aa hai
hotii hai saa.e.n saa.e.n
Gusse me.n hai.n havaa.e.n
uThte hai.n yuu.n baguule
jaise gagan ko chhuu le
tiitar baTer tote
khaa.e.n havaa me.n Gote
dhartii dahak rahii hai
miTTii sulag rahii hai
gir jaa.e jo zamii.n par
bhun jaa.e hai vo daana
garmii kaa hai zamaana
sardii hu.ii ravaana
mausam badal rahaa hai
insaa.n pighal rahaa hai
utraa gale se muflar
mu.nh tak rahii hai chaadar
tah ho ga.ii razaa.ii
KHaalii hai chaarpaa.ii
kambal sahj rakhii hai
malmal gale lagii hai
pa.nkho.n ko jhal rahe hai.n
ab fan chal rahe hai.n
heater se KHauf khaa.e.n
coolar chalaa.e jaa.e.n
har shai badal rahii hai
kyaa mard kyaa zanaanaa
garmii kaa hai zamaana
sardii hu.ii ravaana
aatii hai yaad naanii
karte hai.n paanii paanii
sharbat kaa daur aa.e
qulfii dilo.n ko bhaa.e
tarbuuz bik rahe hai.n
KHarbuuz bik rahe hai.n
duukaan ko.ii khole
beche hai.n barf-gole
ghar ghar me.n ham ne dekhaa
piite hai.n ruuh-afzaa
lassii kaa bol-baalaa
kaafii kaa mu.nh hai kaalaa
jis se mile hai ThanDak
us kaa jahaa.n divaana
garmii kaa hai zamaana
sardii hu.ii ravaana

Haidar Bayabani
Nazm

baadal aur chand

niile saagar vaale chaa.nd
mujh ko paas bulaa le chaa.nd
barkhaa me.n jaataa hai kahaa.n tuu
le kar shaal do-shaale chaa.nd
taare hai.n ye aas lagaa.e
mu.nh parde se nikaale chaa.nd
baadal kaa ik halkaa halkaa
mu.nh par aa.nchal Daale chaa.nd
ga.ngaa ke dhaare me.n utar kar
phir kuchh Gote khaa le chaa.nd
abr-e-siyah me.n lipaT kar niklaa
kaalii kamlii vaale chaa.nd
le aayaa hai kahaa.n se ye tuu
itne ru.ii ke gaale chaa.nd
kaa.np rahe hai.n taare un ko
tuu kambal me.n chhupaa le chaa.nd
baadal ke phande me.n na pha.nsnaa
sun ai bhole-bhaale chaa.nd

Hamidullah Afsar
Nazm

hamari guDiya

gu.Diyaa hamaarii
hai pyaarii pyaarii
gu.Diyaa ne pahne
phuulo.n ke gahne
gu.Diyaa ne o.Dhii
goTe kii chunarii
gu.Diyaa ne dekhe
mele tamaashe
gu.Diyaa ne khaa.e
khiile.n bataashe
gu.Diyaa kii suurat
chiinii kii muurat
gu.Diyaa kii palke.n
gaalo.n pe jhalke.n
gu.Diyaa hai so.ii
KHvaabo.n me.n kho.ii
gu.Diyaa hai ha.nstii
gu.Diyaa hai rotii
gu.Diyaa se kheluu.n
godii me.n le luu.n
gu.Diyaa ne rakkhaa
kal pahlaa roza
gu.Diyaa ye merii
chhoTii bahan hai

Ghulam Abbas
Nazm

taaruf

ye mai.n huu.n mai.n
jaise aap aap hai.n
mai.n paidaa hote hii uljhan me.n huu.n
agar mai.n ishq huu.n to fanaa kyuu.n nahii.n ho jaatii
mai.n samundar kii betaab lahr huu.n to bah kyuu.n nahii.n jaatii
mai.n raqs-e-junuu.n me.n huu.n to diivaangii sar kyuu.n nahii.n cha.Dhtii
bechain ruuh huu.n to jism se najaat kyuu.n nahii.n paatii
mai.n Dartii huu.n insaanii ashkaal me.n ghuumte bhe.Diyo.n se
mai.n nafrat kii aag me.n jale hu.e dilo.n se KHauf khaatii huu.n
mujhe sahraa se Dar lagtaa hai
viiraano.n se bhaag aa.ii huu.n
ziist kii tamaam-tar ra.ngiiniyo.n aur un kii haqiiqato.n se aagaahii hai
hujuum-e-dostaa.n ke suruur me.n bachkaana kaa.enaat banaatii huu.n
kabhii aa.iina-ruu nazar aatii huu.n
kabhii ha.nstii huu.n KHud apnii naadaanii par
kabhii be-sabab udaas bahut hotii huu.n
kabhii sochtii be-tahaashaa huu.n
kabhii likhtii huu.n aise ki har lafz ruuh kaa dard ugal detaa hai
aur kabhii tamaam ke tamaam alfaaz kho jaate hai.n
banaavaT aur dikhaave un ko nigal jaate hai.n
mai.n kabhii banjar huu.n aur kabhii janm ko janm detii huu.n
mai.n jazbo.n KHvaabo.n aur du.aa.o.n ko bahut sambhaal ke rakhtii huu.n
aur un se dhaage le kar KHud ko buntii huu.n
mai.n raushnii nahii.n magar mai.n taariikii bhii nahii.n
ek shaam kaa saa malgajaa huu.n kabhii
to kabhii din kaa dhu.ndlakaa huu.n
aisii bahtii hu.ii nadii huu.n
jis ke kinaare ka.ii giit
ka.ii naGme madhur taano.n me.n lipTe utarte hai.n
mai.n zindagii ke samundar kii tamaam lahro.n ko chhuutii huu.n
aur motii motii kahaaniyo.n me.n tonic detii huu.n
sachche salmaa aur rupahle goTe kii tarah
mai.n KHvaab jiitii huu.n
mai.n haqiiqat ko painT kartii huu.n ki mai.n haqiiqat huu.n
apne ird-gard har achchhii burii haqiiqat kaa hissa huu.n
mai.n sar-taa-paa mom huu.n
har aam aurat kii tarah mujhe jo banaa do mai.n bin jaatii huu.n
har maahaul me.n Dhal jaatii huu.n
mujhe buraa samjhaa jaa.e to bhii achchhaa
aur achchhaa samjhaa jaa.e to bhii kyaa buraa
!!!
ye mai.n huu.n mai.n

Maryam Tasleem Kiyani
Nazm

eid ki KHushi

lo phir hamaarii eid aa ga.ii hai
har ek KHush hai ghar ghar KHushii hai
kyaa qahqahe hai.n kyaa dil-lagii hai
har samt goyaa shaadii rachii hai
munnii uThegii ta.Dke savere
jhaT-paT nahaa kar pahnegii kap.De
kap.De bhii kaise goTe zarii ke
resham kaa jampar maKHmal ke juute
pahnegii munnii zevar bhii apne
zevar jo us ke abbaa hai.n laa.e
haatho.n me.n ka.ngan paa.nv me.n lachchhe
maathe pe Tapkaa kaano.n me.n jhumke
ammii se le kar eidii ke paise
bhayyaa ko degii kah kar ye un se
pa.Dh kar dogaanaa mele me.n jaa ke
mere liye bhii laanaa khilaune
chiinii kii gu.Diyaa.n chiinii ke guDDe
gu.Diyo.n ke bartan gu.Diyo.n ke gahne
bhayyaa bhii jaldii jaa.e.nge ghar se
kap.De badal kar takbiir pa.Dhte
vaajib dogaanaa mil kar pa.Dhe.nge
KHutba sune.nge KHaamosh baiThe
kar ke du.aa.e.n baaham mile.nge
ulfat ke Gunche dil me.n khile.nge
aa.e.nge phir kar jab eid-gaah se
le kar miThaa.ii le kar khilaune
bhaa.ii bahan sab khele.nge mil ke
guzregaa din phir lutf-o-KHushii se
'nayyar' mubaarak ye eid sab ko
ho is KHushii kii phir diid sab ko

Mohammad Shafiuddin Nayyar
Nazm

bait-e-ankabut

ye aurat is liye paidaa hu.ii hai
ki is ko Tuk.De Tuk.De kar ke phaa.nsii par cha.Dhaayaa jaa.e
ise yuunaan ke ik mash.huur Daaku ke bistar kii zaruurat hai
(vo apne sab shikaaro.n kaa qadd-o-qaamat isii bistar ke paimaane kii nisbat se ghaTaataa kaaTtaa yaa
khii.nch kaa jabran ba.Dhaataa thaa)
KHutuut-e-lab to dekho!
kis tarah simTe hu.e hai.n, sa.ng-e-dil
aamiyaana-pan taraavish kar rahaa hai
ye kiina-tuuz aa.nkhe.n
in kii gahraa.ii ke kiicha.D me.n
sunahrii machhliyaa.n Gote lagaatii hai.n
rupahlii shaaKH tauba hai ki khultii baa.nh hai, lekin
ko.ii saaya nahii.n pa.Dtaa!

Shamsur Rahman Faruqi
Nazm

udasi

abhii ja.ng jaarii hai
jalne lagii.n bastiyaa.n
uTh rahaa hai dhu.aa.n
ek KHuu.n-rez dariyaa daraKHto.n ko sairaab kartaa hai
ja.ngal mai-e-naab se kitnaa masruur hai
ja.ngal jaarii kahaa.n hai
vo dekho pahaa.Do.n ke daro.n me.n bhagda.D machii hai
bikhartii hu.ii fauj ke suurmaa
piiTh par zaKHm khaane ke shaidaa
unhii.n kii hai miiraas saarii udaasii
jo bastii ke kheto.n me.n
gandum ke KHosho.n me.n chhup kar
shikam me.n utartii hai
taariik kamro.n me.n mu.nh ko chhupaatii hai
aavaaz de ko.ii aavaaz de
aa.o barfiilii choTii pe dau.De.n
samundar me.n Gote lagaa.e.n
ta.aaqub kare.n maut kaa
aur aisaa bhii ho
zindagii tohfa-e-ja.ng
dau.Daate gho.De se
baa.nho.n me.n le kar nikal jaa.e.n sarpaT kahii.n
do-gha.Dii ke liye
abhii ja.ng jaarii hai
ja.ngal ko sairaab kartaa hai KHuu.n-rez dariyaa
ki jangal kaa qaanuun bhii to yahii hai

Abrarul Hasan
Nazm

goTe ki chunari

dekh bu.aa mirii goTe kii chunarii
aa haa jii gul-naarii chunarii
rang ra.ngiilii pyaarii chunarii
malmal kii ik taarii chunarii
naazuk naazuk saarii chunarii
dekh bu.aa mirii goTe kii chunarii
ammii ke kuchh jii me.n aayaa
goTe kaa ik thaan ma.ngaayaa
chunarii par saaraa chipkaayaa
har kone par phuul banaayaa
dekh bu.aa mirii goTe kii chunarii
lachkaa hai haatho.n me.n lachaktaa
goTaa hai kundan saa damaktaa
raushnii me.n kaisaa hai chamaktaa
haath lagaane se hai masaktaa
dekh bu.aa mirii goTe kii chunarii
is ko KHaraab hone na duu.ngii
baiThuu.ngii to sa.nbhaal rakhuu.ngii
ghar me.n jaa kar rakh chho.Duu.ngii
aur tehvaar ke din o.Dhuu.ngii
dekh bu.aa mirii goTe kii chunarii

Hafeez Jalandhari
Nazm

amrit ki dhaar

tujh me.n nahaa nahaa kar kyaa lutf paa rahe hai.n
Gote lagaa rahe hai.n mauje.n u.Daa rahe hai.n

Naseem Amrohvi
Nazm

eidi

oho ye goTe kaa daaman
aahaa ye kamKHaab kii achkan

Shabnam Rumani
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now