Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "Guru-FAi"

Nazm MATCHES FOR "Guru-fai"

Nazm

ek rah-guzar par

vo jis kii diid me.n laakho.n masarrate.n pinhaa.n
vo husn jis kii tamannaa me.n jannate.n pinhaa.n
hazaar fitne tah-e-paa-e-naaz KHaak-nashii.n
har ik nigaah KHumaar-e-shabaab se ra.ngii.n
shabaab jis se taKHayyul pe bijliyaa.n barse.n
vaqaar jis kii rafaaqat ko shoKHiyaa.n tarse.n
adaa-e-laGzish-e-paa par qayaamate.n qurbaa.n
bayaaz-ruKH pe sahar kii sabaahate.n qurbaa.n
siyaah zulfo.n me.n vaarafta nik.hato.n kaa hujuum
taviil raato.n kii KHvaabiida raahato.n kaa hujuum
vo aa.nkh jis ke banaav pa KHaaliq itraa.e
zabaan-e-sher ko taariif karte sharm aa.e
vo ho.nT faiz se jin ke bahaar laala-farosh
bahisht o kausar o tasniim o salsabiil ba-dosh
gudaaz jism qabaa jis pe saj ke naaz kare
daraaz qad jise sarv-e-sahii namaaz kare
Garaz vo husn jo mohtaaj-e-vasf-o-naam nahii.n
vo hasan jis kaa tasavvur bashar kaa kaam nahii.n
kisii zamaane me.n is rah-guzar se guzraa thaa
ba-sad Guruur o tajammul idhar se guzraa thaa
aur ab ye raah-guzar bhii hai dil-fareb o hasii.n
hai is kii KHaak me.n kaif-e-sharaab-o-sher makii.n
havaa me.n shoKHii-e-raftaar kii adaa.e.n hai.n
fazaa me.n narmii-e-guftaar kii sadaa.e.n hai.n
Garaz vo husn ab is rah kaa juzv-e-manzar hai
niyaaz-e-ishq ko ik sajda-gah mayassar hai

Faiz Ahmad Faiz
Nazm

kaweri

KHizr ko hai aab-e-haivaa.n par Guruur
faiz jaarii hai tiraa nazdiik-o-duur

Azeem Aambori
Nazm

wo bhi ghalat

guDDuu kaa bhii haal sunaa.e.n
duudh piye.n na anDe khaa.e.n
phal tarkaarii ek na bhaa.e
Gusse me.n bas ho.nT chabaa.e.n
dekh ke dastarKHvaan pe machhlii
paa.nv paTaKHte bhaage jaa.e.n
chaaval roTii gosht kii boTii
dekhe.n to naKHre dikhlaa.e.n
din kaa ho yaa raat kaa khaanaa
ro.e.n piiTe.n shor machaa.e.n
duble patle ruukhe suukhe
baat karo to la.Dne aa.e.n
itne halke phulke se hai.n
fan chale to u.D hii jaa.e.n

Ahmad Hatib Siddiqi
Nazm

bahra goya

buland-aaha.ngiyo.n ne phaa.D Daale kaan ke parde
huu.n vo mutrib jo KHud apnii sadaa hii sun nahii.n saktaa
havaa.e.n le u.Dii hai.n silsile ko mere naGmo.n ke
mai.n in bikhrii hu.ii ka.Diyo.n ko apnii chun nahii.n saktaa
Guruur-e-KHush-navaa.ii bojh saa hai merii gardan par
zamaana vajd me.n hai aur mai.n sar dhun nahii.n saktaa

Parvez Shahidi
Nazm

ye bhi ghalat hai wo bhi ghalat

kal baazaar me.n bhayyaa shaafii
piine aa.e ThanDii coffee
ik do packet biscuit khaa.e
Thuu.ns ga.e do darjan toffee
aaluu chhole khaa kar bole
barfii ek kilo hai kaafii
ammii jii kii baat na maanii
abbuu se kii va.ada-KHilaafii
aisaa khaTkaa peT kaa maTkaa
allaah mu.aafii allaah mu.aafii
guDDuu kaa bhii haal sunaa.e.n
duudh piye.n na anDe khaa.e.n
phal tarkaarii ek na bhaa.e
Gusse me.n bas ho.nT chabaa.e.n
dekh ke dastar-KHvaan pe machhlii
paa.nv paTaKHte bhaage jaa.e.n
chaaval roTii gosht kii boTii
dekhe.n to naKHre dikhlaa.e.n
din kaa ho yaa raat kaa khaanaa
ro.e.n piiTe.n shor machaa.e.n
duble patle ruukhe suukhe
baat karo to la.Dne aa.e.n
itne halke phulke se hai.n
fan chale to u.D hii jaa.e.n

Ahmad Hatib Siddiqi
Nazm

ishq apne mujrmon ko pa-ba-jaulan le chala

daar kii rassiyo.n ke guluu-band gardan me.n pahne hu.e
gaane vaale har ik roz gaate rahe
paayale.n be.Diyo.n kii bajaate hu.e
naachne vaale dhuume.n machaate rahe
ham na is saf me.n the aur na us saf me.n the
raaste me.n kha.De un ko takte rahe
rashk karte rahe
aur chup chaap aa.nsuu bahaate rahe

Faiz Ahmad Faiz
Nazm

peTu mal

peTuu mal
duudh malaa.ii
haa.e khilaa.o
dam.Dii paa.ii
kuchh to dilaa.o
naan-KHataa.ii
khaa.o khaa.o
Tinguu bhaa.ii
lassii laa.o
haa.e haa.e bhuuk lagii hai

Moid Rana
Nazm

lafzon ki kahani

kha.De kha.De is doraahe par dekhe.n ek tamaashaa
kaisii hai abhiilaashaa
lafzo.n ke ankur se khele.n rang ra.ng kii bhaashaa
tarah tarah ke ruup anokhe lafzo.n ke aakaar
shabdo.n kii jhankaar
phaTii hu.ii pustak ke panne idhar udhar be-kaar
shabdo.n ke aakaar se kitne dhartii ke dukh kaa.npe.n
sab ke dukh ko naape.n
guDDuu saahab baiThe baiThe kitne raag alaape.n
daadii ammaa.n daadii ammaa.n qisse roz sunaa.e.n
pariyo.n kii sair karaa.e.n
gu.Diyaa raanii sakhiyo.n ke sang shaadii roz rachaae.n

Sitvat Rasool
Nazm

dard ki mala

hamaare darmiyaa.n ai dost
ye jo isti.aara phuul kaa mahkaa rahaa
bandhan me.n ham ko baa.ndh kar
khiltaa rahaa ik umr
meraa dil
bahaltaa hii nahii.n ab un kii baato.n se
kabhii tum KHushbu.o.n kaa zikr karte ho
to merii naak me.n tezaab kii buu phail jaatii hai
tumhaarii shaa.irii baar-e-garaa.n ab hai samaa.at par
ki zarKHezii gulo.n se is me.n qaa.em hai
vo gul
ki jin ko mai.n dekhuu.n kabhii
zeb-e-guluu un ke
jo aa.e hai.n masal kar phuul hii jaisaa hasii.n paikar
bahut se log qaatil ke
gale me.n phuul kii maalaa.e.n laTkaa kar
use ashko.n kaa nazraana bhii dete hai.n
to mai.n munsif kaa chehra dekh kar hairaan hotaa huu.n
junuunii bhii.D me.n jaa kar
simaT kar phail jaataa huu.n
aur apne dard ko sunsaan kartaa huu.n

Rafiullah Mian
Nazm

KHala

chaar suu ik udaas manzar hai
ziist hai jaise ek viiraana
jaane kyo.n phaT rahaa hai aaj dimaaG
ho na jaa.uu.n kahii.n mai.n diivaana

Daud Ghazi
Nazm

yahan se shahr ko dekho

yahaa.n se shahr ko dekho to halqa-dar-halqa
khi.nchii hai jel kii suurat har ek samt fasiil
har ek raahguzar gardish-e-asiiraa.n hai
na sa.ng-e-miil na manzil na muKHlisii ki sabiil

Faiz Ahmad Faiz
Nazm

tumhein yaad ho ki na yaad ho

vo jahaan-e-shauq kii bastiyaa.n
vo sharaab-e-ishq kii mastiyaa.n
vo hariim-e-naaz kii rif.ate.n
vo sar-e-niyaaz kii pastiyaa.n
vo sukuut-e-manzar-e-juu-e-aab
vo KHamosh jalva-e-maahtaab
vo niyaaz-o-naaz kii mahfile.n
vo sukuu.n-navaazii-e-iztiraab
vo javaaniyo.n me.n sharaarate.n
vo tabii.ato.n me.n haraarate.n
vo nafas me.n ziist kii garmiyaa.n
vo navaa-e-dil me.n bashaarate.n
vo KHamoshiyo.n me.n hikaayate.n
vo dabii zabaa.n se shikaayate.n
vo hijaab-e-jalva-e-aarzuu
vo hadiis-e-dil kii nazaakate.n
vo KHutuut aur vo guzaarishe.n
vo maze maze kii nigaarishe.n
vo Guruur-e-husn kii narmiyaa.n
vo nigaah-e-lutf kii baarishe.n
kaf-e-naaznii.n me.n vo jaam-e-mai
vo suruur-e-saaGar-e-pai-ba-pai
vo nigaah-e-mast kii gardishe.n
vo nazar-farosh har ek shai
mirii aa.nkh ashk-fishaa.n na thii
mire lab pe aah-o-fuGaa.n na thii
mire valvalo.n me.n shabaab thaa
mujhe ko.ii fikr-e-jahaa.n na thii
kabhii lutf aur kabhii sitam
kabhii ishrat aur kabhii alam
kabhii bazm-e-aish me.n qahqahe
kabhii josh-e-girya se chashm nam
kabhii mujh se tum ko bhii chaah thii
kabhii mujh pe bhii to nigaah thii
miraa haal yuu.n na udaas thaa
mirii ziist yuu.n na tabaah thii
vo zamaana mujh ko to yaad hai
tumhe.n yaad ho ki na yaad ho

Maikash Hyderabadi
Nazm

aazadi se nindon tak

zindagii kii chaTTaano.n se
sazaa.o.n kaa samundar Takraataa hai
aur safed chaTTaane.n samundar kii kaalii kar dene vaalii taaqat se be-KHabar
KHvaabo.n ke Guruur se labrez hai.n
paanii chaTTaano.n me.n raaste banaataa rahtaa hai

Tanveer Anjum
Nazm

africa come-back

aa jaa.o ne sun lii tire Dhol kii tara.ng
aa jaa.o mast ho ga.ii mere lahuu kii taal
''aa jaa.o africa''

Faiz Ahmad Faiz
Nazm

nazm

mire taKHayyul ko bolne kaa hunar nahii.n thaa
huruuf jitne KHirad kii farhang me.n pa.De the
mai.n un ko chun.ne ke fan se vaaqif thaa aur tartiib jaantaa thaa
mai.n sab taraakiib jaantaa thaa
magar kamii thii
kamii bhii aisii ki jis se alfaaz niim-murda se lag rahe the
mai.n saare gur aazmaa ke jab thak gayaa to cigarette jalaa liyaa thaa
aur aa.nkhe.n muu.nde tire KHayaalo.n me.n kho gayaa thaa
us ek lamhe KHirad kii farhang me.n likhe sab huruuf rangiin ho rahe the
tire saraape ko dekhte hii huruuf saare qalam se qirtaas par utarne ko haath baa.ndhe kha.De hu.e the
ki jaise tere Gulaam ho.n sab
mire taKHayyul ko bolne kaa hunar milaa
nazm ho ga.ii thii

Nisar Mahmood Taseer
Nazm

saba viran

sulaimaa.n sar-ba-zaanuu aur sabaa viiraa.n
sabaa viiraa.n, sabaa aaseb kaa maskan
sabaa aalaam kaa ambaar-e-be-paayaa.n!
gayaah o sabza o gul se jahaa.n KHaalii
havaa.e.n tishna-e-baaraa.n,
tuyuur is dasht ke minqaar-e-zer-e-par
tuu surma var guluu insaa.n
sulaimaa.n sar-ba-zaanuu aur sabaa viiraa.n!
sulaimaa.n sar-ba-zaanuu tursh-ruu Gam-gii.n, pareshaa.n-muu
jahaa.n-girii, jahaa.n-baanii faqat tarraara-e-aahuu
mohabbat shola-e-paraa.n havas buu-e-gul be-buu
za-raaz-e-dahr kam-tar-go!
sabaa viiraa.n ke ab tak is zamii.n par hai.n
kisii ayyaar ke Gaarat-garo.n ke naqsh-e-paa baaqii
sabaa baaqii, na mahru-e-sabaa baaqii!
sulaimaa.n sar-ba-zaanuu
ab kahaa.n se qaasid-e-farKHanda-pai aa.e?
kahaa.n se, kis subuu se kaasa-e-piirii me.n mai aa.e?

Noon Meem Rashid
Nazm

jashn-e-jamhuriyat

javaaniyaa.n hai.n zor par shabaab kaa zuhuur hai
ba-e-faiz-e-qalb-e-mutma.in nazar nazar Gayuur hai
uma.ng hai tara.ng hai nashaat hai suruur hai
nishaan-e-zulmat-e-alam qariib hai na duur hai

Arsh Malsiyani
Nazm

ilm ke saudagar

tash.hiir ke raaz se naa-vaaqif ye saada-dil be-naam bhii hai.n
aur jis ko Guruur-e-fan kahte hai.n us se kuchh bad-naam bhii hai.n

Naim Siddiqi
Nazm

pas-e-aina

mujhe jamaal-e-badan kaa hai e'tiraaf magar
mai.n kyaa karuu.n ki varaa-e-badan bhii dekhtaa huu.n
ye kaa.enaat faqat ek ruKH nahii.n rakhtii
chaman bhii dekhtaa huu.n aur ban bhii dekhtaa huu.n
mirii nazar me.n hai.n jab husn ke tamaam andaaz
mai.n fan bhii dekhtaa huu.n fikr-o-fan bhii dekhtaa huu.n
nikal gayaa huu.n fareb-e-nigaah se aage
mai.n aasmaa.n ko shikan-dar-shikan bhii dekhtaa huu.n
vo aadmii ki sabhii ro.e jin kii mayyat par
mai.n us ko zer-e-kafan KHanda-zan bhii dekhtaa huu.n

Ahmad Nadeem Qasmi
Nazm

KHuda wo waqt na lae

KHudaa vo vaqt na laa.e ki sogvaar ho tuu
sakuu.n kii nii.nd tujhe bhii haraam ho jaa.e
tirii masarrat-e-paiham tamaam ho jaa.e
tirii hayaat tujhe talKH jaam ho jaa.e
Gamo.n se aa.iina-e-dil gudaaz ho teraa
hujuum-e-yaas se betaab ho ke rah jaa.e
vufuur-e-dard se siimaab hoke rah jaa.e
tiraa shabaab faqat KHvaab ho ke rah jaa.e
Guruur-e-husn saraapaa niyaaz ho teraa
taviil raato.n me.n tuu bhii qaraar ko tarse
tirii nigaah kisii Gam-gusaar ko tarse
KHizaa.n-rasiida tamannaa bahaar ko tarse
ko.ii jabii.n na tire sa.ng-e-aastaa.n pe jhuke
ki jins-e-ijz-o-aqiidat se tujh ko shaad kare
fareb-e-vaada-e-fardaa pe e'timaad kare
KHudaa vo vaqt na laa.e ki tujh ko yaad aa.e
vo dil ki tere liye be-qaraar ab bhii hai
vo aa.nkh jis ko tiraa intizaar ab bhii hai

Faiz Ahmad Faiz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now