Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "KHaak-e-paa"

Nazm MATCHES FOR "KHaak-e-paa"

Nazm

rabta

mai.n ka.Dii huu.n ga.e zamaano.n kii
shahr-e-maazii ke KHaak daano.n kii
raakh hote hu.e jahaano.n kii
bhuule-bisre hu.e fasaano.n kii

Noor -e-Shama Noor
Nazm

gulha-e-aqidat

yaum-e-aazaadii ne yuu.n chhi.Dkaa fazaa.o.n me.n gulaal
gulsitaa.n se bhiinii bhiinii KHushbu.e.n aane lagii.n
titliyaa.n apne paro.n par paa ke qaabuu har taraf
sehn-e-gulshan kii ravish par raqs farmaane lagii.n

Syeda Shan-e-Meraj
Nazm

Tipu ki aawaz

mere lahuu kii buu.nd me.n Galtaa.n thii.n bijliyaa.n
KHaak-e-dakan ko mai.n ne sharar-aashnaa kiyaa

Aale Ahmad Suroor
Nazm

mera ji chahta hai

tumhaare reshmii bistar se utruu.n
mujhe utnii zamii.n de do jahaa.n mai.n paa.nv rakh luu.n
zaraa saa aasmaa.n jis se mai.n apne sar ko Dhak luu.n
faraaGat kaa ko.ii lamha ki jis me.n
mai.n apne dil kii bikhrii KHvaahishe.n aa.ngan se chun kar
tumhaare dil kii almaarii me.n rakkhuu.n
tumhaarii KHaak-e-paa me.n gum hu.e KHvaabo.n ko Dhuu.nDuu.n
aur apne mushkbuu takiye me.n bhar luu.n
tumhaare paa.nv se lipTii hu.ii nazro.n ko kholuu.n
zaraa saa sar uThaa kar aasmaa.n kaa rang dekhuu.n
tumhaare pyaar kii niilii fazaa me.n zindagii-bhar
parinde kii tarah mai.n u.Dtii jaa.uu.n
miraa dil to bahut kuchh chaahtaa hai
magar is dil kaa kyaa hai

Hamida Shaheen
Nazm

bebasi

ek be-kaif shaam ke bas me.n
re.ngte saa.e uu.nghtii raahe.n
chand sahme hu.e chahchahe aur mai.n
zindagii ra.ng-o-buu se begaana
sar-niguu.n dil-girafta aur udaas
aah is ke qahqahe aur mai.n
chaahtaa huu.n guzar sakuu.n ik baar
aarzuu.o.n ke chiistaano.n se
ho.n jahaa.n laakho.n chahchahe aur mai.n
har-nafas me.n ho naGma-e-naahiid
KHaak-e-paa ho merii bahaar-ba-dosh
ye samaa.n jaavedaa.n rahe aur mai.n
dil-e-naakaam kii tan-aasaanii
KHanda-zan hai mire iraado.n par
varna dariyaa-e-Gam bahe aur mai.n
jaane yuu.nhii rahe.nge ab kab tak
re.ngte saa.e uu.nghtii raahe.n
chand sahme hu.e chahchahe aur mai.n

Qayyum Nazar
Nazm

sita

tiraa naam le kar sahar jaagtii hai
tire giit gaatii hai taaro.n kii mahfil
tirii KHaak-e-paa hind kaa raaz-e-azmat
tirii zindagii mere KHvaabo.n kii manzil
kahaanii tirii sun ke tharraa uThii mai.n
dha.Dakne lagaa dhiire dhiire miraa dil

Shafiq Fatima Shera
Nazm

shab charagh

baso.n kaa shor dhu.aa.n gard dhuup kii shiddat
buland o baalaa imaaraat sar-niguu.n insaa.n
talaash-e-rizq me.n niklaa hu.aa ye jamm-e-Gafiir
lapaktii bhaagtii maKHluuq kaa ye sail-e-ravaa.n
har ik ke siine me.n yaado.n kii munhadim qabre.n
har ek apnii hii aavaaz-e-paa se ruu-gardaa.n
ye vo hujuum hai jis me.n ko.ii falak pe nahii.n
aur is hujuum-e-sar-e-raah se guzarte hu.e
na jaane kaise tumhaarii vafaa karam kaa KHayaal
mire jabii.n ko kisii dast-e-aashnaa kii tarah
jo chhuu gayaa hai to ashko.n ke sote phuuT pa.De
sumuum o reg ke sahraa me.n ik nafas ke liye
chalii hai baad-e-tamannaa to umr bhar kii thakan
sar-e-mizha simaT aa.ii hai ek aa.nsuu me.n
ye vo guhar hai jo TuuTe to KHaak-e-paa me.n mile
ye vo guhar hai jo chamke to shab-charaaG bane

Mahmood Ayaz
Nazm

KHak-e-jamia

KHaak-e-paak-e-jaamia
aasmaa.n se ba.Dh gayaa hai aaj teraa martaba
hai tirii aaGosh me.n ab mahv-e-KHvaab
ilm-o-tahziib-o-KHirad kaa aaftaab
aaj hai madfuun tere siina-e-be-nuur me.n
maadar-e-hindostaa.n kaa nuur-e-ain
sadr-e-bazm-e-ahl-e-dil zaakir-husain

Rifat Sarosh
Nazm

tarana-e-qaumi

marhabaa ai KHaak-e-paak-e-kishvar-e-hindostaa.n
yaadgaar-e-ahd-e-maazii hai tuu ai jaan-e-jahaa.n
kaise kaise auliyaa guzre aur qutub-e-zamaa.n
jin ke qadmo.n ne banaayaa hai tujhe jannat-nishaa.n
raushnii se tere phailaa hai ujaalaa har taraf
teraa duniyaa me.n rahaa hai bol-baalaa har taraf

Safeer Kakorvi
Nazm

zard laDki ka chehra

munjamid KHuun jab surKH se kal siyah ho gayaa
KHaak-e-paa vaaqi.a ho gayaa
zard la.Dkii kaa chehra farishto.n ne dekhaa thaa
rango.n kii tartiib me.n
jaane pahchaane chehro.n se merii mulaaqaat jab ajnabii sii lagii
aa.ina dekhne ke liye mai.n uThaa aa.ina ho gayaa
tiirgii se guzartii hu.ii raushnii barg-e-asraar thii
aa.nkh ke saamne raushnii KHuun thii
KHuun pahle giraa munjamid ho gayaa phir siyah ho gayaa
zard la.Dkii kaa chehra
guzartaa hu.aa barg-e-asraar thaa
rahguzar se lapak kar makaa.n me.n gayaa
phir dariiche me.n ubhraa
farishto.n ne dekhaa thaa
mai.n ne bhii dekhaa thaa
mai.n bhii farishta thaa
kal ke fasaane kii tartiib me.n lafz mujh se judaa the
magar aaj mere hai.n kyo.n aaj bhii ajnabii ho ga.e un ko kyaa ho gayaa
un ko kyaa ho gayaa
munjamid KHuun pahle siyah ho gayaa
phir faqat vaaqi.a thaa
magar zard la.Dkii kaa chehra ajab naqsh thaa
mai.n miTaataa thaa lekin vo miTtaa na thaa
diid kaa haadisa pahle manzar banaa
phir faqat ek manzar se be-kaar saa silsila ho gayaa
zard la.Dkii kaa chehra KHudaa se ba.Daa KHvaab thaa

Balraj Komal
Nazm

KHwabon se rishta

mere hamraaz ai mire hamdam
mere saathii mire shariik-e-safar
is qadar kyo.n niDhaal ho bolo
is qadar kyo.n udaas ho bolo
tum ne KHvaabo.n se rishta kyo.n to.Daa
aur aa.nkhe.n thakan se chuur hai.n kyo.n
kyo.n qadam ruk ga.e mire saathii
hai safar to abhii bahut baaqii
aur manzil bahut hai duur abhii
kuchh bataa.o ki kyo.n KHamosh ho tum
kyo.n bhaTakne lage KHayaalo.n me.n
ye na samjho ki dukh tumhaaraa hai
ye na socho ki tum akele ho
har qadam par tumhaare saath huu.n mai.n
laa.o de do tum apne dukh saare
mai.n tumhaare Gamo.n ko pyaar karuu.n
aur talvo.n ke aablo.n ko bhii
apne ashko.n se KHud mai.n saaf karuu.n
jitne kaa.nTe chubhe.n hai.n chun luu.n mai.n
phir ko.ii KHvaab bhar duu.n aa.nkho.n me.n
taabnaakii hayaat ko de duu.n
raste-raste ko murG-zaar karuu.n
jis se raahat mile tumhe.n hamdam
jis se saa.nse.n bhii mushk-baar bane.n
phuul ho.nTo.n pe muskuraa uTThe.n
aur uma.nge.n javaan ho.n jis se
hausla tum ko jis se mil jaa.e
aur aa.nkhe.n tumhaarii KHvaab bune.n
jis se tum faaslo.n ko tai kar lo
reg-zaaro.n me.n muskuraa ke chalo
raah-e-manzil me.n tum kabhii na ruko
ki
jo manzil pukaartii hai tumhe.n
vahii manzil hai merii manzil bhii
merii jannat tumhaarii KHushiyaa.n hai.n
tum ne samjhaa hai jis ko KHaak-e-paa
vo chamakte hu.e sitaare hai.n
un sitaaro.n se maa.ng mai.n ne bharii
un sitaaro.n se zindagii hai mirii
un sitaaro.n se zarfishaa.n hai hayaat
mere lab par hai.n pyaar kii sargam
un se khilte hai.n aarizo.n pe ka.nval
un se aa.nkho.n me.n KHvaab palte hai.n
jin se din laa-javaab hote hai.n
laa.o de do tum apne dukh saare
mai.n tumhaare Gamo.n ko pyaar karuu.n
hausla tum ko jis se mil jaa.e
aur aa.nkhe.n tumhaarii KHvaab bune.n

Anwar Afaqi
Nazm

nur-jahan

lahore me.n dekhaa use madfuu.n tah-e-marqad
gard-e-kaf-e-paa jis kii kabhii kaahkashaa.n thii

Chandar Bhan Kaifi Dehelvi
Nazm

taaruf

nahii.n mumkin miTaanaa mujh ko misl-e-naqsh-e-paa yaaro
KHalaa.o.n me.n rahuu.ngaa guu.njtaa ban kar sadaa yaaro

Sada Ambalvi
Nazm

mahawir

KHaak-e-paak-e-hind kaa ganj-e-giraa.n-maaya thaa tuu
ahl-e-duniyaa ke liye paiGaam-e-haq laayaa thaa tuu

Sudarshan Kumar Vuggal
Nazm

haarun ki aawaz

dekho abhii hai vaadii-e-kan.aa.n nigaah me.n
taaza har ek naqsh-e-kaf-e-paa hai raah me.n
yaaquub be-basar sahii yuusuf kii chaah me.n
lahraa rahaa hai aaj bhii turra kulaah me.n

Himayat Ali Shayar
Nazm

mere ahd ke hasino

ho hazaar koshisho.n par bhii shumaar me.n na aa.e
kabhii KHaak-e-be-bizaa.at ke dayaar me.n na aa.e

Sahir Ludhianvi
Nazm

jannat se bhi aziz hai KHak-e-watan mujhe

iksiir hai nazar me.n mirii KHaak-e-paak-e-hind
uj.Daa hu.aa dayaar hai faKHr-e-vatan mujhe

Barq Dehlvi
Nazm

mohabbat

uruus-e-shab kii zulfe.n thii.n abhii naa-aashnaa KHam se
sitaare aasmaa.n ke be-KHabar the lazzat-e-ram se
qamar apne libaas-e-nau me.n begaana saa lagtaa thaa
na thaa vaaqif abhii gardish ke aa.iin-e-musallam se
abhii imkaa.n ke zulmat-KHaane se ubhrii hii thii duniyaa
mazaaq-e-zindagii poshiida thaa pahnaa-e-aalam se
kamaal-e-nazm-e-hastii kii abhii thii ibtidaa goyaa
huvaidaa thii nagiine kii tamannaa chashm-e-KHaatam se
sunaa hai aalam-e-baalaa me.n ko.ii kiimiyaa-gar thaa
safaa thii jis kii KHaak-e-paa me.n ba.Dh kar saaGar-e-jam se
likhaa thaa arsh ke paa.e pe ik iksiir kaa nusKHa
chhupaate the farishte jis ko chashm-e-ruuh-e-aadam se
nigaahe.n taak me.n rahtii thii.n lekin kiimiyaa-gar kii
vo is nusKHe ko ba.Dh kar jaantaa thaa ism-e-aazam se
ba.Dhaa tasbiih-KHvaanii ke bahaane arsh kii jaanib
tamannaa-e-dilii aaKHir bar aa.ii sa.i-e-paiham se
phiraayaa fikr-e-ajzaa ne use maidaan-e-imkaa.n me.n
chhupegii kyaa ko.ii shai baargaah-e-haq ke mahram se
chamak taare se maa.ngii chaa.nd se daaG-e-jigar maa.ngaa
u.Daa.ii tiirgii tho.Dii sii shab kii zulf-e-barham se
ta.Dap bijlii se paa.ii huur se paakiizgii paa.ii
haraarat lii nafas-haa-e-masiih-e-ibn-e-maryam se
zaraa sii phir rubuubiyat se shaan-e-be-niyaazii lii
malak se aajizii uftaadgii taqdiir shabnam se
phir in ajzaa ko gholaa chashma-e-haivaa.n ke paanii me.n
murkkab ne mohabbat naam paayaa arsh-e-aazam se
muhavvis ne ye paanii hasti-e-nau-KHez par chhi.Dkaa
girah kholii hunar ne us ke goyaa kaar-e-aalam se
hu.ii jumbish ayaa.n zarro.n ne lutf-e-KHvaab ko chho.Daa
gale milne lage uTh uTh ke apne apne hamdam se
KHiraam-e-naaz paayaa aaftaabo.n ne sitaaro.n ne
chaTak Guncho.n ne paa.ii daaG paa.e laala-zaaro.n ne

Allama Iqbal
Nazm

bhuke peT

ham se Gaafil taqdiire.n hai.n
be-dast-o-paa tadbiire.n hai.n
KHushk labo.n kii murda aahe.n
bhuuke peT kii tafsiire.n hai.n
kaise kahe.n ham bhii jiite the
ab to be-jaa.n tasviire.n hai.n

Maikash Hyderabadi
Nazm

hum to majbur the is dil se

ham to majbuur the is dil se ki jis me.n har dam
gardish-e-KHuu.n se vo kohraam bapaa rahtaa hai
jaise rindadan-e-balaa-nosh jo mil baiThe.n baham
mai-kade me.n safar-e-jaam bapaa rahtaa hai
soz-e-KHaatir ko milaa jab bhii sahaaraa ko.ii
daaG-e-hirmaan ko.ii, dard-e-tamannaa ko.ii
marham-e-yaas se maa.il-ba-shifaa hone lagaa
zaKHm-e-ummiid ko.ii phir se haraa hone lagaa
ham to majbuur the is dil se ki jis kii zid par
ham ne us raat ke maathe pe sahar kii tahriir
jis ke daaman me.n a.ndhere ke sivaa kuchh bhii na thaa
ham ne is dasht ko Thahraa liyaa firdaus-e-naziir
jis me.n juz san.at-e-KHuun-e-sar-e-paa kuchh bhii na thaa
dil ko ta.abiir ko.ii aur gavaaraa hii na thii
kulfat-e-ziist to manzuur thii har taur magar
raahat-e-marg kisii taur gavaaraa hii na thii

Faiz Ahmad Faiz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now