Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "aadam-khor"

Nazm MATCHES FOR "aadam-khor"

Nazm

difaa

aadam-KHor sifat thii us kii
vo is jangal se aaya thaa
jis me.n KHuunii naag pale the
vo chehre par KHol cha.Dhaa.e
insaano.n me.n aan basaa thaa
apnaa jab.Daa apne panje
us ne chhupaa rakkhe the nazar se
us ma.asuum kii jis ne us ko
shahr kaa rasta batlaayaa thaa

Sajid Hameed
Nazm

chiDiya-KHana

najmii fahmii uzmaa raa.anaa
aa.o dekhe.n chi.Diyaa-KHaana
jin ke naam sunaa karte ho
aaj unhe.n nazdiik se dekho
ek se ek parinde dekho
aadam-KHor darinde dekho
mor saro.n par taaj sajaa.e
naach rahe hai.n par phailaa.e
bulbul dekho totaa dekho
koyal dekho mainaa dekho
KHush-aavaaz papiihaa dekho
hud-hud aur gaurayyaa dekho
bho.nraa dekho titlii dekho
sher kii KHaala billii dekho
zebra gho.Daa TaTTuu KHachchar
baaz kabuutar kavvaa tiitar
vo dekho KHargosh gilahrii
baara-si.nghaa aur vo hirnii
ban-maanus aur bhaaluu bhii hai
nevlaa aur ka.ngaaruu bhii hai
bandar kii naqqaalii dekho
piiT rahe hai.n taalii dekho
do do haathii jhuum rahe hai.n
duur gad.he bhii ghuum rahe hai.n
shero.n kaa Gurraana dekho
te.ndve kaa bal khaanaa dekho
vo dekho afriiqii gai.nDaa
aur ye hindostaanii chiitaa
phan kaa.Dhe ik naagan bhii hai
lom.Dii ik makkaaran bhii hai
buzdil giida.D lakka.D-bagghaa
kaun banegaa leader is kaa
dilkash taa.ir aabii dekho
kaisii hai murGaabii dekho
machhlii ko lahraate dekho
me.nDak ko Tarraate dekho
ek magarmachh jaag rahaa hai
dekh ke kachhvaa bhaag rahaa hai
aaj 'faraaG' uncle ne dekhaa
kalkatte kaa chi.Diyaa-KHaana

Faragh Rohvi
Nazm

open heart surgery

pahlii aavaaz Gussailii garajtii
dekhiyo mat kholiyo is vish bhare muuzii kaa mu.nh
dekhiyo in raasto.n me.n jal bujhegii raushnii
aasmaa.n ke jism uude jism se risne lagegii piip bhii
duusrii aavaaz Darte hu.e sargoshii
us kii dha.Dkan hii se chaltii hai zamaa.n kii nabz
pahlii aavaaz Gussailii garajtii
aur terii zabaa.n chup
zamhariirii saa.ns us kii asr-e-yaKHbandaan le aa.egii getii par
mat kholiyo
mat kholiyo
dekhne ko meraa siina hai dar-asl us kii kachhaar
jis kii Dhalvaano.n ke daldal lotha.De hai.n KHuun ke
jis pe ug aa.ii.n hai.n KHud-rau jhaa.Diyaa.n kuchh saa.ns kii
ghaat me.n aa jaa.egaa us pret ke
baagh ke sar saa.np ke dha.D vaalaa ye ifriit
khob degaa daa.nt gardan me.n tirii
dekhiyo mat kholiyo
mat kholiyo is vish bhare muuzii kaa mu.nh
azhdar kaa mu.nh
ajgar kaa mu.nh
af.ii kaa mu.nh
is vish bhare muuzii kaa mu.nh
ye rage.n
duur tak phailii hu.ii
barzaKH talak phailii hu.ii ja.D
ga.D na jaa.e.n tujh me.n bhii
ye surKH saa.np us kiina-var kii dum hai.n
khaa saktii hai.n sab duniyaa kaa sabz
dekhiyo ye bhuut aadam-KHor hai
saa.ns letaa har manush khaa jaa.egaa
mat kholiyo
mat kholiyo is vish bhare muuzii kaa mu.nh
is KHabiis aazaarda ko marne de
is jha.Duus iizaa-rasaa.n ko marne de
is ke mar jaane me.n insaa.n kaa bhalaa
is ke mar jaane me.n yazdaa.n kaa bhalaa

Razi Haider Gilani
Nazm

ek sawal

qissa hai ye do saal pahle kaa
ik ma.asuum sii bachchii ke bachpane kaa
puuchhaa mujh se beTii kii beTii ne
ya.anii pyaarii sii ik navaasii ne
naanuu kabhii jaa.Do.n me.n kabhii garmii me.n
aur kabhii tez muuslaa-dhaar baarish me.n
kyaa kyaa kahaaniyaa.n aap mujhe sunaatii hai.n
sunte sunte mai.n kabhii so jaatii huu.n
kabhii mahv-e-hairat banii taKHayyul me.n kho jaatii huu.n
meraa nanhaa saa zehn maayuus saa rah jaataa hai
qissa-e-yuusuf kii zuleKHaa to bilkul hii bhaatii nahii.n
haa.n yuusuf kii mohabbat me.n un ke baabaa kaa ronaa dil dukhaataa hai
kashtii-e-nuuh me.n jaanvaro.n kaa hujuum uf allaah
muusaa kii chha.Dii saa.np ban jaanaa bahut Daraataa hai
aaj mausam to ba.Daa garm hai aur bijlii bhii gul
mai.n aaj aap se ik savaal puuchhtii huu.n naanuu
duniyaa gar na ghuumtii to ye mausam-e-garmaa kaise aataa
baaG me.n phuulo.n kii bahaar sardiyo.n me.n hii kyo.n aatii hai
jannat kaa manzar to ba.Daa KHushnumaa bataayaa aap ne
allaah to ba.Daa rahiim-o-kariim hai to phir jahannum kyo.n banaa.ii
justujuu hai ye mujhe ki aadam-o-havvaa jo duniyaa me.n aa.e
kaun sii rut chal rahii thii aur kaun saa thaa mausam
zamii.n tap rahii thii yaa sardiyo.n kii thii ThanDii raat
chal rahii thii patjha.D kii garm havaa.e.n yaa thaa sarsabz mausam-e-barsaat
soch kar mere in savaalo.n kaa javaab bataa.e.n
tab phir aap is qissa ko aage ba.Dhaa.e.n
in qisso.n kii haqiiqat me.n mai.n bahut kho jaatii huu.n
isii liye T v khol rangiiniyo.n me.n gum ho jaatii huu.n

Masuda Imam
Nazm

chand taron ka ban

sub.h-dam ek diivaar-e-Gam ban ga.e
KHaar-zaar-e-alam ban ga.e
raat kii shah-rago.n kaa uchhaltaa lahuu
juu-e-KHuu.n ban gayaa

Makhdoom Mohiuddin
Nazm

intizar hi intizar

ek chaa.ndnii raat thii
husn kii baaraat thii
thaa dhartii par bhii ek chaa.nd chamaktaa hu.aa
saamne us ke ek hasiin dilrubaa
KHuubsuurat naqsh-o-nigaar
aa.nkho.n me.n KHumaar hii KHumaar
palke.n jhuktii.n kabhii uThtii.n
lab-kushaa hote
phir KHamoshii
raat kii dilkashii sameT kar
is chaa.nd kii aaGosh me.n
zam honaa chaahtii thii vo
vo chaa.nd bhii us husn ke sahar me.n Duubaa hu.aa
dekhtaa rahaa dekhtaa rahaa
kaise dil se dil milaa.e
ki aaGosh me.n vo simaT jaa.e
dha.Dkane.n tez hotii ga.ii.n
qaraar ik duuje kaa khotii ga.ii.n
us chaa.nd ne parii-paikar kii jaanib
haath ba.Dhaa diye
apnii aaGosh ko vaa kiyaa aur kahaa
aa.o simaT jaa.o merii baa.nho.n me.n
binaa tumhaare mai.n rah nahii.n saktaa jii nahii.n saktaa
tum ki meraa jiivan ho
vo parii-paikar husn-e-mujassam aage ba.Dhii
us chaa.nd kii dha.Dkano.n me.n mil jaane ke liye
zindagii ke giit gaane ke liye muskuraane ke liye
achaanak Gaiz-o-Gazab kii aa.ii aavaaz
kahaa.n hai chaa.ndnii kahaa.n hai chaa.ndnii
vo husn-e-mujassam
ghar vaalo.n kii Gaiz-o-Gazab kii sun kar aavaaz
tharraa ga.ii kaa.np ga.ii KHauf se
barq-raftaar se sahn se hotii hu.ii
jaa kar apnii KHvaab-gaah me.n
maKHmalii.n bistar par daraaz ho ga.ii
phir raato.n pahro.n vo jaagtii rahii jaagtii rahii
nii.nd chain aaraam kho gayaa sab
rah gayaa to bas ek intizaar
intizaar hii intizaar

Firoza Yasmeen
Nazm

aalam-e-misal

tere ruKH kii ziyaa me.n ye aa.nkhe.n
kho to saktii hai.n
so nahii.n saktii.n

Uzma Naqvi
Nazm

maghlub etimad

aur
havaa.e.n
sakte ke aalam me.n
kha.Dii hai.n
samte.n
be-zabaan sii
ik ek ko
dekh rahii hai.n
bulandii par u.Dtaa
e'timaad kaa tayyaara
zaruurato.n ke
pahaa.D se Takraataa
tavaazun kho baiThaa
aur bikhar gayaa
phir

Anwari Begum
Nazm

kan khol kar

'KHaalid' hamaare sher adab ke ye azhdahe
sunte hai.n mu.nh ko band kiye kaan khol kar

Khalid Irfan
Nazm

pal

KHvaabo.n kii uu.nchii u.Daan
apne paro.n par biThaa kar
mujhe duur ufuq tak
u.Daa le jaatii hai

Ruchi Darolia
Nazm

saneha

ye yaade.n
ye baate.n
ye aadhii sii mulaaqaate.n
bahut ruuhaaniyat hai in me.n
ek ma.asuumiyat hai in me.n
ye lamha-e-ulfat
aayaa hai baa'd muddat
bas du.aa hai yahii
ye kho naa jaa.e kahii.n
rahe sadaa sadaa
ye vafaa
ye adaa
ye sadaa

Khadija Khan
Nazm

KHwab

bahut dino.n se udaas hai dil
bahut dino.n se mai.n ro rahaa huu.n
miraa asaasa to KHvaab the par
mai.n gahrii niindo.n me.n so rahaa huu.n
mai.n ek kirdaar ban gayaa huu.n
mai.n daastaano.n me.n kho rahaa huu.n
ye kaisaa mausam hai mere dil me.n
gulo.n me.n kaa.nTe piro rahaa huu.n
mai.n saaf-suthraa libaas le kar
galii ke paanii se dho rahaa huu.n
mai.n apnii hairat kii khoj me.n thaa
mai.n gahrii niindo.n me.n so rahaa huu.n
bahut dino.n se udaas hai dil
bahut dino.n se mai.n ro rahaa huu.n
ko.ii to zarKHez KHvaab maalik!
mai.n KHushk lafzo.n ko bo rahaa huu.n!

KHalid Malik Sahil
Nazm

sarab

tire aab-e-Gam kii talaash par
mirii zindagii kii asaas hai
mire dil se tere saraab tak
miraa raasta tirii aas hai
vo iram adan kahii.n kho ga.e
yahii chob-e-jaa.n mire paas hai
yahii reg-e-dil miraa jism hai
yahii dasht dard-e-libaas hai
isii dasht-e-dard me.n duur tak
tirii aas hai mirii pyaas hai

Shahzad Nayyar
Nazm

dasht-e-adam ka sannaTa

kyaa kyaa manzar dekh rahii hai.n aa.nkhe.n merii
kab se un ujle shiisho.n par
saa.e larzaa.n hai.n
kuchh dhundlaa.e manzar armaano.n kii jaaduu-nagrii se
siine kii taariikii se
jugnuu kii maanind jhalakte rahte hai.n rang badalte rahte hai.n
band agar ho jaa.e.n ye aa.nkhe.n
saare manzar
saare pas-manzar
be-alfaaz bayaa.n kii suurat
ik kore kaaGaz me.n Dhal kar
(yaksar ruup badal kar)
Thahrii Thahrii aa.nkho.n kii tanhaa.ii me.n kho jaa.e.nge
dasht-e-adam kaa sannaaTaa ho jaa.e.nge

Akbar Hyderabadi
Nazm

wapsi

nishaat-o-kaif ke
naGme
KHalaa me.n Duub ga.e

Sewak Nayyar
Nazm

prem ke dhaare

masjid mandir aur gurudvaare
ham sab kii aa.nkho.n ke taare

Bismillah Adeem
Nazm

kashf

mai.n apnii khoj me.n gum thii
ki mai.n kyaa huu.n
azal ke haadse kaa silsila huu.n
yaa faqat miTTii kii muurat huu.n
musaKHKHar karne vaalaa zehn huu.n
ehsaas kii dhiimii sajal aavaaz huu.n
yaa apne KHaaliq kii
ko.ii aisii adaa huu.n
jo use KHud bhaa ga.ii hai
tumhe.n paayaa to ye jaanaa
ki meraa bhii ko.ii mafhuum hogaa
tumhe.n kho kar
mire mafhuum kii suurat nikhar aa.ii
fishaar-e-be-yaqiinii ne
vafaa ke baa'd gumbad me.n
azal ke karb kii suurat me.n
apnii ibtidaa dekhii
abad ke aa.ine me.n
intihaa kaa naqsh bhii dekhaa
KHudaa kaa aks bhii dekhaa

Yasmeen Hameed
Nazm

KHud ko pahchanen hum

be-maa.nge
insaan bane ham
ashraf bhii kahlaa.e
is ke liye
ibn-e-aadam ne
ko.ii arzii nahii.n bhejii thii
be-maa.nge hii
iimaa.n kaa anmol ik hiiraa bhii
qudrat ne hame.n baKHshaa
jis ke ham
kaash qadr-daa.n bhii kuchh hote
hiiraa paa kar kho de.nge to
kitnii zillat hogii apnii
zillat ke daldal se
kaise nikle.nge ham
soche.n
apnii qiimat parkhe.n
dil kaa aa.iina bhii dekhe.n
KHud ko pahchaane.n ham

Mohammad Salim
Nazm

shahr mera

shahr meraa udaas ga.ngaa saa
ko.ii bhii aa.e aur apne paap
kho ke jaataa hai dhoke jaataa hai
aag kaa khel khelne vaale
ye nahii.n jaante ki paanii kaa
aag se bair hai hamesha kaa
aag kitnii hii KHaufnaak sahii
us kii lapTo.n kii umr tho.Dii hai
aur ga.ngaa ke saaf paanii ko
aaj bahnaa hai kal bhii bahnaa hai
jaane kis kis kaa dard sahnaa hai
shahr meraa udaas ga.ngaa saa

Waseem Barelvi
Nazm

talash

chand kho.e hu.e lamhaat ko kartaa huu.n talaash
aur vo milte nahii.n aalam-e-bedaarii me.n
aalam-e-KHvaab ko kahte hai.n haqiiqat ke KHilaaf
kashmakash sii hai bapaa Gaflat o hushyaarii me.n

Amn Lakhnavi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now