Search result for "andoh-e-gam" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "andoh-e-gam"

Nazm MATCHES FOR "andoh-e-gam"

Nazm

phir sham hui

ko.ii dekhe ye majbuuriyaa.n duuriyaa.n
ek hii shahr me.n ham kahaa.n tum kahaa.n
dosto.n ne bhii chho.Dii hai.n dil-daariyaa.n
aaj vaqf-e-Gam-e-ulfat-e-raa.egaa.n
ham jo phirte hai.n vahshat-zada sargiraa.n
the kabhii saahib-e-aabruu shahr me.n
log taano.n se kyaa kyaa jataate nahii.n
aise raahii to manzil ko paate nahii.n
jii se ik duusre ko bhulaate nahii.n
saamne bhii magar aate jaate nahii.n
aur jaa.e.n to aa.nkhe.n milaate nahii.n
haa.e kyaa kyaa nahii.n guftuguu shahr me.n

Ibn۔e۔Insha

Nazm

dil pit ki aag mein jalta hai

dil piit kii aag me.n jaltaa hai haa.n jaltaa hai ise jalne do
is aag se tum to duur raho ThanDii na karo pa.nkhaa na jhalo
har mahfil me.n ham dono.n kii kyaa kyaa nahii.n baate.n hotii hai.n
in baato.n kaa mafhuum hai kyaa tum kyaa samjho tum kyaa jaano
dil chal ke labo.n tak aa na sakaa lab khul na sake Gam jaa na sakaa
apnaa to bas itnaa qissa thaa tum apnii sunaa.o apnii kaho
vo shaam kahaa.n vo raat kahaa.n vo vaqt kahaa.n vo baat kahaa.n
jab marte the marne na diyaa ab jiite hai.n ab jiine do

Ibn۔e۔Insha

Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha

Nazm

shaer ki tamanna

agar is gulshan-e-hastii me.n honaa hii muqaddar thaa
to mai.n Guncho.n kii muTThii me.n dil-e-bulbul hu.aa hotaa
gunaaho.n me.n zarar hotaa, du.aa.o.n me.n asar hotaa
mohabbat kii nazar hotaa, hasiino.n kii adaa hotaa
faroG-e-chehra-e-mehnat, Gubaar-e-daaman-e-daulat
nam-e-peshaanii-e-Gairat, KHam-e-zulf-e-rasaa hotaa
hu.aa hotaa kisii dastaar-e-kaj par phuul kii tarah
aur us dastaar-e-kaj kii tamkanat par ha.ns rahaa hotaa
kisii maGruur kii gardan pe hotaa bojh ehsaa.n kaa
kisii zaalim ke dil me.n dard ho kar laa-davaa hotaa
kisii mun.im ke chehre par KHushii haajat-ravaa.ii kii
kisii naadaar kii nazro.n me.n sharm-e-iltijaa hotaa
kisii bhaTke hu.e raahii ko detaa daavat-e-manzil
bayaabaa.n kii a.ndherii shab me.n jogii kaa diyaa hotaa
kisii ke kalba-e-ahzaa.n me.n sham-e-muzmahil ban kar
kisii biimaar muflis ke sirhaane ro rahaa hotaa
sharar ban kar kisii naadaar ghar ke sard chuulhe me.n
''ba-sad ummiid-e-fardaa'' zer-e-KHaakistar dabaa hotaa
yatiim-e-be-navaa kii rah-guzar par ashrafii ban kar
la.iim-e-faaqa-kash kii jeb-e-mumsik se giraa hotaa
niystaa.n se nikal kar hasrat-aabaad-e-tamaddun me.n
gadaa-e-piir o naa-biinaa ke haatho.n kaa asaa hotaa
shikasta jho.npa.De me.n baa.nsurii-e-dahqaa.n kii sur ban kar
sukuut-e-niim-shab me.n raaz-e-hastii kah rahaa hotaa
Garaz is hasrat-o-andoh-o-yaas-o-Gam kii bastii me.n
kahii.n daur-aafrii.n hotaa, kahii.n dard-aashnaa hotaa
''Duboyaa mujh ko hone ne'' ba-qaul-e-Gaalib-e-daanaa
''na thaa kuchh to KHudaa thaa, kuchh na hotaa to KHudaa hotaa''

Jameel Mazhari

Nazm

main kaun hun

zindagii vahm hai haqiiqat hai
shajar-e-dard-e-saaya-e-Gam hai

Muslim Shameem

Nazm

Diary

qaid-o-hayaat-o-band-e-Gam asl me.n dono.n ek hai.n
maut se pahle aadmii Gam se najaat paa.e kyuu.n

Deepti Mishra

Nazm

muhasara

qalb-e-paivandi-e-Gam to hogii
shahr me.n ko.ii dha.Daktaa hu.aa dil
dil... kii ko.ii taaza qalam to hogii

Saqi Faruqi

Nazm

jannat se bhi aziz hai KHak-e-watan mujhe

soz-o-gudaaz-e-Gam kaa huu.n afsaana-e-KHamuush
samjho ba-rang-e-saaz saraapaa suKHan mujhe

Barq Dehlvi

Nazm

wasoKHt

kyuu.n daad-e-Gam hamii.n ne talab kii buraa kiyaa
ham se jahaa.n me.n kushta-e-Gam aur kyaa na the

Faiz Ahmad Faiz

Nazm

mujhe rone do

mujhe rone do rone do
usii piipal ke saa.e me.n
jahaa.n ik dard kii taasiir kaa maaraa
bataataa thaa ki raaz-e-dard-o-Gam kyaa hai
mudaavaa-e-alam kyaa hai

Muneebur Rahman

Nazm

sipas-nama-e-bahaar-e-gham

jashn-e-bahaaraa.n me.n aaj
qasiida-e-gul chhe.De.n
mahfil me.n rang bhar de.n
aur inaayat gul kaa phir
bahaar ko ehsaanmand kar de.n
ki jaise sa.aadat-e-Gam se
giraa.n-baar dil zaKHm zaKHm gul se
bahaar-e-jaa.n-fazaa kaa sazaa-vaar
ik alag tarah se
phir is gul-pairahan ko aaj
dil-sozii-e-jaa.n kaa qarz uThaa.e
sipaas-naama-e-bahaar-e-Gam me.n
marhabaa marhabaa kah de.n

Azra Mughal

Nazm

nazr-e-Khaalida

KHaar-zaar-e-Gam ko pairo.n se kuchalnaa hai hame.n
jaada-e-manzil me.n girnaa hai sambhalnaa hai hame.n

Asrarul Haq Majaz

Nazm

haq-pasandi

kisii ne jab bhii ko.ii baat mujh se puuchhii hai
daroG maslahat-aamez se liyaa hai kaam
kahaa hai ashk ko shabnam to daaG ko laala
kabhii savaad-e-shab-e-Gam ko nuur kaa haala

Danish Farazi

Nazm

pattharon ka mughanni

pattharo.n ko zabaa.n to milii par takallum nahii.n
pattharo.n ko KHad-o-KHaal-e-insaa.n mile daulat-e-dard-o-Gam kab milii

Waheed Akhtar

Nazm

blind followers

mai.n aaj tum se muKHaatib huu.n mere ham-vatano
ki tab'-e-shikva-e-Gam aaj kuchh ziyaada hai
mizaaj apnaa tunuk-zarf to nahii.n lekin
vatan me.n zor-e-sitam aaj kuchh ziyaada hai

Balmohan panday

Nazm

aarzu

na jaane mere dil kii KHud-farebii kyo.n nahii.n jaatii
taKHayyul se hasii.n KHvaabo.n ke manzar gum nahii.n hote
mirii jaa.n se fusuun-e-soz-o-Gam chhin kyo.n nahii.n jaataa
na jaane mere dil kii KHud-farebii kyo.n nahii.n jaatii

Siddique Kaleem

Nazm

aaj bhi

aaj bhii KHaar-zaar-e-Gam KHuld-e-barii.n mire liye
aaj bhii rah-guzaar-e-ishq mere liye hai kahkashaa.n

Asrarul Haq Majaz

Nazm

zawal

bah ga.e aa.nsuu.o.n me.n KHvaab mire
mere ham-raaz-o-Gam-gusaar-o-jaliis

Sajid Hameed

Nazm

tum ye kahte ho ab koi chaara nahin

apne bas kaa nahii.n baar-e-sa.ng-e-sitam
baar-e-sa.ng-e-sitam, baar-e-kohsaar-e-Gam
jis ko chhuu kar sabhii ik taraf ho ga.e
baat kii baat me.n zii-sharaf ho ga.e

Faiz Ahmad Faiz

Nazm

judai

nigaar-e-shaam-e-Gam mai.n tujh se ruKHsat hone aayaa huu.n
gale mil le ki yuu.n milne kii naubat phir na aa.egii
sar-e-raahe jo ham dono.n kahii.n mil bhii ga.e to kyaa
ye lamhe phir na lauTe.nge ye saa.at phir na aa.egii

Mustafa Zaidi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now