Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ba.dhnaa"

Nazm MATCHES FOR "ba.dhnaa"

Nazm

farz karo

gorii dekh ke aage ba.Dhnaa sab kaa jhuuTaa sachchaa 'huu'
Duubne vaalii Duub ga.ii vo gha.Daa thaa jis kaa kachchaa 'huu'

Ibn۔e۔Insha
Nazm

daraKHt-e-zard

nasha cha.Dhne lagaa hai aur cha.Dhnaa chaahiye bhii thaa
abas kaa nirKH to is vaqt ba.Dhnaa chaahiye bhii thaa
ajab be-maajraa be-taur be-zaaraana haalat hai
vajuud ik vahm hai aur vahm hii shaayad haqiiqat hai
Garaz jo haal thaa vo nafs ke baazaar hii kaa thaa
hai ''ze'' baazaar me.n to darmiyaa.n 'zaryuun' me.n avval
to ye ibraafaniiqii khelte harfo.n se the har pal
to ye 'zaryuun' jo hai kyaa ye aflaatuun hai ko.ii
amaa.n 'zaryuun' hai 'zaryuun' vo ma.ajuun kyuu.n hotaa
hai.n ma.ajuune.n mufiid ''arvaah'' ko ma.ajuun yuu.n hotaa
suno tafriiq kaise ho bhalaa ashKHaas o ashyaa me.n
bahut janjaal hai.n par ho yahaa.n to ''yaa'' me.n aur ''yaa'' me.n

Jaun Eliya
Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha
Nazm

meri beTi chalna sikh gai

merii beTii u.nglii chho.D ke
chalnaa siikh ga.ii
sa.ng-e-miil pe hindiso.n kii pahchaan se aage
aate jaate rasto.n ke har naam se aage
pa.Dhnaa siikh ga.ii
jaltii bujhtii raushniyo.n aur ra.ngo.n kii tartiib
safar kii samto.n aur gaa.Dii ke pahiyo.n me.n
uljhii raaho.n par
aage ba.Dhnaa siikh ga.ii

Fatima Hasan
Nazm

uljhan ki kahani

aage baat ba.Dhaa.e.n kaise baat bane to baat ba.Dhe
ab tak rang akahraa thaa gar ko.ii ba.Dhaa to haath ba.Dhe
honii kii to riit yahii hai chhoTe din kii raat ba.Dhe
ab to jo bhii ba.Dhnaa chaahe apne saath hii saath ba.Dhe
aage piichhe dau.D dau.D kar ik aage ik piichhe hai
piichhe vaalaa kaise ba.Dhe jab aage vaalaa bhii dau.De
dono.n choT baraabar kii hai.n ye dono.n se kaun kahe
haar aur jiit isii me.n hai ab kaun ruke aur kaun ba.Dhe

Meeraji
Nazm

daraKHton ke liye

ai daraKHto! tumhe.n jab kaaT diyaa jaa.egaa
aur tum suukh ke lak.Dii me.n badal jaa.oge
aise aalam me.n bahut paishkashe.n ho.ngii tumhe.n
tum magar apnii rivaayat se na phirnaa hargiz
shaah kii kursii me.n Dhalne se kahii.n behtar hai
kisii foot-paath ke hotel kaa vo TuuTaa hu.aa taKHta ban.naa
maile kap.Do.n me.n sahii log mohabbat se jahaa.n baiThte hai.n
kisii banduuq kaa dasta bhii nahii.n honaa tumhe.n
chaaquu chhuriyo.n ko bhii KHidmaat na apnii denaa
aise darvaaze kii chaukhaT bhii na ban.naa hargiz
jo mohabbat-bharii dastak pe kabhii khul na sake
ai daraKHto! tumhe.n jab kaaT diyaa jaa.egaa
aur tum suukh ke lak.Dii me.n badal jaa.oge
ko.ii baisaakhii banaa.e to sahaaraa denaa
aur kashtii ke liye itnii mohabbat se tum aage ba.Dhnaa
ki samundar kii faraaKHii bhii bahut kam pa.D jaa.e
apne patvaar mire baazu.o.n jaise rakhnaa
jo kisii aur kii taaqat ke sivaa zinda hai.n
merii duniyaa ki abhii vaaqif-e-ulfat hii nahii.n
mere baazuu bhii mohabbat ke sivaa zinda hai.n

Fazil Jamili
Nazm

bachcha mazdur

mai.n huu.n ik bachcha mazduur
bachpan se huu.n koso.n duur
sub.h se kaam pe jaataa huu.n
shaam ko vaapas aataa huu.n
mai.n bhii pa.Dhnaa chaahtaa huu.n
aage ba.Dhnaa chaahtaa huu.n
khel kuud ko vaqt nahii.n
kyaa jii mai.n bad-baKHt nahii.n
chaahtaa huu.n Gubbaare luu.n
ham-sin yaaro.n se kheluu.n
lekin kyaa kar saktaa huu.n
din bhar kaam pe rahtaa huu.n
kis se dil kii baat kahuu.n
kab tak mai.n KHud pe ro.uu.n
haalat se majbuur huu.n mai.n
aur bachcha mazduur huu.n mai.n
kaash ko.ii mujh ko samjhe
mujh se na bachpan chhiine

Ameen Hazin
Nazm

shaffafiyan

hame.n tum muskuraahaT do
tumhe.n ham khilkhilaate roz o shab de.nge
ye kaise ho
ki tum bauchha.D do
to ham tumhe.n jal-thal na de de.n
aur sahraa.o.n ko farsh-e-aab na kar de.n
hamaaraa dhyaan rakho tum
tumhe.n duniyaa me.n rakhe.nge ham apnii aarzu.o.n kii
ye kaise ho
ki tum sochaa karo
aur ham tumhaarii soch ko tajsiim na kar de.n
muravvaj chaahato.n ke
be-lachak aa.iin me.n tarmiim na kar de.n
tumhe.n ye bhii bataate hai.n
agar ko.ii KHalish hai yaa ko.ii ib.haam hai dil me.n
to phir aage nahii.n ba.Dhnaa
ki ham shaffaaf hai.n
shaffaafiyaa.n hii chaahte hai.n
be-nazar shiisho.n me.n apne aks ko mailaa nahii.n karte
tumhe.n ye bhii bataate hai.n
agar tum chhab dikhaa ke chhup ga.e
to ham tumhe.n Dhuu.nDe.nge chaahe aap kho jaa.e.n

Waheed Ahmad
Nazm

shararat nagar

ko.ii aisaa school bhii to khule
jahaa.n copiyaa.n aur kitaabe.n na ho.n
diivaaro.n pe likkhaa ho pa.Dhnaa nahii.n
taraqqii ke ziine pe cha.Dhnaa nahii.n
rah-e-ilm me.n aage ba.Dhnaa nahii.n
gale mere ye ilm ma.Dhnaa nahii.n
hamesha rahe.n KHush ki ai chul-bule
ko.ii aisaa school bhii to khule
hame.n na sikhaa.o ye jii o T got
hamaaraa to Gussa hai h o T hot
ki ham to.D Daale.n ye pii o T pot
chhi.Dak de.nge chehre pe ham inkpot
pa.De daaG aisaa ki phir na dhule
ko.ii aisaa school bhii to khule
na karnii pa.De yaad ye history
na juGraafiya ho aur na chemistry
vakaalat kare.nge na barristerii
sikhaa do sharaarat kii palmistry
ki shaitaan ban.ne pe ham hai.n tule
ko.ii aisaa school bhii to khule
ba.De ho ke bhaaluu nachaa.e.nge ham
akhaa.De me.n mugdar ghumaa.e.nge ham
na pa.Dhne ko england jaa.e.nge ham
tumhii.n par kabuutar u.Daa.e.nge ham
jahaalat ke pal.De me.n ham hai.n tule
ko.ii aisaa school bhii to khule

Iqbal Hasan Azad
Nazm

aurat

ba.Dhaatii huu.n qadam
fauran hii piichhe khii.nch letii huu.n
ye andesha mujhe aage kabhii ba.Dhne nahii.n detaa
na-jaane log kyaa soche.n
na-jaane log kyaa bole.n
isii ik KHauf ke ghere me.n jiitii aur martii huu.n
magar kab tak

Tabassum Azmi
Nazm

urdu hindi

urdu ho chaahe hindii
dono.n ko KHuub pa.Dhnaa
kar ke pa.Dhaa.ii uu.nchii
jiivan me.n aage ba.Dhnaa

Kausar Siddiqi
Nazm

maika

mai.n ne chaahaa thaa ko.ii ujaale saa haath
merii u.nglii paka.D kar mujhe aage ba.Dhnaa sikhaa.e
madraso.n daftaro.n shaah-raaho.n makaano.n duukaano.n
talak le chale
lekin aisaa hu.aa
jis jagah aa.nkhe.n kholii thii mai.n ne
vahaa.n haath saare roTii banaane pe maamuur the
KHauf aataa thaa ghar se nikalte hu.e
Dagmagaate qadam
gu.ng alfaaz
bebas nigaahe.n liye
aage ba.Dhtii thii mai.n
chuu.nki ruknaa ko.ii hal nahii.n thaa
so mai.n apnii galii se nikal kar jahaa.n bhii ga.ii
ajnabii merii sahmii hu.ii zaat pe
Darte Darte adaa hotii har baat pe
fiqre kaste rahe
aur ha.nste rahe
tab se ab tak nahii.n yaad
kitne hii dariyaa bahe
kab gulaabii badan saa.nvlaa ho gayaa
ujlii be-daaG aa.nkho.n me.n
kab dard ke zard mausam utar aa.e
kab aa.ina dhuul se bhar gayaa

Nighat Sahiba
Nazm

badalne ka koi mausam nahin hota

chale the log jab ghar se
to ik va.ade kii taKHtii apnii peshaanii par
rakh kar laa.e the
jis kii gavaahii me.n
safar ko aage ba.Dhnaa thaa
aur us ke saath
KHvaabo.n KHvaahisho.n ke naam
us viiraan ghar ko aage ba.Dhnaa thaa
to ik va.ade kii taKHtii thii
bahut din tak jo raushan thii saraabo.n me.n
puraanii daastaane.n jaagtii taaza nisaabo.n me.n
bahut din tak havaa me.n sandalii KHushbuu mahaktii thii
safar me.n chaa.ndnii ghar kii chhiTaktii thii
chale the log jab ghar se
bahut maanuus the
har gum-shuda viiraan manzar se
chale the log jab ghar se
puraanii baat lagtii hai
bahut sii ka.Diyaa.n jaise biich se
ab TuuTtii jaatii hai.n
rute.n guzrii.n hu.ii ab haath se
yuu.n chhuuTtii jaatii hai.n
jaise aayate.n bujhne lagii ho.n
sail-e-zulmat me.n
vo ik va.ade kii taKHtii gum hu.ii
tuufaan-e-hairat me.n
badalne kaa ko.ii mausam nahii.n hotaa
bahut din jab badalne me.n guzar jaate hai.n
kuchh badle hu.e kaa Gam nahii.n hotaa

Ain Tabish
Nazm

kaghaz ki nayya

har mushkil se la.Dnaa is ko
aage aage ba.Dhnaa is ko

Adil Hayat
Nazm

hum ko aage baDhna hoga

har haalat me.n pa.Dhnaa hogaa
ziina ziina cha.Dhnaa hogaa
ta.aliimii is dau.D me.n ab to
ham ko aage ba.Dhnaa hogaa
varna piichhe rah jaa.e.nge
saaraa jiivan pachhtaa.e.nge

Faragh Rohvi
Nazm

mel utarna mushkil lagta hai

saare din ke mel ko
jism se utaarnaa mushkil lagtaa hai
sar ko din bhar kii dhuul se
faariG karnaa
aur phir gardan ke kaale daa.ere ko
halkaa karnaa
saabun ke bulbulo.n se
phir aahista aahista un golaa.iyo.n kii taraf
ba.Dhnaa
jin par mel kabhii nahii.n cha.Dhtaa
zaraa sii tirchhii
ek taraf ko jhukii hu.ii
sadaa kii chamkii-chamkaa.ii
unhe.n mai.n ab nahii.n dhotii
phir ubhre hu.e peT par
barso.n kaa pasiina
jame hu.e chewing-gum kii tarah
kabhii nahii.n utartaa

Azra Abbas
Nazm

hum kaamyab honge

school chiiz kyaa hai
is maktab-e-jahaa.n me.n
pa.Dh likh ke zindagii ke
har ek imtihaa.n me.n
ham kaamyaab ho.nge
ba.Dhnaa hai siina taane
muskil-tariin rah par
jiivan ke har safar me.n
himmat ke saath chal kar
ham kaamyaab ho.nge
kaisii bhii aa.ndhiyaa.n ho.n
in aa.ndhiy.o.n ke aage
azm-e-junuu.n se apne
raushan charaaG kar ke
ham kaamyaab ho.nge

Faragh Rohvi
Nazm

tin baj ke sola minute

baat karte hu.e jazbaat kaa ghaTnaa ba.Dhnaa
lahja-e-narm me.n saa.nso.n kaa utarnaa cha.Dhnaa
Gazal-e-ashk ke har lafz ko ro kar pa.Dhnaa
jo hu.aa mai.n ne na sochaa thaa muqaddar niklaa
dono.n kii quvvat-e-bardaasht se baahar niklaa

Ali Raza Aseer
Nazm

paheliyan

aur mujhe bhii ek soch rah rah kar jaise ta.Dpaatii hai
mere qad sii chhoTii raahe.n lambii kyuu.nkar ho jaatii hai.n
aur tumhaarii zulfo.n ne bhii
kyuu.nkar ba.Dhnaa chho.D diyaa hai

Sewak Nayyar
Nazm

histrionic personality disorder

magar mujhe thaa abhii bhii ba.Dhnaa
jahaan-bhar se thaa uu.nchaa ban.naa
ko.ii bhii pahu.nche na mere qad tak
ye chaah thii ab junuu.n kii had tak
so ye hu.aa bhii

Vikram
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now