Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "babar"

Nazm MATCHES FOR "babar"

Nazm

dusra ban-bas

raam ban-baas se jab lauT ke ghar me.n aa.e
yaad jangal bahut aayaa jo nagar me.n aa.e
raqs-e-diivaangii aa.ngan me.n jo dekhaa hogaa
chhe december ko shrii raam ne sochaa hogaa
itne diivaane kahaa.n se mire ghar me.n aa.e
jagmagaate the jahaa.n raam ke qadmo.n ke nishaa.n
pyaar kii kaahkashaa.n letii thii a.ng.Daa.ii jahaa.n
mo.D nafrat ke usii raahguzar me.n aa.e
dharm kyaa un kaa thaa, kyaa zaat thii, ye jaantaa kaun
ghar na jaltaa to unhe.n raat me.n pahchaantaa kaun
ghar jalaane ko miraa log jo ghar me.n aa.e
shaakaahaarii the mere dost tumhaare KHanjar
tum ne baabar kii taraf phe.nke the saare patthar
hai mire sar kii KHataa, zaKHm jo sar me.n aa.e
paa.nv sarjuu me.n abhii raam ne dho.e bhii na the
ki nazar aa.e vahaa.n KHuun ke gahre dhabbe
paa.nv dho.e binaa sarjuu ke kinaare se uThe
raam ye kahte hu.e apne dvaare se uThe
raajdhaanii kii fazaa aa.ii nahii.n raas mujhe
chhe december ko milaa duusraa ban-baas mujhe

Kaifi Azmi
Nazm

africa come-back

dhartii dha.Dak rahii hai mire saath africa
dariyaa thirak rahaa hai to ban de rahaa hai taal
mai.n africa huu.n dhaar liyaa mai.n ne teraa ruup
mai.n tuu huu.n merii chaal hai terii babbar kii chaal
''aa jaa.o africa''
aa.o babbar kii chaal
''aa jaa.o africa''

Faiz Ahmad Faiz
Nazm

ab aur tab

na puuchh ai ham-nashii.n college me.n aa kar ham ne kyaa dekhaa
zamii.n badlii hu.ii dekhii falak badlaa hu.aa dekhaa
na vo pahlii sii mahfil hai na miinaa hai na saaqii hai
kutub-KHaane me.n lekin ab talak talvaar baaqii hai
vahii talvaar jo baabar ke vaqto.n kii nishaanii hai
vahii marhuum baabar yaad jis kii Gair faanii hai
zamii.n par lecturer kuchh tairte phirte nazar aa.e
aur un kii ''gaun'' se kandho.n pe do shahpar nazar aa.e
magar in me.n mire ustaad-e-deriina bahut kam the
jo do ik the bhii vo masruuf-e-sad-afkaar-e-paiham the
vo ziine hii me.n Takraane kii hasrat rah ga.ii dil me.n
sunaa one-way traffic ho ga.ii uupar kii manzil me.n
agarche aaj-kal college me.n vaaqif hai.n hamaare kam
hame.n diivaar-o-dar pahchaante hai.n aur un ko ham
bulandii par alag sab se kha.Daa ''tower'' ye kahtaa hai
badaltaa hai zamaana meraa andaaz ek rahtaa hai
fanaa ta.aliim dars-e-be-KHudii huu.n is zamaane se
ki majnuu.n laam alif likhtaa thaa diivaar-e-dabistaa.n par
magar ''tower'' kii saa.at ke bhii baazuu KHuub chalte hai.n
kabuutar baiTh kar suu.iyo.n pe vaqt us kaa badalte hai.n
usii maalik ko phir halve kii daavat par bulaate hai.n
vo halva KHuub khaate hai.n use bhii kuchh khilaate hai.n
agar vo ye kahe is me.n to zahriilii davaa.ii hai
miraa dil jaantaa hai is me.n anDe kii miThaa.ii hai
phir is ke baa'd bahr-e-KHud-kushii tayyaar hote hai.n
vo halva biich me.n aur gard us ke yaar hote hai.n
vo puuchhe gar kahaa.n se kis tarah aayaa hai ye halva
to Dabbaa pesh kar ke kah diyaa is kaa hai sab jalva
kisii kanjuus ke kamre me.n jaa kar baiTh jaate hai.n
aur us ke naam par Tuk shaap se chiize.n ma.ngaate hai.n
bichaara 'ja.afarii' muddat ke baa'd aayaa hai college me.n
izaafa chaahtaa hai apnii a.ngrezii kii knowledge me.n
tire siine pe jab yaaraa-n-KHush aa.e.n kii mahfil ho
to ai 'oval' use mat bhuul jaanaa vo bhii shaamil ho

Syed Mohammad Jafri
Nazm

pura chand nikalta hai to bheDiya aksar rota hai

aadhaa tiitar khaayaa lekin bhuukaa rah gayaa babbar sher
shernii us ke vaaste le kar aa.ii aadhaa aur baTer

Jameel Usman
Nazm

chiDiya ghar

chi.Diyaa ghar me.n basne vaalii
kaisaa mizaaj-e-aalii hai
munnuu bhayyaa puuchh rahe hai.n
kyaa ko.ii pi.njra KHaalii hai
dau.D me.n sab se avval chiitaa
ja.ngal kii har race me.n jiitaa
jaldii jaldii bol re saathii
kachchaa papiitaa pakkaa papiitaa
ja.ngal ke sultaan ko dekho
sher-e-babar kii shaan ko dekho
aisaa bahaadur ko.ii nahii.n hai
dil vaale mehmaan ko dekho
bhaag rahaa hai haa.np rahaa hai
Dar ke maare kaa.np rahaa hai
buzdil giida.D naam hai us kaa
dekho kaisaa bhaa.np rahaa hai
haathii suu.nD hilaane vaale
lambe daa.nt dikhaane vaale
dariyaa dariyaa jangal ja.ngal
bhaarii bojh uThaane vaale
baato.n me.n bebaak bahut hai
sab par is kii dhaak bahut hai
bachcho is kaa naam bataa.o
ye biibii chaalaak bahut hai
ban-maanus ke khel ajab hai.n
circus jaise saare Dhab hai.n
aise khel kahaa.n se siikhe
dekhne vaale hairaa.n sab hai.n
naach dikhaane vaale bhaaluu
tuu kaalaa teraa naam hai kaaluu
kis se hai tirii rishta-daarii
tuu aaKHir hai kis kaa KHaaluu
Dug Dug Dug Dug bandar aa.e
KHushii KHushii sasuraal ko jaa.e
chhan-chhan chhan-chhan naache bandariyaa
jaise madaarii chaahe nachaa.e
zebra dekho dhaariyo.n vaalaa
paayaa jis ne ruup niraalaa
sub.h bhii is kii shaam bhii is kii
aadhaa goraa aadhaa kaalaa
ye kachhve se haarne vaalaa
jhuuTii sheKHii baghaarne vaalaa
aaKHir mu.nh kii khaa jaataa hai
auro.n ko lalkaarne vaalaa
saa.np jo pal pal bal khaate hai.n
biin baje to lahraate hai.n
lahraa.e.n to jaage so.e
laakho.n rang nazar aate hai.n
kanThii pahne tote aa.e
hare hare se par phailaa.e
miTThuu beTaa pa.Dh lete hai.n
ko.ii in ko agar pa.Dhaaye
saaras dekho kitnaa ba.Daa hai
baadal jaise aan pa.Daa hai
machhlii aa.e aur paka.D luu.n
paanii me.n chup-chaap kha.Daa hai
vo dekho vo aayaa zaraafa
jaise ko.ii bearing lifaafa
ham dete hai.n us ko du.aa.e.n
gardan me.n ho aur izaafa

Rais Farogh
Nazm

pagal

dekh nii maa.e?
sundar maathe kii rekhaa.e.n
tere haath kii rekhaa.o.n se miltii-jultii
uttar dakhkhin puurab pachchhim ek safar hai Taa.nvaa.n Taa.nvaa.n
dekh gulaabii aag pe se.nkii
Dab kha.Dbii roTii jaisaa chehraa meraa
dekh nii maa.e
sarso.n jaise haath the mere
hare hare ka.ngan kii chunnii
giiTa giiTa baalan chun.naa in ko mah.ngaa pa.D jaa.egaa
kab sochaa thaa

Iliyas Babar Aawan
Nazm

jangal mein fashion parade

sher-e-babar ne pahnaa choGaa
giida.D coat pahan itraayaa

Ataur Rahman Tariq
Nazm

yar parinde!

yaar parinde! yahii.n kahii.n thaa niim ke pe.D kaa dayaar
miTTii kii kachchii diivaare.n chaa.ndii jaise yaar
yassuu punjuu haar kabuutar, kanche vanche, taash
jiitne vaale naalaa.n, haarne vaale the KHush-baash
ulTe tave kii roTii saath me.n khaTTaa miiThaa saag
makkhan kii Daliyo.n me.n jaise maa.n ke pyaar kaa raag
do kamro.n ke ghar me.n itne ghane ghanere log
niim kii chhaa.nv baa.nTne aate gaa.nv bhar ke log
ghar kaa darvaaza thaa saa.njhaa jaise ghar kii maa.n
sahn me.n itnii vus.at hotii jaise ek jahaa.n
yaar parinde! gaa.nv vahii hai vaisaa niim kaa pe.D
diivaaro.n par kaa.nch ja.De hai.n darvaazo.n par qufl
shaam Dhale hii chaupaale.n ho jaatii hai.n sunsaan
changiiro.n kii baasii roTii aur Dabbe kaa duudh
havaa hu.ii.n makkhan kii Daliyaa.n havaa hu.aa vo pyaar
yaar parinde! niim ke pe.D kii baato.n me.n mat aa
paas ke jangal me.n zaaGo.n ke Dere par sau jaa

Iliyas Babar Aawan
Nazm

ghair-nisabi tariKH

shaahii darbaar me.n mahaaraaj kaa muKHbir-e-KHaas ko hukm
lahn-e-saalaar bataa haal zamaane kaa mujhe
us me.n bas mujh ko bataa merii KHabar kii baabat
mat sunaa KHasta zamaano.n kii shikasta baate.n
lafz likh mere liye nok-e-qalam se aur phir
shahar-bhar me.n yahii taariiKH munaadii kar de
vaqt ke saare mo.arriKH kare.n bai.at us kii
phuul par KHuun nahii.n thaa vo nam-e-shabnam thaa
ek KHaamosh riyaazat thii ajal kaa chakkar
be-badan KHvaab the tahziib kaa nau-rafta-mizaaj

Iliyas Babar Aawan
Nazm

hamare din guzar gae

gharo.n me.n ko.ii pe.D hai na motiye kii bail hai
na daal ko baghaartii hu.ii javaan la.Dkiyaa.n
ki sab chalan badal gayaa

Iliyas Babar Aawan
Nazm

zist-mizajon ka nauha

resha-e-ashk pe Taa.nke hu.e ham barg-e-malaal
qarya-e-vahshat o uftaad me.n hai.n KHema-ba-dosh
apne hisse kii jahaa.ngiirii uThaa laa.e hai.n
kyaa KHabar kaun nazar turfa masiihaa.ii ho
kaun saa zahr tire hijr kaa tiryaaq bane
bas isii kaar-e-faraaGat pe hai maamuur ye dil
jis pe khulte nahii.n asraar-e-ta.alluq na mizaaj
apnii hii dhan me.n subuk-KHez chalaa jaataa hai
ek andesha-e-iijaaz-e-talaatum kii taraf
jis kii tahziib pe tahriir hai.n naame tere
saahira dekh kabhii ziist-mizaajo.n kii taraf
dekh kyaa rang tire KHaak-nashiino.n kaa hu.aa
par tujhe fursat-e-nazzaara-e-KHaashaak nahii.n
terii aa.nkho.n me.n farozaa.n hai sitaaro.n kaa vafuur
ham ki be-nuur charaaGo.n ke KHaraashiida badan
apnii hii lau kii saKHaavat se jale baiThe hai.n
ham jahaa.ngiir-mizaajo.n me.n luTe baiThe hai.n

Iliyas Babar Aawan
Nazm

shattul-arab

ye surKH dhaare qadiim vaqto.n kii daastaano.n ke surKH-raavii
kanaar-e-aab-e-falak hai.n dastaar ban.ne vaale naKHiil-zaade
navaah-e-basra me.n phailtii bad-gumaan sub.he.n
fazaa me.n be-naam siskiyo.n kii shikasta-lahre.n
jinhe.n munaafiq sifaarato.n ke hisaar ne qatl kar diyaa thaa
yahii.n kahii.n hai.n
ye shahr-e-basara jahaa.n pe faaras kii apsaraa.e.n
qadiim uu.nTo.n kii ja.ng me.n kaam aa ga.ii thii.n
KHilaafato.n aur hijrato.n ke asiil shaahid
ye surKH dhaare
ajab nahii.n KHaamushii kii tasbiih kartii raate.n
kisii zamaane me.n chiiKH uTThii.n
ki kaise abbaasiyo.n ke ahd-e-muvaafaqat me.n
siyaah-sanjii ubal pa.De the
Gulaam-gardish kii daastaano.n me.n raKHna pa.Dnaa kahaa.n likhaa thaa
ye surKH dhaare mo.arriKHo.n kii taraash-karda
qabiih girhe.n kabhii to khole.nge sach kii KHaatir
ai ahal-e-basra ye e.atizaalo.n kii daastaane.n kahaa.n likhii thii.n
to vaasil-ibn-e-ataa kii baate.n jo razm-gaah-e-kalaam-andar
chunii ga.ii thii.n samaa.ato.n ne kabhii sunii hai.n
to ahal-e-basra hasan jo basrii the jaante ho
muhaasba kii naved le kar tumhaarii KHaatir tumhaarii miTTii pe aa ga.e the
tumhe.n KHabar hai jab ahal-e-basra namaaz pa.Dhnaa hii bhuul baiThe
hasan jo basrii the yaa.n kii shorish se duur jangal me.n
taar-e-anfaas ke tajallii se bahra-var the magar jo is roz
qahr TuuTaa janaaza-gah me.n the ahal-e-basra
ko.ii nahii.n thaa KHudaa ke ghar me.n
to ahal-e-basra ye surKH dhaare KHamosh the kyaa

Iliyas Babar Aawan
Nazm

KHwaja-sara

resha resha giit kaa goTaa har ik a.ng me.n raqs
saa.ns ke bhiitar koyal bole panchhii jaisaa shaKHs

Iliyas Babar Aawan
Nazm

masjid-e-ahmarin

mai.n masjid-e-ahmarii.n ke daaman pe sabt patthar
navaah-e-hairat-kada tilismaat-e-aafiyat thaa
na meraa fikr-o-nazar se rishta na meraa iihaam-go.ii sheva
faqat mai.n shaahid ibaadato.n se chamakte lamho.n kii daastaa.n kaa
daruun-e-masjid kha.De manaare azaan dete
to vaadii-e-ishq se tuluu.a namaaz hotii
imaam aur muqtadii safiiraan-e-ahl-e-iimaa.n
huzuur-yaabii kii nudrato.n se kalaam karte salaam karte

Iliyas Babar Aawan
Nazm

scape-ism

chal ki sad-chaak-e-garebaa.n vahaa.n ho aate hai.n
ye jo ha.ngaama-e-hastii hai zaraa der ko chho.D
ek be-ant masaafat ke udhar baiThte hai.n
yaad karte hai.n parii-KHaano.n kii talKHaabii ko
apnii aazurda tamannaa.o.n pe ro lete hai.n
gard me.n rakkhe hu.e ashk fasurda chehre
ga.e vaqto.n kaa tazabzub na.e vaqto.n kaa azaab
aa ki shaano.n se giraa aate hai.n us paar kahii.n
is se pahle ki yahaa.n sail-e-fanaa aa nikle
naam letaa hu.aa dono.n kaa usii shor ke biich
vaqt ke paar jahaa.n-zaad kii dahliiz ke saath
ashk rote hai.n masaafat kaa bharam rakhte hai.n
chal ki sad-chaak-e-garebaa.n vahaa.n ho aate hai.n

Iliyas Babar Aawan
Nazm

ai mere KHwab

ai mire KHvaab
hunar-KHez rivaayat ke amii.n
inkishaafaat kii daryuuza-garii chho.D bhii de
gard-e-ha.ngaam me.n tartiib se rakh
aa.nkh kii KHasta fasiilo.n se gire KHisht-mizaaj
un chune zard gulo.n se Dhake kuchh soKHta pal
samt kaa ko.ii ta.ayyun to nazar me.n Thahre

Iliyas Babar Aawan
Nazm

shahi badla

kase hu.e ektaare par hai.n ge.nde ke do phuul
meh.ndii lage haatho.n par hiire motii ja.De do naqsh
baa.nsurii ke ho.nTo.n se nikle aaThvii.n sur kaa giit
shaam amaltaaso.n kii sunaa.e taaza taaza nazm
aa.iine me.n gorii ke umraa.o-jaan saa ruup
aa.nkho.n me.n be-taab tamannaa dha.Dkan hai be-rabt
duur samay ke paar se aane vaalaa hai shahzaada
gard u.Daatii rath se utraa aaKHir ek javaan
achkan par hai sajaa hu.aa surKHaab kaa niilaa par
paan supaarii chuunaa katthaa resham resham jism
Dhol kii thaap pe raqsaa.n ghu.ngruu aur gorii kaa dil
mahal-saraa kii diivaaro.n par hai pyaas kaa miiThaa ra.ng
jism se niklaa niklaa jaa.e gorii kaa har a.ng
shahzaade kii saa.nso.n me.n sandal ke araq kii baas
rath-baano.n kii rago.n me.n an jaane lamho.n kaa kaif
jism aur jaam kii ra.anaa.ii me.n haar kaa dard-e-fanaa
shahzaade ke siine par hai.n raqqaasa ke ashk
iiraanii qaaliin par raqsaa.n raqqaasa kaa KHuun
darvaaze ke baahar laTkaa ja.ng me.n haar kaa daaG
shahzaade ke ho.nTo.n par hai faateh kii muskaan

Iliyas Babar Aawan
Nazm

grihasti

ik tazabzub kii saraa.e
saa.ato.n ke mel se
bojhal magar raushan chhate.n diivaar-o-dar
aur raah-darii me.n ubhartii
ajnabii qadmo.n kii
halkii tez chaap
aur KHaamoshii kaa lams jaise saa.ibaa
phir sahn me.n aa kar utarte
qaafilo.n kii faaslo.n se chor aavaaze.n
safar me.n yuu.n achaanak aane vaale
is pa.Daav kii
lipaTtii mezbaa.n ThanDak se
sehar-aagii.n taraavat paa rahii hai.n
sii.Dhiyo.n se duur
daalaano.n ke goshe me.n kha.Daa ik aks
apne ham-nashiino.n
ham-rakaabo.n kaa amiir
un kaa muhibbii
phir bhii
is tashkiik kii
billor saa.at me.n
har ik se bad-gumaa.n
is soch me.n Galtaa.n
ki jaise
is safar ho raa.egaa.n

Sajjad Babar
Nazm

mannat

aaTho.n baazaar mazaafaat ko ruKHsat kartaa
ghanTa-ghar aaj bhii istaada o masruuf vahii.n
aaTh baazaaro.n ke izhdihaam se baahar aa kar
vahii dargaah kii diivaar se lipTaa piipal
jis kii shaaKHo.n se ba.ndhe laakho.n hazaaro.n dhaage
yaad hai pichhle baras
ham ne bhii baa.ndhii thii vahii.n
sabz dhaage me.n piro.ii hu.ii mannat ko.ii
usii mannat ke hare dhaage ko aadhaa karke
tum ne baa.ndhaa thaa mirii zard kalaa.ii par bhii
tum ko maa'luum hai
yaa tum ne sunaa to hogaa
vo jo dargaah vahaa.n hotii thii
ab bhii hai vahii.n
usii diivaar se lipTaa vo muqaddas piipal
us kii jis shaaKH pe mannat kii girah baa.ndhii thii
mire baazuu kii tarah
suukh ga.ii hai vo bhii

Babar Ali Asad
Nazm

kya palun

kyaa paaluu.n mai.n kyaa paaluu.n
kis ko mai.n ghar me.n laa.uu.n
babar sher bhii pyaaraa hai
kyo.n na us ko paaluu.n mai.n
magar vo ek darinda hai
ham sab ko khaa jaa.egaa
sab ko maar vo jaa.egaa
nahii.n nahii.n jii nahii.n nahii.n
us ko ghar me.n laa.uu.n nahii.n

Yasir Farooq
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now