Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "banda-parvar"

Nazm MATCHES FOR "banda-parvar"

Nazm

naghma-e-dil-e-soz

aap farmaate hai.n tuu ne raat ko naale kiye
banda-parvar 'auj' tuu aadii nahii.n fariyaad kaa

Raj Bahadur Saxena Auj
Nazm

tarana-e-watan

mulkii hai.n ham vatan hai mulk-e-dakan hamaaraa
ye hai zamii.n hamaarii ye hai vatan hamaaraa
tabrez ko bhii chho.Daa iiraan ko bhii chho.Daa
mulk-e-dakan banaa hai ab to vatan hamaaraa
ham De.Dh sau baras se aakar base hai.n is jaa
ye hai zamii.n hamaarii charKH-e-kuhan hamaaraa
rakhte hai.n jis kii ulfat gaate hai.n jis kaa naGma
aaqaa-e-banda-parvar shaah-e-dakan hamaaraa
sun kar 'hayaa' kaa naGma mahzuuz ho.nge saame.a
detaa hai kyaa halaavat shiirii.n suKHan hamaaraa

Sughra Humaun Mirza
Nazm

yakum may

puuchho in sarmaaya-daaro.n se ki kab jaagoge tum
yaa yuu.nhii piite rahoge be-muravvat mai ke KHum
dekho har saal aa.egii maah-e-may kii ye yakum
sunte hai.n siidhii nahii.n hotii kabhii kutte kii dum
tum magar rakhte ho ek insaan kii nok aur palak
''be-niyaazii had se guzrii banda-parvar kab talak''

Syed Mohammad Jafri
Nazm

kaun le gaya

ai yaar-e-dil-nashii.n vo adaa kaun le gayaa
tere nagii.n se naqsh-e-vafaa kaun le gayaa
hal kar diyaa thaa jis ne mu.amma shabaab kaa
tujh se vo fikr-e-uqda-kushaa kaun le gayaa
thaa lutf pahle qahr me.n ab sirf qahr hai
zulmat se mauj-e-aab-e-baqaa kaun le gayaa
kyuu.n daf.atan labo.n pe KHamoshii sii chhaa ga.ii
is saaz-e-dil-nashii.n kii sadaa kaun le gayaa
aa.nkho.n se shaan-e-bazl-o-saKHaa kis ne chhiin lii
siine se zauq-e-lutf-o-ataa kaun le gayaa
thii.n jis kii rau se KHuun-e-tamannaa me.n surKHiyaa.n
ruKHsaar se vo ra.ng-e-vafaa kaun le gayaa
raato.n ko maa.ngnaa thaa du.aa merii diid kii
vo minnate.n vo zauq-e-du.aa kaun le gayaa
ai shaah banda-parvar-e-sultaan-e-narm-dil
dil se tire KHayaal-e-gadaa kaun le gayaa
pahlii sii vo kalaam me.n narmii nahii.n rahii
guftaar se mizaaj-e-sabaa kaun le gayaa
ab 'josh' ke liye hai.n na aa.nsuu na aah-e-sard
is gulsitaa.n kii aab-o-havaa kaun le gayaa

Josh Malihabadi
Nazm

nilufar aur daddy

aap ke haatho.n ne samjhaa maar ke qaabil mujhe
mai.n nigo.Dii to ye samjhii mil ga.ii manzil mujhe
mujh ko naa-manzuur hai aap kaa ye faisla
to.D dii merii kamar ai banda-parvar aap ne
apnii bhe.Do.n bakriyo.n me.n kar liyaa shaamil mujhe
aap ke haatho.n ne samjhaa maar ke qaabil mujhe
saamne saare jahaa.n ke kar diyaa ghaa.il mujhe
aap ke haatho.n ne samjhaa maar ke qaabil mujhe
pa.D ga.ii.n mu.nh par mire haath kii parchhaa.iyaa.n
kaan me.n bajne lagii.n saik.Do.n shahnaa.iyaa.n
do jahaa.n kii aaj choTe.n ho ga.ii.n haasil mujhe
aap ke haatho.n ne samjhaa maar ke qaabil mujhe

Tahira Sultana Makhfi
Nazm

chadar aur chaar-diwari

na sog me.n huu.n ki us ko o.Dhuu.n
Gam-o-alam KHalq ko dikhaa.uu.n
na rog huu.n mai.n ki is kii taariikiyo.n me.n KHiffat se Duub jaa.uu.n
na mai.n gunaahgaar huu.n na mujrim
ki is syaahii kii mehr apnii jabii.n pe har haal me.n lagaa.uu.n
agar na gustaaKH mujh ko samjhe.n
agar mai.n jaa.n kii amaan paa.uu.n
to dast-basta karuu.n guzaarish
ki banda-parvar
huzuur ke hujra-e-ma.attar me.n ek laasha pa.Daa hu.aa hai
na jaane kab kaa galaa sa.Daa hai
ye aap se rahm chaahtaa hai
huzuur itnaa karam to kiije
siyaah chaadar mujhe na diijiye
siyaah chaadar se apne hujre kii be-kafan laash Dhaa.np diijiye
ki us se phuuTii hai jo ufuunat
vo kuuche kuuche me.n haa.nptii hai
vo sar paTaktii hai chaukhaTo.n par
barahnagii tan kii Dhaa.nptii hai
sune.n zaraa dil-KHaraash chiiKHe.n
banaa rahii hai.n ajab hayuule
jo chaadaro.n me.n bhii hai.n barahna

Fahmida Riaz
Nazm

naseh-e-mushfiq

tum ko aaKHir mere un ke darmiyaa.n aane se kyaa
mohsin-e-man vo samajh jaa.e.nge samjhaane se kyaa
husn me.n KHud-e'timaadii ishq me.n be-rah-ravii
vo asar me.n le mire naaraaz ho jaane se kyaa
aap apne rang me.n hai.n mai.n huu.n apne rang me.n
aap ko ai banda-parvar mere afsaane se kyaa
dil ko bahlaane kii koshish aur un se duur duur
dil bahal bhii jaa.egaa is tarah bahlaane se kyaa
ishti.aal-aamez baato.n se agar zid pa.D ga.ii
aise samjhaane se haasil aise samjhaane se kyaa
mujh ko to ye be-niyaazii be-ruKHii sab kuchh qubuul
aap ko raahat milegii mere ta.Dpaane se kyaa
un kaa milnaa bhii Galat tark-e-ta.alluq bhii muhaal
ye hayaat-e-kashmakash bhii kam hai mar jaane se kyaa
pahle hii bachnaa thaa 'naKHshab' us but-e-be-mehr se
ab bhalaa mard-e-KHudaa hotaa hai pachhtaane se kyaa

Nakhshab Jaarchawi
Nazm

paDosi

ai aish-mahal ke rahne vaalo
dekho to kabhii nazar uThaa kar
haal apne pa.Dosiyo.n kaa bhii kuchh
TuuTe hu.e jho.npa.Do.n ke andar
insaan kii shakl me.n bahaa.im
aulaad-e-bashar giddho.n se bad-tar
naa-chaar-o-tabaah-o-zaar-o-biimaar
rusvaa-o-zaliil-o-KHvaar-o-abtar
faaqo.n kii hai jin ke ruKH pe zardii
fikro.n se jo ho rahe hai.n laaGar
kap.Daa nahii.n jin ke tan pe saabit
chaadar hai na jin ke paas bistar
suukhii hu.ii roTiyaa.n bhii jin ko
miltii nahii.n do do vaqt aksar
dekhii nahii.n amn-o-aafiyat kii
suurat bhii jinho.n ne zindagii-bhar
qismat me.n nahii.n hai jin kii aaraam
kolhuu kaa jo bail hai.n saraasar
lekin tumhe.n Gaaliban ye ik baat
ma.aluum nahii.n hai banda-parvar
sadqa hai unhii.n kii juutiyo.n kaa
saarii ye tumhaarii shaukat-o-farr
gar pher le.n ye nazar kuchh apnii
tum ko na rahe KHabar kuchh apnii

Ahmaq Phaphoondvi
Nazm

KHuddari

teraa ye kahte hu.e siine me.n dil hiltaa nahii.n
ham-nashii.n kyo.n KHud-parastaaro.n se mai.n miltaa nahii.n
puuchhtaa hai mujh se is mohmal se fiqre kaa javaab
sun kiye detaa huu.n mai.n saarii haqiiqat be-naqaab
siina-e-shaa.ir me.n pinhaa.n jazba-e-KHuddaar hai
aa.nkh bhii raushan hai merii ruuh bhii bedaar hai
un ke aage ruuh merii pech-o-KHam khaatii rahii
phabtiyaa.n kastaa rahaa dil ruuh sharmaatii rahii
sard-mehrii se tamannaa-e-dilii shal ho ga.ii
baar-e-Gam se Gairat-e-taqdiir bojhal ho ga.ii
garmii-e-KHurshiid se sonaa pighaltaa hai kahii.n
jauharii bhii nuqs ke saa.nche me.n Dhaltaa hai kahii.n
jab ra.uunat chhe.Dtii hai KHud-parastii kaa sitaar
bhes me.n aaho.n ke dil hotaa hai meraa naGma-baar
qalb meraa daulat-e-ehsaas kho saktaa nahii.n
aab-o-taab-e-zar me.n KHuddaarii Dubo saktaa nahii.n
miT nahii.n saktaa miTaa.e se Gayuuraana-shikoh
kyaa banaa saktaa hai aKHlaaqii darindo.n kaa giroh
jazba-e-Gairat kisii ke paa.nv pa.D saktaa nahii.n
mar to saktaa huu.n zamii.n me.n zinda ga.D saktaa nahii.n
rahzan-e-insaaniyat rahte hai.n har dam ghaat me.n
apnii azmat kaa ko.ii rakhte hai.n pahluu baat me.n
Gairat-e-muKHlis halaak-e-jazba-e-pindaar ho
ai hariif-e-zehn-o-dil bedaar ho bedaar ho
un kii behis khaal par ko.ii asar hotaa nahii.n
tang-nazro.n me.n haqiiqat kaa guzar hotaa nahii.n
merii taariiKH-o-adab hii me.n nahii.n alfaaz-e-laaf
banda-parvar hai mujhe kam-maa.egii kaa e'tiraaf
aisii haalat me.n kisii se jhuk ke milnaa hai gunaah
ye KHuluus-e-be-mahal kartaa hai ruuho.n ko siyaah
apnaa dil apne hii haatho.n se masal saktaa nahii.n
ham-nashii.n mai.n apnii fitrat ko badal saktaa nahii.n

Nakhshab Jaarchawi
Nazm

kachhwa aur KHargosh

ek kachhve ke aa ga.ii jii me.n
kiijiye sair o gasht KHushkii kii
jaa rahaa thaa chalaa hu.aa KHaamosh
us se naahaq ulajh pa.Daa KHargosh
miyaa.n kachhve! tumhaarii chaal hai ye
yaa ko.ii shaamat aur vabaal hai ye
yuu.n qadam phuu.nk phuu.nk dharte ho
goyaa uttuu zamii.n pe dharte ho
kyuu.n hu.e chal ke muft me.n bad-naam
be-chale kyaa aTak rahaa thaa kaam
tum ko ye hausla na karnaa thaa
chulluu paanii me.n Duub marnaa thaa
ye tan-o-tosh aur ye raftaar
aisii raftaar par KHudaa kii maar
bolaa kachhvaa ki ho.n KHafaa na huzuur
mai.n to huu.n aap mo'tarif ba-qusuur
agar aahistagii hai jurm-o-gunaah
to mai.n KHud apne jurm kaa huu.n gavaah
mujh ko jo saKHt sust farmaayaa
aap ne sab durust farmaayaa
mujh ko Gaafil magar na jaaniyegaa
banda-parvar buraa na maaniyegaa
yuu.n zabaanii javaab to kyaa duu.n
shart bad kar chalo to dikhlaa duu.n
tum to ho aaftaab me.n zarra
par miTaa duu.ngaa aap kaa Gurra
sun ke KHargosh ne ye talKH javaab
kahaa kachhve se yuu.n zi-ruu-e-itaab
tuu kare merii ham-sarii kaa KHayaal
terii ye taab ye sakat ye majaal
chyuu.nTii ke jo par nikal aa.e
to yaqii.n hai ki ab ajal aa.e
are bebaak! bad-zabaa.n mu.nh-phaT
tuu ne dekhii kahaa.n hai dau.D jhapaT
jab mai.n tezii se jast kartaa huu.n
shahsavaaro.n ko past kartaa huu.n
gard ko merii baad-e-paa na lage
laakh dau.De miraa pata na lage
rail huu.n barq huu.n chhalaavaa huu.n
mai.n chhalaave kaa balki baavaa huu.n
terii merii nibhegii sohbat kyaa
aasmaa.n ko zamii.n se nisbat kyaa
jis ne bhugte ho.n turkii o taazii
aaise mariyal se kyaa bade baazii
baat ko ab ziyaada kyaa duu.n tuul
KHair kartaa huu.n terii shart qubuul
hai munaasib ki imtihaa.n ho jaa.e
taaki aib o hunar ayaa.n ho jaa.e
al-Garaz ik maqaam Thahraa kar
hu.e dono.n hariif garm-e-safar
bas-ki zoro.n pe thaa cha.Dhaa KHargosh
tezii phurtii se yuu.n ba.Dhaa KHargosh
jis tarah jaa.e top kaa golaa
yaa gire aasamaan se olaa
ek do khet chauk.Dii bhar ke
apnii chustii pe aafrii.n kar ke
kisii goshe me.n so gayaa jaa kar
fikr ''kyaa hai chale.nge sustaa kar''
aur kachhvaa Gariib aahista
chalaa siine ko KHaak par ghistaa
suu.ii ghanTe kii jaise chaltii hai
yaa ba-tadriij chhaa.nv Dhaltii hai
yuu.nhii chaltaa rahaa ba-istiqlaal
na kiyaa kuchh idhar udhar kaa KHayaal
kaam kartaa rahaa jo pai-dar-pai
kar gayaa rafta rafta manzil tai
haif KHargosh rah gayaa sotaa
samra Gaflat kaa aur kyaa hotaa
jab khulii aa.nkh to saveraa thaa
saKHt sharmindagii ne gheraa thaa
sabr o mohabbat me.n hai sar-afraazii
sust kachhve ne jiit lii baazii
nahii.n qissa ye dil-lagii ke liye
balki ibrat hai aadmii ke liye
hai suKHan is hijaab me.n ruu-posh
varna kachhvaa kahaa.n kahaa.n KHargosh

Ismail Merathi
Nazm

maKHzan

safar meraa muqaddar thaa safar meraa muqaddar hai
a.ndhero.n kii jabii.n par mai.n ne chho.De naqsh-e-paa apne
mai.n dariyaa huu.n
janam mujh ko diyaa hai barf-poshii sard raato.n ne
likhaa hai mere safho.n par
ki jab mai.n qatra qatra jo.D kar mauj-e-yaqii.n kaa pairahan pahnuu.n
to sab anjaan samte.n merii muTThii me.n simaT aa.e.n
jo parbat baap hai meraa
taras jaa.e mujhe baaho.n me.n bharne ko
ye uu.nchaa aasmaa.n jhuk kar kabhii mere qadam chuume
safar meraa muqaddar hai
safar meraa azal meraa abad meraa yaqii.n bhii hai
mire qadmo.n kaa Gam karb-e-zamii.n bhii hai
samundar raasta meraa
musalsal mujh ko chalnaa hai
musalsal barf kii suurat pighalnaa hai
agar mai.n baiTh jaa.uu.n raah me.n thak kar
to ye pyaase ujaale mujh ko pii jaa.e.n
agar mai.n dasht ban jaataa
agar sahraa kii baa.nho.n me.n bikhar jaataa
samundar kaise kahlaataa
havaa.e.n sochtii.n mujh ko
agar sho.ale haraarat mujh me.n bhar dete
mai.n dariyaa huu.n safar meraa muqaddar hai
mujhe ruknaa nahii.n hai sirf chalnaa hai
chalo achchhaa hu.aa tum ne mujhe aa.nsuu banaa Daalaa
ki mai.n ne aaj KHud ko ek aa.nsuu kii tarah bahte
tumhaarii Duubtii aa.nkho.n me.n dekhaa hai
mai.n dariyaa huu.n
yahii aa.nsuu viraasat me.n milaa mujh ko
mujhe lagtaa hai kuchh aisaa
mai.n parbat se nahii.n shaayad samundar se hii niklaa huu.n

Naseer Parwaz
Nazm

dagh

hai ab tak sehr saa chhaayaa tirii jaaduu-navaa.ii kaa
dil-e-urdu pe ab tak daaG hai terii judaa.ii kaa

Maikash Akbarabadi
Nazm

kahan ja rahi ho?

havaa kis qadar tez hai
ajnabii shaam sa.nvlaa ga.ii
vaqt dono.n gale mil chuke
sar pe rakkho ridaa
sun rahii ho
masaajid se uThtii hu.ii
ruuh-parvar-sadaa
uTh ke dekho to
aa.ngan kaa dar band hai
yaa khulaa
lekin is vaqt tanhaa
khule sar
kahaa.n jaa rahii ho

Parveen Fana Syed
Nazm

1

ye ehsaas
ki ik zii-ruuh
mirii aavaaz ke shole se
jal saktaa hai
KHaamoshii ke resham se
kaT saktaa hai
itnaa jaa.n-parvar hai ki aa.nkhe.n
band hu.ii jaatii hai.n KHushii se
bhiigii jaatii hai.n

Saqi Faruqi
Nazm

qarib-tar hota hai sirf andhera hi

apne qariib
qariib-tar hotaa hai
sirf a.ndheraa hii
band aa.nkho.n se dekho to bhii
saaf dikhaa.ii detaa hai

Jayant Parmar
Nazm

ikai ka nirwan

chehro.n ke girdaab me.n har-suu
jin me.n ikaa.ii pha.nsii hu.ii hai
mushtarakaat ke tuufaano.n me.n
fard kii kashtii ghirii hu.ii hai
tanhaa.ii detii hai sahaaraa
phir bhii nahii.n hotaa kuchh haasil
KHud ko agar patvaar banaa lo
duur nahii.n nirvaan kaa saahil

Akhtar Bastavi
Nazm

na-ashnai

ye kis ne chehro.n pe taan dii hai
naa-aashnaa.ii kii phir se chaadar
ki us kii ujlii zamii.n pe mai.n ne
brush se aa.nkho.n ke
ek paikar banaa diyaa thaa
vo ek paikar ki jis me.n apne tamaam KHvaabo.n kaa KHuu.n bharaa thaa
bahaar ban kar khilii.n thii.n us par
mirii tamanna kii saarii kaliyaa.n
magar vahaa.n ab baseraa kartii hai
naa-aashnaa.ii
vo saarii kaliyaa.n
shanaasaa huu.n jin se umr-bhar kaa
khilii.n to KHushbuu vo naa-aashnaa.ii kii mere ghar me.n
basaa ga.ii hai.n
mirii nigaaho.n ke saare manzar ko
dasht-e-viiraa.n banaa ga.ii hai.n

Aabid Jafri
Nazm

ek manzar aasman jaisa

mai.n vaqt ke KHeme se niklaa...
to uljhano.n kii chilchilaatii dhuup me.n
ziist mujh se lipaT pa.Dii
aur suljhano.n kaa safar mere talvo.n par likh diyaa
inkaar se naa-aashnaa
mai.n ne paa.nv par safar baa.ndh liyaa
ab aasmaan jaisaa ek hasii.n manzar banaa kar
mujhe safed parindo.n ke havaale karnaa hai
dil kii zamiin se nafrat kii ja.De.n kaaT kar
vafaa-parvar jazbe kaasht kar ke
dha.Dkano.n ko ik na.ii tartiib me.n Dhaalnaa hai
be-rahm saa.ato.n ko
mehrbaan lamho.n kii daastaan sunaanii hai
a.ndhero.n ko raushnii ke Gilaaf me.n band karnaa hai
an-ginat taariik aa.ankho.n me.n
dhanak ra.ngo.n se zindagii kii tasviir banaanii hai
taasiir ko apne lahje me.n panaah de kar
aasmaan tak du.aa.o.n kaa raasta khojnaa hai
harf-aashnaa.ii se apnaa muqaddar aasmaano.n par likh kar
band muTThii me.n chi.nghaa.Dte sukuut aur andar bharii chiiKH ko
gum-naamii ke jaziiro.n me.n dafn karnaa hai
aasmaa.n jaise is hasiin manzar ko taKHliiq kar ke
zamiin ko aasmaan banaanaa hai

Muneer Ahmad Firdaus
Nazm

Diary

raddii aKHbaar kii tarah
mujhe bech diyaa gayaa
ek kabaa.Dii ke haatho.n
taraazu.o.n me.n tol kar
us ne merii qiimat aa.nk dii

Deepti Mishra
Nazm

yaqin

jhamaaka nuur kaa hogaa
lahuu ko ik na.ii rangat milegii
pasiine kii jagah motii Dhale.nge
jagah farmaa.n-ravaa.o.n kii Gulaamo.n ko milegii
ubalte chauk ho.n yaa band kuuche
havaa kii jaa.nch hogii
ka.Dii dhuupo.n kii shaaKHe.n
qataare.n chhalniyo.n kii chhaa.nT de.ngii
muzir kirno.n ko ho.nge qaid-KHaane
khulii aa.nkho.n ko zahr aur zahar-paikar
na de.n paa.e.nge dhokaa
jagah farmaa.n-ravaa.o.n kii Gulaamo.n ko milegii
jhamaaka nuur kaa hogaa
mire munkir mujhe pahchaan le.nge

Rasheed Ejaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now