Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bel"

Nazm MATCHES FOR "bel"

Nazm

wo kamra yaad aata hai

mai.n jab bhii
zindagii kii chilchilaatii dhuup me.n tap kar
mai.n jab bhii
duusro.n ke aur apne jhuuT se thak kar
mai.n sab se la.D ke KHud se haar ke
jab bhii us ek kamre me.n jaataa thaa
vo halke aur gahre kattha.ii ra.ngo.n kaa ik kamra
vo behad mehrbaa.n kamra
jo apnii narm muTThii me.n mujhe aise chhupaa letaa thaa
jaise ko.ii maa.n
bachche ko aa.nchal me.n chhupaa le
pyaar se Daa.nTe
ye kyaa aadat hai
jaltii dopahar me.n maare maare ghuumte ho tum
vo kamra yaad aataa hai
dabiiz aur KHaasaa bhaarii
kuchh zaraa mushkil se khulne vaalaa vo shiisham kaa darvaaza
ki jaise ko.ii akkha.D baap
apne khurdure siine me.n
shafqat ke samundar ko chhupaa.e ho
vo kursii
aur us ke saath vo ju.Dvaa.n bahan us kii
vo dono.n
dost thii.n merii
vo ik gustaaKH mu.nh-phaT aa.iina
jo dil kaa achchhaa thaa
vo be-ha.ngam sii almaarii
jo kone me.n kha.Dii
ik buu.Dhii annaa kii tarah
aa.iine ko tambiih kartii thii
vo ik gul-daan
nanhaa saa
bahut shaitaan
un dino.n pe ha.nstaa thaa
dariicha
yaa zehaanat se bharii ik muskuraahaT
aur dariiche par jhukii vo bel
ko.ii sabz sargoshii
kitaabe.n
taaq me.n aur shelf par
sanjiida ustaanii banii baiThii.n
magar sab muntazir is baat kii
mai.n un se kuchh puuchhuu.n
sirhaane
nii.nd kaa saathii
thakan kaa chaara-gar
vo narm-dil takiya
mai.n jis kii god me.n sar rakh ke
chhat ko dekhtaa thaa
chhat kii ka.Diyo.n me.n
na jaane kitne afsaano.n kii ka.Diyaa.n thii.n
vo chhoTii mez par
aur saamne diivaar par
aavezaa.n tasviire.n
mujhe apnaa.iyat se aur yaqii.n se dekhtii thii.n
muskuraatii thii.n
unhe.n shak bhii nahii.n thaa
ek din
mai.n un ko aise chho.D jaa.uu.ngaa
mai.n ik din yuu.n bhii jaa.uu.ngaa
ki phir vaapas na aa.uu.ngaa

Javed Akhtar
Nazm

jugnu

ye shaaKH-saar ke jhuulo.n me.n pe.ng pa.Dte hu.e
ye laakho.n pattiyo.n kaa naachnaa ye raqs-e-nabaat
ye be-KHudii-e-musarrat ye vaalihaana raqs
ye taal-sam ye chhamaa-chham ki kaan bajte hai.n
havaa ke dosh pe kuchh uudii uudii shaklo.n kii
nashe me.n chuur sii parchhaa.iyaa.n thiraktii hu.ii
ufuq pe Duubte din kii jhapaktii hai.n aa.nkhe.n
KHamosh soz-e-daruu.n se sulag rahii hai ye shaam!
mire makaan ke aage hai ek chau.Daa sahn vasii.a
kabhii vo ha.nstaa nazar aataa hai kabhii vo udaas
isii ke biich me.n hai ek pe.D piipal kaa
sunaa hai mai.n ne buzurgo.n se ye ki umr us kii
jo kuchh na hogii to hogii qariib chhiyaanve saal
chhi.Dii thii hind me.n jab pahlii ja.ng-e-aazaadii
jise dabaane ke baa'd us ko Gadr kahne lage
ye ahl-e-hind bhii hote hai.n kis qadar ma.asuum
vo daar-o-giir vo aazaadii-e-vatan kii ja.ng
vatan se thii ki Ganiim-e-vatan se Gaddaarii
biphar ga.e the hamaare vatan ke piir o javaa.n
dayaar-e-hind me.n ran pa.D gayaa thaa chaar taraf
usii zamaane me.n kahte hai.n mere daadaa ne
jab arz-e-hind si.nchii KHuun se ''sapuuto.n'' ke
miyaan-e-sahn lagaayaa thaa laa ke ik paudaa
jo aab-o-aatish-o-KHaak-o-havaa se paltaa hu.aa
KHud apne qad se ba-josh-e-numuu nikaltaa hu.aa
fusuun-e-ruuh banaatii rago.n me.n chaltaa hu.aa
nigaah-e-shauq ke saa.ncho.n me.n roz Dhaltaa hu.aa
sunaa hai raaviyo.n se diidanii thii us kii uThaan
har ik ke dekhte hii dekhte cha.Dhaa parvaan
vahii hai aaj ye chhitnaar pe.D piipal kaa
vo Tahniyo.n ke kamanDal liye jaTaadhaarii
zamaana dekhe hu.e hai ye pe.D bachpan se
rahii hai is ke liye daaKHlii kashish mujh me.n
rahaa huu.n dekhtaa chup-chaap der tak us ko
mai.n kho gayaa huu.n ka.ii baar is nazaare me.n
vo us kii gahrii ja.De.n thii.n ki zindagii kii ja.De.n?
pas-e-sukuun-e-shajar ko.ii dil dha.Daktaa thaa
mai.n dekhtaa thaa use hastii-e-bashar kii tarah
kabhii udaas kabhii shaadmaa.n kabhii gambhiir
fazaa kaa surma.ii rang aur ho chalaa gahraa
ghulaa ghulaa saa falak hai dhu.aa.n dhu.aa.n sii hai shaam
hai jhuTpuTaa ki ko.ii azhdahaa hai maa.il-e-KHvaab
sukuut-e-shaam me.n darmaandagii kaa aalam hai
rukii rukii sii kisii soch me.n hai mauj-e-sabaa

Firaq Gorakhpuri
Nazm

pahli baat hi aaKHiri thi

pahlii baat hii aaKHirii thii
is se aage ba.Dhii nahii.n
Darii hu.ii ko.ii bel thii jaise
puure ghar pe cha.Dhii nahii.n
Dar hii kyaa thaa kah dene me.n
khul kar baat jo dil me.n thii
aas-paas ko.ii aur nahii.n thaa
shaam thii na.ii mohabbat kii
ek jhijak sii saath rahii kyuu.n
qurb kii saa.at-e-hairaa.n me.n
had se aage ba.Dhne kii
phail ke us tak jaane kii
us ke ghar par cha.Dhne kii

Muneer Niyazi
Nazm

aaKHiri lamha

tum mirii zindagii me.n aa.ii ho
meraa ik paa.nv jab rikaab me.n hai
dil kii dha.Dkan hai Duubne ke qariib
saa.ns har lahza pech-o-taab me.n hai
TuuTte be-KHarosh taaro.n kii
aaKHirii kapkapii raubaab me.n hai
ko.ii manzil na jaada-e-manzil
raasta gum kisii saraab me.n hai
tum ko chaahaa kiyaa KHayaalo.n me.n
tum ko paayaa bhii jaise KHvaab me.n hai
tum mirii zindagii me.n aa.ii ho
meraa ik paa.nv jab rikaab me.n hai

Jan Nisar Akhtar
Nazm

suno

jaan
tum ko KHabar tak nahii.n
log aksar buraa maante hai.n
ki merii kahaanii kisii mo.D par bhii
a.ndherii galii se guzartii nahii.n
ki tum ne shu.aa.o.n se har rang le kar
mire har nishaan-e-qadam ko dhanak sau.np dii
na gum-gashta KHvaabo.n kii parchhaa.iyaa.n hai.n
na be-aas lamho.n kii sargoshiyaa.n hai.n
ki naazuk harii bel ko
ik tavaanaa shajar an-ginat apne haatho.n me.n
thaame hu.e hai
ko.ii naa-rasaa.ii kaa aaseb us rahguzar me.n nahii.n
ye kaisaa safar hai ki ruudaad jis kii
Gubaar-e-safar me.n nahii.n

Ada Jafarey
Nazm

ek manzar

sabze se jhaa.nktii hu.ii khaprel vaalii chhat
diivaar-e-chob par ko.ii mausam kii sabz bel

Parveen Shakir
Nazm

muslim umma ka America se shikwa

gir gayaa tez havaa.o.n se agar tayyaara
pak.Daa jaataa hai musalmaan yahaa.n be-chaaraa
kabhii ghuuraa kabhii taa.Daa to kabhii lalkaaraa
kabhii subway se uThaayaa kabhii chhaapa maaraa

Khalid Irfan
Nazm

tanhai mein

us ke piichhe se jhijaktaa hu.aa ik gol saa chaa.nd
ubhraa be-nuur shu.aa.o.n ke safiine ko liye

Akhtarul Iman
Nazm

mere KHwab

kuchh kisaan kanyaa.e.n
sabz o surKH shiisho.n kii
chuu.Diyaa.n kalaa.ii me.n
aur galaT kii chaa.ndii kii
ha.nsuliyo.n se gardan me.n
niim chaa.nd ke halqe
choliyo.n pe lahngo.n par
zard zard miTTii ke
zard bel-buuTe se
maile maile aa.nchal par
baaliyo.n ke bose hai.n
un ke haath me.n ha.nsie
giit gaane lagte hai.n
jhuum jhuum kar paude
apnaa sar jhukaate hai.n
nau-javaan laThyaare
khet kii mu.nDero.n par
prem giit gaate hai.n
ai mire hasii.n-KHvaabo
tum inhe.n bahaaro.n kii
ko.npalo.n se phuuTe ho
ek kaar-KHaane me.n
chand nau-javaano.n ne
anjuman banaa.ii hai
aur is me.n lenin kii
ik kitaab pa.Dhte hai.n
sun rahii hai.n diivaare.n
ha.ns rahii hai taariikii
nau-javaan baiThe hai.n
aur kitaab pa.Dhte hai.n
ek ek jumle par
chau.nk chau.nk pa.Dte hai.n
ek ek fiqre par
apnaa sar hilaate hai.n
gaah aah bharte hai.n
gaah muskuraate hai.n
mai.n ne un ke siino.n me.n
ai mire hasii.n-KHvaabo
tum ko naachte dekhaa
mai.n ne tum ko dekhaa hai
jab siyaah mehraabe.n
aasmaa.n pe bantii hai.n
jab sukuut kii pariyaa.n
kahkashaa.n pe chaltii hai.n
gesu.o.n kii nik.hat se
jab havaa mahaktii hai.n
jab fazaa chahaktii hai
mere garm ho.nTo.n par
pyaar thartharaate hai.n
aur merii mahbuuba
apne ra.ng-e-aariz se
bijliyaa.n banaatii hai
aur merii nazro.n me.n
ik jahaan miTtaa hai
ik jahaan bantaa hai
ik zamiin haTtii hai
ik zamiin aatii hai

Ali Sardar Jafri
Nazm

inkishaf

sar-e-bazm kal mujhe dekh kar
vo isii KHayaal se Dar ga.ii
ki mai.n us kii or havaa.o.n me.n
kahii.n apnaa bosa u.Daa na duu.n
vo simaT ke aur sa.nvar ga.ii
kuchh ajiib KHauf saa dil me.n thaa
mujhe dekh kar vo palaT ga.ii
na to bhuul hai na to yaad hai
ye supurdagii kaa tazaad hai
vo kha.De kha.De jaise so ga.ii
vo tasavvuraat me.n kho ga.ii
vo tasavvuraat bhii KHuub the
mai.n daraKHt ban ke kha.Daa rahaa
to vo bel ban ke lipaT ga.ii
mai.n taras rahaa thaa sugandh ko
to vo shaaKH-e-gul sii lachak ga.ii
miraa jhuuT-muuT kaa nashsha thaa
mujhe dekh kar vo bahak ga.ii
bas isii kaa us ko malaal thaa
ki vo KHvaab thaa na KHayaal thaa
phir achaanak aa ke qariib hii
kiyaa jab kisii ne savaal to
vo jo soch thii vo bikhar ga.ii
mai.n samajh rahaa thaa ki KHush hai vo
magar us ko dekh ke yuu.n lagaa
ki ye sochnaa mirii bhuul thii
mujhe dekh kar vo maluul thii

Rashid Aazar
Nazm

barsat

vo dekho uThii kaalii kaalii ghaTaa
hai chaaro.n taraf chhaane vaalii ghaTaa
ghaTaa ke jo aane kii aahaT hu.ii
havaa me.n bhii ik sansanaahaT hu.ii
ghaTaa aan kar me.nh jo barsaa ga.ii
to be-jaan miTTii me.n jaan aa ga.ii
zamii.n sabze se lahlahaane lagii
kisaano.n kii mehnat Thikaane lagii
ja.Dii-buuTiyaa.n pe.D aa.e nikal
ajab bel patte ajab phuul phal
har ik pe.D kaa yak nayaa Dha.ng hai
har ik phuul kaa ik nayaa rang hai
ye do din me.n kyaa maajraa ho gayaa
ki jangal kaa jangal haraa ho gayaa
jahaa.n kal thaa maidaan chaTyal pa.Daa
vahaa.n aaj hai ghaas kaa ban pa.Daa
hazaaro.n phudakne lage jaanvar
nikal aa.e goyaa ki miTTii ke par

Ismail Merathi
Nazm

basanti tarana

lo phir basant aa.ii
phuulo.n pe rang laa.ii
chalo be-dara.ng
lab-e-aab-e-ga.ng
baje jal-tara.ng
man par uma.ng chhaa.ii
phuulo.n pe rang laa.ii
lo phir basant aa.ii

Hafeez Jalandhari
Nazm

mrs-sala-manka

KHudaa hashr me.n ho madad-gaar meraa
ki dekhii hai.n mai.n ne mrs.-saalaa-maa.nkaa kii aa.nkhe.n
mrs.-saalaa-maa.nkaa kii aa.nkhe.n
ki jin ke ufuq hai.n junuubii samundar kii niilii rasaa.ii se aage
junuubii samundar kii niilii rasaa.ii
ki jis ke jaziire hujuum-e-sahar se daraKHshaa.n
daraKHshaa.n jaziiro.n me.n zartaab o unnaab o qurmuz parindo.n kii jaulaa.n-gahe.n
aise phailii hu.ii jaise jannat ke daamaa.n
parinde azal aur abad ke mah o saal me.n baal-afshaa.n!
KHudaa hashr me.n ho madad-gaar meraa
ki mai.n ne liye hai.n mrs.-saalaa-ma.nkaa ke ho.nTo.n ke bose
vo bose ki jin kii halaavat ke chashme
shumaalii zamiino.n ke zartaab o unnaab o qurmuz daraKHto.n
ke mad.hosh baaGo.n se aage
jahaa.n zindagii ke rasiida shaguufo.n ke siino.n
se KHvaabo.n ke ram-diida zambuur lete hai.n ras aur piite hai.n vo
ki jis ke nashe kii jilaa se
zamaano.n kii naadiida mehraab ke do kinaaro.n ke niiche
hai.n yak-baargii guu.nj uThte KHalaa o malaa ke jalaajil
jalaajil ke naGme baham aise paivast hote hai.n jaise
mrs.-saalaa-ma.nikaa ke lab mere lab se!

Noon Meem Rashid
Nazm

dilli teri chhanw…

taariiKH kii ghor guphaa.o.n me.n
shaayad paa.e pahchaan mirii
thaa biij me.n des kaa pyaar ghulaa
pardes me.n kyaa kyaa bel cha.Dhii

Fahmida Riaz
Nazm

wapsi

kabhii to aa.ogii lauT kar tum
aa ke dekhogii raahguzar ko
ik shikasta saa ghar milegaa
jis kii chaukhaT se baam tak ik
zard patto.n kii bel hogii
jo sunaa.egii daastaane.n
akele-pan kii udaasiyo.n par

Ashfaq Ahmad Saim
Nazm

ai mere sar-sabz KHuda

bain karne vaalo.n ne
mujhe adh khule haath se qubuul kiyaa
insaan ke do janam hai.n
phir shaam kaa maqsad kyaa hai
mai.n apnii nigraanii me.n rahii aur kam hotii chalii ga.ii
kutto.n ne jab chaa.nd dekhaa
apnii poshaak bhuul ga.e
mai.n saabit qadam hii TuuTii thii
ab tere bojh se dha.ns rahii huu.n
tanhaa.ii mujhe shikaar kar rahii hai
ai mere sar-sabz KHudaa
KHizaa.n ke mausam me.n bhii mai.n ne tujhe yaad kiyaa
qaatil kii sazaa maqtuul nahii.n
Gaib kii ja.ngalii-bel ko ghar tak kaise laa.uu.n
phir aa.nkho.n ke TaaT pe mai.n ne likkhaa
mai.n aa.nkho.n se martii
tuu qadmo.n se zinda ho jaatii

Sara Shagufta
Nazm

gulzar-e-watan

phuulo.n kaa kunj-e-dilkash bhaarat me.n ik banaa.e.n
hubb-e-vatan ke paude is me.n na.e lagaa.e.n
phuulo.n me.n jis chaman ke ho buu-e-jaa.n-nisaarii
hubb-e-vatan kii qalme.n ham is chaman se laa.e.n
KHuun-e-jigar se sii.nche.n har naKHl-e-aarzuu ko
ashko.n se bel-buuTo.n kii aabruu ba.Dhaa.e.n
ek ek gul me.n phuu.nke.n ruuh-e-shamiim-e-vahdat
ik ik kalii ko dil ke daaman se de.n havaa.e.n
firdaus kaa namuuna apnaa ho kunj-e-dilkash
saare jahaa.n kii jis me.n ho.n jalva-gar fazaa.e.n
chhaayaa ho abr-e-rahmat kaashana-e-chaman me.n
rim-jhim baras rahii ho.n chaaro.n taraf ghaTaa.e.n
murGaan-e-baaG ban kar u.Dte phire.n havaa me.n
naGme ho.n ruuh-afzaa aur dil-rubaa sadaa.e.n
hubb-e-vatan ke lab par ho.n jaa.n-fazaa taraane
shaaKHo.n pe giit gaa.e.n phuulo.n pe chahchahaa.e.n
chhaa.ii hu.ii ghaTaa ho mausam tarab-fazaa ho
jho.nke chale.n havaa ke ashjaar lahlahaa.e.n

Suroor Jahanabadi
Nazm

aKHroT ka peD aur ek nadan

naadaa.n ko.ii ik roz jo jangal me.n gayaa
aKHroT ke baaGaat kaa manzar dekhaa
hai kitnaa ba.Daa pe.D to phal chhoTaa saa
ye soch ke vo aur bhii hairaan hu.aa
is itne ba.De pe.D pe nanhaa saa phal
tarbuuz yahaa.n hotaa to kyaa achchhaa thaa
tarbuuz ko dekho to zaraa sii hai bel
qudrat ne dikhaa.e hai.n tamaashe kyaa kyaa
tarbuuz kahaa.n aur kahaa.n ye aKHroT
kyaa bhed hai merii na samajh me.n aayaa
is soch me.n thaa ki ik havaa kaa jhakka.D
aa.ndhii saa baguulaa saa biphar kar uTThaa
ja.ngal ke daraKHto.n ko hilaa kar us ne
aKHroT ko naadaan ke sar par phe.nkaa
sar par pa.Daa aKHroT to chiiKHaa naadaan
tarbuuz jo hotaa to mai.n mar hii jaataa
hikmat se ko.ii kaam nahii.n hai KHaalii
jis ko bhii jahaa.n tuu ne kiyaa hai paidaa
us kii jagah us ne nahii.n behtar ko.ii
ab raaz ye merii bhii samajh me.n aayaa

Aadil Aseer Dehlvi
Nazm

pighalta dhuan

duur shaadaab pahaa.Dii pe banaa ik ba.ngla
laal khaprailo.n pe phailii hu.ii anguur kii bel
sehn me.n bikhre hu.e miTTii ke raajaa-raanii
mu.nh chi.Daatii hu.ii bachcho.n ko ko.ii diivaanii

Nida Fazli
Nazm

be-KHabar

november kii zard-ruu dhuup
khi.Dkii ke rauzan se nikal kar
har suu phail ga.ii hai
viiraan ujaa.D kamre me.n
KHushk moTii kitaabe.n hai.n
niim-shab kii jalii adh-jalii cigarette.n
buu.Dhe shaa.ir kaa puraanaa chashma
jhurriyo.n bhare haatho.n kii larzish me.n anokhe alfaaz
ra.ng KHushbuu falak-paimaa.ii ke na.e andaaz
kirm-KHurda mez ke aqab me.n buu.Dhaa shaa.ir
paar kar kii moTii nib se likhe jaa rahaa hai
ra.ng kii zabaa.n me.n KHushbuu ke afsaane
use KHabar bhii nahii.n
ki
november kii zard-ruu dhuup
us kii mez par sarak aa.ii hai
aur
a.nguur kii sard KHushk bel
khi.Dkii kii darz se
use jhaa.nktii hai

Aamina Mufti
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now