Search result for "bilaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bilaa"

Nazm MATCHES FOR "bilaa"

Nazm

Khaali bore mein zaKHmi billa

jaan-mohamaad-KHaan
safar aasaan nahii.n
dhaan ke is KHaalii bore me.n
jaan ulajhtii hai
paT-san kii mazbuut salaaKHe.n dil me.n ga.Dii hai.n
aur aa.nkho.n ke zard kaToro.n me.n
chaa.nd ke sikke chhan-chhan girte hai.n
aur badan me.n raat phailtii jaatii hai...
aaj tumhaarii na.ngii piiTh par
aag jalaa.e kaun
a.ngaare dahkaa.e kaun
jidd-o-johd ke
KHuunii.n phuul khilaa.e kaun
mere shola-gar panjo.n me.n jaan nahii.n
aaj safar aasaan nahii.n
tho.Dii der me.n ye pagDanDii
TuuT ke ik gande taalaab me.n gir jaa.egii
mai.n apne taabuut kii tanhaa.ii se lipaT kar
so jaa.uu.ngaa
paanii paanii ho jaa.uu.ngaa
aur tumhe.n aage jaanaa...
ik... gahrii niind me.n chalte jaanaa hai
aur tumhe.n is nazar na aane vaale bore...
...apne KHaalii bore kii pahchaan nahii.n
jaan-mohamaad-KHaan
safar aasaan nahii.n

Saqi Faruqi

Nazm

hind ke jaan-baz sipahi

jab ba.Dhaate hai.n qadam piichhe phir haTte hii nahii.n
hausle un ke jo ba.Dhte hai.n to ghaTte hii nahii.n
dam-e-paikaar hariifo.n se ye kaTte hii nahii.n
ulTe qadmo.n pe bilaa fat.h palaTte hii nahii.n
hech hai.n un ke liye aahanii diivaare.n bhii
rok saktii nahii.n faulaad kii diivaare.n bhii

Barq Dehlvi

Nazm

nam o nasab

pusht-dar-pusht bilaa fasl vo ajdaad mire
apne aaqaa.o.n kii manshaa thii mashiyyat un kii
gar vo zinda the to zindo.n me.n vo shaamil kab the
aur marne pe faqat bojh thii mayyat un kii

Ali Akbar Natiq

Nazm

pura chand nikalta hai to bheDiya aksar rota hai

sher kii KHaala billii us ko kyaa kyaa sabaq pa.Dhaatii hai
khambaa nochne lagtii hai bechaarii jab KHisyaatii hai

Jameel Usman

Nazm

mohabbat

kahuu.n mai.n insaa.n bilaa-taammul
magar hai insaan kaa to saaya

Saeed Warsi

Nazm

chuhiya ki fariyaad

billii ke bhaaguu.n chhi.nkaa TuuTe
mere bhaago.n bartan jhuuTe

Ghulam Abbas

Nazm

dastak

KHvaabo.n kii tarsiil kaa kaam
ek muddat se bilaa-naaGa jaarii hai
mai.n un logo.n ke liye KHvaab dekhtaa huu.n
jo KHud KHvaab nahii.n dekh sakte

Ali Sahil

Nazm

main KHud sochta hun

haadse zindagii kii alaamat hai.n lekin vo ik haadsa
ham jise maut kahte hai.n
kab aur kaise kahaa.n ruu-numaa ho ko.ii jaantaa hai
bilaa-raib ko.ii nahii.n jaantaa
mai.n KHud sochtaa huu.n mujhe ek muddat se kyaa ho gayaa hai
mere phaile hu.e jaagte zinda haatho.n kii sab u.ngliyaa.n so chukii hai.n
mere larzaa.n labo.n par jamii pap.Diyaa.n barq se raakh hote hu.e abr par ro chukii hai.n
ilm o irfaan kii raah me.n jaise merii du.aa.e.n asar kho chukii hai.n
mai.n kyaa jaantaa huu.n
fanaa ke tasalsul me.n ko.ii girah Daalne ke liye
harf-e-kun kii zaruurat hai jo maa.ngne par bhii ko.ii na degaa
ki ab vo zamaano.n se bahte hu.e KHuun kaa KHuu.n-bahaa to nahii.n hai
vo jis ke tasarruf me.n sab kuchh hai
husn-e-talab kii mujhe daad de kar agar ye kahe
KHuub ho tum magar jaante ho ki tum kaun ho
tum rah-e-raftagaa.n kii masaafat kaa ik aur aaGaaz ho intihaa to nahii.n ho
adam aur maujuud ke darmiyaa.n ik ka.Dii ho KHudaa to nahii.n ho
to mai.n kyaa kahuu.ngaa mai.n KHud sochtaa huu.n

Jameel ur Rahman

Nazm

zindabaad ai watan

tujh pe bahuto.n ne aa kar hukuumat bhii kii
saik.Do.n ne bilaa-vaj.h nafrat bhii kii
kuchh to vo the jinho.n ne sharaarat bhii kii
hai.n karo.Do.n jinho.n ne mohabbat bhii kii

Fazal Haq Azimabadi

Nazm

shararat

bhayyaa se kahe.nge jaldii baahar chaliyegaa taar aayaa hai
shaayad sarkaar ne nau sau par fauran shimle bulvaayaa hai
ammii ne kahaa jab kuchh bhii nahii.n ik billaa chuuhaa laayaa hai
to ham khaane kii mez ke niiche chupke se chhup jaa.e.nge
aaj apne har ham-jolii ko ham ulluu KHuub banaa.e.nge

Ahmad Nadeem Qasmi

Nazm

billi

ye sach hai ki peT apnaa bhartii hai billii
kitchen kii safaa.ii to kartii hai billii

Shaheen Iqbal Asar

Nazm

ye bose

tum mujhe maqruuz kar dete ho
apne boso.n se
miraa baal baal ba.ndh gayaa hai
is qarze me.n
roz bilaa-naaGaa
ye bose jaise apnii yaad-daasht
kho dete hai.n
jab aahista aahista mai.n
apnii u.ngliyaa.n phertii huu.n
un ke sabt kiye hu.e nishaano.n par
ye merii poro.n par
apnii ko.ii lams nahii.n chho.Dte
un kii garm-joshii aur tapish
mere chehre par sarsaraane ke bajaa.e
havaa.o.n kii tundii se jaa miltii hai
aur
un patto.n se
jin ko paalaa maar gayaa ho

Azra Abbas

Nazm

wada

rakh to lii baat tirii ab na kabhii boluu.ngaa
ab na ho.nTo.n pe bilaa-vaj.h ha.nsii chhaa.egii

Vinod Kumar Tripathi Bashar

Nazm

KHud-kushi

ek aise sarvey ke mutaabiq
jo mere dost
apne dil ko mausuul hone vaalii
Gair-zaruurii KHabro.n ko jam.a kar ke
murattab kar rahe hai.n
shahr me.n ko.ii KHud-kushii nahii.n kar rahaa
mohabbat me.n naakaamii par finail piine vaalii la.Dkiyaa.n
aur naukrii na milne par
ba.De bhaa.ii ke licence-yaafta pistol se
KHud-kushii karne vaale la.Dke
bahut din se nazar nahii.n aa.e
dupaTTe kaa phandaa banaa kar mar jaane vaalii
be-aulaad dulhane.n
aur taviil biimaarii se ta.ng aa kar
KHud ko jalaa kar halaak karne vaale
udhe.D-umar mariiz
naapaid ho ga.e hai.n
shahr me.n ab jis ko bhii KHud-kushii karnii ho
use bahut ziyaada tag-o-dau nahii.n karnii pa.Dtii
vo baahar nikaltaa hai
aur tho.Dii der ke liye
nishaana-baazo.n vaalii yellow cab kaa
intizaar kartaa hai
yaa jab us kii sa.Dak ke dono.n taraf
KHuub firing ho rahii ho
vo bilaa-iraada balcony me.n jaa ke kha.Daa ho jaataa hai
jab log KHud-kushii karnaa chaahte hai.n
yaqiin kiijiye
kisii jinsii imtiyaaz ke baGair
ra.ng, nasl aur zabaan ke farq ko KHaatir me.n na laate hu.e
goliyaa.n har jagah
unhe.n Dhuu.nDh nikaaltii hai.n

Zeeshan Sahil

Nazm

landscape

tum log yahaa.n baiThe ho
tum log yahaa.n is liye baiThe ho ki
jo tum me.n se yahaa.n nahii.n hai
use vahaa.n se uThaa diyaa gayaa hai
tum me.n se ko.ii portugal nahii.n gayaa
lekin tumhaare darmiyaan mez aur kursiyaa.n hai.n
jo duniyaa tum ko dikhaane ke liye kaafii hai
is se ba.Dh kar bhii ko.ii dukh hogaa
jitnaa sochoge bhuulte jaa.oge
masla
mausiiqii yaa aurte.n aur aab-o-havaa bachche
aKHbaar yaa Gizaa.o.n ke naam
yahaa.n tak ki nii.nd aa jaatii hai
yaa vo ek buu.Dhaa jis ke paa.nv
maidaano.n me.n chalte chalte KHatm hu.e
us kii fasl us ke puraane chehre ko
gaalii de us par phe.nk dii ga.ii
naariyal kaa banaa hu.aa huqqa bhii aur us me.n jo jalaa hu.aa paanii hotaa hai vo bhii tum log
us kamre me.n aa ga.e
tumhaare saamne mez par ashtray me.n abhii abhii jabki mulk kii gha.Diyo.n me.n raat ke 9 baj rahe hai.n
ek cigarette kaa jaltaa hu.aa filter KHatm ho rahaa hai
mai.n tum sab ke baare me.n bahut kuchh kahnaa chaahtaa huu.n kuchh bahut zaruurii bhed hai.n
lekin agar kah duu.n to bahut buraa hogaa
tumhaarii gardane.n mujhe insaanii shakl me.n dikhaa.ii nahii.n detii.n
ye gardane.n jism kaa filter hai.n
jism tafsiilaat me.n jal ga.e ab filter jal rahe hai.n
ye mai.n nahii.n bataa.uu.ngaa ki tumhe.n kis ne jalaa jalaa ke piyaa
maz.hab ne is jism me.n tumhaare is kamre me.n jaise an-ginat kamre banaa.e aur har kamra aag
jalaa.e rakhne kii tarkiib bataa.ii
mai.n tum me.n se ek thaa tumhaare darmiyaan musiibat me.n KHudaa kaa naam sunaa thaa
karo.Do.n bhikaariyo.n ke dilo.n ko sameT kar roTii kaa ek suukhaa Tuk.Daa maa.ngne ke liye use pukaaraa
kitaabo.n me.n sachchaa.ii ke do lafz pa.Dhne ke liye miTTii ke tel kii Dheriyaa.n chaar-paa.iiyo.n par ulaT dii.n
merii Gariibii ke yaadgaar gud.De aur bistar jal ga.e
zamiin par itne ka.nkar patthar ii.nTe.n bajrii aur baaluu ke zarre bhii nahii.n hoge
jitnii merii raTii hu.ii du.aa.e.n
ki aurato.n aur jaanvaro.n se chhuTkaaraa mil jaa.e
baat ye ki mai.n khul kar ronaa chaahtaa thaa
itnaa ki tumhaarii aabaadiyo.n me.n baazaaro.n ke hujuum bhii nahii.n hoge aur la.Dko.n kii gaaliyaa.n jo na.nge paagalo.n ke piichhe dau.Dtii hai.n
suno mai.n use apne Dha.ng se chaahtaa thaa
itnaa ki ek arab nekiyo.n se bhare hu.e aspataal bhii kaafii nahii.n
are mai.n jo KHudaa maa.ngtaa huu.n vo tum dete nahii.n
aag jalaane kii tarkiib to mai.n nahii.n jaantaa
mai.n tum se kahtaa huu.n mujhe jalaa.o yaa merii nabaataat jalaa.o mai.n jaluu.ngaa aur jaluu.ngaa
kaam karuu.ngaa aur kaam karuu.ngaa
suno kaam karne ke liye ek aisii zindagii chaahiye ki mai.n tum sab ko bilaa-vaj.h marne se rok sakuu.n
zindagii kaa kaam kabhii ruktaa nahii.n
har-chand ki
burii bhii.D ke zamaana me.n achchhii kitaabe.n likhne pa.Dhne ke mazbuut saamaan naayaab ho jaate hai.n
daulat ba.De style se ishtihaarii sukuun baa.nTtii hai
microphone yaa baap aur universitiyo.n me.n jab professor e.azaaz kii suuliyo.n par KHush-gavaar dikhaa.ii dete hai.n
davaa.e.n yaa maa.e.n bahne.n
tab ba.Daa Galat a.ndheraa hotaa hai Galat beTe aur bhaa.ii
jinhe.n binaa-qiimat liye agar tum chhuu lo to kaaGaz tumhe.n paka.D le.nge
kaaGaz tumhe.n maar Daale.nge
yahii kaaGaz jin se tumhaare liye dhoke aur mustaqbil banaate hai.n
chalo is bhii.D se niklo
zindagii kaa kaam kabhii ruktaa nahii.n
paas aa.o
mai.n tumhaarii jebo.n ke jhuuT se aaj tak Daraa nahii.n huu.n
un me.n rakhe hu.e paise nikaal luu.ngaa
paise mat chhupaa.o paas aa.o
ye mai.n jaantaa huu.n ki tumhaarii biiviyaa.n tumhaarii maut ke agnet hai.n
tumhaare beTe aur bhaa.ii mujh se nafrat karte hai.n
mai.n tumhaare gharo.n ke Dare hu.e band darvaazo.n par dastak detaa huu.n aur tum aur tumhaare log
andar se chillaate hai.n ki tum nahii.n ho
mai.n tumhe.n marne se kyuu.n rokuu.n har-chand ki rok saktaa huu.n
maut kisii ko maarne ke liye aasmaan se nahii.n utartii
maut is liye hai ki tum ne use aasmaan maan liyaa
zamiin tumhe.n jaagne ke liye dii ga.ii tum ne use maayuus kiyaa
maut zamiin kii maayuusii par aaj tak KHush hai
aur tumhaare KHvaabo.n me.n chalne kii aazaadii hai
tambaakuu afiim aur bha.ng ke paude aaj tak KHush hai.n ki vo tumhaarii marii hu.ii maa.o.n kii maamtaa hai.n
tumhaarii bahut sii biimaariyaa.n tumhaare jism me.n ba.De aaraam se hai.n
aur davaa-KHaano.n me.n bahut sii davaa.e.n bhii ba.De aaraam se hai.n
mai.n tumhe.n marne se kaise rokuu.n
haa.n tum mujhe jiine se rokte ho
mai.n tum se kahtaa huu.n ki tumhaare chho.De hu.e maidaano.n kii havaa.o.n ke jho.nke jab tumhaarii khi.Dkiyo.n me.n aa rahe ho.n to
khi.Dkiyaa.n mat band karo
baat ye hai ki tumhaaraa jam.a kiyaa hu.aa asaasa tumhaare jism ke ek ma.amuulii ro.e.n tak ko nahii.n chamkaa saktaa
tumhaare jam.a kiye hu.e Galat a.ndhero.n par jab suuraj chamaktaa hai
to tum us se uktaate ho
tum mujhe bolne se rokte ho
mai.n kahtaa huu.n tumhaare ye makaan tumhaarii aane vaalii qabro.n se muKHtalif nahii.n
tum bainal-aqvaamii bichchhuu.o.n se ziyaada chaalaak nahii.n
tum duniyaa kii ba.Dii kitaabo.n se ziyaada gambhiir nahii.n ho
jab tak mai.n tum se apne safar kaa saaraa saamaan chhiin nahii.n luu.ngaa tum se iKHtilaaf karuu.ngaa
tumhe.n marne se rokuu.ngaa

Ahmad Hamesh

Nazm

dam-e-tahrir

dam-e-tahriir
jin naapaak gandii aurato.n se
kausar-o-tasniim katraa ke guzre.ngii
jin par duudh aur shahd ke pyaale haraam kar diye jaa.e.nge
jin ko malaa.ek duzdiida nigaaho.n se bhii dekhnaa na chaahe.nge
jin kaa Thikaana jahannam hogaa
jinhe.n dozaKH kii aag roz jalaa.egii
jin par Gaiz-o-Gazab ke ko.De har saa.at barsaa.e jaa.e.nge
un me.n ek mai.n bhii huu.n
mere paa.nv me.n be.Diyaa.n pahnaane
aur mujhe mahbuus-KHaane me.n us vaqt tak rakhne kaa hukm diyaa gayaa thaa
jab tak ki mai.n apnii sharaarato.n se baaz na aa jaa.uu.n
mujhe har roz baal se baariik raaste par chalnaa pa.Dtaa hai
talvaar kii dhaar mujhe zaKHmii kiye detii hai
mere badan par roz na.e aable pa.Dte hai.n
merii aa.nkhe.n garm salaaKHo.n se daaGii jaatii hai.n
mujh par roz sang-baarii hotii hai
jinho.n ne ek duusre se baat band kar dii
ek duusre ke saath khaanaa aur sonaa chho.D diyaa
un kii daraa.De.n bhii gahrii hotii ga.ii.n
mohabbat ko zinaa kahne kii rasm bahut puraanii hai
aur ahd-o-paimaa.n kaa bharam qaa.em rakhnaa dushvaar
jaane kyo.n
jannat kii havaa.e.n bilaa jhijhak aatii hai.n
aur gunaahgaar aurato.n ko chhuu kar guzar jaatii hai.n
ku.n.e.n me.n aazuuqa pahu.nchaane vaalo.n kii rassiyaa.n chhoTii pa.D ga.ii hai.n
apne pasiine me.n tar roTii kaa ik ik luqma
mann-o-salvaa se bhii ziyaada KHush-zaa.eqa hotaa jaa rahaa hai
baa.e.n ka.ndhe par ye bojh kaisaa
aadmii ko.ii hamaaraa dam-e-tahriir bhii thaa

Shahnaz Nabi

Nazm

mujhe wapas kar de

vo tamannaa.e.n vo KHvaahish vo ta.Dap vo armaa.n
vo tasavvur ke khilaune vo KHayaalaat ke khel
vo bilaa-vaj.h la.Daa.ii vo bilaa-vaj.h kaa mel

Anwar Abbas

Nazm

ek ittifaqi maut ki rudad

saraasar ittifaaqii haadisa thaa
us ne KHud likhaa thaa
duniyaa beach aanaa ittifaaqii amr hai
jaanaa saraasar haadsaatii
to us par to adaalat ne bhii kuchh hujjat nahii.n kii
us ne KHud likhaa thaa
hujjat nafsiyaatii aariza hai
so adaalat ne bilaa taftiish use jaane diyaa
jaise zamii.n se ghaas jaatii hai
saraasar ittifaaqan
bil-umuum aisaa hii hotaa hai
hamesha ittifaaqan

Mohammad Anvar Khalid

Nazm

payam-e-azadi

maqaam-e-haq hai bilaa-shak maqaam-e-aazaadii
buland arsh se bhii kuchh hai baam-e-aazaadii

Ahmaq Phaphoondvi

Nazm

murda-KHana

duniyaa kii iilaa-billaa Thasii pa.Dii hai mujh me.n
haa.n kuchh kaam kii chiize.n bhii hai.n is kabaa.D-KHaane me.n
ilhaamii kitaabo.n se le kar falsafa-e-adab aur shaa.irii tak kii
libraryaa.n bharii pa.Dii hai.n dimaaG me.n
aa.nkho.n me.n utar kar dekhe.n to husn-e-do-aalam paa.e.nge jalva-afroz
puure puure nigaar-KHaane mere bhii sanam-KHaane tere bhii sanam-KHaane
kaano.n me.n baiThu.o.n se le kar kop-land kii samfaniyaa.n
aur tansen kii bandisho.n se raushan-aaraa begam kii gaa.ikii tak mahfuuz hai aaj bhii
lekin ga.nd to machaa rakkhaa hai mere jism ne
aur is ke andar dha.Dakte dil ne
gandagii kaa Dipo hai meraa ye jism
balki kaarKHaana hai gandagii kaa
achchhii se achchhii chiiz Daale.n aap is me.n
bol-o-baraaz banaa kar rakh detaa hai use
Daal kar dekhe.n haa.n haa.n ye phal Daale.n ye miThaa.ii
ye tikke aur kabaab Daale.n is me.n
aur phir naak par ruumaal rakh kar dekhe.n ki bantaa kyaa hai in kaa
KHair jahaa.n kaar-KHaane huu.n vahaa.n gandagii to hotii hai laaziman
gandagii na ho to aaluudgii sahii
iid-e-qurbaan par shahr kaa chakkar to lagyaa hii hogaa aap ne
aziiz-o-aqaarib se milne ke liye
jo kuchh sa.Dko.n aur galiyo.n me.n nazar aataa hai ojha.Diyo.n aur aa.nto.n se ubaltaa hu.aa
vahii kuchh hai mere andar bhii
ye to merii khaal kaa kamaal hai jo aap ne paas biThaa rakkhaa hai mujhe
aur agar aap me.n jhaa.nkne kii himmat ho mere dil me.n
to shaayad abhii uThaa de.n apne paas se mujhe
karda gunaaho.n kii nahii.n naa-karda gunaaho.n kii baat kar rahaa huu.n mai.n
KHvaahisho.n aur hasrato.n ke janaaze pa.De hai.n
mere dil me.n qataar-andar-qataar
mai.n ne tashbiih dii thii kabaa.D-KHaane se apne aap ko
asal me.n to ek bahut ba.Daa murda-KHaana huu.n mai.n
fasaadaat me.n qatl-e-aam dekhaa ho shaayad aap ne
zalzale me.n maare jaane vaalo.n kii laashe.n nikaalte to dekhaa hogaa logo.n ko
yaa phir television par bosina aur kosvo me.n ijtimaa.ii qabro.n kii khudaa.ii ke manaazir
jab lavaahiqiin koshish kar rahe hote hai.n laasho.n ko pahchaan.ne kii
aur naak phaT rahe hote hai.n un ke sa.Daa.nd se
jald-az-jald dobaara dafnaa dii jaatii hai.n ye laashe.n
lekin mere dil me.n KHvaahisho.n aur hasrato.n kii laashe.n gal-sa.D ga.ii hai.n pa.De pa.De
aur mai.n phir bhii dafan nahii.n kartaa unhe.n
dafn karnaa chaahtaa hii nahii.n
aur chaahuu.n bhii to kahaa.n karuu.n dafn unhe.n
dimaaG me.n
dimaaG me.n kulbulaataa haafiza kahaa.n mohlat detaa hai us kii
dil hii to hai jis me.n dafnaa saktaa huu.n unhe.n
inhii murda KHvaahisho.n aur hasrato.n ko dekh dekh kar to jiitaa huu.n mai.n
ye to dafan ho.ngii mere saath hii
aur ab samajh me.n aataa hai ki kyuu.n banaa.ii jaatii hai.n ba.Dii ba.Dii qabre.n
baadshaah log to marne se pahle hii banvaa liyaa karte the apne maqbare aur ehraam
mujhe ghin aatii thii ba.Dii ba.Dii qabro.n se
mai.n kahaa kartaa thaa dekho un maal-zaado.n ko
zindagii me.n bhii ghere rakhte the zaruurat se ziyaada zamiin
aur mar kar bhii itnii jagah gher lete hai.n ki KHudaa kii zinda maKHluuq ko mayassar nahii.n sar chhupaane ko
mar kar bhii nahii.n miTtii zamiin kii hirs un kii
magar ab sochtaa huu.n shaayad unhe.n vaaqa.ii zaruurat ho ba.Dii qabro.n kii
shaayad un ke andar pa.De huu.n mujh se bhii ziyaada janaaze
KHvaahisho.n aur hasrato.n ke
shaayad un kii ojha.Diyo.n aur aa.nto.n me.n Galaazat ho mujh se bhii ziyaada
vaise kahii.n mai.n bhii to javaaz nahii.n Dhuu.nDh rahaa apne liye kushaada qabr kaa

Mohammad Haneef Rame

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now