Search result for "charchaa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "charchaa"

Nazm MATCHES FOR "charchaa"

Nazm

panw se lahu ko dho Dalo

ham kyaa karte kis rah chalte
har raah me.n kaa.nTe bikhre the
in rishto.n ke jo chhuuT ga.e
in sadiyo.n ke yaarano.n ke
jo ik ik kar ke TuuT ga.e
jis raah chale jis samt ga.e
yuu.n paa.nv lahuuluhaan hu.e
sab dekhne vaale kahte the
ye kaisii riit rachaa.ii hai
ye meh.ndii kyuu.n lagaa.ii hai
vo kahte the kyuu.n qaht-e-vafaa
kaa naahaq charchaa karte ho
paa.nv se lahuu ko dho Daalo!
ye raahe.n jab aT jaa.e.ngii
sau raste in se phuuTe.nge
tum dil ko sambhaalo jis me.n abhii
sau tarah ke nashtar TuuTe.nge

Faiz Ahmad Faiz

Nazm

holi

mastii me.n uThaa aa.nkh jidhar dekho ahaahaa
naache hai tavaa.if kahii.n maTke hai bhavayya
chalte hai.n kahii.n jaam kahii.n svaa.ng kaa charchaa
o rang ko galiyo.n me.n jo dekho to har ik jaa
bahtii hai.n uma.nD kar jaman-o-ga.ng zamii.n par
holii ne machaayaa hai ajab rang zamii.n par

Nazeer Akbarabadi

Nazm

saman diwali ka

kisii ne ghar kii havelii giro rakhaa haarii
jo kuchh thii jins mayassar banaa banaa haarii
kisii ne chiiz kisii kisii kii churaa chhupaa haarii
kisii ne gaThrii pa.Dosan kii apnii laa haarii
ye haar jiit kaa charchaa pa.Daa divaalii kaa

Nazeer Akbarabadi

Nazm

sayyad se aaj hazrat-e-waiz ne ye kaha

sayyad se aaj hazrat-e-vaa.iz ne ye kahaa
charchaa hai jaa-ba-jaa tire haal-e-tabaah kaa
samjhaa hai tuu ne nature o tadbiir ko KHudaa
dil me.n zaraa asar na rahaa laa-ilaah kaa
ho tujh se tark-e-saum-o-salaat-o-zakaat-o-haj
kuchh Dar nahii.n janaab-e-risaalat-panaah kaa
shaitaan ne dikhaa ke jamaal-e-uruus-e-dahr
banda banaa diyaa hai tujhe hubb-e-jaah kaa
us ne diyaa javaab ki maz.hab ho yaa rivaaj
raahat me.n jo muKHil ho vo kaa.nTaa hai raah kaa
afsos hai ki aap hai.n duniyaa se be-KHabar
kyaa jaaniye jo rang hai shaam-o-pagaah kaa
europe kaa pesh aa.e agar aap ko safar
guzre nazar se haal re.aayaa-o-shaah kaa
vo aab-o-taab-o-shaukat-e-aivaan-e-khusravii
vo mahakmo.n kii shaan vo jalva sipaah kaa
aa.e nazar uluum-e-jadiidah kii raushnii
jis se KHajil ho nuur ruKH-e-mehr-o-maah kaa
daavat kisii amiir ke ghar me.n ho aap kii
kam-sin miso.n se zikr ho ulfat kaa chaah kaa
nau-KHez dil-fareb gul-andaam naaznii.n
aariz pe jin ke baar ho daaman nigaah kaa
rukiye agar to ha.ns ke kahe ik but-e-hasii.n
sun maulvii ye baat nahii.n hai gunaah kaa
us vaqt qibla jhuk ke karuu.n aap ko salaam
phir naam bhii huzuur jo le.n KHaanqaah kaa
patluun-o-koT-o-ba.ngla-o-biscuit kii dhun ba.ndhe
saudaa janaab ko bhii ho turkii kulaah kaa
mimbar pe yuu.n to baiTh ke goshe me.n ai janaab
sab jaante hai.n va.az savaab-o-gunaah kaa

Akbar Allahabadi

Nazm

urdu zaban

charchaa har ek aan hai urduu zabaan kaa
girviida kul jahaan hai urduu zabaan kaa

Shayar Ali Shayar

Nazm

holi

har chaar taraf holii kii dhuume.n hai.n ahaa haa
dekho jidhar aataa hai nazar roz tamaashaa
har aan jhamaktaa hai ajab aish kaa charchaa
holii ko 'naziir' ab tuu kha.Daa dekhe hai yaa.n kyaa
mahbuub ye aayaa are naadaan idhar dekh

Nazeer Akbarabadi

Nazm

urdu

urdu zabaa.n hamaarii
hai jaan o dil se pyaarii
ye maadarii zabaa.n hai
rag rag me.n jo ravaa.n hai
jab se zabaan kholii
urdu hai apnii bolii
bachpan kii hai ye saathii
kii is ne zehn-saazii
shiirii.n zabaa.n hai urdu
charchaa hai is kaa har-suu
urdu me.n naGmagii hai
kyaa is me.n dil-kashii hai
urdu jo ko.ii bole
kaano.n me.n ras ye ghole
urdu me.n pa.Dhnaa likhnaa
baat is zabaa.n me.n karnaa
urdu ko zinda rakhnaa
ham par hai farz apnaa
lab jo 'faraaG' kholo
urdu me.n tum bhii bolo

Faragh Rohvi

Nazm

aazadi ka git

aaj ham sab shaad hai.n apnaa vatan aazaad hai
ham hai.n bulbul jis chaman ke vo chaman aazaad hai
aaj aazaadii kaa din hai aa.o ham KHushiyaa.n manaa.e.n
naach aazaadii kaa naache.n giit aazaadii ke gaa.e.n
thii ghaTaa chhaa.ii hu.ii andher kii vo chhaT ga.ii
teG-e-aazaadii se zanjiir-e-Gulaamii kaT ga.ii
aaj vo din hai hu.ii thii desh kii jantaa kii jiit
aaj hii ke din chalii thii is me.n aazaadii kii riit
aaj vo din hai taraane aish ke ishrat ke gaa.e.n
aaj vo din hai ki taane.n mil ke KHushiyo.n kii u.Daa.e.n
qaum jo aazaad hai duniyaa me.n izzat us kii hai
aan us kii shaan us kii aur azmat us kii hai
desh ke bachche bhii KHush hai.n kyo.n na ho in kii KHushii
khil ga.ii hai phuul ban kar aaj har dil kii kalii
dil lagii hai chahl hai aur har taraf hai.n qahqahe
hai.n ye bulbul is chaman ke kar rahe hai.n chahchahe
dil me.n jazba hai javaa.n ho kar sabhii aage ba.Dhe.n
azm hai ye jaan-o-dil se des kii KHidmat kare.n
amn-o-aazaadii kaa ham paiGaam duniyaa ko sunaa.e.n
des kii apne ba.Daa.ii apne kaamo.n se dikhaa.e.n
farz apnaa ham kare.n dil se adaa aur jaan se
ho vafaadaarii hamaarii apne hindostaan se
ek ik bachcha ga.ii ho ilm kaa charchaa ba.Dhe
ek ik bachcha dhanii ho des kii sevaa kare
ek ik bachcha rahe ba.Dh cha.Dh ke gun aur gyaan me.n
ik se ik ba.Dh kar dikhaa.e aap ko vigyaan me.n
aa.o 'nayyar' des ke bachcho.n kii jhurmuT me.n tum aa.o
aa.o aa.o nazm aazaadii kii bachcho.n ko sunaa.o
aa.o sab na.ara lagaa.e.n zindabaad hindostaan
aa.o ham sab mil ke gaa.e.n zindabaad hindostaan
zindabaad hindostaan
zindabaad

Mohammad Shafiuddin Nayyar

Nazm

rah-numa ban jaun

dard jis dil me.n ho us dil kii davaa ban jaa.uu.n
ko.ii biimaar agar ho to shifaa ban jaa.uu.n
dukh me.n hilte hu.e lab kii mai.n du.aa ban jaa.uu.n
uf vo aa.nkhe.n ki hai.n biinaa.ii se mahruum kahii.n
raushnii jin me.n nahii.n nuur jin aa.nkho.n me.n nahii.n
mai.n in aa.nkho.n ke liye nuur-e-ziyaa ban jaa.uu.n
haa.e vo dil jo ta.Daptaa hu.aa ghar se nikle
uf vo aa.nsuu jo kisii diida-e-tar se nikle
mai.n us aa.nsuu ke sukhaane ko havaa ban jaa.uu.n
duur manzil se agar raah me.n thak jaa.e ko.ii
jab musaafir kahii.n raste se bhaTak jaa.e ko.ii
KHizr kaa kaam karuu.n raah-numaa ban jaa.uu.n
umr ke bojh se jo log dabe jaate hai.n
naa-tavaanii se jo har roz jhuke jaate hai.n
un za.iifo.n ke sahaare ko asaa ban jaa.uu.n
KHidmat-e-KHalq kaa har samt me.n charchaa kar duu.n
maadar-e-hind ko jannat kaa namuuna kar duu.n
ghar kare dil me.n jo 'afsar' vo sadaa ban jaa.uu.n

Hamidullah Afsar

Nazm

kaam aur nam

kuchh kaam karo kuchh kaam karo
duniyaa me.n paidaa naam karo
din bhar mehnat me.n shaad raho
jab raat pa.De aaraam karo
anjaam KHudaa ke haath me.n hai
tum koshish sub.h-o-shaam karo
takliif se raahat miltii hai
ye saudaa lo vo daam karo
himmat se aage ba.Dh jaa.o
ba.Dh kar haasil in.aam karo
hamdardii se Gam-KHvaarii se
har shaKHs ke dil ko raam karo
logo.n me.n tumhaarii qadr ba.Dhe
bachcho ko.ii aisaa kaam karo
ta.aliim jahaa.n me.n phailaa.o
is 'faiz' kaa charchaa aam karo

Faiz Ludhianvi

Nazm

guDDe guDiya ka byah

jamiila shakiila kii thii ik sahelii
sahelii bhii ik umr kii saath khelii
bahut hii thaa iKHlaas aur pyaar un me.n
hu.ii thii na jhuuTo.n bhii takraar un me.n
thii yuu.n to har ik khel se un ko raGbat
magar sab se ba.Dh kar thii gu.Diyo.n kii chaahat
jamiila kii gu.Diyaa thii chiinii kii muurat
shakiila kaa guDDaa bhii thaa KHuubsuurat
shakiila ne sochaa ki shaadii rachaae.n
jamiila sahelii ko samdhan banaa.e.n
shakiila ba.De chaav se chal ke aa.ii
vo guDDe kii ma.ngnii kaa paiGaam laa.ii
ka.ii la.Dkiyaa.n aur bhii saath aa.ii.n
jamiila ke ghar aa ke baate.n banaa.ii.n
idhar kii udhar kii hu.ii.n KHuub baate.n
ye ma.ngnii kii baate.n rahii.n chand raate.n
ye baat aur vo baat aur kabhii haa.n kabhii naa.n
ka.ii din rahii.n b shakiila pareshaa.n
par aaKHir vo aa hii ga.ii nek saa.at
na baaqii rahii ko.ii jhag.De kii suurat
jamiila ne manzuur kar lii ye shaadii
KHabar saare bachcho.n ko is kii sunaa dii
ijaazat unho.n ne ba.Do.n se bhii le lii
phir achchhii sii taariiKH shaadii kii tai kii
qariib aa.e shaadii kii taqriib ke din
to kaaTe ye din saare bachcho.n ne gin gin
vo shaadii kii taariiKH jis roz aa.ii
masarrat ne duniyaa me.n naubat bajaa.ii
shakiila ne guDDe ko duulhaa banaayaa
use ek ba.Dhiyaa saa jo.Daa pahnaayaa
vo kurtaa vo achkan vo pag.Dii vo paTkaa
vo resham kii shalvaar vaslii kaa juutaa
vo munnaa saa ruumaal moze Tasar ke
jhamaktii kalaa us ke salme sitaare
ja.Daav a.nguuThii vo motii kii maalaa
vo ra.ngiin jaama vo phuulo.n kaa sahraa
biThaa us ko gho.De pe vo saath laa.ii
baraat us ne guDDe kii apnii sajaa.ii
chale saath ban ban ke bachche baraatii
chalii paarTii ek gaatii bajaatii
ta.Daata.D vo taasho.n kii baajo.n kii Te.n-Te.n
majiire kii Tan Tan nafiirii kii pe.n-pe.n
vo logo.n kaa chalnaa paTaaKHo.n kaa chhuTnaa
havaa me.n anaaro.n ke phuulo.n kaa luTnaa
isii ThaaTh se chal ke baaraat aa.ii
dulhan kii taraf se hu.ii peshvaa.ii
jamiila ne sab kaa kyaa KHair muqaddam
mile ho ke baaham vo sab shaad-o-KHurram
jahaa.n farsh ik chaa.ndnii kaa bichhaa thaa
thii masnad na.ii gaav takiya nayaa thaa
vahaa.n mehmaano.n ko locker biThaayaa
diye paan aur sab ko sharbat pilaayaa
bulaa.e ga.e shahr se ek qaazii
dulhan aur duulhaa hu.e dono.n raazii
zaraa der me.n ho ga.ii un kii shaadii
sabhii ahl-e-mahfil ne dil se du.aa dii
chuvaare luTe phir baTii kuchh miThaa.ii
miThaa.ii ye sab ne maze le ke khaa.ii
hu.e shaad mehmaan chhoTe ba.De kul
mubaarak salaamat kaa pas mach gayaa Gul
hu.aa vaqt gu.Diyaa kii ruKHsat kaa jis dam
jamiila ke chehre pe thaa Gam kaa aalam
shakiila ne jhaT paalkii ik ma.ngaa.ii
biThaa us me.n gu.Diyaa ko ghar apne laa.ii
hu.ii KHuub shohrat hu.aa KHuub KHarcha
rahaa shahr me.n muddato.n is kaa charchaa
Garaz byaah guDDe kaa gu.Diyaa kaa jaisaa
hu.aa ye hu.aa hogaa 'nayyar' na aisaa

Mohammad Shafiuddin Nayyar

Nazm

hindostan

go KHaak ho chukaa hai hindostaa.n hamaaraa
phir bhii hai kul jahaa.n me.n pallaa garaa.n hamaaraa
mu.nh tak rahaa hai ab tak saaraa jahaa.n hamaaraa
hai naam kishvaro.n me.n vird-e-zabaa.n hamaaraa
zarKHez hai saraasar ye gulistaa.n hamaaraa
hai taa.ir-e-tilaa.ii hindostaa.n hamaaraa
bhaarat me.n dekhte the ham san.ate.n jahaa.n kii
mash.huur thii jahaa.n me.n kaariigarii yahaa.n kii
vo baat hindiyo.n ne Gairo.n ke darmiyaa.n kii
jis par jhukii hai gardan amboh-e-sarkashaa.n kii
miltaa thaa ilm-o-fan me.n ham-sar kahaa.n hamaaraa
hai taa.ir-e-talaa.ii hindostaa.n hamaaraa
tasliim kar rahe hai.n espen aur jaapaa.n
sab maante hai.n lohaa german france-o-yuuna.n
america me.n hai charchaa is mulk kaa numaayaa.n
bhaarat kii saltanat par bartaaniya hai naazaa.n
uu.nchaa hai aasmaa.n se ye aastaa.n hamaaraa
hai taa.ir-e-tilaa.ii hindostaa.n hamaaraa
parbat kii choTiyaa.n hai.n darbaa.n hamaare dar kii
daaman me.n jis ke pinhaa.n kaane.n hai.n siim-o-zar kii
ga.ng-o-jaman pe jis dam sayyaad ne nazar kii
sarsabz vaadiyo.n se is kii nazar na sar kii
kyaa Gairat-e-iram hai ye bostaa.n hamaaraa
hai taa.ir-e-tilaa.ii hindostaa.n hamaaraa
paidaa kiye the jis ne arjun kanaad gautam
aaGosh me.n pale the jis kii byaas-o-bikram
godii me.n jis kii khele the bhiim raam bhisham
jin ke sabab se ab tak hai hindiyo.n me.n dam-KHam
vo mulk-e-be-badal hai jannat-nishaa.n hamaaraa
hai taa.ir-e-tilaa.ii hindostaa.n hamaaraa

Aaftab Rais Panipati

Nazm

be-wafa kaise banun

jaa.n-sipaarii kii adaa mujh ko sikhaane vaale
aaj ye hukm ki mai.n pyaar kaa charchaa na karuu.n
ghaT ke rah jaa.uu.n pa ruKHsaar tirii yaado.n ke
apnii taKHayyul kii aa.nkho.n se bhii chuumaa na karuu.n
bhuul jaa.uu.n tire ho.nTo.n ke chhalakte saaGar
terii aa.nkho.n kii mai-e-taab se tauba kar luu.n
nuur peshaanii kaa ho.nTo.n se churaanaa kaisaa
abruu.o.n kii jhukii mehraab me.n aayaa na karuu.n

Imtiyaz Ahmad Qamar

Nazm

aaj-kal

har sar me.n imtihaan kaa saudaa hai aaj-kal
har dil me.n fail hone kaa dha.Dkaa hai aaj-kal
parcho.n ke out hone kaa charchaa hai aaj-kal
ko.ii nahii.n kisii kii bhii suntaa hai aaj-kal
munnii kii aa.nkh nam hai to munnaa ke dil me.n Gam
bechainiyo.n me.n ko.ii kisii se nahii.n hai kam
diimak kii tarah chaaT rahaa hai ko.ii kitaab
ko.ii ye sochtaa hai ki ab aa.egaa itaab
pa.Dhtaa hai raat bhar ko.ii juGraafiya kaa baab
pencil se soKHta pe hai likhtaa ko.ii javaab
har zii-shu.uur khel ke maidaa.n se duur hai
pa.Dhne se ko.ii aur ko.ii likhne se chuur hai
anjum kii aa.nkh nam hai to firdaus hai.n udaas
'mohsin' ye sochte hai.n ki ho.nge ye kaise paas
azraa kii ye du.aa hai ki aa jaa.e raTnaa raas
har zehn me.n hai KHauf to har dil me.n hai hiraas
ko.ii nazar me.n maut kaa naqsha liye hu.e
baiThaa hai ko.ii haath me.n basta liye hu.e
khaane kii fikr hai na hai footbaal kaa KHayaal
chehre pe har nafas ke hai tahriir dil kaa haal
is baar fail gar hu.e jiinaa hu.aa muhaal
abbuu ke maar-piiT se utregii merii khaal
yaaro.n ko kis tarah se mu.nh apnaa dikhaa.e.nge
aur kis tarah se manzil-e-ummiid paa.e.nge
baaqii kuchh aise log bhii hai.n is jahaan me.n
jo farq aane dete nahii.n apnii aan me.n
siine phulaa phulaa ke nikalte hai.n shaan me.n
jaise ki ko.ii KHatra na ho imtihaan me.n
ye log zinda-dil hai.n bahaadur hai.n sher hai.n
jo fail ho ke hote hai.n KHush vo diler hai.n
pa.Dhne kaa Gam hai in ko na hai in ko fikr-e-dosh
har vaqt khelte hai.n pa.Dhaa.ii kaa kis ko hosh
aapas me.n la.D bhii lete hai.n jab aa.e in ko josh
ha.nste hai.n imtihaan ke din ye kutub-farosh
in ke liye zamaane me.n ko.ii bhii Gam nahii.n
chikne gha.De hai.n ye inhe.n ko.ii alam nahii.n

Parwana Rudaulvi

Nazm

ulfat ka shikwa

tirii duniyaa me.n rah kar kyaa kare.nge
KHudaayaa umr bhar royaa kare.nge
mohabbat kaa gila ulfat kaa shikva
pata kyaa thaa kahii.n aisaa kare.nge
rahii jab na KHushii kii zindagii gar
phir aisii zindagii ko kyaa kare.nge
luTaa thaa qaafila dil kaa hamaaraa
milegaa kyaa jo ham charchaa kare.nge
jigar me.n dard lab par haa.e haa.e
bhalaa is tarah jii kar kyaa kare.nge
ko.ii kaunain kii daulat se bhii ham
mohabbat kaa nahii.n saudaa kare.nge
nazar se ho to saktaa hai pa naashaad
magar ham dil se kyaa parda kare.nge

Rabia Sultana Nashad

Nazm

ai gham-e-dil kya karun

faaqa-mastii tang-dastii kaa hai charchaa chaar-suu
mar ga.ii hai ab dilo.n se zindagii kii aarzuu
ho gayaa hai KHushk insaano.n ke jismo.n kaa lahuu
ai Gam-e-dil kyaa karuu.n ai vahshat-e-dil kyaa karuu.n

Nazir Fatehpuri

Nazm

bahadur-shah zafar

tere anjaam kaa charchaa to nahii.n kar saktaa
bad-nasiibii kaa mai.n shikva to nahii.n kar saktaa

Shamsii Meenai

Nazm

mera watan

daulat kaa jis kii aalam me.n chaar suu thaa charchaa
jis ke javaahro.n ne taajo.n ko nuur baKHshaa
Gairo.n kaa jis zamii.n kii khetii ne peT paalaa
adbaar ne palaT dii aa kar jahaa.n kii kaayaa
meraa vatan vahii hai meraa vatan vahii hai

Ahmad Azimabadi

Nazm

jhuT ka natija

ahmad babluu baabuu salmaa
ek jamaa.at ke ye bachche
aKHlaaqii ghanTe me.n dekho
jam.a hu.e hai.n ik ik kar ke
nazm-o-zabt jamaa.at me.n thaa
uf nahii.n kartaa thaa ko.ii bachcha
ye jo kahaanii kaa thaa ghanTa
sab ko shauq kahaanii kaa thaa
dekho class me.n ustaad aa.e
uTh ke kha.De hu.e saare bachche
sab ne kiyaa salaam ab un ko
bachche the sab man ke achchhe
ham aavaaz thaa har ik bachcha
ham hai.n kahaanii ke sab shaidaa
sab ne mil kar kiyaa taqaazaa
ham ko sunaa.iye achchhaa qissa
sun kar bachcho.n se ye baate.n
ho ga.e KHush ustaad usii dam
munnuu chunnuu mannuu KHush the
qaabil-e-diid hai shauq kaa aalam
teacher ne jo chhe.Dii kahaanii
bachche hama-tan gosh hu.e sab
KHaamoshii thii har chehre par
sab se kahaa ye teacher ne ab
ek pahaa.Dii ke daaman me.n
qarya ik shaadaab thaa bachcho
gaa.nv me.n ik charvaahaa bhii thaa
haa.n vo bahut naadaan thaa pyaaro
roz pahaa.Dii par vo jaataa
bakriyaa.n apnii KHud hii charaataa
din bhar haa.nktaa vo gale ko
shaam Dhale ghar vaapas aataa
ik din us ko suujhii sharaarat
rah rah kar us ne chillaayaa
logo aa.o mujh ko bachaa.o
sher ne bolaa hai ab dhaavaa
laTThe bhaale barchhiyaa.n le kar
bhaage aa.e log baraabar
paayaa salaamat charvaahe ko
kahne lagaa charvaahaa ha.ns kar
sher yahaa.n aayaa nahii.n ko.ii
yuu.n hii sharaarat mai.n ne kii thii
shukriya aap yahaa.n sab aa.e
aap kii hamdardii hai sachchii
mai.n ne sab ko yuu.n hii parkhaa
imtihaa.n aap kii chaahat kaa thaa
KHush huu.n aap kii hamdardii par
mai.n ne pyaar sabho.n kaa paayaa
thaa ye kartab charvaahe kaa
us ne ulluu sab ko banaayaa
maayuusii ke saath vo lauTe
jhuuTaa charvaahe ko paayaa

Hafiz Karnataki

Nazm

magar

mai.n hasii.n huu.n magar
is qadar bhii nahii.n
mujh ko maaluum hai
jaantii huu.n ki mai.n
tere alfaaz kii
sab hai jaaduugarii
tere alfaaz ne
aur junuu.n ne tire
apne shero.n me.n kar ke bayaa.n meraa husn
dilkashii ko mirii
shaa.irii ko mirii
ek pahchaan dii
har zabaa.n par miraa
tazkira hai'' magar
mujh ko sach sach bataa
ai suKHnavar mire
ai mire jaaduugar
tere ash.aar ne
guftuguu ne tirii
aur junuu.n ne tire
mujh ko pahchaan dii
meraa charchaa kiyaa
yaa zamaane me.n bas
mujh ko rusvaa kiyaa

SabeenSaif

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now