Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "cro-magnon"

Nazm MATCHES FOR "cro-magnon"

Nazm

safar ke waqt

ye bank-kaar manager ye apne technocrat
ko.ii bhii shub.h nahii.n hai.n ye ek abas kaa ThiThol
mai.n KHud bhii in ko cro-magnon samajhtii huu.n
ye shaandaar janaavar hai.n daftaro.n kaa maKHaul

Jaun Eliya
Nazm

barsat ki bahaaren

kitno.n ko mahlo.n andar hai aish kaa nazaaraa
yaa saa.ebaan suthraa yaa baa.ns kaa usaaraa
kartaa hai sair ko.ii koThe kaa le sahaaraa
muflis bhii kar rahaa hai pole tale guzaaraa
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

andalib

chaltii hai jis gha.Dii ki shab-e-maah me.n sabaa
aur jab ki mast ho ho ke hiltii hai shaaKH-e-gul
is vaqt tuu jo kartii hai fariyaad ham-safiir
betaab aur kartii hai hijraa.n-nasiib ko
lekin tuu jis ke vaaste rahtii hai be-qaraar
hotaa hai is kaa qurb mahiino.n tujhe nasiib
hotii hai har bahaar me.n tujh ko na.ii bahaar

Azeemuddin Ahmad
Nazm

ba-KHabar laDkiyan

kabhii la.Dkiyo.n ke tanomand jismo.n me.n
suuraj kii taabaaniyaa.n dekhne ko
makaano.n kii chhat par kha.De ho ke yaaro
jo ham nange paa.nv ke talve jalaate
to apne badan kii haraarat se saarii nase.n pha.Dpha.Daatii.n
magar la.Dkiyo.n ko KHabar tak na hotii

Yusuf Kamran
Nazm

sadiqin

aql-o-vijdaan kii raagnii jis ko shab baa.nsurii ne dino.n ko sadaa.e.n lagaate hu.e pairahan kar liyaa saadiqiin us ke sur se na.e raag iijaad kartaa rahaa
us kii panting me.n ruumii ke aflaak
aise zamii.n-bos the jaise cactus KHud apne hii maahaul se la.D-jhaga.D ret kii vaadiyo.n me.n binaa baarisho.n ke haraa rang o.Dhe rahe
magar rafta rafta dino.n kii masaafat
ne us ko magan kar diyaa
vo ra.ngo.n bhare kaar-KHaane me.n KHaalii nigaaho.n se bas canvas ko hii taktaa rahaa ab jahaa.n kuchh na thaa
na taKHliiq kii te na tartiib kii be
na ra.ngo.n kaa re na kaarii-garii kii vo ye
bas talaatum KHayaalo.n kii KHe
zulf-e-ishkaal shaano.n pa bikhrii hu.ii
johd-e-mismaar chaadar me.n lipTii ho.ii
be-sabaatii faraamoshiyo.n kii KHabar
nastaaliiqii lakiiro.n me.n uljhii hu.ii zindagii
saadiqiinii safar

Sidra Afzal
Nazm

be-ghar

shaam hone ko hai
laal suuraj samundar me.n khone ko hai
aur us ke pare
kuchh parinde
qataare.n banaa.e
unhii.n ja.ngalo.n ko chale
jin ke pe.Do.n kii shaaKHo.n pe hai.n gho.nsle
ye parinde
vahii.n lauT kar jaa.e.nge
aur so jaa.e.nge
ham hii hairaan hai.n
is makaano.n ke jangal me.n
apnaa kahii.n bhii Thikaanaa nahii.n
shaam hone ko hai
ham kahaa.n jaa.e.nge

Javed Akhtar
Nazm

ek huzniya

lafzo.n se ma.ano.n kaa rishta
pahle shaayad kuchh hotaa thaa
jab ham tutlaayaa karte the
aur apnii kachchii sii zabaa.n me.n
dil se dil tak jaa sakte the
lekin ab lafzo.n se ma.aanii apnaa rishta puuchh rahe hai.n
ab ham ko qudrat hai zabaa.n par
tutlaanaa ham bhuul chuke hai.n

Sulaiman Areeb Haidarabadi
Nazm

be-yaqini

barsaat kii tez baarish se
kuchh makaano.n ko girte dekh kar
fikr laahaq ho ga.ii
apne ghar kii
aa.e din
zalzalo.n ke jhaTko.n se
jagah jagah
daraa.De.n pa.D chukii hai.n
chhat bhii Tapke jaa rahii hai
sutuun
bhalaa
kab tak
sahaaraa de sakte hai.n
in gharo.n ko
jo ghar
buniyaad se hii hil ga.e ho.n

Robeena Meer
Nazm

tawanai

Gizaa se tavaanaa.ii tan ko mile
hai.n lambe tavaanaa.ii ke silsile
tavaanaa.ii jiivan kii jyotii bhii hai
ye harkii o poshiida hotii bhii hai
tavaanaa.ii taaqat kaa zariya bane
ye har kaam kaa ik vasiila bane
mashiino.n kii bas ahmiyat aaj hai
ki barqii tavaanaa.ii kaa raaj hai
tavaanaa.ii jis ko kahe.n jauharii
bane is se hathiyaar sab itemi
haraarat hai suurat tavaanaa.ii kii
na ho baat kyuu.n-kar ye gahraa.ii kii
hai 'haafiz' tavaanaa.ii se zindagii
karo qadr har pal tavaanaa.ii kii

Hafiz Karnataki
Nazm

gharibon ka git

Gariibii ko miTaa de.nge Gariibii ko miTaa de.nge
ham apne baazu.o.n kaa zor duniyaa ko dikhaa.e.nge
havas ke aasmaa.n bar-dosh mahlo.n ko giraa de.nge

Masood Akhtar Jamal
Nazm

kaTh-putli ne holi kheli

kaTh-putlii ne holii khelii
aur kancho.n se golii khelii
pichkaarii se rang u.Daayaa
sab ko us ne bhuut banaayaa
taanDau naach jo unhe.n nachvaayaa
nasha KHushii kaa sab par chhaayaa
puurab dekho pachchhim dekho
utar dekho dakhkhin dekho
ghabraahaT me.n chalte jaa.o
lauTte aur palaTte jaa.o
aa.o aa.o jaa.o jaa.o
khaa.o piyo aur mauj manaa.o
ra.ngo.n se baazaar bharo
mahlo.n kii diivaar ra.ngo
darvaaze ra.ngiin karo
do ko to.Do tiin karo
kaTh-putlii ne holii khelii
kancho.n se hai golii khelii
bachche us ke sang rahe
aapas me.n kyuu.n ja.ng rahe
sach kaa bol jo baalaa ho
bhutno.n kaa mu.nh kaalaa ho
kaTh-putlii gulnaar banii
ra.ngo.n kii diivaar banii

Sitvat Rasool
Nazm

KHamushi ki aadat Dal lo

KHaamushii kii aadat Daal lo
sukuun mil jaa.egaa
be-aavaaz KHaamushii
ek baar
alfaaz ko to.D do
ma.ano.n ke karb se
najaat mil jaa.egii
saarii jange.n
aap hii aap ruk jaa.e.ngii

Safiya Arib
Nazm

jangal

nisaa jaal kaa phailtaa silsilaa
makaano.n kii chiiKHe.n
jaka.D kar shikanjo.n me.n buniyaad ko
to.Dtii hai.n jinhe.n
haraaaval ja.De.n
zamii.n-bos hotii hai.n uu.nchii chhate.n
sabz-maahii maraatib uThaa.e hu.e
bandaro.n kii safe.n
aab-e-zerii.n ke KHuu.n se hai jis kii numuu
sabz hotaa hai ab phir vahii suraKH-ruu

Asif Raza
Nazm

tajarba-gah

patthar ke kamre me.n us ne
miTTii dhaat namak ko
atom
aur is se bhii chhoTe zarro.n me.n baa.nTaa
ik uu.nchii mez pe leTe vaqt ko chloroform suu.nghaa kar
us ke ek ek uzv ko kaaTaa
sadiyo.n
barso.n aur mahiino.n
ik ik pal me.n
ek tikone chimTe se
ek slide par merii kuchh saa.nse.n rakkhii.n
shiishe kii nalkii se
merii gardan ko hilaayaa

Mushaf Iqbal Tausifi
Nazm

kabaDDi ki tal par

aa.o javaano
dhuum machaa.e.n Dhol bajaa.e.n
Dam Dam Dam Dam
ye khel javaan jiyaalo.n kaa
ghii makkhan khaane vaalo.n kaa
nar beTe jiivaT maa.o.n ke
juu.n ka.Diyall kiikar gaa.nv ke
biphre dhaare dariyaa.o.n ke
tag.De jhakka.D sahraa.o.n ke
aa.o javaano
dhuum machaa.e.n Dhol bajaa.e.n
Dam Dam Dam Dam
ye baa.nke chhaile rut vaale
saj dhaj vaale pat sat vaale
ye raag suhaag mashiino.n ke
ye ha.nste phuul zamiino.n ke
nam karte hai.n viiraano.n ko
bhar dete hai.n khaliyaano.n ko
aa.o javaano
dhuum machaa.e.n Dhol bajaa.e.n
Dam Dam Dam Dam

Syed Zameer Jafri
Nazm

ujale ki zanjir

ajab shor hai
shor hii shor hai
bas musalsal vahii shor hai
jaane kyaa ho gayaa
shahr-bhar ko

Shahid Ahmad Shoaib
Nazm

hijrat

zaruurii kaaGazo.n kii filo.n se
be-zaruurii
kaaGazo.n ko
chhaa.nTaa jaataa hai
kabhii kuchh phe.nkaa jaataa hai
kabhii kuchh baa.nTaa jaataa hai
ka.ii barso.n ke rishto.n ko
palo.n me.n
kaaTaa jaataa hai
vo shiisha ho
ki patthar ho
binaa dum kaa vo bandar ho
nishaano.n se bharaa
yaa ko.ii bosiida calendar ho
puraane ghar ke taaqo.n me.n
machaano.n me.n
vo sab!!
chhoTaa hu.aa apnaa
kabhii ban kar ko.ii aa.nsuu
kabhii ban kar ko.ii sapnaa
achaanak
jagmagaataa hai
vo sab khoyaa hu.aa
apne na hone se sataataa hai
makaano.n ke badalne se
na.e KHaano.n me.n Dhalne se
bahut kuchh TuuT jaataa hai
bahut kuchh chhuuT jaataa hai

Nida Fazli
Nazm

ik-tara baje

ik-taaraa baaje chhanan chhanan
jaago jaago
haa.n suno suno
ye taan magan
ye dil dha.Dkan
ik-taaraa baaje chhanan chhanan
jaago jaago
daataa ne tujhe dhanvaan kiyaa
jiinaa tujh par aasaan kiyaa
jis galii me.n dukhiyaa ro.egaa
kab chain se ko.ii so.egaa
naadaar kaa jis ko dhyaan nahii.n
vo patthar-dil insaan nahii.n
duujo.n ke kaam sa.nvaar miyaa.n
kuchh farz kaa qarz utaar miyaa.n
jaago jaago
haa.n suno suno
ye taan magan ye dha.Dkan
ik-taaraa baaje chhanan chhanan

Syed Zameer Jafri
Nazm

kabaDDi ki tal par

aa.o javaano
dhuum machaa.e.n Dhol bajaa.e.n
Dam Dam Dam
ye khel javaan jiyaalo.n kaa
ghii makkhan khaane vaalo.n kaa
nar beTe jiivaT maa.o.n ke
juu.n ka.Diyal kiikar gaa.nv ke
biphre dhaare dariyaa.o.n ke
tag.De jhakka.D sahraa.o.n ke
aa.o javaano
dhuum machaa.e.n Dhol bajaa.e.n
Dam Dam Dam Dam
ye baa.nke chhaile rut vaale
saj-dhaj vaale pat-sat vaale
ye raag suhaag mashiino.n ke
ye ha.nste phuul zamiino.n ke
nam karte hai.n viiraano.n ko
bhar dete hai.n khaliyaano.n ko
aa.o javaano
dhuum machaa.e.n Dhol bajaa.e.n
Dam Dam Dam Dam

Syed Zameer Jafri
Nazm

main albam ke waraq jab bhi ulaTta hun

zamaane kho ga.e aa.inda o rafta ke mele me.n
zamiine.n gum hu.ii.n paikaar-e-has-o-niist me.n aisii
ko.ii naqsha makaano.n aur makiino.n tak
pahu.nchne kaa zariya bhii nahii.n bantaa hai
tasviire.n ab apnii bastiyo.n me.n
dam-ba-KHud sahmii hu.ii naadim pa.Dii hai.n
mai.n albam ke varaq jab bhii ulaTtaa huu.n
to kuchh aa.nsuu ke qatre jhilmilaate hai.n
fasurda gum-shuda chehre
Gubaar-e-naa-shanaasaa.ii me.n
kuchh dhu.ndle hayyuulo.n kii tarah
fariyaad karte hai.n
varaq albam ke guzre mausamo.n
maGmuum aa.nkho.n train kii khi.Dkii se
hilte haatho.n piichhe chhuuTtii aabaadiyo.n
ko yaad karte hai.n
mai.n albam ke varaq jab bhii ulaTtaa huu.n
kisii dasht-e-faraamoshii me.n
suukhe pe.D par
ik aaKHirii patte kii suurat
saare lamhe mujh ko tanhaa chho.D aate hai.n
mai.n is tanhaa.ii ke jangal me.n
larzaa.n dil-pareshaa.n raqs kartaa huu.n
mai.n KHud ko bhuul jaane kaa
yaqiinan (hausla baaqii nahii.n hai)
svaa.ng bhartaa huu.n

Ain Tabish
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now