Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "cross"

Nazm MATCHES FOR "cross"

Nazm

chikan-fried halal rakhna

pachaas ko vo cross kar ke kuchh aur KHuu.n-KHvaar ho ga.ii hai
agar use aunty kaho to nigaah me.n haspataal rakhnaa

Khalid Irfan
Nazm

qabr mein zinda hun

vo jo cross
mere siine par lagaayaa hai
haTaa do use
chubhtaa hai mujhe
karvaT bhii nahii.n le paataa
kyuu.nki jagah kam hai yahaa.n

Kamal Upadhyay
Nazm

bambai ki ek purani sham

shaam Dhale
church-gate ke us taraf
biikhaa bahraam kaa ku.aa.n
cross-maidaan ke footpath par bane
barso.n puraane bencho.n par baiThe hu.e
barso.n puraane paarsii
safed laambaa coat
siyaah qadiim kulaah
KHaamosh aur gambhiir
kho.ii kho.ii nazre.n jamaa.e

Abdul Ahad Saaz
Nazm

umr mahdud hai

ek cigarette nahii.n jeb me.n
laTe hone kaa matlab
bujhaanaa hai ab bii.Diyaa.n maa.ng kar mujh ko apnii talab
phir chalii
do qadam chal ke phir ruk ga.ii merii chhak.Daa sii train
kyaa hu.aa puuchhtaa huu.n
cross hai ko.ii kahtaa hai mujh se
aur mai.n
phir se ik baar niiche utar kar
Tahalne lagaa
paTriyo.n ke kinaare pa.De pattharo.n par
ba.Dba.Daataa hu.aa
yuu.n to jaldii pahu.nch ke bhii ghar
kaam ko.ii nahii.n hai
magar is se kyaa
'umr to merii mahduud hai
aur jab 'umr mahduud hai
ko.ii kaise gha.Dii kii taraf dekhnaa chho.D de

Shariq Kaifi
Nazm

isfanj ki andhi siDhiyon par

phir havaa ne Tiin kii chaadare.n gardano.n par phe.nkii.n
maa.e.n nii.nd se la.Dne lagii.n
baap aa.ngan ko parvaaz se rokte rahe
aur zamiin ke niiche maayaa kii dege.n saraktii rahii.n
bakriyo.n ne shor kiyaa
pahlauTii vaalaa do
pahlauTii vaalaa do
vo dekho isfanj kii andhii sii.Dhiyo.n par
naaKHun ke baa'd naaKHun
safar safar safar
ghuumte hu.e pahiye
TuuTte hu.e break
ek inch me.n hazaar inch Gubaar
aur school uniform
ham gear badalne se pahle hii
danger zone me.n kyuu.n daaKHil ho jaate hai.n
buu.Dhaa driver sochtaa hai
raano.n ke cross par chehre kii haDDii kis KHatre kaa nishaan hai

Rais Farogh
Nazm

kal aur aaj

kuucha-o-baazaar me.n
be-kasii nauhagarii
kaar-KHaano.n me.n mashiine.n dam-ba-KHud
madraso.n me.n nauha-KHvaa.n
ilm-o-hikmat ke imaam
campo.n me.n zindagii
KHaak barsar naala bar-lab chashm-e-tar
aur sa.Dko.n par
dandanaatii gaa.Diyaa.n
jin ke chehre par munaqqash red cross
har taraf
maut kii jalvagarii
tiirgii hii tiirgii

Alqama Shibli
Nazm

safar ke waqt

ye bank-kaar manager ye apne technocrat
ko.ii bhii shub.h nahii.n hai.n ye ek abas kaa ThiThol
mai.n KHud bhii in ko cro-magnon samajhtii huu.n
ye shaandaar janaavar hai.n daftaro.n kaa maKHaul

Jaun Eliya
Nazm

yaaden

kaale kos Gam-e-ulfat ke aur mai.n naan-e-shabiina-juu
kabhii chaman-zaaro.n me.n uljhaa aur kabhii gandum kii buu
naafa-e-mushk-e-tataarii ban kar liye phirii mujh ko har-suu
yahii hayaat-e-saa.iqa-fitrat banii ta.attul kabhii numuu
kabhii kiyaa ram ishq se aise jaise ko.ii vahshii aahuu
aur kabhii mar-mar ke sahar kii is aabaad KHaraabe me.n
dekho ham kaise basar kii is aabaad KHaraabe me.n

Akhtarul Iman
Nazm

dilli teri chhanw…

hai.n jin ke haath par a.ngaare
mai.n un banjaaro.n kii chiirii
maa.n un ke aage kos ka.De
aur sar pe ka.Daktii do-pahrii
mai.n bandii baa.ndhuu.n kii baa.ndii
vo bandii-KHaane to.De.nge
hai jin haatho.n me.n haath diyaa
so saarii salaaKHe.n mo.De.nge

Fahmida Riaz
Nazm

nama-e-ishq hai KHuda ke nam

us ke aage magar
the ajab silsile
phir ka.De kos the
phir kaThin thii Dagar

Khursheed Akbar
Nazm

kaDe kos

harf
goyaa.ii kii zanjiir me.n jab qaid hu.aa
ism banaa
ahd banaa
nazm banaa
qissa-e-kaam-o-dahan kaa Gam-e-matluub banaa
KHuub-o-naa-KHuub banaa
harf-e-naa-gufta
magar zehn kaa aazaar banaa
dil kii diivaar banaa
raah-e-dushvaar banaa
qissa-e-shauq kii vaarafta kahaanii na banaa
hiila-e-vasl kii Gam-diida nishaanii na banaa
vaar hai manzil-e-goyaa.ii
sabhii jaante hai.n
harf-e-naa-gufta ke ye zaKHm magar mere hai.n
jin ko tanhaa.ii mirii
mujh se sivaa jaantii hai

Kishwar Naheed
Nazm

qaumi tarana

pyaaraa hindustaan hamaaraa pyaaraa hindostaan
jaan fidaa hai is par apnii dil is par qurbaan
mulk nahii.n ye hai jannat kaa dilkash ek makaan
pyaaraa hindustaan hamaaraa pyaaraa hindostaan
pyaare pyaare dariyaa is ke pyaarii pyaarii nahre.n
pyaare pyaare chashme is ke pyaarii pyaarii lahre.n
pyaare pyaare manzar pyaarii pyaarii is kii shaan
pyaaraa hindustaan hamaaraa pyaaraa hindustaan
pyaarii khetii-baa.Dii pyaarii pyaarii paidaavaar
pyaarii pyaarii aab-o-havaa hai pyaarii is kii bahaar
dil me.n hamaare rahtaa hai har vaqt isii kaa dhyaan
pyaaraa hindustaan hamaaraa pyaaraa hindustaan
pyaaraa pyaaraa din hai is kaa pyaarii pyaarii raat
pyaaraa shaam-o-sahar kaa jalva pyaarii har ik baat
pyaare pyaare nazzaaro.n kii pyaarii pyaarii kaan
pyaaraa hindustaan hamaaraa pyaaraa hindustaan
pyaare phal pyaarii tarkaarii pyaare is ke phuul
pyaare aam aur jaamun is ke pyaare niim babuul
pyaare Galle pyaare meve pyaare pyaare dhaan
pyaaraa hindustaan hamaaraa pyaaraa hindostaan
pyaarii garmii pyaarii sardii pyaarii har barsaat
pyaarii har har baat hai is kii pyaarii har har ghaat
pyaarii hai har ik adaa pyaaraa har ek nishaan
pyaaraa hindustaan hamaaraa pyaaraa hindustaan
'iqbaal' aur 'tagore' se shaa.ir p-c-re se faazil
v-c-raaman shaah sulaimaa.n j-c-bos se kaamil
'gaa.ndhii' aur 'jinnaah' se leader 'zaakir' se vidvaan
pyaaraa hindustaan hamaaraa pyaaraa hindustaan
'jauhar' 'ansaarii' 'ajmal' 'aazaad' 'javaahar-laal'
'daadaa-bhaa.ii' 'daas' 'tilak' 'gokhel' se nek-KHisaal

Mohammad Shafiuddin Nayyar
Nazm

bol anmol

apnaa paikar apnaa saaya kaale kos kaThin
duurii kii jab sa.ngat TuuTii ko.ii qariib na thaa

Majeed Amjad
Nazm

janm din

pichhle pai.ntaaliis ka.De koso.n me.n kyaa kyaa mo.D aa.e hai.n
har chauraahaa
kyaa kyaa vahm-o-gumaa.n laayaa hai
kyaa aavaaze.n
kaano.n ke pardo.n ko aksar chhed ga.ii hai.n
kyaa kyaa manzar
dhund bharii aa.nkho.n ne dekhe
kaisii zarbe.n zehn ne khaa.ii.n
kitne kos abhii chalnaa hai
kyaa chauraahe kaisii choTe.n
vahm-o-gumaa.n aavaaze.n manzar
meraa rasta dekhe rahe hai.n
un ko ginnaa un kii fikr me.n Duube rahnaa laa-haasil hai
aslii baat bas itnii sii hai
KHatm-e-safar tak
apnii laash ko kaa.ndhaa dene kii taufiiq nahii.n hai mujh me.n
aur is se bachne kii ko.ii suurat nahii.n hai

Balraj Komal
Nazm

do bund pani

kyaa merii aa.nkho.n me.n sannaaTaa hai
nahii.n barf-baarii ho rahii hai
log mujh se KHauf khaane lage hai.n jaise murde se
kyaa mujh se kaafuur kii buu aatii hai
nahii.n to merii saa.nso.n me.n saavan kaa abas aur amaltaas kii garmii hai
aur saa.nso aur aa.nkho.n ke darmiyaan
faasla ziyaada nahii.n
phir bhii bahut hai
is liye ki KHatm ho jaa.e to strugle hii KHatm ho jaa.e
zindagii ko jaarii to rakhnaa hai intiqaam
raat bahut pa.Dii hai alaav jaltaa rahe to achchhaa hai
jaanvar dhu.e.n se KHauf khaate hai.n
aur insaan raakh se
aag meraa suhaag hai
aashiqo.n ke dilo.n par haa.n nahii.n hote ki maa.ng nikaal kar aag bhar dii jaa.e
is liye un ke dil phaT jaate hai.n
aag andar utar jaatii hai
uupar barf girtii rahtii hai
kapaas ke phuulo.n par moharram kaa mausam hai yaa-husainaa vaa-husainaa
kapaas dhunkii hu.ii aasmaa.n kii chhaatii se barastii hai
ThanDii Thaar palke.n bhii nahii.n jhapaktii.n
palko.n kii jhaalare.n safed ho jaatii hai.n barf ban kar un me.n aTii rahtii hai
aur andar baraamde KHaalii ho jaate hai.n session mag jaataa hai
la.Dkii naaKHun kaaTtii hai to chaa.nd us kii hathelii par utar aataa hai
tumhaaraa duulhaa bahut KHuub-suurat hogaa
dono.n hatheliyaa.n jo.Do to bhalaa
chaa.nd to puuraa ho gayaa magar raushnii haatho.n me.n band nahii.n ho sakii
phail ga.ii hatheliyo.n me.n chhed the
scientific sii baat hai
aag amiir suhaag sab la.Dkiyo.n ke dilo.n me.n nahii.n jaltii is liye ki sab
la.Dkiyaa.n aashiq nahii.n hotii.n
mahbuubaa.e.n hotii hai.n
aur un kii aa.nkho.n ke baraamde KHvaan se saje rahte hai.n
barf-baarii un ke liye session hai mere liye mausam apne mashriq ma.ano.n ke saath
suuraj tuluu.a hotaa hai
barf-baarii aur bulandiyo.n par cha.Dh ga.ii
jaanvar maidaano.n me.n nikal aa.e palke.n KHaana-ba-dosh ho ga.ii.n
apnaa saavan uThaa.e uThaa.e
ghaaT ghaaT do band paanii islaam-aabaad me.n na raajasthaan me.n
barf kii nahr nikaalii jaa.egii
aur mahbuubaa.e.n aag ke bistar par leT kar miiThii barf ke gole chuuse.ngii
abhii un kii umr hii kyaa hai
abhii to ye log small-chickens-of-snakes paaltii hai.n
maathe par kunDal Daaltii hai.n
chaahe jaane ke liye
lambii sunahrii kaar aur
do buu.nd paanii
na barfistaan me.n na aatish-daan me.n
la.Dkii kii jins tabdiil ho rahii hai
la.Dkii kaa duulhaa do buu.nd paanii kii KHaatir havaa ho gayaa
la.Dkii scare-crow ho ga.ii shaayad duulhaa ke bhaa.iyo.n ke kheto.n me.n
achchhaa hai dar-badarii hone se to bach rahii
bach rahii to use bachaane
us kaa duulhaa zaruur aa.egaa

Nasreen Anjum Sethi
Nazm

diwar-e-chin

kahaa.n se phailaa hu.aa hai ye silsila kahaa.n tak
guzar gayaa sail himmato.n kaa
banaa ke ye kos kos sadiyo.n kii rahguzar sii
pahaa.D chillaa cha.Dhii kamaano.n se tiir phe.nke.n
to aasmaa.n gir pa.De zamii.n par
ravaa.n-davaa.n vaqt ke bahaa.o me.n
ek lambii daraa.D jaise pa.Dii hu.ii hai
aziim diivaar sar uThaa.e kha.Dii hu.ii hai
jhuke hu.e aasmaan ke niiche
jo is sahiife ko aks-dar-aks baa.nTtaa hai
ye razmiya jo lahuu kii shaffaaf raushnii se
likhaa gayaa hai
zamii.n pe chi.ngaariyaa.n u.Daate hu.e vo aa.e
jo baazu.o.n se bulandiyo.n kaa KHiraaj
lete rahe
shikam ko anaaj de kar
mashaqqate.n jin kii baa.ndiyaa.n thii.n
lahuu ke namkiin zaa.iqe
raqs karte rahte the
jin ke ho.nTo.n ke aastaa.n par
ka.Daktii aavaaz jabr ke chaabuko.n kii bijlii
inhii pahaa.Do.n pe kau.ndtii thii
yahii.n pe mehnat ke naqsh-gar ne
lahuu ke paanii me.n sang guu.ndhe
sadaa-e-tiisha uThii to koho.n se phuuT niklii.n
baqaa kii nahre.n
zamii.n ko us kii bulandiyo.n kii taraf uThaayaa
ufuq ko baa.ndhaa ufuq se us ne
qadiim quvvat ke raKHsh ne das hazaar lii masaafato.n me.n
fanaa ke taataariyo.n ke lashkar ko maat de dii
yahii.n pe mehnat ke naqsh-gar ne
silo.n ko pahnaa diye salaasil
baTe hu.e KHudgiraft qilo.n kii baa.D to.Dii
isii ne koho.n ke sar pe gaa.Dhaa
haziimato.n nusrato.n kaa parcham
kushuud kar ke jise u.Daayaa
ka.ii zamaano.n ke vaariso.n ne
jo u.D rahaa hai
nasheb ko aasmaa.n kii jaanib u.Daa rahaa hai
jo kal ko kal se milaa rahaa hai

Aftab Iqbal Shamim
Nazm

hum zat se hum kalami aur firaq

ruKHsat ke ruKHsaaro.n par
aa.nsuu ban kar girte
lamhe ke haatho.n me.n
apne hone kaa aa.iina de
mai.n us kaa.nch badan se
be-naam andesho.n kaa
za.ngaar khurach Daaluu.n
aur ujle paanii me.n dekh sakuu.n
Hijr-nagar ke tapte suuraj ke niiche
umr safar kaa sahraa kitne kos pa.Daa hai

Saeed Ahmad
Nazm

aaKHiri kos

aaKHirii kos mujhe aaj hii tai karnaa hai
aur is lambe safar kaa ye ka.Daa kos mujhe
is qadar lambaa ba.Dhaanaa hai ki ab se pahle
jo bhii kuchh guzraa hai maazii me.n use phir ik baar
haazir-o-naazir-o-maujuud saa mai.n jhel sakuu.n
arsa-e-Gaa.ib-o-ma.aduum se is lamhe tak
vaadiyaa.n jharne charaagaahe.n maveshii panchhii
khet khaliyaan chhapar-khaT mire ghar kaa daalaan
gaa.nv kii galiyaa.n makaa.n log dukaane.n baazaar
aur phir shahr kii sa.Dke.n baso.n caro.n kaa shor
umr ba.Dhtii hu.ii bachpan se la.Dakpan kii taraf
aur la.Dakpan kii vo naa-puKHta buluuGat jis me.n
mujh ko ehsaas hu.aa thaa ki ko.ii aur bhii hai
zindagii saarii jise saath mire chalnaa hai
kaisaa shoriida-sar tuufaan thaa tuGyaanii thii
jis ne ik baavle insaan ko be-rahmii se
duur anjaane se pardes me.n laa paTKHaa thaa
aur phir paa-ba-rikaab aage hii aage kii taraf
sar pe saamaan uThaa.e hu.e banjaaro.n saa
DanDii pagDanDii sa.Dak naql-o-hamal harkat-o-kuuch
kaisii aayand-vuruud thii ye muhim jo hijrat
jis me.n siimaab qadam chaltaa rahaa huu.n barso.n

Satyapal Anand
Nazm

abhi waqt hai lauT jao

suno kasrat-e-KHaak me.n basne vaalo
suno tausan-e-barq-raftaar par kaThiyaa.n kasne vaalo
ye phir kaun se ma.arke kaa iraada
tumhaarii naso.n me.n ye kis KHvaab-e-faateh kaa phir baab-e-vahshat khulaa hai
fasiilo.n pe ik parcham-e-KHuu.n-chakaa.n gaa.D dene kii niyyat
ka.ii laakh maftuuh jismo.n ko phir haalat-e-siina-kuubii me.n rote hu.e dekhne kii tamannaa
ye kis aab-e-diivaangii se badan kaa subuu bhar rahe ho
suno tum ba.Dii bad-numaa raat kii dhund me.n faisla kar rahe ho
udhar sai.nka.Do.n kos par ik pahaa.Dii hai jis par ko.ii shai nahii.n hai
vahaa.n har taraf se tumhe.n aag ke Gol ghere me.n lene kii KHaatir kha.De hai.n
abhii vaqt hai luuT jaa.o
suno ujlat-e-fikr me.n ko.ii bhii kaam anjaam paataa nahii.n
phir kisii saa.at-e-shab-girafta me.n ko.ii sitaaraa bulaataa nahii.n

Rafiq Sandelvi
Nazm

safar hi aadarsh ka safar hai

aaj bhii raat sone se pahle
mere beTe ne mujh se kahaa mai.n use ko.ii achchhii kahaanii sunaa.uu.n
to mai.n ne use ek dilkash jaziire me.n achchhe guzarte dino.n kii kahaanii sunaa.ii
jo mujh se mire baap ne ye kahii aur is ne viraasat me.n is daastaan ko sunaa
ham ne bachpan me.n sar-sabz-o-shaadaab niile jaziire me.n pariyo.n phalo.n aur phuulo.n
chahaktii hu.ii bulbulo.n kii kahaanii sunii thii
jaziira samundar kii aazaad lahre.n jahaa.n naachtii hai.n
jahaa.n aman hii aman hai chiin hii chiin hai
har nayaa din bashaarat kii baaraat ban kar utartaa hai
meraa beTaa jo soyaa hu.aa hai kahii.n titliyo.n ke ta.aaqub me.n bechain hai
ham sabhii aa.nkh muu.nde hu.e titliyo.n ke tukka kab be bechain hai.n
ki shaayad a.ndhere me.n lipTe hu.e sabz baaGo.n ke qisse ye niilaa jaziira
kitaabo.n me.n daanish kii har lauh par Gair mafhuum alfaaz hai.n
ka.ii manchale manchalo.n ke giroh is jaziire ke lambe safar par ga.e aur palaT kar na aa.e
meraa beTaa jo soyaa hu.aa titliyo.n ke tukka kab be bechain hai
mai.n use bhii safar par gayaa aur palaT kar na aataa hu.aa dekhtaa huu.n
ham ne sadiyo.n se paa.nv ko haatho.n ko siino.n ko be-dard meKHo.n se chhalnii kiyaa
aur lahuu kii tarah surKH lohe se apnii zabaano.n ko daaGaa
magar vo jaziira pahaa.Do.n kii jaanib safar thaa
ki chalte to vo duur hii duur jaataa
Thaharte to jaise vo nazdiik aataa
yuu.nhii nasl dar nasl ham ne a.ndhere me.n lipTe hu.e in jaziiro.n kii baate.n kahii.n
aur un jhuuT kii jhaalro.n haashiyo.n ko uThaa.e rakkhaa
nasl-dar-nasl ham qaafila qaafila bail ka.ndhe badalte hasii.n jhuuT kii ye saliibe.n uThaate rahe
mai.n ki jaamid zehaanat kaa qaa.il nahii.n
ham ne apne se pahluu.n ke ilm o faraasat kii tashriih o taaviil me.n apnii rag rag se
saarii zehaanat ko Gaarat kiyaa
ham ne apne buzurgo.n kii KHiffat miTaane chhupaane kii KHaatir lahuu momyaa.ii kiyaa
kisii ne kahaa vo jaziira samundar ke is paar hai
aur ham nasl-dar-nasl Duubii hu.ii kashtiyaa.n ban ga.e
kisii ne kahaa vo jaziira ufuq se pare aaKHirii faasle ke dho.e.n me.n chhupaa hai
aur ham qahr sahraa me.n baaraat bardaar TuuTaa hu.aa qaafila ban ga.e
magar vo jaziira ajab daldalo.n kaa safar hai
ki sau kos jaa.e.n to jaise faqat do qadam hii chale hai.n
magar vo jaziira pahaa.Do.n kii jaanib safar hai
ki jaa.e.n to vo duur hii duur jaa.e
jo Thahre.n to jaise vo nazdiik aa.e

Suroor Kamran
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now