Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "da.ave-daar"

Nazm MATCHES FOR "da.ave-daar"

Nazm

shahr-nama

ko.ii fikrmand kulaah kaa
ko.ii da.ave-daar qabaa kaa hai
vahii ahl-e-dil bhii hai.n zeb-tan
jo libaas ahl-e-riyaa kaa hai

Ahmad Faraz
Nazm

intizar

aasmaa.n par nikal rahaa mahtaab
din ke daftar pe lag rahaa taalaa
gho.nslo.n ko parinde lauT rahe
ziina ziina a.ndheraa ba.Dhtaa hu.aa
aur mai.n huu.n qataar me.n ab tak
bijlii paanii
na rozgaar ko.ii
ghar kaa raashan na ko.ii da.ave-daar
ahd-dar-ahd
paar kartaa hu.aa
vaadii-e-dard se guzartaa hu.aa
batn se vaalida kii hote hu.e
kokh me.n aa gayaa huu.n beTii kii
ai KHudaa
meraa janm kab hogaa

V. Sudhakar Rao
Nazm

husn-e-amal

aa.o apne dil me.n dard-e-laa-davaa paidaa kare.n
shiddat-e-Gam me.n masarrat kaa mazaa paidaa kare.n

Mansha ur Rahman Khan Mansha
Nazm

barf ka aadmi

kuchh baras us paar kaa qissa hai
dosto.n kii bazm me.n ik din ba.De daa’ve
se mai.n ne kah diyaa thaa
dar-asl vo andar se be-tartiib hote hai.n
TuuTe phuuTe hote hai.n
apne gharo.n me.n jo har ik shai ko saliiqe se sajaa rakhte hai.n
shikasta chiiz ho ko.ii
fauran uThaa kar phe.nk dete hai.n
aur aaj mai.n mahsuus kartaa huu.n
idhar kuchh din se mujh me.n bhii
chiizo.n ko saliiqe se sajaa.e rakhne kii tahriik paidaa ho rahii hai

Jabbar Jameel
Nazm

yaum-e-yaadgar-e-sir-sayyad dar-dakan

jo sham.a-e-ilm-e-maGrib sayyad ne keii thii raushan
bikhrii hu.ii hai.n jis keii kirne.n har anjuman me.n
us sham-e-ilm-o-fan keii kuchh muntashir shu.aa.e.n
yaaraan-e-bazm tum ho us gosha-e-dakan me.n
lekin ye shab rakkho sachchii shu.aa vo hai
aa.nkho.n kaa nuur ban kar phaile jo mard-o-zan me.n
jo sham.a se nikal kar duniyaa ko jagmagaa de
jo ruuh-e-taaza phuu.nke har paikar-e-kuhan me.n
maahaul ke asar se aa.e na farq laazim
gulzaar keii kiran aur kohsaar keii kiran me.n
aur ye nahii.n to phir tum miTTii kaa vo diyaa ho
afsurda nuur jis kaa mahduud ho lagan me.n
'sayyad' ne nisbato.n ke da.ave to sach hai.n lekin
ik pahluu-e-amal bhii darkaar hai suKHan me.n

Fani Badayuni
Nazm

tulu-e-ishtirakiyat

shaahii darbaaro.n ke dar se faujii pahre KHatm hu.e hai.n
zaatii jaagiiro.n ke haq aur mohmal da.ave KHatm hu.e hai.n

Sahir Ludhianvi
Nazm

tark-e-wada ki tark-e-KHwab tha wo

us taraf ab ruKH-e-ta.alluq hai
jahaa.n suud-o-ziyaan-e-zaat nahii.n
Dar nahii.n nii.nd TuuT jaane kaa
paas-e-va.ada kii ehtiyaat nahii.n
mujh ko jis baat se mukarnaa thaa
us ke da.ave me.n ab vo baat nahii.n
bhar chukaa jaam-e-shart-e-vasl jise
sub.h tak, aa.nsu.o.n se bharnaa thaa
tark-e-va.ada ki tark-e-KHvaab thaa vo
kaam sab ho chukaa jo karnaa thaa

Akhtar Husain Jafri
Nazm

aaj TuTa hai bharosa mera

yuu.n to pahle bhii mire vaaste kab
kaun sii raat thii jab dard kii sauGaat na thii
yaad
taKH.iil kii pechiida surango.n se guzar kar har shab
yuu.nhii haule se
dabe paa.nv chalii aatii thii
aur so.e hu.e zaKHmo.n ko jagaa kar mere
merii hastii ke dar-o-baam hilaa jaatii thii
aaj phir dard kaa tuufaan hai shab hai mai.n huu.n
aur mai.n KHud ko a.ndhero.n me.n ghiraa paataa huu.n
mai.n ki apne ko sameTuu.n jitnaa
aaj kii shab hai ki bikhraa hii chalaa jaataa huu.n
ek muddat hu.ii TuuTaa thaa miraa dil so ko.ii baat na thii
aaj TuuTaa hai bharosa meraa

Dr. Abdullah
Nazm

race ka ghoDa

jaane kitno.n ne mujh par vishvaas kiyaa aur daav lagaa.e
baazii jiite
jashn manaa.e
kitne jockey merii piiTh pe baiTh ke
mujh ko e.D lagaa ke
tez bhagaa ke
avval aa.e
meDal jiite tamGe paa.e

Dr. Abdullah
Nazm

bewa ki jawani

bechaarii ke aaraam kii suurat hii kahaa.n hai
beva kii javaanii bhii ajab aafat-e-jaa.n hai
mumkin hai ki piirii me.n sukuu.n paa sake varna
jab tak vo javaa.n hai Gam-e-shauhar bhii javaa.n hai
mamtaa se hai majbuur ki aulaad kii KHaatir
jiitii hai magar jiinaa ba-har-ra.ng garaa.n hai
KHuu.n-gashtagii-e-dil kii davaa ho nahii.n saktii
kyaa KHaak thame KHuu.n ki jo aa.nkho.n se ravaa.n hai
be-laus mohabbat kaa sila daa.imii furqat
ai saahab-e-insaaf ye insaaf kahaa.n hai
dil TuuT to saktaa hai magar ju.D nahii.n saktaa
ab ye bhii ajab silsila shiisha-garaa.n hai
fariyaad kare bhii to kare kis se ki aaKHir
fariyaad kii qiimat na yahaa.n hai na vahaa.n hai
ye malgajii chaadar ye labaada shikan-aaluud
allaah na kare tuu kahii.n beva to nahii.n hai
bhar aa.ii hu.ii aa.nkho.n me.n Thahre hu.e aa.nsuu
ye niichii nazar vaajib-e-sajda to nahii.n hai
is dard-e-mujassam ko bhii to ghuur rahaa hai
sho.ala kahii.n dozaKH kaa iraada to nahii.n hai
manzil kaa nishaa.n kho ga.e gum-karda-rahii se
ye raasta firdaus kaa jaada to nahii.n hai

Davarka Das Shola
Nazm

ek intihai ghair-jazbaati report

gahre gahre ga.Dhe hai.n aur ga.Dho.n
me.n
galtaa hu.aa insaanii maas hai bachaa-khuchaa
aur chaaro.n jaanib
ii.nTe.n patthar sariyaa TuuTe hu.e
darvaaze khi.Dkiyaa.n kuttaa billii chiil
aur Dare Dare kuchh log
udhar udhar se jhaa.nkte hai.n
udhar udhar chhup jaate hai.n
bam girtaa hai

Jawayd Anwar
Nazm

shaeri pura mard aur puri aurat mangti hai

tum ko kyaa ma.aluum mohabbat kyaa hotii hai
tum ko kyaa ma.aluum judaa.ii kii shab kaise kaTtii hai
aur din kitne viiraa.n hote hai.n
tum ko kyaa hai
tum to apnii biiviyo.n se bhii
Dare Dare
sharminda sharminda ham-bistarii karte ho
tum ko kyaa ma.aluum hai
shaa.erii
puuraa mard aur puurii aurat maa.ngtii hai

Hasan Abbas Raza
Nazm

shisha ka aadmi

uThaa.o haath ki dast-e-du.aa buland kare.n
hamaarii umar kaa ik aur din tamaam hu.aa
KHudaa kaa shukr bajaa laa.e.n aaj ke din bhii
na ko.ii vaaqi.a guzraa na aisaa kaam hu.aa
zabaa.n se kalma-e-haq-raast kuchh kahaa jaataa
zamiir jaagtaa aur apnaa imtihaa.n hotaa
KHudaa kaa shukr bajaa laa.e.n aaj kaa din bhii
usii tarah se kaTaa mu.nh-a.ndhere uTh baiThe
pyaalii chaa.e kii pii KHabre.n dekhii.n naashta par
subuut baiThe basiirat kaa apnii dete rahe
ba-KHair o KHuubii palaT aa.e jaise shaam hu.ii
aur agle roz kaa mauhuum KHauf dil me.n liye
Dare Dare se zaraa baal pa.D na jaa.e kahii.n
liye diye yuu.nhii bistar me.n jaa ke leT ga.e

Akhtarul Iman
Nazm

asas

hamaare andar
bahut sii qadre.n bahut se ehsaas mushtarak hai.n
azal hamaaraa likhaa gayaa KHaak kii sadaa se
vajuud aab-e-ravaa.n kaa paikar
havaa se hai rishta-e-sadaaqat
hai aag se KHuun me.n tamaazat
na tum mukammal na ham mukammal
adhuure tum bhii adhuure ham bhii
kabhii yaqii.n hai.n kabhii gumaa.n hai.n
kahii.n zabaa.n hai.n kahii.n bayaa.n hai.n
shikasta lamho.n ke paasbaa.n hai.n
bujhe bujhe se Dare Dare se
gunaah saa.nso.n me.n paalte hai.n
zamii.n pe paanii uchhaalte hai.n
sukuun ehsaas kii talab me.n
kha.De hai.n sahraa-e-roz-o-shab me.n
hai.n ek jaisii hamaarii KHushiyaa.n hamaare aa.nsuu
hamaarii rangat hamaarii KHushbuu
hamaarii tah me.n hai.n ek jaise ka.ii shu.uur-e-nazar ke pahluu

Naseer Parwaz
Nazm

wo pal

agar vo pal mujhe ik baar mil jaa.e to mai.n puuchhuu.n
ki ye saudaa mire sar me.n samaayaa kis liye tuu ne
ye dard-e-laa-davaa dil me.n jagaayaa kis liye tuu ne
KHirad idraak aql-o-fahm sab begaar ho.n jaise
faraasat duur-biinii aagahii bekaar ho.n jaise
havaale isti.aare mashvare dushvaar ho.n jaise
dalaa.el falsafe mantiq zehn par baar ho.n jaise
basiirat hoshiyaarii ilm sab KHaamosh tasviire.n
na ko.ii mashvara achchhaa na daanish-mand tadbiire.n
musalsal be-kalii diivaangii hai KHud-faraamoshii
faqat ik be-KHudii aaTho.n pahar pur-kaif mad-hoshii
nazar har shakl me.n Dhuu.nDe usii dildaar kii suurat
har ik aavaaz jaise saahab-e-aavaaz kii muurat
samaa.at par nazar par soch par aaseb chhaayaa hai
har aahaT par tamannaa puuchhtii hai kaun aayaa hai

Salman Ansari
Nazm

aas-mahal

ek ruu-pahlii sii choTii par
jagmag jagmag jaag rahaa hai aas-mahal
uu.nchii uu.nchii ra.ng-ra.ngiilii diivaare.n hai.n
chaaro.n jaanib har patthar par
maanii aur bahzaad se ba.Dh kar
na.e anokhe naqsh bane hai.n
diivaare.n hai.n kitnii anokhii
jin me.n laakho.n taaq bane hai.n
in taaqo.n me.n merii aa.nkhe.n
larzaa.n larzaa.n diipak ban kar
har-dam jaltii rahtii hai.n
aur ye mere nirmal aa.nsuu
Dare Dare se sahme sahme chehre ban kar
jaane kis ko jhaa.nkte hai.n aur chhup jaate hai.n
ba.De ba.De aaseb-zada in kamro.n me.n
bhuulii-bisrii yaade.n us kii
dabe dabe paa.nv chaltii hai.n
jin kii aahaT ruuh ke suune daalaano.n tak
chiiKHe.n ban kar aatii hai
jaane kab se aas-mahal se
mai.n aa.nkhe.n aur aa.nsuu ban kar
viiraa.n viiraa.n suunaa suunaa
andhaa rasta dekh rahaa huu.n

Rashid Hasan Rana
Nazm

nazr-e-mirza-ghaalib

vo Gaalib kal bhii thaa aur aaj bhii kal bhii vahii Gaalib
nahii.n hai hone vaalaa duusraa ab ko.ii bhii 'Gaalib'
vo kal kii shaa'irii ho aaj kii ho yaa kabhii kii ho
hai Gaalib har zamaane me.n tumhaarii shaa'irii 'Gaalib'
tumhaare she'r me.n mafhuum-o-maa’nii kaa jahaa.n pinhaa.n
hai bahr-e-bekaraa.n sach-much tumhaarii guftanii 'Gaalib'
ko.ii bhii she'r fitrat se alag ho kar nahii.n likkhaa
haqiiqat par tumhaarii shaa'irii mabnii rahii 'Gaalib'
tumhaarii gul-fishaanii thii KHizaa.n ke daur me.n jaarii
kaTii kitnii musiibat me.n tumhaarii zindagii Gaalib
ka.ii beTo.n kii pai-dar-pai judaa.ii bhii sahii tum ne
tumhaare sabr-o-zabt-e-nafs ke qaa.il sabhii Gaalib
tumhaaraa lahja bhii andaaz bhii usluub bhii be-misl
tumhaarii jaisii mai.n Dhuu.nDuu.n kahaa.n se shaa'irii 'Gaalib'
lataafat kaa fasaahat kaa balaaGat kaa hai tuu muujid
tuu lafzo.n kaa ishaaro.n kaa kinaayo.n kaa dhanii 'Gaalib'
davaa-e-dard-e-dil ke tum na minnat-kash hu.e chuu.nki
tumhaare 'ishq me.n tum par rahii apnii KHudii Gaalib
hai fariyaadii tumhaaraa naqsh har fariyaad par bhaarii
sadaa.o.n par tumhaarii hai sadaa-e-daa.imii 'Gaalib'
mare but-KHaana me.n to gaa.Do kaa'be me.n barahman ko
junuun-e-'ishq aisaa kaun ab paa.e kabhii 'Gaalib'
tumhaarii shaa'irii kii dhuum hai saare zamaane me.n
bahaadur shaah kii mahfil me.n bhii sab par rahii Gaalib
hai.n baalaa-tar tumhaare she'r kitne 'aam zehno.n se
magar hotii rahii alfaaz kii jaaduugarii Gaalib
tumhaarii nazro.n se ko.ii na suurat bach sakii 'Gaalib'
tumhaare zauq kii vijdaanii-o-nudrat kaa kyaa kahnaa
ki zaKHmo.n ke namak palko.n se chunte the kabhii 'Gaalib'
uThaayaa sang thaa to kyo.n nahii.n phe.nkaa thaa majnuu.n par
la.Dakpan hii se tum par fikr kyo.n sar kii rahii 'Gaalib'
na chhuuTii mai kabhii chakkar na kuu-e-yaar kaa chhuuTaa
magar chhuuTaa nahii.n haatho.n se daamaan-e-KHudii 'Gaalib'
hazaaro.n shaa'iro.n ne kitne diivaan apne chhapvaa.e
magar ik dhaak bas diivaan-e-'Gaalib' kii rahii Gaalib
tasavvur aaj 'Gaalib' kaa 'hasan' ke zehn par Gaalib
ba-naam-e-mirzaa-'Gaalib' sab pe ye mahfil hu.ii Gaalib

Hasan Nawab Hasan
Nazm

munajat-e-bewa

(1)
ai sab se avval aur aaKHir
jahaa.n-tahaa.n, haazir aur naazir
ai sab daanaa.o.n se daanaa
saare tavaanaa.o.n se tavaanaa
ai baalaa, har baalaa-tar se
chaa.nd se suuraj se ambar se
ai samjhe buujhe bin suujhe
jaane-pahchaane bin buujhe
sab se anokhe sab se niraale
aa.nkh se ojhal dil ke ujaale
ai andho.n kii aa.nkh ke taare
ai la.ng.De luulo.n ke sahaare
naatiyo.n se chhoTo.n ke naatii
saathiyo.n se bichh.Do.n ke saathii
naav jahaa.n kii khene vaale
dukh me.n tasallii dene vaale
jab ab tab tujh saa nahii.n ko.ii
tujh se hai.n sab tujh saa nahii.n ko.ii
jot hai terii jal aur thal me.n
baas hai terii phuul aur phal me.n
har dil me.n hai teraa baseraa
tuu paas aur ghar duur hai teraa
raah tirii dushvaar aur suk.Dii
naam tiraa rah-giir kii lak.Dii
tuu hai Thikaanaa miskiino.n kaa
tuu hai sahaaraa Gamgiino.n kaa
tuu hai akelo.n kaa rakhvaalaa
tuu hai a.ndhere ghar kaa ujaalaa
laaguu achchhe aur bure kaa
KHvaahaa.n khoTe aur khare kaa
bed niraase biimaaro.n kaa
gaahak mande baazaaro.n kaa
soch me.n dil bahlaane vaale
biptaa me.n yaad aane vaale
(2)
ai be-vaaris gharo.n ke vaaris
be-baazuu be-paro.n ke vaaris
be-aaso.n kii aas hai tuu hii
jaagte sote paas hai tuu hii
bas vaale hai.n yaa be-bas hai.n
tuu nahii.n jin kaa vo be-kas hai.n
saathii jin kaa dhyaan hai teraa
dusraayat kii vahaa.n nahii.n parvaa
dil me.n hai jin ke terii ba.Daa.ii
ginte hai.n vo parbat ko raa.ii
bekas kaa Gam-KHvaar hai tuu hii
burii banii kaa yaar hai tuu hii
dukhiyaa dukhii yatiim aur beva
tere hii haath un sab kaa hai khevaa
tuu hii maraz de tuu hii davaa de
tuu hii davaa-daaruu me.n shifaa de
tuu hii pilaa.e zahr ke pyaale
tuu hii phir amrit zahr me.n Daale
tuu hii dilo.n me.n aag lagaa.e
tuu hii dilo.n kii lagii bujhaa.e
chumkaare chumkaar ke maare
maare maar ke phir chumkaare
pyaar kaa tere puuchhnaa kyaa hai
maar me.n bhii ik terii mazaa hai
(3)
ai rahmat aur haibat vaale
shafqat aur dabaaGat vaale
ai aTkal aur dhyaan se baahar
jaan se aur pahchaan se baahar
aql se ko.ii paa nahii.n saktaa
bhed tire hukmo.n me.n hai.n kyaa kyaa
ek ko tuu ne shaad kiyaa hai
ek ke dil ko daaG diyaa hai
us se na teraa pyaar kuchh aisaa
us se na tuu bezaar kuchh aisaa
har dam terii aan na.ii hai
jab dekho tab shaan na.ii hai
yahaa.n pachhu.aa hai vahaa.n purvaa hai
ghar ghar teraa hukm nayaa hai
phuul kahii.n kumlaa.e hu.e hai.n
aur kahii.n phal aa.e hu.e hai.n
khetii ek kii hai lahraatii
ek kaa har dam KHuun sukhaatii
ek pa.De hai.n dhan ko Dubo.e
ek hai.n gho.De bech ke so.e
ek ne jab se hosh sambhaalaa
ra.nj se us ko pa.Daa na paalaa
ek ne is janjaal me.n aa kar
chain na dekhaa aa.nkh uThaa kar
me.nh kahii.n daulat kaa hai barastaa
hai ko.ii paanii tak ko tarastaa
ek ko marne tak nahii.n dete
ek uktaa gayaa lete lete
haal Garaz duniyaa kaa yahii hai
Gam pahle aur baa'd KHushii hai
ra.nj kaa hai duniyaa ke gilaa kyaa
tohfa yahii le de ke hai yaa.n kaa
yahaa.n nahii.n bantii ranj sahe bin
ra.nj nahii.n sab ek se lekin
ek se yahaa.n ranj ek hai baalaa
ek se hai dard ek niraalaa
ghaav hai go naasuur kii suurat
par use kyaa naasuur se nisbat
tap vahii diq kii shakl hai lekin
diq nahii.n rahtii jaan liye bin
diq ho vo yaa naasuur ho kuchh ho
de na jo ab ummiid kisii ko
roz kaa Gam kyuu.n-kar sahe ko.ii
aas na jab baaqii rahe ko.ii
tuu hii kar insaaf ai mire maulaa
kaun hai jo be-aas hai jiitaa
go ki bahut bande hai.n pur-armaa.n
kam hai.n magar maayuus hai.n jo yaa.n
KHvaah dukhii hai KHvaah sukhii hai
jo hai ik ummiid us ko ba.ndhii hai
khetiyaa.n jin kii kha.Dii hai.n suukhii
aas vo baa.ndhe baiThe hai.n me.nh kii
ghaTaa jin kii asaa.Dii me.n hai
saavanii kii ummiid nahii.n hai
Duub chukii hai un kii agetii
detii hai Dhaaras un ko pachhetii
ek hai is ummiid pe jiitaa
ab hu.ii beTii ab hu.aa beTaa
ek ko jo aulaad milii hai
us ko uma.ng shaadiyo.n kii hai
ra.nj hai yaa qismat me.n KHushii hai
kuchh hai magar ik aas ba.ndhii hai
Gam nahii.n un ko Gamgii.n hai.n
jo dil naa-umiid nahii.n hai.n
kaal me.n kuchh saKHtii nahii.n aisii
kaal me.n hai jab aas samay.n kii
sahal hai maujo.n se chhuTkaaraa
jab ki nazar aataa hai kinaaraa
par nahii.n uTh saktii vo musiibat
aa.egii jis ke baa'd na raahat
shaad ho us rah-giir kaa kyaa dil?
mar ke kaTegii jis kii manzil
un uj.Do.n ko kal pa.De kyuu.n-kar
ghar na basegaa jin kaa janam bhar
un bichh.Do.n kaa kyaa hai Thikaanaa?
jin ko na milne degaa zamaana
ab ye balaa Taltii nahii.n Taalii
mujh pe hai jo taqdiir ne Daalii
aa.ii.n bahut duniyaa me.n bahaare.n
aish kii ghar ghar pa.Dii.n pukaare.n
pa.De bahut baaGo.n me.n jhuule
Dhaak bahut jangal me.n phuule
ga.ii.n aur aa.e.n chaa.ndnii raate.n
barsii.n khulii.n bahut barsaate.n
par na khilii hargiz na khilegii
vo jo kalii murjhaa.ii thii dil kii
aas hii kaa bas naam hai duniyaa
jab na rahii yahii to rahaa kyaa?
aise bidesii kaa nahii.n Gam kuchh
jis ko na ho milne kii qasam kuchh
ronaa un ban-baasiyo.n kaa hai
des nikaalaa jin ko milaa hai
hukm se tere par nahii.n chaara
ka.Dvii miiThii sab hai gavaaraa
zor hai kyaa patte kaa havaa par
chaahe jidhar le jaa.e u.Daa kar
tinkaa ik aur saat samundar
jaa.e kahaa.n maujo.n se nikal kar
qismat hii me.n jab thii judaa.ii
phir Taltii kis tarah ye aa.ii?
aaj kii big.Dii ho to bane bhii
azal kii big.Dii KHaak banegii
tuu jo chaahe vo nahii.n Taltaa
bande kaa yaa.n bas nahii.n chaltaa
maare aur na de tuu rone
thapke aur na de tuu sone
Thahre ban aatii hai na bhaage
terii zabardastii ke aage
tujh se kahii.n gar bhaagnaa chaahe.n
band hai.n chaaro.n khuu.nT kii raahe.n
tuu maare aur KHvaah navaaze
pa.Dii hu.ii huu.n mai.n tere darvaaze
tujh ko apnaa jaantii huu.n mai.n
tujh se nahii.n to kis se kahuu.n mai.n
maa.n hii sadaa bachche ko maare
aur bachcha maa.n maa.n hii pukaare
(4)
ai mire zor aur qudrat vaale
hikmat aur hukuumat vaale
mai.n lau.nDii terii dukhyaare
darvaaze kii terii bhikaarii
maut kii KHvaahaa.n jaan kii dushman
jaan apnii hai aap ajiiran
apne paraa.e kii dhutkaarii
maike aur sasuraal pe bhaarii
sah ke bahut aazaar chalii huu.n
duniyaa se bezaar chalii huu.n
dil par mere daaG hai.n jitne
mu.nh me.n bol nahii.n hai.n utne
dukh dil kaa kuchh kah nahii.n saktii
is ke sivaa kuchh kah nahii.n saktii
tujh pe hai raushan sab dukh dil kaa
tujh se haqiiqat apnii kahuu.n kyaa
byaah ke dam paa.ii thii na lene
lene ke yaa.n pa.D ga.e dene
KHushii me.n bhii dukh saath na aayaa
Gam ke sivaa kuchh haat na aayaa
ek KHushii ne Gam ye dikhaa.e
ek ha.nsii ne gul hii khilaa.e
kaisaa thaa ye byaah ninaavaa.n
juu.nhii pa.Daa is kaa parchaavaa.n
chain se rahne diyaa na jii ko
kar diyaa maliyaameT KHushii ko
ro nahii.n saktii ta.ng huu.n yaa.n tak
aur ro.uu.n to ro.uu.n kahaa.n tak
ha.ns ha.ns dil bahlaa.uu.n kyuu.n-kar
oso.n pyaas bujhaa.uu.n kyuu.n-kar
ek kaa kuchh jiinaa nahii.n hotaa
ek na ha.nstaa bhalaa na rotaa
leTe gar sone ke bahaane
paa.entii kal hai aur na sirhaane
jaagiye to bhii ban nahii.n pa.Dtii
jaagne kii aaKHir ko.ii had bhii
ab kal ham ko pa.Degii mar kar
gor hai suunii sej se behtar
baat se nafrat kaam se vahshat
TuuTii aas aur bujhii tabii.at
aabaadii jangal kaa namuuna
duniyaa suunii aur ghar suunaa
din hai bhayaanak aur raat Daraanii
yuu.n guzrii saarii ye javaanii
bahne.n aur bahneliyaa.n merii
saath kii jo thii.n kheliyaa.n merii
mil na sakii.n jii khol ke mujh se
KHush na hu.ii.n ha.ns bol ke mujh se
jab aa.ii.n ro-dho ke ga.ii.n vo
jab ga.ii.n be-kal ho ke ga.ii.n vo
ko.ii nahii.n dil kaa bahlaavaa
aa nahii.n chuktaa meraa bulaavaa
aaTh pahar kaa hai ye julaapaa
kaaTuu.ngii kis tarah ra.nDaapaa
thak ga.ii dukh sahte sahte
tham ga.e aa.nsuu bahte bahte
aag khulii dil kii na kisii par
ghul ga.ii jaan andar hii andar
dekh ke chup jaanaa na kisii ne
jaan ko phuu.nkaa dil kii lagii ne
dabii thii bhobhal me.n chi.ngaarii
lii na kisii ne KHabar hamaarii
qaum me.n vo KHushiyaa.n biyaaho.n kii
shahr me.n vo dho.e.n saaho.n kii
tyauhaaro.n kaa aa.e din aanaa
aur sab kaa tyauhaar manaanaa
vo chait aur phaagun kii havaa.e.n
vo saavan bhaado.n kii ghaTaa.e.n
vo garmii kii chaa.ndnii raate.n
vo armaan bharii barsaate.n
kis se kahuu.n kis taur se kaaTe.n
KHair kaTe.n jis taur se kaaTe.n
chaav ke aur KHushiyo.n ke samay sab
aate hai.n KHush kal jaan ko ho jab
ra.nj me.n hai.n saamaan KHushii ke
aur jalaane vaale hii ke
ghar barkhaa aur piyaa bidesii
aa.iyo barkhaa kahii.n na aisii
din ye javaanii ke kaTe aise
baaG me.n panchhii qaid ho jaise
rut ga.ii saarii sar Takraate
u.D na sake par hote saare
kisii ne hogii kuchh kal paa.ii
mujhe to shaadii raas na aa.ii
aas ba.ndhii lekin na milaa kuchh
phuul aayaa aur phal na lagaa kuchh
rah gayaa de kar chaa.nd dikhaa.ii
chaa.nd hu.aa par iid na aa.ii
phal kii KHaatir barchhii khaa.ii
phal na milaa aur jaan ga.nvaa.ii
ret me.n zarre dekh chamakte
dau.D pa.Dii me.n jhiil samajh ke
chaaro.n khuu.nT nazar dau.Daa.ii
par paanii kii buu.nd na paa.ii

Altaf Hussain Hali
Nazm

amir KHusraw

'nizaamii' daur zamaana amiir 'KHusrav' kaa
dar-e-nizaam Thikaana amiir KHusrav kaa
amiir zinda hai sadiyo.n se apne naGmo.n me.n
fazaa me.n guu.nje taraana amiir KHusrav kaa

Jameel Ahmad Jaisi
Nazm

dar-e-pa-e-ajal

ghar me.n kuchh bhii nahii.n taariik sii KHushbuu ke sivaa
kuchh chamaktaa nahii.n ab KHauf ke jugnuu ke sivaa
dam-e-kohsaar me.n Dhuu.nDaa to na niklaa kuchh bhii
barf par chhi.Dkii hu.ii KHuun kii KHushbuu ke sivaa
us kaa chhupnaa thaa ki aa.nkho.n me.n mirii kuchh na rahaa
surma.ii sabz munavvar ram-e-aahuu ke sivaa

Shamsur Rahman Faruqi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now