Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "dar-e-jism"

Nazm MATCHES FOR "dar-e-jism"

Nazm

nazm

mere KHayaal me.n vo aurat
duniyaa kii laziiz-tariin aurat hai
mai.n us ke andar Garq ho jaa.uu.ngaa
vo mujhe duur duur se
apnaa aap dikhaatii hai
mere andar bhuuk aur pyaas ko bedaar kartii hai
aur jab mai.n KHvaahish kii aag me.n jalne lagtaa huu.n
vo itmiinaan se ha.nsne lagtii hai
meraa jii chaahtaa hai ki mai.n us ko khaa jaa.uu.n
mai.n us ko puure kaa puuraa nigal jaanaa chaahtaa huu.n
jab mai.n us kii taraf ba.Dhtaa huu.n
vo mujhe Daa.nT kar bhagaa detii hai
aur mai.n dard se ta.Dap uThtaa huu.n
aur mai.n tanhaa.ii me.n aa kar rotaa huu.n
aur mai.n musalsal rotaa hii rahtaa huu.n
jab us se judaa.ii kaa dard merii bardaasht se baahar ho jaataa hai
mai.n ek baar phir us ke paas jaataa huu.n
aur vo kahtii hai: are tum kahaa.n the?
muddat se dikhaa.ii nahii.n diye
aur ek baar phir
us kii adaa.o.n kaa jaaduu mujh par chhaa jaataa hai
is ke jism kii kashish mujhe mad.hosh kar detii hai
mai.n paagalo.n kii tarah use ghuurne lagtaa huu.n
mai.n apnii aa.nkho.n se us ko chuumtaa aur chaaTtaa huu.n
mai.n apnii aa.nkho.n se us ko khaataa rahtaa huu.n
aur vo KHaamoshii se sab kuchh dekhtii rahtii hai
jab mai.n be-taab ho jaataa huu.n
to achaanak vo Gusse me.n aa jaatii hai
vo mujh se naaraaz ho jaatii hai
aur mai.n ek dhutkaare hu.e kutte kii tarah
apnii tanhaa.ii me.n vaapas aa jaataa huu.n
apnii bebasii par aa.nsuu bahaane ke liye
aur mai.n musalsal rotaa hii rahtaa huu.n
mere KHayaal me.n vo aurat
duniyaa kii zaalim-tariin aurat hai
aur mai.n us aurat se mohabbat kartaa huu.n
mai.n us ke andar Garq ho jaa.uu.ngaa

Zahid Dar
Nazm

aaKHiri aadmi

bujhaa do
lahuu ke samundar ke us paar
aa.ina-KHaano.n me.n ab jhilmilaate hu.e qumqumo.n ko bujhaa do
ki dil jin se raushan thaa ab un charaaGo.n kii lau bujh chukii hai
miTaa do
munaqqash dar-o-baam ke jagmagaate
chamakte hu.e sab buto.n ko miTaa do
ki ab lauh-e-dil se har ik naqsh harf-e-Galat kii tarah miT chukaa hai
uThaa do
lahuu ke jaziire me.n
biphrii hu.ii maut ke zard panjo.n se parda uThaa do
ki ab is jaziire me.n
laasho.n ke ambaar bikhre pa.De hai.n
fazaa me.n har ik samt
jalte hu.e KHuun kii buu rachii hai
vo aa.nkhe.n jo apne badan kii tarah saaf shaffaaf thii.n
ab un daraKHto.n pe baiThe hu.e chiil kavvo.n gidho.n kii Gizaa bin chukii hai.n
ye sola december kii bujhtii hu.ii shaam hai
aur mai.n
is lahuu ke jaziire me.n jaltaa hu.aa aaKHirii aadmii huu.n

Fakhr-e-Alam Nomani
Nazm

ahl-e-junun

ham vahii ahl-e-junuu.n ahl-e-vafaa saahib-dil
ham ki har daur me.n auraaq-e-zamaana ke amii.n
vo lahuu apne hii maathe se bahaa hai jis se
aaj diivaar-e-KHirad kii hai lahuu-rang jabii.n

Noor -e-Shama Noor
Nazm

katik ka chand

kis se is dard-e-judaa.ii kii shikaayat kahiye
yaa.n to siine me.n niystaa.n kaa niystaa.n hogaa
kis se is dil ke uja.Dne kii hikaayat kahiye
sun.ne vaalaa bhii jo hairaa.n nahii.n, hairaa.n hogaa
aisii baato.n se na kuchh baat banegii apnii
suunii aa.nkho.n me.n niraashaa kaa ghulegaa kaajal
KHaalii sapno.n se na auqaat banegii apnii
ye shab-e-maah bhii kaT jaa.egii be-kal be-kal

Ibn۔e۔Insha
Nazm

pichhle-pahar ke sannaTe mein

maazii kii Dev.Dhii kii chilman
khule dariiche kii jaalii se
chhan chhan aa.e.n
ruup kii jot hinaa kii laalii kal kii yaade.n
sau.ndhii KHushbuu ThanDii buu.nde.n
kal ke baasii aa.nsuu jin se
fardaa ke baalii.n kaa pardaa bhiig rahaa hai
sehr-zada mahbuus hasiina
sapno.n ke shiilaaT kii raanii
aa.iino.n me.n husn-e-shikasta dekh rahii hai
kitne chehre TuuTe TuuTe
pahchaane an-pahchaane se
aage piichhe aage piichhe bhaag rahe hai.n
qil.e ke aaseb kii suurat kis kii siskii kis kaa naala
kamre kii KHaamosh fazaa me.n dar aayaa hai

Ibn۔e۔Insha
Nazm

sham hai dhuan dhuan

lamho.n kii zabaane.n gu.ng hu.ii.n
uqde kii ka.Diyaa.n khultii ga.ii.n
jab tez thii aa.ndhii duur kahii.n
u.Dtii thii qabaa-e-jism vahii.n
bechain hu.ii phir ruuh bahut
kuchh be-aavaaz sii chiiKHe.n thii.n
tahliil havaa me.n hotii thii.n
kuchh abr ke Tuk.De aavaara
jaise KHushiyo.n kaa pushtaara
thak kar bikhraa de ko.ii unhe.n
purvaa.ii kaa jho.nkaa halkaa saa
phir duur u.Daa le jaa.e unhe.n

Rukhsana Nikhat Lari Umm-e-Hani
Nazm

zahr

shab kaa sannaaTaa
ab to pighal jaa.egaa
ruuh kii tiirgii bhii bikhar jaa.egii
mere is aa.iina-KHaana-e-jism me.n
kitne suuraj
ba-yak vaqt dar aa.e hai.n
ab zamii.n kii tirii
KHushk ho jaa.egii
saa.np kaa zahr
saaraa nikal jaa.egaa

Aslam Aazad
Nazm

safed ghoDe par sawar ajnabi

safed gho.De par savaar ajnabii
dar-e-makaan par kha.Daa thaa chup magar
mujhe hisaar-e-jaa.n ke paas bhii
kha.Daa dikhaa.ii de rahaa thaa aur mai.n
ek chiiKH rokne kii justujuu me.n
sad-hazaar chiiKH mujtam.a kiye
aab-e-teG-e-jism kho chukaa thaa
aur ek sirf ek surKH buu.nd kaa nishaan thaa
safed gho.De par savaar ajnabii chalaa gayaa

Sultan Subhani
Nazm

shahr-e-nigar

aaj phir taa-ba-chaman dar-e-pai-e-gul-haa-e-chaman
gungunaataa hu.aa zambuur-e-bahaar aa hii gayaa

Asrarul Haq Majaz
Nazm

tarana-e-yaum-e-mazdur

jalaa Daalo va.ado.n kii jhuuTii kitaabe.n
Galat likhne vaalaa qalam to.D Daalo
bajaa do takabbur kii ii.nTo.n se ii.nTe.n
dar-o-baam-e-jaah-o-hasham to.D Daalo
pahaa.Do.n me.n rasta banaane kaa din hai
ye din bhuuk ke taish khaane kaa din hai

Anwar Abbas
Nazm

lauh-o-qalam

mai-KHaana salaamat hai to ham surKHii-mai se
taz.iin-e-dar-o-baam-e-haram karte rahe.nge

Faiz Ahmad Faiz
Nazm

na sataish ki tamanna

nidaa aa.ii
amboh-e-shaidaaiyaa.n
naazniinaan-e-shahr-e-taKHayyul
Gazaalaan-e-fikr-o-nazar
Gam-gusaaraan-e-daar-o-saliib-orasan
dair se aqiidat kii naayaab sauGaat le kar
dar-e-gumbad-e-fan pe sajda-kunaa.n hai.n

Hameed Almas
Nazm

TuTi jahan jahan pe kamand

shi.aar kii jo mudaaraat-e-qaamat-e-jaanaa.n
kiyaa hai 'faiz' dar-e-dil dar-e-falak se buland

Faiz Ahmad Faiz
Nazm

eid us pari-wash ki

dii kis ne dar-e-dil pe sadaa eid-mubaarak

Abdul Ahad Saaz
Nazm

pure badan ke sath aana

huduud-e-jism se baahar nikal ke mil kisii din
dikhaa nikaal ke siine se apne dil kisii din

Nadeem Najid
Nazm

jaeza

ek mushrik huu.n miraa shirk mohabbat sab se
ek kaafir huu.n miraa kufr sadaaqat pe yaqii.n
ye dar-o-baam-e-havas tamkanat-e-qasr-e-sitam
raat kaT jaa.egii khul jaa.egaa zulmat kaa bharam

Muslim Shameem
Nazm

mahfuz asasa

aafaat kaa tuufaan mu.Daa jab mirii jaanib
taaraaj kiyaa ghar ko mire chashm-zadan me.n
aisii mire maskan kii hu.ii shakl-o-shabaahat
jaise ko.ii paamaal-shuda laash ho ran me.n
sab ho ga.e ajzaa-e-makaa.n KHaak me.n shaamil
baiThaa huu.n liye dil me.n Gam-e-saqf-o-dar-o-taaq
hamraah makaa.n ke ga.ii har chiiz bhii ghar kii
mahfuuz hai.n lekin mire diivaan ke auraaq

Akhtar Bastavi
Nazm

subh ki aamad ke sath

gharo.n me.n qaid dar-o-baam kii har ik uljhan
galii galii ke labo.n se lipaT rahii hogii

Chandrabhan Khayal
Nazm

kawwa

dekho zaraa falak par kavvo.n kii Daar aa.ii
kaise maze me.n u.D kar un kii qataar aa.ii

Kaukab Mushtaq
Nazm

shikast-o-fath

bujhe bujhe se hai.n shaa.ir ke zehn-o-dil ke diye
bhaTak rahaa hai kahaa.n jaa.e raushnii ke liye
ravish-ravish pe daraKHshaa.n hai barq-e-KHauf-o-hiraas
jhulas rahe hai.n dar-o-baam-e-jazba-o-ehsaas
nazar udaas hai viiraa.n hai.n saare nazaare
jabiin-e-sub.h se phuuTe lahuu ke favvaare
zamii.n pe laasho.n ke gulshan me.n KHuu.n kii namii
ab ehtimaam-e-bahaar-e-chaman me.n kyaa hai kamii
jamaal-e-sub.h-e-vatan aa.nsuu.o.n me.n mudGam hai
uruus-e-fasl-e-bahaaraa.n kii aa.nkh pur-nam hai
ba-faiz-e-jabr-o-sitam Gam ne fat.h paa.ii hai
vafaa ke naam pe dil ne shikast khaa.ii hai

Muslim Shameem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now