Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "engine"

Nazm MATCHES FOR "engine"

Nazm

online aashiq

net iijaad hu.aa hijr ke maaro.n ke liye
search engine hai ba.Dii chiiz ku.nvaaro.n ke liye

Khalid Irfan
Nazm

KHadsha

ye chaa.ndnii me.n dhule paa.nv jab bhii raqs kare.n
fazaa me.n an-gine ghu.ngruu chhanakne lagte hai.n
ye paa.nv jab kisii raste me.n rang barsaa.e.n
to mausamo.n ke muqaddar chamakne lagte hai.n

Mohsin Naqvi
Nazm

yakum may

qaabil-e-izzat hai.n is duniyaa ke mehnat-kash avaam
mulk kii daulat hai.n ye, vaajib hai in kaa ehtiraam
us ke ye member hai.n labour-union hai jis kaa naam
in kii mehnat ke diye jaa.e.nge in ko puure daam
ye nahii.n hogaa KHafaa ho kar dihaa.Dii kaaT dii
aadhe raste laa.e aur engine se gaa.Dii kaaT dii

Syed Mohammad Jafri
Nazm

kohre ka khet

vo sard raat jabki safar kar rahaa thaa mai.n
ra.ngiiniyo.n se zarf-e-nazar bhar rahaa thaa mai.n
tezii se ja.ngalo.n me.n u.Dii jaa rahii thii rail
KHvaabiida kaa.enaat ko chau.nkaa rahii thii rail
mu.Dtii uchhaltii kaa.nptii chi.nghaa.Dtii hu.ii
kohre kii vo dabiiz ridaa phaa.Dtii hu.ii
pahiyo.n kii gardisho.n me.n machaltii thii raagnii
aahan se aag ban ke nikaltii thii raagnii
pahu.nchii jidhar zamii.n kaa kaleja hilaa diyaa
daaman me.n tiirgii ke garebaa.n banaa diyaa
jho.nke havaa ke barf bichhaate the raah me.n
jalve samaa rahe the laraz kar nigaah me.n
dhoke se chhuu ga.ii.n jo kahii.n sard u.ngliyaa.n
bichchhuu saa Da.nk maarne lagtii thii.n khi.Dkiyaa.n
pichhle pahar kaa narm dhu.ndlakaa thaa pur-fishaa.n
maayuusiyo.n me.n jaise umiido.n kaa kaarvaa.n
be-nuur ho ke Duubne vaalaa thaa maahtaab
kohre me.n khup ga.ii thii sitaaro.n kii aab-o-taab
qabze se tiirgii ke sahar chhuuTne ko thii
mashriq ke haashiye me.n kiran phuuTne ko thii
kohre me.n thaa Dhake hu.e baaGo.n kaa ye samaa.n
jis tarah zer-e-aab jhalaktii ho.n bastiyaa.n
bhiigii hu.ii zamii.n thii namii sii fazaa me.n thii
ik kisht-e-barf thii ki mu.allaq havaa me.n thii
jaaduu ke farsh sehr ke sab saqf-o-baam the
dosh-e-havaa pe pariyo.n ke siimii.n KHiyaam the
thii ThanDe ThanDe nuur me.n kho.ii hu.ii nigaah
Dhal kar fazaa me.n aa.ii thii huuro.n kii KHvaab-gaah
ban ban ke phen suu-e-falak dekhtaa hu.aa
dariyaa chalaa thaa chho.D ke daaman zamiin kaa
is shabnamii dhundalke me.n bagule the yuu.n ravaa.n
maujo.n pe mast ho ke chale.n jaise machhliyaa.n
Daalaa kabhii fazaa.o.n me.n KHat kho ga.e kabhii
jhalke kabhii ufuq me.n nihaa.n ho ga.e kabhii
engine se u.D ke kaa.nptaa phirtaa thaa yuu.n dhu.aa.n
letaa thaa lahr khet me.n kohre ke aasmaa.n
us vaqt kyaa thaa ruuh pe sadma na puuchhiye
yaad aa rahaa thaa kis se bichha.Dnaa na puuchhiye
dil me.n kuchh aise ghaav the tiir-e-malaal ke
ro ro diyaa thaa khi.Dkii se gardan nikaal ke

Kaifi Azmi
Nazm

subh hote hi

sub.h hote hii aaTh karo.D masKHare nikal aate hai.n sa.Dko.n par
aur shuruu.a kar dete hai.n naach
aaTh karo.D masKHare nikal aate hai.n apne ra.nge chehro.n aur lambii Topiyo.n ke saath
to.D-pho.D Daalte hai.n aasmaan
dhajjii dhajjii kar dete hai.n dhuup
uljhaa lete hai.n havaa kii Dor apne haatho.n me.n
raasta nahii.n dete mayyat-gaa.Diyo.n ko aur aag bujhaane vaale engine ko
bhar dete hai.n sayyaare ko behuuda fiqro.n se
aur shaam aatii hai
lauT jaate hai.n suuraj ke saath chorus gaate hu.e
aur raat hotii hai
aur sub.h hotii hai
sub.h hote hii aaTh karo.D masKHare nikal aate hai.n sa.Dko.n par
aur shuruu.a kar dete hai.n naach...

Sarvat Husain
Nazm

muqabla

zamiin-e-vietnam
mai.n bhii ik sar-zamii.n kaa baasii huu.n
jo abhii tak mirii hai
kal kaa pata nahii.n hai ki mere paa.nv mirii zamiin par phisal rahe hai.n
ko.ii ba.De zor-daar haatho.n se
duur baiThaa
zamiin kaa palluu paka.D ke apnii taraf use khii.nchtaa hii jaataa hai
mai.n khi.nchaa jaa rahaa huu palluu samet
Thahruu.n to mere paa.nv phisal rahe hai.n
mai.n duusrii samt mu.nh agar kar ke bhaag nikluu.n
zamiin khi.nch jaa.e paa.nv se to KHalaa me.n girne kaa Dar hai mujh ko
zamiin-vietnam
is se pahle ki mere pairo.n tale se merii zamiin khi.nch jaa.e
aaj tujh se muqaabla apnaa kar rahaa huu.n
ki mujh me.n tujh me.n jo mushtarak qadar hai vo ja.ngii sa.uubate.n hai.n
miraa bhii dushman vahii hai jo tujh se la.D rahaa hai
tirii zamiin par bhii ja.ng jaarii
mirii zamii.n par bhii ja.ng jaarii
agar ko.ii farq hai to ye hai ki apne dushman ke saamne tuu bahaadurii se Dataa hu.aa hai
mai.n jhuk gayaa huu.n
yahaa.n zaraa muKHtalif hai suurat
ki meraa dushman Dataa hu.aa hai
mai.n sar bhii apnaa jhukaa chukaa huu.n
mai.n us kii minnat bhii kar chukaa huu.n
magar vo be-rahm maare hii jaa rahaa hai
kisii tarah maantaa nahii.n hai
bas apnii manvaa.e jaa rahaa hai
zamiin-vietnam
tuu ne itne baras ga.nvaa.e
karo.Do.n afraad apne marvaa.e
tuu ne minnat hii kii na saudaa kiyaa na faujo.n kaa sar jhukaayaa
ajab ki tuu ne rago.n me.n KHuun kii bajaa.e baaruud bhar liyaa hai
tuu baavlii hai
ye dekh baarah karo.D ke chand maaliko.n kaa bhii kaar-naama
unhe.n bhii ik ja.ng aa pa.Dii thii
unho.n ne sola dino.n me.n vo kar diyaa jo sadiyo.n me.n bhii na hotaa
jhukaa diye apne laakh faujii
miTaa diye apne laakh faujii
miTaa diye apne nisf jhag.De
kaTaa diyaa apnaa nisf naqsha
jo nisf baaqii thaa aur sola dino.n kaa jhag.Daa thaa gar ye rahtaa
kyuu.n na hotaa
ki har ba.Dii qaum kaam aise kiyaa hii kartii hai jo ki taariiKH ke liye baab kholte hai.n
ye kaar-naama
ye sirf taariiKH kaa nahii.n hai
ye kaar-naama to hai juGraafiya bhii jis ne badal diyaa hai
bahut ba.Dii qaum kaa ye kartab hai
qaum su.ii banaanaa apne liye jo tuu jaantii nahii.n hai
ye qaum baaruud jis kii KHaatir ba.De mamaalik banaa rahe hai.n
bahut ba.Dii qaum hai bahut hii
jahaaz ke kaar-KHaane bairuun-e-mulk jis ke bane hu.e hai.n
vo jis kii KHaatir ki buke impala ford order pe ban rahii hai
mashiin engine milo.n kaa saamaan kaar-KHaane ke saare auzaar
radio telephone television tracktor machine-gun top
Garaz ek ek shai us kii us ke kamii KHud apne mulko.n me.n us kii KHaatir banaa rahe hai.n
bahut ba.Dii qaum hai ki us ke ba.De gharo.n me.n to sar kaa shave bhii
tan ke kap.De bhii aur juute bhii us ke baahar se aa rahe hai.n
zamiin-vietnam
terii maa.e.n to apne bachche ke qad ko dekhtii hai.n ki us kii lambaa.ii car se to ba.Dii nahii.n hai
zamiin-vietnam
beTiyaa.n terii apne shaano.n pe apne shero.n kaa bojh le kar paa.nv kii suurat hai.n iistaada
magar yahaa.n beTiyaa.n nahii.n hai.n
yahaa.n to tohfe hai.n
jo ki baahar se aa.e saudaagaro.n kii KHaatir tavaazo.a karne ke vaaste kar rahe hai.n
zamiin-vietnam
tere beTe to tere vaaris tire muhaafiz hai.n
fauj vo ban rahe hai.n terii ki tujh pe jaane.n nisaar kar de.n
zamiin-vietnam
tere beTe to tere vaaris tire muhaafiz hai.n
fauj vo ban rahe hai.n terii ki tujh pe jaane.n nisaar kar de.n
yahaa.n pe beTii nahii.n to beTe bhii is zamii.n ne nahii.n jane hai.n
yahaa.n to tanKHvaah kii zaruurat hai fauj me.n ho ki mauj me.n ho
zamiin-vietnam
teraa aadam kahaa.n se aayaa thaa
beTiyaa.n terii kaun sii be-misaal havvaa kii beTiyaa.n hai.n
zamiin-e-vietnam terii miTTii kahaa.n kii hai jo ki
tere dushman ne chaa.nd tasKHiir kar liyaa par na tujh ko jiitaa
tiraa KHudaa kaun saa KHudaa hai
mire KHudaa kaa salaam us ko
magar mire vietnam jo farq tujh me.n mujh me.n hai aur tho.Daa saa duur kar duu.n
tirii la.Daa.ii to sirf dushman se hai ki jo tere saamne hai
mirii la.Daa.ii hai dushmano.n se jo saamne ho ke bhii mire saamne nahii.n hai.n
mai.n dushmano.n se bhii la.D rahaa huu.n
me.n dosto.n se bhii la.D rahaa huu.n jo dostii kaa libaas pahne
mirii la.Daa.ii a.Dosiyo.n se pa.Dosiyo.n se
mirii la.Daa.ii hai apne ghar me.n
mirii la.Daa.ii samundaro.n ke udhar bhii qaa.em
mirii la.Daa.ii hai jism se bhii
mirii la.Daa.ii hai zehn se bhii
mirii la.Daa.ii to saamraajii nizaam se hai
jahaa.n jahaa.n saamraaj hai mai.n vahaa.n vahaa.n par Dataa hu.aa huu.n
mai.n apnii Gurbat se apnii mazluumiyat se aagaah ho chukaa huu.n
mirii ye Gurbat ye merii mazluumiyat hii quvvat hai
vo sipaahii nahii.n hai meraa jo apne helmate ke bojh se sar jhukaa chukaa hai
jo sirf tanKHvaah ke liye meraa sher jarnail ban gayaa hai
meraa ye qallaash meraa be-kaar meraa mazduur vo sipaahii hai
jo mirii fauj ban rahaa hai
zamiin ke palluu ko apnii is taaza fauj kii be-panaah quvvat se thaam kar
ab mai.n apnii jaanib ghasiiT luu.ngaa
ghasiiT luu.ngaa mai.n un ko bhii vo jo duusrii samt apne aahan ke haath le kar
mirii zamiin apnii samt laalach se khii.nchte hai.n
zamiin-e-vietnam gar tirii sar-zamii.n pe baaruud kii tahe.n bichh ga.ii hai.n to us zamii.n
ke kheto.n me.n bhii faqat goliyaa.n uge.ngii
yahaa.n bhii pe.Do.n ko ab phalo.n kii bajaa.e bam hii lage.nge
is sar-zamii.n pe bhii aag hii ke dariyaa bahe.nge
jin mai.n ki ko.ii kaaGaz kii naav vo saamraaj kii ho ki merii apnii
na chal sakegii
zamiin-e-vietnam mai.n bhii ik sar-zamii.n kaa baasii huu.n
is zamii.n kaa salaam tujh ko

Adeem Hashmi
Nazm

tafaut

ham kitnaa ro.e the jab ik din sochaa thaa ham mar jaa.e.nge
aur ham se har nemat kii lazzat kaa ehsaas judaa ho jaa.egaa
chhoTii chhoTii chiize.n jaise shahd kii makkhii kii bhin bhin
chi.Diyo.n kii chuu.n chuu.n kavvo.n kaa ek ik tinkaa chun.naa
niim kii sab se uu.nchii shaaKH pe jaa kar rakh denaa aur gho.nsla bun.naa
sa.Dke.n kuuTne vaale engine kii chhuk chhuk bachcho.n kaa dhuul u.Daanaa
aadhe na.nge mazduuro.n ko pyaaz se roTii khaate dekhe jaanaa
ye sab laa-yaanii bekaar mashaaGil baiThe baiThe ek dam chhin jaa.e.nge
ham kitnaa ro.e the jab pahlii baar ye KHatra andar jaagaa thaa
is gardish karne vaalii dhartii se rishta TuuTegaa ham jaamid ho jaa.e.nge
lekin kab se lab saakit hai.n dil kii ha.ngaama-aaraa.ii kii
barso.n se aavaaz nahii.n aa.ii aur is marg-e-musalsal par
in kam-maaya aa.nkho.n se ik qatra aa.nsuu bhii to nahii.n Tapkaa

Akhtarul Iman
Nazm

targhib

javaanii kaa KHuu.n hai
bahaare.n hai.n mausam zamii.n par!
pasand aaj mujh ko junuu.n hai
nigaaho.n me.n hai mere nashshe kii uljhan
ki chhaayaa hai tarGiib kaa jaal har ik hasii.n par
rasiile jaraa.em kii KHushbuu mujhe aaj lalchaa rahii hai!
qavaaniin-e-aKHlaaq ke saare bandhan shikasta nazar aa rahe hai.n
hasiin aur mamnu.a jhurmuT mire dil ko phuslaa rahe hai.n
ye malbuus resham ke aur un kii larzish
ye Gaaza..... ye engine
nisaa.ii fusuu.n kii har ik mohnii aaj kartii hai saazish
mire dil ko bahkaa rahii hai!
mire zehn me.n aa rahii hai
rasiile jaraa.em kii KHushbuu!

Meeraji
Nazm

suno saheli

suno sahelii kahuu.n pahelii
hai jo ko.ii buujhe
socho samjho aur phir puuchho
agar tumhe.n naa suujhe
soch samajh kar kahnaa sun.naa
apnaa ek usuul
phuulo.n me.n hai sab se pyaaraa
bhalaa kaun saa phuul
sosan Tesuu kamal motiyaa
raat kii raanii champaa
na na suuraj-mukhii chamelii
din kaa raaja ge.ndaa
in kaa kyaa hai murjhaa.e.n to
KHaak bane.n yaa dhuul
kap.Daa ban kar jo tan Dhaa.nke
vo kapaas kaa phuul
dekh bhaal kar jaa.nch parakh kar
kahnaa sachchii baat
dhaato.n me.n hai ba.De kaam kii
bhalaa kaun sii dhaat
jis se bantii thaal kaTorii
gaagar piital taa.nbaa
jhaanjhar jhuumar jhumkaa ban ke
jhumke chaa.ndii sonaa
engine motor aur mashiine.n
jis ne kii.n iijaad
dhaato.n me.n hai sab se a.alaa
lohaa aur faulaad
andar baahar ek rahe jo
kabhii na badle bhes
duniyaa bhar me.n sab se pyaaraa
bhalaa kaun saa des
pyaar mohabbat aman shaa.ntii
jis dhartii kii shaan
sab se pyaaraa sab se nyaaraa
apnaa hindostaan

Unknown
Nazm

mahbuba

merii mahbuuba
un mahbuubaa.o.n me.n se nahii.n
jo kisii zaalim railway engine kii tarah
kamzor pulo.n par se
puurii raftaar ke saath guzartii hai.n
yaa sa.Dak banaane vaale roller kii tarah
har chiiz apnii mohabbat ke taarkol me.n
pighlaatii aur jamaatii chalii jaatii hai.n

Zeeshan Sahil
Nazm

KHaibar mel

shaam peshawar kaa station
saj kar banaa hu.aa thaa dulhan
station par bhii.D ba.Dii thii
saamne KHaibar mail kha.Dii thii
log hii log the andar baahar
kaale gore afsar naukar
qulii uThaa.e trunk aur bistar
number de kar bhaage andar
baabaa ne ham ko Thahraayaa
ticket karachi kaa kaTvaayaa
bhii.D-bha.Dakkaa shor-sharaaba
piichhe ham aur aage baabaa
apnii baGal me.n basta daabe
ik Dabbe me.n aan biraaje
chalii peshawar se jo gaa.Dii
nau-shahraa junction par Thahrii
chale yahaa.n se khaa kar bhinDii
raat ko pahu.nche raavalpinDii
Thahre yahaa.n ham aadhaa ghanTa
rail ne bhii yaa.n engine badlaa
pinDii me.n thii baarish kam-kam
rail chhukaa-chhuk pahu.nchii jehlam
me.nh jehlam me.n chhaajo.n barsaa
bijlii chamkii baadal garjaa
aaKHir is barsaat se guzre
sub.h hu.ii gujraat se guzre
utar ga.ii gujraat me.n KHaala
aage aayaa gujranwala
mail ne gujranwala chho.Daa
aur lahore se rishta jo.Daa
ham ne pii lahore me.n chaa.e
phir chhuk chhuk multaan ko aa.e
garmii thii multaan me.n bhaa.ii
aage rail ne ret u.Daa.ii
rail chhukaa-chhuk aage dau.Dii
ret u.Daatii pahu.nchii roh.Dii
yaa.n sikkhar ke biscuit chakkhe
phir ham TanDu aadam pahu.nche
chalaa yahaa.n sustaa kar engine
aayaa Hyderabad station
uu.nT yahaa.n kahlaa.e Daachii
aage chale to aayaa karachi
rasta KHatm thaa rail kaa aage
vo jaa so.ii aur ham jaage
ham ne baGal me.n daabaa basta
aur liyaa baahar kaa rasta
logo.n ne saamaan uThvaa.e
care.n Taa.nge rikshe aa.e
big.De jhag.De chuke kiraa.e
apne apne pate bataa.e
ko.ii musaafir hotel pahu.nchaa
KHair se ko.ii ghar ko aayaa
jo jo naam nahii.n ginvaa.e
vahaa.n vahaa.n ham so kar aa.e

Khatir Ghaznavi
Nazm

qahqahe

daddy lage.nge rail kaa engine hame.n 'niyaaz'
sulgegaa jab sigaar lagaa.e.nge qahqahe

Abdul Mateen Niyaz
Nazm

KHud-kushi karne ka agla mansuba

tai hu.ii thii ek mulaaqaat railway-Track par
lekin rail-gaa.Dii kaa engine musalsal khaa.nstaa rahaa
platform number aaKHirii par
aur pha.ns ga.e musaafir ek duusre kii gaaliyo.n me.n
so yak-tarfa rahii mulaaqaat

Sidra Sahar Imran
Nazm

sasta bazar

engine dekho rail bhii dekho
jaaduu kaa ye khel bhii dekho

Rafi Yusufi Mahram
Nazm

tufan mel

'atiiq' aur 'aslam' 'sho.eb' aur 'saliim'
'ra.iis' aur 'aasif' 'nafiis' aur 'vasiim'
ye maktab se vaapas hu.aa qaafila
to raste me.n sab ne yahii tai kiyaa
chalo khelte ham chale.n rail rail
'atiiq' ho.nge guard aur engine 'tufail'
ye sunte hii baGlo.n me.n baste liye
aur ik saf me.n siidhe kha.De ho ga.e
kha.De aage piichhe ye jab ho chuke
to daaman qamiiso.n ke pak.De ga.e
qamiiso.n ke daaman paka.D jab chuke
second aur enter ke Dabbe bane
Garaz ban chukii jab ye chhoTii sii rail
chhuTaa nanhe bachcho.n kaa tuufaan mel
chhukaa-chhuk chhukaa-chhuk chhukaa-chhuk chalaa
ba.Dii zor se siiTii detaa hu.aa
mu.nDer aur khaa.ii pe cha.Dhtaa hu.aa
bulandii se niiche utartaa hu.aa
kabhii zor me.n aa ke tez ho gayaa
kabhii ruk ke engine ne paanii liyaa
Garaz dau.Dtaa guu.njtaa ghuumtaa
galii se galii ko badaltaa hu.aa
chalaa jaa rahaa thaa na thii kuchh KHabar
ki itne me.n KHatra hai aayaa nazar
kahii.n saamne se gadhaa chiiKHtaa
chalaa aa rahaa thaa uchhaltaa hu.aa
kabhii agle paa.nv se hotaa kha.Daa
do-lattii kabhii zor se phe.nktaa
jo aate hu.e us ne dekhaa ye mel
to ruKHsat hu.ii us kii saarii kulail
udhar vo vahaa.n se phiraa chiiKHtaa
idhar mel bhii jaane kis samt gayaa

Akhgar Mushtaq Raheem Aabadi
Nazm

naqab-posh

engine ke ko.ele kii tarah
jal na uThnaa
varna
raakh kii tarah u.nDel diye jaa.oge

Siddiq Alam
Nazm

nazm

railway-line station se
mere dil tak aatii hai
lekin train hamesha aa kar
ik pul par ruk jaatii hai
ko.ii sitaara engine ban ke
chaltaa rahtaa hai
chaa.nd bhii ik chimnii ke niiche
chaltaa rahtaa hai
jaane kyuu.n phuulo.n kaa
ra.ng badaltaa rahtaa hai
sard havaa me.n shabnam
patto.n par lahraatii hai
chhupii hu.ii ik chi.Diyaa
maddham giit sunaatii hai

Zeeshan Sahil
Nazm

tawajjoh farmaiye

hame.n pal do pal bahlaa denaa
kyaa mushkil hai
do-chaar khilaune laa denaa
kyaa mushkil hai
ham ne jo ye baat abbuu se kahii
abbuu ne kahaa ammii se kaho
ham ne jo ye baat ammii se kahii
ammii ne kahaa baajii se kaho
khaT se do note ba.Dhaa denaa
kyaa mushkil hai
almaarii bhii banvaa.ii hai
itnii ba.Dii mez bhii aa.ii hai
loket qaaliin gha.Dii bunde
har qiimtii chiiz ma.ngaa.ii hai
kuchh ham ko bhii ma.ngvaa denaa
kyaa mushkil hai
ik haathii kaano.n vaalaa hai
ik bhaaluu kaalaa kaalaa hai
ik train ik engine ik motor
ik sher ik sher kii KHaala hai
kamre me.n unhe.n bikhraa denaa
kyaa mushkil hai

Rais Farogh
Nazm

ye rail sawari lohe ki

engine kaa maan hamii.n se hai
pahiyo.n me.n jaan hamii.n se hai
jo giit sunaa.ii detaa hai
us kii har taan hamii.n se hai
is tan se bhaap nikaltii hai
ye rail tabhii to chaltii hai
ye rail hamii.n se chaltii hai
ye rail savaarii lohe kii

Ataur Rahman Tariq
Nazm

mujhe sharmindagi mahsus nahin hoti

jo sadiyaa.n bichha.D chukii hai.n
mai.n un me.n zinda rahtii huu.n
aur mujhe ko.ii sharmindagii mahsuus nahii.n hotii
sa.Dko.n par taa.nge kii Taapo.n kii sadaa ab bhii suntii huu.n
jaise mahv-e-safar huu.n
aur havaa mere kaano.n me.n kuchh raaz kahtii hai
phir kisii gaa.Dii ke horn kii sadaa par
chau.nk jaatii huu.n
mai.n ja.ngalo.n ko taaraaj kar ke sa.Dke.n bante dekhtii huu.n
aur be-jaan badan liye
ja.ngalo.n ke nishaan Dhuu.nDhtii chalii jaatii huu.n
ye raato.n-raat concrete se bante hu.e dev-haikal pul
sa.Dko.n ko kushaada karne kii KHvaahish me.n
ta.ng hotaa hu.aa arsa-e-hayaat
taraqqii kii aa.D me.n
ruuh ko ghaayal karne vaale saude
qatra qatra zindagii piine vaale
bebasii se duhaa.ii dete hu.e anginat log
jin kii chhoTii chhoTii KHushiyo.n ko rau.ndte hu.e
ba.De ba.De bulldozer
aur ab to gutter kii tarah
uble pa.De traffic ke is ta.affun-zada hujuum me.n
kahii.n paTrii kii saa.nse.n bhii ukha.D rahii hai.n
rail-gaa.Dii kaa engine jaane kahaa.n rah gayaa hai
chup-chaap bichh.Dii sadiyo.n me.n panaah lete hu.e
mujhe sharmindagii mahsuus nahii.n hotii

Aliya Mirza
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now