Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "gol"

Nazm MATCHES FOR "gol"

Nazm

holi ki bahaaren

ho naach ra.ngiilii pariyo.n kaa baiThe ho.n gul-ruu ra.ng-bhare
kuchh bhiigii taane.n holii kii kuchh naaz-o-adaa ke Dha.ng-bhare
dil bhuule dekh bahaaro.n ko aur kaano.n me.n aaha.ng bhare
kuchh table kha.Dke.n ra.ng-bhare kuchh aish ke dam mu.nh-cha.ng bhare

Nazeer Akbarabadi
Nazm

qaid-e-tanhai

duur aafaaq pe lahraa.ii ko.ii nuur kii lahr
KHvaab hii KHvaab me.n bedaar hu.aa dard kaa shahr
KHvaab hii KHvaab me.n betaab nazar hone lagii
adam-aabaad-e-judaa.ii me.n sahar hone lagii
kaasa-e-dil me.n bharii apnii subuuhii mai.n ne
ghol kar talKHii-e-diiroz me.n imroz kaa zahr
duur aafaaq pe lahraa.ii ko.ii nuur kii lahr
aa.nkh se duur kisii sub.h kii tamhiid liye
ko.ii naGma, ko.ii KHushbuu, ko.ii kaafir suurat
be-KHabar guzrii, preshaanii-e-ummiid liye
ghol kar talKHii-e-diiroz me.n imroz kaa zahr
hasrat-e-roz-e-mulaaqaat raqam kii mai.n ne
des pardes ke yaaraan-e-qadah-KHvaar ke naam
husn-e-aafaaq, jamaal-e-lab-o-ruKHsaar ke naam

Faiz Ahmad Faiz
Nazm

madrasa ali-gaDh

KHudaa alii-ga.Dh ke madrase ko tamaam amraaz se shifaa de
bhare hu.e hai.n raiis-zaade amiir-zaade shariif-zaade
latiif o KHush-vaz.a chust o chaalaak o saaf o paakiiza shaad-o-KHurram
tabii.ato.n me.n hai in kii jaudat dilo.n me.n in ke hai.n nek iraade
kamaal-e-mehnat se pa.Dh rahe hai.n kamaal-e-Gairat se pa.Dh rahe hai.n
savaar mashriq raah me.n hai.n to maGribii raah me.n piyaade
har ik hai in me.n kaa be-shak aisaa ki aap use chaahte hai.n jaisaa
dikhaave mahfil me.n qadd-e-ra.anaa jo aap aa.e.n to sar jhukaa de
faqiir maa.nge to saaf kah de.n ki tuu hai mazbuut jaa kamaa khaa
qubuul farmaa.e.n aap daavat to apnaa sarmaaya kul khilaa de
buto.n se in ko nahii.n lagaavaT miso.n kii lete nahii.n vo aahaT
tamaam quvvat hai sarf-e-KHvaandan nazar ke bhole hai.n dil ke saade
nazar bhii aa.e jo zulf-e-pechaa.n to samjhe.n ye ko.ii policy hai
electric light us ko samjhe.n jo barq-vash ko.ii kuude
nikalte hai.n kar ke Gol-bandii ba-naam-e-tahziib o dard-mandii
ye kah ke lete hai.n sab se chande jo tum hame.n do tumhe.n KHudaa de
unhe.n isii baat par yaqii.n hai ki bas yahii asl kaar-e-dii.n hai
isii se hogaa faroG-e-qaumii isii se chamke.nge baap daade
makaan-e-college ke sab makii.n hai.n abhii unhe.n tajrabe nahii.n hai.n
KHabar nahii.n hai ki aage chal kar hai kaisii manzil hai.n kaise jaade
dilo.n me.n in ke hai.n nuur-e-iimaa.n qavii nahii.n hai magar nigahbaa.n
havaa-e-mantiq adaa-e-tiflii ye sham.a aisaa na ho bujhaa de
fareb de kar nikaale matlab sikhaa.e tahqiir-e-diin-o-mazhab
miTaa de aaKHir ko diin-o-maz.hab numuud-e-zaatii ko go ba.Dhaa de
yahii bas 'akbar' kii iltijaa hai janaab baarii me.n ye du.aa hai
uluum o hikmat kaa dars in ko professor de.n samajh KHudaa de

Akbar Allahabadi
Nazm

ek nazm ijazaton ke liye

tum mujhe pahan sakte ho
ki mai.n ne apne aap ko
dhule hu.e kap.De kii tarah
ka.ii daf.a nicho.Daa hai
ka.ii daf.a sukhaayaa hai
tum mujhe chabaa sakte ho
ki mai.n chuusne vaalii golii kii tarah
apnii miThaas kii tah ghulaa chukii huu.n
tum mujhe rulaa sakte ho
ki mai.n ne apne aap ko qatl kar ke
apne KHuun ko paanii paanii kar ke
aa.nkho.n me.n jhiil banaa lii hai
tum mujhe bhuun sakte ho
ki merii boTii boTii
ta.Dap ta.Dap kar
zindagii kii har saa.ns ko
alvidaa.a kah chukii hai
tum mujhe masal sakte ho
ki roTii suukhne se pahle
KHasta ho kar bhurnhurii ho jaatii hai
tum mujhe ta.aviiz kii tarah
ghol kar pii jaa.o
to mai.n kaliisaa.o.n me.n bajtii ghanTiyo.n me.n
isii tarah tuluu.a hotii rahuu.ngii
jaise gul-e-aaftaab

Kishwar Naheed
Nazm

tanhai mein

us ke piichhe se jhijaktaa hu.aa ik gol saa chaa.nd
ubhraa be-nuur shu.aa.o.n ke safiine ko liye

Akhtarul Iman
Nazm

nind

roz raat ko yuu.nhii
nii.nd merii aa.nkho.n se
bevafaa.ii kartii hai
mujh ko chho.D kar tanhaa
jel se nikaltii hai
bamba.ii kii bastii me.n
mere ghar kaa darvaaza
jaa ke khaTkhaTaatii hai
ek nanhe bachche kii
a.nkh.Diyo.n ke bachpan me.n
miiThe miiThe KHvaabo.n kaa
shahad ghol detii hai
ik hasii.n parii ban kar
loriyaa.n sunaatii hai
paalnaa hilaatii hai

Ali Sardar Jafri
Nazm

thoDa thoDa KHarch karen hum

nannhii se ye bolii.n naanii
merii pyaarii gu.Diyaa raanii
aa jaa merii god me.n aa jaa
sun le mujh se ek kahaanii
ye jo apnii gol zamii.n hai
pahle pahal thii paanii paanii
sab duniyaa thii ek samundar
jis kii lahre.n thii.n tuufaanii
rafta rafta ubhrii KHushkii
haule haule utraa paanii
pe.D pahaa.D chaTTaane.n sahraa
ja.ngal kaa jangal haivaanii
saarii chiize.n ho ga.ii.n paidaa
tab aa.ii vo sub.h suhaanii
jab allaah ne hukm se apne
dikhlaane ko apnii nishaanii
duniyaa me.n insaan ko bhejaa
KHuub ba.Dhii nasl-e-insaanii
tum ko sun kar hairat hogii
merii pyaarii gu.Diyaa raanii
hisse chaar zamii.n ke ho.n to
ek hai KHushkii tiin hai paanii
lekin isti.maal ke qaabil
ziyaada paanii nahii.n hai jaanii
tho.Daa tho.Daa KHarch kare.n ham
shuruu.a na kar de.n nahr bahaanii

Ahmad Hatib Siddiqi
Nazm

jitne alfaz hain sab kahe ja chuke

ek muddat hu.ii sochte sochte
tum se kahnaa hai kuchh par mai.n kaise kahuu.n
aarzuu hai mujhe aise alfaaz kii
jo kisii ne kisii se kahe hii na ho.n
sochtaa huu.n ki mauj-e-sabaa ke subuk paa.nv me.n ko.ii paazeb hii Daal duu.n
chaahtaa huu.n ki in titliyo.n ke paro.n me.n dhanak baa.ndh duu.n
surma.ii shaam ke gesu.o.n me.n ba.ndhii baarishe.n khol duu.n KHushbu.e.n ghol duu.n
phuul ke surKH ho.nTo.n pe afshaa.n rakhuu.n
KHvaab kii maa.ng me.n nuur sinduur kii kahkashaa.n khii.nch duu.n
ik taKHayyul kii be-rabtiyo.n ko tasalsul kii zanjiir duu.n
KHvaab ko jism duu.n jism ko ism duu.n
ko.ii ta.abiir duu.n ek tasviir duu.n aur tasviir ko ruu-ba-ruu rakh ke ik harf-e-tauqiir duu.n
kyaa kahuu.n ye kahuu.n yuu.n kahuu.n par mai.n kaise kahuu.n
jitne alfaaz hai.n sab kahe jaa chuke sab sune jaa chuke
tishna iz.haar ko mo'atabar saa ko.ii ab sahaaraa mile
ik kinaaya mile ik ishaara mile
KHuub-suurat anokhii alaamat mile an-kahaa an-sunaa isti.aara mile
aarzuu hai mujhe aise alfaaz kii justujuu hai mujhe aise alfaaz kii
jin se patthar ko paanii kiyaa jaa sake
KHvaab ko ik haqiiqat kiyaa jaa sake
ek zinda kahaanii kiyaa jaa sake
sarhad-e-jaavedaanii kiyaa jaa sake

Tariq Qamar
Nazm

qissa gul-baadshah ka

naam meraa hai gul-baadshaah
umr merii hai terah baras
aur kahaanii
merii umar kii tarah se muntashir muntashir
muKHtasar muKHtasar

Zehra Nigaah
Nazm

tin sharabi

nashsha-e-mai kaa taaj jabii.n par
fikr falak par paa.nv zamii.n par
be-KHabar apnii laGzish-e-paa se
baa-KHabar apne ahd-e-vafaa se
duKHtar-e-raz ke dar ke bhikaarii
apne qalb o nazar ke shikaarii
pii lene ke baa'd bhii pyaase
jaam kii suurat chhalke chhalke
abr kii suurat halke halke
mastii kii talvaar uThaa.e
fasl-e-gul chehro.n pe khilaa.e
qadam qadam par bahak rahe the
mahak rahe the chahak rahe the

Ali Sardar Jafri
Nazm

to main kya karun

sikandar ne poras se kii thii la.Daa.ii jo kii thii la.Daa.ii to mai.n kyaa karuu.n
jo kaurav ne paa.nDav se kii haathaa-paa.ii jo kii haathaa-paa.ii to mai.n kyaa karuu.n
jo pii yuu T put hai to bii yuu T but hai zamaane kaa dastuur kitnaa ulaT hai
pa.Dhaate hai.n sab mujh ko ulTii pa.Dhaa.ii hai ulTii pa.Dhaa.ii to mai.n kyaa karuu.n
hai jaahil ghasiiTaa magar khaa.e halva ye har roz luuTe miThaa.ii kaa jalva
ye duudh me.n paanii milaataa hai bhaa.ii na aa.e malaa.ii to mai.n kyaa karuu.n
ye b-a hai lekin chalaa.e ye Thelaa ye m.a hai lekin ye beche karailaa
agar tiin din se ye bhuukaa hai bhaa.ii jo bhuukaa hai bhaa.ii to mai.n kyaa karuu.n
ye suuraj jo shaam-o-sahar ghuumtaa hai ise ghuumne do agar ghuumtaa hai
zamii.n gol agar hai to hone do bhaa.ii jo chipTii hai bhaa.ii to mai.n kyaa karuu.n

Raja Mehdi Ali Khan
Nazm

shab-baraat

aur jo bahaar-e-husn ke hai.n paak-baaz yaar
gul-kaarii chho.De hai.n jahaa.n mahbuub gul-ezaar
kahte hai.n un ko dekh ke aa.nkho.n me.n kar ke pyaar
kyaa chaahiye miyaa.n tumhe.n hat-phuul aur anaar
tum par to aap hotii hai ab vaarii shab-baraat

Nazeer Akbarabadi
Nazm

jab barish barasti hai

tumhaarii diid kii KHaatir mirii aa.nkhe.n tarastii hai.n
ki jab baarish barastii hai
tumhaarii baat kaano.n me.n ajab ras ghol detii hai
ki baarish ke hasii.n qatre mire ruKHsaar par aa.e
tumhe.n vo phuul lagte the
kahaa tuu ne
unhe.n mai.n chuum letaa huu.n
mirii sharm-o-hayaa us dam ba.Dii bebaak hotii thii
kamar me.n haath Daale ham
bahut hii der tak bhiige
kahaa mai.n ne
tumhaarii sharbatii aa.nkhe.n
mujhe mad.hosh kartii hai.n
tumhaare lams kaa baadal
mujhe pur-josh kartaa hai
tumhaare pyaar kii baarish
ba.Dii jal-thal sii kartii hai
mujhe paagal saa kartii hai

Dua Ali
Nazm

eid ke roz

kaisii nikhrii sii nazar aatii hai fazaa eid ke roz
shaadmaa.n phirte hai.n sab shaah-o-gadaa eid ke roz
kitnii be-fikrii se gaate hai.n gadaa raaho.n me.n
peT KHaalii ho to gaa.e.n bhii na kyaa eid ke roz
kyaa bhalii lagtii hai har piir-o-javaa.n ke mu.nh se
har taraf eid mubaarak kii sadaa eid ke roz
ammii KHush ho.ngii aur eidii bhii vahii paa.egaa
vaqt se pahle jo bedaar hu.aa eid ke roz
chaa.nd untiis ko kyaa niklaa ki aadhii shab se
tailoring shaap me.n ik taa.ntaa ba.ndhaa eid ke roz
kap.De bhii dhul na sake vaqt-e-namaaz aa pahuu.nchaa
laundry vaalo.n pe aafat hai bapaa eid ke roz
daadii ammaa.n ne musalle ko pare Daal diyaa
ghar me.n mehmaano.n kaa vo shor machaa eid ke roz
aa.nkh ojhal hu.ii aur TuuT savayyo.n pe pa.Daa
der se aslam isii taak me.n thaa eid ke roz
iid-gah shaan se Tam Tam pe chale hai.n babban
baap ke kaa.ndho.n pe nanhaa bhii cha.Dhaa eid ke roz
pak.De laaThii ko maTakte chale ramzaanii miyaa.n
piichhe se bachcho.n kaa ik gol chalaa eid ke roz
apne begaane jo ba.Dh ba.Dh ke gale milte ho.n
kyo.n na phir aa.e ibaadat me.n maza eid ke roz
roze ramzaan ke rakhnaa to sabhii bhuul ga.e
kaise bhuule.nge savayyo.n ko bhalaa eid ke roz
saal ke saal rahe yaad-e-KHudaa se Gaafil
ai 'zakii' un ko bhii yaad aayaa KHudaa eid ke roz

Zaki Ahmad
Nazm

chautha aadmi

baiThe baiThe yuu.nhii qalam le kar
mai.n ne kaaGaz ke ek kone par
apnii maa.n
apne baap ke do naam
ek gheraa banaa ke kaaT diye
aur
is gol daa.ere ke qariib
apnaa chhoTaa saa naam Taa.nk diyaa
mere uThte hii, mere bachche ne
puure kaaGaz ko le kar phaa.D diyaa!

Nida Fazli
Nazm

waba ke dinon mein

bu.Dhiyaa khi.Dkii se jhaa.nkte chiiKHii
ko.ii maz.hab
use lagaam kyo.n nahii.n Daaltaa
kaisii shutr-e-be-mahaar hu.ii phirtii hai
ko.ii du.aa us kaa galaa kyo.n nahii.n gho.nTtii
is manhuus ko ta.aviiz ghol kar pilaa.o

Unknown
Nazm

ek sham

nadii ke larazte hu.e paaniyo.n par
thiraktii hu.ii shoKH kirno.n ne chi.ngaariyaa.n ghol dii hai.n
thakii dhuup ne aa ke lahro.n kii phailii hu.ii na.ngii baa.nho.n pe apnii laTe.n khol dii hai.n
ye juu-e-ravaa.n hai
ki bahte hu.e phuul hai.n jin kii KHushbu.e.n giito.n kii siskaariyaa.n hai.n
ye pighle hu.e zard taa.nbe kii chaadar pe uljhii hu.ii silvaTe.n hai.n
ki zanjiir-haa-e-ravaa.n hai.n
bas ik shor-e-tuufaa.n
kinaaraa na saahil
nigaaho.n kii had tak
salaasil salaasil
ki jin ko uThaa.e hu.e Doltii pankhu.Diyo.n ke safiine bahe jaa rahe hai.n
bahe jaa rahe hai.n
kahii.n duur in ghor a.ndhero.n me.n jo faaslo.n kii ridaa.e.n lapeTe kha.De hai.n
jahaa.n par abad kaa kinaaraa hai aur ik vo gaa.nv
vo ganne ke kyaaro.n pe aatii hu.ii Daak gaa.Dii ke bhore dhu.e.n kii chhichhaltii sii chhaa.nv

Majeed Amjad
Nazm

kursi

ye gol mez se kahtii hai ab ki to kyaa hai
chair ke saamne sofe kii aabruu kyaa hai

Khalid Irfan
Nazm

kabhi kabhi

kabhii kabhii behad Dar lagtaa hai
ki dostii ke sab rupahle rishte
pyaar ke saare sunahre bandhan
suukhii Tahniyo.n kii tarah
chaTaKH kar TuuT na jaa.e.n
aa.nkhe.n khule.n, band ho.n dekhe.n
lekin baate.n karnaa chho.D de.n
haath kaam kare.n
u.ngliyaa.n duniyaa bhar ke qaziye likkhe.n
magar phuul jaise bachcho.n ke
Dagmagaate chhoTe chhoTe pairo.n ko
sahaaraa denaa bhuul jaa.e.n
aur suhaanii shabnamii raato.n me.n
jab raushniyaa.n gul ho jaa.e.n
taare motiyaa chamelii kii tarah mahke.n
priit kii riit
nibhaa.ii na jaa.e
dilo.n me.n kaThortaa ghar kar le
man ke chanchal sote suukh jaa.e.n
yahii maut hai!
us duusrii se
bahut ziyaada burii
jis par sab aa.nsuu bahaate hai.n
arthii uThtii hai
chitaa sulagtii hai
qabro.n par phuul cha.Dhaa.e jaate hai.n
charaaG julte hai.n
lekin ye، ye to
tanhaa.ii ke bhayaanak maqbare hai.n
daa.imii qaid hai
jis ke gol gumbad se
apnii chiiKHo.n kii bhii
baaz-gasht nahii.n aatii
kabhii kabhii behad Dar lagtaa hai

Sajjad Zaheer
Nazm

jalwa-e-sahar

kahii.n daraKHto.n me.n Gol chi.Diyaa kaa baiTh kar chahchahaa rahaa hai
kahii.n se toto.n kaa jhunD uTThaa fazaa-e-gulshan me.n Gul machaa.e

Nushur Wahidi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now