Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "hablul-matii.n"

Nazm MATCHES FOR "hablul-matii.n"

Nazm

kalkatta

majlis-e-ittihaad-e-millat ko
likhiye habl-ul-matiin-e-kalkatta
saare hindostaa.n kii daulat ko
kahiye milk-e-yamiin-e-kalkatta
kufr hoogli me.n jaa ke Duub gayaa
dii.n hu.aa hai makiin-e-kalkatta
asar-e-sajda-haa-e-paiham se
hu.ii raushan jabiin-e-kalkatta
har taraf phir rahe hai.n niilii posh
aasmaa.n hai zamiin-e-kalkatta

Zafar Ali Khan
Nazm

images

mai.n bhii us hall me.n baiThaa thaa
jahaa.n parde pe ik film ke kirdaar
zinda-jaaved nazar aate the
un kii har baat ba.Dii, soch ba.Dii, karm ba.De
un kaa har ek amal
ek tamsiil thii bas dekhne vaalo.n ke liye
mai.n adaakaar thaa us me.n
tum adaakaara thii.n
apne mahbuub kaa jab haath paka.D kar tum ne
zindagii ek nazar me.n bhar ke
us ke siine pe bas ik aa.nsuu se likh kar de dii

Gulzar
Nazm

chikan-fried halal rakhna

tumhaarii daavat qubuul mujh ko magar tum itnaa KHayaal rakhnaa
beer kisii bhii brand kii ho chikan-fried halaal rakhnaa

Khalid Irfan
Nazm

aadha iman

mai.n dil-girafta huu.n Gam-zada huu.n
ki kyo.n ye maz.hab-zada likhaarii
faraa.ez-e-mansabii nibhaate
halaal naan-o-namak kamaate
aur aadhe iimaan ko bachaate
Gariib bekas masiihiyo.n ko
shahiid likhne se Dar ga.e hai.n
kisii ne un ko halaak likkhaa
kisii ne likkhaa vo mar ga.e hai.n

Jabbar Wasif
Nazm

bhik shabnam ki

mai.n raushnii kaa numaa.inda raushnii kaa safiir
har ek daur me.n hamla kiyaa a.ndhero.n ne
kabhii saliib kii raunaq banaa hai jism miraa
kabhii labo.n pe lagaayaa hai mai.n ne zahr kaa jaam
dahaktii aag me.n kundan banaa badan meraa
hiraa ke Gaar kii paakiizgii pukaartii hai
salaam kartii hai mere junuu.n ko vaadii-e-niil
mai.n raushnii kaa safiir
na.ii sahar kaa daraKHshanda aaftaab banaa
a.ndhere dasht me.n puunam kaa chaa.nd ban ke khulaa
mire lahuu se hai qaa.em suhaag hastii kaa
mirii kiran se hai taabinda kaa.enaat kaa ruup
naved-e-sub.h daraKHshaa.n adaa-e-fasl-e-bahaar
dhanak kii dilkashii KHushbuu-e-gul shamiim-e-chaman
mire hii KHuun se hai aabruu-e-rang-e-hayaat
magar nasiib me.n mere hai zulmat-e-pur-haul
mai.n raushnii kaa numaa.inda raushnii kaa safiir
KHud apne dard kii zulmat ke daam me.n huu.n asiir
mire vajuud kaa patthar sulag rahaa hai jise
mai.n apne ashk kii shabnam kii bhiik detaa huu.n

Shaheen Badr
Nazm

suraj ka alamiya

mire piichhe bahut piichhe
mire maazii ke lambe Gaar me.n saa.npo.n kaa Deraa hai
jahaa.n pur-haul haibatnaak bhuuto.n kaa baseraa hai
mire aage bahut aage
miraa ra.ngiin mustaqbil hai ik phuulo.n kii vaadii hai
ki jis kii god me.n KHvaabo.n kii alha.D shaahzaadii hai
mire piichhe
a.ndhere Gaar hai.n mak.Dii ke jaale hai.n
mire aage
sunahre KHvaab hai.n kirno.n ke haale hai.n
mai.n sargarm-e-safar huu.n apnii manzil kii taraf lekin
mirii ba.Dhtii hu.ii vahshat kaa aalam ko.ii kyaa jaane
ye lamhe haa.n yahii u.Dte hu.e lamhe na haath aa.e
uja.D kar rah ga.e KHush-ra.ng KHvaabo.n ke sanam-KHaane

Prem Warbartani
Nazm

sannaTa

merii gardan mere shaane mere lab
sab ke sab viiraan hai.n
apne ghar me.n ek mai.n huu.n
aur kaalii raat kaa pur-haul sannaaTaa

Akhtar Rahi
Nazm

panah-KHwahon ke markaz mein saneha

vahii zar-kaar zulfe.n thii.n
vahii afrangiyo.n kii niilguu.n aa.nkhe.n
ko.ii mahruum-e-taKHt-o-taaj shahzaadii
kisii luuTii hu.ii bastii kii barbaadii
panah-KHvaaho.n ke markaz me.n kha.Dii thii
ik KHayaal-e-zard kii suurat
sharaar-e-sard kii suurat
vo un raaho.n se aa.ii thii jahaa.n par Gol phirte hai.n
jahaa.n dukh dandanaate hai.n jahaa.n par haul phirte hai.n
jise us ke badan se jo milaa us kaa uThaa kar le gayaa thaa
ko.ii baazuu ko.ii gardan ko.ii siina churaa kar le gayaa thaa
vufuur-e-shauq se mai.n us kii jaanib haath phailaa.e ba.Dhaa
abhii mai.n us ko apnaa jaan kar do bol hamdardii ke boluu.ngaa
magar ye soch kar mai.n Dar gayaa
mire qadmo.n se us ke jism tak kaa faasla jaise lahuu se bhar gayaa
vo nasraanii nikal aa.ii to pa.Dhne vaalii girhe.n mai.n kaise kholuu.ngaa

Jamshed Masroor
Nazm

baDa pur-haul rasta tha

ba.Daa pur-haul rasta thaa
badan ke jauhar-e-KHufta me.n ko.ii quvvat-e-laahuut mudGam thii
kisii Guul bayaabaanii kii gardish mere dast-o-paa kii mahram thii
dahaan-e-jaa.n se KHaarij hone vaalii bhaap me.n the saalimaat-e-dard raushan
guzargaaho.n ke sab naa-mo'tabar patthar
KHalaa me.n u.Dne vaalii past miTTii ke siyah zarre
pahaa.D aur aa.ine saa.e kure pe.Do.n ke patte
paaniyo.n kii gol lahre.n
raat kii laa-ilm chiize.n
shash-jihat ke sab anaasir zor se piichhe haTe the
aur mai.n aage hazaaro.n kos aage ba.Dh gayaa thaa
ik ajab raftaar merii aag me.n thii
kis qadar pur-haul rasta thaa
pa.Daav ke liye kitne jaziire darmiyaa.n aa.e
zamii.n mu.D mu.D ke aa.ii aur ik ik kar ke saato.n aasmaa.n aa.e
musalsal chal rahaa thaa mai.n
havaa me.n Dhal rahaa thaa mai.n
masaamo.n se shu.aa-e-be-nihaayat phuuTii pa.Dtii thii
abad kaa ik ja.Daav taaj mere sar pe rakhaa thaa
ba.Daa pur-haul rasta thaa
ko.ii barq-e-shabaahat aarzuu-bardaar merii aag me.n thii
ik ajab raftaar merii aag me.n thii

Rafiq Sandelvi
Nazm

raat

aa.ndhiyaa.n aasmaano.n kaa nauha zamii.n ko sunaatii hai.n
apnii guluu-giir aavaaz me.n kah rahii hai.n,
daraKHto.n kii chi.nghaa.D
niichii chhato.n par ye raqs aasmaanii baguulo.n kaa
uu.nchii chhato.n ke tale khele jaate Daraama kaa manzar hai
ye us zulm kaa isti.aara hai
jo shah-e-rag se haabiil kii garm o taaza lahuu ban ke ublaa hai
aa.ndhiyo.n me.n thaa ik shor-e-karb-o-balaa
aur mai.n ne sunaa karbalaa...karbalaa
raat ke saham se, an-kahe vahm se
band aa.nkho.n me.n vahshat zada KHvaab utraa
subah aKHbaar kii surKHiyaa.n ban gayaa

Sajjad Baqar Rizvi
Nazm

mere charagh bujh gae

mire charaaG bujh ga.e
mai.n tiirgii se raushnii kii bhiik maa.ngtaa rahaa
havaa.e.n saaz-baaz kar rahii thii.n jin dino.n siyaah raat se
unhii siyaah saa.ato.n me.n saaneha hu.aa
tamaam aa.iine Gubaar se be-nuur ho ga.e
saraa ke chaar samt haul-naak shab kii KHaamushii
chamaktii aa.nkh vaale bhe.Diyo.n ke Gol le ke aa ga.ii
qabaa-e-zindagii vo phaa.D le ga.e nukiile naaKHuno.n se us tarah
ki ruuh chiitha.Do.n me.n baT ga.ii
KHaraab mausamo.n kii chaal thii ki aas-paas baa.nbiyo.n se
aa ga.e nikal ke saa.np jhuumte hu.e
bujhaa diyaa safed raushnii kaa dil
madad ko mai.n pukaartaa thaa aur dekhtii thii.n putliyaa.n tamaashaa Gaur se
magar na aa.ii.n biin le ke amn vaalii bastiyo.n se jogiyo.n kii Toliyaa.n
siyaah aa.ndhiyo.n kaa zor kab talak sahaarte
mire charaaG bujh ga.e

Ali Akbar Natiq
Nazm

sail-e-ab

raat merii aa.nkh jab khulii
to khaaT merii hil rahii thii
hil rahii thii naav
sail-e-aab ke maqaam-e-asl par
sitaare jha.D rahe the aasmaan se
KHalaa ba-zaat-e-KHud siyaah haul thaa banaa hu.aa
pahaa.D se nikal rahii thii
tez dhaar kii tarah havaa
ubal rahaa thaa
jaise sail-e-aab ke maqaam se
a.ndheraa aab-e-sard ko lapeTtaa
nigal rahaa thaa raushnii kii zard sii lakiir ko
ulaT rahii thii kaa.enaat ik taraf
kisii kaa dast-e-naaznii.n
mirii jabiin par rukaa
shafaq se surKH ho.nT
mere KHushk ho.nTo.n se mile
mai.n jii uThaa
mai.n muskuraa ke jaag uThaa
ufuq ke dasht me.n
tilism-e-ahmarii.n chahaar samt thaa usii tarah
ma'an safed din nikal pa.Daa
nizaam-e-kaa.enaat phir se chal pa.Daa

Iqtidar Javed
Nazm

dhund se lipTa rasta

mere andar
mire aage piichhe bhii mai.n huu.n
zamaano.n ke saayo.n kii vus.at sameTe
miraa daa.era apne imkaan kii had pe nauha-kunaa.n hai
jahaa.n dhund ke saath bahtii hu.ii maut
ab ek jangal banaa.e kha.Dii hai
mirii aa.nkh me.n munjamid KHauf tahliil hone ko tayyaar hai
ye vo lamha hai
jis kii gavaahii kii namkiinii meraa halaal badan hai
magar kyaa ye mere liye hai?

Qasim Yaqub
Nazm

ek sham

qumqumo.n kii zahr ugaltii raushnii
sa.ng-dil pur-haul diivaaro.n ke saa.e

Sahir Ludhianvi
Nazm

ek KHat

ek arse se soch rahii huu.n
ki tum ko KHat likhuu.n
lekin kyaa likhuu.n
yahii ki a.ndhere ke baadal chhaT nahii.n rahe hai.n
yaa ye likhuu.n ki
KHauf-o-dahshat ke saa.e
kis tarah kam nahii.n ho rahe hai.n
har taraf chiiKHe.n karaahe.n laashe.n dhu.aa.n
sisaktii javaanii bilaktii mamtaa
gum-sum bachpan
yaa phir bairuut kii kahaaniyaa.n likhuu.n
kashmiir kii sulagtii vaadiyo.n kii daastaan likhuu.n
bhagal-pur ko mauzuu.a-e-qalam Thahraa.uu.n
yaa srii-la.nkaa ke fasaane likhuu.n
is liye ki
punjab me.n to haadso.n kaa honaa vaise hii zaruurii hai
jaise sub.h kaa honaa
ab mai.n tum ko tab KHat likhuu.ngii
jab har samt se farhat-baKHsh havaa.e.n aa.e.ngii
KHushii ke paiGaam laa.e.ngii
sunahrii dhuup me.n amn kii devii
apnaa aa.nchal lahraa.egii
goliyo.n kii pur-haul aavaaze.n
koyal ke suriile naGmo.n me.n badal jaa.e.ngii
logo.n ke zehno.n se nafrato.n ke baadal chhaT jaa.e.nge
tab mai.n tum ko KHat likhuu.ngii
ki mai.n bahut KHush huu.n
ummiid ki tum bhii KHush hoge

Malika Naseem
Nazm

amar

ka.ii saal hu.e merii zindagii
KHizaa.n-aaluud viiraan sa.Dko.n
pattharo.n se banii taariik KHaalii galiyo.n
sunsaan jangalo.n
aur jaa.De me.n jamte kaale dariyaa.o.n ke kinaare guzar rahii hai
vahii dariyaa jin me.n mai.n ne
aqiidato.n me.n baa.ndhe ka.ii ta.aviiz samjhaute ke naam par bahaa diye
vahii sa.Dke.n jin kii viiraanii ke sipurd mai.n ne
mohabbato.n me.n baa.ndhe ka.ii va.ade kiye
vahii galiyaa.n jin ke pattharo.n pe mai.n ne
KHvaahish kii har shakl to.D dii
vahii jangal jis kii KHaamoshii me.n mai.n ne
har sadaa.ii kii du.aa dafnaa dii
magar kaale dariyaa akasr mujhe aa.iina dikhaane aate hai.n
jis me.n yaad-daashto.n se ubharte chehro.n ke naqshe bante hai.n
phir mausamii baarisho.n kaa ko.ii relaa aataa hai
aur sabhii guzashtagaan ko palak jhapke bahaa le jaataa hai
phir tanhaa.ii ke saahilo.n par mere pair
honiyo.n kii baaqiyaat se Takraate hai.n
kuchh vajuud maKHmalii.n ehsaas baKHshte hai.n
baaqii ke asbaab paa.nv me.n KHaar kii tarah chubhte hai.n
nange paa.nv zindagii guzaarnaa aasaan nahii.n
ki ruuh kii fanaa kaa amal kahte hai.n
paa.nv ke anguuThe se shuruu.a hogaa
jaan nikalne kaa manzar-naama jitnaa bhii haul-naak ho
kuchh ruuhe.n kabhii fanaa nahii.n hotii.n
aur bechainii un me.n panaah Dhuu.nD letii hai

Komal Raja
Nazm

kabhi kabhi

kabhii kabhii mire dil me.n KHayaal aataa hai
ki zindagii tirii zulfo.n kii narm chhaa.nv me.n
guzarne paatii to shaadaab ho bhii saktii thii
ye tiirgii jo mirii ziist kaa muqaddar hai
tirii nazar kii shu.aa.o.n me.n kho bhii saktii thii
ajab na thaa ki mai.n begaana-e-alam ho kar
tire jamaal kii ra.anaa.iyo.n me.n kho rahtaa
tiraa gudaaz-badan terii niim-baaz aa.nkhe.n
inhii hasiin fasaano.n me.n mahv ho rahtaa
pukaartii.n mujhe jab talKHiyaa.n zamaane kii
tire labo.n se halaavat ke ghuu.nT pii letaa
hayaat chiiKHtii phirtii barahna sar aur mai.n
ghanerii zulfo.n ke saa.e me.n chhup ke jii letaa
magar ye ho na sakaa aur ab ye aalam hai
ki tuu nahii.n tiraa Gam terii justujuu bhii nahii.n
guzar rahii hai kuchh is tarah zindagii jaise
ise kisii ke sahaare kii aarzuu bhii nahii.n
zamaane bhar ke dukho.n ko lagaa chukaa huu.n gale
guzar rahaa huu.n kuchh an-jaanii rahguzaaro.n se
muhiib saa.e mirii samt ba.Dhte aate hai.n
hayaat o maut ke pur-haul KHaarzaaro.n se
na ko.ii jaada-e-manzil na raushnii kaa suraaG
bhaTak rahii hai KHalaa.o.n me.n zindagii merii
inhii KHalaa.o.n me.n rah jaa.uu.ngaa kabhii kho kar
mai.n jaantaa huu.n mirii ham-nafas magar yuu.nhii
kabhii kabhii mire dil me.n KHayaal aataa hai

Sahir Ludhianvi
Nazm

khanDar

mai.n jab bhii tere ghar ke paas se ho kar guzartaa huu.n
mujhe kho.ii hu.ii ra.anaa.iyaa.n aavaaz detii hai.n
tirii yaade.n tirii parchhaa.iyaa.n aavaaz detii hai.n

Qaisarul Jafri
Nazm

jawaz

mai.n ek KHizaa.n-diida-e-aavaara musaafir
daanista nikal aayaa huu.n duur apne vatan se
ab soch rahaa huu.n ki javaanii kaa ye iqdaam
kyaa ko.ii jasaarat hai rivaayaat-e-kuhan se

Allama Talib Jauhari
Nazm

ret

ret par soyaa hu.aa hai aadmii
us me.n sire se ko.ii jumbish hii nahii.n
mujhe haul hotaa hai
mai.n us ke paas jaataa huu.n
vahaa.n ret kaa ek Dher hotaa hai

Saeeduddin
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now