Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "he-he"

Nazm MATCHES FOR "he-he"

Nazm

hindu muslim

magar hindostaa.n hindostaa.n hindostaa.n he he
zamii.n is kii na badlii aur na badlaa aasmaan he he

Syed Mehdi Husain Rizvi
Nazm

andalib

chaltii hai jis gha.Dii ki shab-e-maah me.n sabaa
aur jab ki mast ho ho ke hiltii hai shaaKH-e-gul
is vaqt tuu jo kartii hai fariyaad ham-safiir
betaab aur kartii hai hijraa.n-nasiib ko
lekin tuu jis ke vaaste rahtii hai be-qaraar
hotaa hai is kaa qurb mahiino.n tujhe nasiib
hotii hai har bahaar me.n tujh ko na.ii bahaar

Azeemuddin Ahmad
Nazm

rah-guzasht

raat bhar husn-e-tasavvur se jilaa paate rahe
KHvaab mere ruKH-e-mahtaab ko sharmaate rahe
jin bahishto.n se mai.n guzraa huu.n vo yaad aatii ga.ii.n
shaiKH kal KHuld kii taariif jo farmaate rahe
jannat-o-dozaKH-o-a.araaf se mai.n guzraa huu.n
KHunkii-e-husn ke sho.ale mujhe pighlaate rahe
vo tahayyur vo nigaaho.n kaa tajassus he he
KHvaab se hosh ke aalam me.n nazar aate rahe
raqs kartaa rahaa har zarra rah-e-Gurbat me.n
kyaa baguule the mire gird jo ma.nDlaate rahe
haath KHaalii thaa miraa aur bharii thii.n aa.nkhe.n
jaam-e-labrez mai-e-naab se Takraate rahe
ajnabii chehre jo maanuus nazar aate the
apnii KHaamoshii me.n kyaa kuchh nahii.n farmaate rahe
TuuT ke girte rahe ban ke shahaab-e-saaqib
sher-o-ilhaam ke motii kabhii barsaate rahe
kuchh azaaziil o saraafiil bhii raste me.n mile
un ke changul se magar bach ke nikal aate rahe
qissa-e-Gaib chhi.Daa yaa suKHan-e-buud-o-adam
sham.a ke gird patange the ki ma.nDlaate rahe
aa.nch sahte rahe furqat kii bhii aashob kii bhii
jii ko KHvaabo.n se KHayaalo.n se bhii bahlaate rahe
kabhii be-saaKHta phuulo.n kii taraf uTThe qadam
kabhii KHushbuu hii se ham ruuh ko mahkaate rahe
Dhal gayaa din to ubhar aa.e umiido.n ke charaaG
na sahii chaa.nd sitaare hii nazar aate rahe

Saeed-ul-Zafar Chughtai
Nazm

sachcha wed

he dayaa-ma.e ham ko shaktii aur viddyaa daan kar
duur ho.n vipdaa hamaarii sab kaa tuu kalyaan kar
bhed zaat aur paat kaa ab tuu miTaa de hind se
mere bhaarat kii sabhii desho.n me.n uu.nchii shaan kar
ham dharam-parsaar me.n saare lage.n ai iishvar
phir se saare desh me.n paidaa isii kaa gyaan kar
kaaT de har dukh kaa bandhan ho sadaa terii dayaa
merii is bintii pe ai bhagvan zaraa kuchh dhyaan kar
ved ke amrit ko pii kar mukt ho jaa.e.n sabhii
gyaan sachchaa ved kaa 'betaab' ko bhii daan kar

Betab Alipuri
Nazm

dusri raat

ye bhii raat guzar rahii he
kamre kii bikhrii chiize.n sameTte hu.e
tumhaare jaane ke baad
tumhaarii chahal-qadmiyaa.n ghuumtii rahtii hai.n dil ke aa.ngan me.n
guu.njtii rahtii hai.n tumhaarii sargoshiyaa.n mere kaano.n me.n
bistar kii silvaTe.n mu.nh chi.Dhaane lagtii hai.n
is baar cigarette ke jale hu.e Tuk.Do.n par mahsuus kartii huu.n
tumhaare ho.nTo.n kaa lams
idhar-udhar bikhre hu.e tumhaarii baato.n ke Dher
chaa.e kii jhuuTii pyaaliyaa.n
ek ek ko uThaatii huu.n aur rakhtii jaatii huu.n
yaado.n kii almaarii me.n
jis me.n pahle hii se maujuud hai.n
tumhaarii muskuraahaTo.n kii gaThriyaa.n
balcony se jhaa.nktaa hu.aa chaa.nd
mahaktii hu.ii raat kii raanii
kitnaa kuchh sameTnaa baaqii he abhii
mere maathe par tumhaare ho.nTo.n kaa lams
tumhaare naam kaa vird kartii hu.ii dha.Dakne
thak kar chuur ho ga.ii huu.n KHud ko sameTte hu.e
aur aasmaan par chamaktaa hu.aa aaKHirii sitaara bhii
is baar Duub jaanaa chaahtaa hai mere saath
tumhaarii yaado ke be-karaa.n samundar me.n

Varsha Gorchhia
Nazm

yahi peshani ki jis par koi silwaT bhi nahin

mai.n ne dekhaa hai kahii.n KHvaab bhii ho saktaa hai
ya.anii ik dasht tah-e-aab bhii ho saktaa he

Sana Gorakhpuri
Nazm

mazdur

use kyaa farq pa.Dtaa hai
december biit jaane se
yakum taariiKH aane se
kisii bhii saal-e-nau ke KHair-maqdam par KHushii ke shaadyaane se
suruur-o-kaif-o-mastii me.n mohabbat ke taraane se
club aur hoTalo.n me.n vahshiyaana raqs par saudaa.iyo.n ke thartharaane se
use kyaa farq pa.Dtaa hai
use to har guzartaa saal ik jaisaa hii lagtaa hai
vo ik mazduur he jis kii
musalsal bhuuk aur iflaas se arse se lambii ja.ng jaarii hai
ki jis ke saamne har sub.h pai-dar-pai mashaqqat ke taqaaze hai.n
ka.Dii mehnat riyaazat jehd-e-paiham us kaa maslak hai
use kyaa farq pa.Dtaa hai
calender par na.e hindso.n kii ik taariiKH aane se
december biit jaane se
nayaa ik saal aane se

Shahnaz Parveen Shazi
Nazm

ana ka parinda

simaTte hu.e saayo.n ke farsh par
der se yuu.nhii baiThaa hu.aa huu.n
ki guzre ko.ii qaafila jaada-e-roz-o-shab se
to puuchhuu.n ki darmaandagii kii sazaa kyaa hai mujh ko bataa.o
magar Dar rahaa huu.n ki ko.ii musaafir
mirii baat par muskuraayaa to mai.n kis tarah jii sakuu.ngaa
mirii zindagii ek sarkash anaa he
parinde kii suurat anaasir ke zar-kaar pinjre kii ziinat
mirii ruuh bhii jaaduugar kii tarah
is anaa is parinde ke qaalib me.n KHalvat-nashii.n hai

Hurmatul Ikaram
Nazm

alif se ye tak

alif jo aaluu khaa.egaa
vo moTaa ho jaa.egaa
be baarish jab aatii hai
koyal shor machaatii hai
pe paalii mai.n ne billii
chal dii chho.D ke vo dillii
te titlii hai zinda phuul
jo na maane naa-maaquul
Te TaTTuu par cha.Dh bhayyaa
Dar mat aage ba.Dh bhayyaa
se saabit hai ye laTTuu
chunnuu jaa le aa paTTuu
jiim mai.n juute khaa.uu.ngaa
ro kar chup ho jaa.uu.ngaa
che chunnuu hai ik la.Dkaa
nanhaa munnaa chhoTaa saa
he vo haa tuu aayaa hai
hii.ng aur paTTuu laayaa hai
KHe KHachchar mai.n laa.uu.ngaa
apne ghar me.n nachau.ngaa
daal na daal pakaa ammii
barfii mujhe khilaa ammii
Daal Daruu.n mai.n bhaaluu se
mai.n nahii.n Dartaa KHaaluu se
re ronaa mujhe aataa hai
jab miraa bhayyaa gaataa hai
siin sarautaa laa ammii
mujh ko paan khilaa ammii
bas bhaa.ii aage mat jaa
ittii bas nazm na hogaa

Raja Mehdi Ali Khan
Nazm

tere liye

phir dil hai aaj Garq-e-tamannaa tire liye
aa muztarib hai ishq kii duniyaa tire liye
vahshat baras rahii hai gulistaa.n me.n har taraf
hai chaak-chaak daaman-e-sahraa tire liye
terii nigaah-e-mast kii mushtaaq hai bahaar
saaGar me.n hai ye larzish-e-sahbaa tire liye
muddat se aarzuu-e-tamaashaa hai sogvaar
muddat se mahv-e-dard hai duniyaa tire liye
dil aur chashm-e-shauq kii manzil ke darmiyaa.n
vaa he masarrato.n kaa dariicha tire liye
ye chaa.ndnii ye mauj-e-ravaa.n aur ye do jaam
aa dekh ehtimaam hai kyaa kyaa tire liye
ye sabza-e-latiif ye bhiigii hu.ii havaa
ik gulsitaa.n hai saahil-e-dariyaa tire liye
'jauhar' kahaa.n hayaat kii ye kashmakash kahaa.n
hai merii zindagii kii tamanna tire liye

Jauhar Nizami
Nazm

mungphali ki kya hai baat

hii hii dekho chhaa ga.ii ab
sii sii sardii aa ga.ii ab
milegii ab phir ye sauGaat
muu.ngphalii kii kyaa hai baat

Yasir Farooq
Nazm

scent usama

scent usaama
ab rozaana
nau se gyaarah
apne pyaare maddaaho.n se
toraa-boraa ke Gaaro.n
yaa daar-ul-harb me.n milte hai.n
jahaa.n bhii vo jaa ke Thahre hai.n
gaane par paabandii hai
phuul lagaane aur tasviir
utarvaane par paabandii he
aurte.n naa-mahram ke saath nazar aa.e.n to
ko.De aur patthar maare jaa.e.nge
america ke gun gaane vaalo.n ke
haath pair aur sar bhii utaare jaa.e.nge
KHabar nahii.n ki siidhii raah pe chalne vaale
maGrib me.n hai.n yaa mashriq me.n
ye bhii yaad nahii.n ki bachche aaKHirii baar
kab school ga.e
qadam qadam par kaa.nTe aur baaruudii sura.ng bichhii hu.ii hai.n
jin ko naakaara karne ke saare mantar
haatho.n me.n banduuq uThaa ke
scent usaama bhuul ga.e
jaan bachaane vaalii davaa.o.n kii
yaarab kitnii qillat hai
ki bechaare har bande ko
jaan dene kii
na.ii adaa.e.n sikhlaate hai.n
ab roz
nau se gyaarah
apne pyaare maddaaho.n ko
jannat me.n le jaane vaalii
ka.ii du.aa.e.n sikhlaate hai.n

Zeeshan Sahil
Nazm

tum yahan dubke hue ho

mai.n KHalaa.o.n me.n phiraa
paataal me.n bhaTkaa
samundar chhaan maare
vus.at-e-sahraa ko muTThii me.n lapeTaa
chaa.nd suuraj kho.nd Daale
apnii gardan par liyaa taaro.n kaa KHuun
vaqt kii laakho.n tanaabe.n kaaT dii.n
aaKHirash
thak-haar kar
(jab tum na mil paa.e to)
aa leTaa huu.n
is andhii guphaa me.n
tum yahaa.n dubke hu.e ho!

Muzaffar Hanfi
Nazm

murti-car

he iishvar tere chaukhaT par to sabhii baraabar hai.n
mandir me.n baiThaa tuu isii muurtii-car ke ghar se jaataa hai
to kyaa KHush honaa meraa adhikaar nahii.n
yaa tujhe aakaar denaa meraa punny nahii.n

Priya Shandilya
Nazm

pyar karte raho

apnaa jo farz hai
is tarah ho adaa
jaise ek qarz hai

Adeel Zaidi
Nazm

charagh-e-lamha

yahii vo lau he jo raushan dimaaG kartii hai
isii charaaG ko nuur-e-hayaat kahte hai.n
KHudaa se bande ke rishte ko jo.Dtaa hai ye nuur
ye rabt vo hai jise kaa.enaat kahte hai.n

Nashir Naqvi
Nazm

main kuchh bhi kah na paya

taa.nge kaa ek gho.Daa
la.ngDaa thaa tho.Daa tho.Daa
puuchhaa jo mai.n ne us se
kyaa paa.nv me.n hai pho.Daa
bolaa ye zulm mujh par
ik aadmii ne to.Daa
pahle to us ne mujh ko
taa.nge me.n laa ke jo.Daa
phir us ko KHuub bhar kar
bolaa ki chal mano.Daa
jab mai.n khisak na paayaa
lahraayaa us ne ko.Daa
maaraa mujhe ta.Daata.D
phir dum ko bhii maro.Daa
mai.n bilbilaa ke bhaagaa
bas ban gayaa bhago.Daa
KHud bhii giraa phisal kar
ek ik kaa sar bhii pho.Daa
us din se aaj tak mai.n
la.ngDaa huu.n tho.Daa tho.Daa
ye daastaa.n sunaa kar
bolaa vo hinhinaa kar
mai.n ne to munnuu bhaa.ii
tabii.at hai saada paa.ii
KHud apne mu.nh se apnii
kartaa nahii.n ba.Daa.ii
qur.aan-e-paak ne bhii
merii qasam hai khaa.ii
gar tiisvaa.n sipaarah
tum ne pa.Dhaa ho bhaa.ii
val-aadiyaat zabhan me.n
baat hai ye aa.ii
insaa.n to apne rab se
kartaa he bevafaa.ii
bas maal-o-zar ke piichhe
hai zindagii ga.nvaa.ii
gho.Do.n ne maaliko.n par
hai jaan bhii luTaa.ii
ham log ha.nste gaate
har bojh hai.n uThaate
hai.n jaanvar hamesha
insaa.n ke kaam aate
maahaul kii kashish bhii
ham log hai.n ba.Dhaate
dilkash parind pyaare
shaaKHo.n pe chahchahaate
saare namaaziyo.n ko
har sub.h hai.n jagaate
phir KHud bhii apne rab kii
hamd-o-sanaa hai.n gaate
sau sau tarah tumhaaraa
ham dil bhii hai.n lubhaate
kuchh aise hai.n ki jin se
tum ho davaa banaate
kuchh uun tum ko de kar
sardii se hai.n bachaate
kuchh duudh tum ko dete
kuchh gosht hai.n khilaate
gar jaanvar na hote
tum ghii kidhar se laate
makkhan paniir anDe
aaKHir kahaa.n se khaate
bas kyaa kahuu.n ki kyaa kyaa
hai.n faa.ede uThaate
phir bhii hai.n log ham ko
har tarah se sataate
ye baat kahte kahte
dukh.Daa ye sab sunaate
aisaa vo bilbilaayaa
mai.n kuchh bhii kah na paayaa

Ahmad Hatib Siddiqi
Nazm

kash

us KHaamosh qil.e kii
saKHt lohe sii diivaare.n
har taraf safed Gamgiin parde
vo apnii aalii-shaan kursii par baiThii
ko.ii hisaab jo.D rahii hai
us kaa phiikaa sapaaT bojhal chehra
jaise bhiitar kaa ek ruup
us ke uuprii ruup rang ko khaa chukaa ho
achaanak darvaaze kii dastak
dabii hu.ii siskiyo.n kaa shor
uu.nche darvaaze ko kholte hii
us kii bhaav-vihiin aa.nkho.n me.n
sa.nvednaa.o.n kii halchal ho uThtii hai
sub.h kii os narm dhuup me.n
naazuk kopal saa ek bachcha
apnii chiiKH ko gale me.n Thuus kar
us kii taraf qil.e kii taraf
dau.Daa aa rahaa thaa
abhii gale lagaa kar ro pa.Degaa jaise
vo ek Tuk use dekhtii rahtii hai
magar gale nahii.n lagaa paatii vo
us kaa hirdai kahtaa hai ki bhej de use
vaapas us ke ghar jahaa.n
us kaa intizaar ho rahaa hogaa
is tivr ichhaa ke saath
barso.n se nirlap rahii us kii aa.nkho.n me.n
dabii hu.ii bhaavnaa.e.n gatii-maan ho kar bahne lagtii hai
he iishvar vo aa.nkhe.n muu.nd letii hai
mez par rakhii hisaabo.n vaalii kitaab dikhaa.ii detii hai
aur nau-pallavit paude kii
naazuk Daalii jaisii u.ngliyaa.n thaam kar
vo use qil.e ke bhiitar le aatii hai
totii.ng darvaaza karkash aavaaz ke saath
band ho jaataa hai
vo bilakhte hu.e bachche ko aaGosh me.n le letii hai
KHaamosh kamre me.n us ma.asuum kii
dha.Dakne saa.nse.n siskiyo.n kaa shor
tez ho uThtaa hai
vo kas ke us bachche ko
apne bhiitar sameT kar gahrii nii.nd sulaa detii hai
jab ko.ii shor baaqii nahii.n rahtaa tab
us ke bhiitar kaa ruudan baahar aane ko ta.Daptaa hai
magar us ke adh-mare man mastishk
use yaad dilaate hai ki
maut maatam nahii.n manaa saktii
kaash mujhe bhii haq hotaa
darvaaze pe aa.e ko vaapas bhejne kaa
kaash
bhaarii qadmo.n pe uTh kar vo
us kitaab me.n kuchh jo.D detii hai
din kaa ujaalaa surya kaa tej
lajjit ho kar sar jhukaa lete hai
havaa bhii chhobhit ho kar niilii pa.D jaatii hai
saarii sirishTii a.ndhkaar kii gart me.n Duubne lagtii hai

Darshika wasani
Nazm

faqa-masti aur zawal-e-sharafat

qaht us par qatl-o-Gaarat kaa ye aalam haa.e haa.e
har taraf hai naala-o-fariyaad-o-maatam haa.e haa.e
ik taraf kap.De kaa maatam ik taraf Galle kii maar
ab to hai is zindagii se naak me.n dam haa.e haa.e
jin ke dastarKHvaan par hotii thii.n sad.haa ne.amate.n
un ko miltii hai Gizaa-e-ranj paiham haa.e haa.e
shabnam-o-kamKHaab kii jo taab laa sakte na the
un ko khaddar bhii nahii.n hotaa faraaham haa.e haa.e
aaj hai likkhe-pa.Dho.n ke ghar me.n faaqa aa.e din
har-kasaa.n is vaqt hai fir.aun-e-aazam haa.e haa.e
miT rahaa hai faaqa-mastii se sharaafat kaa nishaa.n
bachcha bachcha mulk kaa hai paikar-e-Gam haa.e haa.e
kaaGazii sikko.n ne chhiinaa ashrafiyyo.n kaa faroG
hai rizaalat me.n sharaafat aaj mudGam haa.e haa.e
vaa.e-naakaamii vo naasuur-e-jigar saabit hu.aa
jaante the jis ko zaKHm-e-dil kaa marham haa.e haa.e
faaqa-mastaan-e-vatan is raaz se vaaqif na the
iid-e-aazaadii manaa.egii moharram haa.e haa.e
jab umiide.n uTh ga.ii.n saaraa gila jaataa rahaa
zindagii se zindagii kaa hausla jaataa rahaa

Sareer Kabiri
Nazm

tazmin bar-ashaar-e-ghaalib

dard-e-ulfat yuu.nhii thaa rag rag me.n saarii haa.e haa.e
kyuu.n lagaayaa phir vafaa kaa zaKHm-e-kaarii haa.e haa.e
tujh saa be-fikr aur kisii kii Gam-gusaarii haa.e haa.e
dard se mere ho tujh ko be-qaraarii haa.e haa.e
kyaa hu.ii zaalim tirii Gaflat shi.aarii? haa.e haa.e

Ze Khe Sheen
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now