Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "intizaam-e-saltanat"

Nazm MATCHES FOR "intizaam-e-saltanat"

Nazm

rishwat

aap hai.n fazl-e-KHudaa-e-paak se kursii-nashii.n
intizaam-e-saltanat hai aap ke zer-e-nagii.n
aasmaa.n hai aap kaa KHaadim to lau.nDii hai zamii.n
aap KHud rishvat ke zimmedaar hai.n fidvii nahii.n

Josh Malihabadi
Nazm

dar-o-rasan

vo taKHt-e-saltanat-o-baargaah-e-sultaanii
ki jis me.n baiThte the aa ke zill-e-sub.haanii

Mohammad Ali Tishna
Nazm

marsiya gopal krishn gokhle

Gariib hind ne tanhaa nahii.n ye daaG sahaa
vatan se duur bhii tuufaan ranj-o-Gam kaa uThaa
habiib kyaa hai.n hariifo.n ne ye zabaa.n se kahaa
safiir-e-qaum jigar-band-e-saltanat na rahaa
payaam shah ne diyaa rasm-e-ta.aziyat ke liye
ki tuu sutuun thaa aivaan-e-saltanat ke liye

Chakbast Braj Narayan
Nazm

shikwa

shab-e-vasl kyo.n hai.n rulaane kii baate.n
karo kuchh to ha.nsne ha.nsaane kii baate.n
dil-e-naa-tavaa.n ko manaane kii baate.n
nahii.n hai.n nahii.n haath aane kii baate.n
munaasib hai kuchh intizaam-e-masarrat
pilaa.o pilaa.o sharaab-e-mohabbat

Vafa Barahi
Nazm

mahatma budh

buddhaa 'aziim shaKHs thaa
jo taKHt-o-taaj chho.D kar
butaan-e-nasl-o-qaumiyat
vaqaar-e-‘izz-o-saltanat
Guruur-e-jaah-o-martabat
ke bandhano.n ko to.D kar
ba-zer-e-saaya-e-shajar
tapasyaa me.n mahv thaa
giyaan dhyaan me.n magan
na.ii ravish KHayaal me.n
jo aadmii ko aadmii ke zulm se najaat de
jo zaat paat ke tilism-e-saamarii ko maat de
barahmano.n kii qadGano.n kaa zor paash-paash ho
jahaa.n me.n jo a.ndher hai use shikast-e-faash ho
vo sochtaa chalaa gayaa use suraaG mil gayaa
mahaatmaa mahaatmaa 'aziim us kii aatmaa
ki jis ke dil me.n karb-e-kaa.enaat thaa
satuuda-e-sifaat thaa
pukaar kar kahaa ki ai jahaan-e-Gam ke baasiyo
mirii sadaa ko to suno
ahinsaa-parmo-dharmaa ik usuul-e-laa-zavaal hai
ye fikr be-naziir hai ye soch be-misaal hai
kisii ko dukh na do ki ye gunaah hai vabaal hai
jo is se munharif hu.e to zindagii muhaal hai
yahii hai raaz-e-zindagii
tariiq-e-sulh-o-aashtii
yahii najaat-e-ruuh hai
yahii hai dil kii shaa.ntii
mahaatmaa 'aziim thaa
mahaatmaa ne sach kahaa

Faiz Tabassum Tonsvi
Nazm

id

kaho ye muGannii se gaa.e chalaa jaa
navaa-e-masarrat sunaa.e chalaa jaa
masarrat ke muzhde ko laa.e chalaa jaa
zamaane ko be-KHud banaa.e chalaa jaa
zamaane pe chhaa.ii hai iid-e-masarrat
dul.han ban ke aa.ii hai iid-e-masarrat
munaasib hai kuchh intizaam-e-masarrat
karuu.n KHalq ko shaad-kaam-e-masarrat
liye jaa.uu.n mai.n dil se naam-e-masarrat
salaam-e-masarrat kalaam-e-masarrat
masarrat bhii apnii jagah jhuumtii hai
qadam iid kaa ab KHushii chuumtii hai
vatan kii mohabbat ke naGme ko gaa kar
hariifo.n ko apne gale se lagaa kar
mohabbat se Gairo.n ko qaabuu me.n laa kar
jo ruuThe hu.e hai.n unhe.n bhii manaa kar
manaa.o KHushii iid kii roza-daaro
dikhaa.o KHushii iid kii roza-daaro

Vafa Barahi
Nazm

gautam-budh

husn jab afsurda phuulo.n kii tarah paamaal thaa
jab mohabbat kaa Galat duniyaa me.n isti.maal thaa
be-KHudii ke naam par jab daur-e-jaam-e-baada thaa
jab taljallii-e-haqiiqat se har ik dil saada thaa
ziist kaa aur maut kaa idraak duniyaa ko na thaa
zulm kaa ehsaas jab be-baak duniyaa ko na thaa
band aa.nkhe.n kar ke is duniyaa ke makruuhaat se
tuu ne haasil kii ziyaa-e-dil, tajalliyyaat se
barf-zaaro.n ko tire anfaas ne garmaa diyaa
tere istiGnaa ne taKHt-e-saltanat Thukraa diyaa
yaad terii aaj bhii hindustaa.n me.n taaza hai
chiin, jaapaan aur tibbat tak tiraa aavaaza hai
raushnii jis kii na hogii maa.nd vo mash.al hai tuu
sar-zamiin-e-hind kaa irfaanii-e-avval hai tuu

Seemab Akbarabadi
Nazm

hubb-e-watan

ai aaftaab-e-hubb-e-vatan tuu kidhar hai aaj
tuu hai kidhar ki kuchh nahii.n aataa nazar hai aaj
tujh bin jahaa.n hai aa.nkho.n me.n andher ho rahaa
aur intizaam-e-dil hai zabar zer ho rahaa
ThanDe hai.n kyuu.n dilo.n me.n tire josh ho ga.e
kyuu.n sab tire charaaG hai.n KHaamosh ho ga.e
hubb-e-vatan kii jins kaa hai qaht-saal kyuu.n
hairaa.n huu.n aaj-kal hai pa.Daa us kaa kaal kyuu.n
kuchh ho gayaa zamaana kaa ulTaa chalan yahaa.n
hubb-e-vatan ke badle hai buGz-e-vatan yahaa.n
bin tere mulk-e-hind ke ghar be-charaaG hai.n
jalte evaz charaaGo.n ke siino.n me.n daaG hai.n
kab tak shab-e-siyaah me.n aalam tabaah ho
ai aaftaab idhar bhii karam kii nigaah ho
aalam se taa ki tiira-dilii duur ho tamaam
aur hind tere nuur se ma.amuur ho mudaam
ulfat se garm sab ke dil-e-sard ho.n baham
aur jo ki ham-vatan ho.n vo hamdard ho.n baham
taa ho vatan me.n apne zar-o-maal kaa vafuur
aur mumlikat me.n daulat-o-iqbaal kaa vafuur
sab apne haakimo.n ke liye jaa.n-nisaar huu.n
aur gardan-e-hariif pe KHanjar kii dhaar ho.n
ilm-o-hunar se KHalq ko raunaq diyaa kare.n
aur anjuman me.n baiTh ke jalse kiyaa kare.n
labrez-e-josh-e-hubb-e-vatan sab ke jaam ho.n
sarshaar-e-zauq-o-shauq dil-e-KHaas-o-aam ho.n

Mohammad Husain Azad
Nazm

mazarat

aaj kii intihaa-e-karam
ma.azarat
baam-e-tamkiin se

Faisal Azeem
Nazm

etiraf

ai dil-e-zinda sach bataa ki tujhe
aaKHirash intizaar kis kaa hai
kaun sii sub.h terii nazro.n me.n
ho sakii sub.h-e-intiKHaab kabhii
kaun saa lamha tere aa.ngan me.n
lamha-e-jaavedaa.n nazar aayaa
kis kiran ne tire lahuu ko chunaa
kab havaa ne taraash lii.n raahe.n
kin nigaaho.n ne tujh ko parkhaa hai
kin saliibo.n ne teraa qad naapaa
kab tiraa naGma jaan-e-mahfil thaa
kab tire saaya me.n humaa aayaa
kab tirii zulf kaa bharam TuuTaa
phir tujhe shikva kyo.n rahaa ki tujhe
zindagii raas aa sakii na kabhii
tuu ne kab zindagii se ulfat kii
kab use marham-e-vafaa jaanaa
kab fazaa.o.n me.n tuu ne ras gholaa
har taraf talKHiyo.n ke rishte hai.n
tuu ne kab un kaa zaa.iqa chho.Daa

Anees Sultana
Nazm

payam-e-azadi

na ho sakegaa kabhii mohtaram jahaa.n me.n tuu
jo tere dil me.n nahii.n ehtiraam-e-aazaadii

Ahmaq Phaphoondvi
Nazm

jashn ka din

hai intizaar-e-malaamat me.n naaseho.n kaa hujuum
nazar sambhaal ke jaa.o ki jashn kaa din hai

Faiz Ahmad Faiz
Nazm

goDo

ye intizaar-e-musalsal ye jaa.n-kanii ye azaab
har ek lamha jahannam har ek KHvaab saraab

Baqar Mehdi
Nazm

shah sahab and sons

sirf dushman raushnii kaa intizaar-e-zindagaanii Gazva-e-KHandaq hu.ii
is qadar dekhaa ki naa-biinaa hu.e

Saqi Faruqi
Nazm

chand sultana

dil-e-viiraa.n ko muddat se hai teraa intizaar aa jaa
KHudaaraa ai bahaadur inqilaabii shahsavaar aa jaa

Afsar Seemabi Ahmad Nagari
Nazm

husn-e-bimar

ehtiraam-e-ishq kii rau dil-nashii.n aavaaz me.n
ek phiike-pan kaa sannaaTaa dayaar-e-naaz me.n

Josh Malihabadi
Nazm

tere bare mein sochta hun main

intihaa-e-fishaar hasrat me.n
shiddat-e-soz-o-saaz furqat me.n

Akhtar Ziai
Nazm

ramayan ka ek scene

ruKHsat hu.aa vo baap se le kar KHudaa kaa naam
raah-e-vafaa kii manzil-e-avval hu.ii tamaam
manzuur thaa jo maa.n kii ziyaarat kaa intizaam
daaman se ashk po.nchh ke dil se kiyaa kalaam
iz.haar-e-be-kasii se sitam hogaa aur bhii
dekhaa hame.n udaas to Gam hogaa aur bhii
dil ko sa.nbhaaltaa hu.aa aaKHir vo naunihaal
KHaamosh maa.n ke paas gayaa suurat-e-KHayaal
dekhaa to ek dar me.n hai baiThii vo KHasta-haal
saktaa saa ho gayaa hai ye hai shiddat-e-malaal
tan me.n lahuu kaa naam nahii.n zard rang hai
goyaa bashar nahii.n ko.ii tasviir-e-sa.ng hai
kyaa jaane kis KHayaal me.n gum thii vo be-gunaah
nuur-e-nazar ye diida-e-hasrat se kii nigaah
jumbish hu.ii labo.n ko bharii ek sard aah
lii gosha-ha-e-chashm se ashko.n ne ruKH kii raah
chehre kaa rang haalat-e-dil kholne lagaa
har muu-e-tan zabaa.n kii tarah bolne lagaa
aaKHir asiir-e-yaas kaa qufl-e-dahan khulaa
afsaana-e-shadaa.id-e-ra.nj-o-mehan khulaa
ik daftar-e-mazaalim-e-charKH-e-kuhan khulaa
vaa thaa dahaan-e-zaKHm ki baab-e-suKHan khulaa
dard-e-dil-e-Gariib jo sarf-e-bayaa.n hu.aa
KHuun-e-jigar kaa rang suKHan se 'ayaa.n hu.aa
ro kar kahaa KHamosh kha.De kyuu.n ho merii jaa.n
mai.n jaantii huu.n jis liye aa.e ho tum yahaa.n
sab kii KHushii yahii hai to sahraa ko ho ravaa.n
lekin mai.n apne mu.nh se na hargiz kahuu.ngii haa.n
kis tarah ban me.n aa.nkho.n ke taare ko bhej duu.n
jogii banaa ke raaj-dulaare ko bhej duu.n
duniyaa kaa ho gayaa hai ye kaisaa lahuu sapiid
andhaa kiye hu.e hai zar-o-maal kii umiid
anjaam kyaa ho ko.ii nahii.n jaantaa ye bhed
soche bashar to jism ho larzaa.n misaal-e-biid
likkhii hai kyaa hayaat-e-abad in ke vaaste
phailaa rahe hai.n jaal ye kis din ke vaaste
letii kisii faqiir ke ghar me.n agar janam
hote na merii jaan ko saamaan ye baham
Dastaa na saa.np ban ke mujhe shaukat-o-hasham
tum mere laal the mujhe kis saltanat se kam
mai.n KHush huu.n phuu.nk de ko.ii is taKHt-o-taaj ko
tum hii nahii.n to aag lagaa duu.ngii raaj ko
kin kin riyaazato.n se guzaare hai.n maah-o-saal
dekhii tumhaarii shakl jab ai mere naunihaal
puuraa hu.aa jo byaah kaa armaan thaa kamaal
aafat ye aa.ii mujh pe hu.e jab safed baal
chhaTtii huu.n un se jog liyaa jin ke vaaste
kyaa sab kiyaa thaa mai.n ne isii din ke vaaste
aise bhii naa-muraad bahut aa.e.nge nazar
ghar jin ke be-charaaG rahe aah 'umr bhar
rahtaa miraa bhii naKHl-e-tamannaa jo be-samar
ye jaa-e-sabr thii ki du'aa me.n nahii.n asar
lekin yahaa.n to ban ke muqaddar biga.D gayaa
phal phuul laa ke baaG-e-tamannaa uja.D gayaa
sarzad hu.e the mujh se KHudaa jaane kyaa gunaah
ma.njdhaar me.n jo yuu.n mirii kashtii hu.ii tabaah
aatii nazar nahii.n ko.ii amn-o-amaa.n kii raah
ab yaa.n se kuuch ho to 'adam me.n mile panaah
taqsiir merii KHaaliq-e-aalam bahal kare
aasaan mujh Gariib kii mushkil ajal kare
sun kar zabaa.n se maa.n kii ye fariyaad-e-dard-KHez
us KHasta-jaa.n ke dil pe chalii Gam kii teG-e-tez
'aalam ye thaa qariib ki aa.nkhe.n ho.n ashk-rez
lekin hazaar zabt se rone se kii gurez
sochaa yahii ki jaan se bekas guzar na jaa.e
naashaad ham ko dekh ke maa.n aur mar na jaa.e
phir arz kii ye maadar-e-naashaad ke huzuur
maayuus kyuu.n hai.n aap alam kaa hai kyuu.n vafuur
sadma ye shaaq 'aalam-e-piirii me.n hai zaruur
lekin na dil se kiijiye sabr-o-qaraar duur
shaayad KHizaa.n se shakl 'ayaa.n ho bahaar kii
kuchh maslahat isii me.n ho parvardigaar kii
ye jaa'l ye fareb ye saazish ye shor-o-shar
honaa jo hai sab us ke bahaane hai.n sar-ba-sar
asbaab-e-zaahirii me.n na in par karo nazar
kyaa jaane kyaa hai parda-e-qudrat me.n jalva-gar
KHaas us kii maslahat ko.ii pahchaantaa nahii.n
manzuur kyaa use hai ko.ii jaantaa nahii.n
raahat ho yaa ki ranj KHushii ho ki intishaar
vaajib har ek rang me.n hai shukr-e-kird-gaar
tum hii nahii.n ho kushta-e-naira.ng-e-rozgaar
maatam-kade me.n dahr ke laakho.n hai.n sogvaar
saKHtii sahii nahii.n ki uThaa.ii ka.Dii nahii.n
duniyaa me.n kyaa kisii pe musiibat pa.Dii nahii.n

Chakbast Braj Narayan
Nazm

bahr-e-gham ka kinara

sab ne mujh se kiyaa hai kinaaraa
sirf teraa hai yaarab sahaaraa
ashk-e-Gam yuu.nhii bahte rahe.nge
yaa rukegaa kabhii Gam kaa dhaaraa
merii kashtii hai tuufaa.n kii zad me.n
mil gayaa bahr-e-Gam kaa kinaaraa
zabt kii bhii ko.ii intihaa hai
mai.n kahaa.n tak karuu.n Gam gavaara
suu-e-manzil ba.Dhii huu.n mai.n yaarab
terii rahmat kaa le kar sahaaraa
kis tarah haal dil kaa chhupaa.uu.n
jo ho chehre se Gam aashkaaraa
ham zamaane me.n sab ke hai.n 'naashaad'
aur ko.ii nahii.n hai hamaaraa

Rabia Sultana Nashad
Nazm

rahguzar ke baad

shab intizaar-e-sahar hai sahar ke baa'd hai kyaa
du.aa baraa-e-asar hai asar ke baa'd hai kyaa

Mahboob Khizan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now