Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "iqtidaar"

Nazm MATCHES FOR "iqtidaar"

Nazm

darbar1911

dekh aa.e ham bhii do din rah ke dehlii kii bahaar
hukm-e-haakim se hu.aa thaa ijtamaa-e-intishaar
aadmii aur jaanvar aur ghar muzayyan aur machine
phuul aur sabza chamak aur raushnii rail aur taar
kerosene aur barq aur petroleum aur tarpin
motor aur airplane aur jamghaTe aur eqtidaar
mashriqii patluu.n me.n thii KHidmat-guzaarii kii uma.ng
maGribii shaklo.n se shaan-e-KHud-pasandii aashkaar
shaukat-o-iqbaal ke markaz huzuur-e-emperor
ziinat-o-daulat kii devii empress aalii-tabaar
bahr-e-hastii le rahaa thaa be-dareG a.ng.Daa.iyaa.n
thames kii amvaaj jamunaa se hu.ii thii.n ham-kanaar
inqilaab-e-dahr ke ra.ngiin naqshe pesh the
thii pa.e-ahl-e-basiirat baaG-e-ibrat me.n bahaar
zarre viiraano.n se uThte the tamaashaa dekhne
chashm-e-hairat ban ga.ii thii gardish-e-lail-o-nahaar
jaame se baahar nigaah-e-naaz-e-fattaahaan-e-hind
hadd-e-qaanuunii ke andar honorablo.n kii qataar
KHarch kaa total dilo.n me.n chuTkiyaa.n letaa hu.aa
fikr-e-zaatii me.n KHayaal-e-qaum Gaa.eb fil-mazaar
daavate.n in.aam speache.n qavaa.id fauj camp
izzate.n KHushiyaa.n ummiide.n ehtiyaate.n e'tibaar
pesh-rau shaahii thii phir his-highness phir ahl-e-jaah
ba.ad is ke shaiKH saahab un ke piichhe KHaaksaar

Akbar Allahabadi
Nazm

hum

1
bichhii hu.ii hai bisaat kab se
zamaana shaatir hai aur ham
is bisaat ke zisht-o-KHuub-KHaano.n me.n
dast-e-naadiida ke ishaaro.n pe chal rahe hai.n
bichhii hu.ii hai bisaat azal se
bichhii hu.ii hai bisaat jis kii na ibtidaa hai na intihaa hai
bisaat aisaa KHalaa hai jo vus.at-e-tasavvur se maavaraa hai
karishma-e-kaa.enaat kyaa hai
bisaat par aate jaate mohro.n kaa silsila hai
bisaat saakit hai vaqt-e-mutlaq

Zia Jalandhari
Nazm

aurat

dekh kar ye iqtibaas-e-kaar-gaah-e-ins-o-jaa.n
kaar-pardaazaan-e-qudarat me.n hu.ii.n sargoshiyaa.n

Shaad Aarfi
Nazm

aaKHiri aadmi ka rajaz

musaahibiin-e-shaah mutma.in hu.e ki sarfaraaz sar-buriida baazu.o.n samet shahr kii fasiil par laTak rahe hai.n
aur har taraf sukuun hai
sukuun hii sukuun hai
fuGaan-e-KHalq ahl-e-taa.ifa kii nazr ho ga.ii
mataa-e-sabr vahshat-e-du.aa kii nazr ho ga.ii
umiid-e-ajr be-yaqiinii-e-jazaa kii nazr ho ga.ii
na e'tibaar-e-harf hai na aabruu-e-KHuun hai
sukuun hii sukuun hai
musaahibiin-e-shaah mutma.in hu.e ki sarfaraaz sar-buriida baazu.o.n
samet shahr kii fasiil par laTak rahe hai.n aur har taraf sukuun hai
sukuun hii sukuun hai
KHaliij-e-iqtidaar sarkasho.n se paaT dii ga.ii
jo haath aa.ii daulat-e-Ganiim baa.nT dii ga.ii
tanaab-e-KHema-e-lisaan-o-lafz kaaT dii ga.ii
fazaa vo hai ki aarzuu-e-KHair tak junuun hai
sukuun hii sukuun hai
musaahibiin-e-shaah mutma.in hu.e ki sarfaraaz sar-buriida baazu.o.n samet shahr kii fasiil par laTak rahe hai.n
aur har taraf sukuun hai
sukuun hii sukuun hai

Iftikhar Arif
Nazm

jashn-e-azadi

ye gulistaa.n ye gulistaa.n me.n sisakte Gunche
apne a.amaal ke parde me.n inhe.n Dhaa.np to lo
eqtidaar aaj bhii sargarm-e-safar hai lekin
be-navaa.o.n ke iraado.n ko zaraa bhaa.np to lo

Qateel Shifai
Nazm

lahu pukarta hai

zamii.n ke siine se aur aastiin-e-qaatil se
guluu-e-kushta se behis zabaan-e-KHanjar se
sadaa lapaktii hai har samt harf-e-haq kii tarah
magar vo kaan jo bahre hai.n sun nahii.n sakte
magar vo qalb jo sa.ngii.n hai.n hil nahii.n sakte
ki un me.n ahl-e-havas kii sadaa kaa siisa hai
vo jhukte rahte hai.n lab-haa-e-iqtidaar kii samt
vo sunte rahte hai.n bas hukm-e-haakimaan-e-jahaa.n
tavaaf karte hai.n arbaab-e-giir-o-daar ke gird

Ali Sardar Jafri
Nazm

agar KHuda mil gaya mujhko

ye sochtaa huu.n jo
KHudaa kabhii diidaar baKHshegaa
aur apne fazl se degaa ijaazat maa.ngne kii kuchh
to na dastaar-o-qabaa na jibh-o-KHirqa
na daulat na mahal na sar pe taaj maa.nguu.ngaa
na ohda-o-mansab na ko.ii jaah-o-jalaal
na ilm-o-aagahii na masnad na eqtidaar maa.nguu.ngaa
faraavaanii Gam se najaat na faariG-ul-baalii
na sehat na shifaa na achchhii maut maa.nguu.ngaa
na takmiil-e-aarzuu kii du.aa na nafs-e-mutma.inna kii
na umr-e-KHizr na shohrat na KHvaab kii ta.abiir maa.nguu.ngaa
na dushmano.n ke zarar se na shar se dosto.n ke
na kibr-sinii na zo.af na laachaarii se panaah maa.nguu.ngaa
na duniyaa jahaan kii KHushiyaa.n na shaan-o-shaukat hii
na KHush-nasiibii na dil kaa chain na sukuun-e-ruuh maa.nguu.ngaa
na KHush-gavaar raate.n na tuul-e-shabaab na nii.nd na aaGosh-e-mahbuub
na saamaan-e-aish-o-tarab na huur-o-qusuur maa.nguu.ngaa
na rusvaa.ii se bachne kii na izzat aabruu kii KHvaahish hai
na shohrat-o-maqbuuliyat na achchhii image maa.nguu.ngaa
na qarz ke bojh na KHauf na dahshat se
na kisii ke jabr se na zulm se hifaazat kii du.aa maa.nguu.ngaa
ab aap sochte ho.nge
ki ye baavlaa ye diivaana ye paagal shaKHs
na jaane aaKHir KHudaa se kyaa maa.ngegaa
so mire hamdam mire dosto mire yaaro
zaraa qariib aa.o aa.o bataa.uu.n raaz tumhe.n dukhii dil kaa
mai.n KHudaa-e-qaadir-e-mutlaq rahiim-o-akram se
junuun-e-mazhabii ke KHaatme aur amn kii fazaa maa.nguu.ngaa

Abu Bakr Abbad
Nazm

diwali

kar rahe hai.n laxmii-puujan bhii gharo.n me.n saahuukaar
dev daulat ko samajh baiThe hai.n rabb-e-iqtidaar

Shatir Hakeemi
Nazm

chait ka phul

mai.n chait kaa phuul huu.n
aur
aakif huu.n miTTii ke niiche
ye chila-kashii hai
kisii aur hai.at me.n Dhalne kii
chaaliis raato.n kaa chalaa hai
bhaarii kinaaro.n kaa tillaa hai

Iqtidar Javed
Nazm

shahidan-e-azadi

un kii azmat se sabaq le.n aaj ahl-e-eqtidaar
kursiyo.n par baiTh jaane se nahii.n miltaa vaqaar
hukmraanii chho.D kar ban jaa.e.n vo KHidmat-guzaar
naam un kaa jaa.n-nisaaraan-e-vatan me.n ho shumaar

Prem Lal Shifa Dehlvi
Nazm

talash

ahl-e-aql ke saath
mai.n kuchh duur chalaa
KHudaa nahii.n milaa
ahl-e-kitaab ke saath
mai.n kuchh duur chalaa
javaab nahii.n milaa
ahl-e-eqtidaar ke saath
mai.n kuchh duur chalaa
ma.arifat nahii.n milii
ahl-e-tazabzub ke saath
mai.n kuchh duur chalaa
qaraar nahii.n milaa
ahl-e-ishq ke saath
mai.n kuchh duur chalaa
husain mil gayaa

Mubashshir Ali Zaidi
Nazm

anghraata

mai.n parda giraane lagaa huu.n
palak se palak ko
milaane lagaa huu.n
zamaana mire KHvaabo.n me.n aa ke
rone lagaa hai
mai.n uu.nTo.n ko le aa.uu.n
aaKHir kahaa.n jaa ke charne lage hai.n
jahaa.n par
parinde paro.n ko nahii.n kholte hai.n
jahaa.n sarhade.n hai.n falak jaisii qaa.em
vahaa.n paa.nv dharne lage hai.n
mai.n uu.nTo.n ko le aa.uu.n vaapas

Iqtidar Javed
Nazm

eqtidar se mahrum logon ke nam

tumhaarii aa.nkh me.n kyaa hai
gulaabo.n kii mahak ne
jism me.n rauzan banaa.e hai.n
palaT kar dekh lo
duurii kii har chaTTaan girtii hai
sazaa.o.n ke liye tayyaar ho jaa.o
adhuure daa.ero.n me.n raqs karne ke liye
hushiyaar ho jaa.o

Shahryar
Nazm

os se bhara gilass

vo phal hai ras-bharaa
yaa phal kii ras-bharii asaas hai
hai sab ke saamne
yaa ain darmiyaan pe.D ke
chhupaa hu.aa hai biij kii tarah
labo.n ko kholtii hu.ii
vo aam guftuguu hai
yaa labo.n ko seal kartaa
ik mu.aamala-e-KHaas hai
mirii tarah vo shaad-kaam hai
yaa KHaandaan vaalo.n kii tarah udaas hai
vo aa gayaa to ho ga.ii hai jaamunii fazaa
yaa aur hai ko.ii
ki jis kaa jaamunii libaas hai
hai baaG kii ravish
yaa main-gate ke qariib
lahlahaatii ghaas hai
vo os hai
yaa os se bharaa pa.Daa gilass hai!!

Iqtidar Javed
Nazm

ek aarzu

huzuur merii bisaat kyaa hai ki naa't likkhuu.n
mai.n aap kaa ik bahut gunahgaar ummatii huu.n
mirii zabaa.n par kasaafate.n hai.n
dimaaG-o-dil me.n Galaazate.n hai.n
huzuur merii bisaat kyaa hai ki naa't likkhuu.n
magar nahii.n mai.n bahut hii 'aalii hasab nasab huu.n
ki aap hii kaa Gulaam-e-ibn-e-Gulaam-e-ibn-e-Gulaam huu.n mai.n
bhalaa bataa.e.n ki mere aage tamaam shaahaan-e-azminah kii bisaat kyaa hai
huzuur ye eqtidaar-zaade havas ke bande
mai.n in ke shajre se baa-KHabar huu.n ki KHvaahisho.n ke Gulaam-e-ibn-e-Gulaam-e-ibn-e-Gulaam hai.n ye
huzuur mai.n in Gulaam-zaado.n ke taKHt-o-taaj aur saltanat ke sabhii tilismaat jaantaa huu.n
mai.n in kii auqaat jaantaa huu.n
tamaam fir'auniyat ke qil’o.n kii aur fasiilo.n kii asl buniyaad ibn-e-aadam ke KHuun aur haDDiyo.n se taa'miir kii ga.ii hai
magar huzuur aap kii hukuumat tamaam shaaho.n se muKHtalif hai
ki aap ke paas ek chaadar hai ek tah-band ik 'amaama
khajuur kii chhaal aur patto.n kaa ek bistar
so ai zamaane ke baadshaaho
lo tum bhii dekho ye shaah-e-kaunain kaa asaasa
mai.n is zamaane ke saare namruud aur shaddaad aur qaaruun aur haamaan aur fir'aun ko dikhaa duu.n
ki mere aaqaa kii saltanat me.n ko.ii nahii.n hai jo bhuuk se bilbilaa rahaa ho
huzuur kii mamlikat me.n daulat kaa ek hissa Gariib logo.n kii milkiyat hai
suno rafiiqaan-e-ishtiraakii
tamaam jabr-e-ma’aash kaa bas yahii nizaam-e-zakaat hal hai
dalit kii mahruumiyo.n pe aa.nsuu bahaane vaalo
suno ye taariiKH kah rahii hai
bilaal jaise Gulaam jin ko mahaa-dalit se bhii past samjhaa gayaa 'arab me.n
rasuul-e-rahmat ne aise mahruum aadmii ko bhii aisaa darja 'ataa kiyaa hai
KHaliifa-e-vaqt kaa bhii aaqaa banaa diyaa hai
suno ai taaniisyat ke naa're lagaane vaalo
rasuul-e-insaaniyat ne mazluum 'aurato.n ko hayaat baKHshii
rusuum-e-vahshat ke KHuunii panjo.n se un ko raah-e-najaat baKHshii
tamaam 'izzat vaqaar kii kaa.enaat baKHshii
huzuur kyaa hai bisaat merii ki naa't likkhuu.n
magar mai.n duniyaa ke hitlero.n kii samaa'ato.n ko jagaa rahaa huu.n
tamaam dahshat-pasand logo.n ko aaj mai.n ye sunaa rahaa huu.n
tamaam insaaniyat ke qaatil giroho.n ko ye bataa rahaa huu.n
rasuul-e-rahmat kii zindagii kaa ye baab raushan dikhaa rahaa huu.n
mai.n aaj taa.ef hudaibiya aur fat.h-e-makka kii yaad un ko dilaa rahaa huu.n
huzuur merii bisaat kyaa hai ki naa't likkhuu.n
magar mirii ek aarzuu hai ki apne KHuun-e-jigar se auraaq-e-zindagii par bas aap hii kii sifaat likkhuu.n

Khalid Mubashshir
Nazm

nashte ki mez par

palak-navaaz buu.Dhe vaaldain kii nigaah
ahl-e-KHaandaan par pa.De
to duur ufuq kii ghaaTiyo.n se
sub.h
apne rang-o-nuur se ladii-pha.ndii nikal pa.De
makaa.n jahaa.n muqiim buu.Dhe vaaldain ho.n
vahaa.n ruke
ruke to apnaa sone jaisaa ruup us makaa.n pe vaar de
makaa.n ke saare zang ko utaar de

Iqtidar Javed
Nazm

ghoDe ki maut

gho.Daa maraa hai
ki vo aglii Taa.ngo.n ko
uupar uThaataa hu.aa
mere dil me.n
kahii.n naachtaa hai
use maut yuu.n aa.ii
logo.n ko jaise vabaa gher letii hai
yakdam
ba.De shahr ko gher lete hai.n
aahista aahista jaise mazaafaat
raqqaaso.n ke biich
yuu.n ghir gayaa thaa
siyah-rang gho.Daa
siyah-rang logo.n me.n ghirtii hai
jaise tavaa.if
siyah-rang gho.De ke
ghuTno.n ke niiche
vo ghu.nghruu ba.ndhe the
jo logo.n ke siine me.n bajte the
galiyaa.n uja.Dtii thii.n baazaar sajte the
gho.De ko shaayad
tavaa.if kii azalii kahaanii thii azbar
jise sun ke vo raqs karte hu.e mar gayaa
apne maathe sitaaro.n bhare apne maathe ko
logo.n ke qadmo.n me.n
yuu.n Tekte Tekte mar gayaa
aise lagtaa hai
gho.De ke siine me.n
shaa'ir kaa dil thaa
vo gho.Daa mire dil me.n
ik KHvaab kii shakl me.n
jaagtaa hai
mire dil ke maidaan me.n
puurii mastii se
naKHre se
naazo.n se
Taa.ngo.n ko
Tho.Dii ke nazdiik laataa hu.aa
mustaqil bhaagtaa hai

Iqtidar Javed
Nazm

dubli-patli

shagun bharii KHvaab se ja.Dii hai
zamaana raftaar se ba.ndhaa hai
zamaane ko aap zaid kah le.n
bakar ko samjhe.n
mujhe samajh le.n yaa KHud ko kah le.n
zamaana raftaar se ba.ndhaa hai
shagun bharii kaa vo KHvaab vo aaftaab raushan hai
jo
ufuq ke muhiit ko rau.ndtaa nikaltaa hai
shab ke isfanj se syaahii nicho.Dtaa hai
vo nii.nd aur nii.nd ke a.ndhero.n kii kokh ko to.Dtaa hai
vo
vaqt kii yaKH-aaluuda jhiil ko chhedtaa hai
to saaniye ubalte hai.n
jaise jaise shagun bharii kii buKHaar vaalii safed aa.nkho.n se jaise motii Tapak rahe ho.n
zamaana raftaar se ba.ndhaa hai
vo tez raftaar jai jai vintii kii raagnii kii dhuno.n pe raqsaa.n hai
maut se be-KHabar zamii.n kii nihaayato.n se varaa nikaltaa
vo apnii raftaar se ba.ndhaa hai
ye kaisii samte.n hai.n jo kahii.n bhii nahii.n nikaltii.n
ye kaisaa tuufaa.n hai jo musalsal hai
zindagaanii mahaa-bha.nvar hai
zamaana be-jaan ek tinkaa

Iqtidar Javed
Nazm

bata ai man

sajaa.ii.n teG kii dhaaro.n pe gardane.n kis ne
lahuu se top ke sho'lo.n ko kis ne sard kiyaa
rag-e-guluu se kiyaa tang kis ne halqa-e-daar
quduum-e-‘azm se kaaTii thii.n be.Diyaa.n kis ne
amiir-e-qaafila-e-naaz-e-eqtidaar hai kaun
shahiid kaun mujaavir sar-e-mazaar hai kaun

Anwar Abbas
Nazm

samar-farosh

samar-farosh kii nigaah-e-duurbiin me.n
a.ndheraa darmiyaan se phaTaa
bahut se sabz-posh the
ki jin kaa reshmii.n labaada surKH thaa
gul-e-anaar surKH ho.nTo.n se ziyaada surKH thaa
pake hu.e phalo.n kii KHushbu.e.n thii.n mujtama'
ghulii na thii abhii ahaata-e-siyaah me.n havaa
pake hu.e phalo.n bharii mahak abhii u.Dii na thii
maqaam-e-muttasil se be-KHabar
naqaab-dar-naqaab muKHtasar sii ek bel
thii chhupii hu.ii
dulhan kii tarh apne aap me.n

Iqtidar Javed
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now