Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jhapkii"

Nazm MATCHES FOR "jhapkii"

Nazm

kitaben

kitaabe.n jhaa.nktii hai.n band almaarii ke shiisho.n se
ba.Dii hasrat se taktii hai.n
mahiino.n ab mulaaqaate.n nahii.n hotii.n
jo shaame.n un kii sohbat me.n kaTaa kartii thii.n, ab aksar
guzar jaatii hai.n computer ke pardo.n par
ba.Dii bechain rahtii hai.n kitaabe.n
unhe.n ab niind me.n chalne kii aadat ho ga.ii hai
ba.Dii hasrat se taktii hai.n
jo qadre.n vo sunaatii thii.n
ki jin ke cell kabhii marte nahii.n the
vo qadre.n ab nazar aatii nahii.n ghar me.n
jo rishte vo sunaatii thii.n
vo saare udh.De udh.De hai.n

Gulzar
Nazm

taswir o tasawwur

vo kab ke aa.e bhii aur ga.e bhii nazar me.n ab tak samaa rahe hai.n
ye chal rahe hai.n, vo phir rahe hai.n, ye aa rahe hai.n vo jaa rahe hai.n
vahii qayaamat hai qadd-e-baalaa vahii hai suurat, vahii saraapaa
labo.n ko jumbish, nigah ko larzish, kha.De hai.n aur muskuraa rahe hai.n
vahii lataafat, vahii nazaakat, vahii tabassum, vahii tarannum
mai.n naqsh-e-hirmaa.n banaa hu.aa thaa vo naqsh-e-hairat banaa rahe hai.n
KHiraam ra.ngii.n, nizaam ra.ngii.n, kalaam ra.ngii.n, payaam ra.ngii.n
qadam qadam par, ravish ravish par na.e na.e gul khilaa rahe hai.n
shabaab ra.ngii.n, jamaal ra.ngii.n, vo sar se paa tak tamaam ra.ngii.n
tamaam ra.ngii.n bane hu.e hai.n, tamaam ra.ngii.n banaa rahe hai.n
tamaam ra.anaa.iyo.n ke maz.har, tamaam ra.ngiiniyo.n ke manzar
sambhal sambhal kar simaT simaT kar sab ek markaz par aa rahe hai.n
bahaar-e-ra.ng-o-shabaab hii kyaa sitaara o maahtaab hii kyaa
tamaam hastii jhukii hu.ii hai, jidhar vo nazre.n jhukaa rahe hai.n
tuyuur sarshaar-e-saaGar-e-mul halaak-e-tanviir-e-laala-o-gul
sab apnii apnii dhuno.n me.n mil kar ajab ajab giit gaa rahe hai.n
sharaab aa.ankho.n se Dhal rahii hai, nazar se mastii ubal rahii hai
chhalak rahii hai uchhal rahii hai, piye hu.e hai.n pilaa rahe hai.n
KHud apne nashshe me.n jhuumte hai.n, vo apnaa mu.nh aap chuumte hai.n
KHaraab-e-mastii bane hu.e hai.n, halaak-e-mastii banaa rahe hai.n
fazaa se nashsha baras rahaa hai, dimaaG phuulo.n me.n bas rahaa hai
vo kaun hai jo taras rahaa hai? sabhii ko mai-kash pilaa rahe hai.n
zamiin nashsha, zamaan nashsha, jahaan nashsha, makaan nashsha
makaan kyaa? laa-makaan nashsha, Dubo rahe hai.n pilaa rahe hai.n
vo ruu-e-ra.ngii.n o mauja-e-yam ki jaise daamaan-e-gul pe shabnam
ye garmii-e-husn kaa hai aalam, araq araq me.n nahaa rahe hai.n
ye mast bulbul bahak rahe hai.n, qariib-e-aariz chahak rahe hai
gulo.n kii chhaatii dha.Dak rahii hai, vo dast-e-ra.ngii.n ba.Dhaa rahe hai.n
ye mauj-o-dariyaa, ye reg-o-sahraa ye Guncha-o-gul, ye maah-o-anjum
zaraa jo vo muskuraa diye hai.n vo sab ke sab muskuraa rahe hai.n
fazaa ye naGmo.n se bhar ga.ii hai ki mauj-e-dariyaa Thahar ga.ii hai
sukuut-e-naGma banaa hu.aa hai, vo jaise kuchh gungunaa rahe hai.n
ab aage jo kuchh bhii ho muqaddar, rahegaa lekin ye naqsh dil par
ham un kaa daaman paka.D rahe hai.n, vo apnaa daaman chhu.Daa rahe hai.n
ye ashk jo bah rahe hai.n paiham, agarche sab hai.n ye haasil-e-Gam
magar ye ma.aluum ho rahaa hai, ki ye bhii kuchh muskuraa rahe hai.n
zaraa jo dam bhar ko aa.nkh jhapkii, ye dekhtaa huu.n na.ii tajallii
tilism suurat miTaa rahe hai.n, jamaal ma.anii banaa rahe hai.n
KHushii se labrez shash-jihat hai, zabaan par shor-e-tahniyat hai
ye vaqt vo hai 'jigar' ke dil ko vo apne dil se milaa rahe hai.n

Jigar Moradabadi
Nazm

bewa ki KHud-kushi

ye a.ndherii raat ye saarii fazaa so.ii hu.ii
pattii pattii manzar-e-KHaamosh me.n kho.ii hu.ii
maujzan hai bahr-e-zulmat tiirgii kaa josh hai
shaam hii se aaj qindiil-e-falak KHaamosh hai
chand taare hai.n bhii to be-nuur pathraa.e hu.e
jaise baasii haar me.n ho.n phuul kumhlaa.e hu.e
khap gayaa hai yuu.n ghaTaa me.n chaa.ndnii kaa saaf ra.ng
jis tarah maayuusiyo.n me.n dab ke rah jaa.e uma.ng
umDii hai kaalii ghaTaa duniyaa Dubone ke liye
yaa chalii hai baal khole raa.nD rone ke liye
jitnii hai gunjaan bastii utnii hii viiraan hai
har galii KHaamosh hai har raasta sunsaan hai
ik makaa.n se bhii makii.n kii kuchh KHabar miltii nahii.n
chilmane.n uThtii nahii.n zanjiir-e-dar hiltii nahii.n
so rahe hai.n mast-o-be-KHud ghar ke kul piir-o-javaa.n
ho ga.ii hai.n band husn-o-ishq me.n sargoshiyaa.n
haa.n magar ik samt ik goshe me.n ko.ii nauhagar
le rahii hai karvaTo.n par karvaTe.n dil thaam kar
dil sambhaltaa hii nahi.n hai siina-e-sad-chaak me.n
phuul saa chehra aTaa hai bevgii kii KHaak me.n
u.D chalii hai ra.ng-e-ruKH ban kar hayaat-e-musta.aar
ho rahaa hai qalb-e-murda me.n javaanii kaa fishaar
hasrate.n dam to.Dtii hai.n yaas kii aaGosh me.n
saik.Do.n shikve machalte hai.n lab-e-KHaamosh me.n
umr aamaada nahii.n murda-parastii ke liye
baar hai ye zinda mayyat dosh-e-hastii ke liye
chaahtii hai laakh qaabuu dil pe paatii hii nahii.n
haa.e-re zaalim javaanii bas me.n aatii hii nahii.n
thartharaa kar girtii hai jab suune bistar par nazar
le ke ik karvaT paTak detii hai vo takiya pe sir
jab khanak uThtii hai.n sotii la.Dkiyo.n kii chuu.Diyaa.n
aah ban kar uThne lagtaa hai kaleja se dhu.aa.n
ho ga.ii beva kii KHaatir nii.nd bhii jaise haraam
muKHtasar saa ahd-e-vaslat de gayaa soz-e-davaam
dopahar kii chhaa.nv daur-e-shaadmaanii ho gayaa
pyaas bhii bujhne na paa.ii KHatm paanii ho gayaa
le rahii hai karvaTo.n par karvaTe.n baa-iztiraar
aag me.n paara hai yaa bistar pe jism-e-be-qaraar
pa.D ga.ii ik aah kar ke ro ke uTh baiThii kabhii
u.ngliyo.n me.n le ke zulf-e-KHam-ba-KHam ai.nThii kabhii
aa ke ho.nTo.n par kabhii maayuus aahe.n tham ga.ii.n
aur kabhii suunii kalaa.ii par nigaahe.n jam ga.ii.n
itnii duniyaa me.n kahii.n apnii jagah paatii nahii.n
yaas is had kii ki shauhar kii bhii yaad aatii nahii.n
aa rahe hai.n yaad paiham saas nando.n ke suluuk
phaT rahaa hai Gam se siina uTh rahii hai dil me.n huuk
apnii maa.n bahno.n kaa bhii aa.nkhe.n churaanaa yaad hai
aisii duniyaa me.n kisii kaa chho.D jaanaa yaad hai
baaGbaa.n to qabr me.n hai kaun ab dekhe bahaar
KHud usii ko tiir us ke karne vaale hai.n shikaar
jab nazar aataa nahii.n detaa ko.ii bekas kaa saath
zahr kii shiishii kii jaanib KHud-ba-KHud ba.Dhtaa hai haath
dil ta.Dap kar kah rahaa hai jald is duniyaa ko chho.D
chuu.Diyaa.n to.Dii.n to phir zanjiir-e-hastii ko bhii to.D
dam agar niklaa to kho.ii zindagii mil jaa.egii
ye nahi.n to KHair tanhaa qabr hii mil jaa.egii
vaa.n tujhe zillat kii nazro.n se na dekhegaa ko.ii
chaahe ha.nsnaa chaahe ronaa phir na rokegaa ko.ii
vaa.n sab ahl-e-dard hai.n sab saahab-e-insaaf hai.n
rahbar aage jaa chukaa raahe.n bhii terii saaf hai.n
dil inhii.n baato.n me.n uljhaa thaa ki dam ghabraa gayaa
haath le kar zahr kii shiishii labo.n tak aa gayaa
tilmilaatii aa.nkh jhapkaatii jhijaktii haa.nptii
pii ga.ii kul zahr aaKHir thartharaatii kaa.nptii
maut ne jhaTkaa diyaa kul uzv Dhiile ho ga.e
saa.ns ukh.Dii, nabz Duubii, ho.nT niile ho ga.e
aa.nkh jhapkii ashk Tapkaa hichkii aa.ii kho ga.ii
maut kii aaGosh me.n ik aah bhar kar so ga.ii
aur kar ik aah sulge hind kii rasmo.n kaa daam
ai javaanaa-marg beva tujh pe 'kaifii' kaa salaam

Kaifi Azmi
Nazm

ye basti meri basti hai

jahaa.n dar par kha.De chhitnaar guular par
rupahlii champa.ii aur kaasnii pariyaa.n utartii thii.n
kabhii qur.aan pa.Dhte pa.Dhte ham guular kii pariyo.n ke tasavvur me.n
zaraa saa rehl par bas ek jhapkii le ke
pariyo.n se gale mil ke
palaT aate the vaapas maulvii saahab kii qamchii se

Ishrat Afreen
Nazm

ruh labon tak aa kar soche

ruuh labo.n tak aa kar soche kaise chho.Duu.n qarya-e-jaa.n
yuusuf qasr-e-shahii me.n bhii kab bhuulaa kan.aa.n kii galiyaa.n
maut qariib aa.ii to duniyaa kitnii muqaddas lagtii hai
kaahish-e-dil bhii KHvaahish-e-dil hai aafat-e-jaa.n bhii raahat-e-jaa.n
merii vahshat ko to bahut thii gosha-e-chashm-e-yaar kii sair
yuu.n to adam me.n vus.at hogii arsh-ba-arsh karaa.n-ba-karaa.n
Gunche ab tak rang bhare hai.n ab tak ho.nT uma.ng-bhare
TuuTii-phuuTii qabro.n se hai.n pathraa.ii aa.nkhe.n nigaraa.n
sirf ik nigah-e-garm se TuuTe.n sho.alo.n me.n parvaan cha.Dhe.n
haa.e ye naazuk naazuk rishte haa.e ye bazm-e-shiish-garaa.n
dasht-o-daman me.n koh kamar me.n bikhre hu.e hai.n phuul hii phuul
ruu-e-nigaar-e-giitii par hai.n sabt mire boso.n ke nishaa.n
aa.nkh kii ik jhapkii me.n biitaa kitne baras kaa qurb-e-jamaal
ishq ke ik pal me.n guzre hai.n kitne qaran kitnii sadiyaa.n
saarii duniyaa meraa ka.aba sab insaa.n mere mahbuub
dushman bhii do ek the lekin dushman bhii to the insaa.n
dard-e-hayaat kahii.n ab jaa kar ban.ne lagaa thaa husn-e-hayaat
kis ko KHabar thii mahv rahegii qat-e-safar me.n umr-e-ravaa.n
jannat kii yaKH-bastagyo.n ko garmaa.egaa us kaa KHayaal
sub.h-e-abad tak jamii rahe ye anjuman-e-aatish-e-nafasaa.n

Ahmad Nadeem Qasmi
Nazm

mawara

raah chalte hu.e ik mo.D pe duur az ummiid
aa.nkh jhapkii to mire saamne vo shoKH parii-paikar thaa

Waheed Akhtar
Nazm

wo

saaraa ghar jab so jaataa hai
vo ghar me.n daaKHil hotaa hai
sote bachcho.n ke pairo.n ke
pyaar bhare bose letaa hai
biivii ke naazuk ho.nTo.n ko
apne gaalo.n se chhuutaa hai
phir apne bistar par jaa kar
sone kii koshish kartaa hai
jaane kab jhapkii aatii hai
jaane kab vo so jaataa hai
dekh ke ko.ii KHvaab bhayaanak
sote sote chau.nk uThtaa hai
raat raat bhar taariikii me.n
jaane kyaa sochaa kartaa

Kumar Pashi
Nazm

aazadgi

der se jhiil kii aa.nkh jhapkii
na sahme hu.e par kahii.n pha.Dpha.Daa.e
na kaliyaa.n hii chaTkii.n
na patte hile
har ghanaa pe.D nirvaan kii aas me.n gum hai
suukhii hu.ii Tahniyaa.n sab saliibe.n hai.n
har Gaar jaise kisii jibraiil-e-amii.n ke liye hai
kailaash chup-chaap hai
guu.nj hii guu.nj
be-lafz-o-ma.anii faqat ek guu.nj

Qazi Saleem
Nazm

ek sitaron bhari raat

ik sitaaro.n se bharii KHvaab sii mahkaar sii raat
lawn me.n bikhrii hu.ii chaa.nd kii bekal kirne.n
vaqt saakin thaa yaa lamha thaa ko.ii Thahraa hu.aa
zehn me.n simTii hu.ii soch ubharne sii lagii
aa.nkh jhapkii to mai.n kyaa dekhtii huu.n
vus.at-e-shab pe vo chhaayaa hu.aa tanhaa tanhaa
mujh ko apnaa saa lagaa
merii jaanib kisii ba.Dhte hu.e ik saa.e ne
mujh ko chau.nkaa saa diyaa
mere aur chaa.nd ke maabain vo haa.il saa hu.aa
pyaar aa.nkho.n me.n bahut KHvaab sajaa.e us ne
aur kuchh yaad nahii.n rasm mohabbat kii mujhe
phir usii lamhe mire zehn ke ik goshe me.n
ek anjaane se ehsaas ne a.ng.Daa.ii lii
milne vaale ke bichha.Dne kii gha.Dii baaqii hai
in rusuumaat kii ik aur ka.Dii baaqii hai
aur aisaa hii hu.aa
phir vahii chaa.nd vahii mai.n huu.n vahii dard kii raat

Farrukh Zohra Gilani
Nazm

ek aawaz

abhii abhii hii to sapne me.n yuu.n lagaa mujh ko
bulaa rahii hai ko.ii an-sunii sadaa mujh ko
miThaas o.Dh ke dhiimii sii gungunaahaT kii
na jaane zer-e-lab aavaaz kah ga.ii hai kyaa
hanuuz gosh-bar-aavaaz hai dil-e-hairaa.n
kisii kii baat adhuurii hii rah ga.ii hai kyaa
jha.Dii thii nii.nd kii Tahnii se jo sadaa kii kalii
KHud aagahii ke tamavvuj me.n bah ga.ii hai kyaa
ajab nahii.n ki tasavvur se ko.ii parchhaa.ii.n
nikal ke andhii guphaa.o.n kii samt lapkii ho
ajab nahii.n ki nam-aaluud shab kii chaukhaT par
samay kii mauj tanaffus ne aa.nkh jhapkii ho
ajab nahii.n ki sulagte sukuut kii rau me.n
kahii.n se narm sii aahaT kii buu.nd Tapkii ho
ajab nahii.n ki kisii adh-khile shaguufe ne
havaa ke uu.nghte jho.nke kii piiTh thapkii ho
nuquush-e-paa me.n kisii KHush KHiraam ne shaayad
sadaa-e-paa kaa rasiilaa saa aks chho.Daa ho
falak se TuuT ke shaayad kisii sitaare ne
sukuut-e-shab ke hasii.n aa.ine ko to.Daa ho
tilism-e-yaad ne shaayad taraste kaano.n me.n
kisii kii siim-guu.n saa.nso.n kaa ras nicho.Daa ho
ajab nahii.n ki mire zehn ke kivaa.Do.n se
kisii bhaTaktii sadaa ne sar apnaa chho.Daa ho

Takht Singh
Nazm

samay ho gaya

ek din
sehn kii piil-guu.n dhuup me.n
aahanii chaarpaa.ii pe leTe hu.e
ek jhapkii sii aa.ii
to mai.n so gayaa
mere chehre pe
baarish kii ik buu.nd ne
gar ke dastak dii:
baabaa chalo,
apne kamre ke andar
samay ho gayaa

Rafiq Sandelvi
Nazm

bablu

ik pal jo dekhiye to diivaar par cha.Dhe hai.n
jhapkii palak to dekho dau.De.n lagaa rahe hai.n

Bilqis Zafirul Hasan
Nazm

shahr-e-bina ke log

dast-e-shafqat kaTaa aur havaa me.n mu.allaq hu.aa
aa.nkh jhapkii to palko.n pe Thahrii hu.ii KHvaahishe.n dhuul me.n aT ga.ii.n
shahr-e-biinaa kii sa.Dko.n pe naa-biinaa chalne lage
ek naadiida talvaar dil me.n utarne lagii
paa.nv kii dhuul zanjiir ban kar chhanakne lagii aur qadam sabz-ruu KHaak se KHauf khaane lage
zehn me.n ajnabii sarzamii.n ke KHayaalaat aane lage
saare naa-biinaa ik duusre kaa sahaaraa bane
sar pe kaa.nTo.n bharaa taaj aur haath me.n motiye kii chha.Dii thaam kar
duur se aane vaalii sadaa ke ta.aaqub me.n yuu.n chal pa.De
jaise un kaa masiihaa isii samt ho
jaise un ke masiihaa kii aa.nkho.n me.n sirf un kii tasviir ho
jaise un ke KHayaalo.n me.n khiltii zamii.n un kii jaagiir ho

Ejaz Rizvi
Nazm

nazm

aa.nkh Gaflat me.n na jhapkii kabhii sir-sayyad kii
ziist bedaar hamesha rahii sir-sayyad kii
ai falak phir hame.n lauTaa de vo mard-e-aahan
qaum ko phir hai zaruurat usii sir-sayyad kii
aage jab ko.ii nahii.n ham ko ba.Dhaane vaalaa
kyo.n na mahsuus kare.n ham kamii sir-sayyad kii
aaj har bazm me.n milte hai.n aliga.Dh ke supuut
dil se karte hu.e paiGambarii sir-sayyad kii
daa'vat-e-fikr-o-amal aaj bhii detii hai 'jaliil'
har musaafir ke liye rahbarii sir-sayyad kii

Jalilur Rahman Jaleel
Nazm

zindagi

sarguzasht-e-nauhagar hai zindagii
daastaan-e-ashk-e-tar hai zindagii
kyaa u.Degii vaadii-e-ummiid me.n
taa.ir-e-be-baal-o-par hai zindagii
aa.nkh jhapkii ho gayaa qissa tamaam
aah kitnii muKHtasar hai zindagii
pii ke bahke kyo.n na ehsaas-e-vajuud
saaGar-e-jaaduu-asar hai zindagii
ibtidaa-e-zindagaanii hai ajal
intihaa-e-dard-e-sar hai zindagii
zindagii hai ranj-o-Gam kii daastaa.n
dard-e-dil soz-e-jigar hai zindagii
zeb-e-gulshan munhasir hai KHaar par
dard-e-dil par munhasir hai zindagii
jii rahaa hai tuu bhii ai 'manzar' magar
ek hii andaaz par hai zindagii

Khawaja Manzar Hasan Manzar
Nazm

tulu-e-islam

daliil-e-sub.h-e-raushan hai sitaaro.n kii tunuk-taabii
ufuq se aaftaab ubhraa gayaa daur-e-giraa.n-KHvaabii
uruuq-murda-e-mashriq me.n KHuun-e-zindagii dau.Daa
samajh sakte nahii.n is raaz ko siinaa o faaraabii
musalmaa.n ko musalmaa.n kar diyaa tuufaan-e-maGrib ne
talaatum-haa-e-dariyaa hii se hai gauhar kii sairaabii
ataa momin ko phir dargaah-e-haq se hone vaalaa hai
shikoh-e-turkamaanii zehn hindii nutq aaraabii
asar kuchh KHvaab kaa Guncho.n me.n baaqii hai tuu ai bulbul
navaa-raa talKH-tarmii zan chuu zauq-e-naGma kam-yaabii
ta.Dap sehn-e-chaman me.n aashiyaa.n me.n shaaKH-saaro.n me.n
judaa paare se ho saktii nahii.n taqdiir-e-siimaabii
vo chashm-e-paak hai.n kyuu.n ziinat-e-bar-gustavaa.n dekhe
nazar aatii hai jis ko mard-e-Gaazii kii jigar-taabii
zamiir-e-laala me.n raushan charaaG-e-aarzuu kar de
chaman ke zarre zarre ko shahiid-e-justujuu kar de
sarishk-e-chashm-e-muslim me.n hai naisaa.n kaa asar paidaa
KHaliilullaah ke dariyaa me.n ho.nge phir guhar paidaa
kitaab-e-millat-e-baizaa kii phir shiiraaza-bandii hai
ye shaaKH-e-haashmii karne ko hai phir barg-o-bar paidaa
rabuud aa.n turk shiiraazii dil-e-tabrez-o-kaabul raa
sabaa kartii hai buu-e-gul se apnaa ham-safar paidaa
agar usmaaniyo.n par koh-e-Gam TuuTaa to kyaa Gam hai
ki KHuun-e-sad-hazaar-anjum se hotii hai sahar paidaa
jahaa.nbaanii se hai dushvaar-tar kaar-e-jahaa.n-biinii
jigar KHuu.n ho to chashm-e-dil me.n hotii hai nazar paidaa
hazaaro.n saal nargis apnii be-nuurii pe rotii hai
ba.Dii mushkil se hotaa hai chaman me.n diida-var paidaa
navaa-pairaa ho ai bulbul ki ho tere tarannum se
kabuutar ke tan-e-naazuk me.n shaahii.n kaa jigar paidaa
tire siine me.n hai poshiida raaz-e-zindagii kah de
musalmaa.n se hadiis-e-soz-o-saaz-e-zindagii kah de
KHudaa-e-lam-yazal kaa dast-e-qudrat tuu zabaa.n tuu hai
yaqii.n paidaa kar ai Gaafil ki maGluub-e-gumaa.n tuu hai
pare hai charKH-e-niilii-faam se manzil musalmaa.n kii
sitaare jis kii gard-e-raah ho.n vo kaarvaa.n to hai
makaa.n faanii makii.n faanii azal teraa abad teraa
KHudaa kaa aaKHirii paiGaam hai tuu jaavedaa.n tuu hai
Hinaa-band-e-uruus-e-laala hai KHuun-e-jigar teraa
tirii nisbat baraahiimii hai memaar-e-jahaa.n tuu hai
tirii fitrat amii.n hai mumkinaat-e-zindagaanii kii
jahaa.n ke jauhar-e-muzmar kaa goyaa imtihaa.n to hai
jahaan-e-aab-o-gil se aalam-e-jaaved kii KHaatir
nubuvvat saath jis ko le ga.ii vo armuGaa.n tuu hai
ye nukta sarguzisht-e-millat-e-baizaa se hai paidaa
ki aqvaam-e-zamiin-e-asia kaa paasbaa.n tuu hai
sabaq phir pa.Dh sadaaqat kaa adaalat kaa shujaa.at kaa
liyaa jaa.egaa tujh se kaam duniyaa kii imaamat kaa
yahii maqsuud-e-fitrat hai yahii ramz-e-musalmaanii
uKHuvvat kii jahaa.ngiirii mohabbat kii faraavaanii
butaan-e-ra.ng-o-KHuu.n ko to.D kar millat me.n gum ho jaa
na tuuraanii rahe baaqii na iiraanii na afGaanii
miyaan-e-shaaKH-saaraa.n sohbat-e-murG-e-chaman kab tak
tire baazuu me.n hai parvaaz-e-shaahiin-e-qahastaanii
gumaa.n-aabaad hastii me.n yaqii.n mard-e-musalmaa.n kaa
bayaabaa.n kii shab-e-taariik me.n qindiil-e-rohbaanii
miTaayaa qaisar o kisraa ke istibdaad ko jis ne
vo kyaa thaa zor-e-haidar faqr-e-buu-zar sidq-e-salmaanii
hu.e ahraar-e-millat jaada-paimaa kis tajammul se
tamaashaa.ii shigaaf-e-dar se hai.n sadiyo.n ke zindaanii
sabaat-e-zindagii iimaan-e-mohkam se hai duniyaa me.n
ki almaanii se bhii paa.enda-tar niklaa hai tuuraanii
jab is a.ngaara-e-KHaakii me.n hotaa hai yaqii.n paidaa
to kar letaa hai ye baal-o-par-e-ruuh-ul-amii.n paidaa
Gulaamii me.n na kaam aatii hai.n shamshiire.n na tadbiire.n
jo ho zauq-e-yaqii.n paidaa to kaT jaatii hai.n zanjiire.n
ko.ii andaaza kar saktaa hai us ke zor-e-baazuu kaa
nigaah-e-mard-e-momin se badal jaatii hai.n taqdiire.n
vilaayat paadshaahii ilm-e-ashiyaa kii jahaa.ngiirii
ye sab kyaa hai.n faqat ik nukta-e-iimaa.n kii tafsiire.n
baraahiimii nazar paidaa magar mushkil se hotii hai
havas chhup chhup ke siino.n me.n banaa letii hai tasviire.n
tamiiz-e-bandaa-o-aaqaa fasaad-e-aadmiyat hai
hazar ai chiira-dastaa.n saKHt hai.n fitrat kii ta.aziire.n
haqiiqat ek hai har shai kii KHaakii ho ki nuurii ho
lahuu KHurshiid kaa Tapke agar zarre kaa dil chiire.n
yaqii.n mohkam amal paiham mohabbat faatah-e-aalam
jihaad-e-zindagaanii me.n hai.n ye mardo.n kii shamshiire.n
che baayad mard raa tab-e-buland mashrab-e-naabe
dil-e-garme nigaah-e-paak-biine jaan-e-betaabe
uqaabii shaan se jhapTe the jo be-baal-o-par nikle
sitaare shaam ke KHuun-e-shafaq me.n Duub kar nikle
hu.e madfuun-e-dariyaa zer-e-dariyaa tairne vaale
tamaa.nche mauj ke khaate the jo ban kar guhar nikle
Gubaar-e-rahguzar hai.n kiimiyaa par naaz thaa jin ko
jabiine.n KHaak par rakhte the jo iksiir-gar nikle
hamaaraa narm-rau qaasid payaam-e-zindagii laayaa
KHabar detii thii.n jin ko bijliyaa.n vo be-KHabar nikle
haram rusvaa hu.aa piir-e-haram kii kam-nigaahii se
javaanaan-e-tataarii kis qadar saahab-nazar nikle
zamii.n se nuuryaan-e-aasmaa.n-parvaaz kahte the
ye KHaakii zinda-tar paa.enda-tar taabinda-tar nikle
jahaa.n me.n ahl-e-iimaa.n suurat-e-KHurshiid jiite hai.n
idhar Duube udhar nikle udhar Duube idhar nikle
yaqii.n afraad kaa sarmaaya-e-taamiir-e-millat hai
yahii quvvat hai jo suurat-gar-e-taqdiir-e-millat hai
tuu raaz-e-kun-fakaa.n hai apnii aa.nkho.n par ayaa.n ho jaa
KHudii kaa raaz-daa.n ho jaa KHudaa kaa tarjumaa.n ho jaa
havas ne kar diyaa hai Tuk.De Tuk.De nau-e-insaa.n ko
uKHuvvat kaa bayaa.n ho jaa mohabbat kii zabaa.n ho jaa
ye hindii vo KHuraasaanii ye afGaanii vo tuuraanii
tuu ai sharminda-e-saahil uchhal kar be-karaa.n ho jaa
Gubaar-aaluuda-e-ra.ng-o-nasab hai.n baal-o-par tere
tuu ai murG-e-haram u.Dne se pahle par-fishaa.n ho jaa
KHudii me.n Duub jaa Gaafil ye sirr-e-zindagaanii hai
nikal kar halqa-e-shaam-o-sahar se jaavedaa.n ho jaa
masaaf-e-zindagii me.n siirat-e-faulaad paidaa kar
shabistaan-e-mohabbat me.n hariir o parniyaa.n ho jaa
guzar jaa ban ke sail-e-tund-rau koh o bayaabaa.n se
gulistaa.n raah me.n aa.e to juu-e-naGma-KHvaa.n ho jaa
tire ilm o mohabbat kii nahii.n hai intihaa ko.ii
nahii.n hai tujh se ba.Dh kar saaz-e-fitrat me.n navaa ko.ii
abhii tak aadmii said-e-zabuun-e-shahryaarii hai
qayaamat hai ki insaa.n nau-e-insaa.n kaa shikaarii hai
nazar ko KHiira kartii hai chamak tahziib-e-haazir kii
ye sannaa.ii magar jhuuTe niguu.n kii reza-kaarii hai
vo hikmat naaz thaa jis par KHirad-mandaan-e-maGrib ko
havas ke panja-e-KHuunii.n me.n teG-e-kaar-zaarii hai
tadabbur kii fusuu.n-kaarii se mohkam ho nahii.n saktaa
jahaa.n me.n jis tamaddun kii binaa sarmaaya-daarii hai
amal se zindagii bantii hai jannat bhii jahannam bhii
ye KHaakii apnii fitrat me.n na nuurii hai na naarii hai
KHarosh-aamoz bulbul ho girah Gunche kii vaa kar de
ki tuu is gulsitaa.n ke vaaste baad-e-bahaarii hai
phir uTThii asia ke dil se chi.ngaarii mohabbat kii
zamii.n jaulaa.n-gah-e-atlas qabaayaan-e-tataarii hai
bayaa paidaa KHariidaa raast jaan-e-naa-tavaan-e-raa
pas az muddat guzaar uftaad barmaa kaarvaane raa
bayaa saaqii navaa-e-murG-zaar az shaaKH-saar aamad
bahaar aamad nigaar aamad nigaar aamad qaraar aamad
kashiid abr-e-bahaarii KHema andar vaadii o sahraa
sadaa-e-aabshaaraa.n az faraaz-e-koh-saar aamad
sarat gardam toham qaanuun peshii.n saaz dah saaqii
ki KHail-e-naGma-pardaazaa.n qataar andar qataar aamad
kanaar az zaahidaa.n bar-giir o bebaakaana saaGar-kash
pas az muddat azii.n shaaKH-e-kuhan baa.ng-e-hazaar aamad
ba-mushtaaqaa.n hadiis-e-KHvaajaa-e-badro hunain aavar
tasarruf-haa-e-pinhaanash ba-chashm-e-aashkaar aamad
digar shaaKH-e-KHaliil az KHuun-e-maa namnaak mii gardad
ba-baazaar-e-mohabbat naqd-e-maa kaamil ayyaar aamad
sar-e-KHaak-e-shahiire barg-haa-e-laala mii paasham
ki KHuunash baa-nihaal-e-millat-e-maa saazgaar aamad
bayaa taa-gul baa-afmaishaaniim o mai dar saaGar andaazem
falak raa saqf ba-shagaafem o tarh-e-diigar andaazem

Allama Iqbal
Nazm

hasan kuza-gar (1)

jahaa.n-zaad me.n aaj terii galii me.n
yahaa.n raat kii sard-guu.n tiirgii me.n
tire dar ke aage kha.Daa huu.n
sar-o-muu pareshaa.n
dariiche se vo qaaf kii sii tilismii nigaahe.n
mujhe aaj phir jhaa.nktii hai.n
zamaana, jahaa.n-zaad vo chaak hai jis pe miina-o-jaam-o-subuu
aur faanuus-o-gul-daa.n
ke maanind bante biga.Dte hai.n insaa.n
mai.n insaa.n huu.n lekin
ye nau saal jo Gam ke qaalib me.n guzre!
hasan kuuza-gar aaj ik toda-e-KHaak hai jism
me.n nam kaa asar tak nahii.n hai
jahaa.n-zaad baazaar me.n sub.h attaar-yuusuf
kii dukkaan par terii aa.nkhe.n
phir ik baar kuchh kah ga.ii hai.n
un aa.nkho.n kii taabinda shoKHii
se uTThii hai phir toda-e-KHaak me.n nam kii halkii sii larzish
yahii shaayad us KHaak ko gil banaa de!

Noon Meem Rashid
Nazm

aadmi-nama

duniyaa me.n paadshah hai so hai vo bhii aadmii
aur muflis-o-gadaa hai so hai vo bhii aadmii
zardaar-e-be-navaa hai so hai vo bhii aadmii
nemat jo khaa rahaa hai so hai vo bhii aadmii
Tuk.De chabaa rahaa hai so hai vo bhii aadmii
abdaal, qutub o Gaus valii-aadmii hu.e
munkir bhii aadmii hu.e aur kufr ke bhare
kyaa kyaa karishme kashf-o-karaamaat ke liye
hattaa ki apne zohd-o-riyaazat ke zor se
KHaaliq se jaa milaa hai so hai vo bhii aadmii
fir.aun ne kiyaa thaa jo da.avaa KHudaa.ii kaa
shaddaad bhii bahisht banaa kar hu.aa KHudaa
namruud bhii KHudaa hii kahaataa thaa barmalaa
ye baat hai samajhne kii aage kahuu.n mai.n kyaa
yaa.n tak jo ho chukaa hai so hai vo bhii aadmii
kul aadmii kaa husn o qubah me.n hai yaa.n zuhuur
shaitaa.n bhii aadmii hai jo kartaa hai makr-o-zor
aur haadii rahnumaa hai so hai vo bhii aadmii
masjid bhii aadmii ne banaa.ii hai yaa.n miyaa.n
bante hai.n aadmii hii imaam aur KHutba-KHvaa.n
pa.Dhte hai.n aadmii hii qur.aan aur namaaziyaa.n
aur aadmii hii un kii churaate hai.n juutiyaa.n
jo un ko taa.Dtaa hai so hai vo bhii aadmii
yaa.n aadmii pe jaan ko vaare hai aadmii
aur aadmii pe teG ko maare hai aadmii
pag.Dii bhii aadmii kii utaare hai aadmii
chillaa ke aadmii ko pukaare hai aadmii
aur sun ke dau.Dtaa hai so hai vo bhii aadmii
chaltaa hai aadmii hii musaafir ho le ke maal
aur aadmii hii maare hai phaa.nsii gale me.n Daal
yaa.n aadmii hii said hai aur aadmii hii jaal
sachchaa bhii aadmii hii nikaltaa hai mere laal
aur jhuuT kaa bharaa hai so hai vo bhii aadmii
yaa.n aadmii hii shaadii hai aur aadmii biyaah
qaazii vakiil aadmii aur aadmii gavaah
taashe bajaate aadmii chalte hai.n KHvaah-maKHvaah
dau.De hai.n aadmii hii to mash.al jalaa ke raah
aur byaahane cha.Dhaa hai so hai vo bhii aadmii
yaa.n aadmii naqiib ho bole hai baar baar
aur aadmii hii pyaade hai.n aur aadmii savaar
huqqa suraahii juutiyaa.n dau.De.n baGal me.n maar
kaa.ndhe pe rakh ke paalkii hai.n dau.Dte kahaar
aur us me.n jo pa.Daa hai so hai vo bhii aadmii
baiThe hai.n aadmii hii dukaane.n lagaa lagaa
aur aadmii hii phirte hai.n rakh sar pe khuunchaa
kahtaa hai ko.ii lo ko.ii kahtaa hai laa re laa
kis kis tarah kii beche.n hai.n chiize.n banaa banaa
aur mol le rahaa hai so hai vo aadmii
table majiire daa.ere saara.ngiyaa.n bajaa
gaate hai.n aadmii hii har ik tarah jaa-ba-jaa
ranDii bhii aadmii hii nachaate hai.n gat lagaa
aur aadmii hii naache hai.n aur dekh phir mazaa
jo naach dekhtaa hai so hai vo bhii aadmii
yaa.n aadmii hii la.al-o-javaahar me.n be-bahaa
aur aadmii hii KHaak se bad-tar hai ho gayaa
kaalaa bhii aadmii hai ki ulTaa hai juu.n tavaa
goraa bhii aadmii hai ki Tuk.Daa hai chaa.nd-saa
bad-shakl bad-numaa hai so hai vo bhii aadmii
ik aadmii hai.n jin ke ye kuchh zarq-barq hai.n
ruupe ke jin ke paa.nv hai.n sone ke farq hai.n
jhamke tamaam Garb se le taa-ba-sharq hai.n
kam-KHvaab taash shaal do-shaalo.n me.n Garq hai.n
aur chiitha.Do.n lagaa hai so hai vo bhii aadmii
hairaa.n huu.n yaaro dekho to kyaa ye svaa.ng hai
aur aadmii hii chor hai aur aapii thaang hai
hai chhiinaa jhapTii aur baa.ng taa.ng hai
dekhaa to aadmii hii yahaa.n misl-e-raa.ng hai
faulaad se ga.Dhaa hai so hai vo bhii aadmii
marne me.n aadmii hii kafan karte hai.n tayaar
nahlaa-dhulaa uThaate hai.n kaa.ndhe pe kar savaar
kalma bhii pa.Dhte jaate hai.n rote hai.n zaar-zaar
sab aadmii hii karte hai.n murde ke kaarobaar
aur vo jo mar gayaa hai so hai vo bhii aadmii
ashraaf aur kamiine se le shaah-taa-vaziir
ye aadmii hii karte hai.n sab kaar-e-dil-paziir
yaa.n aadmii muriid hai aur aadmii hii piir
achchhaa bhii aadmii hii kahaataa hai ai 'naziir'
aur sab me.n jo buraa hai so hai vo bhii aadmii

Nazeer Akbarabadi
Nazm

shishon ka masiha koi nahin

kab luuT-jhapaT se hastii kii
dokaane.n KHaalii hotii hai.n
yaa.n parbat-parbat hiire hai.n
yaa.n saagar saagar motii hai.n

Faiz Ahmad Faiz
Nazm

raqs

ai mirii ham-raqs mujh ko thaam le
ahd-e-paariina kaa mai.n insaa.n nahii.n
bandagii se is dar o diivaar kii
ho chukii hai.n KHvaahishe.n be-soz-o-ra.ng o naa-tavaa.n
jism se tere lipaT saktaa to huu.n
zindagii par mai.n jhapaT saktaa nahii.n!
is liye ab thaam le
ai hasiin o ajnabii aurat mujhe ab thaam le!

Noon Meem Rashid
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now