Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "ka.nkar"

Nazm MATCHES FOR "ka.nkar"

Nazm

farz karo

in me.n sachche motii bhii hai.n, in me.n kankar patthar bhii
in me.n uthle paanii bhii hai.n, in me.n gahre saagar bhii

Ibn۔e۔Insha
Nazm

marhum aur mahrum

ba.De sukuun se tum so ga.e vahaa.n jaa kar
ye kaise nii.nd tumhe.n aa ga.ii na.e ghar me.n
har ek shab mai.n faqat karvaTe.n badaltaa huu.n
tumhaarii qabr ke ka.nkar ho.n jaise bistar me.n

Zubair Ali Tabish
Nazm

mere liye kaun sochta hai

mire liye kaun sochtaa hai
judaa judaa hai.n mire qabiile ke log saare
judaa judaa sab kii suurate.n hai.n
sabhii ko apnii anaa ke andhe ku.e.n kii tah me.n pa.De hu.e
KHvaahisho.n ke pinjar
havas ke Tuk.De
havaas reze
hiraas ka.nkar talaashnaa hai.n
sabhii ko apne badan kii shah-e-rag me.n
qatra qatra lahuu kaa laavaa u.nDelnaa hai
sabhii ko guzre dino.n ke dariyaa kaa dukh
viraasat me.n jhelnaa hai
mire liye kaun sochtaa hai
sabhii kii apnii zaruurate.n hai.n
mirii rage.n chhiltii jaraahat ko kaun baKHshe
shifaa kii shabnam
mirii udaasii ko kaun bahlaa.e
kisii ko fursat hai mujh se puuchhe
ki merii aa.nkhe.n gulaab kyuu.n hai.n
mirii mashaqqat kii shaaKH-e-uriyaa.n par
saazisho.n ke azaab kyuu.n hai.n
mirii hathelii pe KHvaab kyuu.n hai.n
mire safar me.n saraab kyuu.n hai.n
mire liye kaun sochtaa hai
sabhii ke dil me.n kuduurate.n hai.n

Mohsin Naqvi
Nazm

mere pyare watan

mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan
gul-posh terii vaadiyaa.n
farhat-nishaa.n raahat-rasaa.n
tere chaman-zaaro.n pe hai
gulzaar-e-jannat kaa gumaa.n
har shaaKH phuulo.n kii chha.Dii
har naKHl-e-tuubaa hai yahaa.n
kausar ke chashme jaa-ba-jaa
tasniim har aab-e-ravaa.n
har barg ruuh-e-taazgii
har phuul jaan-e-gulsitaa.n
har baaG baaG-e-dil-kashii
har baaG baaG-e-be-KHizaa.n
dilkash charaagaahe.n tirii
Dhoro.n ke jin me.n kaarvaa.n
anjum-sifat gulhaa-e-nau
har taKHta-e-gul aasmaa.n
naqsh-e-surayyaa jaa-ba-jaa
har har ravish ik kahkashaa.n
terii bahaare.n daa.imii
terii bahaare.n jaavedaa.n
tujh me.n hai ruuh-e-zindagii
paiham ravaa.n paiham davaa.n
dariyaa vo tere tund-KHuu
jhiile.n vo terii be-karaa.n
shaam-e-avadh ke lab pe hai
husn-e-azal kii daastaa.n
kahtii hai raaz-e-sarmadii
sub.h-e-banaras kii zabaa.n
u.Dtaa hai haft-aflaak par
un kaar-KHaano.n kaa dhu.aa.n
jin me.n hai.n laakho.n mehnatii
san.at-garii ke paasbaa.n
terii banaras kii zarii
rashk-e-hariir-o-parniyaa.n
biidar kii fankaarii me.n hai.n
san.at kii sab baariikiyaa.n
azmat tire iqbaal kii
tere pahaa.Do.n se ayaa.n
dariyaa.o.n kaa paanii, tarii
taqdiis kaa andaaza-daa.n
kyaa 'bhaarte.ndu' ne kiyaa
ga.ngaa kii lahro.n kaa bayaa.n
'iqbaal' aur chakbast hai.n
azmat ke terii naGma-KHvaa.n
'josh' o 'firaaq' o 'pant' hai.n
tere adab ke tarjumaa.n
'tulsii' o 'KHusrav' hai.n terii
taariif me.n ratb-ul-lisaa.n
gaate hai.n naGma mil ke sab
uu.nchaa rahe teraa nishaa.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tere nazaaro.n ke nagii.n
duniyaa kii KHaatam me.n nahii.n
saare jahaa.n me.n muntaKHab
kashmiir kii arz-e-hasii.n
fitrat kaa ra.ngii.n mo.ajaza
firdaus bar-ruu-e-zamii.n
firdaus bar-ruu-e-zamii.n
haa.n haa.n hamii.n ast o hamii.n
sarsabz jis ke dasht hai.n
jis ke jabal hai.n surmagii.n
meve ba-kasrat hai.n jahaa.n
shiirii.n misaal-e-a.ngbii.n
har za.afaraa.n ke phuul me.n
aks-e-jamaal-e-huura.ii.n
vo maalve kii chaa.ndnii
gum jis me.n ho.n duniyaa-o-dii.n
is KHitta-e-naira.ng me.n
har ik fazaa husn-aafrii.n
har shai me.n husn-e-zindagii
dilkash makaa.n dilkash zamii.n
har mard mard-e-KHuub-ruu
har ek aurat naaznii.n
vo taaj kii KHush-paikarii
har zaaviye se dil-nashii.n
san.at-garo.n ke daur kii
ik yaadgaar-e-marmarii.n
hotii hai jo har shaam ko
faiz-e-shafaq se ahmarii.n
dariyaa kii maujo.n se alag
yaa ik bat-e-nazzaara-bii.n
yaa taa.er-e-nuurii ko.ii
parvaaz karne ke qarii.n
yaa ahl-e-duniyaa se alag
ik aabid-e-uzlat-guzii.n
naqsh-e-ajantaa kii qasam
jachtaa nahii.n arzha.ng-e-chii۔n
shaan-e-ellora dekh kar
jhuktii hai aazar kii jabii.n
chittau.D ho yaa aagara
aise nahii.n qil.e kahii.n
but-gar ho yaa naqqaash ho
tuu sab kii azmat kaa amii.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
dilkash tire dasht o chaman
ra.ngii.n tire shahr o chaman
tere javaa.n raa.anaa javaa.n
tere hasii.n gul pairahan
ik anjuman duniyaa hai ye
tuu is me.n sadr-e-anjuman
tere muGannii KHush-navaa
shaa.er tire shiirii.n-suKHan
har zarra ik maah-e-mubii.n
har KHaar rashk-e-nastarii.n
Guncha tire sahraa kaa hai
ik naafa-e-mushk-e-KHutan
ka.nkar hai.n tere be-bahaa
patthar tire laal-e-yaman
bastii se jangal KHuub-tar
baaGo.n se husn afroz ban
vo mor vo kabk-e-darii
vo chauk.Dii bharte hiran
ra.ngii.n-adaa vo titliyaa.n
baa.nbnii me.n vo naago.n ke phan
vo sher jin ke naam se
larze me.n aa.e ahrman
kheto.n kii barkat se ayaa.n
faizaan-e-rabb-e-zul-minan
chashmo.n ke shiirii.n aab se
lazzat-kashaa.n kaam-o-dahan
taabinda teraa ahd-e-nau
raushan tiraa ahd-e-kuhan
kitno.n ne tujh par kar diyaa
qurbaan apnaa maal dhan
kitne shahiido.n ko mile
tere liye daar-o-rasan
kitno.n ko teraa ishq thaa
kitno.n ko thii terii lagan
tere jafaa-kash mehnatii
rakhte hai.n azm-e-kohkan
tere sipaahii suurmaa
be-misl yaktaa-e-zaman
'bhisham' saa jin me.n hausla
'arjun' saa jin me.n baa.nkpan
aalim jo faKHr-e-ilm hai.n
fankaar naazaa.n jin pe fan
'raa.e' o 'bos' o 'shergil'
'dinkar,' 'jigar' 'maithli-sharan'
'vallathol' 'maahir', bhaartii
'bachchan', 'mahaadevii' 'suman'
'krishnan', 'niraalaa', 'prem-chand'
'tagore' o 'aazaad' o 'raman'
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
khetii tirii har ik harii
dilkash tirii KHush-manzarii
terii bisaat-e-KHaak ke
zarre hai.n mahr-o-mushtarii
jhelum kaveri naag vo
ga.ngaa kii vo ga.ngotarii
vo narbadaa kii tamkanat
vo shaukat-e-godaavarii
paakiizgii sarjuu kii vo
jamunaa kii vo KHush-gauharii
dullarba aab-e-niil-guu.n
kashmiir kii niilam-parii
dilkash papiihe kii sadaa
koyal kii taane.n mad-bharii
tiitar kaa vo haq sirrahu
tuutii kaa vo vird-e-harii
suufii tire har daur me.n
karte rahe paiGambarii
'chishtii' o 'nanak' se milii
faqr-o-Ginaa ko bartarii
adl-e-jahaa.ngiirii me.n thii
muzmar re.aayaa-parvarii
vo nau-ratan jin se hu.ii
tahziib-e-daur-e-akbarii
rakhte the afGaan-o-muGal
ik saulat-e-askandarii
raanaa.on ke iqbaal kii
hotii hai kis se ham-sarii
saava.nt vo yodhdhaa tire
tere jiyaale vo jarii
niiatii vidur kii aaj tak
kartii hai terii rahbarii
ab tak hai mash.huur-e-zamaa.n
'chanakya' kii daanish-varii
vayaas aur vishvamitr se
muniyo.n kii shaan-e-qaisarii
paatanjalii o saa.nkh se
rishiyo.n kii hikmat-parvarii
baKHshe tujhe in.aam-e-nau
har daur charKH-e-chambarii
KHush-gauharii de aab ko
aur KHaak ko KHush-jauharii
zarro.n ko mahr-afshaaniyaa.n
qatro.n ko dariyaa-gustarii
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tuu rahbar-e-nau-e-bashar
tuu amn kaa paiGaam-bar
paale hai.n tuu ne god me.n
saahib-KHirad saahib-e-nazar
afzal-tarii.n in sab me.n hai
baapuu kaa naam-e-mo'tabar
har lafz jis kaa dil-nashii.n
har baat jis kii pur-asar
jis ne lagaayaa dahr me.n
na.ara ye be-KHauf-o-KHatar
be-kaar hai.n tiir-o-sinaa.n
be-suud hai.n teG-o-tabar
hinsaa kaa rasta jhuuT hai
haq hai ahinsaa kii Dagar
darmaa.n hai ye har dard kaa
ye har maraz kaa chaara-gar
ja.ngaah-e-aalam me.n ko.ii
is se nahii.n behtar sipar
kartaa huu.n mai.n tere liye
ab ye du.aa-e-muKHtasar
raunaq pe ho.n tere chaman
sarsabz ho.n tere shajar
naKHl-e-umiid-e-behtarii
har fasl me.n ho baarvar
koshish ho duniyaa me.n ko.ii
KHitta na ho zer-o-zabar
teraa har ik baasii rahe
neko-sifat neko-siyar
har zan saliiqa-ma.nd ho
har mard ho saahib-hunar
jab tak hai.n ye arz o falak
jab tak hai.n ye shams o qamar
mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan

Arsh Malsiyani
Nazm

husn aur mazduri

ek doshiiza sa.Dak par dhuup me.n hai be-qaraar
chuu.Diyaa.n bajtii hai.n ka.nkar kuuTne me.n baar baar

Josh Malihabadi
Nazm

das se upar

itne ghar
itne sayyaare
ka.nkar patthar kaun gine
das se uupar kaun gine

Sarvat Husain
Nazm

zinda rahne ka ye ehsas

bhii.D me.n ajnabii lagne me.n mazaa aataa hai
aashnaa chehro.n ke badle hu.e tevar mujh ko
haal se maazii me.n le jaate hai.n
kuhniyaa.n zaKHmii hai.n aur ghuTno.n par
kuchh KHaraasho.n ke nishaa.n
so.ndhii miTTii kii mahak khii.nche liye jaatii hai
titliyaa.n phuul havaa chaa.ndnii ka.nkar patthar
sab mire saath me.n hai.n
saa.ns be-KHaufii se letaa huu.n mai.n

Shahryar
Nazm

saDak ban rahi hai

may ke mahiine kaa maanuus manzar
Gariibo.n ke saathii ye ka.nkar ye patthar
vahaa.n shahr se ek hii miil haT kar
sa.Dak ban rahii hai
zamii.n par kudaalo.n ko barsaa rahe hai.n
pasiine pasiine hu.e jaa rahe hai.n
magar is mashaqqat me.n bhii gaa rahe hai.n
sa.Dak ban rahii hai
musiibat hai ko.ii masarrat nahii.n hai
unhe.n sochne kii bhii fursat nahii.n hai
jamadaar ko kuchh shikaayat nahii.n hai
sa.Dak ban rahii hai
javaa.n naujavaa.n aur KHamiida kamar bhii
fasurda jabii.n bhii bahisht-e-nazar bhii
vahii.n shaam-e-Gam bhii jamaal-e-sahar bhii
sa.Dak bin rahii hai
jamadaar saa.e me.n baiThaa hu.aa hai
kisii par use kuchh itaab aa gayaa hai
kisii kii taraf dekh kar ha.ns rahaa hai
sa.Dak ban rahii hai
ye be-baak ulfat par alha.D ishaara
basantii se raamuu to raamuu se raadhaa
jamadaar bhii hai basantii kaa shaidaa
sa.Dak ban rahii hai
jo sar pe hai pag.Dii to haatho.n me.n hunter
chalaa hai jamadaar kis shaan se ghar
basantii bhii jaatii hai nazre.n bachaa kar
sa.Dak ban rahii hai
samajhte hai.n lekin hai.n masruur ab bhii
usii tarah gaate hai.n mazduur ab bhii
bahar-haal vaa.n hasb-e-dastuur ab bhii
sa.Dak ban rahii hai

Salam Machhli shahri
Nazm

pyas

ka.nkar le ke phe.nkaa tah me.n
paanii kii aavaaz na aa.ii
us kaa dil bhii KHaalii thaa

Khurshidul islam
Nazm

shaffafiyan

hamaarii raah me.n
shiisha-numaa paanii kii jhiile.n mat bichhaanaa tum
ye ka.nkar phe.nk kar hii faisla hogaa
ki us pahnaa.ii me.n kashtii utartii hai
yaa phir ham paa.nv dharte hai.n
magar aisaa na karnaa tum
ki ham aisaa hii karte hai.n

Waheed Ahmad
Nazm

dilli ki ek sham

farq kuchh bhii nahii.n
chaahe kisii bhii samt chaluu.n
shahr kaa dasht ghanaa aur ghanaa hotaa hai
niim-taariik galii
jis me.n lagaa ik khambaa
zardii-e-KHaas se rangtaa hai galii ke kankar
jhuk gayaa hai jo kisii piir-e-KHamiida kii tarah
dam-ba-dam jal ke bujhaa
bujh ke jalaa
kyaa kahiye
bas yahii shai hai jise shahr kaa jugnuu kah duu.n

Akash Arsh
Nazm

parwin club se aati hai

parviin ke Gusl kaa la.Dke bhii chhup chhup ke nazaara karte hai.n
vo swimming pool ke sat.h-e-aab pe ka.nkar maaraa karte hai.n
phir mammy daddy taaviizo.n se us ko dhaaraa karte hai.n
''jab kashtii Duubne lagtii hai to bojh utaaraa karte hai.n''

Khalid Irfan
Nazm

inglistan ki aazadi aur hindostan ki ghulami

us kii sarhad me.n Gulaamo.n ne jo hai rakhaa qadam
aur ka.nkar paa.nv se ek ik ke be.Dii gir pa.Dii

Altaf Hussain Hali
Nazm

kashi

ga.ngaa kii chhaatii par
sar rakh kar na.ii
kuchh der
jak.De banaras ke
buu.Dhe naaKHuuno.n aur jhurriyo.n ne
chipchipaatii cham.Dii vaale haatho.n ko
chhuu kar yuu.n lagaa ki tum vahii ho jo mai.n huu.n
aur ye merii jagah hai
mai.n huu.n manikarnikaa
aur tum mere kaashii
ye jo ga.ngaa hai naa
isii me.n bahte bahte ham ek kinaare
mile the kabhii
aur hamesha ke liye ek ho ga.e
ye ga.ngaa hii saakshii hai
ga.ngaa hii rishta
yahii prem bhii
suutr bhii ye hai
ham ga.ngaa ke ka.nkar
ga.ngaa kii aulaad
aur isii me.n moh
moksh bhii isii me.n
mai.n manikarnikaa
tum mere kaashii

Varsha Gorchhia
Nazm

pathar

jahaa.n tuu hai vahaa.n hai.n nuqra.ii saazo.n kii jhankaare.n
jahaa.n mai.n huu.n vahaa.n chiiKHe.n hai.n fariyaade.n hai.n naale hai.n
mirii duniyaa me.n Gam hii Gam hai.n taariikii hii taariikii
tirii duniyaa me.n naGme hai.n bahaare.n hai.n ujaale hai.n
mirii jholii me.n ka.nkar hai.n tirii aaGosh me.n hiire
tire pairo.n me.n paa.el hai mire pairo.n me.n chhaale hai.n

Prem Warbartani
Nazm

chhoTe kaam ka baDa natija

ek bachcha ki abhii kuchh use tam.iiz na thii
lahv-baazii se pasandiida ko.ii chiiz na thii
khelnaa kuudnaa khaanaa yahii ma.amuul thaa bas
inhii.n tiflaana tamannaa.o.n me.n mashGuul thaa bas
ek taalaab thaa do-chaar qadam ghar se pare
dil me.n lahr aa.ii lab-e-aab zaraa sair kare
saaf paanii se jo taalaab ko paayaa labrez
khel kaa shauq tabii.at me.n hu.aa aur bhii tez
aas-paas apne jo paayaa ko.ii ka.nkar patthar
phe.nk maaraa use paanii me.n bahut KHush ho kar
khel thaa pahle to ab turfa-tamaashaa dekhaa
dil hii dil me.n mutahayyar thaa ki ye kyaa dekhaa
daa.era ek banaa aisaa ki ba.Dhtaa hai muhiit
gher lii jis ne ki taalaab kii sab sat.h-e-basiit
phir to khel us kaa isii shaGl pe mauquuf rahaa
isii nazzaare me.n taa-der vo masruuf rahaa
isii asnaa me.n hu.aa bachche kii maa.n kaa bhii guzar
bolaa ammaa.n mujhe aa.ii hai ajab chiiz nazar
jo na dekhii na sunii thii kabhii ab se pahle
shaayad aa.ii hai nazar mujh ko hii sab se pahle
ik zaraa sii harakat aur ye taasiir ajiib
daa.era ba.Dh ke pahu.nchtaa hai kinaare ke qariib
bas-ki jii jaan se is shobade par thaa shaidaa
vus.at-e-daa.era kii apnii amal se paidaa
thii vo maa.n ahl-e-dil aur nek-manush nek-nihaad
ha.ns ke farmaayaa mirii jaa.n ye nasiihat rakh yaad
yuu.nhii har kaam kaa ho jaataa hai anjaam ba.Daa
go ki aaGaaz me.n hotaa nahii.n vo kaam ba.Daa
kabhii adnaa harakat zalzala ban jaatii hai
kabhii naachiiz sii ik baat Gazab Dhaatii hai
yahii andaaz-e-nikokaarii o bad-kaarii hai
avvalan KHaas thii ab aam me.n vo jaarii hai

Ismail Merathi
Nazm

kaen kaen kawwa Ten Ten miTThu

ek Tahnii pe baiThe the miTThuu miyaa.n
aa gayaa ek kavvaa bhii u.D kar vahaa.n
aa.iye aa.iye shauq farmaa.iye
miiThaa amruud hai aap bhii khaa.iye
bolaa kavvaa ki KHaamosh Te.n Te.n na kar
varna mai.n pho.D duu.ngaa abhii teraa sar
bevaquufo.n se mai.n baat kartaa nahii.n
apne darje se niiche utartaa nahii.n
kaun saa tuu uqaab aur shaahiin hai
mu.nh lagaanaa tujhe merii tauhiin hai
bolii.n kavve ne jab aisii ba.D boliyaa.n
to Gusse me.n bole ye miTThuu miyaa.n
tuu ne kyaa tiir maare hai.n mai.n bhii sunuu.n
terii chaalaakiyo.n par zaraa sar dhuno.n
bolaa kavvaa ki o raTTuu tote ye sun
merii daanish kaa har shaKHs gaataa hai gun
kar duu.n raushan abhii tere chaudah tabaq
yaad hai bachche bachche ko meraa sabaq
ek din jab bahut saKHt pyaasaa thaa mai.n
ye samajh le ki bas adh-maraa saa thaa mai.n
ek maTke me.n paanii kii dekhii jhalak
cho.nch Daalii to pahu.nchii na paanii talak
zehn ne kaam karnaa shuruu.a kar diyaa
maTkaa ka.nkar se bharnaa shuruu.a kar diyaa
un kii ta.adaad maTke me.n jab ba.Dh ga.ii
sat.h paanii kii uupar talak cha.Dh ga.ii
mai.n ne paanii gaTaa-gaT gaTaa-gaT piyaa
phir phudakte hu.e kaa.e.n kaa.e.n kiyaa
dekh le kis qadar tez tarraar huu.n
kitnaa chaalaak huu.n kitnaa hushyaar huu.n
bole miTThuu miyaa.n maar kar qahqaha
be-vaquufii kii bas ho ga.ii intihaa
jaane maTke me.n paanii thaa kab se pa.Daa
phir Dhaknaa bhii nahii.n thaa khulaa thaa gha.Daa
gande ka.nkar bhii bhartaa gayaa us me.n tuu
pii gayaa aise paanii ko phir aaKH thuu
aise paanii se lagtii hai.n biimaariyaa.n
pesh aatii hai.n kitnii hii dushvaariyaa.n
KHud ko kahtaa aql-mand-o-daanaa hai tuu
lekin afsos ahmaq kaa naanaa hai tuu
tuu agar gandii chiize.n na khaa.e piye
log paale.n tujhe tuu maze se jiye
saaf hotaa to ghar ghar bulaate tujhe
is tarah maar kar kyuu.n bhagaate tujhe
kavvaa sunte hii ye baat rone lagaa
apne par aa.nsu.o.n se bhigone lagaa
aur kahne lagaa baat sach hai tirii
log karte hai.n nafrat shakl se mirii
kavvaa ro ro ke jab aah bharne lagaa
us pe miTThuu ne ye tars khaa kar kahaa
chho.D de is takabbur ba.Daa.ii ko tuu
apnii aadat banaa le safaa.ii kii tuu
ga.ndaa paanii na pii gandii chiize.n na khaa
un me.n hotaa hai Deraa jaraasiim kaa
ye jaraasiim biimaar kar dete hai.n
achchhe KHaaso.n ko be-kaar kar dete hai.n
yuu.n ba-zaahir thaa kavvaa bahut kaa.iyaa.n
us ko samjhaa ke har baat miTThuu miyaa.n
u.D ga.e apne par pha.D.pha.Daate hu.e
miTThuu beTe ke na.are lagaate hu.e

Ahmad Hatib Siddiqi
Nazm

khanDar

isii udaas kha.nDar ke udaas Tiile par
jahaa.n pa.De hai.n nukiile se surma.ii ka.nkar
jahaa.n kii KHaak pe shabnam ke haar bikhre hai.n
shafaq kii narm kiran jis pe jhilmilaatii hai
shikasta ii.nTo.n pe mak.Dii ke jaal hai.n jis jaa
yahii.n pe dil ko na.e dard se do-chaar kiyaa
kisii ke paa.nv kii aahaT kaa intizaar kiyaa
isii udaas kha.nDar ke udaas Tiile par
ye nahr jis me.n kabhii lahr bhii uThii hogii
jo aaj diida-e-be-aab-o-nuur hai goyaa
jise hubaab ke ra.ngiin qumqume na mile
bajaa.e mauj jahaa.n saa.np raqs karte the
yahii.n nigaah-e-tamannaa ko ashk-baar kiyaa
kisii ke paa.nv kii aahaT kaa intizaar kiyaa
isii udaas kha.nDar ke udaas Tiile par
muhiib-e-Gaar ke kone pe ye jhukaa saa daraKHt
fazaa me.n laTkii hu.ii khokhlii ja.De.n jis kii
ye Tahniyaa.n jo havaa.o.n me.n thartharaatii hai.n
bataa rahii hai.n ki maazii kii yaadgaar hai.n ham
unhii.n kii chhaa.nv me.n shaam-e-junuu.n se pyaar kiyaa
kisii ke paa.nv kii aahaT kaa intizaar kiyaa
isii udaas kha.nDar ke udaas Tiile par

Shamim Karhani
Nazm

baadh

naddii kii lahre.n
sote sote
jaise ek dam jaag pa.Dii.n
aur jhapaT pa.Dii.n
in giile giile
miTTii baaluu ka.nkar
patthar aur cement ke
pushto.n par
jin se un ko baa.ndh ke
sab ne rakh chho.Daa thaa
lahak lahak kar
naach naach kar
shor machaatii
chaaro.n or
galii galii kuuche kuuche me.n
gharo.n me.n sehno.n me.n kamro.n baaGo.n me.n
kone kone me.n vo
jhaT-paT
ghus aa.ii.n
cha.Dh-dau.Dii.n
ko.ii chiiz na chhuuTii un se
bartan, baasan,
zevar, kap.De
kursii, mez,
kitaabe.n
bhuule-bisre
KHat pattar
tasviire.n
dastaaveze.n
tahriire.n
bekaar pa.Dii chiize.n
vo jin ke hone kaa bhii pata na thaa
lahro.n ne un ko gher liyaa
daaman me.n apne
bhe.nch liyaa
kiicha.D miTTii me.n lat-pat kar Daalaa
aur sab kuchh le kar Duub ga.ii.n!
phir jaise ik-dam aa.ii thii.n,
vaise hii har har kartii
bal khaatii, iThlaatii,
nikal ga.ii.n
2
ai kaash, dilo.n me.n ruuho.n me.n
aisii ik chanchal baa.Dh aa.e
bekaar Daro.n ke Dhero.n par
himmat kii lahre.n bikhraa de
KHud-Garzii ke sanduuqo.n ko
ik jhaTkaa de kar ulTaa de
phaa.De laalach kii poTo.n ko
jaalo.n ko jahl o shaqaavat ke
aur zulm kii gandii mak.Dii ko
chiknii kaalakh ko ta.assub kii
naabuud kare naapaid kare
yuu.n nam kar de dil kii khetii
ummiide.n sab lahraa uTThe.n
gulnaar shaguufe ulfat ke
suukhii jaano.n se phuuT pa.De.n

Sajjad Zaheer
Nazm

prem bina man suna

chupke se kaano.n me.n kah jaa
KHushiyo.n kaa sandes sunaa jaa
prem tuu apnii Dagar bataa jaa
kyaa tuu jogan ban baiThii
duur kahii.n maayaa se chhup kar
tuu ban ga.ii anokhii
dekh rii tere sog me.n kaisaa haal kiyaa ham ne apnaa
dukh ke kankar patthar chunte komal haath hai.n pathraa.e
jiivan ke raste par bikhre kaa.nTe sau sau Da.nk uThaa.e
nafrat kii aa.ndhii se dhu.ndle pa.D ga.e chandaa taare
ghir aa.ii hai chaaro.n or
dekh ghaTaa ghanghor
aa.nkho.n se ojhal hai ambar
paap kaa jho.nkaa chale bhaya.nkar
halchal mach ga.ii baahar andar
chaaro.n or baguule u.Dte idhar udhar baulaa.e
jaise un ko khoj kisii kii
sar Takraate sar ko uThaa.e sar ko jhukaa.e
sar ke bal kuchh phirte hai.n
sab ko khoj hai terii
prem kahaa.n tuu chhup kar baiThii
ham se kyo.n hai ruuThii
aa dekh ki tere na hone se
kyaa kyaa dukh ham ne jhele
prem-pujaarii jitne the sab ban ga.e attyaachaarii
KHud hii attyaachaar kare hai
ban baiThe bechaare
apne attyaachaar ko bhoge
kaise khel niraale
lekin un ke man me.n kaisii jvaalaa jaag uThii hai
ab to terii hii un ko bas antim aas lagii hai
ai jogan
kyaa tuu bhii Dhuu.nDhe ko.ii prem-pujaarii
us kii khoj me.n ban ga.ii hai tuu bilkul hii ban-baasii
man me.n jhaa.nk ke dekh le sab ke
terii chaah basii hai
duurii terii bha.Dkaa.e hai ab to man me.n Daah
aur hamaare ho.nTo.n kaa har shabd banaa hai aah

Rukhsana Nikhat Lari Umm-e-Hani
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now