Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kohra"

Nazm MATCHES FOR "kohra"

Nazm

barf pighlegi

barf pighlegii jab pahaa.Do.n se
aur vaadii se kohraa simTegaa
biij a.ng.Daa.ii le ke jaage.nge
apnii lasaa.ii aa.nkhe.n khole.nge
sabza bah niklegaa Dhalaano.n par

Gulzar
Nazm

champai dhup

KHalaa.o.n me.n tairte jaziiro.n pe champa.ii dhuup
dekh kaise baras rahii hai!
mahiin kohraa simaT rahaa hai
hatheliyo.n me.n abhii talak
tere narm chehre kaa lams aise chhalak rahaa hai
ki jaise sub.h ko ok me.n bhar liyaa ho mai.n ne
bas ek maddham sii raushnii
mere haatho.n pairo.n me.n bah rahii hai

Gulzar
Nazm

bint-e-lamhat

tumhaare lahje me.n jo garmii o halaavat hai
use bhalaa saa ko.ii naam do vafaa kii jagah
Ganiim-e-nuur kaa hamla kaho a.ndhero.n par
dayaar-e-dard me.n aamad kaho masiihaa kii
ravaa.n-davaa.n hu.e KHushbuu ke qaafile har-suu
KHalaa-e-sub.h me.n guu.njii sahar kii shahnaa.ii
ye ek kohraa saa, ye dhund sii jo chhaa.ii hai
is iltihaab me.n, is surmagii.n ujaale me.n
sivaa tumhaare mujhe kuchh nazar nahii.n aataa
hayaat naam hai yaado.n kaa, talKH aur shiirii.n
bhalaa kisii ne kabhii rang o buu ko pak.Daa hai
shafaq ko qaid me.n rakkhaa sabaa ko band kiyaa
har ek lamha gurezaa.n hai, jaise dushman hai
na tum milogii na mai.n, ham bhii dono.n lamhe hai.n
vo lamhe jaa ke jo vaapas kabhii nahii.n aate!

Akhtarul Iman
Nazm

alwidai mulaqat ke baad

be-yaqiinii ke ziine pe chalte hu.e
us ne baahar qadam jo nikaalaa
to cafe kii diivaar se dekhtii
monalisa ke chehre pe
sadiyo.n se phailaa tabassum bhii
ik pal ko gahnaa gayaa
Tiinaa saanii kii aavaaz ke saa.e me.n
us ke ho.nTo.n kii jumbish
saraabo.n sii mahsuus hone lagii
us kii aa.nkho.n pe chhaa.ii hu.ii dhund
chaaro.n dishaa.o.n me.n u.Dne lagii
be-yaqiinii kaa ziina qadam-ba-qadam
us ke pairo.n ke hamraah ba.Dhne lagaa
aah khii.nchii aur us ne
do-aalam kii saarii udaasii ko
apne badan me.n sameTaa to sochaa
ki kohra udaasii kaa ham-zaad hai
yak-ba-yak
zabt kii aamariyyat ke baaGii
kisii KHvaab ne
us kii palko.n ke zindaa.n se
kuud kar KHud-kushii kii to
mafruur aa.nsuu qataare.n banaa kar nikalne lage
gol-chakkar pe raushan kisii qumqume ke
ujaale me.n ge.nde ke phuulo.n ne
jab us ke gaalo.n pe girtii hu.ii
os dekhii to murjhaa ga.e
surma.ii ghaas ne
saal kii aaKHirii shaam
me.n aaj pahlii dafa
us ko KHaamosh dekhaa
to nam ho ga.ii
chaaro.n jaanib utartii hu.ii dhund ne
KHud ko kuchh aur bojhal kiyaa
us ko logo.n kii nazro.n se ojhal kiyaa

Adnan Mohsin
Nazm

diwali

kho ga.ii hai.n kaam ke andar ku.nvaarii la.Dkiyaa.n
saath vo ham-joliyaa.n bhii aa.ii hai.n jo mehmaa.n
ek naazuk u.ngliyo.n se devte dhotii hu.ii
duusrii dho.e hu.o.n ko chun ke KHush hotii hu.ii
aur ga.Dvaa tiisrii aafat kii par-kaalaa liye
battiyaa.n baTtii hai chauthii ruu.ii kaa gaalaa liye
paa.nchve.n har suu diye tartiib se dhartii chalii
aur chhaTii battii sajaa kar tel se bhartii chalii
ye jhamakkaa kar chukaa aaraasta jab taaq duur
sahn se ziine pe dau.Daa aur pahu.nchaa baam par
o.Dh kar kamlii savaad-e-shaam niklaa sharq se
juu.nhii ruu-kaaraao.n pe chhaayaa tho.De tho.De farq se
shaam kaa gesuu khulii aa.nkho.n pe jaaduu kar gayaa
bujh ga.ii sham-e-shafaq nazro.n me.n kohraa bhar gayaa
tuur kaa jalva charaaGo.n me.n simaT kar rah gayaa
aa.nkh malnaa thii ki nazzaara palaT kar rah gayaa
raushnii me.n saariyo.n ke rang lahraane lage
muKHtalif aa.nchal havaa ke ruKH pe bal khaane lage
ye diivaalii ke manaazir ye nigaahe.n kaamyaab
yaa ilaahii taa qayaamat bar na aayad aaftaab

Shaad Aarfi
Nazm

rakhi bandhan

zindagii ke ka.ii me.aar hai.n
varaq varaq
ik ruKH-e-ehsaas ko
fitrii aur masnuu.ii sat.h par baa.nTanaa
apne aur paraa.e ko
do daa.ero.n me.n taqsiim karnaa
yaa baaruud ke dhamaako.n me.n
zamiin ko Tuk.De Tuk.De karnaa
zindagii baraa.e zindagii ko maan.ne vaale
vaqt kaa kohraa chhaTte hii
aasthaa ke aks phailaa dete hai.n
paagal KHayaal kii shiddat ghaT jaatii hai
us pal shaaKH-dar-shaaKH
phailne vaalii KHushbuu
kisii ajnabii kalaa.ii par
ek raakhii baa.ndh detii hai
pal bhar me.n ka.Dvii sachchaa.iyaa.n
rishto.n kii tamaam hade.n to.D kar
bhaa.ii bahan ke rishte me.n badal jaatii hai.n
zehn me.n maujuud tamaam talKHiyaa.n
KHushnumaa ehsaas me.n
KHud-baKHud Dhal jaatii hai.n
'imaam-aazam' kii du.aa hai
be-misaal rishte kaa ye bandhan
sadaa qaa.em rahe

Imam Azam
Nazm

KHake

(sachche logo.n ke naam)
ajiib maa.n ho
tum apne bachcho.n ko maartii ho
to is KHataa par
ki vo hukuumat kii vahshato.n ke KHilaaf nikle
juluus ke saath jaa rahe the
tum ab pareshaan ho rahii ho
mai.n aane vaalii gha.Dii ke baare me.n sochtaa huu.n
jab ek mausam ka.ii ka.ii saal tak rahegaa
tum apne haatho.n se mire shaane hilaa hilaa kar kahogii
baahar nikal ke un kaafiro.n ko roko
jo apne jismo.n me.n andhaa hiijaan bhar ke
sa.Dko.n pe chiiKHte hai.n
rabb-e-mausam
july sar pe hai aur kohraa
hamaare jismo.n me.n
aur faslo.n ke ro.ngTo.n me.n utar rahaa hai
hame.n july me.n january kii fazaa.e.n manzuur kis tarah ho.n
hamaare zehno.n me.n
rut kii tabdiiliyo.n ke KHaake bane hu.e hai.n
ab tum pareshaan ho rahii ho
mai.n guzre vaqto.n kii aahaTe.n sun rahaa huu.n
jab mai.n ne ye kahaa thaa
ki bachche tum pe ga.e to aaraam se rahe.nge
magar jo varse me.n merii soche.n mile.n
to vaada karo ye shikva nahii.n karogii
ki mere bachche
jinhe.n ka.ii maah mai.n ne apnaa lahuu diyaa thaa
vo us lahuu ko
ujaa.D sa.Dko.n ke mu.nh pe malne pe tul ga.e hai.n

Waheed Ahmad
Nazm

inkar

paanii jam kar hu.aa rupahlaa
barf hai lekin sard nahii.n hai
suukhii maaTii par dhundhalkaa
kohraa hogaa gard nahii.n hai
sukh ma.asuum hai chhupaa nahii.n hai
Gam ko.ii bhii fard nahii.n hai
ye sab jo kahtii rahtii huu.n
ye meraa diivaana-pan hai
dard nahii.n hai dard nahii.n hai
dard nahii.n hai dard nahii.n hai
paTTii baa.ndh rakhii unglii par
gahre bhed gayaa thaa nashtar
kahtii rahtii thii vo sab se
haath paka.D par dekh sa.nbhal kar
zaKHm achhuutaa rakh kar chhuu le
hai ko.ii hamdard nahii.n hai
Dar bas zaKHm ke risne kaa hai
dard nahii.n hai dard nahii.n hai
is ko ko.ii chho.D gayaa hai
is ko ko.ii to.D gayaa hai
rishto.n kii diivaar surKH hai
sar ko.ii phir pho.D gayaa hai
to.D gayaa jo chho.D gayaa jo
dil us kaa be-dard nahii.n hai
TuuTe chhuuTe dil ha.nste hai.n
dard nahii.n hai dard nahii.n hai
sab ne sach kaa svaad chakhaa hai
kaun sakhii hai kaun sakhaa hai
silvaT bhar muskaan kaa pardaa
ruKH se ruKH tak o.Dh rakhaa hai
kaaGaz kaa naqlii guldasta
suukhaa hai par zard nahii.n hai
dekho sab hai.n shaad yahaa.n par
kin dhaago.n ne baa.ndhaa ham ko
kin dhaago.n ko baa.ndhaa ham ne
phuul gaa.nTh se baa.ndhii KHushiyaa.n
gaa.nTh se gaa.nTh ko baa.ndhaa Gam ne
gaa.nTh gaThiilaa jiivan saaraa
in gaa.nTho.n kaa mel nahii.n hai
kyo.n suljhaa.e.n kaaT na de.n kyo.n
jaal hai aaKHir jail nahii.n hai
kuchh majbuur hai.n kuchh hai.n aadii
kuchh itne be-dard nahii.n hai.n
haal jo puuchho sab ba.Dhiyaa hai
dard nahii.n hai dard nahii.n hai
dard nahii.n hai dard nahii.n hai

Aarsi
Nazm

sardi re sardi

kunDii haTaa ke kohraa jamaa ke
aa.ngan me.n aa ke Thaar ga.ii sardii

Ataur Rahman Tariq
Nazm

chalo wapas chalen

tumhe.n KHvaahish ko chhuune kii tamannaa hai
KHvaahishe.n to u.Dtii-phirtii titliyaa.n hai.n
Daak kii naakaara Tickete.n to nahii.n hai.n
jinhe.n album me.n rakh kar tum ye samjho
ki ye naayaab chiize.n ab tumhaarii dastaras me.n hai.n
tumhe.n sapne paka.Dne kii tamannaa hai
nahii.n ye Gair-mumkin hai
ki sapne an-chhu.e lamho.n ke naazuk aks hai.n
aaraa.ishii bele.n nahii.n
jo kamre kii kisii diivaar par saj kar
tumhaarii diid kaa ehsaa.n uThaa.e.n
tumhe.n kohre ke bhiige phuul chun.ne kii tamannaa hai
ye kohraa to charaaG-e-mausam-e-gul kaa dhu.aa.n hai
ko.ii diivaar-e-berlin par khi.nchii tahriir yaa naqsha nahii.n
jise jis vaqt jo chaahe badal de
yaa miTaa de
sabz-ruu kohraa paka.Dnaa is qadar aasaa.n nahii.n
suno
diivaangii chho.Do
chalo vaapas haqiiqat me.n chale.n

Hamid Yazdani
Nazm

rag-yug ki nazmen

ik pukaar suhaanii thii vo
faasle shunavaa.ii ke le jis ko darkaar
tab dard kii lau tez hu.ii
merii apnii siimaa thii
meraa apnaa dosh
us se nikle sab jhag.De dukh.De
duniyaa kahtii hai ham bhii
kahte hai.n apnii apnii gaathaa kaa use harf-e-aaGaaz
taafa-ba-taafa KHushbuu chhantii rahii
sahj subhaav me.n apnaa.iyat kaa rachaa.o rachaatii
magar kasauTii ke patthar me.n jab Dhal jaatii
tab Takraa.o aTal
tab sahnaa ghaav pe ghaav
magar uf kahnaa aar magar
uf kahnaa haar
tab barbaadii
taKHt-e-sulaimaa.n thaa jaise barbaad rahaa
apnii KHushii se kaun us kaa
apnii marzii se pa.Daav
kohraa chhaavnii chhaane aayaa devgirii par
aanan-faanan devgirii
sar-ba-falak ik ru.ii kaa Dher
dhunkii bhii naddaaf kii phurtiilii thii
aur naddaaf bhii tez
ii.n ham aa.n ham dii.n ham jaa.n ham
raft hii raft kii dhun par gaale u.Dte hu.e
aa.ndhii ne dekhe aa.ndhii ko haa.nke kii suujhii
lekin chhupe mozaahim vo pech-o-KHam ka.Dii chaTTaano.n ke
kab haa.nke ga.e
kitnii baar hu.aa aisaa
silsila mast-e-alast ye qaa.em
niilaahaT ke adam ke pas-e-manzar se ubhartaa
hairaa.n hairaa.n aa.nkho.n ko dikhlaa.ii diyaa

Shafiq Fatima Shera
Nazm

aabu mein barsat

jhiil se yuu.n lipaT gayaa kohraa
bachcha ik maa.n se juu.n lipaT jaa.e
yaa ki bichh.Dii hu.ii sii doshiiza
aa ke aaGosh me.n simaT jaa.e
chiir ke baadalo.n ko ek kiran
daf.atan jhiil par thirak jaa.e

JaiKrishn Chaudhry Habeeb
Nazm

fana ke liye ek nazm

mehrbaanii raat kaa pahlaa pahar hai
sub.h-e-zindaa.n kii halaakat
shaam vahshat-gar kii maut
vaajibutta.aziim hai vo shaKHs jo pahle maraa
KHisht se kuuza Ganiimat
kuuza-e-vahshat se vahshat-gar kii KHaak
KHaak se aab-e-namak
baarisho.n me.n mai.n namak kaa ghar banaa.uu.n
barf-baarii me.n puraane baa.ns kaa
tasht me.n sinduur chhide sikke sajaa kar beach raste par rakhuu.n
raat ke kohre me.n khi.Dkii khol kar dekhuu.n use
sub.h tak murda parinde
dopahar tak us ke hone kaa gumaa.n
shaam phir kohraa khulii khi.Dkii parinde
us ke aa.ngan kii vahii ham-saa.egii
vo nahii.n martaa jo pichhlii raat tak jaagaa kiyaa

Mohammad Anvar Khalid
Nazm

KHwab KHwab ujla mandir tanha chand

KHvaab KHvaab puure niile chaa.nd kii ThanDii raushnii
duur zaraa ik ujlaa mandir aur mandir ke paas
rukii hu.ii namnaak fazaa
namnaak fazaa aur KHvaab KHvaab puure niile chaa.nd kii ThanDii raushnii
mandir ke paas saaya saaya phirtii havaa
kuchh thake hu.e darvaazo.n aur dariicho.n me.n
ik tanhaa chaa.nd niilaa chaa.nd niilii niilii raushnii
uud kii KHushbuu chaa.nd ko piitii
aatii jaatii phirtii havaa
ruktii havaa
tiin dariiche do darvaaze
band kahaa.n
uud kii KHushbuu duur-duur phailii
Thahrii hu.ii niilii sii fazaa
niilii sii havaa jo mohar-ba-lab
KHvaab KHvaab ujlaa mandir tanhaa chaa.nd
uud kii KHushbuu duur duur kohraa kohraa phailii
shahr ke viiraane me.n aaKHir khoyaa kaun

Akhtar Yusuf
Nazm

walima KHatm hone ke baad

KHudaa jaane
bulaave Thiik se baa.nTe nahii.n la.Dke ne
yaa mujh se
puraanii dushmanii ko.ii nikaalii hai galii vaalo.n ne mere
na aa kar
jo khaanaa bach gayaa itnaa
ba-har-suurat mujhe kyaa farq pa.Dtaa hai
vo jis ko saa.ns kaa aazaar ho
us ko bhalaa zarde se biryaanii se kyaa matlab
kahii.n baa.nTo ise merii balaa se
magar jo lak.Diyaa.n tanduur kii baaqii bachii hai.n
ye kahii.n par dhyaan se rakh do
isii jaa.De me.n mumkin hai tumhe.n in kii zaruurat ho
na jaane kyo.n
hamesha se mujhe lagtaa hai merii maut ke din
raat ko kohra bahut hogaa

Shariq Kaifi
Nazm

jumud

ye shaam shaam-e-avadh nahii.n hai jise tumhaarii siyaah zulfe.n chhupaa sake.ngii
ye sub.h sub.h-e-tarab nahii.n hai
ye ik dhu.ndlakaa hai ek kohraa
ubharte suuraj kii garm kirno.n ke KHvaab sayyaal ho ga.e hai.n
zamiin apnii rago.n kii garmii luTaa chukii hai
hayaat aa.nsuu bahaa rahii hai
har ek barg-o-samar pe motii jhalak rahe hai.n
tum apne aa.nchal pe bazm-e-parvii.n sajaa chukii ho
tum apne anfaas ke jilau me.n hazaaro.n Gunche khilaa chukii ho
KHiraam-e-naazuk kii saahirii se zamii.n ko jannat banaa chukii ho
tum ik tabassum se kitnii sham.e.n jalaa chukii ho
magar ye shaam-e-avadh nahii.n hai
ki sham.a ab tak jalii nahii.n hai
ye sub.h sub.h-e-tarab nahii.n hai
ki sham.a ab tak bujhii nahii.n hai
ye vaqt kaa ik ajiib lamha hai jis kii sharyaano.n me.n KHuun jamne lagaa hai
ye ek afsuun-e-dilbarii hai
na sub.h-e-vaslat na shaam-e-hijraa.n
na buu-e-yuusuf na chaak daamaa.n
tumhaare aa.nchal kii bazm-e-parvii.n uja.D chukii hai
tumhaarii mauj-e-yaqii.n se kitne gulo.n ke chehre utar ga.e hai.n
tumhaare qadmo.n kii aahaTo.n ne chaman ko viiraa.n banaa diyaa hai

Akhtar Payami
Nazm

arz-e-mauud

ham hai.n to yahii Ganiimat hai
ham hai.n to zinda hai va.ado.n kaa ugam
maujo.n ke baa'd ubaltii maujo.n kaa dhaaraa
jo faraamoshii ke registaan me.n bahtaa hai
us kii raahe.n pahle hii se muqarrar hai.n
aur un se haT kar ko.ii raah nahii.n
sa.ngiin sach kii pathriilii zamiino.n me.n
armaano.n kaa zarrii.n kohraa bikhartaa
sach ke soto.n se phuuTtaa ra.ngiin jhuuT
albele niDar sapno.n kaa bahtaa gaataa jal
us mo.D pe apnii manzil se bhii fuzuu.n-tar hai

Shafiq Fatima Shera
Nazm

hairat

pyaar tumhaaraa
juuhii kii belo.n se lipTaa
ek dariicha
KHushbuu KHushbuu chaa.nd
taaro.n taaro.n raat kii ThanDak
sub.h kaa taaza kohraa
pyaaso.n kii maqbuul du.aa
yaa
rim-jhim rim-jhim baarish
sahraa.ii dhuupo.n se jhulsaa
mai.n retiilaa paikar
merii aa.nkhe.n
miTTii patthar dhuul me.n mehmaa.n manzar
jaane tum ne kyo.n kar sochaa
kohre se miTTii bhiigegii
baarish me.n chahkegii dhuul

Rasheed Ejaz
Nazm

KHush-gawar mausam ki aaKHiri satren

kamre ke niile parde se tanhaa.ii noch kar
sochaa hai jaa basuu.n kisii hairaan gaa.nv me.n
jis ke vishaal pyaar kii chhitnaar ke tale
ma.nDlaa rahaa ho der se
shabnam ke aas-paas
sa.Dko.n pe kohraa
yaad kii ma.asuumiyat ke saath

Salahuddin Parvez
Nazm

december

december to bahaanaa hai
december dhund me.n leTaa
havaa ke dosh par
gahre samundar kii athaah ko chhuu ke aataa hai
to man ke buu.Dhe bargad se
mohabbat ke parinde pha.D.pha.Daate
girte uThte aur phir u.Dne kii koshish me.n
juu.n hii parvaaz karte hai.n
to mausam yaad kii phailii hathelii par chaTaKH kar Tuut jaataa hai
udaasii yaad kii jhankaar pahne jaag uThtii hai
vahii jhankaar jo aksar
sub.h-e-kaazib talak mujh ko sadaa bedaar rakhtii thii
mai.n aksar sochtaa huu.n
december lauT jaa.e to bahaar aa.e
bahaar aa.e to Gam phuuTe
shaguufe ko.nple.n jaage.n
isii dauraan socho.n ke daruu.n-KHaana se aksar
huuk uThtii hai
jo kahtii hai
december ko zaraa aavaaz to denaa
judaa.ii kaa zamaana hai
hame.n to dard ke dahke alaav par hii ab kohra jamaanaa hai
december to bahaana hai

Nadeem Ajmal Adeem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now