Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "lapak"

Nazm MATCHES FOR "lapak"

Nazm

dard aaega dabe panw

shola-e-dard jo pahluu me.n lapak uTThegaa
dil kii diivaar pe har naqsh damak uTThegaa
halqa-e-zulf kahii.n gosha-e-ruKHsaar kahii.n
hijr kaa dasht kahii.n gulshan-e-diidaar kahii.n
lutf kii baat kahii.n pyaar kaa iqraar kahii.n

Faiz Ahmad Faiz
Nazm

KHun phir KHun hai

zulm kii qismat-e-naakaara-o-rusvaa se kaho
jabr kii hikmat-e-parkaar ke iimaa se kaho
mahmil-e-majlis-e-aqvaam kii lailaa se kaho
KHuun diivaana hai daaman pe lapak saktaa hai
sho.ala-e-tund hai KHirman pe lapak saktaa hai

Sahir Ludhianvi
Nazm

jab teri samundar aankhon mein

ye dhuup kinaaraa shaam Dhale
milte hai.n dono.n vaqt jahaa.n
jo raat na din jo aaj na kal
pal-bhar ko amar pal bhar me.n dhu.aa.n
is dhuup kinaare pal-do-pal
ho.nTo.n kii lapak
baa.nho.n kii chhanak
ye mel hamaaraa jhuuT na sach
kyuu.n raar karo kyuu.n dosh dharo
kis kaaran jhuuTii baat karo
jab terii samundar aa.nkho.n me.n
is shaam kaa suuraj Duubegaa
sukh so.e.nge ghar dar vaale
aur raahii apnii rah legaa

Faiz Ahmad Faiz
Nazm

mere ahd ke hasino

jinhe.n kam-sino.n ne chaahaa ki lapak ke pyaar kar le.n
jinhe.n mahvasho.n ne maa.ngaa ki gale kaa haar kar le.n

Sahir Ludhianvi
Nazm

ai mere watan ke KHush-nawao

ik umr ke baa'd tum mile ho
ai mere vatan ke KHush-navaa.o
har hijr kaa din thaa hashr kaa din
dozaKH the firaaq ke alaa.o
ro.uu.n ki ha.nsuu.n samajh na aa.e
haatho.n me.n hai.n phuul dil me.n ghaa.o
tum aa.e to saath hii tumhaare
bichh.De hu.e yaar yaad aa.e
ik zaKHm pe tum ne haath rakkhaa
aur mujh ko hazaar yaad aa.e
vo saare rafiiq paa-ba-jaulaa.n
sab kushta-e-daar yaad aa.e
ham sab kaa hai ek hii qabiila
ik dasht ke saare ham-safar hai.n
kuchh vo hai.n jo duusro.n kii KHaatir
aashufta-nasiib o dar-ba-dar hai.n
kuchh vo hai.n jo KHil.at-o-qabaa se
aivaan-e-shahii me.n mo'tabar hai.n
suqraat o masiih ke fasaane
tum bhii to bahut sunaa rahe the
mansuur o husain se aqiidat
tum bhii to bahut jataa rahe the
kahte the sadaaqate.n amar hai.n
auro.n ko yahii bataa rahe the
aur ab jo hai.n jaa-ba-jaa saliibe.n
tum baa.nsuriyaa.n bajaa rahe ho
aur ab jo hai karbalaa kaa naqsha
tum mad.h-e-yaziid gaa rahe ho
jab sach tah-e-teG ho rahaa hai
tum sach se nazar churaa rahe ho
jii chaahtaa hai ki tum se puuchhuu.n
kyaa raaz is ijtinaab me.n hai
tum itne kaThor to nahii.n the
ye be-hisii kisii hisaab me.n hai
tum chup ho to kis tarah se chup ho
jab KHalq-e-KHudaa azaab me.n hai
socho to tumhe.n milaa bhii kyaa hai
ik luqma-e-tar qalam kii qiimat
Gairat ko faroKHt karne vaalo
ik kaasa-e-zar qalam kii qiimat
pindaar ke taajiro bataa.o
darbaan kaa dar qalam kii qiimat
naadaa.n to nahii.n ho tum ki samjhuu.n
Gaflat se ye zahr gholte ho
thaame hu.e maslahat kii miizaan
har sher kaa vazn taulte ho
aise me.n sukuut, chashm-poshii
aisaa hai ki jhuuT bolte ho
ik umr se adl o sidq kii laash
Gaasib kii saliib par ja.Dii hai
is vaqt bhii tum Gazal-saraa ho
jab zulm kii har gha.Dii ka.Dii hai
ja.ngal pe lapak rahe hai.n shole
taa.uus ko raqs kii pa.Dii hai
hai sab ko aziiz kuu-e-jaanaa.n
is raah me.n sab jiye mare hai.n
haa.n merii bayaaz-e-sher me.n bhii
barbaadi-e-dil ke marsiye hai.n
mai.n ne bhii kiyaa hai TuuT kar ishq
aur ek nahii.n ka.ii kiye hai.n
lekin Gam-e-aashiqii nahii.n hai
aisaa jo subuk-sarii sikhaa.e
ye Gam to vo KHush-ma.aal Gam hai
jo koh se juu-e-shiir laa.e
teshe kaa hunar qalam ko baKHshe
jo qais ko kohkan banaa.e
ai hiila-garaan-e-shahr-e-shiirii.n
aayaa huu.n pahaa.D kaaT kar mai.n
hai be-vatanii gavaah merii
har-chand phiraa huu.n dar-ba-dar mai.n
bechaa na Guruur-e-nai-navaazii
aisaa bhii na thaa subuk hunar me.n
tum bhii kabhii ham-navaa the mere
phir aaj tumhe.n ye kyaa hu.aa hai
miTTii ke vaqaar ko na becho
ye ahd-e-sitam jihaad kaa hai
daryuuza-garii ke maqbaro.n se
zindaa.n kii fasiil KHushnumaa hai
kab ek hii rut rahii hamesha
ye zulm kii fasl bhii kaTegii
jab harf kahegaa qum-be-iznii
martii hu.ii KHaak jii uThegii
lailaa-e-vatan ke pairahan me.n
baaruud kii buu nahii.n rahegii
phir baa.ndhe.nge abru.o.n ke dohe
phir mad.h-e-ruKH-o-dahan kahe.nge
Thahraa.e.nge un labo.n ko matlaa
jaanaa.n ke liye suKHan kahe.nge
afsaana-e-yaar o qissa-e-dil
phir anjuman anjuman kahe.nge

Ahmad Faraz
Nazm

an-kahi

tere qaamat kaa lachaktaa hu.aa maGruur tanaav
jaise phuulo.n se ladii shaaKH havaa me.n lahraa.e
vo chhalakte hu.e saaGar sii javaanii vo badan
jaise sho.ala saa nigaaho.n me.n lapak kar rah jaa.e

Himayat Ali Shayar
Nazm

iqbaal

is giit ke tamaam mahaasin hai.n laa-zavaal
is kaa vafuur is kaa KHarosh is kaa soz-o-saaz
ye giit misal-e-shola-e-javvaala tund-o-tez
is kii lapak se baad-e-fanaa kaa jigar gudaaz
jaise charaaG vahshat-e-sar-sar se be-KHatar
yaa sham-e-bazm sub.h kii aamad se be-KHabar

Faiz Ahmad Faiz
Nazm

parchhaiyan

1
ye shaam ik aa.iina-e-niil-guu.n ye nam ye mahak
ye manzaro.n kii jhalak khet baaG dariyaa gaa.nv
vo kuchh sulagte hu.e kuchh sulagne vaale alaav
siyaahiyo.n kaa dabe-paa.nv aasmaa.n se nuzuul
laTo.n ko khol de jis tarah shaam kii devii
puraane vaqt ke bargad kii ye udaas jaTaa.e.n
qariib o duur ye go dhuul kii ubhartii ghaTaa.e.n
ye kaa.enaat kaa Thahraa.o ye athaah sukuut
ye niim-tiirah fazaa roz-e-garm kaa taabuut
dhu.aa.n dhu.aa.n sii zamii.n hai ghulaa ghulaa saa falak
2
ye chaa.ndnii ye havaa.e.n ye shaaKH-e-gul kii lachak
ye daur-e-baada ye saaz-e-KHamosh fitrat ke
sunaa.ii dene lagii jagmagaate siino.n me.n
dilo.n ke naazuk o shaffaaf aabgiino.n me.n
tire KHayaal kii pa.Dtii hu.ii kiran kii khanak
3
ye raat chhantii havaa.o.n kii so.ndhii so.ndhii mahak
ye khet kartii hu.ii chaa.ndnii kii narm damak
sugandh raat kii raanii kii jab machaltii hai
fazaa me.n ruuh-e-tarab karvaTe.n badaltii hai
ye ruup sar se qadam tak hasiin jaise gunaah
ye aarizo.n kii damak ye fusuun-e-chashm-e-siyaah
ye dhaj na de jo ajantaa kii san.ato.n ko panaah
ye siina pa.D hii ga.ii dev lok kii bhii nigaah
ye sar-zamiin se aakaash kii parastish-gaah
utaarte hai.n tirii aartii sitaara o maah
sajal badan kii bayaa.n kis tarah ho kaifiyyat
sarasvatii ke bajaate hu.e sitaar kii gat
jamaal-e-yaar tire gulsitaa.n kii rah rah ke
jabiin-e-naaz tirii kahkashaa.n kii rah rah ke
dilo.n me.n aa.iina-dar-aa.iina suhaanii jhalak
4
ye chhab ye ruup ye joban ye saj ye dhaj ye lahak
chamakte taaro.n kii kirno.n kii narm narm phuvaar
ye rasmasaate badan kaa uThaan aur ye ubhaar
fazaa ke aa.iina me.n jaise lahlahaa.e bahaar
ye be-qaraar ye be-iKHtiyaar josh-e-numuud
ki jaise nuur kaa favvaara ho shafaq-aaluud
ye jalve paikar-e-shab-taab ke ye bazm-e-shohuud
ye mastiyaa.n ki mai-e-saaf-o-durd sab be-buud
KHajil ho laal-e-yaman uzv uzv kii vo Dalak
5
bas ik sitaara-e-shi.ngaraf kii jabii.n pe jhamak
vo chaal jis se labaalab gulaabiyaa.n chhalke.n
sakuu.n-numaa KHam-e-abru ye adh-khulii.n palke.n
har ik nigaah se aiman kii bijliyaa.n lapke.n
ye aa.nkh jis me.n ka.ii aasmaa.n dikhaa.ii pa.De.n
u.Daa de.n hosh vo kaano.n kii saada saada lave.n
ghaTaa.e.n vajd me.n aa.e.n ye gesu.o.n kii laTak
6
ye kaif-o-ra.ng-e-nazaara ye bijliyo.n kii lapak
ki jaise krishn se raadhaa kii aa.nkh ishaare kare
vo shoKH ishaare ki rabbaaniyat bhii jaa.e jhapak
jamaal sar se qadam tak tamaam sho.ala hai
sukuun jumbish o ram tak tamaam sho.ala hai
magar vo sho.ala ki aa.nkho.n me.n Daal de ThanDak
7
ye raat nii.nd me.n Duube hu.e se hai.n diipak
fazaa me.n bujh ga.e u.D u.D ke jugnu.o.n ke sharaar
kuchh aur taaro.n kii aa.nkho.n kaa ba.Dh chalaa hai KHumaar
fasurda chhiTkii hu.ii chaa.ndnii kaa dhundlaa Gubaar
ye bhiigii bhiigii uudaahaT ye bhiigaa bhiigaa nuur
ki jaise chashma-e-zulmaat me.n jale kaafuur
ye Dhaltii raat sitaaro.n ke qalb kaa ye gudaaz
KHunuk fazaa me.n tiraa shabnamii tabassum-e-naaz
jhalak jamaal kii ta.abiir KHvaab aa.iina-saaz
jahaa.n se jism ko dekhe.n tamaam naaz-o-niyaaz
jahaa.n nigaah Thahar jaa.e raaz-andar-raaz
sukuut-e-niim-shabii lahlahe badan kaa nikhaar
ki jaise nii.nd kii vaadii me.n jaagtaa sansaar
hai bazm-e-maah ki parchhaa.iyo.n kii bastii hai
fazaa kii oT se vo KHaamushii barastii hai
ki buu.nd buu.nd se paidaa ho gosh o dil me.n khanak
8
kisii KHayaal me.n hai Garq chaa.ndnii kii chamak
havaa.e.n nii.nd ke kheto.n se jaise aatii ho.n
hayaat o maut me.n sargoshiyaa.n sii hotii hai.n
karo.Do.n saal ke jaage sitaare nam-diida
siyaah gesu.o.n ke saa.np niim-KHvaabiida
ye pichhlii raat ye rag rag me.n narm narm kasak

Firaq Gorakhpuri
Nazm

jatri

ek aayaa gayaa duusraa aa.egaa der se dekhtaa huu.n yuu.nhii raat us kii guzar jaa.egii
mai.n kha.Daa huu.n yahaa.n kis liye mujh ko kyaa kaam hai yaad aataa nahii.n yaad bhii TimTimaataa
hu.aa ik diyaa ban ga.ii jis kii ruktii hu.ii aur jhijaktii hu.ii har kiran be-sadaa qahqaha hai
magar mere kaano.n ne kaise use sun liyaa ek aa.ndhii chalii chal ke miT
bhii ga.ii aaj tak mere kaano.n me.n maujuud hai saa.e.n saa.e.n machaltii hu.ii aur
ubaltii hu.ii phailtii phailtii der se mai.n kha.Daa huu.n yahaa.n ek aayaa gayaa
duusraa aa.egaa raat us kii guzar jaa.egii ek ha.ngaama barpaa hai dekhe.n jidhar
aa rahe hai.n ka.ii log chalte hu.e aur Tahalte hu.e aur rukte hu.e phir se
ba.Dhte hu.e aur lapakte hu.e aa rahe jaa rahe hai.n idhar se udhar aur udhar se
idhar jaise dil me.n mire dhyaan kii lahar se ek tuufaan hai vaise aa.nkhe.n
mirii dekhtii hii chalii jaa rahii hai.n ki ik TimTimaate diye kii kiran zindagii ko phisalte
hu.e aur girte hu.e Dhab se zaahir kiye jaa rahii hai mujhe dhyaan
aataa hai ab tiirgii ik ujaalaa banii hai magar is ujaale se ristii chalii jaa rahii
hai.n vo amrit kii buu.nde.n jinhe.n mai.n hathelii pe apnii sambhaale rahaa huu.n hathelii
magar TimTimaataa hu.aa ik diyaa ban ga.ii thii lapak se ujaalaa hu.aa lau girii phir a.ndheraa saa
chhaane lagaa baiThtaa baiThtaa baiTh kar ek hii pal me.n uThtaa hu.aa jaise aa.ndhii ke
tiikhe thape.Do.n se darvaaze ke taaq khulte rahe.n band hote rahe.n
pha.D.pha.Daate hu.e taa.ir-e-zaKHm-KHurda kii maanind mai.n dekhtaa hii rahaa ek aayaa
gayaa duusraa aa.egaa soch aa.ii mujhe paa.nv ba.Dhne se inkaar karte
ga.e mai.n kha.Daa hii rahaa dil me.n ik buu.nd ne ye kahaa raat yuu.nhii guzar jaa.egii
dil kii ik buu.nd ko aa.nkh me.n le ke mai.n dekhtaa hii rahaa pha.D.pha.Daate hu.e taa.ir
zaKHm-KHurda kii maanind darvaaze ke taaq ik baar jab mil ga.e mujh ko aahista aahista
ehsaas hone lagaa ab ye zaKHmii parinda na ta.Dpegaa lekin mire dil ko har vaqt
ta.Dpaa.egaa mai.n hathelii pe apnii sambhaale rahuu.ngaa vo amrit kii buu.nde.n jinhe.n aa.nkh
se merii risnaa thaa lekin mirii zindagii TimTimaataa hu.aa ik diyaa ban ga.ii jis kii ruktii hu.ii
aur jhijaktii hu.ii har kiran be-sadaa qahqaha hai ki is tiirgii me.n ko.ii baat aisii nahii.n
jis ko pahle a.ndhere me.n dekhaa ho mai.n ne safar ye ujaale a.ndhere kaa chaltaa
rahaa hai to chaltaa rahegaa yahii rasm hai raah kii ek aayaa gayaa duusraa
aa.egaa raat aise guzar jaa.egii TimTimaate sitaare bataate the raste kii
naddii bahii jaa rahii hai bahe jaa is uljhan se aise nikal jaa ko.ii siidhaa manzil pe jaataa
thaa lekin ka.ii qaafile bhuul jaate the anjum ke daur-e-yagaanaa ke mub.ham ishaare magar vo
bhii chalte hu.e aur ba.Dhte hu.e shaam se pahle hii dekh lete the maqsuud kaa band
darvaaza khulne lagaa hai magar mai.n kha.Daa huu.n yahaa.n mujh ko kyaa kaam hai meraa darvaaza
khultaa nahii.n hai mujhe phaile sahraa kii so.ii hu.ii reg kaa zarra zarra yahii kah rahaa hai
ke aise KHaraabe me.n suukhii hathelii hai ik aisaa talvaa ke jis ko kisii KHaar kii nok chubhne pe bhii
kah nahii.n saktii mujh ko ko.ii buu.nd apne lahuu kii pilaa do magar mai.n kha.Daa huu.n yahaa.n kis liye
kaam ko.ii nahii.n hai to mai.n bhii in aate hu.e aur jaate hu.e ek do tiin
laakho.n baguulo.n me.n mil kar yuu.nhii chalte chalte kahii.n Duub jaataa ke jaise yahaa.n
bahtii lahro.n me.n kashtii har ek mauj ko thaam letii hai apnii hathelii ke phaile ka.nval
me.n mujhe dhyaan aataa nahii.n hai ki is raah me.n to har ik jaane vaale ke bas
me.n hai manzil mai.n chal duu.n chaluu.n aa.iye aa.iye aap kyuu.n is jagah
aise chup-chaap tanhaa kha.De hai.n agar aap kahiye to ham ik achhuutii sii Tahnii se
do phuul bas bas mujhe is kii ko.ii zaruurat nahii.n hai mai.n ik
dost kaa raasta dekhtaa huu.n magar vo chalaa bhii gayaa hai mujhe phir bhii
taskiin aatii nahii.n hai ki mai.n ek sahraa kaa baashinda maaluum hone lagaa huu.n KHud
apnii nazar me.n mujhe ab ko.ii band darvaaza khultaa nazar aa.e ye baat mumkin nahii.n hai
mai.n ik aur aa.ndhii kaa mushtaaq huu.n jo mujhe apne parde me.n yaksar chhupaa le
mujhe ab ye mahsuus hone lagaa hai suhaanaa samaa.n jitnaa bas me.n thaa mere
vo sab ek bahtaa saa jho.nkaa banaa hai jise haath mere nahii.n rok sakte
ki merii hathelii me.n amrit kii buu.nde.n to baaqii nahii.n hai.n faqat ek phailaa hu.aa
KHushk be-barg be-ra.ng sahraa hai jis me.n ye mumkin nahii.n mai.n kahuu.n
ek aayaa gayaa duusraa aa.egaa raat merii guzar jaa.egii

Meeraji
Nazm

sher aur KHargosh

lapak ke uThaa sher bolaa bataa
kahaa.n hai bataa us ko kachchaa chabaa jaa.uu.ngaa

Gulzar
Nazm

ajnabi aurat

kaash ik ''diivaar-e-ra.ng''
mere un ke darmiyaa.n haa.el na ho!
ye siyah-paikar barahna raah-rau
ye gharo.n me.n KHuub-suurat aurato.n kaa zahr-e-KHand
ye guzargaaho.n pe dev-aasaa javaa.n
jin kii aa.nkho.n me.n gurisna aarzu.o.n kii lapak
mushta.il be-baak mazduuro.n kaa sailaab-e-aziim!
arz-e-mashriq, ek mub.ham KHauf se larzaa.n huu.n mai.n
aaj ham ko jin tamannaa.o.n kii hurmat ke sabab
dushmano.n kaa saamnaa maGrib ke maidaano.n me.n hai
un kaa mashriq me.n nishaa.n tak bhii nahii.n!

Noon Meem Rashid
Nazm

tarah-e-nau

sho.ale lapak rahe hai.n jahannam kii god se
baaG-e-jinaa.n me.n jalva-e-huur-o-parii kii KHair

Sahir Ludhianvi
Nazm

wapsi

chhalak ke aa.nsuu gire.nge un par
uThaa ke saare bosiida kaaGaz
lagaa ke dil se gulaab saare
lapak ke bhaagogii phir galii me.n
vahaa.n pe bachche jo khelte hai.n
tum un se puuchhogii jaa ke meraa
yahaa.n pe bastaa thaa ek shaa.ir
yahaa.n pe rahtaa thaa ek saa.im
kahaa.n hai vo ab kidhar gayaa hai
bachche hairat se tujh ko dekhe.nge
tum ho vo
tum ho vo
jis se ulfat nibhaa nibhaa kar
vo jis ke qisse sunaa sunaa kar
vafaa ko kar ke amar gayaa vo

Ashfaq Ahmad Saim
Nazm

holi

poshaak-e-chhi.Dakvaa.n se har jaa tayyaarii ra.ngii.n-posho.n kii
aur bhiigii jaagah ra.ngo.n se kar kunj galii aur kuucho.n kii
har jaagah zard libaaso.n se hu.ii ziinat sab aaGosho.n kii
sau aish-o-tarab kii dhue.n me.n aur mahfil me.n mai-nosho.n kii
mai niklii jaam gulaabii kuchh lahak lahak kuchh chhalak chhalak

Nazeer Akbarabadi
Nazm

KHushk-sali

ai dil-e-afsurda vo asraar-e-baatin kyaa hu.e
soz kii raate.n kahaa.n hai.n saaz ke din kyaa hu.e
aa.nsu.o.n kii vo jha.Dii vo Gam kaa saamaa.n kyaa hu.aa
teraa saavan kaa mahiina chashm-e-giryaa.n kyaa hu.aa
kyaa hu.ii baalaa-e-sar vo lutf-e-yazdaa.n kii ghaTaa
aasmaan-e-dil pe vo ghanghor irfaa.n kii ghaTaa
ab vo naalo.n kii garaj hai ab na vo shor-e-fuGaa.n
ab na uThtaa hai kaleja se mohabbat kaa dhu.aa.n
apne af.aal-e-siyah par ab pashemaanii nahii.n
ab pasiine ke sitaare zeb-e-peshaanii nahii.n
dard kii muddat se ab dil me.n chamak hotii nahii.n
vo tapak chhaalo.n kii kau.nde kii lapak hotii nahii.n
zikr-e-maulaa se labo.n par ab vo narmii hii nahii.n
bhaap siine se uThe kyaa dil me.n garmii hii nahii.n
ab sharaare soz-e-Gam ke dil me.n rahte hii nahii.n
ashk ab pichhle pahar aa.nkho.n se bahte hii nahii.n
ma.arifat dil me.n na ab vo ruuh me.n ehsaas hai
log kahte hai.n ki hai lekin hame.n to yaas hai
ab na vo aa.nkho.n me.n ashk-e-KHuu.n na vo dil me.n gudaaz
ab na vo shaam-e-tamannaa hai na vo sub.h-e-niyaaz
KHushk hai.n aa.nkhe.n jabiine.n ta.ng siine sard hai.n
ab na vo dukhte hu.e dil hai.n na chehre zard hai.n
aah kii aur dil uma.nD aayaa ye hotaa hii nahii.n
Duub kar zauq-e-fanaa me.n ko.ii rotaa hii nahii.n
phuul daaGo.n se khile the jis dil-e-sarshaar me.n
KHaak ab muddat se u.Dtii hai usii gulzaar me.n
aa.nsu.o.n se nam jo rahtaa thaa vo daamaa.n jal gayaa
lahlahaataa thaa jo siine me.n gulistaa.n jal gayaa
ruuh me.n baaliidgii kii quvvate.n ma.aduum hai.n
dono.n aa.nkhe.n aa.nsu.o.n ke faiz se mahruum hai.n
pech-o-KHam se bahne vaalaa dil kaa dariyaa KHushk hai
vo bharii barsaat ya.anii chashm-e-biinaa KHushk hai
KHuun hai dil me.n magar pahlii sii tuGyaanii nahii.n
abr hai baad-e-muKHaalif se magar paanii nahii.n
jab ye aalam hai to baarish kii shikaayat kis liye
be-mahal ye hasrat-e-baaraan-e-rahmat kis liye
ik mujassam KHushk-saalii KHud hamaarii zaat hai
zid hamaarii hastiyo.n kii abr hai barsaat hai
rahmato.n se josh me.n aane kii KHvaahish kyaa kare.n
KHud saraapaa qaht hai.n ummiid-e-baarish kyaa kare.n

Josh Malihabadi
Nazm

uncha makan

ghuT ke lahre.n tire giito.n kii sune.n mujh ko nazar aane lagaa
ek talKHaaba kisii baada-e-bad-ra.ng kaa ik TuuTe hu.e saaGar me.n
nashsha-e-mai se nazar dhundlii hu.ii jaatii hai
raat kii tiira fazaa kyuu.n mujhe ghabraatii hai?
raat kii tiira fazaa me.n tirii aa.nkho.n kii chamak mujh ko Daraa saktii nahii.n hai mai.n to
is se bhii ba.Dh ke a.ndhere me.n rahaa kartaa thaa
aur is tiirgi-e-ruuh me.n daraKHshaa.n the sitaare dukh ke
aur kabhii bhuul me.n har najm-e-daraKHshaa.n se lapak uThte the sho.ale sukh ke
jaise rauzan se tire taan lapaktii hu.ii phailaatii hai baazuu apne
jazb kar letaa hai phir us ko KHalaa kaa daaman
yaad aane lage tanhaa.ii me.n bahte hu.e aa.nsuu apne
vahii aa.nsuu vahii sho.ale sukh ke
lekin ik KHvaab thaa ik KHvaab kii maanind lapak shaalo.n kii thii
mirii taKH.iil ke par taa.ir-e-zaKHmii ke paro.n ke maanind
pha.D.pha.Daate hu.e bekaar laraz uThte hai.n
mire a.azaa kaa tanaa.o mujhe jiine hii na detaa thaa ta.Dap kar ek baar
justujuu mujh ko rihaa.ii kii hu.aa kartii thii
magar afsos ki jab dard davaa ban.ne lagaa mujh se vo paabandii haTii

Meeraji
Nazm

pagal

vo aayaa shahr kii taraf
ik us kii chaap kii khanak
qayaam-e-roz-e-ishq kii pukaar thii
ki barg-o-baar-e-KHaak kaa fishaar thii
vo aayaa shahr kii taraf
lapak ke ii.nT kii taraf
vo is tarah ba.Dhaa ki jaise naan-e-KHushk par ko.ii
sag-e-gurasua gir pa.De
vo gaaliyo.n bharii zabaa.n galii galii chhalak pa.Dii
har ek jeb us kii u.ngliyo.n se taar taar thii
ki us kii thuuthnii se phuuTtii gamak
qiyaam-e-roz-e-ishq kii pukaar thii

Abbas Tabish
Nazm

bachchon ka KHat chacha KHarru shechof aur mamun candy

ai chachaa KHarruu shichof ai maamuu.n candy assalaam
ek hii KHat hai ye maamuu.n aur chachaa dono.n ke naam
aap dono.n kaa adab karnaa hamaaraa farz hai
phir bhii sun liije jo chhoTii sii hamaarii arz hai
aap dono.n hai.n bahaadur suurmaa kyaa is me.n shak
ek baadal kii garaj hai ek sho.ale kii lapak
aap dono.n ke bayaa.n sun sun ke Dar jaate hai.n ham
dham se aa girte hai.n ham bachcho.n pe ye lafzo.n ke bam
Dar ke chhup jaate hai.n apnii maa.o.n ke aaGosh me.n
kaash ham behosh ho kar phir na aa.e.n hosh me.n
aap dono.n la.D pa.De to jaane kyaa ho jaa.egaa
do minute me.n is jahaa.n kaa KHaatma ho jaa.egaa
aag lag jaa.egii is duniyaa ko mar jaa.e.nge sab
jo bayaa.n dete hai.n vo KHaamosh ho jaa.e.nge lab
do minute zinda rahe.nge ham bhii marne ke liye
kaun phir baaqii rahegaa raaj karne ke liye
aisaa lagtaa hai ki kuchh din aur jiinaa hai muhaal
gar nahii.n apnaa to bachcho.n hii kaa kuchh kiije KHayaal
ik taraf nafrat kha.Dii hai duusrii jaanib Guruur
qahr kii chakkii me.n pis jaa.e.n na bachche be-qusuur
le chuke hai.n aap to jii bhar ke duniyaa ke maze
ham ko in se duur rakhnaa chaahte hai.n kis liye
gar ijaazat ho to ham bachche bhii duniyaa dekh le.n
chaar din ham bhii ye bhaaluu kaa tamaashaa dekh le.n
kuchh bhii to school aur ghar ke sivaa dekhaa nahii.n
aap kahiye aap ne duniyaa me.n kyaa dekhaa nahii.n
ja.ng mat kiije na duniyaa kii imaarat Dhaa.iye
sochiye kuchh Gaur kiije dekhiye baaz aa.iye
aap ne duniyaa sajaa.ii thii miTaane ke liye
aql kii sham.e.n jalaa.ii thii.n bujhaane ke liye
ilm-o-hikmat science ne kii thii taraqqii ke liye
aql kii sham.e.n jalaa.ii thii.n bujhaane ke liye
ilm-o-hikmat science ne kii thii taraqqii kis liye
niist-o-naabuud aaj ham kar de.n use kyaa is liye
ham ne maanaa aap kaa aapas me.n hai kuchh iKHtilaaf
ik jagah ham baiTh kar kar le.n na kyuu.n dil apne saaf
apnii is duniyaa kii haalat is qadar jab zaar hai
is ko dekhe.n chaa.nd me.n jaanaa abhii be-kaar hai
duur kiije dil se nafrat aur gale mil liijiye
zindagii kii justujuu me.n KHud-kushii mat kiijiye
ja.ng karnii hai to kiije ho magar aisii vo ja.ng
aasmaa.n bhii ja.ng aisii dekh kar ho jaa.e da.ng

Raja Mehdi Ali Khan
Nazm

nazr-e-firaq

ai dil-e-kaafir ijz se munkir aaj tiraa sar KHam kyuu.n hai
terii haTelii shiryaano.n me.n ye bebas maatam kyuu.n hai
aa.nkh to ronaa bhuul ga.ii thii phir har manzar nam kyuu.n hai
mat roko bahne do aa.nsuu kisii ko karte hai.n parnaam
aap jhukaa hai jhukne do sar chhupaa thaa us me.n ko.ii salaam
shaayad us ke huzuur me.n ho tum jis ko kahte hai.n anjaam
vo hastii kii sarhad-e-aaKHir hu.aa jahaa.n har safar tamaam
bebas hai insaa.n bebas hai taktii rah ga.ii rotii shaam
uTh gayaa ko.ii bharii duniyaa se baaqii rahe KHudaa kaa naam
yaa phir kaaGaz par parchhaa.ii.n milegaa jis ko sabt-e-davaam
ye Tuk.De insaanii dil ke shaa.er aur shaa.er kaa kalaam
naaz karuu.ngii KHush-baKHtii me.n mai.n ne 'firaaq' ko dekhaa thaa
uj.De ghar me.n vo tahziibo.n ke sa.ngam par baiThaa thaa
garm ham-aaGoshii sadiyo.n kii hogii kitnii pyaar bharii
jis kii baa.nho.n me.n khelii thii us kii soch kii sundartaa
sher kaa dil shaffaaf thaa itnaa jaise aa.iina-e-taariiKH
kyaa bhar puur visaal thaa jis ne us shaa.er ko janm diyaa
gar taariiKH ne paagal ho kar KHud apnaa sar pho.Daa hai
KHuun uchhaalaa hai galiyo.n me.n apnaa hanDolaa to.Daa hai
chhii.nT na thii daaman par us ke kaun ghaaT dho baiThaa thaa
jise samajhte ho naa-mumkin vo us insaa.n jaisaa thaa
insaa.n bhii itnaa maamuulii jaise apnaa ham-saaya
apne sher sunaanaa us kaa aur KHud hairaa.n ho jaanaa
baato.n me.n maasuum mahak thii aa.nkho.n me.n bechain lapak
KHaamoshii ke vaqfe yuu.n jaise us ne kuchh dekhaa thaa
pii.D bahut jhelii thii us ne itnii baat to zaahir thii
lahja me.n shoKHii thii jaise raakh me.n chamke a.ngaara
sa.ngam ke paanii par mai.n ne dekhii thii kaisii tasviir
u.Daa lahak kar ik jal-panchhii khii.nch gayaa paanii pe lakiir
jamunaa kii niilii gahraa.ii bhed bharii chup se bojhal
ga.ngaa ke dhaare kii jumbish ujlii taaqat aur be-kal
is paanii me.n aks Daaltaa aasmaan kaa ik Tuk.Daa
miTTii ke but hare naariyal chandan lagaa ko.ii mukh.Daa
vo dhaaro.n par naav khetaa suukhaa panjar maa.njhii kaa
daan ke paise gintaa panDit taa.nba suuraj saa.njhii kaa
jamunaa par miinaar qila ke gumbad kaa tirchhaa saayaa
paaksitaan se aa.e muhaajir ge.nde kii TuuTii maalaa
paanii me.n chappuu kii shap shap baato.n ke TuuTe Tuk.De
yahii.n kahii.n par ham se ojhal sarasvatii bhii bahtii hai
jo samjhii jo aage samjhuu.n chhalak rahaa hai dil kaa jaam
vo manzar jo KHud se ba.Daa thaa us kaa gheraa tumhaare naam
ye kamre kaa maa.nd ujaalaa baahar huuk papihe kii
khi.Dkii par buu.ndo.n kii dastak saa.nse.n bhartii KHaamoshii
puurii baat nahii.n batlaataa guu.nge aa.nsuu ro denaa
terii dhartii sah na sakegii itne husn ko kho denaa
tanhaa aur apaahij buu.Dhe tujhe na marne de.nge log
abhii to jiivan baa.njh nahii.n hai phir tujh ko janme.nge log

Fahmida Riaz
Nazm

unT

laqq-o-daq sahraa me.n yaa maidaan me.n
yaa arab ke garm registaan me.n
saya-afgan hai na vaa.n ko.ii chaTaan
sard paanii kaa na dariyaa kaa nishaan
chilchilaatii dhuup hai aur chup havaa
vaa.n parinda bhii nahii.n par maartaa
tuu vahaa.n ke marhale kartaa hai tai
din-ba-din aur hafta hafta pai-ba-pai
qiimtii ashyaa hai.n terii pusht par
taajiro.n kaa resham aur shaaho.n kaa zar
toda toda tere uupar lad rahaa
hai bharaa goyaa jahaaz-e-pur-bahaa
chand hafte jab ki jaate hai.n guzar
aur thakaa detaa hai raakib ko safar
uu.nT! ghabraataa nahii.n tuu baar se
dekhtaa hai us kii jaanib pyaar se
goyaa kahtaa hai ki ai mere savaar
ek din tuu aur bhii himmat na haar
haa.n na be-dil ho na raste me.n ThiThak
saaf sar-chashma hai aage dhar lapak
mujh ko aatii hai havaa se buu-e-aab
naa-umiidii se na kar tuu iztiraab
uu.nT tuu kartaa hai us kii rahbarii
yuu.n banaa detaa hai raakib ko jarii
aaKHirash manzil pe pahu.nchaataa hai tuu
aur suukhe KHaar-o-KHas khaataa hai tuu
sabr se kartaa hai tai raah-e-daraaz
sach kahaa hai tuu hai KHushkii kaa jahaaz
al-Garaz tuu hai haliim o KHush-KHisaal
tarbiyat me.n chhoTe bachcho.n kii misaal

Ismail Merathi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now