Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maashaa-allaah"

Nazm MATCHES FOR "maashaa-allaah"

Nazm

dard-e-dil

ab to is baaG pe hai sab kii mohabbat kii nigaah
jo ki paude the shajar ho ga.e maashaa-allaah

Chakbast Braj Narayan
Nazm

hamal-sara

daadii-ammaa.n...
(bastii ke sab se mumtaaz
gharaane kii beTii...
sab se mu.azzaz
aa.ngan kii dulhan
maashaa-allaah
sattar ke piiTe me.n ho.ngii)
apnaa... istehqaaq maa.ngtii hai.n

Saqi Faruqi
Nazm

dakan

sehn-e-gulshan me.n kisii kaam ko aa.e ko.ii
jaa.egaa buu-e-rubaa se mo.attar ho kar
Hyderabad bhii ik baaG hai maashaa-allaah
hai jahaa.n faiz kaa darvaaza kushaada sab par

Altaf Hussain Hali
Nazm

shikast-e-eatibar

vahii chashm-e-nam mujhe khojtii
vahii ho.nT mujh ko pukaarte
vahii haath mere talab-zada
vahii chaa.nd maathaa vo raushnii
vahii sahar kaa rasaa lams bhii
tujhe shab ke saath thaa lauTnaa
magar aah dil kaa ye faisla
miraa e'timaad alam-zada
ai mire aziim tilism-gar
mujhe izn de de rihaa.ii kaa

Narjis Afroz Zaidi
Nazm

ai hawa shor kar

in mu.ammar daraKHto.n ke qil.e me.n bhagda.D machaa
devdaar kii shaaKHo.n pe shab-KHuun maar
aur KHvaahish ke patto.n ke qaaliin par
aisaa uudham machaa
jo rago.n me.n ThiThurte hu.e KHuun ko garm kar de
KHayaalo.n kii tah-deg ko itnaa khaulaa
ki barfaanii tuudo.n se chi.ngaariyaa.n phuuT niklii.n
dilo.n aur zehno.n ke maabain khii.nchii hu.ii
KHushk taaro.n pe baa.ndhe hu.e
ra.ng-dar-ra.ng dhaago.n ke par kaaT de
mere aur us ke maabain bahte hu.e
ret ke is samundar ke pinDaal me.n
chup se panja la.Daane kaa elaan kar
ja.ngalii Dhol kii gat pe badmast ho
zor kar
ai havaa shor kar

Moeen Nizami
Nazm

yaad hai

kheltaa thaa jab la.Dakpan se tiraa ra.ngii.n shabaab
haT rahii thii maah-e-aalam-taab ke ruKH se naqqaab
zindagii thii husn-e-nau aaGaaz kaa ra.ngiin KHvaab
yaad hai vo naujavaanii kaa zamaana yaad hai

Makhdoom Mohiuddin
Nazm

hamdardi

Tahnii pe kisii shajar kii tanhaa
bulbul thaa ko.ii udaas baiThaa
kahtaa thaa ki raat sar pe aa.ii
u.Dne chugne me.n din guzaaraa
pahu.nchuu.n kis tarah aashiyaa.n tak
har chiiz pe chhaa gayaa a.ndheraa
sun kar bulbul kii aah-o-zaarii
jugnuu ko.ii paas hii se bolaa
haazir huu.n madad ko jaan-o-dil se
kii.Daa huu.n agarche mai.n zaraa saa
kyaa Gam hai jo raat hai a.ndherii
mai.n raah me.n raushnii karuu.ngaa
allaah ne dii hai mujh ko mash.al
chamkaa ke mujhe diyaa banaayaa
hai.n log vahii jahaa.n me.n achchhe
aate hai.n jo kaam duusro.n ke

Allama Iqbal
Nazm

urdu

Gazlo.n ke ai shahanshaah 'miir'-e-jahaan-e-urdu
baaqii nahii.n jahaa.n me.n naam-o-nishaan-e-urdu
KHuun-e-jigar se tuu ne jis reKHta ko sii.nchaa
aalam me.n naza.a ke hai miltaa nahii.n masiihaa
jis baaG me.n palii thii us me.n sabhii ne maslaa
jis gulsitaa.n kii jaa.n thii us me.n bhii ab hai rusvaa
jis kii zabaano.n par hai kam aise rah ga.e hai.n
bahvaT me.n vaqt hii kii sab log bah ga.e hai.n
ahl-e-zabaa.n ne chho.Daa daanish-var uTh rahe hai.n
rusvaa.ii hai muqaddar jis samt bhii ga.e hai.n
Gazlo.n ke ai shahanshaah 'miir'-e-jahaan-e-urdu
baaqii nahii.n jahaa.n me.n naam-o-nishaan-e-urdu

Mohammad Owais Khan
Nazm

ma’zarat

barham mizaaj-e-vaqt hai ai mere ham-nashii.n
ab baargaah-e-husn me.n jhuktii nahii.n jabii.n

Ashhar Nadeemi
Nazm

kisan

be-aab-o-giyaah baa.njh dhartii
mujh se ye savaal kar rahii hai
ai KHaaliq-e-naGma-e-bahaaraa.n
sadiyo.n huu.n mai.n KHizaa.n-rasiida
mafluuj hai.n kab se mere a.azaa
tum meraa ilaaj hai.n kab se mere a.azaa
tum meraa ilaaj kar sakoge
mai.n chup huu.n KHamosh huu.n kahuu.n kyaa
shaa.ir huu.n mai.n lafzo.n kaa masiihaa
ai kaash mai.n ik kisaan hotaa
is dhartii ke munjamid lahuu ko
be-hoshii kii nii.nd se jagaataa
mehnat se na.e chaman khilaataa
miTTii ko na.ii dulhan banaataa

Rifat Sarosh
Nazm

aankhen meri baqi un ka

KHud duudmaan-e-qibla-e-aalam kare.n KHayaal
dil me.n bahut dino.n se hai kaa.nTaa chubhaa hu.aa
us KHaandaa.n ke ek ra.ngiile piyaa ke ghar
farzand-e-arjumand ke KHatna pe kyaa hu.aa
chashme ubal rahe the suruur-o-nashaat ke
thaa chaav.Dii kaa naqsha-e-uryaa.n khi.nchaa hu.aa
is mahfil-e-nashaat ke narGe me.n vo bhii the
chehre pe jin ke zohd-o-vara.a thaa likhaa hu.aa
qavvaal gaa rahe the KHuzuu'-o-KHushuu' se
rindaan-e-bul-havas me.n thaa GauGaa machaa hu.aa
baada-gusaar khol ke baiThe the botale.n
thaa ranDiyo.n ke saamne huqqa dharaa hu.aa
na.at-e-nabii pe ismat-e-aavaara nukta-chii.n
KHauf-e-KHudaa thaa zohraa-vasho.n me.n ghiraa hu.aa
daulat ke Dher 'zaahidaa' parviin pe nisaar
dahqaan-e-KHasta-haal kaa chuulhaa bujhaa hu.aa
the KHaadimo.n ke peT pe patthar ba.ndhe hu.e
aur kanchano.n pe baab-e-saKHaavat khulaa hu.aa
'shorish' us ek manzar-e-zohra-gudaaz me.n
dast-e-du.aa thaa arsh kii jaanib uThaa hu.aa
is hashr-e-nau me.n qibla-e-aalam kahaa.n the aap
dekhaa to hogaa aap ne jo maajraa hu.aa

Shorish kashmiri
Nazm

uTh

uTh ki jiinaa hai to qaanuun-e-KHudaa par Gaur kar
laisa-lil-insaan-illaa-maa-sa.aa par Gaur kar

Amjad Najmi
Nazm

ustad hamare

ustaad ye qaumo.n ke hai.n me.amaar hamaare
in hii se hai.n afraad ziyaa-baar hamaare

Mohammad Asadullah
Nazm

malumat-e-najma

KHaraabii us ke pardo.n me.n nihaa.n maaluum hotii hai
mirii hastii mujhii ko daastaa.n maaluum hotii hai
vafuur-e-josh-e-sajda kii na puuchho kaar-farmaa.ii
jabiin-e-shauq juzv-e-aastaa.n maaluum hotii hai
qavii hotaa hai jazb-e-justujuu har naa-muraadii se
ba-zaahir sa.ii-e-paiham raa.egaa.n maaluum hotii hai
payaam-e-dilbarii detii hai mujh ko kis lagaavaT se
adaa-e-husn dil kii raaz-daa.n maaluum hotii hai
mirii turbat pe rakkhaa haath kis rashk-e-masiihaa ne
rag-e-sang-e-lahad nabz-e-tapaa.n maaluum hotii hai
nihaa.n hai.n husn kii ra.anaa.iyaa.n pahnaa-e-aalam me.n
jabhii to aaj tak duniyaa javaa.n maaluum hotii hai
dimaaG apnaa qadam rakhte hii pahuu.nchaa arsh-e-a.alaa par
zamiin-e-kuu-e-jaanaa.n aasmaa.n maaluum hotii hai
lagaa rahtaa hai dha.Dkaa ranj-o-Gam kaa aish-o-ishrat me.n
har ik raahat jahaa.n kii Gam-nishaa.n maaluum hotii hai
miraa dard-e-nihaa.n hai aashkaaraa merii suurat se
KHamoshii bhii mirii 'najma' fuGaa.n maaluum hotii hai

Najma Tasadduq
Nazm

nakaami

mai.n ne har chand Gam-e-ishq ko khonaa chaahaa
Gam-e-ulfat Gam-e-duniyaa me.n samonaa chaahaa
vahii afsaane mirii samt ravaa.n hai.n ab tak
vahii sho.ale mire siine me.n nihaa.n hai.n ab tak
vahii ba-suud KHalish hai mire siine me.n hanuuz
vahii bekaar tamannaa.e.n javaa.n hai.n ab tak
vahii gesuu mirii raato.n pe hai.n bikhre bikhre
vahii aa.nhke.n mirii jaanib nigraa.n hai.n ab tak
kasrat-e-Gam bhii mire Gam kaa mudaavaa na hu.ii
mere bechain KHayaalo.n ko sukuun mil na sakaa
dil ne duniyaa ke har ik dard ko apnaa to liyaa
muzmahil ruuh ko andaaz-e-junuu.n mil na sakaa
merii taKHayyul kaa shiiraaza-e-barham hai vahii
mere bujhte hu.e ehsaas kaa aalam hai vahii
vahii be-jaan iraade vahii be-ra.ng savaal
vahii be-ruuh kashaakash vahii bechain KHayaal
aah is kashmakash sub.h o masaa kaa anjaam
mai.n bhii naakaam mirii sa.ii amal bhii naakaam

Sahir Ludhianvi
Nazm

KHud-kushi

vo raat gahrii
us par TuuTte jismo.n kaa bojh
jho.npa.Do.n me.n uu.nghte nange charaaGo.n kii bha.Dak
karb kaa elaan taaza
yak-ba-yak
masjido.n me.n jal uThii na.aro.n kii bosiida zabaa.n
thartharaa kar gir pa.De sajdo.n me.n log
goliyo.n kii ta.Dta.DaahaT
KHuun mash.al zulm maut
KHanjaro.n ke paa.nv se rau.ndii hu.ii doshiizgii
kuchh nahii.n kuchh bhii nahii.n hai
KHauf se larzaa.n sharaafat KHud-kushii kaa naam hai
bandagii puujaa ibaadat is liye badnaam hai
sab ga.nvaa kar gaa.nv vaale gi.Dgi.Daate rah ga.e
gaa.nv kii sab beTiyaa.n Daaku uThaa kar le ga.e
paasbaa.n KHaamosh hai.n ahl-e-siyaasat bhii KHamosh
rishvato.n par bikne vaalii har adaalat bhii KHamosh

Sagheer Riyaz
Nazm

masiha ki qatil

tum masiihaa ho ki qaatil ho mai.n kyo.n batlaa.uu.n
KHud ye taariiKH ke auraaq bataa.e.nge tumhe.n
tum ho me.amaar na.ii ziist ke yaa qaatil ho
faisla vaqt ke haatho.n se yahii honaa hai
dau.D har samt hai phir Tanko.n tayyaaro.n kii
amn-e-aalam hai ki phir zad pe hai hathiyaaro.n kii
har taraf jang ke haalaat banaa rakkhe hai.n
haath mazluum ke patthar me.n dabaa rakkhe hai.n
tum ne is daur ko sarmaaya kii zanjiiro.n se
qaid kar rakkhaa hai har samt jaka.D rakkhaa hai
ismate.n izzate.n sab qaid me.n hai.n
mehnate.n raahate.n sab qaid me.n hai.n
ziist parvaan cha.Dhegii ki nahii.n
zaKHm-e-dil phuul bane.nge ki ajal
KHud ye taariiKH ke auraaq bataa.e.nge tumhe.n
tum masiihaa ho ki qaatil ho mai.n kyo.n batlaa.uu.n
shahr-o-dehaat kii na.aro.n se fazaa guu.njegii
jald TuuTegii ye zanjiir sadaa guu.njegii
aaj mehnat hai agar qaid rahaa bhii hogii
zindagii ke liye aazaad fazaa bhii hogii
mehnat-o-raahat-o-izzat kaa lahuu
ab tire jaam se hai jald chhalakne vaalaa
chhup sake.nge na chhupaane se lahuu ke dhabbe
KHud hii ik din tire daaman pe ubhar aa.e.nge
KHud hii taariiKH ke auraaq pukaar uTThe.nge
ki masiihaa nahii.n is daur ke qaatil tum ho

Payam Fatehpuri
Nazm

kyun

tum jo qaatil na masiihaa Thahre
na ilaaj-e-shab-e-hijraa.n na Gam-e-chaaraagaraa.n
na ko.ii dushna-e-pinhaa.n
na kahii.n KHanjar-e-sam-aaluuda
na qariib-e-rag-e-jaa.n
tum to us ahd ke insaa.n ho jise
vaadii-e-marg me.n jiine kaa hunar aataa thaa
muddato.n pahle bhii jab raKHt-e-safar baa.ndhaa thaa
haath jab dast-e-du.aa the apne
paa.nv zanjiir ke halqo.n se kaTe jaate the
lafz taqsiir the
aavaaz pe ta.aziire.n thii.n
tum ne ma.asuum jasaarat kii thii
ik tamannaa kii ibaadat kii thii
paa barahna the tumhaare
yahii bosiida qabaa thii tan par
aur yahii surKH lahuu ke dhabbe
jinhe.n tahriir-e-gul-o-laala kahaa thaa tum ne
har nazzaara pe nazzaargii-e-jaa.n tum ko
har galii kuucha-e-mahbuub nazar aa.ii thii
raat ko zulf se taabiir kiyaa thaa tum ne
tum bhalaa kyuu.n rasan-o-daar tak aa pahu.nche ho
tum na mansuur na iisaa Thahre

Ada Jafarey
Nazm

andesha

ye kis ne aalam-e-hastii kiyaa tah-o-baalaa
sharaab-e-ziist ko saaGar me.n maut ke Dhaalaa
ye kis ne ziist ke daaman ko taar taar kiyaa
zamiir-e-vaqt me.n paidaa ik intishaar kiyaa
ye kis ne daulat-e-amn-o-amaa.n ko luuT liyaa
ki ban ke raah-numaa kaarvaa.n ko luuT liyaa
ye kis ne baada-e-hastii me.n zahr gholaa hai
fasaad-o-qahr-o-tabaahii kaa baab kholaa hai
ye kis ne aql ko iijaad kaa sila baKHshaa
hariif-e-muusaa-e-imraa.n ko bhii asaa baKHshaa
banaayaa qaisar-o-nayyar ko hukmraa.n kis ne
chaman ke vaaste KHud mol lii KHizaa.n kis ne
ye kis ne zulm ke bando.n ko teG-e-kii.n de dii
falak ke mashq-e-sitam ke liye zamii.n de dii
KHirad ko raaz-e-daruu.n kaa suraaG kis ne diyaa
shariir bachche ko aaKHir charaaG kis ne diyaa
bahaar se na kahii.n ziinat-e-chaman jaa.e
zamii.n tamaam ye hiroshima na ban jaa.e

Natiq Azmi
Nazm

bachcha aur murgha

ik bachche ne murGe se kahaa
pyaare murGe ye shor hai kyaa
sun sun terii kuk.Duu.n-kuu.n
mai.n saKHt pareshaa.n hotaa huu.n
jab taare chhupte hote hai.n
sab chain aaraam se sote hai.n
us vaqt se tuu chillaataa hai
kyuu.n itnaa shor machaataa hai
ma.aluum ho aaKHir baat hai kyaa
kuchh apne dil kaa haal bataa
jaa duur machaa ye shor kahii.n
pa.Dhne me.n dil lagtaa hii nahii.n
murGe ne sunaa bachche kaa bayaa.n
bolaa na ho naaraaz miyaa.n
tum sab nii.nd ke maate ho
so so vaqt ga.nvaate ho
ye mai.n jo shor machaataa huu.n
maalik ko pukaare jaataa huu.n
ye merii ibaadat hai pyaare
allaah kii taa.at hai pyaare
mai.n qahr se us ke Dartaa huu.n
har vaqt ibaadat kartaa huu.n
jab sub.h ko baa.ng mai.n detaa huu.n
aur naam KHudaa kaa letaa huu.n
tum kitne Gaafil hote ho
mai.n jaagtaa huu.n tum sote ho

Mahshar Badayuni
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now