Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "main rona chahta hoon farhat ehsas"

Nazm MATCHES FOR "main rona chahta hoon farhat ehsas"

Nazm

long distance relationship

mai.n intizaar-e-musalsal kaa isti'aara nahii.n
tirii nigaah me.n tahriir honaa chaahtaa huu.n
jo faaslo.n ne ikaTThaa kiye hai.n Gam un par
bilak-bilak ke tire saath ronaa chaahtaa huu.n

Balmohan panday
Nazm

main ek bachche ki tarah hun

mai.n ek bachche kii tarah huu.n
jo paaltuu jaanvar aur darinde me.n farq nahii.n kar saktaa
mai.n us ke bahut qariib chalaa jaataa huu.n
ek 'aurat jis kii chhaatiyaa.n bharpuur hai.n
mai.n un kii nok par apne ho.nTh rakhnaa chaahtaa huu.n
mai.n us ke baazu.o.n par sar rakh kar ronaa chaahtaa huu.n
mai.n ek bachche kii tarah huu.n

Sarvat Husain
Nazm

sukut

mai.n jab bhii sochtaa huu.n apne baare me.n
ko.ii quvvat mujhe mere muKHaalif khii.nchtii hai
mujhe mahsuus hotaa hai
meraa har uzv
markaz se baGaavat kar chukaa hai
KHuun ke dauraan ke ham-raah
baktar-band gaa.Dii me.n
musallah faujiyo.n ke saath
ko.ii qaid ho kar jaa rahaa hai
khul ga.e hai.n sab mashaam-e-jaa.n ke phaaTak
kha.Dii hai.n sar jhukaa.e saf-ba-saf
haare hu.e alfaaz kii fauje.n
ko.ii is shahr kii tahziib le kar jaa rahaa hai

Farhat Ehsas
Nazm

main jina chahta hun magar

mai.n jiinaa chaahtaa huu.n
magar kii.De-mako.Do.n aur be-maaya maKHluuqaat kii tarah
re.ng re.ng kar nahii.n!
mai.n jiinaa chaahtaa huu.n
magar apne baatin me.n
kulbulaate shar par
zaahirii aKHlaaq kii ridaa
Daal kar nahii.n
mai.n jiinaa chaahtaa huu.n
magar aise nahii.n
ki mere vajuud ke andar
buGz havas aur riyaa-kaarii kii baaruudii sura.nge.n
bichhii ho.n
aur har lahza har pal
ye KHauf
ki kab ko.ii
remote control se
anaa aur Gairat ehsaas aur jazbe
kii KHuub-suurat imaarato.n ko
Dhaa de
mai.n jiinaa chaahtaa huu.n
apne puure vajuud kii saarii ikaa.iiyo.n ke saath
aur mujhe ye ehsaas na sataa.e
ki ye zindagii
kisii kii bhiik me.n dii hu.ii saa.nso.n kaa hissa hai
mai.n jiinaa chaahtaa huu.n
ek aisii duniyaa me.n
jahaa.n mulk-giirii ke junuun
itne shadiid na ho.n ki
itemi tavaanaa.ii se mumayyaz aalaat fazaa ko masmuum kar de.n
insaan us kii hazaaro.n barso.n kii puraanii qadre.n
aisii paamaal ho jaa.e.n jaise haqiir zarre
magar mai.n jaantaa huu.n
ye sab mumkin nahii.n
to mai.n marnaa chaahuu.ngaa
par aisii maut nahii.n
ki merii laash ko
qabristaan tak pahu.nchaane me.n
takalluf majbuurii aur zabardastii kaa shaa.iba ho
yaa du.aa me.n hilte hu.e lab
aur uThaa.e hu.e haath
majbuuraan o rasman ho.n
haa.n aisii maut jo kisii kii aa.nkho.n me.n
Thahre hu.e chand qatre
KHaamoshii se mere kafan me.n
jazb ho jaa.e.n
aur bas!!

Yusuf Taqi
Nazm

katba

mujh ko ye ehsaas hai
mai.n mar gayaa huu.n
TuuT kar mai.n reza reza
har taraf bikhraa hu.aa huu.n
phir bhii ik aavaaz
saa.e kii tarah
ehsaas se chimTii hu.ii hai
tum abhii zinda ho aur zinda rahoge
phir bhii mai.n ye chaahtaa huu.n
mujh ko merii qabr kii suurat banaa do
aur
mere naam kaa
katba lagaa do

Aslam Aazad
Nazm

raat hui

tum ko paa lene kii dhun me.n
duniyaa o.Dhii
ra.ng-bira.nge kap.De pahne
peshaanii par suuraj baa.ndhaa
aa.ngan bhar me.n dhuup bichaa.ii
diivaaro.n par sabza Daalaa
phuulo.n patto.n se apnii chaukhaT ra.ngvaa.ii
mausam aa.e
mausam biite
suuraj niklaa dhuup khilii
phir dhuup cha.Dhii phir aur cha.Dhii
phir shaam hu.ii
phir gahrii kaalii raat hu.ii

Farhat Ehsas
Nazm

fursat ki tamanna mein

afkaar ma.iishat ke
fursat hii nahii.n dete
mai.n chaahtaa huu.n dil se
kuchh kasb-e-hunar kar luu.n
gul-haa-e-mazaamii.n se
daamaan-e-suKHan bhar luu.n
hai baKHt magar vaazhuu.n
fursat hii nahii.n miltii
fursat ko kahaa.n Dhuu.nDuu.n
fursat hii kaa ronaa hai
phir jii me.n ye aatii hai
kuchh aish hii haasil ho
daulat hii mile mujh ko
vo kaam ko.ii sochuu.n
phir sochtaa ye bhii huu.n
ye sochne kaa dhandaa
fursat hii me.n honaa hai
fursat hii nahii.n dete
afkaar ma.iishat ke

Hafeez Jalandhari
Nazm

tajziya

mai.n tujhe chaahtaa nahii.n lekin
phir bhii jab paas tuu nahii.n hotii
KHud ko kitnaa udaas paataa huu.n
gum se apne havaas paataa huu.n
jaane kyaa dhun samaa.ii rahtii hai
ik KHamoshii sii chhaa.ii rahtii hai
dil se bhii guftuguu nahii.n hotii
mai.n tujhe chaahtaa nahii.n lekin
mai.n tujhe chaahtaa nahii.n lekin
phir bhii rah rah ke mere kaano.n me.n
guu.njtii hai tirii hasii.n aavaaz
jaise naadiida ko.ii bajtaa saaz
har sadaa naagavaar hotii hai
in sukuut-aashnaa taraano.n me.n
mai.n tujhe chaahtaa nahii.n lekin
mai.n tujhe chaahtaa nahii.n lekin
phir bhii shab kii taviil KHalvat me.n
tere auqaat sochtaa huu.n mai.n
terii har baat sochtaa huu.n mai.n
kaun se phuul tujh ko bhaate hai.n
ra.ng kyaa kyaa pasand aate hai.n
kho saa jaataa huu.n terii jannat me.n
mai.n tujhe chaahtaa nahii.n lekin
mai.n tujhe chaahtaa nahii.n lekin
phir bhii ehsaas se najaat nahii.n
sochtaa huu.n to ranj hotaa hai
dil ko jaise ko.ii Dubotaa hai
jis ko itnaa saraahtaa huu.n mai.n
jis ko is darja chaahtaa huu.n mai.n
is me.n terii sii ko.ii baat nahii.n
mai.n tujhe chaahtaa nahii.n lekin
mai.n tujhe chaahtaa nahii.n lekin
phir bhii shab kii taviil KHalvat me.n
tere auqaat sochtaa huu.n mai.n
terii har baat sochtaa huu.n mai.n
kaun se phuul tujh ko bhaate hai.n
ra.ng kyaa kyaa pasand aate hai.n
kho saa jaataa huu.n terii jannat me.n
mai.n tujhe chaahtaa nahii.n lekin
mai.n tujhe chaahtaa nahii.n lekin
phir bhii ehsaas se najaat nahii.n
sochtaa huu.n to ranj hotaa hai
dil ko jaise ko.ii Dubotaa hai
jis ko itnaa saraahtaa huu.n mai.n
jis ko is darja chaahtaa huu.n mai.n
us me.n terii sii ko.ii baat nahii.n
mai.n tujhe chaahtaa nahii.n lekin

Jan Nisar Akhtar
Nazm

agla safar tawil nahin

use bhii lagtaa to hogaa ki mai.n vahii huu.n, magar
KHizaa.n-gaziida thakaa saa udaas ranjiida
use bhii lagtaa to hogaa ki ham vahii hai.n magar
dil o dimaaG kii baaham supurdagii ke din
na jaane umr ke kis marhale pe chhuuT ga.e
mai.n chaahtaa huu.n kabhii baat kar ke dekhuu.n to
kahuu.n ki jism to ik aarizii haqiiqat hai
kahuu.n daruun-e-dil-o-jaa.n jo ek aalam hai
vahaa.n to vaqt kaa ehsaas tak nahii.n hotaa
kahuu.n ki umr se shikva, gila javaanii hai
labo.n pe harf-e-shikaayat dilo.n me.n talKHii sii
aliil jazbe hai.n un se hamaaraa kyaa rishta?
kahuu.n ki aaj bhii sub.h-e-shab-e-visaal ke gul
hamaarii ruuh me.n khilte hai.n, aa.o saath chale.n
paka.D ke haath ki aglaa safar taviil nahii.n!

Satyapal Anand
Nazm

daraKHt-e-zard

magar naazir hamaaraa soKHta-sulb aaKHirii nassaab ab marne hii vaalaa hai
bas ik pal haf sadii kaa faisla karne hii vaalaa hai
suno 'zaryuun' bas tum hii suno ya.anii faqat tum hii
vahii raahat me.n hai jo aam se hone ko apnaa le
kabhii ko.ii bhii par ho ko.ii 'bahman' yaar yaa 'zenuu'
tumhe.n bahkaa na paa.e aur bairuunii na kar Daale
mai.n saarii zindagii ke dukh bhugat kar tum se kahtaa huu.n
bahut dukh degii tum me.n fikr aur fan kii numuu mujh ko
tumhaare vaaste behad sahuulat chaahtaa huu.n mai.n
davaam-e-jahl o haal-e-istiraahat chaahtaa huu.n mai.n
na dekho kaash tum vo KHvaab jo dekhaa kiyaa huu.n mai.n
vo saare KHvaab the qassaab jo dekhaa kiyaa huu.n mai.n
KHaraash-e-dil se tum be-rishta be-maqduur hii Thahro
mire jahmiim-e-zaat-e-zaat se tum duur hii Thahro
ko.ii 'zaryuun' ko.ii bhii clerk aur ko.ii kaarinda
ko.ii bhii bank kaa afsar senator ko.ii paavanda
har ik haivaan-e-sarkaarii ko TaTTuu jaantaa huu.n mai.n
so zaahir hai ise shai se ziyaada maantaa huu.n mai.n
tumhe.n ho sub.h-dam taufiiq bas aKHbaar pa.Dhne kii
tumhe.n ai kaash biimaarii na ho diivaar pa.Dhne kii
ajab hai 'sartre' aur 'ressel' bhii aKHbaar pa.Dhte the
vo maaluumaat ke maidaan ke shauqiin buu.Dhe the
nahii.n ma.aluum mujh ko aam shahrii kaise hote hai.n
vo kaise apnaa banjar naam banjar-pan me.n bote hai.n
mai.n ''urr'' se aaj tak ik aam shahrii ho nahii.n paayaa
isii baa.is mai.n huu.n amboh kii lazzat se be-maaya
magar tum ik do-paaya raast qaamat ho ke dikhlaanaa
suno raa.e-dahinda bin hu.e tum baaz mat aanaa
faqat 'zaryuun' ho tum ya.anii apnaa saabiqaa chho.Do
faqat 'zaryuun' ho tum ya.anii apnaa laahiqaa chho.Do
magar mai.n kaun jo chaahuu.n tumhaare baab me.n kuchh bhii
bhalaa kyuu.n ho mire ehsaas ke asbaab me.n kuchh bhii
tumhaaraa baap ya.anii mai.n abas mai.n ik abas-tar mai.n
magar mai.n ya.anii jaane kaun achchhaa mai.n saraasar mai.n
mai.n kaasa-baaz o kiina-saaz o kaasa-tan huu.n kuttaa huu.n
mai.n ik na.ngiin-e-buudash huu.n pa tum to sirr-e-mun.am ho
tumhaaraa baap ruuhul-quds thaa tum ibn-e-maryam ho

Jaun Eliya
Nazm

anar-kali

tere Gam me.n kitnaa naazuk ho gayaa hai dil ki ab
is bhare baazaar me.n
har sadaa ik ajnabii ehsaas kaa aa.iina hai
aaj tere Gam se faariG ho ke mai.n
bah rahaa huu.n lazzat-e-iz.haar ke sailaab me.n
la.Dkha.Daate re.ngte la.ng.Daate ha.nste bolte
lafz aur un kaa dhu.aa.n KHushbuu chamak
chal rahe hai.n mil ke be-aaha.ng aavaazo.n ke ra.ng
ajnabii ho.nTo.n ke lafz
aarzu.o.n ke Gubaare hasrato.n kii titliyaa.n
chaar-suu u.Dtii hai.n mai.n KHaamosh huu.n
guftuguu ke daa.ero.n me.n phail kar
ra.ng bhartaa jaa rahaa hai un tamannaa.o.n kaa KHuu.n
jin ke lafzo.n ne zabaa.n dii sun.ne vaalo.n kaa KHayaal
un me.n Duubaa jaa rahaa hai bolte lafzo.n kaa sahar
us ko apne daam me.n laataa hu.aa
phail kar aataa hai mujh tak pech-o-KHam khaataa hu.aa
aur mai.n
us kii kaifiyat kaa Gaaza apne chehre par lagaa.e
ik na.ii aavaaz ke saa.e me.n huu.n
chaahtaa huu.n band aa.nkho.n se mai.n us sailaab me.n
kuud jaa.uu.n aur nazzaara karuu.n
apne kaano.n se dilo.n ke tarjumaa.n alfaaz kaa
suurat goyaa se ba.Dh kar hai suKHan-andaaz kaa

Yusuf Zafar
Nazm

apahij gaDi ka aadmi

me.n kab se zamii.n par zamii.n kii tarah chal rahaa huu.n
ye diivaana andhaa safar kab kahaa.n jaa ke chho.Degaa mujh ko?
mai.n is zindagii kii bahut sii bahaare.n Gizaa kii tarah khaa chukaa huu.n
pahan o.Dh kar pairahan kii tarah phaa.D dii hai.n
me.n resham kaa kii.Daa huu.n ko.e me.n chhap jaataa huu.n Dar ke maare
isii ko.e ko khaataa rahtaa huu.n aur kaaT kar is se aataa huu.n baahar
aur apne jiine kaa maqsad sabab jaan.naa chaahtaa huu.n
miraa dil KHudaa kii razaa Dhuu.nDhtaa phir rahaa hai
miraa jism lazzaat kii justujuu me.n lagaa hai
guzargaah-e-shaam-o-sahar par kahii.n ek din mai.n ugaa thaa
nabaataat kii tarah jiitaa huu.n is kaargaah-e-jahaa.n me.n
na ehsaas iimaan iiqaan ko.ii
na duniyaa me.n shaamil na KHud apnii pahchaan ko.ii
gunah aur jahannam savaab aur jannat?
ye kyuu.n hai ki be-muzad kuchh bhii nahii.n mil sakaa hai
na kal mil sakegaa
asaatiir farmaa.n-ravaa.on ke ahkaam aur suufiyaa kii karaamat ke qisse
payambar kii dil-soziyo.n ke mazaahir
qalam-band hai.n sab!
unhe.n ham ne ta.aviiz kii tarah apne galo.n me.n hamaa.il kiyaa hai
inhe.n ham ne tah-KHaano.n kii koTharii me.n muqaffal kiyaa hai
jahaa.n la.Dkha.Daate hai.n in kii madad le ke chalte hai.n aage
magar raasto.n kaa ta.ayyun nahii.n hai!

Akhtarul Iman
Nazm

ek husn-farosh laDki ke nam

mirii jaa.n go tujhe dil se bhulaayaa jaa nahii.n saktaa
magar ye baat mai.n apnii zabaa.n par laa nahii.n saktaa
mai.n tujh ko chaahtaa huu.n vaalihaana pyaar kartaa huu.n
mai.n gaataa rahtaa huu.n par ye naGma gaa nahii.n saktaa
tujhe apnaa banaanaa maujib-e-raahat samajh kar bhii
tujhe apnaa banaa luu.n ye samajh me.n aa nahii.n saktaa
banaa saktaa huu.n shab ko apne bistar kii tujhe ziinat
magar din me.n tire qasr-e-hasii.n tak jaa nahii.n saktaa
hu.aa hai baar-haa ehsaas mujh ko is haqiiqat kaa
tire nazdiik rah kar bhii mai.n tujh ko paa nahii.n saktaa
mire dast-e-havas kii dastaras hai jism tak tere
mai.n terii ruuh kii gahraa.iyo.n tak jaa nahii.n saktaa
mai.n tere ras-bhare ho.nTo.n ko pyaarii chuum saktaa huu.n
magar mai.n tere dil par aah qabza paa nahii.n saktaa
tire dil kii tamannaa bhii karuu.n to kis bharose par
mai.n KHud dargaah me.n tere ye tohfa laa nahii.n saktaa
mirii majbuuriyo.n ko bhii bahut kuchh daKHl hai is me.n
tujhii ko morid-e-ilzaam mai.n Thahraa nahii.n saktaa
mai.n tujh se ba.Dh ke apnii aabruu ko pyaar kartaa huu.n
mai.n apnii izzat-o-naamuus ko Thukraa nahii.n saktaa
tire maahaul kii pastii kaa ta.ana duu.n tujhe kyuu.n-kar
mai.n KHud maahaul se apne rihaa.ii paa nahii.n saktaa

Gopal Mittal
Nazm

hamwari

suuraj
mere ek paa.nv kaa juutaa hai
duusre paa.nv kaa juutaa chaa.nd
in se raat aur dino.n me.n
la.ng.Daataa chaltaa huu.n mai.n
kaash mai.n apne
dono.n juute saath pahantaa
phir kitne aaraam se chaltaa

Farhat Ehsas
Nazm

mamul

mai.n bhii baadshaah kii hukuumat kaa
munkir huu.n
lekin jiine kii aarzuu me.n
roz us kii chaukhaT par
suuraj saa ubhartaa huu.n
shaam saa Duubtaa huu.n
ghar me.n
elaan-e-baGaavat ke taur par
biivii bachcho.n ko maartaa huu.n
raat raat jaagtaa huu.n

Farhat Ehsas
Nazm

diwali

diye chaaro.n taraf har jaa farozaa.n dekhtaa huu.n mai.n
nazar pa.Dtii hai jis par bhii daraKHshaa.n dekhtaa huu.n mai.n

Abdul Qayyum Zaki Aurangabadi
Nazm

sher kah lene ke baad

jaise tum ko chhuu liyaa hai
jaise tum ko paa liyaa hai
jaise tum ko bol kar
chup ho gayaa huu.n
vaise yuu.n hii
sher kah lene ke ba.ad
raat bhar mai.n dekhtaa huu.n
duur tak vo maahtaab
vo ghanaa gahraa gulaab

Farhat Ehsas
Nazm

pyas

sach hai pyaasii huu.n mai.n
behad pyaasii
lekin tum se kis ne kahaa
ki tum merii pyaas bujhaa.o
kahii.n ziyaada KHaalii ho tum
mujh se kahii.n ziyaada rete
aur tumhe.n ehsaas tak nahii.n
bharnaa chaahte ho tum
apnaa KHaalii-pan
merii pyaas bujhaane ke naam par
ta.ajjub hai
mujhe mukammal banaanaa chaahtaa hai
ek aadhaa
adhuuraa insaan

Deepti Mishra
Nazm

landscape

tum log yahaa.n baiThe ho
tum log yahaa.n is liye baiThe ho ki
jo tum me.n se yahaa.n nahii.n hai
use vahaa.n se uThaa diyaa gayaa hai
tum me.n se ko.ii portugal nahii.n gayaa
lekin tumhaare darmiyaan mez aur kursiyaa.n hai.n
jo duniyaa tum ko dikhaane ke liye kaafii hai
is se ba.Dh kar bhii ko.ii dukh hogaa
jitnaa sochoge bhuulte jaa.oge
masla
mausiiqii yaa aurte.n aur aab-o-havaa bachche
aKHbaar yaa Gizaa.o.n ke naam
yahaa.n tak ki nii.nd aa jaatii hai
yaa vo ek buu.Dhaa jis ke paa.nv
maidaano.n me.n chalte chalte KHatm hu.e
us kii fasl us ke puraane chehre ko
gaalii de us par phe.nk dii ga.ii
naariyal kaa banaa hu.aa huqqa bhii aur us me.n jo jalaa hu.aa paanii hotaa hai vo bhii tum log
us kamre me.n aa ga.e
tumhaare saamne mez par ashtray me.n abhii abhii jabki mulk kii gha.Diyo.n me.n raat ke 9 baj rahe hai.n
ek cigarette kaa jaltaa hu.aa filter KHatm ho rahaa hai
mai.n tum sab ke baare me.n bahut kuchh kahnaa chaahtaa huu.n kuchh bahut zaruurii bhed hai.n
lekin agar kah duu.n to bahut buraa hogaa
tumhaarii gardane.n mujhe insaanii shakl me.n dikhaa.ii nahii.n detii.n
ye gardane.n jism kaa filter hai.n
jism tafsiilaat me.n jal ga.e ab filter jal rahe hai.n
ye mai.n nahii.n bataa.uu.ngaa ki tumhe.n kis ne jalaa jalaa ke piyaa
maz.hab ne is jism me.n tumhaare is kamre me.n jaise an-ginat kamre banaa.e aur har kamra aag
jalaa.e rakhne kii tarkiib bataa.ii
mai.n tum me.n se ek thaa tumhaare darmiyaan musiibat me.n KHudaa kaa naam sunaa thaa
karo.Do.n bhikaariyo.n ke dilo.n ko sameT kar roTii kaa ek suukhaa Tuk.Daa maa.ngne ke liye use pukaaraa
kitaabo.n me.n sachchaa.ii ke do lafz pa.Dhne ke liye miTTii ke tel kii Dheriyaa.n chaar-paa.iiyo.n par ulaT dii.n
merii Gariibii ke yaadgaar gud.De aur bistar jal ga.e
zamiin par itne ka.nkar patthar ii.nTe.n bajrii aur baaluu ke zarre bhii nahii.n hoge
jitnii merii raTii hu.ii du.aa.e.n
ki aurato.n aur jaanvaro.n se chhuTkaaraa mil jaa.e
baat ye ki mai.n khul kar ronaa chaahtaa thaa
itnaa ki tumhaarii aabaadiyo.n me.n baazaaro.n ke hujuum bhii nahii.n hoge aur la.Dko.n kii gaaliyaa.n jo na.nge paagalo.n ke piichhe dau.Dtii hai.n
suno mai.n use apne Dha.ng se chaahtaa thaa
itnaa ki ek arab nekiyo.n se bhare hu.e aspataal bhii kaafii nahii.n
are mai.n jo KHudaa maa.ngtaa huu.n vo tum dete nahii.n
aag jalaane kii tarkiib to mai.n nahii.n jaantaa
mai.n tum se kahtaa huu.n mujhe jalaa.o yaa merii nabaataat jalaa.o mai.n jaluu.ngaa aur jaluu.ngaa
kaam karuu.ngaa aur kaam karuu.ngaa
suno kaam karne ke liye ek aisii zindagii chaahiye ki mai.n tum sab ko bilaa-vaj.h marne se rok sakuu.n
zindagii kaa kaam kabhii ruktaa nahii.n
har-chand ki
burii bhii.D ke zamaana me.n achchhii kitaabe.n likhne pa.Dhne ke mazbuut saamaan naayaab ho jaate hai.n
daulat ba.De style se ishtihaarii sukuun baa.nTtii hai
microphone yaa baap aur universitiyo.n me.n jab professor e.azaaz kii suuliyo.n par KHush-gavaar dikhaa.ii dete hai.n
davaa.e.n yaa maa.e.n bahne.n
tab ba.Daa Galat a.ndheraa hotaa hai Galat beTe aur bhaa.ii
jinhe.n binaa-qiimat liye agar tum chhuu lo to kaaGaz tumhe.n paka.D le.nge
kaaGaz tumhe.n maar Daale.nge
yahii kaaGaz jin se tumhaare liye dhoke aur mustaqbil banaate hai.n
chalo is bhii.D se niklo
zindagii kaa kaam kabhii ruktaa nahii.n
paas aa.o
mai.n tumhaarii jebo.n ke jhuuT se aaj tak Daraa nahii.n huu.n
un me.n rakhe hu.e paise nikaal luu.ngaa
paise mat chhupaa.o paas aa.o
ye mai.n jaantaa huu.n ki tumhaarii biiviyaa.n tumhaarii maut ke agnet hai.n
tumhaare beTe aur bhaa.ii mujh se nafrat karte hai.n
mai.n tumhaare gharo.n ke Dare hu.e band darvaazo.n par dastak detaa huu.n aur tum aur tumhaare log
andar se chillaate hai.n ki tum nahii.n ho
mai.n tumhe.n marne se kyuu.n rokuu.n har-chand ki rok saktaa huu.n
maut kisii ko maarne ke liye aasmaan se nahii.n utartii
maut is liye hai ki tum ne use aasmaan maan liyaa
zamiin tumhe.n jaagne ke liye dii ga.ii tum ne use maayuus kiyaa
maut zamiin kii maayuusii par aaj tak KHush hai
aur tumhaare KHvaabo.n me.n chalne kii aazaadii hai
tambaakuu afiim aur bha.ng ke paude aaj tak KHush hai.n ki vo tumhaarii marii hu.ii maa.o.n kii maamtaa hai.n
tumhaarii bahut sii biimaariyaa.n tumhaare jism me.n ba.De aaraam se hai.n
aur davaa-KHaano.n me.n bahut sii davaa.e.n bhii ba.De aaraam se hai.n
mai.n tumhe.n marne se kaise rokuu.n
haa.n tum mujhe jiine se rokte ho
mai.n tum se kahtaa huu.n ki tumhaare chho.De hu.e maidaano.n kii havaa.o.n ke jho.nke jab tumhaarii khi.Dkiyo.n me.n aa rahe ho.n to
khi.Dkiyaa.n mat band karo
baat ye hai ki tumhaaraa jam.a kiyaa hu.aa asaasa tumhaare jism ke ek ma.amuulii ro.e.n tak ko nahii.n chamkaa saktaa
tumhaare jam.a kiye hu.e Galat a.ndhero.n par jab suuraj chamaktaa hai
to tum us se uktaate ho
tum mujhe bolne se rokte ho
mai.n kahtaa huu.n tumhaare ye makaan tumhaarii aane vaalii qabro.n se muKHtalif nahii.n
tum bainal-aqvaamii bichchhuu.o.n se ziyaada chaalaak nahii.n
tum duniyaa kii ba.Dii kitaabo.n se ziyaada gambhiir nahii.n ho
jab tak mai.n tum se apne safar kaa saaraa saamaan chhiin nahii.n luu.ngaa tum se iKHtilaaf karuu.ngaa
tumhe.n marne se rokuu.ngaa

Ahmad Hamesh
Nazm

sanp

saa.np lapeTe ghuum rahaa huu.n
duniyaa mujh se KHauf-zada hai
sab mujh ko achchhe lagte hai.n
lekin yuu.n hai
jis la.Dkii ko chaahaa mai.n ne
jis la.Dke ko dost banaayaa
jis ghar me.n maa.n baap banaa.e
jis masjid me.n ghuTne Teke
sab ne meraa saa.np hii dekhaa
mujh ko ko.ii dekh na paayaa
mai.n sab ko kaise samjhaa.uu.n
ye duniyaa kaa saa.np nahii.n hai
mere saath palaa posaa hai
ye meraa maa.n jaayaa
bas mujh ko Dastaa hai

Farhat Ehsas
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now