Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "maqaamaat-e-aah-o-fuGaa.n"

Nazm MATCHES FOR "maqaamaat-e-aah-o-fuGaa.n"

Nazm

be-zaban urdu

hu.ii jaatii hai nazr-e-shorish-e-aah-o-fuGaa.n urdu
kahe kis se yahaa.n apne Gamo.n kii daastaa.n urdu
ma.aaz-allaah hai daam-e-havas me.n qaid barso.n se
kahaa.n se Dhuu.nD ke laa.e ab apnaa mehrbaa.n urdu
ijaazat lab-kushaa.ii kii na haq fariyaad karne kaa
KHud apne hii vatan me.n ho ga.ii hai be-zabaa.n urdu
vahii karte hai.n koshish aaj urdu ko miTaane kii
sikhaatii hai jinhe.n mahfil me.n andaaz-e-bayaa.n urdu
zamii.n ab tang hotii jaa rahii hai is kii urdu par
kabhii KHud aap apne me.n thaa ye hindostaa.n urdu
bataa.e.n kyaa ki har maqbuuliyat ke baa'd kyuu.n aaKHir
hu.ii hai shar-pasando.n ke liye baar-e-garaa.n urdu
alaamat jang-e-aazaadii me.n thii ye sarfaroshii kii
kabhii thii inqilaab-e-vaqt kaa na.ara yahaa.n urdu
bikhere us ne taare har taraf mehr-o-mohabbat ke
rahii har daur me.n amn-o-amaa.n kii kahkashaa.n urdu
diyaa paiGaam us ne ektaa kaa bhaa.ii-chaare kaa
rahii diivaar ban kar nafrato.n ke darmiyaa.n urdu
Gazal ke ruup me.n ab bhii ye duniyaa ko lubhaatii hai
pahu.nchtii hai jahaa.n par baa.ndh detii hai samaa.n urdu
hazaaro.n log rahbar roTiyaa.n urdu kii khaate hai.n
magar hai kaun jo dekhe ki kyuu.n hai niim-jaa.n urdu

Rahbar Jaunpuri
Nazm

ujale ki lakir

dosto ham-nafaso jidd-o-jahd tez karo
be-navaa.o.n ke liye tarz-e-fuGaa.n ban jaa.o
phir se qindiil vafaa.o.n kii jalaa.o hamdam
aaj ehsaas ke aa.iino.n ko phir chamkaa.o

Noor -e-Shama Noor
Nazm

shayad ki bahaar aai

aah-e-dil-e-muztar kii taasiir nazar aa.ii
kyaa KHvaab-e-mohabbat kii ta.abiir nazar aa.ii
barbaadii-e-insaa.n kii tasviir nazar aa.ii
tahziib ke qur.aan kii tafsiir nazar aa.ii
shaayad ki bahaar aa.ii

Syed Mehmood Hasan Qaisar Amrohvi
Nazm

mahshar

bahut aah-o-fuGaa.n andoh jaanii
hazaaro.n zaKHm aur ek saKHt jaanii

Ekram Khawar
Nazm

kahan jins-e-shabnam ka bazar hai

zaraa tum dariiche se baahar to jhaa.nko
kaun naalaa-kunaa.n hai ye kaisii fuGaa.n hai
aTaarii me.n dekho
kahii.n ko.ii billii na ghus aa.ii ho
ye kyaa hai
abaabiil ke jhunD kaa shor hai
dariiche kii jaalii se baahar to dekho
har ik samt aah-o-bukaa hai
miraa dil hai jis se musalsal hiraasaa.n
miraa dil
jo ulfat ke naGmo.n se maamuur thaa
tilism-e-bahaaraa.n se masruur thaa
vo dil jis ko saada-mizaajii kaa ulfat kaa atiya milaa hai
vo dil shor-e-fariyaad-e-aah-o-fuGaa.n qahr-e-maatam kahaa.n tak sahegaa
dha.Dkane.n tham ga.ii.n
zindagii dam-ba-KHud hai
zaraa phir dariiche se baahar to jhaa.nko
kaun hai jo laraztaa hu.aa saa.nse.n ukh.Dii hu.ii
bhaagtaa jaa rahaa hai
mirii ruuh goyaa shikanje me.n mahbuus hai
uTho Gaur se uTh ke dekho
kaun hai ye
hiraasaa.n hiraasaa.n kamaa.n aisii suurat
mujhe aisaa lagtaa hai ye meraa saaya hai
jo mujh se kahii.n par judaa ho gayaa thaa
kaun hai shab ga.e mere dar par
kis kii dastak hai ye
tumhe.n pyaar kaa vaasta yuu.n na baiThe raho
aise aalam me.n darvaaza mat kholnaa
dariicho.n ke piichhe se mat jhaa.nknaa
kaisii pur-haul shab hai jise barf-baarii ne sulgaa diyaa
jaan-e-jaa.n
anginat ashk kab se bahaataa rahaa huu.n ki ab
chashm-e-giryaa.n me.n paanii nahii.n hai
kahaa.n jaa ke Dhuu.nDuu.n vo ashko.n ke motii
aa.nkh kii jhiil suukhe to muddat hu.ii
kahaa.n jins-e-shabnam kaa baazaar hai

Kailash Mahir
Nazm

zindagi

yaa sadaa-e-chang yaa saut-e-rabaab
yaa faqat aah-o-fuGaa.n hai zindagii

Betab Amrohvi
Nazm

nauha

KHaak u.Dtii hai jahaa.n qahqahe hote the buland
naGma-e-bazm hai ab aah-o-fuGaa.n kii maanind

JaiKrishn Chaudhry Habeeb
Nazm

zindagi

zindagii ik naa-KHalaf beTe kaa baap
zindagii mazduur kii biimaar maa.n
zindagii bichh.De hu.e bhaa.ii bahan
zindagii shaam-o-sahar aah-o-fuGaa.n

Mohammad Tanviruzzaman
Nazm

al-aman al-aman

sub.h se shaam tak
silsila ziist kaa
kis qadar hai kaThin kis qadar be-amaa.n
lamha lamha sisaktii huu.ii zindagii
har qadam par bilaktii huu.ii zindagii
KHvaahisho.n kii asiirii pe nauha-kunaa.n
har gha.Dii jism-o-jaa.n
ruuh ghaayal KHaraasho.n ke dil par nishaa.n
roz-e-avval se jaarii-o-saarii yahaa.n
vahshato.n kaa samaa.n
ko.ii pal bhii aziyyat se KHaalii nahii.n
kaun sii aa.nkh hai jo savaalii nahii.n
ko.ii vaaris nahii.n ko.ii vaalii nahii.n
gulshan-e-KHvaab kaa ko.ii maalii nahii.n
KHatm hotaa nahii.n shor-e-aah-o-fuGaa.n
hai azal se abad tak yahii daastaa.n
al-amaa.n al-amaa.n!!

Naz Butt
Nazm

wadi-e-pinhan

vaqt ke dariyaa me.n uTThii thii abhii pahlii hii lahr
chand insaano.n ne lii ik vaadi-e-pinhaa.n kii raah
mil ga.ii un ko vahaa.n
aaGosh-e-raahat me.n panaah
kar liyaa ta.amiir ik mausiiqii o ishrat kaa shahr
mashriq-o-maGrib ke paar
zindagii aur maut kii farsuuda shah-raaho.n se duur
jis jagah se aasmaa.n kaa qaafila letaa hai nuur
jis jagah har sub.h ko miltaa hai iima-e-zuhuur
aur bune jaate hai.n raato.n ke liye KHvaab ke jaal
siikhtii hai jis jagah parvaaz huur
aur farishto.n ko jahaa.n maltaa hai aaha.ng-e-suruur
Gam-nasiib ahriimano.n ko girya-e-aah-o-fuGaa.n

Noon Meem Rashid
Nazm

muskuraati hui zindagi kya hui

raqs kartii hu.ii
gungunaatii hu.ii
muskuraatii hu.ii
zindagii kyaa hu.ii
jagmagaate hu.e shahr ko kyaa hu.aa
raushnii kyaa hu.ii
phuul jaise badan
rang-o-buu ke chaman
pyaar ke saahilo.n kii fazaa
phuul kii Daaliyo.n se
lipaTtii havaa
chashm-e-ehsaas ke saamne
duur tak aaj kuchh bhii nahii.n
ahd-o-paimaa.n
ke rishto.n ko kis kii nazar khaa ga.ii
dostii kyaa hu.ii
kitne gul-rang paikar
mile KHaak me.n
kitne ka.Diyal javaa.n
apne siino.n pe
zaKHmo.n ke tamGe sajaa.e
shahaadat ke
darje pe faa.ez hu.e
har taraf hai dhu.aa.n
shor-e-aah-o-fuGaa.n
vahshat-e-be-amaa.n
dasht o dar
hai.n savaalii
bataa.e ko.ii
zindagii kyaa hu.ii
raqs kartii hu.ii
gungunaatii hu.ii
muskuraatii hu.ii zindagii kyaa hu.ii

Gulnar Aafreen
Nazm

prem bina man suna

man bhii suunaa
aa.ngan bhii suunaa
aa.ngan suunaa
suunaa sab sansaar pa.Daa
suunii ab ye sej pa.Dii hai
kab tuu aa kar prem biraaje
a.ndhiyaare nainan me.n chhaa.e
dvaare dvaare Dhuu.nDh ke aa.e
phir bhii teraa Thor na jaanaa
kaThin ba.Daa hai tujh ko paanaa

Rukhsana Nikhat Lari Umm-e-Hani
Nazm

naya shahr

mujhe yaad hai
raa.egaanii ke gahre samundar me.n
jab mai.n ne iktaara apnaa bajaayaa
to is naGma-e-jaa.n-fazaa se
maqaamaat aah-o-fuGaa.n ke ubhaare
mazaamiin-e-nau ke sharaare jagaa.e
miTaa Daalaa ehsaas sab raa.egaanii kaa
samundar kii tah se
nayaa shahr ubhaaraa

Anwar Sadeed
Nazm

sukut-e-shab

fazaa-e-ziist pe chhaa.ii hai kaisii KHaamoshii
na ko.ii shor na shevan na girya-o-zaarii
na ko.ii shikva-ba-lab hai na ko.ii fariyaadii
na ko.ii dard kaa qissa na ko.ii zikr-e-alam
na siskiyo.n kaa ko.ii irti.aash zholiida
na duud-e-aah-o-fuGaa.n kii ko.ii giraa.nbaarii
na ko.ii harf-e-alam hai na isti.aara-e-Gam
na ko.ii qatra-e-KHuu.n hai siyaahii-e-qirtaas
sitam-kasho.n pe hai taarii ajiib aalam-e-yaas
nahii.n hai.n aish ke naGme to Gam ke giit sahii
kisii ke halqa-e-zanjiir hii ke saaz baje.n
kisii kaa zaKHm-e-jigar hii chaTak ke de aavaaz
kahii.n se dil ke dha.Dakne hii kii sadaa aa.e
rafiiqo kuchh to karo arz-e-haal kaa saamaa.n
kisii tarah to ko.ii dil-figaar le phuuTe
kisii tarah to fusuun-e-sukuut-e-shab TuuTe

Azhar Qadiri
Nazm

yaaden

jab bhii bichh.Dii hu.ii dillii kaa samaa.n yaad aayaa
bhuulii-bisrii hu.ii yaado.n kaa jahaa.n yaad aayaa
apne aaGaaz-e-javaanii kaa samaa.n yaad aayaa
kuucha-e-ruud-garaa.n laal ku.aa.n yaad aayaa
usii phaaTak me.n to guzraa thaa la.Dak-pan apnaa
ek ik tifl to ek ek javaa.n yaad aayaa
chaachaa kallan kii miThaa.ii kii duukaa.n yaad aa.ii
us ke uupar kisii mahvash kaa makaa.n yaad aayaa
haa.e vo nuqra.ii aavaaz vo tiikhe KHad-o-KHaal
pas-e-chilman vo nazaaro.n kaa jahaa.n yaad aayaa
kyaa na yaad aayaa Gariib-ul-vatanii me.n ham ko
ek ik vahm to ek ek gumaa.n yaad aayaa
aa.ii hamdard davaa-KHaane kii jab yaad hame.n
ek taabinda-o-paa.inda jahaa.n yaad aayaa
al-jam'iyyat ke qarii.n ho ke tasavvur jo chalaa
hifz-e-rahmaan saa ik mard-e-jahaa.n yaad aayaa
jis kii taqriir rag-o-pai me.n utar jaatii thii
sab se thaa jis kaa judaa tarz-e-bayaa.n yaad aayaa
kaale saahib kaa ahaata bhii nazar me.n ghuumaa
mahfil-e-she'r-o-suKHan kaa bhii samaa.n yaad aayaa
ballimaaraan se pahle galii qaasim-jaa.n me.n
'Gaalib'-e-KHasta kaa bosiida makaa.n yaad aayaa
vahii.n yaad aayaa davaa-KHaana-e-hindustaanii
KHaan ajmal saa masiihaa-e-zamaa.n yaad aayaa
kuucha-e-'daaG' se ho kar jo chalaa husn-e-KHayaal
shaa'ir-e-ahl-e-nazar ahl-e-zabaa.n yaad aayaa
chaa.ndnii chauk kii yaad aa.ii jo gahmaa-gahmii
vo hasii.n shaam kaa pur-kaif samaa.n yaad aayaa
kaale burqa'o.n me.n vo malbuus hasiinaa.o.n ke Gol
chaa.nd ke Tuk.Do.n kaa ik sail-e-ravaa.n yaad aayaa
ghanTa-ghar log samajhte the jise dillii kii naak
puurii dillii kaa vo tanhaa nigaraa.n yaad aayaa
ho ke favvaare se jaa poh.nchaa dariibe me.n KHayaal
sone chaa.ndii kii dukaano.n kaa jahaa.n yaad aayaa
jaame' masjid nazar aa.ii to udhar ko lapke
KHvaanche vaalo.n kaa andaaz-e-bayaa.n yaad aayaa
sii.Dhiyo.n par vo kaToro.n kii sadaa guu.nj uThii
pech khaataa hu.aa huqqe kaa dhu.aa.n yaad aayaa
jaame' masjid ke minaaro.n se jise dekhaa thaa
vo nazaara ki jo thaa raahat-e-jaa.n yaad aayaa
kaabako.n jaise makaanaat nazar me.n ghuume
ek ik foot kaa har ik piir-o-javaa.n yaad aayaa
ik uchaTtii sii nazar laal qila par bhii pa.Dii
dil pe dhachkaa saa lagaa shaah-jahaa.n yaad aayaa
urdu baazaar kii yaad aa.ii is andaaz ke saath
ki sahaafat kaa ko.ii bahr-e-ravaa.n yaad aayaa
aa ga.e yaad vahii.n 'saa.il'-o-'beKHud' 'kaifii'
'daaG' vaalo.n kaa phir andaaz-e-bayaa.n yaad aayaa
‘miir-mushtaaq' kii mardaana-ravii yaad aa.ii
KHidmat-e-KHalq kaa ik 'azm-e-javaa.n yaad aayaa
yaad aa.ii vahii.n maulaanaa samii'ullaah kii
jaise baa-himmat-o-paamard javaa.n yaad aayaa
shaa'iro.n kii jahaa.n rahtii thii nishast-o-barKHaast
'jigar'-e-KHasta ko dekhaa thaa kahaa.n yaad aayaa
'bismil'-o-'bedii'-o-'mahruum'-o-'vafaa'-o-'gulzaar'
majma'-e-shaa'ir-o-saahib-nazaraa.n yaad aayaa
chaav.Dii phir ga.ii aa.nkho.n me.n javaanii kii tarah
kuucha-haa-e-sanam-e-siim-tanaa.n yaad aayaa
yak-ba-yak scene jo badlaa to samaa.n yaad aayaa
dahshat-o-KHauf kaa ek sail-e-ravaa.n yaad aayaa
KHaak u.Dne lagii dillii ke galii kuucho.n me.n
mutafakkir saa har ik piir-o-javaa.n yaad aayaa
chho.D kar dillii ko jaane lage dillii vaale
ik hujuum-e-ba-lab-e-aah-o-fuGaa.n yaad aayaa
paa.o.n tak jin kaa na dekhaa thaa khule sar dekhaa
nauhagar qaafila-e-laala-ruKHaa.n yaad aayaa
qaafile dillii se jaane lage ban ban ke jahaa.n
maqbare kaa vo humaayuu.n ke samaa.n yaad aayaa
thaa qayaamat kaa vo manzar ki thii nafsii-nafsii
haal par apne falak girya-kunaa.n yaad aayaa
yaa'nii barsaat ye kahtii thii ki barsuu.n barsuu.n
kitnaa us daur me.n allaah miyaa.n yaad aayaa
aur ik parda uThaa aur samaa.n yaad aayaa
aur ik manzar-e-dil-doz vahaa.n yaad aayaa
Gadr kii khi.nch ga.ii aa.nkho.n me.n mukammal tasviir
'zafar'-e-soKHta-tan soKHta-jaa.n yaad aayaa
shaahzaado.n ke jo sar pesh-e-'zafar' yaad aa.e
apnaa Gam bhuul ga.e jab vo samaa.n yaad aayaa
tere KHurshiid tire chaa.nd sitaare dillii
chhuuT kar tujh se muhaajir hai.n bichaare dillii
be-vatan ho ke tire raaj-dulaare dillii
jii rahe hai.n tirii yaado.n ke sahaare dillii

Kamil Chandpuri
Nazm

eid

jahaa.n me.n chaar taraf chiiKH hai karaahe hai.n
sitam-rasiida dilo.n se nikaltii aahe.n hai.n
hai shor-e-naala-o-aah-o-buka chahaar taraf
kahaa.n kii eid hai maatam bapaa chahaar taraf
manaa.e kaise ko.ii eid har taraf Gam hai
manaa.e kaise ko.ii eid aa.nkh pur-nam hai
sunaa.e kaise ko.ii giit saaz TuuT ga.e
jagaa.e kaise ko.ii aas apne chhuuT ga.e

Shifa Kajgavnwi
Nazm

online aashiq

ishq kaa naam faqat aah-o-fuGaa.n thaa pahle
Daak-KHaane me.n ye aaraam kahaa.n thaa pahle

Khalid Irfan
Nazm

bebasi

ek ik jumbish-e-lab aah-o-fuGaa.n kaa paiGaam
ye saraabo.n ke pujaarii ye Gulaamo.n ke Gulaam
majlis-e-jaur-o-jafaa kaargah-e-daana-o-daam
haa.e ye terii KHudaa.ii kaa jahaa.n-soz nizaam
hai.n yahaa.n kitne ujaalo.n pe dhu.ndalko.n ke Gilaaf
dahr hai yaa ko.ii tasviir siyah-KHaane kii

Afsar Seemabi Ahmad Nagari
Nazm

aah be-tasir

abhii ham aah-e-be-taasiir kii taasiir dekhe.nge
abhii taqdiir se uljhii hu.ii tadbiir dekhe.nge
bahut dushvaar hai daaman chhu.Daa kar yuu.n nikal jaanaa
qayaamat tak vo merii KHaak daaman-giir dekhe.nge
tire gesuu ke saudaa.ii tirii zulfo.n ke diivaane
sahar tak KHvaab me.n u.Dtii hu.ii zanjiir dekhe.nge
hamaare saamne tum ho tumhaare saamne ham hai.n
na dekhii thii na dekhii hai na ye tasviir dekhe.nge
hamaarii KHaak u.D kar aastaan-e-yaar tak pahu.nche
kabhii aisii bhii gardish gardish-e-taqdiir dekhe.nge
agar fursat milii ham ko zamaane kii kashaakash se
tujhe bhii ek din ai aah-e-pur-taasiir dekhe.nge

Sakeena Mahmood
Nazm

aah-e-na-tamam

shaam-e-Gam uf zindagii thii merii ghabraa.ii hu.ii
merii hastii par fazaa-e-yaas thii chhaa.ii hu.ii
ba.Dh rahii thii ek bechainii dil-e-naashaad me.n
bah rahe the ashk aa.nkho.n se kisii kii yaad me.n
yaad aataa thaa ko.ii rah rah ke mujh ko baar-baar
ho rahe the jis se ruKHsat hijr me.n sabr-o-qaraar
merii haalat ko.ii us dam dekhne vaalaa na thaa
charKH par bikhre hu.e afsurda taaro.n ke sivaa
yaad aataa jaa rahaa thaa mujh ko ko.ii zar-nigaar
jis pe hotii hai tasadduq sehn-e-gulshan kii bahaar
lamha lamha mai.n liye jaataa thaa us ke naam ko
jis se hotii thii tasallii is dil-e-naakaam ko
kyaa kahuu.n 'shaahid' kisii se thii ye aisii Gam kii shaam
dil me.n soz-e-naa-mukammal lab pe aah-e-naa-tamaam

Shahid Sagri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now