Search result for "mulko.n" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "mulko.n"

Nazm MATCHES FOR "mulko.n"

Nazm

parchhaiyan

maGrib ke mohazzab mulko.n se kuchh KHaakii-vardii-posh aa.e
iThlaate hu.e maGruur aa.e lahraate hu.e mad.hosh aa.e

Sahir Ludhianvi

Nazm

banjara-nama

har manzil me.n ab saath tire ye jitnaa Deraa-Daa.nDaa hai
zar daam-diram kaa bhaa.nDaa hai banduuq sipar aur khaa.nDaa hai
jab naayak tan kaa nikal gayaa jo mulko.n mulko.n haa.nDaa hai
phir haa.nDaa hai na bhaa.nDaa hai na halvaa hai na maa.nDaa hai
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi

Nazm

us aangan ka chand

'inshaa' jii in chaahne vaalii dekhne vaalii aa.nkho.n ne
mulko.n mulko.n shahro.n shahro.n kaisaa kaisaa dekhaa chaa.nd

Ibn۔e۔Insha

Nazm

aaKHiri lamha

magar mai.n aaj bahut duur jaane vaalaa huu.n
bas aur chand nafas ko tumhaare paas huu.n mai.n
tumhe.n jo paa ke KHushii hai tum us KHushii pe na jaa.o
tumhe.n ye ilm nahii.n kis qadar udaas huu.n mai.n
kyaa tum ko KHabar is duniyaa kii kyaa tum ko pata is duniyaa kaa
ma.asuum dilo.n ko dukh denaa sheva hai is duniyaa kaa
Gam apnaa nahii.n Gam is kaa hai kal jaane tumhaaraa kyaa hogaa
parvaan cha.Dhogii tum kaise jiine kaa sahaaraa kyaa hogaa
aa.o ki tarastii baa.nho.n me.n ik baar to tum ko bhar luu.n mai.n
kal tum jo ba.Dii ho jaa.ogii jab tum ko shu.uur aa jaa.egaa
kitne hii savaalo.n kaa dhaaraa ehsaas se Takraa jaa.egaa
sochogii ki duniyaa tabqo.n me.n taqsiim hai kyuu.n ye pher hai kyaa
insaan kaa insaa.n bairii hai ye zulm hai kyaa andher hai kyaa
ye nasl hai kyaa ye zaat hai kyaa ye nafrat kii ta.aliim hai kyuu.n
daulat to bahut hai mulko.n me.n daulat kii magar taqsiim hai kyuu.n
taariiKH bataa.egii tum ko insaa.n se kahaa.n par bhuul hu.ii
sarmaa.e ke haatho.n logo.n kii kis tarah mohabbat dhuul hu.ii
sadiyo.n se baraabar mehnat-kash haalaat se la.Dte aa.e hai.n
chhaa.ii hai jo ab tak dhartii par us raat se la.Dte aa.e hai.n
duniyaa se abhii tak miT na sakaa par raaj ijaara-daarii kaa
Gurbat hai vahii aflaas vahii ronaa hai vahii bekaarii kaa
mehnat kii abhii tak qadr nahii.n mehnat kaa abhii tak mol nahii.n
Dhuu.nDe nahii.n miltii.n vo aa.nkhe.n jo aa.nkhe.n ho kashkol nahii.n
sochaa thaa ki kal is dhartii par ik rang nayaa chhaa jaa.egaa
insaan hazaar barso.n kii mehnat kaa samar paa jaa.egaa
jiine kaa baraabar haq sab ko jab miltaa vo pal aa na sakaa
jis kal kii KHaatir jiite-jii marte rahe vo kal aa na sakaa
lekin ye la.Daa.ii KHatm nahii.n ye ja.ng na hogii band kabhii
sau zaKHm bhii khaa kar maidaa.n se haTte nahii.n jur.at-ma.nd kabhii

Jan Nisar Akhtar

Nazm

kali diwar

kal washington shahr kii ham ne sair bahut kii yaar
guu.nj rahii thii sab duniyaa me.n jis kii jai-jai-kaar
mulko.n mulko.n ham ghuume the banjaaro.n kii misl
lekin is kii saj-dhaj sach-much dil-daaro.n kii misl
raushniyo.n ke rang bahe.n yuu.n rasta nazar na aa.e
man kii aa.nkho.n vaalaa bhii yaa.n andhaa ho ho jaa.e
uu.nche baam charaaGaa.n raste ruup-bhare baazaar
jaagtii aa.nkho.n se dekhaa hai KHvaabo.n kaa sansaar
ek safed imaarat jis kii nagar nagar me.n dhuum
andar duniyaa bhar kii kaalak baahar se ma.asuum
yahii safed imaarat jis me.n bahut ba.Dii sarkaar
yahii.n kare.n saudaagar chhoTii qaumo.n kaa bevpaar
yahii.n pe jaaduu-gar baiThaa jab kahii.n kii Dor hilaa.e
har bastii nagasaki hiroshima ban jaa.e
isii imaarat se kuchh duur hii ik kaalii diivaar
logo.n kaa mela aisaa lagaa thaa jaise ko.ii tyauhaar
is kaalii diivaar pe kanda dekhe hazaaro.n naam
un naamo.n ke biich likhaa thaa shohdaa-e-vietnam
aas-paas to jam.a hu.aa thaa KHilqat kaa amboh
sab kii aa.nkho.n me.n sannaaTaa chehro.n par andoh
bekal bahne.n ghaayal maa.e.n aur dukhii bevaaye.n
saajan tum kis des sidhaare soche.n mahbuubaa.e.n
apne pyaaro.n dil-daaro.n kaa ojhal mukh.Daa Dhuu.nDe.n
is kaalii diivaar pe un ke naam kaa Tuk.Daa Dhuu.nDe.n
dilo.n me.n dukh aa.nkho.n me.n shabnam haatho.n me.n phuul uThaa.e
is naamo.n ke qabristaan kaa bhed ko.ii kyaa paa.e
naa turbat naa katba ko.ii naa haDDii naa maas
phir bhii paagal nainaa.n ko thii piyaa milan kii aas
kahii.n kahii.n is kaalii sil par ko.ii safed gulaab
yuu.n be-taab pa.Daa thaa jaise andhii aa.nkh kaa KHvaab
kaa.nTaa ban kar sabhii ke dil me.n khaTke ek savaal
kis kaaran miTTii me.n milaa.e hiiro.n jaise laal
Ho-chi-minh ke des me.n ham ne kyaa kyaa sitam na Dhaa.e
us ke jiyaale to aazaadii kaa suuraj le aa.e
lekin itne chaa.nd ga.nvaa kar ham ne bhalaa kyaa paayaa
ham bad-qismat aise jin ko dhuup milii naa saayaa
mukh motii de kar haasil kii ye kaalii diivaar
ye kaalii diivaar jo hai bas ik KHaalii diivaar
ye kaalii diivaar jo hai naamo.n kaa qabristaan
washington ke shahr me.n dafn hai.n kis kis ke armaan

Ahmad Faraz

Nazm

nazm bahut aasan thi pahle

ab sab manzar
badal chuke hai.n
chhoTe chhoTe chauraaho.n se
chau.De raste nikal chuke hai.n
na.e na.e baazaar
puraane galii mohalle nigal chuke hai.n
nazm se mujh tak
ab koso.n lambii duurii hai
in koso.n lambii duurii me.n
kahii.n achaanak
bam phaTte hai.n
kokh me.n maa.o.n ke
sote bachche kaTte hai.n
maz.hab aur siyaasat
dono.n
na.e na.e naare raTte hai.n
bahut se shahro.n
bahut se mulko.n se
ab chal kar
nazm mire ghar jab aatii hai
itnii ziyaada thak jaatii hai
mere likhne kii Table par
KHaalii kaaGaz ko
KHaalii hii chho.D ke ruKHsat ho jaatii hai
aur kisii footpath pe jaa kar
shahr ke sab se buu.Dhe shahrii kii
palko.n par!
aa.nsuu ban kar so jaatii hai

Nida Fazli

Nazm

yakum may

ba.az aise the jo sarmaa.e ke Thekedaar the
kahte the mazduur ko KHar aur KHud KHar-kaar the
chor-baazaarii kii ja.D the aur ba.De baT-maar the
naf.a-KHorii ke sivaa har kaam se bezaar the
ab halaq me.n un ke jo khaayaa aTak kar jaa.egaa
Gair-mulko.n me.n na sarmaaya bhaTak kar jaa.egaa

Syed Mohammad Jafri

Nazm

ilm ki zarurat

jahaa.n me.n har taraf hai ilm hii kii garm-baazaarii
zamii.n se aasmaa.n tak bas isii kaa faiz hai jaarii
yahii sar-chashma-e-aslii hai tahziib-o-tamaddun kaa
baGair is ke bashar honaa bhii hai ik saKHt biimaarii
banaataa hai yahii insaan ko kaamil-tariin insaa.n
sikhaataa hai yahii aKHlaaq o iisaar o ravaa-daarii
yahii qaumo.n ko pahu.nchaataa hai baam-e-auj-o-rif.at par
yahii mulko.n ke andar phuu.nktaa hai ruuh-e-bedaarii
isii ke naam kaa chaltaa hai sikka saare aalam me.n
isii ke sar pe rahtaa hai hamesha taaj-e-sardaarii
isii ke sab karishme ye nazar aate hai.n duniyaa me.n
isii ke dam se raunaq aalam-e-imkaa.n kii hai saarii
ye laa-silkii, ye telephone ye raile.n, ye tayyaare
ye zer-e-aab o baalaa-e-falak insaa.n kii tarraarii
huduud-e-istavaa qutbain se yuu.n ho ga.e mudGam
ki hai ab rub.a masko.n jaise ghar kii chaar-diivaarii
samundar ho ga.e paayaab sahraa bin ga.e gulshan
kiyaa science ne bhii e.ataraaf-e-ijz-o-naachaarii
buKHaar o barq kaa jarraar lashkar hai ab aamaada
ugalvaa le zamiin o aasmaa.n kii daulate.n saarii
Garaz chaaro.n taraf ab ilm hii kii baadshaahii hai
ki us ke baazuu.o.n me.n quvvat-e-dast-e-ilaahii hai
nigaah-e-Gaur se dekho agar haalaat-e-insaanii
to ho saktaa hai hal ye uqda-e-mushkil ba-aasaanii
vahii qaume.n taraqqii ke madaarij par hai.n faa.eq-tar
ki hai jin me.n tamaddun aur siyaasat kii faraavaanii
isii ke zo.am me.n hai germany charKH-e-tafaaKHur par
isii ke zor par mirriiKH kaa ham-sar hai jaapaanii
isii kii quvvat-e-baazuu pe hai maGruur america
isii ke bil par la.Dkii ho rahii hai rustam-e-saanii
ishaare par isii ke naql-o-harakat hai sab italy kii
isii ke taaba-e-farmaan hai.n ruusii o iiraanii
isii ke jumbish-e-abruu pe hai england kaa Garra
isii ke hai.n sab aavurde francisi o albaanii
ko.ii mulk ab nahii.n jin me.n ye jauhar ho na raKHshanda
na Gaafil is se chiinii hai.n na shaamii hai.n na afGaanii
baGair is ke jo rahnaa chaahte hai.n is zamaane me.n
samajh rakkhe.n fanaa un ke liye hai hukm-e-rabbaanii
zamaana phe.nk degaa KHud unhe.n qa.ar-e-halaakat me.n
vo apne haath se ho.nge KHud apnii qabr ke baanii
zamaane me.n jise ho saahib-e-fat.h-o-zafar honaa
zaruurii hai use ilm-o-hunar se bahra-var honaa
taraqqii kii khulii hai.n shaahraahe.n dahr me.n har suu
nazar aataa hai tahziib-o-tamaddun se jahaa.n mamluu
chale jaate hai.n u.Dte shahsavaaraan-e-falak-paimaa
KHiraaj-e-tahniyat lete hu.e karte hu.e jaaduu
guzarte jaa rahe hai.n duusro.n ko chho.Dte piichhe
kabhii hotaa hai sahraa mustaqar un kaa kabhii Taapu
kamar baa.ndhe hu.e din raat chalne par hai.n aamaada
dimaaG afkaar se aur dil vufuur-e-shauq se maluul
alag rah kar KHayaal-e-zahmat o ehsaas-e-raahat se
lage hai.n apnii apnii fikr me.n baa-KHaatir-e-yaksuu
magar ham hai.n ki aslan his nahii.n ham ko ko.ii is kii
hamaare paa-e-himmat in maraahil me.n hai.n be-qaabuu
jahaa.n pahlaa qadam rakkhaa thaa roz-e-avvalii.n ham ne
nahii.n sarke is apne aslii markaz se ba-qadr-e-muu
ye haalat hai ki ham par band hai har ek darvaaza
nazar aataa nahii.n hargiz ko.ii ummiid kaa pahluu
magar vaa-hasrataa phir bhii ham apne zo.am-e-baatil me.n
samajhte hai.n zamaane bhar se aage KHud ko manzil me.n
zaruurat hai ki ham me.n raushnii ho ilm kii paidaa
nazar aa.e hame.n bhii taaki asl-e-haalat-e-duniyaa
hame.n ma.aluum ho haalaat ab kyaa hai.n zamaane ke
hamaare saath kaa jo qaafila thaa vo kahaa.n pahu.nchaa
jo pastii me.n the ab vo jalva-gar hai.n baam-e-rif.at par
jo baalak be-nishaa.n the aaj hai in kaa alam barpaa
hamaarii KHuubiyaa.n sab duusro.n ne chhiin lii.n ham se
zamaane ne hame.n itnaa jhi.njho.Daa kar diyaa na.ngaa
ravaa-daarii, uKHuvvat, dostii, iisaar, hamdardii
KHayaal-e-mulk-o-millat dard-e-qaum, andesha-e-fardaa
ye sab jauhar hamaare the kabhii ai vaa.e-mahruumii
bane hai.n KHuubii-e-qismat se jo ab Gair kaa hissaa
agar ho jaa.e.n raaGib ab bhii ham ta.aliim kii jaanib
to kar sakte hai.n ab bhii mulk me.n ham zindagii paidaa
bahut kuchh vaqt ham ne kho diyaa hai lekin is par bhii
agar chaahe.n to kar de.n pesh-rau ko apne ham paspaa
nikammaa kar diyaa hai kaahilii ne go hame.n lekin
rago.n me.n hai hamaarii KHuun abhii tak dau.Dtaa phirtaa
ko.ii maKHfii haraarat gar hamaare dil ko garmaa de
hamaare jism me.n phir zindagii kii ruuh dau.Daa de
vatan vaalo bahut Gaafil rahe ab hosh me.n aa.o
uTho be-daar ho aql-o-KHirad ko kaam me.n laa.o
tumhaare qaum ke bachcho.n me.n hai ta.aliim kaa fuqdaa.n
ye gutthii saKHt pechiida hai is ko jald suljhaa.o
yahii bachche bil-aaKHir tum sabho.n ke jaa-nashii.n ho.nge
tum apne saamne jaisaa unhe.n chaaho banaa jaa.o
bahut hii ra.nj-dah ho jaa.egii us vaqt kii Gaflat
kahii.n aisaa na ho mauqa.a nikal jaane pe pachhtaa.o
ye hai kaar-e-aham do chaar is ko kar nahii.n sakte
KHudaa-raa tum bhii apne farz kaa ehsaas farmaa.o
ye bojh aisaa nahii.n jis ko uThaa le.n chaar chhe mil kar
sahaaraa do, sahaaraa duusro.n se is me.n dilvaa.o
jo zii-ehsaas hai.n haasil karo tum KHidmate.n un kii
jo zii-parvaa hai.n un ko jis tarah ho us taraf laa.o
Garaz jaise bhii ho jis shakl se bhii ho ye laazim hai
tum apne qaum ke bachcho.n ko ab ta.aliim dilvaa.o
agar tum musta.iddii ko banaa loge shi.aar apnaa
yaqii.n jaano ki mustaqbil hai behad shaandaar apnaa
KHudaavandaa! du.aa.o.n me.n hamaarii ho asar paidaa
shab-e-Gaflat hamaarii phir kare nuur-e-sahar paidaa
hamaare saare KHvaabiida qavaa be-daar ho jaa.e.n
sar-e-nau ho phir in me.n zindagii kii karr-o-farr paidaa
hame.n ehsaas ho ham kaun the aur aaj ham kyaa hai.n
kare.n maahaul-e-mulkii ke liye gahrii nazar paidaa
milaa rakkhaa hai apne jauhar-e-kaamil ko miTTii me.n
ham ab bhii KHaak se kar sakte hai.n la.al-o-guhar paidaa
agar chaahe.n to ham mushkil vatan kii dam me.n hal kar de.n
hazaaro.n suurate.n kar sakte hai.n ham kaargar paidaa
ba-zaahir go ham ik tuuda hai.n bilkul raakh kaa lekin
agar chaahe.n to KHaakistar se kar de.n sau sharar paidaa
vatan kaa nakbat o aflaas kho de.n ham ishaare me.n
jahaa.n Thokar lagaa de.n ho vahii.n se kaan-e-zar paidaa
ham is manzil ke aaKHir par pahu.nch kar bil-yaqii.n dam le.n
agar kuchh taaza-dam ho jaa.e.n apne ham-safar paidaa
jo koshish muttahid ho kar kahii.n ik baar ho jaa.e
yaqii.n hai mulk kii qismat kaa be.Daa paar ho jaa.e

Ahmaq Phaphoondvi

Nazm

hum

vo der se intizaar-gah me.n
har aane vaale ko nazro.n nazro.n me.n naaptii thii
libaas kii shoKHii-o-jasaarat
si.nghaar kii jiddat-o-mahaarat ke baavajuud
is kaa gosha-e-chashm umr kii chuGlii khaa rahaa thaa
nigaah nau-vaarid ajnabii par pa.Dii to is tarah muskuraa dii
ki jaise us kii hii muntazir thii
uThii qariib aa.ii aur bolii
mai.n ek muddat se KHidmat-e-KHalq kar rahii huu.n
dukhe dilo.n kaa ilaaj kartii huu.n
ra.ng aur raushnii ke shahro.n me.n
shaam-e-tanhaa.ii kii dil afsurdagii se vaaqif huu.n
aap akele hai.n to ko.ii intizaam kar duu.n
yahaa.n se mai.n duur duur mulko.n ko
har tabii.at ke gaahako.n kii pasand kaa maal bhejtii huu.n
vafaa mohabbat puraanii baate.n hai.n ab inhe.n kaun puuchhtaa hai
ba.De ba.De uu.nche uu.nche logo.n se raat din meraa vaasta hai
ye saahibaan-e-vaqaar-o-naKHvat
KHariidnaa aur bechnaa KHuub jaante hai.n
ye daam dete hai.n aur raahat KHariidte hai.n
bajaa hai ye bhii ki be-baso.n kii anaa-o-izzat KHariidte hai.n
magar jab aate hai.n bechne par
to be-takalluf zamiir tak apnaa bech dete hai.n
jaah-o-sarvat kii manDiyo.n me.n
mai.n kah rahii thii ki aap chaahe.n to
aaj kii raat kaa ko.ii intizaam kar duu.n

Zia Jalandhari

Nazm

hathon ka tarana

in haatho.n kii taaziim karo
in haatho.n kii takriim karo
duniyaa ke chalaane vaale hai.n
in haatho.n ko tasliim karo
taariiKH ke aur mashiino.n ke pahiyo.n kii ravaanii in se hai
tahziib kii aur tamaddun kii bharpuur javaanii in se hai
duniyaa kaa fasaana in se hai, insaa.n kii kahaanii in se hai
in haatho.n kii taaziim karo
sadiyo.n se guzar kar aa.e hai.n, ye nek aur bad ko jaante hai.n
ye dost hai.n saare aalam ke, par dushman ko pahchaante hai.n
KHud shaktii kaa autaar hai.n, ye kab Gair kii shaktii maante hai.n
in haatho.n ko taaziim karo
ek zaKHm hamaare haatho.n ke, ye phuul jo hai.n gul-daano.n me.n
suukhe hu.e pyaase chulluu the, jo jaam hai.n ab mai-KHaano.n me.n
TuuTii hu.ii sau a.ng.Daa.iyo.n kii mehraabe.n hai.n aivaano.n me.n
in haatho.n kii taaziim karo
raaho.n kii sunahrii raushniyaa.n, bijlii ke jo phaile daaman me.n
faanuus hasii.n aivaano.n ke, jo rang-o-nuur ke KHirman me.n
ye haath hamaare jalte hai.n, ye haath hamaare raushan hai.n
in haatho.n kii taaziim karo
KHaamosh hai.n ye KHaamoshii se, so barbat-o-cha.ng banaate hai.n
taaro.n me.n raag sulaate hai.n, tablo.n me.n bol chhupaate hai.n
jab saaz me.n jumbish hotii hai, tab haath hamaare gaate hai.n
in haatho.n kii taaziim karo
e.ajaaz hai ye in haatho.n kaa, resham ko chhu.e.n to aa.nchal hai
patthar ko chhu.e.n to but kar de.n, kaalakh ko chhu.e.n to kaajal hai
miTTii ko chhu.e.n to sonaa hai, chaa.ndii ko chhu.e.n to paayal hai
in haatho.n kii taaziim karo
bahtii hu.ii bijlii kii lahre.n, simTe hu.e gangaa ke dhaare
dhartii ke muqaddar ke maalik, mehnat ke ufuq ke sayyaare
ye chaaragaraan-e-dard-e-jahaa.n, sadiyo.n se magar KHud bechaare
in haatho.n kii taaziim karo
taKHliiq ye soz-e-mehnat kii, aur fitrat ke shahkaar bhii hai.n
maidaan-e-amal me.n lekin KHud, ye KHaaliq bhii me.amaar bhii hai.n
phuulo.n se bharii ye shaaKH bhii hai.n aur chaltii hu.ii talvaar bhii hai.n
in haatho.n kii taaziim karo
ye haath na huu.n to mohmal sab, tahriire.n aur taqriire.n hai.n
ye haath na ho.n to be-ma.anii insaano.n kii taqriire.n hai.n
sab hikmat-o-daanish ilm-o-hunar in haatho.n kii tafsiire.n hai.n
in haatho.n kii ta.aziim karo
ye kitne subuk aur naazuk hai.n, ye kitne siDaul aur achchhe hai.n
chaalaakii me.n ustaad hai.n ye aur bhole-pan me.n bachche hai.n
is jhuuT kii gandii duniyaa me.n bas haath hamaare sachche hai.n
in haatho.n kii taaziim karo
ye sarhad sarhad ju.Dte hai.n aur mulko.n mulko.n jaate hai.n
baa.nho.n me.n baa.nhe.n Daalte hai.n aur dil se dil ko milaate hai.n
phir zulm-o-sitam ke pairo.n kii zanjiir-e-giraa.n ban jaate hai.n
in haatho.n kii ta.aziim karo
ta.amiir to in kii fitrat hai, ik aur na.ii ta.amiir sahii
ik aur na.ii tadbiir sahii, ik aur na.ii taqdiir sahii
ik shoKH o hasii.n KHvaab aur sahii ik shoKH o hasii.n ta.abiir sahii
in haatho.n kii ta.aziim karo
in haatho.n kii takriim karo
duniyaa ko chalaane vaale hai.n
in haatho.n ko tasliim karo

Ali Sardar Jafri

Nazm

hujum-e-girya

hame.n bhii ro le hujuum-e-girya ki phir na aa.e.nge Gam ke mausam
hame.n bhii ro le ki ham vahii hai.n
jo aaftaabo.n kii bastiyo.n se suraaG laa.e the un savero.n kaa jin ko shabnam ke pahle qatro.n ne Gusl baKHshaa
safed ra.ngo.n se nuur-e-ma.anii nikaal lete the aur chaa.ndii ujaalte the
shafaq pe Thahre sunahre baadal se zard sone ko Dhaalte the
KHunuk havaa.o.n me.n KHushbu.o.n ko milaa ke un ko u.Daane vaale
sabaa kii parto.n pe sher likh kar adam kii shakle.n banaane vaale
dimaaG rakhte the lafz o ma.anii kaa aur dast-e-hunar ke maalik
vaqaar-e-nuur-e-charaaG ham the
hame.n bhii ro le hujuum-e-girya
hame.n bhii ro le ki ham vahii hai.n
jo tez aa.ndhii me.n saaf chehro.n ko dekh lete the aur saa.nso.n ko bhaa.npte the
falak-nashiino.n se guftuguu.e.n thii.n aur pariyo.n se khelte the
kariim logo.n kii sohbato.n me.n kushaada kuu-e-saKHaa ko dekhaa
kabhii na rokaa thaa ham ko suuraj ke chobdaaro.n ne qasr-e-baizaa ke daaKHle se
vahii to ham hai.n
vahii to ham hai.n jo luT chuke hai.n hafiiz raaho.n pe luTne vaale
usii falak kii siyah-zamii.n par jahaa.n pe larzaa.n hai.n shor-e-naala se aadilo.n kii sunahrii ka.Diyaa.n
hame.n bhii ro le hujuum-e-girya
hame.n bhii ro le ki in dino.n me.n hamaarii pushto.n pe baar hotaa hai zaKHm-e-taaza ke surKH phuulo.n kaa aur gardan me.n sard aahan kii kohna la.Diyaa.n
hamaarii zid me.n safed naaKHun qalam banaane me.n dast-e-qaatil kaa saath dete hai.n aur neze uchhaalte hai.n
havaa kii lahro.n ne reg-e-sahraa kii tez dhaaro.n se rishte jo.De
shariir haatho.n se ka.nkaro.n kii siyaah baarish ke raabte hai.n
hamaarii zid me.n hii mulko.n mulko.n ke shahryaaro.n ne ahd baa.ndhe
yahii ki ham ko dhu.e.n se baa.ndhe.n aur ab dhu.e.n se ba.ndhe hu.e hai.n
so ham pe rone ke nauha karne ke din yahii hai.n hujuum-e-girya
ki musta.id hai.n hamaare maatam ko gahre saayo.n kii sard shaame.n
KHizaa.n-rasiida taviil shaame.n
hame.n bhii ro le hujuum-e-girya ki phir na aa.e.nge Gam ke mausam

Ali Akbar Natiq

Nazm

restaurant

ik la.Dkii aur tiin javaan aa.e hai.n kase-kasaa.e
saa.nvle ruup ko gore mulko.n kaa bahruup banaa.e
baato.n me.n naKHvat baaGo.n kii vahshat sahraa.o.n kii
aa.nkho.n ke chuulho.n me.n bharii hai raakh tamannaa.o.n kii

Ahmad Nadeem Qasmi

Nazm

muqabla

zamiin-e-vietnam
mai.n bhii ik sar-zamii.n kaa baasii huu.n
jo abhii tak mirii hai
kal kaa pata nahii.n hai ki mere paa.nv mirii zamiin par phisal rahe hai.n
ko.ii ba.De zor-daar haatho.n se
duur baiThaa
zamiin kaa palluu paka.D ke apnii taraf use khii.nchtaa hii jaataa hai
mai.n khi.nchaa jaa rahaa huu palluu samet
Thahruu.n to mere paa.nv phisal rahe hai.n
mai.n duusrii samt mu.nh agar kar ke bhaag nikluu.n
zamiin khi.nch jaa.e paa.nv se to KHalaa me.n girne kaa Dar hai mujh ko
zamiin-vietnam
is se pahle ki mere pairo.n tale se merii zamiin khi.nch jaa.e
aaj tujh se muqaabla apnaa kar rahaa huu.n
ki mujh me.n tujh me.n jo mushtarak qadar hai vo ja.ngii sa.uubate.n hai.n
miraa bhii dushman vahii hai jo tujh se la.D rahaa hai
tirii zamiin par bhii ja.ng jaarii
mirii zamii.n par bhii ja.ng jaarii
agar ko.ii farq hai to ye hai ki apne dushman ke saamne tuu bahaadurii se Dataa hu.aa hai
mai.n jhuk gayaa huu.n
yahaa.n zaraa muKHtalif hai suurat
ki meraa dushman Dataa hu.aa hai
mai.n sar bhii apnaa jhukaa chukaa huu.n
mai.n us kii minnat bhii kar chukaa huu.n
magar vo be-rahm maare hii jaa rahaa hai
kisii tarah maantaa nahii.n hai
bas apnii manvaa.e jaa rahaa hai
zamiin-vietnam
tuu ne itne baras ga.nvaa.e
karo.Do.n afraad apne marvaa.e
tuu ne minnat hii kii na saudaa kiyaa na faujo.n kaa sar jhukaayaa
ajab ki tuu ne rago.n me.n KHuun kii bajaa.e baaruud bhar liyaa hai
tuu baavlii hai
ye dekh baarah karo.D ke chand maaliko.n kaa bhii kaar-naama
unhe.n bhii ik ja.ng aa pa.Dii thii
unho.n ne sola dino.n me.n vo kar diyaa jo sadiyo.n me.n bhii na hotaa
jhukaa diye apne laakh faujii
miTaa diye apne laakh faujii
miTaa diye apne nisf jhag.De
kaTaa diyaa apnaa nisf naqsha
jo nisf baaqii thaa aur sola dino.n kaa jhag.Daa thaa gar ye rahtaa
kyuu.n na hotaa
ki har ba.Dii qaum kaam aise kiyaa hii kartii hai jo ki taariiKH ke liye baab kholte hai.n
ye kaar-naama
ye sirf taariiKH kaa nahii.n hai
ye kaar-naama to hai juGraafiya bhii jis ne badal diyaa hai
bahut ba.Dii qaum kaa ye kartab hai
qaum su.ii banaanaa apne liye jo tuu jaantii nahii.n hai
ye qaum baaruud jis kii KHaatir ba.De mamaalik banaa rahe hai.n
bahut ba.Dii qaum hai bahut hii
jahaaz ke kaar-KHaane bairuun-e-mulk jis ke bane hu.e hai.n
vo jis kii KHaatir ki buke impala ford order pe ban rahii hai
mashiin engine milo.n kaa saamaan kaar-KHaane ke saare auzaar
radio telephone television tracktor machine-gun top
Garaz ek ek shai us kii us ke kamii KHud apne mulko.n me.n us kii KHaatir banaa rahe hai.n
bahut ba.Dii qaum hai ki us ke ba.De gharo.n me.n to sar kaa shave bhii
tan ke kap.De bhii aur juute bhii us ke baahar se aa rahe hai.n
zamiin-vietnam
terii maa.e.n to apne bachche ke qad ko dekhtii hai.n ki us kii lambaa.ii car se to ba.Dii nahii.n hai
zamiin-vietnam
beTiyaa.n terii apne shaano.n pe apne shero.n kaa bojh le kar paa.nv kii suurat hai.n iistaada
magar yahaa.n beTiyaa.n nahii.n hai.n
yahaa.n to tohfe hai.n
jo ki baahar se aa.e saudaagaro.n kii KHaatir tavaazo.a karne ke vaaste kar rahe hai.n
zamiin-vietnam
tere beTe to tere vaaris tire muhaafiz hai.n
fauj vo ban rahe hai.n terii ki tujh pe jaane.n nisaar kar de.n
zamiin-vietnam
tere beTe to tere vaaris tire muhaafiz hai.n
fauj vo ban rahe hai.n terii ki tujh pe jaane.n nisaar kar de.n
yahaa.n pe beTii nahii.n to beTe bhii is zamii.n ne nahii.n jane hai.n
yahaa.n to tanKHvaah kii zaruurat hai fauj me.n ho ki mauj me.n ho
zamiin-vietnam
teraa aadam kahaa.n se aayaa thaa
beTiyaa.n terii kaun sii be-misaal havvaa kii beTiyaa.n hai.n
zamiin-e-vietnam terii miTTii kahaa.n kii hai jo ki
tere dushman ne chaa.nd tasKHiir kar liyaa par na tujh ko jiitaa
tiraa KHudaa kaun saa KHudaa hai
mire KHudaa kaa salaam us ko
magar mire vietnam jo farq tujh me.n mujh me.n hai aur tho.Daa saa duur kar duu.n
tirii la.Daa.ii to sirf dushman se hai ki jo tere saamne hai
mirii la.Daa.ii hai dushmano.n se jo saamne ho ke bhii mire saamne nahii.n hai.n
mai.n dushmano.n se bhii la.D rahaa huu.n
me.n dosto.n se bhii la.D rahaa huu.n jo dostii kaa libaas pahne
mirii la.Daa.ii a.Dosiyo.n se pa.Dosiyo.n se
mirii la.Daa.ii hai apne ghar me.n
mirii la.Daa.ii samundaro.n ke udhar bhii qaa.em
mirii la.Daa.ii hai jism se bhii
mirii la.Daa.ii hai zehn se bhii
mirii la.Daa.ii to saamraajii nizaam se hai
jahaa.n jahaa.n saamraaj hai mai.n vahaa.n vahaa.n par Dataa hu.aa huu.n
mai.n apnii Gurbat se apnii mazluumiyat se aagaah ho chukaa huu.n
mirii ye Gurbat ye merii mazluumiyat hii quvvat hai
vo sipaahii nahii.n hai meraa jo apne helmate ke bojh se sar jhukaa chukaa hai
jo sirf tanKHvaah ke liye meraa sher jarnail ban gayaa hai
meraa ye qallaash meraa be-kaar meraa mazduur vo sipaahii hai
jo mirii fauj ban rahaa hai
zamiin ke palluu ko apnii is taaza fauj kii be-panaah quvvat se thaam kar
ab mai.n apnii jaanib ghasiiT luu.ngaa
ghasiiT luu.ngaa mai.n un ko bhii vo jo duusrii samt apne aahan ke haath le kar
mirii zamiin apnii samt laalach se khii.nchte hai.n
zamiin-e-vietnam gar tirii sar-zamii.n pe baaruud kii tahe.n bichh ga.ii hai.n to us zamii.n
ke kheto.n me.n bhii faqat goliyaa.n uge.ngii
yahaa.n bhii pe.Do.n ko ab phalo.n kii bajaa.e bam hii lage.nge
is sar-zamii.n pe bhii aag hii ke dariyaa bahe.nge
jin mai.n ki ko.ii kaaGaz kii naav vo saamraaj kii ho ki merii apnii
na chal sakegii
zamiin-e-vietnam mai.n bhii ik sar-zamii.n kaa baasii huu.n
is zamii.n kaa salaam tujh ko

Adeem Hashmi

Nazm

aaj insan kahan hai

ko.ii bataa.e
kitnii ibaadat-gaahe.n
mandir
masjid
girjaa ghar aur gurudvaare
kitnii jaldii Dhaa.e jaa sakte hai.n
yaa in sab ko halaakato.n ke saaz aur aslaho.n kaa
godaam banaa denaa behtar hai
be-gunaaho.n kaa lahuu zamiin me.n jazb nahii.n ho saktaa
shaayad kabhii nahii.n
ko.ii bataa.e
kab ye zamii.n dobaara shola-zaar banegii
kyaa ko.ii nahii.n hai
ko.ii nahii.n?
jo apnii zamiin ko zindagii kii jannat banaa sake
ik insaanii taaqat
himmat ik azm ke saath
des des mulko.n mulko.n
mai.n insaan ko lalkaaro.ngaa
lekin mai.n huu.n jis kaa shaa.er
vo insaan kahaa.n hai
saarii duniyaa jise maantii rahii hai vo bhagvaan kahaa.n hai?

Niyaz Haidar

Nazm

gharib kisan

ai nature ke raaj dulaare
ai fitrat kii aa.nkh ke taare
mehnat kaa phal paane vaale
kaa.ndhe par hal le jaane vaale
sadiyaa.n palTe.n duniyaa badle
yaa mulko.n kaa naqsha badle
kuchh se kuchh ho.n rang fazaa ke
charKH se barse.n aag ke sho.ale
dhiimii ho yaa tund havaa ho
aalam har vaadii kaa nayaa ho
charKH hazaaro.n palTe khaa.e
kyaa mumkin jo tujh ko sataa.e
saare jahaa.n me.n ja.ng chhi.Dii ho
duniyaa bhar me.n aag lagii ho
kyo.n ho shorish terii sadaa me.n
amn ho jab kheto.n kii fazaa me.n
giit hii teraa naGma-e-shaadii
tujh par sadqe har aazaadii
sab par haavii himmat terii
sachchii hai ye shaukat terii
vaqt ko tuu Gaflat me.n na kho.e
khet me.n tuu kaa.nTo.n ko na bo.e
ghaas hai teraa bistar-e-maKHmal
o.Dhne ko bosiida kamal
ja.ngal jhaa.Dii bastii terii
shaah se behtar hastii terii
tuu hai aur zamaana teraa
ham hai.n aur fasaana teraa

Saqib Kanpuri

Nazm

wazir ka KHwab

ab ye haalat hai Gizaa achchhii hai kap.De bhii nafiis
aur a.ngrezii zabaa.n bhii bol letaa huu.n saliis
mujh se milne ke liye aate hai.n mulko.n ke ra.iis
raat din lekin nazar me.n mujh ko rakhtii hai police
sab mujhe pahchaante hai.n kis qadar paanii me.n huu.n
huu.n nigahbaa.n qaum kaa aur KHud nigahbaanii me.n huu.n

Syed Mohammad Jafri

Nazm

bachat

inhii do se aabaad har ik kaa ghar hai
kamaanaa hai fan aur bachaanaa hunar hai
ye baat aaj hii sochnaa hai zaruurii
kise hai KHabar aane vaale dino.n kii
bure vaqt me.n kaam aa.e.nge aksar
rakhoge agar chaar paise bachaa kar
bachat hii se mil-jul ke bantii hai daulat
bachat hii se ba.Dhtii hai mulko.n kii taaqat
ye fasle.n ye baazaar ye kaar-KHaane
bachat ne sa.nvaare hai.n big.De zamaane
zaraa jaa ke ghar dekh lo chiyuu.nTiyo.n kaa
vo daano.n kaa kartii hai.n kaise zaKHiira
yuu.nhii qatra qatra samundar banegaa
yuu.nhii lamha lamha muqaddar banegaa
bachat kii jo bachpan se Daaloge aadat
ba.De ho ke paa.oge duniyaa me.n raahat

Abdul Ahad Saaz

Nazm

ye kaisi jang hai

ye kaisii ja.ng hai jo apnii manfa.at ke liye
Gariib mulko.n kii aazaadiyo.n ko chhiintii hai

Shariq Adeel

Nazm

mujhse milo tum

mujh se milo tum
ajnabii mulko.n kii sair-o-siyaahat me.n
pyaar ke rasm-o-rivaaj me.n
halqa-e-yaaraa.n me.n
tuufaan-e-baad-o-baaraa.n me.n
senToras ke aqab me.n
chhappar hotel ke TuuTe hu.e Table par
chaa.nd pe baiThii hu.ii bu.Dhiyaa ke nuuraanii charKHe me.n
assii kii dahaa.ii kii filmo.n ke zikr me.n
puraanii kitaabo.n kii duukaan par
nisvaanii KHushbu.o.n ke chauk par
boso.n kii takraar me.n
mujh se milo tum

Faisal Rehan

Nazm

kash main hota ek parinda

kaash mai.n hotaa ek parinda
kaash mai.n hotaa ek parinda
jagah jagah kii sair ko jaataa
sab mulko.n kii KHabar bhii laataa
jab thak jaataa tab mai.n gaataa
gaate gaate mai.n so jaataa
kaash mai.n hotaa ek parinda
kaale baadal jab chhaa jaate
ga.D ga.D ga.D karte aate
paanii kaa paiGaam sunaate
tab mai.n miiThii taan u.Daataa
kaash mai.n hotaa ek parinda
apne ko aazaad mai.n paa kar
daana dunkaa sab kuchh khaa kar
niile se aakaash me.n jaa kar
dhiire dhiire mai.n ma.nDlaataa
kaash mai.n hotaa ek parinda
ga.D ga.D ga.D ga.D baadal aate
rim-jhim rim-jhim barsaa laate
umda saa ik saaz milaate
tab mai.n giit suhaanaa gaataa
kaash mai.n hotaa ek parinda
raam dhanak yaa qaus-e-quzah me.n
prithvii se aakaash kii raah me.n
jhuulaa jo hai ek fazaa me.n
'kaukab' us me.n jhuulne jaataa
kaash mai.n hotaa ek parinda

Kaukab Dehlvi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now