Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "naf.a"

Nazm MATCHES FOR "naf.a"

Nazm

banjara-nama

har aan naf.a aur ToTe me.n kyuu.n martaa phirtaa hai ban ban
Tak Gaafil dil me.n soch zaraa hai saath lagaa tere dushman
kyaa lau.nDii baa.ndii daa.ii davaa kyaa bandaa chelaa nek-chalan
kyaa mandar masjid taal ku.aa.n kyaa khetii baa.Dii phuul chaman
sab ThaaTh pa.Daa rah jaavegaa jab laad chalegaa banjaaraa

Nazeer Akbarabadi
Nazm

mere pyare watan

mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan
gul-posh terii vaadiyaa.n
farhat-nishaa.n raahat-rasaa.n
tere chaman-zaaro.n pe hai
gulzaar-e-jannat kaa gumaa.n
har shaaKH phuulo.n kii chha.Dii
har naKHl-e-tuubaa hai yahaa.n
kausar ke chashme jaa-ba-jaa
tasniim har aab-e-ravaa.n
har barg ruuh-e-taazgii
har phuul jaan-e-gulsitaa.n
har baaG baaG-e-dil-kashii
har baaG baaG-e-be-KHizaa.n
dilkash charaagaahe.n tirii
Dhoro.n ke jin me.n kaarvaa.n
anjum-sifat gulhaa-e-nau
har taKHta-e-gul aasmaa.n
naqsh-e-surayyaa jaa-ba-jaa
har har ravish ik kahkashaa.n
terii bahaare.n daa.imii
terii bahaare.n jaavedaa.n
tujh me.n hai ruuh-e-zindagii
paiham ravaa.n paiham davaa.n
dariyaa vo tere tund-KHuu
jhiile.n vo terii be-karaa.n
shaam-e-avadh ke lab pe hai
husn-e-azal kii daastaa.n
kahtii hai raaz-e-sarmadii
sub.h-e-banaras kii zabaa.n
u.Dtaa hai haft-aflaak par
un kaar-KHaano.n kaa dhu.aa.n
jin me.n hai.n laakho.n mehnatii
san.at-garii ke paasbaa.n
terii banaras kii zarii
rashk-e-hariir-o-parniyaa.n
biidar kii fankaarii me.n hai.n
san.at kii sab baariikiyaa.n
azmat tire iqbaal kii
tere pahaa.Do.n se ayaa.n
dariyaa.o.n kaa paanii, tarii
taqdiis kaa andaaza-daa.n
kyaa 'bhaarte.ndu' ne kiyaa
ga.ngaa kii lahro.n kaa bayaa.n
'iqbaal' aur chakbast hai.n
azmat ke terii naGma-KHvaa.n
'josh' o 'firaaq' o 'pant' hai.n
tere adab ke tarjumaa.n
'tulsii' o 'KHusrav' hai.n terii
taariif me.n ratb-ul-lisaa.n
gaate hai.n naGma mil ke sab
uu.nchaa rahe teraa nishaa.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tere nazaaro.n ke nagii.n
duniyaa kii KHaatam me.n nahii.n
saare jahaa.n me.n muntaKHab
kashmiir kii arz-e-hasii.n
fitrat kaa ra.ngii.n mo.ajaza
firdaus bar-ruu-e-zamii.n
firdaus bar-ruu-e-zamii.n
haa.n haa.n hamii.n ast o hamii.n
sarsabz jis ke dasht hai.n
jis ke jabal hai.n surmagii.n
meve ba-kasrat hai.n jahaa.n
shiirii.n misaal-e-a.ngbii.n
har za.afaraa.n ke phuul me.n
aks-e-jamaal-e-huura.ii.n
vo maalve kii chaa.ndnii
gum jis me.n ho.n duniyaa-o-dii.n
is KHitta-e-naira.ng me.n
har ik fazaa husn-aafrii.n
har shai me.n husn-e-zindagii
dilkash makaa.n dilkash zamii.n
har mard mard-e-KHuub-ruu
har ek aurat naaznii.n
vo taaj kii KHush-paikarii
har zaaviye se dil-nashii.n
san.at-garo.n ke daur kii
ik yaadgaar-e-marmarii.n
hotii hai jo har shaam ko
faiz-e-shafaq se ahmarii.n
dariyaa kii maujo.n se alag
yaa ik bat-e-nazzaara-bii.n
yaa taa.er-e-nuurii ko.ii
parvaaz karne ke qarii.n
yaa ahl-e-duniyaa se alag
ik aabid-e-uzlat-guzii.n
naqsh-e-ajantaa kii qasam
jachtaa nahii.n arzha.ng-e-chii۔n
shaan-e-ellora dekh kar
jhuktii hai aazar kii jabii.n
chittau.D ho yaa aagara
aise nahii.n qil.e kahii.n
but-gar ho yaa naqqaash ho
tuu sab kii azmat kaa amii.n
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
dilkash tire dasht o chaman
ra.ngii.n tire shahr o chaman
tere javaa.n raa.anaa javaa.n
tere hasii.n gul pairahan
ik anjuman duniyaa hai ye
tuu is me.n sadr-e-anjuman
tere muGannii KHush-navaa
shaa.er tire shiirii.n-suKHan
har zarra ik maah-e-mubii.n
har KHaar rashk-e-nastarii.n
Guncha tire sahraa kaa hai
ik naafa-e-mushk-e-KHutan
ka.nkar hai.n tere be-bahaa
patthar tire laal-e-yaman
bastii se jangal KHuub-tar
baaGo.n se husn afroz ban
vo mor vo kabk-e-darii
vo chauk.Dii bharte hiran
ra.ngii.n-adaa vo titliyaa.n
baa.nbnii me.n vo naago.n ke phan
vo sher jin ke naam se
larze me.n aa.e ahrman
kheto.n kii barkat se ayaa.n
faizaan-e-rabb-e-zul-minan
chashmo.n ke shiirii.n aab se
lazzat-kashaa.n kaam-o-dahan
taabinda teraa ahd-e-nau
raushan tiraa ahd-e-kuhan
kitno.n ne tujh par kar diyaa
qurbaan apnaa maal dhan
kitne shahiido.n ko mile
tere liye daar-o-rasan
kitno.n ko teraa ishq thaa
kitno.n ko thii terii lagan
tere jafaa-kash mehnatii
rakhte hai.n azm-e-kohkan
tere sipaahii suurmaa
be-misl yaktaa-e-zaman
'bhisham' saa jin me.n hausla
'arjun' saa jin me.n baa.nkpan
aalim jo faKHr-e-ilm hai.n
fankaar naazaa.n jin pe fan
'raa.e' o 'bos' o 'shergil'
'dinkar,' 'jigar' 'maithli-sharan'
'vallathol' 'maahir', bhaartii
'bachchan', 'mahaadevii' 'suman'
'krishnan', 'niraalaa', 'prem-chand'
'tagore' o 'aazaad' o 'raman'
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
khetii tirii har ik harii
dilkash tirii KHush-manzarii
terii bisaat-e-KHaak ke
zarre hai.n mahr-o-mushtarii
jhelum kaveri naag vo
ga.ngaa kii vo ga.ngotarii
vo narbadaa kii tamkanat
vo shaukat-e-godaavarii
paakiizgii sarjuu kii vo
jamunaa kii vo KHush-gauharii
dullarba aab-e-niil-guu.n
kashmiir kii niilam-parii
dilkash papiihe kii sadaa
koyal kii taane.n mad-bharii
tiitar kaa vo haq sirrahu
tuutii kaa vo vird-e-harii
suufii tire har daur me.n
karte rahe paiGambarii
'chishtii' o 'nanak' se milii
faqr-o-Ginaa ko bartarii
adl-e-jahaa.ngiirii me.n thii
muzmar re.aayaa-parvarii
vo nau-ratan jin se hu.ii
tahziib-e-daur-e-akbarii
rakhte the afGaan-o-muGal
ik saulat-e-askandarii
raanaa.on ke iqbaal kii
hotii hai kis se ham-sarii
saava.nt vo yodhdhaa tire
tere jiyaale vo jarii
niiatii vidur kii aaj tak
kartii hai terii rahbarii
ab tak hai mash.huur-e-zamaa.n
'chanakya' kii daanish-varii
vayaas aur vishvamitr se
muniyo.n kii shaan-e-qaisarii
paatanjalii o saa.nkh se
rishiyo.n kii hikmat-parvarii
baKHshe tujhe in.aam-e-nau
har daur charKH-e-chambarii
KHush-gauharii de aab ko
aur KHaak ko KHush-jauharii
zarro.n ko mahr-afshaaniyaa.n
qatro.n ko dariyaa-gustarii
mere vatan, pyaare vatan
raahat ke gahvaare vatan
har dil ke ujiyaare vatan
har aa.nkh ke taare vatan
tuu rahbar-e-nau-e-bashar
tuu amn kaa paiGaam-bar
paale hai.n tuu ne god me.n
saahib-KHirad saahib-e-nazar
afzal-tarii.n in sab me.n hai
baapuu kaa naam-e-mo'tabar
har lafz jis kaa dil-nashii.n
har baat jis kii pur-asar
jis ne lagaayaa dahr me.n
na.ara ye be-KHauf-o-KHatar
be-kaar hai.n tiir-o-sinaa.n
be-suud hai.n teG-o-tabar
hinsaa kaa rasta jhuuT hai
haq hai ahinsaa kii Dagar
darmaa.n hai ye har dard kaa
ye har maraz kaa chaara-gar
ja.ngaah-e-aalam me.n ko.ii
is se nahii.n behtar sipar
kartaa huu.n mai.n tere liye
ab ye du.aa-e-muKHtasar
raunaq pe ho.n tere chaman
sarsabz ho.n tere shajar
naKHl-e-umiid-e-behtarii
har fasl me.n ho baarvar
koshish ho duniyaa me.n ko.ii
KHitta na ho zer-o-zabar
teraa har ik baasii rahe
neko-sifat neko-siyar
har zan saliiqa-ma.nd ho
har mard ho saahib-hunar
jab tak hai.n ye arz o falak
jab tak hai.n ye shams o qamar
mere vatan, pyaare vatan
raahat ke gahvaare vatan
har dil ke ujyaare vatan
har aa.nkh ke taare vatan

Arsh Malsiyani
Nazm

yaaden

kaale kos Gam-e-ulfat ke aur mai.n naan-e-shabiina-juu
kabhii chaman-zaaro.n me.n uljhaa aur kabhii gandum kii buu
naafa-e-mushk-e-tataarii ban kar liye phirii mujh ko har-suu
yahii hayaat-e-saa.iqa-fitrat banii ta.attul kabhii numuu
kabhii kiyaa ram ishq se aise jaise ko.ii vahshii aahuu
aur kabhii mar-mar ke sahar kii is aabaad KHaraabe me.n
dekho ham kaise basar kii is aabaad KHaraabe me.n

Akhtarul Iman
Nazm

fareb

aur sone ke chamakte sikke
Da.nk uThaa.e hu.e phan phailaa.e
ruuh aur dil pe chalaa karte hai.n
mulk aur qaum ko din raat Dasaa karte hai.n
roTiyaa.n chaklo.n kii qahbaa.e.n hai.n
jin ko sarmaaya ke dallaalo.n ne
naf.a-KHorii ke jharoko.n me.n sajaa rakhaa hai
baaliyaa.n dhaan kii gehuu.n ke sunahre KHoshe
misr o yuunaan ke majbuur Gulaamo.n kii tarah
ajnabii des ke baazaaro.n me.n bik jaate hai.n
aur bad-baKHt kisaano.n kii bilaktii hu.ii ruuh
apne aflaas me.n mu.nh Dhaa.np ke so jaatii hai
ham kahaa.n jaa.e.n kahe.n kis se ki naadaar hai.n ham
kis ko samjhaa.e.n Gulaamii ke gunahgaar hai.n ham
tauq KHud ham ne pahnaa rakkhaa hai armaano.n ko
apne siine me.n jaka.D rakkhaa tuufaano.n ko
ab bhii zindaan-e-Gulaamii se nikal sakte hai.n
apnii taqdiir ko ham aap badal sakte hai.n
(3)
aaj phir hotii hai.n zaKHmo.n se zabaane.n paidaa
tiira-o-taar fazaa.o.n se barsaataa hai lahuu
raah kii gard ke niiche se ubharte hai.n qadam
taare aakaash pe kamzor habaabo.n kii tarah
shab ke sailaab-e-siyaahii me.n bahe jaate hai.n
phuuTne vaalii hai mazduur ke maathe se kiran
surKH parcham ufuq-e-sub.h pe lahraate hai.n

Ali Sardar Jafri
Nazm

yakum may

ba.az aise the jo sarmaa.e ke Thekedaar the
kahte the mazduur ko KHar aur KHud KHar-kaar the
chor-baazaarii kii ja.D the aur ba.De baT-maar the
naf.a-KHorii ke sivaa har kaam se bezaar the
ab halaq me.n un ke jo khaayaa aTak kar jaa.egaa
Gair-mulko.n me.n na sarmaaya bhaTak kar jaa.egaa

Syed Mohammad Jafri
Nazm

bambai

vo chaTaano.n pe rakkhe hu.e uu.nche uu.nche mahl
chiknii diivaaro.n par
qatl, Gaarat-garii, buzdilii, nafa.a-KHorii kii parchhaa.iyaa.n
reshmii saariyaa.n
maKHmalii.n jism, zahriile naaKHuuno.n kii billiyaa.n
KHuun kii pyaas khaadii ke pairaahano.n me.n

Ali Sardar Jafri
Nazm

eid ki KHaridari

musalmaa.n qarz le kar eid kaa saamaa.n KHariide.nge
jo daanaa hai.n vo beche.nge jo hai.n naadaa.n KHariide.nge
jo sayyaa.n shauq se khaa.e.n vo sivayyaa.n KHariide.nge
murkkab suud kaa saudaa ba-naqd-e-jaa.n KHariide.nge
musalmaano.n ke sar par jab mah-e-shavvaal aataa hai
to un kii iqtisaadiyaat me.n bhau.nchaal aataa hai
baham dast-o-garebaa.n sales-man aur un ke gaahak hai.n
vo Gul barpaa hai jaise naGma-zan chauha.D me.n me.nDak hai.n
mizaajan roza-daar-e-shaam baaruud aur gandhak hai.n
aur un me.n nazm aur zabt aur ravaa-daarii yahaa.n tak hai.n
ki shiddat bhuuk kii aur pyaas kii aise miTaate hai.n
ba-zo.am-e-roza abnaa-e-vatan ko kaaT khaate hai.n
jo mujh aise hai.n ri.nd un ko bhii zo.am-e-paarsaa.ii hai
aur is mazmuun kii ik daavat-e-iftaar aa.ii hai
ki ik chaaliis-saala tifl kii roza-kushaa.ii hai
farishte is pe hairaa.n dam-ba-KHud saarii KHudaa.ii hai
KHudaavand-e-do-aalam se vo ye bevpaar karte hai.n
jo rakkhaa hii nahii.n roza use iftaar karte hai.n
miyaa.n biivii chale baazaar ko bahr-e-KHariidaarii
miThaa.ii phal sivayyaa.n itr juute gosht tarkaarii
jo shai biivii ne lii vo dosh par shauhar ke de maarii
vo be-chaara to KHachchar hai baraa.e baar-bardaarii
ba-zor-e-qarz duukaano.n pe itnaa fazl-e-baarii hai
ki is ghamsaan me.n insaan par insaan taarii hai
liyaa biivii ne shauhar ke liye juutaa jo arzaa.n hai
vo amriikii madad kii tarah us ke sar pe ehsaa.n hai
ki is se faa.eda pahu.nchegaa us ko jis kii duukaa.n hai
aur us shauhar kaa juutaa KHud usii ke sar pe raqsaa.n hai
ye suurat dekh kar kahte hai.n akasr dil me.n bin-byaahe
''dil o dii.n naqd laa saaqii se gar saudaa kiyaa chaahe''
jo silne ko diye kap.De vo hai.n sab habs-e-bejaa me.n
ki darzii chhup gayaa jab atlas-o-kamKHvaab-o-diibaa me.n
to readymade kap.Do.n kii dukaane.n jhaa.nktaa thaa mai.n
falak par qiimate.n laTkii hu.ii thii.n shaaKH-e-tuubaa me.n
mubaarak maah ke andar hamii.n se naf.a-KHorii hai
nahii.n hotaa hai baatil jis se roza ye vo chorii hai
ye sivayyaa.n jo bal khaatii hu.ii me.ade me.n jaa.e.ngii
siyaasii guththiyo.n ko aur uljhaanaa sikhaa.e.ngii
hamaarii aane vaalii nasl ke leader banaa.e.ngii
jo leader ban chuke hai.n ebdo un ko karaa.e.ngii
''qad o gesuu me.n qais-o-kohkan kii aazmaa.ish hai
jahaa.n ham hai.n vahaa.n daar-o-rasan kii aazmaa.ish hai''
mahiine bhar ke rozo.n baa'd haq ne din ye dikhlaayaa
alal-ailaan khaayaa dosto.n ke saath jo paayaa
ye pahle Dar thaa ham ko jhaa.nk kar dekhe na ham-saaya
ba-juz KHauf-e-KHudaa din me.n ba-zaahir kuchh na thaa khaayaa
hasiino.n mah-vasho.n ko ab sar-e-baazaar dekhe.nge
ga.e vo din ki kahte the pas-az-iftaar dekhe.nge

Syed Mohammad Jafri
Nazm

aadmi

hai aadmii jo kartaa hai sab siina-zoriyaa.n
kartaa hai luuTne ke liye naf.a-KHoriyaa.n
bhartaa hai is bahaane se apnii tijoriyaa.n
dushman ko bech khaataa hai gandum kii boriyaa.n
chiizo.n kii qiimato.n ko ba.Dhaataa hai aadmii
aur gaahako.n ko KHuun rulaataa hai aadmii

Syed Mohammad Jafri
Nazm

ai gham-e-dil kya karun

itnii guzrii hai giraa.n chiizo.n kii arzaanii mujhe
ho gayaa hai taaza saudaa-e-Gazal-KHvaanii mujhe
duudh me.n bilkul nazar aataa nahii.n paanii mujhe
dil ne kar rakkhaa hai mahv-e-sad-pareshaanii mujhe
''ai Gam-e-dil kyaa karuu.n ai vahshat-e-dil kyaa karuu.n''
kaam dhandaa kuchh nahii.n dil kis tarah bahlaauu.n mai.n
kyuu.n na leader ban ke saarii qaum ko bahkaa.uu.n mai.n
jab nahii.n dhandaa to chandaa hii karuu.n aur khaa.uu.n mai.n
screening kii kametii ke na haath aa jaa.uu.n mai.n
''ai Gam-e-dil kyaa karuu.n ai vahshat-e-dil kyaa karuu.n''
kyuu.n na editor banuu.n aKHbaar-e-gauhar-baar kaa
aur qalam ko ruup duu.n chaltii hu.ii talvaar kaa
haath me.n shamla ho sab ashraaf kii dastaar kaa
marshal-law me.n magar pahlaa hai Tuk.Daa maar kaa
''ai Gam-e-dil kyaa karuu.n ai vahshat-e-dil kyaa karuu.n''
sochtaa huu.n phir ki haj kar aa.uu.n smuggler banuu.n
maal-e-diin o maal-e-duniyaa kaa ba.Daa dealer banuu.n
mulk ke andar banuu.n yaa mulk ke baahar banuu.n
al-Garaz jo kuchh banuu.n mai.n fauj se bach kar banuu.n
''ai Gam-e-dil kyaa karuu.n ai vahshat-e-dil kyaa karuu.n''
kyaa KHabar thii qiimate.n yuu.n ho.ngii sastii ek din
''ra.ng laa.egii hamaarii faaqa-mastii ek din''
chor-baazaarii kii miT jaa.egii hastii ek din
hogii chevrolet pe bhii to-let kii taKHtii ek din
''ai Gam-e-dil kyaa karuu.n ai vahshat-e-dil kyaa karuu.n''
bahr ke siine se sonaa tak ugalvaayaa gayaa
gandum-e-KHalvat-nashii.n baazaar me.n laayaa gayaa
aur zaKHiira-baaz se chakkii me.n pisvaayaa gayaa
naf.a-KHoro.n kaa divaala tak nikalvaayaa gayaa
''ai Gam-e-dil kyaa karuu.n ai vahshat-e-dil kyaa karuu.n''
haa.e kashkol-e-gadaa.ii le ke ab jaa.egaa kaun
laal gandum laa ke ham kaalo.n ko khilvaa.egaa kaun
jis ko amriicii su.ar khaate the vo khaa.egaa kaun
saath me.n gandum ke mister ghun ko pisvaa.egaa kaun
''ai Gam-e-dil kyaa karuu.n ai vahshat-e-dil kyaa karuu.n''
Gair-mulkii maal ko rotii hai.n ab tak biibayaa.n
aur har import ke licence ko un ke miyaa.n
Gair banko.n me.n jo daulat hai vo aa.egii yahaa.n
''yaad thii.n ham ko bhii ra.ngaa-ra.ng bazm-aaraa.iyaa.n''
''ai Gam-e-dil kyaa karuu.n ai vahshat-e-dil kyaa karuu.n''
yaa mai.n sab kuchh chho.D duu.n aur chor-baazaarii karuu.n
zindagii kii film me.n aisii adaakaarii karuu.n
dono.n haatho.n se kamaa kar uzr-e-naadaarii karuu.n
jab hukuumat tex maa.nge aah aur zaarii karuu.n
''ai Gam-e-dil kyaa karuu.n ai vahshat-e-dil kyaa karuu.n''

Syed Mohammad Jafri
Nazm

ek pauda aur ghas

ittifaaqan ek paudaa aur ghaas
baaG me.n dono.n kha.De hai.n paas paas
ghaas kahtii hai ki ai mere rafiiq
kyaa anokhaa is jahaa.n kaa hai tariiq
hai hamaarii aur tumhaarii ek zaat
ek qudarat se hai dono.n kii hayaat
miTTii aur paanii havaa aur raushnii
vaaste dono.n ke yaksaa.n hai banii
tujh pe lekin hai inaayat kii nazar
phe.nk dete hai.n mujhe ja.D khod kar
sar uThaane kii mujhe fursat nahii.n
aur havaa khaane kii bhii ruKHsat nahii.n
kaun detaa hai mujhe yaa.n phailne
khaa liyaa gho.De gad.he yaa bail ne
tujh pe mu.nh Daale jo ko.ii jaanvar
us kii lii jaatii hai DanDe se KHabar
ole paale se bachaate hai.n tujhe
kyaa hii izzat se ba.Dhaate hai.n tujhe
chaahte hai.n tujh ko sab karte hai.n pyaar
kuchh pataa us kaa bataa ai dost-daar
us se paude ne kahaa yuu.n sar hilaa
ghaas sab sachchaa hai teraa ye gila
mujh me.n aur tujh me.n nahii.n kuchh bhii tamiiz
sirf saaya aur meva hai aziiz
faa.eda ik roz mujh se paa.e.nge
saa.e me.n baiThe.nge aur phal khaa.e.nge
hai yahaa.n izzat kaa sahraa us ke sar
jis se pahu.nche naf.a sab ko besh-tar

Ismail Merathi
Nazm

mazafat

aa.nsuu.o.n kii bastii me.n
rasne-basne vaalo.n ko
kab ko.ii Garaz is se
kaarobaar-e-hastii me.n
nafaa kyaa KHasaara kyaa
umr ke KHazaane me.n
besh-o-kam kaa yaaraa kyaa

Ishrat Afreen
Nazm

riwayat

tijaarat aur naf.a
un ke hisse me.n aataa hai
jo KHvaab dekhte hai.n na diip jalaate hai.n

Ahsan Saleem
Nazm

kosa dudh

to ye duudh kosaa hai!
ye duudh hai aur kosaa hai
jis se badan kii nase.n uu.ngh jaatii hai.n
jis se mire dil kii baa-qaa.edaa dha.Dkano.n me.n
izaafe kii suurat nahii.n
ye vahii duudh hai jis ko farhaad kii garmi-e-shauq ne
biisto.n kii siyah choTiyo.n se utaaraa
tuu is ke lahuu kii haraarat kaa juuyaa hu.aa
phir bhii kosaa rahaa
ye vahii duudh hai
chaa.ndnii ban ke jo garmiyo.n ke kisii maah kii chaudhvii.n raat ko
aasmaa.n par zamii.n par dilo.n me.n nigaaho.n me.n
bahtaa hai lekin
kisii ke labo.n ko jalaataa nahii.n hai
ye suuraj kaa saaya hai laavaa nahii.n hai!
tum apne piyaale ko bhaTTii me.n rakh do!
ki ye duudh ubaltaa rahe
ye pyaala bhii Dhal jaa.e
ye duudh jal jaa.e
aur is tarah mushk-e-naafaa bane
jis kii KHushbuu kii taaqat na laa.e ko.ii shaKHs bhii
jis kii KHushbuu se har maGz se KHuun bahne lage!

Shahzad Hasan
Nazm

atlantic city

zamiin-e-nuur o naGma par
KHudaa-e-ra.ng ke bikhre hu.e jalva.o.n ko pahchaane.n
use samjhe.n. use jaane.n
yaqii.n aa jaa.e to maane.n
yahaa.n to kahkashaa.n muTThii me.n hai
laal-o-javaahir pairahan par hai.n shu.aa.o.n ke ka.ii dhabbe har ik ujle badan par hai.n
yahaa.n ra.ngii.n mashiine.n daa.ero.n me.n jhuk ke miltii hai.n
kisii se ruuTh jaate hai.n kisii ke saath chalte hai.n
yahaa.n ke saamrii goyaa.ii le lete hai.n
aur palko.n pe hairat ke dariiche khol dete hai.n
yahaa.n har naf.a ke KHaane me.n poshiida KHasaara hai
fusuu.n kam ho to phir baahar kaa har manzar hamaaraa hai
jise ham chaa.nd samjhe hai.n bhaTaktaa saa sitaara hai
yahii suuraj se jiitaa hai yahii jugnuu se haaraa hai
ye fitrat kaa ishaara hai
chalo tanviir-shaah! uTTho

Ghulam Mohammad Qasir
Nazm

tarikiyon ka hisab

hai.n tazaado.n ke aaseb is shahr me.n
naf.a o hirs o havas kii jabiino.n ko bhii
chaa.nd ke ruup me.n Dhaalne ke liye
dast-e-shab ne do-ruuya imaaraat par
raushnii kii lakiiro.n se likkhe hai.n naam

Sahar Ansari
Nazm

suKHan darmanda hai

KHunuk-mausam nahii.n guzraa
safar suuraj kare to abr us ke saath chaltaa hai
abhii naddii ke paanii par havaa ke taaziyaane se nishaa.n paidaa nahii.n hotaa
tabar kii zarb-kaarii se, shaaKHo.n se zamii.n par
pattaa pattaa harf girte hai.n
ko.ii fiqara shajar ke zaKHm-e-mohmal kii paziiraa.ii nahii.n kartaa
lahuu ma.anii nahii.n detaa
to phir qirtaas-e-ahmar ho ki abyaz ra.ng-e-pairaahan se
KHushbuu-e-suKHan nikle to jii bahle
mahaktaa hai kahii.n sayyaad ke fitraak me.n naafaa

Akhtar Husain Jafri
Nazm

ilm ka tarana

hai ilm hii se aabruu hai ilm hii se dil qavii
yahii hai dil kii raushnii yahii hai dil kaa chain bhii
hai ilm hii me.n zindagii hai ilm hii se zindagii
ye ilm hii kaa faiz hai ki aadmii hai aadmii
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
kal jahaa.n kii chal rahii hai ilm hii ke zor se
zamiin zar ugal rahii hai ilm hii ke zor se
ek ek shai sa.nbhal rahii hai ilm hii ke zor se
aTal balaa bhii Tal rahii hai ilm hii ke zor se
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
nazar uThaa ke dekhiye isii kaa jag me.n raaj hai
isii ke bal pe taKHt hai isii ke bal pe taaj hai
hai ilm hii se sarbuland gar ko.ii samaaj hai
yahii hai zar yahii guhar isii kii ehtiyaaj hai
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
hai mustaqil hunar ke baaG me.n bahaar ilm se
zamaane-bhar kaa chal rahaa hai kaarobaar ilm se
uThaataa hai kisaan naf.a be-shumaar ilm se
jahaan ban rahaa hai aaj laala-zaar ilm se
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
pa.Dhe likhe vatan ke naujavaan hoshiyaar ho.n
vatan se rah ke be-KHabar na ab gunaahgaar ho.n
KHudii ko chho.D kar KHudaa kii KHalq par nisaar ho.n
jilaa kuchh aisii ho ki sab ke jauhar aashkaar ho.n
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
chale vatan me.n KHuub daur sub.h-o-shaam ilm kaa
piye.n KHushii se DaT ke jaam KHaas-o-aam ilm kaa
sune har ek har maqaam par payaam ilm kaa
ho shahr shahr gaa.nv gaa.nv intizaam ilm kaa
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo
jahaalat ek rog hai KHudaa ise fanaa kare
KHudaa kii baargaah me.n har ik yahii du.aa kare
har ek be-pa.Dhaa likhaa pa.Dhaa kare likhaa kare
sabhii pa.Dhe.n sabhii pa.Dhe.n KHudaa kare KHudaa kare
bulandiyo.n pe ilm kii cha.Dhe chalo cha.Dhe chalo
ba.Dhe chalo chale chalo chale chalo ba.Dhe chalo

Mohammad Shafiuddin Nayyar
Nazm

tijarat

is me.n kyaa shak hai tijaarat baadshaahii kaaj hai
Gaur kar ke dekh lo taajir ke sar par taaj hai
hind kii taariiKH pa.Dh kar hii sabaq haasil karo
jo tijaarat karne aa.e the ab un kaa raaj hai
zinda rah saktaa nahii.n hargiz tijaarat ke baGair
ham ne ye maanaa ki europe markaz-e-afvaaj hai
har dukaan apnii jagah hai ek chhoTii saltanat
nafaa kahte hai.n jise dar-asl us kaa baaj hai
juz tijaarat qaum kii mulkii siyaasat kuchh nahii.n
lutf-e-aazaadii isii me.n hai yahii svaaraaj hai
zindagii kii rif.ato.n se hai tijaarat hii muraad
haa.n yahii baam-e-taraqqii hai yahii me.araaj hai
mard-e-taajir ko KHudaa kii zaat par hai e'timaad
mard-e-chaakar har gha.Dii aGyaar kaa muhtaaj hai
jab se ham Gairo.n ke aage jhuk ga.e misl-e-kamaa.n
tab se apnaa dil sitam ke tiir kaa aamaaj hai
chal rahii hai.n zor se be-kaariyo.n kii aa.ndhiyaa.n
naujavaa.n kaa gulsitaan-e-zindagii taaraaj hai
ye zaruurii kaam kal par Taalnaa achchhaa nahii.n
bil-yaqii.n ham ko tijaarat kii zaruurat aaj hai
vaa.e hasrat kyo.n tumhaarii aql par patthar pa.De
jis ko tum kankar samajhte ho vahii pukhraaj hai
phir KHariido byaah kaa saamaan pahle jaan lo
bas tijaarat hii uruus-e-qaumiyat kaa raaj hai
vo hamesha qadr karte hai.n savdeshii maal kii
qaum kaa ehsaas hai jin ko vatan kii laaj hai
KHuub motii rolte hai.n taajiraan-e-baa-safaa
'faiz' baazaar-e-tijaarat qulzum-e-mavvaaj hai

Faiz Ludhianvi
Nazm

hain KHwab mein hunuz

har ik naf.a jaa.ez nuqsaan ke batn se hai
unho.n ne jo haasil kiyaa vo ziyaada thaa
aur aaKHir shab ke kuchh KHvaab ko jo ga.nvaayaa
vo kam thaa
isii naa-tanaasub husuul-o-KHasaara kaa radd-e-amal hai
ki manzil kii aaGosh me.n bhii
unhe.n sukh nahii.n hai

Zaheer Siddiqui
Nazm

jawab-e-shikwa

dil se jo baat nikaltii hai asar rakhtii hai
par nahii.n taaqat-e-parvaaz magar rakhtii hai
qudsi-ul-asl hai rif.at pe nazar rakhtii hai
KHaak se uThtii hai garduu.n pe guzar rakhtii hai
ishq thaa fitnagar o sarkash o chaalaak miraa
aasmaa.n chiir gayaa naala-e-bebaak miraa
piir-e-garduu.n ne kahaa sun ke kahii.n hai ko.ii
bole sayyaare sar-e-arsh-e-barii.n hai ko.ii
chaa.nd kahtaa thaa nahii.n ahl-e-zamii.n hai ko.ii
kahkashaa.n kahtii thii poshiida yahii.n hai ko.ii
kuchh jo samjhaa mire shikve ko to rizvaa.n samjhaa
mujh ko jannat se nikaalaa hu.aa insaa.n samjhaa
thii farishto.n ko bhii hairat ki ye aavaaz hai kyaa
arsh vaalo.n pe bhii khultaa nahii.n ye raaz hai kyaa
taa-sar-e-arsh bhii insaa.n kii tag-o-taaz hai kyaa
aa ga.ii KHaak kii chuTkii ko bhii parvaaz hai kyaa
Gaafil aadaab se sukkaan-e-zamii.n kaise hai.n
shoKH o gustaaKH ye pastii ke makii.n kaise hai.n
is qadar shoKH ki allaah se bhii barham hai
thaa jo masjuud-e-malaa.ik ye vahii aadam hai
aalim-e-kaif hai daanaa-e-rumuuz-e-kam hai
haa.n magar ijz ke asraar se naa-mahram hai
naaz hai taaqat-e-guftaar pe insaano.n ko
baat karne kaa saliiqa nahii.n naa-daano.n ko
aa.ii aavaaz Gam-a.ngez hai afsaana tiraa
ashk-e-betaab se labrez hai paimaana tiraa
aasmaa.n-giir hu.aa naara-e-mastaana tiraa
kis qadar shoKH-zabaa.n hai dil-e-diivaana tiraa
shukr shikve ko kiyaa husn-e-adaa se tuu ne
ham-suKHan kar diyaa bando.n ko KHudaa se tuu ne
ham to maa.il-ba-karam hai.n ko.ii saa.il hii nahii.n
raah dikhlaa.e.n kise rah-rav-e-manzil hii nahii.n
tarbiyat aam to hai jauhar-e-qaabil hii nahii.n
jis se ta.amiir ho aadam kii ye vo gil hii nahii.n
ko.ii qaabil ho to ham shaan-e-ka.ii dete hai.n
Dhuu.nDne vaalo.n ko duniyaa bhii na.ii dete hai.n
haath be-zor hai.n ilhaad se dil KHuugar hai.n
ummatii baa.is-e-rusvaa.i-e-paiGambar hai.n
but-shikan uTh ga.e baaqii jo rahe but-gar hai.n
thaa braahiim pidar aur pisar aazar hai.n
baada-aashaam na.e baada nayaa KHum bhii na.e
haram-e-kaaba nayaa but bhii na.e tum bhii na.e
vo bhii din the ki yahii maaya-e-raanaa.ii thaa
naazish-e-mausam-e-gul laala-e-sahraa.ii thaa
jo musalmaan thaa allaah kaa saudaa.ii thaa
kabhii mahbuub tumhaaraa yahii harjaa.ii thaa
kisii yakjaa.ii se ab ahd-e-Gulaamii kar lo
millat-e-ahmad-e-mursil ko maqaamii kar lo
kis qadar tum pe giraa.n sub.h kii bedaarii hai
ham se kab pyaar hai haa.n nii.nd tumhe.n pyaarii hai
tab-e-aazaad pe qaid-e-ramazaa.n bhaarii hai
tumhii.n kah do yahii aa.iin-e-vafaadaarii hai
qaum maz.hab se hai maz.hab jo nahii.n tum bhii nahii.n
jazb-e-baaham jo nahii.n mahfil-e-anjum bhii nahii.n
jin ko aataa nahii.n duniyaa me.n ko.ii fan tum ho
nahii.n jis qaum ko parvaa-e-nasheman tum ho
bijliyaa.n jis me.n ho.n aasuuda vo KHirman tum ho
bech khaate hai.n jo aslaaf ke madfan tum ho
ho niko naam jo qabro.n kii tijaarat kar ke
kyaa na bechoge jo mil jaa.e.n sanam patthar ke
safha-e-dahr se baatil ko miTaayaa kis ne
nau-e-insaa.n ko Gulaamii se chhu.Daayaa kis ne
mere ka.abe ko jabiino.n se basaayaa kis ne
mere qur.aan ko siino.n se lagaayaa kis ne
the to aabaa vo tumhaare hii magar tum kyaa ho
haath par haath dhare muntazir-e-fardaa ho
kyaa kahaa bahr-e-musalmaa.n hai faqat vaada-e-huur
shikva bejaa bhii kare ko.ii to laazim hai shu.uur
adl hai faatir-e-hastii kaa azal se dastuur
muslim aa.ii.n hu.aa kaafir to mile huur o qusuur
tum me.n huuro.n kaa ko.ii chaahne vaalaa hii nahii.n
jalva-e-tuur to maujuud hai muusaa hii nahii.n
manfa.at ek hai is qaum kaa nuqsaan bhii ek
ek hii sab kaa nabii diin bhii iimaan bhii ek
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
firqa-bandii hai kahii.n aur kahii.n zaate.n hai.n
kyaa zamaane me.n panapne kii yahii baate.n hai.n
kaun hai taarik-e-aa.iin-e-rasuul-e-muKHtaar
maslahat vaqt kii hai kis ke amal kaa me.aar
kis kii aa.nkho.n me.n samaayaa hai shi.aar-e-aGyaar
ho ga.ii kis kii nigah tarz-e-salaf se be-zaar
qalb me.n soz nahii.n ruuh me.n ehsaas nahii.n
kuchh bhii paiGaam-e-mohammad kaa tumhe.n paas nahii.n
jaa ke hote hai.n masaajid me.n saf-aaraa to Gariib
zahmat-e-roza jo karte hai.n gavaaraa to Gariib
naam letaa hai agar ko.ii hamaaraa to Gariib
parda rakhtaa hai agar ko.ii tumhaaraa to Gariib
umaraa nashsha-e-daulat me.n hai.n Gaafil ham se
zinda hai millat-e-baizaa Gorabaa ke dam se
vaa.iz-e-qaum kii vo puKHta-KHayaalii na rahii
barq-e-tab.ii na rahii shola-maqaalii na rahii
rah ga.ii rasm-e-azaa.n ruuh-e-bilaalii na rahii
falsafa rah gayaa talqiin-e-Gazaalii na rahii
masjide.n marsiyaa.n-KHvaa.n hai.n ki namaazii na rahe
yaanii vo sahib-e-ausaaf-e-hijaazii na rahe
shor hai ho ga.e duniyaa se musalmaa.n naabuud
ham ye kahte hai.n ki the bhii kahii.n muslim maujuud
vaz.a me.n tum ho nasaaraa to tamaddun me.n hunuud
ye musalmaa.n hai.n jinhe.n dekh ke sharmaa.e.n yahuud
yuu.n to sayyad bhii ho mirzaa bhii ho afGaan bhii ho
tum sabhii kuchh ho bataa.o to musalmaan bhii ho
dam-e-taqriir thii muslim kii sadaaqat bebaak
adl us kaa thaa qavii laus-e-maraa.aat se paak
shajar-e-fitrat-e-muslim thaa hayaa se namnaak
thaa shujaa.at me.n vo ik hasti-e-fauq-ul-idraak
KHud-gudaazii nam-e-kaifiyat-e-sahbaa-yash buud
KHaalii-az-KHesh shudan suurat-e-miinaa-yash buud
har musalmaa.n rag-e-baatil ke liye nashtar thaa
us ke aa.iina-e-hastii me.n amal jauhar thaa
jo bharosaa thaa use quvvat-e-baazuu par thaa
hai tumhe.n maut kaa Dar us ko KHudaa kaa Dar thaa
baap kaa ilm na beTe ko agar azbar ho
phir pisar qaabil-e-miiraas-e-pidar kyuu.nkar ho
har ko.ii mast-e-mai-e-zauq-e-tan-aasaanii hai
tum musalmaa.n ho ye andaaz-e-musalmaanii hai
haidarii faqr hai ne daulat-e-usmaanii hai
tum ko aslaaf se kyaa nisbat-e-ruuhaanii hai
vo zamaane me.n mu.azziz the musalmaa.n ho kar
aur tum KHvaar hu.e taarik-e-qur.aa.n ho kar
tum ho aapas me.n Gazabnaak vo aapas me.n rahiim
tum KHataa-kaar o KHataa-bii.n vo KHataa-posh o kariim
chaahte sab hai.n ki ho.n auj-e-surayyaa pe muqiim
pahle vaisaa ko.ii paidaa to kare qalb-e-saliim
taKHt-e-faGfuur bhii un kaa thaa sariir-e-ka.e bhii
yuu.n hii baate.n hai.n ki tum me.n vo hamiyat hai bhii
KHud-kushii sheva tumhaaraa vo Gayuur o KHuddaar
tum uKHuvvat se gurezaa.n vo uKHuvvat pe nisaar
tum ho guftaar saraapaa vo saraapaa kirdaar
tum taraste ho kalii ko vo gulistaa.n ba-kanaar
ab talak yaad hai qaumo.n ko hikaayat un kii
naqsh hai safha-e-hastii pe sadaaqat un kii
misl-e-anjum ufuq-e-qaum pe raushan bhii hu.e
but-e-hindii kii mohabbat me.n birhman bhii hu.e
shauq-e-parvaaz me.n mahjuur-e-nasheman bhii hu.e
be-amal the hii javaa.n diin se bad-zan bhii hu.e
in ko tahziib ne har band se aazaad kiyaa
laa ke ka.abe se sanam-KHaane me.n aabaad kiyaa
qais zahmat-kash-e-tanhaa.i-e-sahraa na rahe
shahr kii khaa.e havaa baadiya-paimaa na rahe
vo to diivaana hai bastii me.n rahe yaa na rahe
ye zaruurii hai hijaab-e-ruKH-e-lailaa na rahe
gila-e-zaur na ho shikva-e-bedaad na ho
ishq aazaad hai kyuu.n husn bhii aazaad na ho
ahd-e-nau barq hai aatish-zan-e-har-KHirman hai
aiman is se ko.ii sahraa na ko.ii gulshan hai
is na.ii aag kaa aqvaam-e-kuhan ii.ndhan hai
millat-e-KHatm-e-rusul shola-ba-pairaahan hai
aaj bhii ho jo braahiim kaa iimaa.n paidaa
aag kar saktii hai andaaz-e-gulistaa.n paidaa
dekh kar ra.ng-e-chaman ho na pareshaa.n maalii
Kaukab-e-Guncha se shaaKHe.n hai.n chamakne vaalii
KHas o KHaashaak se hotaa hai gulistaa.n KHaalii
Gul-bar-andaaz hai KHuun-e-shohdaa kii laalii
ra.ng garduu.n kaa zaraa dekh to unnaabii hai
ye nikalte hu.e suuraj kii ufuq-taabii hai
ummate.n gulshan-e-hastii me.n samar-chiida bhii hai.n
aur mahruum-e-samar bhii hai.n KHizaa.n-diida bhii hai.n
saik.Do.n naKHl hai.n kaahiida bhii baaliida bhii hai.n
saik.Do.n batn-e-chaman me.n abhii poshiida bhii hai.n
naKHl-e-islaam namuuna hai birau-mandii kaa
phal hai ye saik.Do.n sadiyo.n kii chaman-bandii kaa
paak hai gard-e-vatan se sar-e-daamaa.n teraa
tuu vo yuusuf hai ki har misr hai kan.aa.n teraa
qaafila ho na sakegaa kabhii viiraa.n teraa
Gair yak-baa.ng-e-daraa kuchh nahii.n saamaa.n teraa
naKHl-e-shama astii o dar shola do-resha-e-tuu
aaqibat-soz bavad saaya-e-andesha-e-tuu
tuu na miT jaa.egaa iiraan ke miT jaane se
nashsha-e-mai ko ta'alluq nahii.n paimaane se
hai ayaa.n yurish-e-taataar ke afsaane se
paasbaa.n mil ga.e ka.abe ko sanam-KHaane se
kashti-e-haq kaa zamaane me.n sahaaraa tuu hai
asr-e-nau-raat hai dhundlaa saa sitaaraa tuu hai
hai jo ha.ngaama bapaa yurish-e-bulGaarii kaa
Gaafilo.n ke liye paiGaam hai bedaarii kaa
tuu samajhtaa hai ye saamaa.n hai dil-aazaarii kaa
imtihaa.n hai tire iisaar kaa KHuddaarii kaa
kyuu.n hiraasaa.n hai sahiil-e-faras-e-aadaa se
nuur-e-haq bujh na sakegaa nafas-e-aadaa se
chashm-e-aqvaam se maKHfii hai haqiiqat terii
hai abhii mahfil-e-hastii ko zaruurat terii
zinda rakhtii hai zamaane ko haraarat terii
kaukab-e-qismat-e-imkaa.n hai KHilaafat terii
vaqt-e-fursat hai kahaa.n kaam abhii baaqii hai
nuur-e-tauhiid kaa itmaam abhii baaqii hai
misl-e-buu qaid hai Gunche me.n pareshaa.n ho jaa
raKHt-bar-dosh havaa-e-chamanistaa.n ho jaa
hai tunak-maaya tuu zarre se bayaabaa.n ho jaa
naGma-e-mauj hai ha.ngaama-e-tuufaa.n ho jaa
quvvat-e-ishq se har past ko baalaa kar de
dahr me.n ism-e-mohammad se ujaalaa kar de
ho na ye phuul to bulbul kaa tarannum bhii na ho
chaman-e-dahr me.n kaliyo.n kaa tabassum bhii na ho
ye na saaqii ho to phir mai bhii na ho KHum bhii na ho
bazm-e-tauhiid bhii duniyaa me.n na ho tum bhii na ho
KHema-e-aflaak kaa istaada isii naam se hai
nabz-e-hastii tapish-aamaada isii naam se hai
dasht me.n daaman-e-kohsaar me.n maidaan me.n hai
bahr me.n mauj kii aaGosh me.n tuufaan me.n hai
chiin ke shahr maraaqash ke bayaabaan me.n hai
aur poshiida musalmaan ke iimaan me.n hai
chashm-e-aqvaam ye nazzaara abad tak dekhe
rif.at-e-shaan-e-rafaanaa-lakaa-zikrak dekhe
mardum-e-chashm-e-zamii.n yaanii vo kaalii duniyaa
vo tumhaare shohdaa paalne vaalii duniyaa
garmii-e-mehr kii parvarda hilaalii duniyaa
ishq vaale jise kahte hai.n bilaalii duniyaa
tapish-andoz hai is naam se paare kii tarah
Gota-zan nuur me.n hai aa.nkh ke taare kii tarah
aql hai terii sipar ishq hai shamshiir tirii
mire darvesh KHilaafat hai jahaa.ngiir tirii
maa-sivaa-allaah ke liye aag hai takbiir tirii
tuu musalmaa.n ho to taqdiir hai tadbiir tirii
kii mohammad se vafaa tuu ne to ham tere hai.n
ye jahaa.n chiiz hai kyaa lauh-o-qalam tere hai.n

Allama Iqbal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now