Search result for "neck-tie" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "neck-tie"

Nazm MATCHES FOR "neck-tie"

Nazm

ghar ki jhalak

jhalak to dekho hamaare ghar kii yahaa.n hai.n naanii yahaa.n hai.n taa.ii
hamaare maa.n baap aur chachaa hai.n yahaa.n hai.n bahne.n yahaa.n hai.n bhaa.ii
hamaaraa ghar hai hasiin gulshan KHushii kii kaliyaa.n khilii hu.ii hai.n
vafaa kii KHushbuu basii hu.ii hai hu.ii na hogii yahaa.n la.Daa.ii
hamaare abbuu kii dekho azmat har ek kurtaa hai in kii izzat
nazar me.n in kii hai.n sab baraabar inhii.n se miltii hai rahnumaa.ii
kamaa rahe hai.n halaal rozii banaa diyaa hai hame.n namaazii
inhii.n se ghar me.n hai KHair-o-barkat kisii kii karte nahii.n buraa.ii
hamaarii ammii hai.n nek siirat hame.n milii hai inhii.n se raahat
sadaa kitchen me.n hai kaam un kaa pakaa rahii hai.n chikan fry
labo.n pe un ke sadaa tabassum zabaan un kii hai KHuub shiirii.n
nahii.n hai kaamo.n se un ko fursat kabhii safaa.ii kabhii silaa.ii
hame.n hai un se dilii mohabbat unhii.n ke qadmo.n tale hai jannat
ba.Dii mohabbat se parvarish kii hai un kii fitrat me.n paarsaa.ii
ajiib shai hai.n chachaa hamaare nahii.n kisii kii samajh me.n aa.e
liye hai.n pyaale me.n murG chhole usii me.n Daalii hai ras-malaa.ii
jo muuD ho to sunaa.e.n naama Thumak Thumak kar bajaa.e.n tabla
ga.e vo ik roz chhat ke uupar vahaa.n chachaa ne pata.ng u.Daa.ii
madad vo ammii kii kar rahe hai.n tave pe chamcha chalaa rahe hai.n
savere uTh kar chachaa hamaare galii kii karte hai.n KHud safaa.ii
vo sair karne ga.e hai.n baahar pahan ke banyaan aur la.ngoTii
ba.Dii sii pag.Dii hai sar ke uupar laTak rahii hai gale se tie
ba.Dii hai.n sab se hamaarii naanii sunaatii hai.n vo hame.n kahaanii
zabaa.n pe zikr-e-KHudaa hai jaarii Thikaanaa un kaa hai chaarpaa.ii
Dakaartii hai.n hamaarii taa.ii hamesha piitii hai.n vo davaa.ii
ba.Daa saa takiya hai sar ke niiche badan ke uupar hai ik razaa.ii
ba.Dii bahan kaa hai naam raziya vo novelo.n kii bahut hai rasiyaa
kashiidakaarii me.n hai mahaarat maze se khaatii hai vo miThaa.ii
bahan surayyaa ne laayaa guDDaa bahan ruqayya ne laa.ii gu.Diyaa
saheliyo.n ko bulaa ke shaadii KHushii se daalaan me.n rachaa.ii
hamaaraa anvar hai das baras kaa musavvirii se use hai raGbat
banaa ke tasviir jab dikhaa.ii to bhaa.ii bahno.n se daad paa.ii
hai sab se chhoTaa miyaa.n munavvar magar hai ta.aliim se mohabbat
davaat le kar vo likh rahaa thaa giraa dii kap.Do.n pe raushnaa.ii
zaraa saa apnaa bhii haal kah duu.n mai.n ek collage me.n pa.Dh rahaa huu.n
kitaab se merii dostii hai kabhii na chho.Duu.ngaa mai.n pa.Dhaa.ii

Abdul Qadir

Nazm

bahadur-shah zafar

saare aalam ne tire shauq kaa aalam dekhaa
ya.anii qurbaanii-e-paiham ko mujassam dekhaa

Shamsii Meenai

Nazm

aandhi aai

uTh ga.e gho.De bech ke so.e
ammii ne the aaj hii dho.e
baajii jhaT se kap.De laa.ii
o ho ho kyaa aa.ndhii aa.ii

Yasir Farooq

Nazm

mahatma-gandhi ka qatl

ye maut na thii qudrat ne tire sar par rakkhaa ik taaj-e-hayaat
thii ziist tirii meraaj-e-vafaa aur maut tirii meraaj-e-hayaat

Anand Narayan Mulla

Nazm

ujala

duudh kii tarah ku.nvaarii thii zamistaa.n kii vo raat
jab tire shabnamii aariz ne dahaknaa siikhaa
nii.nd ke saa.e me.n har phuul ne a.ng.Daa.ii lii
narm kaliyo.n ne tire dam se chaTaknaa siikhaa

Mustafa Zaidi

Nazm

alamiya

tere pichke hu.e ruKHsaar ye viiraa.n aa.nkhe.n
ho.nT-e-pazhmurda kahe.n saarii kahaanii terii
ek bha.nvre ne tire husn kaa ras chuus liyaa
ik sitam-kesh ne luuTii hai javaanii terii

Asghar Ali Tabassum

Nazm

tujhse jab aankh laDi

husn-e-rangii.n ne tire lutf-e-shiirii.n ne tire
kar dikhaayaa har ik aaGaaz kaa anjaam-e-hasii.n
din hasii.n raat hasii.n sub.h hasii.n shaam hasii.n
rach ga.ii thii mirii rag-rag me.n mohabbat terii
haa.e kyaa chiiz thii ulfat tirii chaahat terii

Amjad Najmi

Nazm

aur bhi gham hain zamane mein

ai mirii jaa.n mujhe is darja shikaayat se na dekh
aaj tak mai.n ne tire husn kii baate.n kii hai.n
din guzaare hai.n tire Gam ke sahaare aksar
terii yaado.n se charaaGaa.n ka.ii raate.n kii hai.n

Ali Minai

Nazm

muslim umma ka America se shikwa

ham ne rakkhii hai yahaa.n amn-o-amaa.n kii buniyaad
apnii fitrat me.n nahii.n dahshat o da.ngaa o fasaad
har musalmaan pe U.S.A me.n pa.Dii hai uftaad
phir bhii ham ne tire shahro.n ko kiyaa hai aabaad

Khalid Irfan

Nazm

maqsadiyat

mire pyaare KHudaavandaa
mujhe jab kun kii saa.at me.n
tire be-aib yaktaa dast-e-qudrat ne
tire aadam kii baaqii bach rahii miTTii se guu.ndhaa thaa
miraa naqsha banaayaa thaa
to mujh me.n kyaa tire aadam se kamtar ruuh phuu.nkii thii
ki jaise be-dilii ujlat me.n ko.ii kaam nimTaayaa

Saima Aftab

Nazm

alkubDe

is pas-e-manzar me.n
baap kii mustaqbil-andeshii ne
tiin baras kii lunj-munj sii
chiiz ke dono.n haat
chaT chaT to.D ke
ek ek kuhnii aur banaa dii thii
chaar-daa.ng me.n shohrat phail ga.ii

Saqi Faruqi

Nazm

apni malka-e-suKHan se

mai.n vo huu.n jis ke Gam ne tire dil me.n raah kii
ik umr jis ke ishq me.n KHud tuu ne aah kii
soyaa hai shauq sej pe terii nigaah kii
raate.n kaTii hai.n saa.e me.n chashm-e-siyaah kii
kyuu.n kar na shaaKH-e-gul kii lachak ho bayaan me.n
terii kamar kaa loch hai merii zabaan me.n

Josh Malihabadi

Nazm

but-tarash

ik fusuu.n-kaar but-taraash huu.n mai.n
zindagii kii taviil raato.n ko
baar haale ke tesha-e-afkaar
but taraashe hai.n sai.nka.Do.n mai.n ne
tire saa.nche me.n Dhaalne ke liye

Sufi Ghulam Mustafa Tabassum

Nazm

magar

mai.n hasii.n huu.n magar
is qadar bhii nahii.n
mujh ko maaluum hai
jaantii huu.n ki mai.n
tere alfaaz kii
sab hai jaaduugarii
tere alfaaz ne
aur junuu.n ne tire
apne shero.n me.n kar ke bayaa.n meraa husn
dilkashii ko mirii
shaa.irii ko mirii
ek pahchaan dii
har zabaa.n par miraa
tazkira hai'' magar
mujh ko sach sach bataa
ai suKHnavar mire
ai mire jaaduugar
tere ash.aar ne
guftuguu ne tirii
aur junuu.n ne tire
mujh ko pahchaan dii
meraa charchaa kiyaa
yaa zamaane me.n bas
mujh ko rusvaa kiyaa

SabeenSaif

Nazm

main teri mohabbat se na-umid to nahin hun

jis ne tire bahaane
taa'miir kiye KHvaabo.n ke shiish-mahal kitne
ye KHvaab itnii jaldii TuuTe.nge kyaa KHabar thii
lekin nahii.n
abhii to aaGaaz-e-mohabbat hai
shab-e-hijr kii udaasii
ye iztiraab-e-paiham
ye daa.imii nahii.n hai
tanhaa.iyo.n kaa mausam
ab hai to phir nahii.n hai
dasht-e-firaaq hai to bazm-e-visaal bhii hai
mai.n terii mohabbat se naumiid to nahii.n huu.n

Kanwal Pradeep Mahajan

Nazm

bahadur-shah-zafar ki yaad mein

sabaa ye ruuh-e-'zafar' kaa payaam laa.ii hai
ki saltanat se fuzuu.n ishq kii gadaa.ii hai
Guruur-e-fat.h ko bhii la.Dkha.Daa diyaa jis ne
tire KHuluus ne aisii shikast khaa.ii hai
kise KHabar hai ki arz-e-vatan pe kyaa guzrii
ki tujh ko gosha-e-Gurbat me.n maut aa.ii hai
mire chaman me.n uruus-e-bahaar-e-aazaadii
tire mazaar pe aa.nsuu bahaa ke aa.ii hai

Ravish Siddiqi

Nazm

iblagh

galaa ru.nDhaa ho to ham baat kar nahii.n sakte
ishaaro.n aur kinaayo.n se apne matlab ko
bajaa.e kaano.n ke aa.nkho.n pe thop dete hai.n
galaa thaa saaf to kyaa ham ne tiir maaraa thaa
yahii ki naam kamaayaa thaa yaava-go.ii me.n
Gazal-saraa.ii me.n yaa falsafa-taraazii me.n
magar vo baat jo sach hai abhii gale me.n hai
galaa runDhaa ho galaa saaf ho to farq hii kyaa

Sulaiman Areeb Haidarabadi

Nazm

aurat

tuu havvaa bhii hai mariyam bhii
tuu hii siitaa tuu hii raadhaa
KHadiija bhii hai tuu
aur faatima bhii hai
tuu hii raziya hai
laxmii-baa.ii bhii tuu hai
hazaaro.n ruup hai.n tere
hazaaro.n kul me.n tuu ne hii
kabhii autaar janme hai.n
kabhii haadii kabhii rahbar zamaane ko diye tuu ne
tire hii husn kaa charchaa zamii.n se aasmaa.n tak hai
muhaafiz bhii hai aur jananii bhii hai
tahziib kii
aKHlaaq kii
bhaashaa kii
mamtaa kii
tire fikr-o-amal kii kaar-farmaa.ii niraalii hai zamaane me.n
tuu aurat hai magar kyaa shaan vaalii hai zamaane me.n

Qasim Rasa

Nazm

tin sharabi

masco, paris aur london me.n
dekhe mai.n ne tiin sharaabii
surKH thii.n aa.nkhe.n ruuh gulaabii

Ali Sardar Jafri

Nazm

mushaheda

mire ik dost ne mujh se
kahaa ai 'shaahid'-e-anvar
tiraa chehra hazaaro.n me.n alag pahchaan rakhtaa hai
tirii aa.nkhe.n hayaa kii vo nishaanii hai.n
jinhe.n mai.n roz taktaa huu.n
tirii guftaar se ma.asuum kaliyaa.n muskuraatii hai.n
tire alfaaz me.n paiGaam hai zinda-dilii kaa
tire ash.aar mujh ko hausla din-raat dete hai.n
ye sab sunte hu.e hairat se
mai.n apne aap me.n KHaamosh baiThaa thaa
miraa chehra mirii aa.nkhe.n
mirii guftaar ke charche
mire alfaaz aur ash.aar
ko.ii bhii is qadar taariif ke laa.eq kabhii na thaa
magar ai dost
mohabbat ne tirii nazro.n ko vo taasiir baKHshii hai
ki mujh se aam insaa.n ne
tire dil me.n jagah paa lii

Shahid Anwar

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now