Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "pahelii"

Nazm MATCHES FOR "pahelii"

Nazm

urdu

urdu hai miraa naam mai.n 'KHusrav' kii pahelii
mai.n 'miir' kii hamraaz huu.n 'Gaalib' kii sahelii

Iqbal Ashhar
Nazm

tum

shaguftagii kaa lataafat kaa shaahkaar ho tum
faqat bahaar nahii.n haasil-e-bahaar ho tum
jo ek phuul me.n hai qaid vo gulistaa.n ho
jo ik kalii me.n hai pinhaa.n vo laala-zaar ho tum
halaavato.n kii tamannaa, malaahato.n kii muraad
Guruur kaliyo.n kaa phuulo.n kaa inkisaar ho tum
jise tara.ng me.n fitrat ne gungunaayaa hai
vo bhairvii.n ho, vo diipak ho vo malhaar ho tum
tumhaare jism me.n KHvaabiida hai.n hazaaro.n raag
nigaah chhe.Dtii hai jis ko vo sitaar ho tum
jise uThaa na sakii justujuu vo motii ho
jise na guu.ndh sakii aarzuu vo haar ho tum
jise na buujh sakaa ishq vo pahelii ho
jise samajh na sakaa pyaar bhii vo pyaar ho tum
KHudaa kare kisii daaman me.n jazb ho na sake.n
ye mere ashk-e-hasii.n jin se aashkaar ho tum

Kaifi Azmi
Nazm

ek thi aurat

ye jii chaahtaa hai ki tum ek nannhii sii la.Dkii ho aur ham tumhe.n god me.n le ke apnii biThaa le.n
yuu.nhii ciiKHo chillaa.o ha.ns do yuu.nhii haath uThaa.o havaa me.n hilaa.o hilaa kar giraa do
kabhii aise jaise ko.ii baat kahne lagii ho
kabhii aise jaise na bole.nge tum se
kabhii muskuraate hu.e shor karte hu.e phir gale se lipaT kar karo aisii baate.n
hame.n sarsaraatii havaa yaad aa.e
jo gunjaan pe.Do.n kii shaaKHo.n se Takraa.e dil ko anokhii pahelii bujhaa.e magar vo pahelii samajh me.n na aa.e

Meeraji
Nazm

walid

zindagii kis qadar akelii hai
ko.ii uljhii hu.ii pahelii hai

Noor N Sahir
Nazm

panwaDi

kaun is gutthii ko suljhaa.e duniyaa ek pahelii
do din ek phaTii chaadar me.n dukh kii aa.ndhii jhelii
do ka.Dvii saa.nse.n lii.n do chilmo.n kii raakh u.nDelii
aur phir is ke baa'd na puuchho khel jo honii khelii
panvaa.Dii kii arthii uTThii baabaa allaah belii

Majeed Amjad
Nazm

na-rasai

chappuu TuuTe naav puraanii duur hai khevan-haar
bairii hai.n naddii kii mauje.n aur piitam us paar
sun le sun ke dukh me.n pukaare ik paremii bechaaraa
kaise jaa.uu.n kaise pahu.nchuu.n kaise jataa.uu.n pyaar

Meeraji
Nazm

janaze mein to aaoge na mere

kabhii mai.n zindagii kii naaz-bardaarii na kar paayaa
hamesha biich me.n haa.il rahaa ik KHvaab
paagal KHvaab
sote jaagte jo dekhtaa huu.n mai.n
ki sar hii sar janaaze me.n hai.n mere
aur mai.n baano.n kii na.ii ik chaarpaa.ii par sukuu.n ke saath leTaa ha.ns rahaa huu.n
ik aisii bhii.D par
jo mujh ko kaa.ndhaa dene ke liye aapas me.n jhag.Daa kar rahii hai
mujhe ye zindagii pairo.n-tale jitnaa kuchaltii hai
mirii is KHvaab se vaabastagii ba.Dhtii hii jaatii hai
mire jaise kisii gumnaam se ik shaKHs kii aa.nkho.n ne
aisaa KHvaab kyuu.n dekhaa
kahaa.n dekhaa
ye KHud mere liye bhii ik pahelii hai
magar ha.nsiye nahii.n is KHvaab par mere
miraa ye KHvaab hii to vo ka.Dii hai
jo mujh ko zindagii se jo.Dtii hai
na jaane kab se vo fahrist mai.n tayyaar karne lagaa huu.n
likhe hai.n naam jis me.n aise logo.n ke
janaaze me.n jinhe.n honaa hii honaa chaahiye mere
so un logo.n se rishte bhii
bahut hamvaar honaa chaahiye mere
mai.n ye bhii jaantaa huu.n
mujhe jis shaan se marne kii KHvaahish hai
vo mehnat maa.ngtii hai
kisii had tak bhii jhuk kar dushmano.n se
sulh kar lene kii himmat maa.ngtii hai
mohabbat maa.ngtii hai
du.aa.e.n maa.ngtaa huu.n zindagii kii is liye mai.n
ki mujh ko vo tho.Daa vaqt mil jaa.e
na.e rishte banaane kaa
ta.alluq gahre karne kaa
vagarna kyuu.n bhalaa aa.egaa ko.ii
maut ke din ghar pe mere
sanak kah lo ki paagal-pan
idhar aa kar mirii ye dhun yahaa.n tak ba.Dh ga.ii hai
ki ab mai.n dosto.n se
KHushii kii mahfilo.n me.n bhii ye aksar puuchh letaa huu.n
janaaze me.n to aa.oge na mere?
yahaa.n chaaho to ha.ns sakte ho mujh par
magar laashe pe to aa.nsuu bahaa.oge na mere?
vo ha.ns dete hai.n merii baat par
aur mai.n kahii.n andar se jaise TuuT jaataa huu.n
magar jab bhii kabhii aisaa hu.aa hai
janaaze ne mujhe kaa.ndhaa diyaa hai
mujhe jab bhii lagaa aisaa ki mai.n ab thak rahaa huu.n
gir rahaa huu.n
mire is KHvaab ne
mire apne janaaze ne mujhe kaa.ndhaa diyaa hai

Shariq Kaifi
Nazm

hindi hindustani

jo pasand aa.ii chiiz le lii hai
chiistaa.n hai kahii.n pahelii hai

Chandar Bhan Kaifi Dehelvi
Nazm

suno saheli

suno sahelii kahuu.n pahelii
hai jo ko.ii buujhe
socho samjho aur phir puuchho
agar tumhe.n naa suujhe
soch samajh kar kahnaa sun.naa
apnaa ek usuul
phuulo.n me.n hai sab se pyaaraa
bhalaa kaun saa phuul
sosan Tesuu kamal motiyaa
raat kii raanii champaa
na na suuraj-mukhii chamelii
din kaa raaja ge.ndaa
in kaa kyaa hai murjhaa.e.n to
KHaak bane.n yaa dhuul
kap.Daa ban kar jo tan Dhaa.nke
vo kapaas kaa phuul
dekh bhaal kar jaa.nch parakh kar
kahnaa sachchii baat
dhaato.n me.n hai ba.De kaam kii
bhalaa kaun sii dhaat
jis se bantii thaal kaTorii
gaagar piital taa.nbaa
jhaanjhar jhuumar jhumkaa ban ke
jhumke chaa.ndii sonaa
engine motor aur mashiine.n
jis ne kii.n iijaad
dhaato.n me.n hai sab se a.alaa
lohaa aur faulaad
andar baahar ek rahe jo
kabhii na badle bhes
duniyaa bhar me.n sab se pyaaraa
bhalaa kaun saa des
pyaar mohabbat aman shaa.ntii
jis dhartii kii shaan
sab se pyaaraa sab se nyaaraa
apnaa hindostaan

Unknown
Nazm

ek flirt laDki

mujh se bhii vo miltii thii
us ke ho.nT gulaabii the
us kii aa.nkh me.n mastii thii
mai.n bhii bhuulaa-bhaTkaa saa
vo bhii bhuulii-bhaTkii thii
shahr kii har aabaad sa.Dak!
us ke ghar ko jaatii thii!
lekin vo kyaa kartii thii!
la.Dkii thii ki pahelii thii!
ulTe-siidhe rasto.n par
aa.nkhe.n Dhaa.np ke chaltii thii
bhiigii bhiigii raato.n me.n
tanhaa tanhaa rotii thii
maile maile kap.Do.n me.n
ujlii ujlii lagtii thii
us ke saare KHvaab na.e
aur ta.abiir puraanii thii

Ata ul Haq Qasmi
Nazm

achchhi nazm ki KHwahish

achchhii nazm kii KHvaahish bilkul baarish jaisii hotii hai
ghan ghan baadal garje barse dhuup bhale chamkiilii ho
achchhii nazm kii KHvaahish bilkul aa.nsuu jaisii hotii hai
garm garm aariz par bikhre chaahe shab barfiilii ho
achchhii nazm kii KHvaahish bilkul bachpan jaisii hotii hai
chhoTe chhoTe bartan ho.n gu.Diyaa ho aur sahelii ho
achchhii nazm kii KHvaahish bilkul uljhan jaisii hotii hai
jaise KHud me.n raaz chhupaa ho jaise ko.ii pahelii ho
achchhii nazm kii KHvaahish ek safar ke jaisii hotii hai
rail me.n merii maa.n ho aur dono.n kii aas bareilly ho
ko.ii nazm na kahnaa jab tak tum par ye sab naa utre
nazm kaa ko.ii apnaa rutba apnaa mansab naa utre

Asna Badr
Nazm

ek ThanDi os mein lipTi nazar ki raushni hai

ek ThanDii os me.n lipTii nazar kii raushnii hai
aur labo.n par guzre vaqto.n kii puraanii chaashnii hai
aur mai.n huu.n
falsafa rachne kii dhun me.n bistar par silvaTe.n hai.n
adh-khulii aa.nkho.n me.n KHvaabo.n kii dha.Daktii karvaTe.n hai.n
aur mai.n huu.n
KHushbu.o.n se tar havaa me.n ko.ii bojhal shaam Dhaltii
ra.ng saare ho ga.e bad-ra.ng phir bhii saa.ns chaltii
aur mai.n huu.n
tum nahii.n ho aur tumhaarii yaad ke saa.e bhii Gaa.eb
bhuulte jaate hai.n chaahat ke mohabbat ke sabhii Dhab
ek an-suljhii pahelii zindagii bhar kii tapasyaa
aur mai.n huu.n sirf mai.n huu.n

Moni Gopal Tapish
Nazm

siyani

vo la.Dkii har pahelii buujh letii hai
use har mu.amma hal karnaa aataa hai
har uljhan ko suljhaa letii hai
har mas.ale kaa hal talaash kar letii hai
har mushkil ko aasaan banaa detii hai
har pareshaanii duur kar detii hai
chaa.nd ke us paar kii KHabar le aatii hai
gahre samundar kii tah me.n jhaa.nk letii hai
hathelii par naqsh lakiire.n pa.Dh saktii hai
chehre par ubhrii hu.ii tahriire.n samajh jaatii hai
aa.nkho.n me.n chhupe hu.e dard jaan letii hai
tamaam savaalaat ke javaab use aate hai.n
bas mere ek savaal kaa javaab kabhii nahii.n detii
vo la.Dkii hai yaa ko.ii pahelii hai

Mubashshir Ali Zaidi
Nazm

main apne aap se kab tak tumhaara nam puchhunga

nashaat-a.ngez raato.n aur KHvaabo.n ke shafaq-aaluud chehre ko
jhulaste din kii KHiira-kun fazaa me.n
ek umr-e-raa.egaa.n ke aa.ine me.n mahv ho kar kab nahii.n dekhaa
baras guzre rute.n biitii vatan se be-vatan hone kii saarii bebasii jhelii
mai.n barfaanii ilaaqo.n marG-zaaro.n vaadiyo.n aur regzaaro.n se
nishaan-e-kaarvaa.n chuntaa sadaa-e-raftagaa.n suntaa hu.aa guzraa
kahaa.n mumkin thaa lekin mai.n ne jo dekhaa sunaa vo yaad rakkhaa ajab ye hai
nahii.n gar haafize me.n kuchh to vo ik naam hai teraa
KHabar kab thii ki bahtii umr kii sarkash ravaanii me.n
mujhe jo yaad rahnaa chaahiye thaa
mai.n vahii ik naam bhuuluu.ngaa
parindo.n aur pe.Do.n se jahaa.n bhii guftuguu hogii
tumhaaraa zikr aate hii dhundalke
zehn me.n ik mauja-e-taariik ban kar phailte jaa.e.nge
aur ye haafiza mafluuj aa.nkho.n se mujhe
ghuuregaa chillaa.egaa
KHauf-e-KHud-faraamoshii se tum Darte the lekin ab
ma.aal-e-KHud-faraamoshii se tum kaise nibhaa.oge
Gubaar andar Gubaar a.ng.Daa.iyaa.n lete hu.e
raste me.n jo kuchh kho chuke ho us ko kaise Dhuu.nD paa.oge
ye laazim to nahii.n hai, ek an-buujhii pahelii jab achaanak yaad aa jaa.e
use har haal me.n har baar buujhoge
tum apne aap se kab tak kisii kaa naam puuchhoge

Jameel ur Rahman
Nazm

kaun samjhega is paheli ko

munich me.n aaj christmas hai
saare manaazir ne safed chaadar o.Dh rakhii hai
kamre kii khi.Dkii se aatii udaasii chahaar-suu phailtii jaa rahii hai

Janan Malik
Nazm

paheli

halkaa-phulkaa saa badan
buuTaa saa qad
us pe Garaare kaa bojh

Ishrat Afreen
Nazm

bolti paheli

haraa samundar
gopii-chandar
duniyaa bhar Dibiya ke andar
chiin se baate.n
'madduu' se 'nasriin' se baate.n
gardan me.n
laTkii rahtii hai
kaano.n se lipTii rahtii hai
roaming achchhii
search bahut hai
lekin is me.n KHarch bahut hai

Muzaffar Hanfi
Nazm

pyari baji

kitnii achchhii pyaarii baajii
pyaarii pyaarii pyaarii baajii
achchhe achchhe giit sunaa.e
pyaare pyaare giit sunaa.e
ek thaa raaja ek thii raanii
roz kahe dilchasp kahaanii
buujhe hai dilchasp pahelii
achchhii dost hai pyaarii sahelii
kitne qisse yaad hai.n us ko
KHuub latiife yaad hai.n us ko
mujh ko KHuub ha.nsaa.e baajii
ro.uu.n to bahlaa.e baajii
kitnii achchhii pyaarii baajii
pyaarii pyaarii pyaarii baajii
gu.Diyaa kaa jab byaah rachaa.e
sab bachcho.n ko saath khilaa.e
baaG me.n jaa kar jhuulaa jhuule
mauj me.n aa kar Daalii chhuu lii
khele mil-jul aa.nkh-micholii
bole sab se pyaar kii bolii
khele par school se pahle
ruk jaa.e har bhuul se pahle
pa.Dhne me.n hoshiyaar hai baajii
khel me.n bhii tayyaar hai baajii
kitnii achchhii pyaarii baajii
pyaarii pyaarii pyaarii baajii
mukh.Daa us kaa bholaa-bhaalaa
daa.nt us ke motii kii maalaa
ha.ns de to phul-jha.Diyaa.n chhuuTe
baat kare.n khul jaa.e buuTe
pyaarii pyaarii baate.n us kii
rahbar saarii baate.n us kii
sab ko achchhii baat bataa.e
sab ko sachchii baat sikhaa.e
sachchii chaah jataa.e baajii
siidhii raah dikhaa.e baajii
kitnii achchhii pyaarii baajii
pyaarii pyaarii pyaarii baajii

Haidar Bayabani
Nazm

aao meri saheli

kis baat kaa hai Gussa
kuchh to bataa.o qissa
baiThii ho kyo.n akelii
aa.o mirii sahelii
bikhre ye baal kyo.n hai.n
aa.nkhe.n bhii laal kyo.n hai.n
kyo.n ho banii pahelii
aa.o mirii sahelii
toffee tumhe.n KHilaa.u.n
jhuulaa tumhe.n jhulaa.uu.n
chalnaa mirii havelii
aa.o mirii sahelii
ab ha.ns bhii do zaraa saa
laa.e hai.n mere pyaare
gu.Diyaa na.ii navelii
aa.o mirii sahelii

Rafi Ahmad
Nazm

saheli bujh paheli

parcham sar-e-maidaan-e-viGaa khol rahaa hai
mansuur ke parde me.n KHudaa bol rahaa hai
kyaa sail-e-baGaavat hai muriido.n kii safo.n me.n
piiraan-e-tahii-dast kaa dil Dol rahaa hai
ai vaa.e sabaa aqrab-e-jarraara chaman me.n
sarsar ke ishaaraat pe bis ghol rahaa hai
afrang ke deriina Gulaamo.n kii razaa par
KHud piir-e-haram band-e-qabaa khol rahaa hai
kuchh baat hii aisii hai ki paimaana-e-zar me.n
ik rind-e-tunuk-zarf lahuu tol rahaa hai
buz-Gaala-e-afrang shaGaalo.n ke jilau me.n
kis ThaaTh se zarGaam-sifat bol rahaa hai
taariiKH ke viiraana-e-aabaad me.n 'shorish'
kuchh qiimtii motii hai.n qalam rol rahaa hai

Shorish kashmiri
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now